Сетимед таблетки 5 мг

Үлбірлі қабықпен қапталған бір таблетканың құрамында: белсенді зат - левоцетиризин дигидрохлориді, 5,0 мг; қосымша заттар: лактоза моногидраты, микрокристалды целлюлоза, магний стеараты; қабығы: Опадрай ақ (Y-1-7000): (гипромеллоза, титанның қостотығы (Е 171), полиэтиленгликоль (ПЭГ400)). Сыртқы түрінің иісінің, дәмінің сипаттамасы Сопақша пішінді, екі беті дөңес, бір жағында «L9CZ» және екінші жағында «5» өрнегі бар, ақ немесе ақ түсті дерлік үлбірлі қабықпен қапталған таблеткалар.

Сетимед препараты ересектерде, 6 жастан асқан балаларда және жасөспірімдерде: - мұрынның шырышты қабығының аллергиялық қабынуын (ринит), оның ішінде тұрақты аллергиялық ринитті симптоматикалық емдеу - созылмалы идиопатиялық есекжемді емдеу (терідегі қатты қышитын, тез өршитін, бозғылт-қызғылт күлдіреуіктер) үшін қолданылады.

Әсер ету механизмі Левоцетиризин, цетиризин R-энантиомері - шеткері H1-рецепторлардың күшті және селективті антагонисі болып табылады. Зерттеулер левоцетиризин адамның H1-рецепторларына ұқсастығы жоғары екенін көрсетті (Ki=3,2 нмоль/л). Левоцетиризинге ұқсастығы цетиризинге қарағанда 2 есе жоғары (Ki = 6,3 нмоль/л). Левоцетиризин H 1 –рецепторлармен 115 ± 38 мин жартылай ыдырау кезеңімен байланысады. Бір рет қолданғаннан 4 сағаттан соң левоцетиризин рецепторлардың 90% және 24 сағаттан кейін 57%-ға бөгелуін көрсетті. Дені сау еріктілердегі фармакодинамикалық зерттеулер дозаның жартысын қолданған кезде левоцетиризиннің теріге де, мұрынға да цетиризинмен салыстырмалы белсенділікке ие екенін көрсетті. Фармакодинамикалық әсерлер Левоцетиризиннің фармакодинамикалық белсенділігі рандомизацияланған бақыланатын зерттеулерде, атап айтқанда 5 мг левоцетиризин, 5 мг дезлоратадин және плацебо гистамин туғызған бөртпелер (күлбіреуіктер) мен қызарулар әсерлерінің салыстырылмалы зерттеуінде зерттелді. Левоцетиризинмен емдеу алғашқы 12 сағатта ең айқын көрінген және 24 сағат бойы жалғасқан плацебомен (р <0,001)дезлоратадинмен салыстырғанда бөртпе (күлбіреуіктер) мен қызару түзілуінің едәуір төмендеуіне әкелді. Тозаңнан туындаған симптомдарды бақылай отырып, аллергендерді қолдануға арналған камера моделіне плацебо-бақыланатын зерттеулерде препаратты қабылдағаннан кейін 1 сағаттан соң 5 мг левоцетиризин дозасы әсерінің басталуы байқалды. In vitro зерттеуі (Бойден камерасы және жасушалық қабаттар әдісі) левоцетиризиннің теріге жасушалары арқылы да, өкпе жасушалары арқылы да эозинофилдердің эотаксин-индукцияланған трансэндотелийлік миграциясын тежейтінін көрсетті. In vivo фармакодинамикалық эксперименттік зерттеуі (тері камерасының техникасы) плацебомен салыстырғанда 14 ересек пациентте тозаңмен индукцияланған реакциядан кейін алғашқы 6 сағат ішінде 5 мг левоцетиризиннің негізгі үш тежегіш әсерін көрсетті: VCAM-1 босап шығуын тежеу, тамырлардың өткізгіштігінің модуляциясы және эозинофилдердің төмендеуі. Клиникалық тиімділігі мен қауіпсіздігі Левоцетиризин тиімділігі мен қауіпсіздігі маусымдық аллергиялық риниті, көпжылдық (жыл бойы) аллергиялық риниті және