Симбринза* капли 10мг/2 мг/мл

1 мл препарат құрамында: белсенді заттар: бринзоламид – 10.01 мг, бримонидин тартраты – 2.0 мг; қосымша заттар: карбомер (974Р), натрий хлориді, маннитол, пропиленгликоль, тилоксапол, бор қышқылы, бензалконий хлоридінің 50% ерітіндісі, натрий гидроксиді және/немесе хлорсутек қышқылы (рН түзету үшін), тазартылған су. 1 - өндірістегі 2% артық мөлшері есебінсіз Сыртқы түрі, иісі, дәмінің сипаттамасы Ақ немесе ақ дерлік түсті біртекті суспензия.

- ашық бұрышты глаукомасы немесе көзішілік гипертензиясы бар пациенттерде жоғары көзішілік қысымды (КІҚ) төмендетуде, монотерапия көзішілік қысымның жеткілікті төмендеуін қамтамасыз етпегенде

Әсер ету механизмі Симбринза құрамында екі әсер етуші зат: бринзоламид және бримонидин тартраты бар. Аталған компоненттер ашық бұрышты глаукомасы мен көзішілік гипертензиясы бар пациенттерде цилиарлы дене өсінділерінің сулы ылғал түзуін бәсеңдетіп, көз ішілік қысымды (КІҚ) төмендетеді. Бринзоламидтің де, бримонидиннің де сулы ылғал түзілуін бәсеңдетіп, КІҚ төмендететініне қарамастан, олардың әсер ету механизмдері әртүрлі. Бринзоламид кірпікшелі эпителийде карбоангидраза (CA-II) ферментін тежеу жолымен әсер етеді, ол бикарбонат иондарының түзілуін төмендетіп, одан әрі кірпікшелі эпителий арқылы натрий мен сұйықтық тасымалдануын азайтады, бұл сулы ылғал түзілуінің азаюына алып келеді. Альфа-2 адренорецепторлар агонисі – бримонидин аденилатциклаза ферментін тежейді және цАМФ тәуелді сулы ылғал түзілуін бәсеңдетеді. Бұдан бөлек, бримонидинді қолдану увеосклералық ағып шығудың артуына алып келеді. Фармакодинамикалық әсерлері Клиникалық тиімділігі және қауіпсіздігі Монотерапия Элементтер үлесінің бақыланатын жарты жылдық клиникалық зерттеуіне ашық бұрышты глаукомасы (жалған капсулалық эксфолиация немесе пигменттің дисперсиялануын қоса) және/немесе көзішілік гипертензиясы бар 560 пациент қатысты, зерттеушінің пікірі бойынша, монотерапия кезінде жеткілікті бақыланбаған немесе КІҚ төмендететін бірнеше дәрілік заттарда болған. КІҚ орташа бастапқы тәуліктік деңгейі 26 мм. сын. бағ. құрады, Симбринза препаратын тәулігіне екі рет қолданудан кейін КІҚ орташа тәуліктік деңгейінің төмендеуі шамамен 8 мм. сын. бағ. құрады. КІҚ орташа тәуліктік деңгейінің статистикалық тұрғыдан көбірек төмендеуі барлық зерттеу барысында әрбір сапар кезінде, тәулігіне екі рет тағайындалған 10 мг/мл бринзоламидпен немесе 2 мг/мл бримонидинмен салыстырғанда, Симбринза препаратын қабылдаудан кейін байқалды, төмендеуі бүкіл зерттеу бойына әр дәрігерге қаралған сайын байқалды (1 сурет). 