Силденафил-Тева таблетки 50 мг

Бір таблетканың құрамында: белсенді зат - 70.24 мг 140.48 мг силденафил цитраты, 50 мг 100 мг силденафилге баламалы, қосымша заттар: лактоза моногидраты, микрокристалды целлюлоза, повидон К29-К32, натрий кроскармеллозасы, магний стеараты, қабықтың құрамы: Опадрай 03F20404 Көк (гипромеллоза 6сР, титанның қостотығы Е171, макрогол 6000, индигокармин алюминий лагы Е132). Сыртқы түрінің иісінің, дәмінің сипаттамасы Екі беті дөңес, ұзындығы 13.0 мм және ені 6.5 мм, «SL50» жазуы өрнектелген, көгілдір түсті үлбірлі қабықпен қапталған, сопақша таблеткалар (50 мг доза үшін). Екі беті дөңес, ұзындығы 17.0 мм және ені 8.5 мм, «SL100» жазуы өрнектелген, көгілдір түсті үлбірлі қабықпен қапталған, сопақша таблеткалар (100 мг доза үшін).

Жыныс мүшесінің қанағаттанарлық жыныстық қатынас үшін жеткілікті эрекцияға жетуге немесе оны сақтап тұруға қабілетсіздігімен сипатталатын эрекция бұзылуларын емдеу үшін. Силденафил-Тева тек сексуалдық стимуляцияда ғана тиімді.

• Әсер ету механизмі • Силденафил эректильді функциясының бұзылуын ішу арқылы емдеуге арналған. Табиғи жағдайларда, яғни сексуалдық стимуляциялану болғанда, ол жыныс мүшесіне қанның ағып келуінің күшеюі есебінен бұзылған эректильді функциясын қалпына келтіреді. • Жыныс мүшесінің эрекциясының физиологиялық механизмі жыныстық ынталандыру кезінде каверноздық денеде азот тотығының (NO) босатылуын қамтиды. Азот тотығы гуанилатциклаза ферментін белсендіреді, бұл циклдық гуанозинмонофосфат (цГМФ) деңгейінің жоғарылауына, каверноздық денеде тегіс бұлшықеттің босаңсуына және қан ағынының артуына әкеледі. • Силденафил каверноздық денедегі 5-типті (ФДЭ-5) спецификалық фосфодиэстеразаның күшті және селективті тежегіші болып табылады, онда цГМФ-ФДЭ-5 цГМФ ыдырауы үшін жауап береді. Силденафил эрекцияға шеткері әсер көрсетеді. Силденафил адамның оқшауланған кавернозды денесіне тікелей босаңсытатын әсер етпейді, бірақ бұл тінге NO босаңсытатын әсерін күшейтеді. Жыныстық ынталандыру кезінде орын алатын NО/цГМФ метаболизмдік жолын белсендірген кезде ФДЭ-5 силденафилмен тежелуі каверноздық денеде цГМФ деңгейінің жоғарылауына әкеледі. Сондықтан силденафилмен қажетті өнімді фармакологиялық әсерді көрсету үшін жыныстық ынталандыру қажет. • Фармакодинамикалық әсерлері Силденафил in vitro зерттеулер көрсеткендей, эрекцияның дамуы үдерісіне қатысатын ФДЭ5-ке қатысты селективті. Оның ФДЭ5-ке қатысты белсенділігі басқа белгілі фосфодиэстеразаларға қатысты белсенділігінен жоғары. Оның торлы қабықта бейненің берілуіне қатысатын ФДЭ6-ға қатысты тиімділігі 10 есе төмен. Ең жоғары ұсынылатын дозаларда оның селективтілігі ФДЭ1-ге қатысты 80 есе, ФДЭ 2, 3, 4, 7, 8, 9, 10 және 11 қатысты 700 есе төмен. ФДЭ5 қатысты силденафилдің белсенділігі оның жүректің жиырылуына қатысатын спецификалық фосфодиэстераза ФДЭЗ-ге қатысты белсенділігінен, шамамен 4 000 есе жоғары.