персистирленетін аллергиялық риниті бар ересек пациенттерде жүргізілген бірнеше салыстырмалы жасырын плацебо-бақыланатын клиникалық зерттеулерде көрсетілді. Кейбір зерттеулерде левоцетиризин мұрынның бітелуін қоса, аллергиялық ринит симптомдарын айтарлықтай жақсартатыны көрсетілді. Персистирленетін аллергиялық риниті бар (симптомдары қатарынан кемінде 4 апта бойы аптасына 4 күн белгіленеді) және үй шаңы мен шөптердің шаңы кенелеріне сенсибилизацияланған 551 ересек пациенттің (левоцетиризин қабылдаған 276 пациентті қоса) қатысуымен жүргізілген алты айлық клиникалық зерттеу қандай да бір тахифилаксиясыз зерттеу бойы аллергиялық ринит симптомы бойынша балды жалпы төмендету аясында 5 мг левоцетиризин плацебоға қарағанда клиникалық және статистикалық айтарлықтай тиімді болғанын көрсетті. Зерттеудің бүкіл кезеңінде левоцетиризин пациенттердің өмір сүру сапасын айтарлықтай жақсартты. Созылмалы идиопатиялық есекжемі бар 166 пациентті қамтитын плацебо-бақыланатын клиникалық зерттеуде алты апта ішінде 85 пациент плацебо және 81 пациент күніне бір рет 5 мг левоцетиризин қабылдады. Левоцетиризинмен емдеу бірінші аптада және барлық емдеу кезеңі ішінде плацебомен салыстырғанда қышыну көрінісінің елеулі төмендеуіне әкелді. Өмір сапасының дерматологиялық индексін бағалау бойынша левоцетиризин плацебомен салыстырғанда денсаулық бойынша өмір сапасының едәуір жақсарғанын көрсетті. Созылмалы идиопатиялық есекжем уртикариялық бөртпе үлгісінде зерттелді. Есекжем аурулары кезінде - себепші фактор гистаминді босату болғандықтан, левоцетиризин созылмалы идиопатиялық есекжемдердің симптомдарын жеңілдету үшін ғана емес, оның басқа да түрлерін жеңілдету үшін тиімді болады деп күтілуде. Левоцетиризин ЭКГ-де QT аралығына тиісті әсерін көрсетпеді. Балалар Балаларға арналған левоцетиризин таблеткаларының қауіпсіздігі мен тиімділігі маусымдық және көпжылдық аллергиялық риниті бар 6-дан 12 жасқа дейінгі пациенттерді қамтитын екі плацебо бақыланатын клиникалық зерттеулерде зерттелді. Екі зерттеуде де левоцетиризин денсаулыққа байланысты симптомдар мен өмір сапасын айтарлықтай жақсартты. 6 жасқа дейінгі балаларда клиникалық қауіпсіздік бірнеше қысқа мерзімдік және ұзақ мерзімдік клиникалық зерттеулерде анықталды: - 2 жастан 6 жасқа дейінгі аллергиялық риниті бар 29 бала 4 апта ішінде күніне екі рет 1,25 мг-ден левоцетиризин қабылдаған бір клиникалық зерттеу; - 1 жастан 5 жасқа дейінгі аллергиялық риниті немесе созылмалы идиопатиялық есекжемі бар 114 бала 2 апта ішінде күніне екі рет 1,25 мг левоцетиризин қабылдаған бір клиникалық зерттеу; - 6 айдан 11 айға дейінгі жастағы аллергиялық риниті және созылмалы идиопатиялық есекжемі бар 45 бала 2 апта ішінде күніне бір рет 1,25 мг левоцетиризин қабылдаған бір клиникалық зерттеу; - 12-ден 24 айға дейінгі жастағы атопиясы бар левоцетиризин қабылдаған 255 пациенттің қатысуымен жүргізілген бір ұзақ клиникалық зерттеу (18 ай). Қауіпсіздік бейіні 1-ден 5 жасқа дейінгі балалардың қатысуымен жүргізілген қысқа мерзімді зерттеулерде байқалғанға ұқсас болды.