1 суретКІҚ деңгейінің бастапқы деңгейден (мм сын. бағ.) орташаa тәуліктік өзгеруі (таңғы 9 сағат, +2 сағат, +7 сағат) – элементтер үлесін зерттеу a Ең аз шаршылар әдісі – зерттеу орны, таңғы сағат 9-дағы КІҚ базалық деңгейі және пациенттегі КІҚ өзара байланыс өлшемдері есептелетін статистикалық үлгі туындысы. Емдеу топтары арасындағы нәтижелердің барлық айырмашылықтары (Симбринза препараты және препараттың жекелеген компоненттері) p = 0,0001 немесе одан аз деңгейде статистикалық мәнді болды. Әр қаралған сайын әрбір уақыт нүктесінде бастапқы деңгейден КІҚ орташа төмендеуі Симбринза препаратын пайдалану кезінде (6-дан 9 мм сын. бағ. дейін) бринзоламидпен (5-тен 7 мм сын. бағ. дейін) немесе бримонидинмен (4-тен 7 сын. бағ. дейін) монотерапия кезіндегіден айқындау болды. Симбринза препаратын қабылдау тобында, бастапқы деңгеймен салыстырғанда, КІҚ орташа пайыздық төмендеуі 23-тен 34% дейін болды. Симбринза препаратын қабылдау тобында КІҚ көрсеткіші 18 мм сын. бағ. аз пациенттер пайызы бринзоламид тобындағыдан жоғары болды, зерттеу 6 айға дейін созылған 12 бағалаудың 11-де Симбринза тобында зерттеу 6 айға дейін созылған барлық 12 бағалау тұсындағы бримонидин тобындағыдан жоғары болды. Зерттеудің 3-ші айында тиімділікті бағалау үшін қаралу кезінде +2 сағаттық уақыт нүктесінде (препараттың әсер ету тиімділігінің таңертеңгі жоғарғы шегіне сәйкес келетін уақыт) КІҚ 18 мм сын. бағ. аз пациенттер пайызы Симбринза тобында 68,8%, бринзоламид тобында 42,3% және бримонидин тобында 44,0% құрады. Тиімділігі жағынан кем түспейтін әрі бақыланатын жарты жылдық клиникалық зерттеуге ашық бұрышты глаукомасы (оның ішінде жалған капсулалық эксфолиация немесе пигменттің ыдырауы) және/немесе көзішілік гипертензиясы бар 890 пациент қатысты. Зерттеушінің пікірі бойынша бұл пациенттерде монотерапия кезінде немесе КІҚ деңгейін төмендететін бірнеше препараттарды қабылдау тиімсіз болғанда КІҚ бақылау деңгейі жеткіліксіз болған. КІҚ орташа бастапқы тәуліктік деңгейі 26-27 мм. сын. бағ. құраған. Зерттеу барысында пациенттің барлық қаралған уақытында бастапқы деңгеймен салыстырмалы КІҚ тәуліктік деңгейінің орташа төмендеуіне қатысты 10 мг/мл бринзоламидпен + 2 мг/мл бримонидинмен салыстырғанда, Симбринза препаратының тиімділігі кем емес екендігі анықталды (1-сурет). 1-кесте КІҚ деңгейіндегі (мм. сын. бағ.) тәуліктік өзгерістің орташа мәнін бастапқы деңгеймен салыстыру – тиімділігінің кем еместігін зерттеу Қаралу — Симбринза Орташа мәніa — Бринзоламид + бримонидин Орташа мәніa — Айырмашылықтар Орташа мәніa (95% СА) 2 апта — 8,4 (n=394) — 8,4 (n=384) — 0,0 (0,4, 0,3) 6 апта — 8,5 (n=384) — 8,4 (n=377) — 0,1 (0,4, 0,2) 3 ай — 8,5 (n=384) — 8,3 (n=373) — 0,1 (0,5, 0,2) 6 ай — 8,1 (n=346) — 8,2 (n=330) — 0,1 (0,3, 0,4) a Ең аз шаршылар әдісі – зерттеу орны, таңғы сағат 9-дағы КІҚ базалық деңгейі және пациенттегі КІҚ өзара байланыс өлшемдері есептелетін статистикалық үлгі туындысы. Симбринза тобында немесе бір мезгілде тағайындалған жекелеген компоненттер тобында әр қаралу кезіндегі әрбір уақыт нүктесінде КІҚ деңгейінің бастапқы деңгейден орташа төмендеуі ұқсас болды (7-ден 10 мм сын. бағ.). Симбринза тобындағы базалық деңгеймен салыстырғанда, КІҚ деңгейінің орташа пайыздық төмендеуі 25-тен 37% дейін