Дозалау режимі Ересектерге Силденафилдін-Тева ұсынылатын дозасы ішке шамамен жыныстық қатынас алдында 1 сағат бұрын 50 мг құрайды. Дозаны тиімділігі мен жағымдылығын ескере отырып, 100 мг дейін ұлғайтуға немесе 25 мг дейін азайтуға болады. Ұсынылатын ең жоғары доза 100 мг құрайды. Енгізу әдісі мен жолы Ішке қабылдау үшін. Қабылдау уақытын көрсете отырып қолдану жиілігі Максималды ұсынылған қолдану жиілігі – күніне 1 рет. Силденафил-Тева тамақпен бірге қабылданған кезде, препараттың әсері ашқарынға қабылдағанға қарағанда кейінірек дамуы мүмкін.

- белсенді затқа немесе қосымша заттардың кез келген келгеніне жоғары сезімталдық - азот тотығының (амилнитрит) немесе нитраттардың кез келген түрінің донаторлары болып табылатын препараттарды бір мезгілде қабылдау - гуанилатциклаза стимуляторларымен (риоцигуат) бір мезгілде қабылдау - бауырдың ауыр жеткіліксіздігі - көздің торқабығының тұқым қуалаған дегенеративті аурулары (мысалы, тұқым қуалаған пигментті ретинит (бұл пациенттердің біршамасында тұқым қуалаған торқабығының фосфодиэстеразасы бұзылуы бар) - көру жүйкесінің алдыңғы артериялық емес ишемиялық невропатиясы (NAION) салдарынан бір көзде көру қабілетінің жоғалуы (оның ФДЭ-5 тежегіштерін қолданумен байланысты болуына немесе болмауына қарамастан) - артериялық гипотензия (АҚ < 90/50 мм сын. бағ.) - ауыр жүрек-қантамыр аурулары (мысалы, ауыр жүрек жеткіліксіздігі, тұрақсыз стенокардия) - соңғы 6 айда бастан өткерген миокард инфарктісі - соңғы 6 айда бастан өткерген инсульт - CYP3A4 изоферменті тежегіштерімен бір мезгілде қабылдау (мысалы, кетоконазол, итраконазол, ритонавир, эритромицин, саквинавир, кларитромицин) - өкпе артериялық гипертензиясын емдеуге арналған препараттарды (бозентан, илопрост) және құрамында силденафил бар препараттарды немесе riociguat сияқты кез келген ФДЭ-5 басқа тежегіштерін бір мезгілде қабылдау - сирек тұқым қуалайтын галактоза жақпаушылығы, Лaпп-лактаза тапшылығы немесе глюкоза және галактоза мальабсорбциясы синдромы бар еркектерге - эректильді дисфункцияны емдеуге арналған басқа ішу арқылы қабылданатын немесе жергілікті қолданылатын дәрілермен бір мезгілде қабылдау - балалар мен 18 жасқа дейінгі жасөспірімдер Тіркелген көрсетілімдері бойынша препарат әйелдерде қолдануға арналмаған.

Өте жиі (≥ 1/10) - бас ауруы Жиі (≥ 1/100-ден < 1/10 дейін) - бас айналу - түстің визуалды бұрмалануы: хлоропсия, хроматопсия, цианопсия, эритропсия және ксантопсия, көру қабілетінің бұзылуы, көру айқындығының бұзылуы - қан кернеулері, гиперемия - мұрынның бітелуі - диспепсия, жүрек айнуы Жиі емес (≥ 1/1 000-нан < 1/100 дейін) - ұйқышылдық, гипестезия - ринит - жоғары сезімталдық - жас ағудың бұзылуы, көздің ауыруы, жарықтан қорқу, фотопсия, көздің қызаруы, жарыққа сезімталдықтың өзгеруі, конъюнктивит - вертиго, құлақтағы шу - гипертензия, гипотензия - мұрыннан қан кету, қуыстардың бітелуі - тахикардия - гастроэзофагеальді рефлюкс ауруы, құсу, іштің жоғарғы бөлігінің ауыруы, ауыздың құрғауы - бөртпе - миалгия, аяқ-қолдардың ауыруы - гематурия - шаршаңқылық, ыстықтау сезімі - тамыр соғуы жиілігінің артуы Сирек (≥ 1/10000-нан < 1/1000 дейін) - ми қан айналымының бұзылуы, өтпелі ишемиялық бұзылыс, эпилепсиялық