Дозалау режимі Ересектер, жасөспірімдер және 6 жастан асқан балалар үшін әдеттегі ұсынылатын тәуліктік доза 5 мг құрайды (қабықпен қапталған 1 таблетка). 2 жастан 6 жасқа дейінгі балалар үшін қабықпен қапталған таблетканың дозаларын түзету мүмкін болмауына байланысты, левоцетиризиннің арнайы педиатриялық дәрілік түрлерін қолдану ұсынылады. Таблетканы бір уақытта қабылдауға тырысыңыз. Егер Сетимед препараты жеткілікті әсер етпейді немесе шамадан тыс әсер етеді деген болжам болса, емдеуші дәрігерге хабарласыңыз. Егде жастағы пациенттер Бүйрек жеткіліксіздігі бар егде пациенттерде орташа айқыннан ауырға дейін дозаны түзету ұсынылады (төмендегі кестені қараңыз). Бауыр жеткіліксіздігі бар пациенттер Тек бауыр жеткіліксіздігі бар пациенттерде дозаны түзету қажет емес. Егер бауыр мен бүйректің ауыр ауруы болса, қолдануды бастамас бұрын емдеуші дәрігерге хабарласу керек, себебі препараттың дозасын түзету қажет болуы мүмкін (төмендегі кестені қараңыз). Бүйрек жеткіліксіздігі бар пациенттер Бүйрек функциясына қарай дозаларды қабылдау арасындағы аралықтар жеке берілуі тиіс (ШСЕЖ-шумақтық сүзілудің есептік жылдамдығы). Дозаны түзету үшін келесі кестені қараңыз және дозаны төменде көрсетілгендей етіп түзетіңіз. Бүйрек функциясы бұзылған пациенттер үшін дозаны түзету: Тобы — ШСЕЖ (мл/мин) (шумақтық сүзілудің есептік жылдамдығы) — Дозасы және қабылдау жиілігі Бүйректің қалыпты функциясы — ≥ 90 — Күніне бір рет 1 таблетка Бүйрек функциясының жеңіл дәрежеде бұзылуы — 60 – < 90 — Күніне бір рет 1 таблетка Бүйрек функциясының орташа дәрежеде бұзылуы — 30 – < 60 — 2 күн сайын бір рет 1 таблетка Бүйрек функциясының ауыр дәрежеде бұзылуы — 15 – < 30 (диализ жүргізуді қажет етпейді) — 3 күн сайын бір рет 1 таблетка Бүйректің созылмалы жетіспеушілігнің терминальді сатысы — <15(диализ жүргізуді қажет етеді) — Қолдануға болмайды Балалар Бүйрек жеткіліксіздігі бар балаларда доза жеке түзетілуі тиіс (пациенттің бүйрек клиренсін, жасын және дене салмағын ескере отырып). Бүйрек аурулары (бүйрек жеткіліксіздігі) бар балаларда левоцетиризин қолдану бойынша деректер жоқ. Енгізу әдісі мен жолы Таблеткаларды тұтастай жұту және сұйықтықпен ішу арқылы ішке қабылдау керек. Қабылдау уақыты көрсетілген қолдану жиілігі Тамақтану Сетимед препаратының тиімділігіне ерекше әсер етпейді. Тәуліктік дозаны бір рет қабылдау ұсынылады Емдеу ұзақтығы Қолдану ұзақтығын емдеуші дәрігер ауру көріністерін ескере отырып анықтайды, өйткені, симптомдар басылғаннн кейін, емдеу тоқтатылуы және олар пайда болғанда қайта басталуы мүмкін немесе аллергендердің әсер ету кезеңінде жүргізілуі мүмкін. Аурудың симптомдарына және оның анамнезіне қарай мұрынның шырышты қабығының мерзімдік аллергиялық қабынуын (аптасына төрт күннен аз немесе жылына төрт аптадан аз байқалатын симптомдар) емдеу қажет; емдеу симптомдар басылғаннан кейін тоқтатылуы және олар пайда болғаннан кейін қайта басталуы мүмкін. Тұрақты аллергиялық ринит жағдайында (симптомдары аптасына төрт күннен артық немесе жылына төрт аптадан астам уақытта байқалатын), аллергендердің әсер ету кезеңінде пациентке үздіксіз емдеу ұсынылуы мүмкін. Емдеу ұзақтығы кемінде 6 ай болған левоцетиризин қолданудың клиникалық тәжірибесі бар. Созылмалы есекжем және мұрынның шырышты қабығының созылмалы аллергиялық қабынуы кезінде цетиризинді (рацемат) бір жылға дейін қолданудың клиникалық тәжірибесі бар. Дәрілік препараттың қолдану тәсілін түсіндіру үшін медициналық қызметкерге кеңес алуға жүгіну жөніндегі нұсқаулар Препаратты қолдануға қатысты сұрақтар болған кезде емдеуші дәрігерге хабарласыңыз.

