Силкер крем

1 г кремнің құрамында белсенді зат – 10.00 мг күміс сульфадиазині қосымша заттар: макрогол цетостеарил эфирі (Цетомакрогол 1000), цетостеарил спирті, сұйық парафин (сұйық ауыр парафин), бутилгидрокситолуол, динатрий эдетаты, метилпарагидроксибензоат, пропилпарагидроксибензоат, натрий дигидрофосфат дигидраты, динатрий гидрофосфат дигидраты, тазартылған су. Сыртқы түрінің, иісінің, дәмінің сипаттамасы Түсі ақ немесе ақ дерлік, біртекті крем

- инфекция жұқтырған күйік жараларын емдеу және профилактикасында - инфекция жұқтырған терінің трофикалық ойық жараларында және ойылуларда (кешенді ем құрамында) - ауыстырылып салынған тері бөліктерінің және ауқымды сызаттардың инфекция жұқтыру профилактикасында

Әсер ету механизмі Күміс сульфадиазині грамоң және грамтеріс микробтар мен зеңдерге (Candida, Phycomycetes және Aspergillus spp, дерматофиттер) микробқа қарсы әсер көрсетеді. Препарат белсенділігі жарадағы күміс сульфадиазинінің орташа диссоциациясы нәтижесінде босап шығатын күміс иондарына негізделеді, сол арқылы сульфадиазинді (сульфаниламид) толықтыратын ұзақ мерзімдік микробқа қарсы әсерге қол жеткізіледі. Күміс иондары микроб жасушасының беткейінде сіңеді және олигодинамикалық бактериостатикалық және бактерицидтік әсер етеді. Препараттың некролиздік және мутагендік әсері жоқ. Крем орташа осмостық белсенділікпен сипатталады.

Кремді тәулігіне бір рет 2-3 мм жұқа қабатпен немесе терінің зақымдалған жерлеріне тікелей жағу керек, ауыр күйік жаралары болған жағдайда кремді тәулігіне бірнеше рет жағуға болады, бірақ кез-келген жағдайда кремді кем дегенде әр 24 сағат сайын қайта жағу керек. Кремнің ескі қалдықтарын алдын ала алып тастау керек. Пациенттердің ерекше топтары Балалар Силкер кремін шала туған және жаңа туған нәрестелерде қолдануға болмайды (4.3 бөлімді қараңыз). Үш айлықтан асқан нәрестелер мен балаларда ұсынылатын дозасы ересектердегі осындайдан айырмашылығы жоқ. Балаларға қолдану тәсілдері ересектердегідей. Бүйрек және/немесе бауыр жеткіліксіздігі бар пациенттер. Бүйрек және бауыр функциясының бұзылуы бар пациенттерде сульфадиазинді қолданған кезде сульфадиазиннің қарқынды сіңірілуіне байланысты ауқымды күйіктерді ұзақ емдеген кезде сақтық таныту керек. Сульфадиазиннің мөлшеріне (концентрациясына) бақылау жүргізу қажет болуы мүмкін. Қолдану тәсілі Сыртқа. Силкер кремі тек теріге жағуға ғана арналған. Кремді таңғышпен (крем стерильді дәкеге жағылып, содан соң күйік жарасының бетіне салынады) немесе таңғышсыз пайдалануға болады. Кремді сондай-ақ стерильді қалақшаны пайдаланып немесе стерильді қолғаппен жағуға болады. Кремді қолданар алдында терінің күйген бөлігін толықтай тазарту және өңдеу керек. Әрбір қайталап жағудың алдында кремнің қалдықтарын және түсі іріңді бөліністі еске түсіретін, бірақ іс жүзінде асептикалық, Силкер кремін жаққаннан кейін көп бөлінетін жараның экссудатын кетіру мақсатында, жараны сумен немесе арнайы антисептикалық ерітіндімен шаю керек. Күйіктерді және трофикалық ойық жараларды емдеу үшін кремді қолдану тәсілі бірдей. Әрбір қолданған сайын таңғышты алмастырып отыру керек. Сықпаларға салынған Силкер кремі тек бір пациентке ғана қайталап пайдалануға арналған. Силкер препараты қолдануға ыңғайлы, ауырсынуды тудырмайды және киім мен төсек-орында дақ қалдырмайды. Силкер кремі асептикалық жағдайда шығарылады және стерильді түрде толтырылады.