талма, қайталанған эпилепсиялық талма, естен тану - көру жүйкесінің алдыңғы артериялық емес ишемиялық невропатиясы (NAION)*, торқабық тамырының окклюзиясы*, торқабыққа қан құйылу, атеросклероздық ретинопатия, торқабықтың зақымдануы, глаукома, көру өрісінің жоғалуы, диплопия, көру жітілігінің төмендеуі, алыстан нашар көру, астенопия, шыны тәріздес денеде қалқып жүрген бұлдырлық, нұрлы қабықтың зақымдануы, мидриаз, көру өрісінде жарықтың айналасында құбылмалы шеңберлердің болуы, көздің ісінуі, көздің ісініп домбығуы, көздің зақымдануы, конъюнктиваның гиперемиясы, көздің тітіркенуі, көздің қалыптан тыс сезімі, қабақтың ісінуі, ақ қабықтың түссізденуі. - кереңдік - кенеттен жүректен болатын өлім, миокард инфарктісі, қарыншалық аритмия, жыбырлақ аритмия, тұрақсыз стенокардия - тамақтың ісінуі, мұрынның ісінуі, шырышты қабықтың құрғауы - оральді гипестезия - Стивенс-Джонсон синдромы (ССД)*, уытты эпидермальді некролиз (УЭН)* - жыныс мүшесінен қан кету, приапизм, гемоспермия, эрекцияның күшеюі - ашушаңдық Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: 800 мг дейінгі дозаларда препаратты бір рет қабылдау кезіндегі зерттеулердегі жағымсыз құбылыстар силденафилды төмен дозаларда қабылдау кезіндегілерге ұқсас болды, бірақ жиі кездесті. 200 мг дозасын қабылдағаннан кейін: ысыну сезімі, бас айналу, беттің қызаруы, бастың ауыруы, көру айқындығының бұзылуы, диспепсиялық құбылыстар, артериялық қысымның төмендеуі жиі байқалды. Емі: симптоматикалық. Силденафил мен оның метаболитінің қан плазмасы ақуыздарымен жоғары дәрежеде байланысуына қарай диализ тиімсіз болып табылады. Пациенттердің ерекше топтары Бала жастағы және жасөспірімдік жастағы пациенттер Силденафил-Тева балаларда қолдануға болмайды (<18 жас). Егде жастағы пациенттер Егде жастағы пациенттерде (≥ 65 жас) доза түзету талап етілмейді. Бауыр жеткіліксіздігі бар пациенттер Бауыр жеткіліксіздігі бар пациенттерде силденафил клиренсі төмендегендіктен, мысалы, цирроз кезінде, препаратты қолдануды 25 мг дозадан бастау керек. Тиімділігі мен төзімділігіне байланысты доза 50 мг және 100 мг дейін ұлғайтылуы мүмкін. Бүйрек жеткіліксіздігі бар пациенттер Бүйректің жеңіл және орташа ауырлық дәрежесіндегі жеткіліксіздігінде (креатинин клиренсі (КК) 30-80 мл/мин) дозаны түзету қажет емес, ауыр бүйрек жеткіліксіздігінде (КК < 30 мл/мин) – Силденафил-Тева препаратының дозасын 25 мг дейін төмендету керек. Тиімділігі мен төзімділігіне байланысты доза 50 мг және 100 мг дейін ұлғайтылуы мүмкін. Силденафилдін-Тева басқа дәрілік препараттарды қабылдау аясында қолдану Силденафилмен бір мезгілде қолдану ұсынылмайтын ритонавирді қоспағанда, CYP3A4 тежегіштерімен қатарлас ем алатын пациенттерде препаратты 25 мг бастапқы дозада қолдану мүмкіндігін қарастыру керек. Альфа-адреноблокаторлармен ем алып жүрген пациенттерде постуральді артериялық гипотензия даму қаупін төмендету мақсатында силденафилмен ем бастамас бұрын альфа-адреноблокаторлар алып жүрген пациенттердің жай-күйін тұрақтандыру керек. Бұдан басқа, 25 мг дозадан бастап, силденафил қолдану мүмкіндігін қарастыру керек. Егер Сізде Силденафил-Тева препаратын қолдану бойынша қандай да бір сұрақтарыңыз болса, оларды емдеуші дәрігеріңізбен талқылаңыз.