- левоцетиризин дигидрохлоридіне, цетиризинге, гидроксизинге, пиперазиннің кез келген басқа туындыларына немесе қосымша заттардың кез келгеніне аса жоғары сезімталдық - диализ жүргізуді талап ететін бүйректің ауыр ауруы (бүйректің терминалды созылмалы жеткіліксіздігі – шумақтық сүзілудің есептік жылдамдығы (ШСЕЖ) 15 мл/мин төмен) - бала емізу кезеңі - тұқым қуалайтын галактоза жақпаушылығы, Lapp-лактаза ферментінің жеткіліксіздігі және/немесе глюкоза-галактоза сіңуінің төмендеуі - 6 жасқа дейінгі балалар (балалардың осы тобына арналған дәрілік препараттардың арнайы сұйық түрлері қолданылады).

Клиникалық сынақтар деректері Ересектер мен 12 жастан асқан жасөспірімдер 12-ден 71 жасқа дейінгі әйелдер мен ерлердің қатысуымен жүргізілген клиникалық зерттеулерде 5 мг левоцетиризин тобындағы 15,1% пациенттерде плацебо тобындағы 11,3% салыстырғанда кем дегенде бір жағымсыз жанама реакция байқалды. Осы жағымсыз реакциялардың 91,6% жеңіл немесе орташа айқындықтағы ауырлық дәрежеде болды. Клиникалық зерттеулерде 5 мг левоцетиризин үшін жағымсыз құбылыстарға байланысты препаратты тоқтату жиілігі 1,0% (9/935) және плацебо үшін-1,8% (14/771) құрады. Левоцетиризинмен жүгізілген клиникалық зерттеулерге күніне ұсынылатын 5 мг дозада дәрілік препаратты қабылдаған 935 пациент қатысты. 5 мг левоцетиризин немесе плацебо қолданған кезде, қатысушылардың осы санында 1% және одан көп жиілікпен жағымсыз жанама реакциялар жағдайлары байқалды (жиі: ≥1 / 100 –ден <1/10 дейін). Жиі (1-10%) Жағымсыз реакциялар — Плацебо (n=771) — 5 мг левоцетиризин (n=935) Бас ауыруы — 25 (3,2 %) — 24 (2,6 %) Ұйқышылдық — 11(1,4 %) — 49 (5,2 %) Ауыздың құрғауы — 12 (1,6 %) — 24 (2,6 %) Шаршау — 9 (1,2 %) — 23 (2,5 %) Кейіннен әлсіздік немесе іштің ауруы сияқты жағымсыз реакциялардың сирек жағдайлары сирек (≥1 / 1000 <1/100 дейін) байқалды. 5 мг левоцетиризин қолдану кезінде, ұйқышылдық, шаршау және әлсіздік сияқты седативті жағымсыз реакциялардың жиілігі (дәрілік препараттардан туындаған ашушаңдықтың немесе толқудың төмендеуі және ұйқышылдық әсері) плацебо (3,1%) қолданғандағыға қарағанда жалпы жиірек (8,1%) болды. Балалар 6 айдан 11 айға дейінгі және 1 жастан 6 жасқа дейінгі балалардың қатысуымен екі плацебо-бақыланатын зерттеулерде 159 пациент 2 апта бойы күнделікті 1,25 мг дозада және сәйкесінше күніне екі рет 1,25 мг левоцетиризин қабылдады. Левоцетиризин немесе плацебо үшін жағымсыз реакциялардың жиілігі 1% және одан да көп болды. Жүйелік-ағзалық жіктелуі — Плацебо (n=83) — Левоцетиризин (n=159) Асқазан-ішек жолы тарапынан бұзылулар Іш өту — 0 — 3 (1,9%) Құсу — 1 (1,2%) — 1 (0,6%) Іш қату — 0 — 2 (1,3%) Жүйке жүйесі тарапынан бұзылулар Ұйқышылдық — 2 (2,4%) — 3 (1,9%) Психикалық бұзылыстар Ұйқының бұзылуы — 0 — 2 (1,3%) 6-12 жастағы