Силарсил капсулы 140 мг

Бір капсуланың құрамында белсенді зат – 140.00 мг силимарин (теңбіл алатікен жемістерінің құрғақ экстрактісі (Silybum marianum (L.) Gaertn) 140 мг силимаринге баламалы), қосымша заттар: лактоза моногидраты, магний стеараты, қабық: темірдің сары тотығы (E172), понсо 4R (E124), көк патенттелген V (E131), титанның қостотығы (E171), желатин. Сыртқы түрінің, иісінің, дәмінің сипаттамасы Мөлдір емес корпусы көгілдір түсті және мөлдір емес қақпақшасы қызыл түсті, ішінде ашық қоңыр-сары түсті ұнтағы бар, № 1 өлшемді қатты желатинді капсулалар.

Силарсил препараты емдеу үшін 18 жастан асқан ересек пациенттерде қолдануға арналған: – созылмалы қабыну аурулары, бауырдың уытты зақымданулары және бауыр циррозы (демеуші ем ретінде). Силарсил препараты жедел улануды емдеуге жарамайды.

Әсер ету механизмі және фармакодинамикалық әсерлер Силимариннің антиуытты әсері бауырдың зақымдануының көптеген үлгілерін (мысалы, Amanita phalloidesами уларымен және тетрахлорметанмен) пайдалана отырып, жануарларға жүргізілген эксперименттерде көрсетілді. Силимариннің емдік әсері бірнеше әсер ету механизмдері арқылы жүзеге асырылады. Ол гепатоциттердің цитоплазмалық жарғақшасының құрылымын өзгертеді, сондықтан уытты агенттер жасушаға ене алмайды, А ядролық полимеразаны стимуляциялайды, нәтижесінде рибосомалардағы ақуыз синтезі артады және осылайша бауыр жасушаларының регенерациясын қамтамасыз етеді, сонымен қатар липидтердің асқын тотығуын және бос радикалдардың түзілуін тежейді. Жоғарыда аталған әсерлер жасушалық деңгейде клиникалық түрде бауыр ферменттерінің, ақуыздардың және қан ұю факторларының плазмалық деңгейінің қалыпқа келуімен көрінеді. Клиникалық тиімділігі және қауіпсіздігі Деректер жоқ.

Дозалау режимі 18 жастан асқан ересектерге ұсынылатын доза тәулігіне 3 рет 1 капсула Силарсил 140 мг құрайды. 18 жасқа дейінгі балалар мен жасөспірімдерде Силарсилді қолдану тәжірибесі жоқ, сондықтан препаратты балалар мен жасөспірімдерді емдеу үшін пайдалану ұсынылмайды. Енгізу әдісі мен жолы Капсулаларды тамақтануға қарамастан тұтастай жұтып, шайнамай, жеткілікті мөлшерде сұйықтықпен ішеді. Емдеу ұзақтығы Силарсил препаратымен емдеу ұзақтығын Сіздің емдеуші дәрігеріңіз анықтайды. Дәрілік препараттың бір немесе бірнеше дозасын өткізіп алған кезде қажетті шаралар Өткізіп алған дозаның орнын толтыру үшін қос дозаны қабылдамаңыз – препаратты қалыпты дозалау режимінде қабылдауды жалғастырыңыз. Дәрілік препаратты қабылдаудан бұрын дәрігер немесе фармацевт кеңесіне жүгініңіз. Дәрілік препараттың қолдану тәсілін түсіндіру үшін медициналық қызметкерге кеңес алуға жүгіну жөніндегі ұсынымдар Дәрілік препаратты қабылдаудан бұрын дәрігер немесе фармацевт кеңесіне жүгініңіз.

• егер Сізде силимаринге, Asteraceae тұқымдасының өсімдіктерінен алынған басқа туындыларға немесе препараттың кез келген басқа компоненттеріне (қосымша парақтың 6-бөлімінде көрсетілген) аллергия болса; • егер Сізде галактоза жақпаушылығы, лактаза жеткіліксіздігі немесе глюкоза-галактоза мальабсорбциясы болса; • 18 жасқа дейінгі балалар мен жасөспірімдер.

Дәрілік заттың жағымсыз реакциясының даму жиілігін бағалау критерийлері: өте жиі (≥ 1/10), жиі (≥ 1/100, <1/10), жиі емес (≥ 1/1000, <1/100), сирек (≥ 1/10 000, <1/1000), өте сирек (<1/10 000). Сирек -сұйық нәжіс немесе диарея сияқты асқазан-ішек бұзылыстары. Өте сирек - бөртпемен және ентігумен көрінетін аса жоғары сезімталдық реакциялары. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Силимариннің артық дозалану жағдайлары бұрын байқалмаған. Артық дозаланғанда сипатталған жағымсыз әсерлер ауырлық дәрежесінде көрінуі мүмкін.

Силарсил препараты бауырдың ауыр ауруларын емдеу үшін қолданылмайды. Силарсил препаратымен ем бауырды зақымдайтын уытты агенттердің (мысалы, алкоголь) әсері жойылған жағдайда ғана тиімді болып табылады. Силарсилмен емдеу кезінде сарғаю белгілері пайда болса (терінің ашық сарыдан қоңыр-сары түскен дейін реңкі, көздің ағының сарғаюы пайда болса), пациенттер дәрігерге қаралуы керек. Арнайы ескертулер Силарсилдің құрамында лактоза бар. Егер емдеуші дәрігер Сізде кейбір қанттардың жақпаушылығы бар екенін айтса, осы препаратты қолданар алдында емдеуші дәрігерге хабарласыңыз. Силарсил құрамында аллергиялық реакциялар тудыруы мүмкін понсо бояуы 4R бар. Педиатрияда қолданылуы Силарсилді 18 жасқа дейінгі балалар мен жасөспірімдерде қолданудың қауіпсіздігі мен тиімділігі тиісті клиникалық зерттеулерде анықталмаған, сондықтан препаратты осы жас тобында қолдану ұсынылмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Силарсил препараты автокөлік жүргізу және механизмдерді басқару қабілетіне әсер етпейді немесе елеусіз әсер етеді.

Жүктілік кезінде әйелдерде препаратты қолдану туралы деректер жоқ. Жануарларға жүргізілген зерттеулерде силимариннің буаздыққа, эмбрионның/ұрықтың дамуына, тууға немесе постнатальді дамуға тікелей немесе байланысты жағымсыз әсері табылған жоқ. Силарсил препаратын жүктілік кезінде қолдану ұсынылмайды.

Емдеуші дәрігерге немесе дәріхана қызметкеріне Сіз қабылдаған, жақында қабылдаған немесе қандай да бір басқа препараттарды, рецептісіздерді қоса, қабылдауды бастай алатыныңыз туралы хабарлаңыз. Өзара әрекеттесу бойынша зерттеулер жүргізілген жоқ. Силарсил препаратын қабылдаған кезде бауыр функциясының жақсаруы бір мезгілде қабылданатын басқа препараттардың метаболизмін өзгертуі мүмкін, сондықтан дәрігеріңіз препараттың дозасын өзгерте алады. Силарсил препаратын амиодаронмен (жүрек аритмиясын емдеуге арналған препарат) бір мезгілде қабылдаған кезде амиодаронның аритмияға қарсы әсерінің жоғарылауын жоққа шығаруға болмайды.

Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары Ылғалдан және жарықтан қорғалған жерде, 25°С-ден аспайтын температурада сақтау керек. Балалардың қолы жетпейтін жерде сақтау керек!