Мына кездерде сақтықпен қолданылады: • жыныс мүшесінің анатомиялық деформациясы (соның ішінде, ангуляция, кавернозды фиброз немесе Пейрони ауруы) • приапизмнің дамуына бейімдейтін аурулар (орақ-жасушалы анемия сияқты (қызыл қан денешіктерінің аномалиясы), көптеген миелома (сүйек кемігінің обыры) немесе лейкемия (қан жасушаларының обыры) • қан ұюының кінәраттары (гемофилия) • қан кетуімен байланысты аурулар • асқазан немесе он екі елі ішектің ойық жара ауруының өршуі • альфа-адреноблокаторлар тобының препараттарымен бір мезгілде қабылдау • артериялық гипертензия (артериялық қысым (АҚ) > 170/100 мм сын. бағ.) Арнайы сақтандырулар Эрекцияның бұзылуын диагностикалау, олардың ықтимал себептерін анықтау және талапқа сай емдеу түрін таңдау үшін толық медициналық анамнез жинап, мұқият тексеру жүргізу қажет. Жүрек-қантамыр ауруларының қауіп факторлары. Эректильді дисфункцияны емдеуді бастамас бұрын, дәрігер пациенттердің жүрек-қантамыр жүйесінің күйін ескеруі керек, себебі жыныстық белсенділікке байланысты жүрек қаупінің белгілі бір деңгейі бар. Силденафил артериялық қысымның уақытша төмендеуіне әкелетін жүйелі вазодилатациялық әсерге ие. Силденафилды тағайындағанға дейін дәрігер әсіресе сексуалдық белсенділік аясында, тиісті аурулары бар пациенттерде вазодилатациялық әсердің ықтимал жағымсыз көріністерінің қаупін мұқият бағалауы тиіс. Вазодилататорларға сезімталдықтың жоғарылауы сол жақ қарыншаның шығу жолдарының обструкциясы бар науқастарда (аорта стенозы, гипертрофиялық обструктивті кардиомиопатия), сондай-ақ вегетативті жүйке жүйесінен АҚ реттеудің ауыр бұзылуымен көрінетін бірнеше жүйелік атрофияның сирек кездесетін синдромы бар науқастарда байқалады. Силденафил-Тева нитраттардың гипотензивті әсерін күшейтеді. Кейбір постмаркетингтік зерттеулерде миокард инфарктісін, тұрақсыз стенокардияны, кенеттен жүректен болатын өлімді, қарыншалық аритмияны, церебральді-васкулярлық қан кетуді, ми қан айналымының өткінші бұзылуын, Силденафил-Теваны қабылдаумен уақытша байланысы бар гипертензия мен гипотонияны қоса, елеулі жүрек-қантамыр патологиялары туралы хабарланды. Көбінесе хабарламалар бұрын жүрек-қантамыр ауруларының қаупі бар пациенттерден келіп түсті. Көптеген жағдайлар жыныстық қатынас кезінде немесе одан кейін көп ұзамай, ал кейбіреулері Силденафил-Теваны қабылдағаннан кейінгі жыныстық белсенділіксіз кезінде болды. Бұл хабарламалардың тікелей осы немесе басқа қауіп факторларымен байланысты екенін анықтау мүмкін емес. Приапизм Сильденафилды қоса, эректильді дисфункцияны емдеу құралдары жыныс мүшесінің анатомиялық деформациясы бар пациенттерде (ангуляция, кавернозды фиброз, Пейрони ауруы) немесе приапизм дамуының қауіп факторлары бар пациенттерде (орақ тәрізді жасушалы анемия, көптеген миелома, лейкемия) сақтықпен қолданылуы тиіс. Силденафилды тіркеуден кейінгі қолдану кезеңінде ұзақ эрекция және приапизм туралы хабарланды. 