- күміс сульфадиазиніне және/немесе дәрінің кез келген қосымша заттарына аса жоғары сезімталдық - сульфаниламидтерге жоғары сезімталдық - глюкоза-6-фосфатдегидрогеназаның тапшылығында: ауқымды беткейлерге қолданғанда гемолиз пайда болуы мүмкін - ерте жастағы балалар (жаңа туған нәрестелер, 3 айға дейін), ядролық сарғаюдың пайда болу қаупіне байланысты шала туған балалар - порфирия - терең іріңді жараларды және экссудациясы көп күйік жараларын емдеу үшін қолданбаған жөн - жүктілік, лактация кезеңі

Жиі - жүрек айну, құсу, іш өту, глоссит (тілдің қабынуы) Сирек - аллергиялық реакциялар (ашытып күйдіру сезімі, қышыну, бөртпе) - лейкопения, тромбоцитопения, эозинофилия - бас ауыру, түйілулер - бауыр жеткіліксіздігі - аргирия (тіндерде күмістің жинақталуы нәтижесінде тері күл тәрізді сұр болуы мүмкін). Әдетте кремді ауқымды беткейлерге немесе ұзақ қолданғанда пайда болады. - кристаллурия, бүйрек жеткіліксіздігі Өте сирек - қысқа мерзімді ашытып күйдіру, ауырсыну түріндегі, 5-10 минуттан соң басылатын жергілікті тітіркендіргіш әсер Белгісіз - үрей - буындардың ауыруы - аяқ-қолдардағы, кейде бет пен мойындағы қара өрік тәрізді, шығыңқы, ауыртатын ойық жаралар (Свит синдромы). Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары. Күйген жердің ауқымды беткейін ұзақ уақыт емдегенде сульфонамидтер жүйелі әсер етуі мүмкін: жүректің айнуы, құсу, іш өту, глоссит, буындардың ауыруы, бауыр жеткіліксіздігі, бас ауыру, сананың шатасуы, құрысу спазмдары, кристаллурия, бүйрек жеткіліксіздігі, аргирия, үрей, лейкопения, тромбоцитопения, эозинофилия. • Емі: симптоматикалық.

Дәріні бүйрек және бауыр жеткіліксіздігінде сақтықпен тағайындайды. Егер емдеу ұзақ уақытқа созылса немесе препарат ауқымды күйген жерге жағылса, онда лейкопенияның, тромбоцитопенияның немесе эозинофилияның пайда болу қаупіне байланысты қан лейкоциттерінің санын жүйелі түрде анықтап отырған жөн. Микробқа қарсы әсері бар басқа дәрілерді жергілікті қолданған кездегідей, күміс сульфадиазинін қолданғанда да асқын инфекция пайда болуы мүмкін. Арнайы сақтандырулар Педиатрияда қолданылуы Күміс сульфадиазинін шала туған балаларға және жасы 3 айға дейінгі балаларға ядролық сарғаюдың туындау қаупіне байланысты қолдануға болмайды. Жүктілік кезінде және лактация кезеңінде Жүктілік кезінде күміс сульфадиазинін қолдану қауіпсіздігі туралы деректер жоқ, сондықтан жүктілік және лактация кезеңінде кремді қолдануға болмайды. Кремнің құрамында қосымша заттар ретінде метилпарагидроксибензоат, пропилпарагидроксибензоат бар, олар аллергиялық реакцияларды (сондай-ақ баяу типті), жекелеген жағдайларда бронхтың түйілуін туындатуы мүмкін. Кремнің құрамында сондай-ақ, цетостеарил спирті бар, ол жергілікті тері реакцияларын (мысалы, жанаспалы дерматит) туғызуы мүмкін, және пропиленгликоль бар, ол теріні тітіркендіруі мүмкін. Кремнің құрамында натрий бар, сондықтан натрийді қабылдауға шектеу қойылған пациенттерді емдеуде сақ болу керек. Препараттың көлік құралын және қауіптілігі зор механизмдерді басқару қабілетіне әсер ету ерекшеліктері Бұл дәрінің көлік құралдарын басқару және механизмдерге қызмет ету қабілетіне жағымсыз әсері жоқ.

Нұсқаулықта көрсетілмеген.

Күміс сульфадиазині жараларды тазалауға арналған ферментті дәрілердің белсенділігін жоюы мүмкін, сондықтан бұл дәрілерді бір мезгілде қолдану ұсынылмайды.

Сақтау мерзімі 3 жыл Жарамдылық мерзімі өткеннен кейін қолдануға болмайды. Сақтау шарттары 25 оС-ден аспайтын температурада сақтау керек. Балалардың қолы жетпейтін жерде сақтау керек.