балалардың қатысуымен 243 бала әр түрлі қолдану ұзақтығымен, бір аптадан 13 аптаға дейін күнделікті 5 мг левоцетиризин қабылдаған салыстырмалы жасырын плацебо-бақыланатын зерттеулер жүргізілді. Левоцетиризин немесе плацебо үшін дәрілік заттарға жағымсыз реакциялардың жиілігі 1% шегінде немесе одан көп байқалды. Жағымсыз реакциялар — Плацебо (n=240) — 5 мг левоцетиризин (n=243) Бас ауыруы — 5 (2,1 %) — 2 (0,8 %) Ұйқышылдық — 1(0,4 %) — 7 (2,9 %) Кейбір жағымсыз әсерлер өте ауыр болуы және дереу медициналық араласуды қажет етуі болуы мүмкін Егер келесі симптомдардың бірі байқалса, дереу дәрігерге қаралу керек: терінің және шырышты қабықтардың тез ісінуі (ангионевроздық ісіну) немесе препаратқа ауыр, өмірге қауіп төндіретін аллергиялық реакция (анафилаксия), сондай-ақ озбырлық, қозу, елестеу, басыңқы көңіл-күй (депрессия), ұйқысыздық, суицидтік ойлар, түнгі қорқынышты түстер, құрысулар. Бұндай жағымсыз әсерлер сирек кездеседі, бірақ өте ауыр болады. Олар дамыған жағдайда препаратты қабылдауды тоқтатып, дереу дәрігерге хабарласу керек. Емдемеген жағдайда бұл құбылыстар өлімге әкелуі мүмкін. Барлық дәрілік препараттар сияқты, препарат жағымсыз реакцияларды тудыруы мүмкін, бірақ олар бәрінде бола бермейді. Жүйелік-ағзалық жіктемеге және пайда болу жиілігіне сәйкес жағымсыз реакциялар жиілігінің сандық критерийлері мен жағымсыз реакциялардың жіктемесі (жағымсыз құбылыстардың жиілігін айқындау мынадай критерийлерге сәйкес жүргізіледі): өте жиі (≥ 1/10), жиі (≥ 1/100-ден <1/10-ға дейін), жиі емес (≥ 1/1000-нан < 1/100-ге дейін), сирек (≥ 1/10000-нан < 1/1000-ға дейін), өте сирек (< 1/10000), белгісіз (қолда бар деректер бойынша бағалау мүмкін емес). Иммундық жүйе тарапынан бұзылулар: Белгісіз: аллергиялық реакциялар (жоғары сезімталдық), соның ішінде өмірге қауіп төндіретін ауыр аллергиялық реакция (анафилаксия) Зат алмасу және тамақтану тарапынан бұзылулар: Белгісіз: тәбеттің жоғарылауы Психикалық бұзылыстар: Белгісіз: озбырлық, қозу, елестеу, басыңқы көңіл-күй (депрессия), ұйқысыздық, суицидтік ойлар, түнгі қорқынышты түстер Жүйке жүйесі тарапынан бұзылулар:: Белгісіз: құрысулар, жану сезімі бар сезімталдықтың бұзылуы, шаншу, тұла бойдың шымырлауы сезу, бас айналу, естен тану, бұлшықет жиырылуынан туындаған дене бөліктерінің немесе бүкіл дененің еріксіз, ырғақты қозғалысы, дәм сезудің бұзылуы Есту мүшесі мен құлақ иірі тарапынан бұзылулар: Белгісіз: бас айналу (вертиго) Көру мүшесі тарапынан бұзылулар Белгісіз: көру қабілетінің бұзылуы, бұлыңғыр көру, бақыланбайтын көздің айналуы (окулогирация) Жүрек жүйесі тарапынан бұзылулар: Белгісіз: жүректің қағуы, жүрек қағуының жиілеуі (тахикардия) Тыныс алу жүйесі, кеуде қуысы және көкірек ортасы ағзалары тарапынан бұзылулар Белгісіз: ентігу Асқазан-ішек