4 сағаттан астам уақытқа созылатын эрекция кезінде пациент дереу медициналық көмекке жүгінуі керек. Приапизм кезінде уақтылы медициналық көмектің болмауы жыныстық тіндердің зақымдалуына және потенцианың жоғалуына әкелуі мүмкін. ФДЭ-5 тежегіштерімен және эректильді дисфункцияны емдеуге арналған басқа препараттармен бір мезгілде қолдану. Силденафил комбинациясының ФДЭ-5 басқа тежегіштерімен немесе құрамында силденафил (РЕВАТИО) бар өкпе артериялық гипертониясын (ӨАГ) емдеудің басқа әдістерімен немесе эректильді дисфункцияны емдеудің басқа әдістерімен қауіпсіздігі мен тиімділігі зерттелген жоқ. Бұл біріктірілімдер ұсынылмайды. Көру қабілетіне әсері Силденафилды және басқа да ФДЭ-5 тежегіштерін қабылдауға байланысты көрудің бұзылу жағдайлары туралы кездейсоқ хабарланды. Артериялық емес генездің алдыңғы ишемиялық оптикалық нейропатиясының даму жағдайлары ФДЭ5 және силденафилдың басқа тежегіштерін қолдануға байланысты обсервациялық зерттеулерде өздігінен және хабарланды. Дәрігер пациентке кенеттен көру қабілеті бұзылған жағдайда Силденафил-Теваны қабылдауды тоқтатып, дереу дәрігермен кеңесу керек екенін хабарлауы. Ритонавирмен бірге қабылдау Силденафил мен ритонавирді бір мезгілде қабылдауға болмайды. Альфа-блокаторлармен бір мезгілде қабылдау Силденафилды α-блокаторлармен бір мезгілде пациенттерге сақтықпен қолдану ұсынылады, себебі кейбір жағдайларда бұл симптоматикалық гипотензияға әкелуі мүмкін, бұл силденафилды қабылдағаннан кейін 4 сағат ішінде болуы ықтимал. Постуральді гипотензияның даму қаупін азайту үшін α-блокаторларының көмегімен артериялық қысым көрсеткіштерін тұрақтандыруға қол жеткізу керек. Силденафилды қабылдауды 25 мг дозадан бастаған жөн. Сонымен қатар, дәрігер постуральді гипотензияның дамуы кезіндегі іс-әрекеттерге қатысты пациенттерге кеңес беруі тиіс. Қан кетуге әсері Адам тромбоциттерін зерттеу силденафилдың in vitro натрий нитропруссидінің антиагрегациялық әсерін күшейтетінін көрсетеді. Қанның ұюы бұзылған немесе белсенді түрдегі ойық жарасы бар пациенттерге силденафилды қабылдаудың қауіпсіздігіне қатысты ешқандай ақпарат жоқ. Сондықтан силденафилды осы пациенттерге қауіп/пайда арақатынасын бағалағаннан кейін ғана тағайындау керек. Қабықпен қапталған таблеткалардың құрамында лактоза бар. Силденафил-Теваны галактозаға төзбеушіліктің сирек тұқым қуалайтын аурулары, туа біткен лактаза жеткіліксіздігі немесе глюкоза-галактоза мальабсорбциясы бар еркектерге қабылдауға болмайды. Әйелдер Силденафил-Тева әйелдерде қолдану үшін арналмаған. Педиатрияда қолдану Силденафил-Тева балаларда қолдану үшін арналмаған. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препаратты автокөлік басқару және механизмдермен жұмыс істеу қабілетіне ықпал етуіне зерттеулер жүргізілмеген. Алайда, силденафилмен клиникалық зерттеулер жүргізген кезде бастың айналуы және көру қабілетінің бұзылуы байқалды. Пациенттер автокөлікті басқару және механизмдермен жұмыс істеуді бастағанға дейін Силденафил-Теваға өздерінің реакциясын білуі тиіс.

Силденафил-Тева әйелдерде қолдану үшін арналмаған. Жүкті және бала емізетін әйелдерде Силденафил-Теваны қолдануға тиісті және қатаң бақыланатын зерттеулер жүргізілген жоқ.

Егер сіз кез келген басқа дәрілерді қабылдап жүрсеңіз немесе жақында қабылдаған болсаңыз, дәрігерге немесе фармацевтке хабарлаңыз. Никорандил – калий каналдары мен нитрат белсендіргішінің гибриді. Нитрат компонентінің құрамына байланысты силденафилмен елеулі өзара әрекеттесу мүмкін. Грейпфрут шырыны CYP3A4 әлсіз тежегіші болып табылатын грейпфрут шырыны силденафилдың ішек қабырғасындағы метаболизміне әсер етеді және оның қан плазмасындағы деңгейінің шамалы жоғарылауына әкелуі мүмкін. Антацидті (магний гидроксиді/алюминий гидроксиді) бір рет қабылдау силденафилдың биожетімділігіне әсер етпейді. Барлық дәрілік препараттардың өзара әрекеттесуіне арнайы зерттеулер жүргізілмегенімен, популяциялық фармакокинетикалық талдау CYP2C9 тежегіштерімен (толбутамид, варфарин, фенитоин сияқты), CYP2D6 тежегіштерімен (серотонинді кері қармаудың іріктелген тежегіштері, трициклды антидепрессанттар сияқты), тиазидпен және олармен байланысты диуретиктермен, ілмекті және калий сақтаушы диуретиктермен, ангиотензинді алмастыратын ферменттің тежегіштерімен, кальций каналдарының блокаторларымен, бета-адренорецепторлардың антагонистері немесе CYP450 метаболизмінің индукторларымен (рифампицин, барбитураттар сияқты) силденафил тежегіштерімен бірге қолданғанда силденафил фармакокинетикасымен қатар емнің әсерін анықтаған жоқ. Силденафилдың басқа препараттарға әсері Силденафил Р450 1А2, 2С9, 2С19, 2D6, 2Е1 и 3А4 (ИK50>150 мкмоль) цитохромы изоферменттерінің әлсіз тежегіші болып табылады. Оны силденафилдың плазмадағы Сmax ұсынылған дозаларында қолданған кезде шамамен 1 мкмольге жетеді, сондықтан Силденафил-Тева осы изоферменттердің субстраттарының клиренсіне әсер етуі екіталай Теофиллин немесе дипиридамол сияқты силденафил мен фосфодиэстераза тежегіштерінің өзара әрекеттесуі туралы деректер жоқ. Альфа-адреноблокаторлармен бір мезгілде қабылдау Альфа-адреноблокаторлар тобының препаратын қабылдап жүрген пациенттерде силденафилді сақтықпен қолдану ұсынылады, өйткені оларды бір мезгілде пайдалану кейбір сезімтал пациенттерде симптоматикалық артериялық гипотензияға әкелуі мүмкін. Бәрінен бұрын, бұл силденафилді қабылдағаннан кейін 4 сағат ішінде байқалуы мүмкін. Постуральді артериялық гипотензияның даму қаупін төмендету үшін альфа-блокаторлармен ем қабылдап жүрген пациенттерде, силденафилмен емдеуді бастамас бұрын, гемодинамикалық тұрақтылық жағдайына қол жеткізу керек. Силденафилді 25 мг дозадан бастап қолдану мүмкіндігін қарастыру керек. Бұдан басқа, дәрігерлер пациенттерге постуральді гипотензия симптомдары туындаған жағдайда не істеу керектігіне нұсқау беруі керек. Доксазозинмен емдеу жәрдемімен тұрақтанған пациенттерге силденафилді және доксазозинді бір мезгілде қолданғанда симптоматикалық артериялық гипотензия, бас айналу және естен тану алдындағы жағдайлардың, бірақ естен тану емес, пайда болуының сирек жағдайлары туралы мәлімделді. Артериялық гипертензиясы бар тұрақты күйдегі пациенттер үшін силденафилдің сакубитрилге/валсартанға бір реттік дозасын қосу тек сакубитрилді/валсартанды қолданумен салыстырғанда артериялық қысымның едәуір айқын төмендеуімен байланысты болды. Сондықтан сакубитрил/валсартан қабылдайтын пациенттерге силденафилді тағайындағанда сақ болу керек.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары 250С-ден аспайтын температурада сақтау керек. Балалардың қолы жетпейтін жерде сақтау керек!