жолы тарапынан бұзылулар: Белгісіз: жүрек айнуы, құсу, сұйық нәжіс Гепатобилиарлы жүйе тарапынан бұзылулар: (бұл жүйенің ағзаларына мыналар жатады: бауыр, өт қалтасы, бауырішілік және бауырдан тыс өт жолдары): Белгісіз: бауырдың қабынуы (гепатит) Бүйрек және несеп шығару жолы тарапынан бұзылулар: Белгісіз: ауырсындыратын, қиындаған, жиілеген несеп шығару (дизурия), несептің іркілуі Тері мен тері асты тіндері тарапынан бұзылулар: Белгісіз: терінің және шырышты қабықтың тез ісінуі (ангионевроздық ісіну), тұрақты дәрілік бөртпе, қышу, бөртпе, тез өршитін, қатты қышитын, бозғылт-қызғылт күлбіреуіктер (есекжем) Тірек-қимыл аппараты мен дәнекер тін тарапынан бұзылулар: Белгісіз: бұлшықеттің ауыруы, буынның ауыруы Енгізу орнындағы жалпы бұзылыстар мен бұзылулар: Белгісіз: ісіну Зерттеу: Белгісіз: салмақтың жоғарылауы, бауырдың функционалдық сынамаларының бұзылуы. Жекелеген жағымсыз әсерлер сипаттамасы Сетимед препаратын қабылдауды тоқтатқаннан кейін қышыну байқалған. Жағымсыз дәрілік реакциялар туындаған кезде медициналық қызметкерге, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) жөніндегі ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: ұйқышылдық (ересектерде). Балаларда бастапқыда ұйқышылдыққа ауысатын қозу, мазасыздық пайда болуы мүмкін. Емі: спецификалық антидот жоқ. Артық дозалану жағдайында симптоматикалық немесе демеуші ем ұсынылады. Препаратты қабылдағаннан кейін көп ұзамай асқазанды жуып-шаюға болады. Гемодиализ тиімді емес.

Бүйректің созылмалы жеткіліксіздігі бар пациенттерде және бүйрек жеткіліксіздігі орташа айқыннан ауырға дейінгі егде жастағы пациенттерде дозаны түзету ұсынылады. Несептің іркілу факторлары бар пациенттерде левоцетиризин несептің іркілу қаупін тудыруы мүмкін. Құрысуларға бейім немесе эпилепсиямен ауыратын адамдар препаратты өте сақ қабылдауы керек, өйткені левоцетиризин құрысулардың даму қаупін арттырады Левоцетиризин емшек сүтімен бөлінетіндіктен, оны бала емізу кезеңінде қабылдауға болмайды Галактоза жақпаушылығы, Лаппа лактаза тапшылығы немесе глюкоза-галактоза мальабсорбциясы бар пациенттер бұл препаратты қабылдамауы тиіс. Арнайы ескертулер Бүйректің созылмалы жеткіліксіздігі бар және бүйректің орташа және ауыр жеткіліксіздігі бар егде жастағы пациенттер Дозалау режимін түзету қажет (Қолдану тәсілі және дозалар, «Бүйрек жеткіліксіздігі бар ересек пациенттер» бөлімін қараңыз). Несеп іркілу факторлары бар пациенттер препаратты аса сақтықпен қабылдауы керек (мысалы, жұлын хордасының зақымдануы, қуық асты безінің гиперплазиясы), өйткені левоцетиризин несептің іркілу қаупін арттыруы мүмкін. Құрысуларға бейімділігі бар немесе эпилепсиямен ауыратын адамдарға препаратты аса сақтықпен қабылдау керек, өйткені левоцетиризин құрысулардың даму қаупін арттырады.

Жануарларға жүргізілген эксперименттік зерттеулер препараттың жүктілікке, шарананың/ұрықтың дамуына немесе босанғаннан кейінгі дамуға тікелей немесе жанама жағымсыз әсерін анықтаған жоқ. Жүкті әйелдерде левоцетиризин қолданудың шектеулі клиникалық деректері (жүктіліктің 300-ден аз нәтижесі) левоцетиризинді қабылдаумен байланысты туа біткен ақауларды немесе шаранаға/жаңа туған нәрестеге нақты уытты әсерді біржақты көрсетпеді. Жүктілік кезінде препаратты сақтықпен қабылдау керек. Лактация кезеңі Левоцетиризин емшек сүтімен бөлінетіндіктен, оны бала емізу кезеңінде қабылдауға болмайды. Дәрілік заттың көлік құралын немесе ықтимал қауіпті механизмдерді басқару қабілетіне әсер ету ерекшеліктері Левоцитеризин ұйқышылдықты жоғарылатуы мүмкін. Сондықтан Сетимед көлік құралын немесе ықтимал қауіпті механизмдерді басқару қабілетіне әсер етеді. Қосымша заттар Сирек тұқым қуалайтын галактоза жақпаушылығы, Лаппа лактаза тапшылығы немесе глюкоза-галактоза мальабсорбциясы бар пациенттер бұл препаратты қабылдамауы керек. Левоцетиризин қабылдауды тоқтатқаннан кейін бұрын байқалмаған қышу пайда болуы мүмкін (препаратты қабылдауды бастағанға дейін). Симптомдар өздігінен басылуы мүмкін. Ол пайда болған кезде сізге емдеуші дәрігерге қаралу керек. Кейбір жағдайларда симптомдар қарқынды болуы мүмкін және емдеуді қайта бастауды қажет етуі мүмкін. Симптомдар емдеуді қайта бастағаннан кейін басылуы тиіс. Педиатрияда қолдану Левоцетиризин – үлбірлі қабықпен қапталған таблеткалар дәрілік түрін 6 жасқа дейінгі балаларда қолдану ұсынылмайды, өйткені бұл жағдайда препараттың жасқа байланысты дозасын таңдау мүмкін емес. Осы жас тобы үшін левоцетиризиннің басқа да педиатриялық дәрілік түрлері қолданылады.

CYP3A4 индукторларымен зерттеулерді қоса, левоцетиризинмен өзара әрекеттесу бойынша арнайы зерттеулер жүргізілмеген. Сетимед препараты антипирин, азитромицин, циметидин, диазепам, эритромицин, глипизид, кетоконазол және псевдоэфедрин сияқты препараттардың әсеріне клиникалық маңызды жағымсыз ықпалды көрсеткен жоқ. Күніне бір рет теофиллиннің 400 мг дозасын бірнеше рет қабылдаумен жүргізілген зерттеуде цетиризин клиренсінің (16%) шамалы азайғаны байқалған, бұл ретте теофиллин деңгейі цетиризинмен бір мезгілде қолданғанда өзгермеген. Ритонавир (күніне екі рет 600 мг-ден) және цетиризин (күніне 10 мг-ден) дозасын бірнеше рет қолдана отырып жүргізілген зерттеуде цетиризиннің әсері шамамен 40% - ға артты, бұл ретте цетиризинді қатар қолдану салдарынан ритонавирдің әсері елеусіз (-11%) өзгерген. Сетимед препаратын тамақпен бірге қабылдаған кезде сіңу жылдамдығы төмендегенімен, оның сіңу деңгейі азаймайды. Кейбір жағдайларда, Сетимед препаратын алкогольмен немесе жүйке жүйесін бәсеңдететін басқа да препараттармен бір мезгілде қабылдау зейін қоюдың анағұрлым айқын төмендеуіне және жұмысқа қабілеттіліктің нашарлауына әкелуі мүмкін.

Сақтау мерзімі Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары 25 °С-ден аспайтын температурада сақтау керек. Балалардың қолы жетпейтін жерде сақтау керек!