ауытқыды. КІҚ деңгейінің мәні 18 мм сын. бағ. аз пациенттер пайызы Симбринза және Бринзоламид + Бримонидин топтарында 6 айға дейінгі бір уақыт нүктесі ішіндегі қаралулар кезінде бірдей болды. Зерттеудің 3-ші айында тиімділікті бағалау үшін қаралу кезінде +2 сағаттық уақыт нүктесінде (препараттың әсер ету тиімділігінің таңертеңгі жоғарғы шегіне сәйкес келетін уақыт) КІҚ 18 мм сын. бағ. аз пациенттер пайызы екі зерттеу тобында 71,6% құрады. Қосымша ем Простагландин (PGA) аналогтерімен бірге қолданылатын Симбринзаны қолдану жөніндегі клиникалық деректер PGA монотерапиясымен салыстырғанда, Симбринза + PGA қолдану кезінде КІҚ деңгейін төмендету тиімділігі анағұрлым жоғары екенін көрсетті. CQVJ499A2401 зерттеуінде 6 апта Симбринза + PGA (яғни, травопрост, латанопрост немесе биматопрост) қолдану нәтижесі толтырғыш + PGA терапиясымен салыстырғанда, КІҚ төмендету тиімділігі анағұрлым жоғары екенін көрсетті. Бұл ретте тәуліктік КІҚ-тегі бастапқы деңгейге қарағандағы орташа өзгеріс моделіне түзетілген терапиялар арасындағы айырмашылық 3,44 мм. сын. бағ. құрады. (95% СА 4,2, 2,7; р мәні <0,001). Травопрост-тимолол малеаттың белгіленген дозасы қосылған көзге тамызатын дәрімен бірге қолданылатын Симбринза ерітіндісін зерттеу туралы клиникалық деректер бойынша ерітінді травопрост-тимолол малеатпен салыстырғанда Симбринза және травопрост-тимолол малеат қосындысы КІҚ төмендету тиімділігі анағұрлым жоғары екенін көрсетті. CQVJ499A2402 зерттеуінде 6 апта Симбринза + травопрост-тимолол малеаттың көзге тамызатын дәріні қолдану нәтижесі толтырғыш + травопрост-тимолол малеат көзге тамызатын дәрі терапиясымен салыстырғанда КІҚ төмендету тиімділігі анағұрлым жоғары екенін көрсетті. Мұндағы тәуліктік КІҚ-тегі бастапқы деңгейге қарағандағы орташа өзгеріс моделіне түзетілген терапиялар арасындағы айырмашылық 2,15 мм. сын. бағ. құрады. (95% СА 2,8, 1,5; р мәні <0,001). Қосымша терапиядағы Симбринза қауіпсіздік профилі Симбринза монотерапиясында байқалған қауіпсіздік профилімен бірдей болды. 6 аптадан кейін қосымша терапияның тиімділігі мен қауіпсіздігі туралы деректер жоқ.

Дозалау режимі Ұсынылатын доза – Симбринза* препаратының бір тамшысы зақымданған көзге (көздерге) тәулігіне екі рет. Енгізу әдісі және жолы Тек офтальмологияда жергілікті қолдануға арналған. Қолданар алдында құтыны шайқау қажет. Құтының ішіндегісін ластап алмас үшін пипетканың ұшын көзге немесе кез келген басқа беткейге тигізіп алмау керек. Пайдаланудан кейін құтыны тығыз жабылған күйде ұстау керек. Симбринза* препаратын КІҚ төмендету үшін жергілікті қолданылатын басқа офтальмологиялық препараттармен бір мезгілде пайдалануға болады. Жергілікті қолданылатын офтальмологиялық препаратты біреуден көп қолданғанда тамызулар арасында кем дегенде 5 минут аралық қадағалану қажет. Дәрілік препараттың бір немесе бірнеше дозасын өткізіп алу кезіндегі қажетті шаралар Егер дозаны өткізіп алса, онда емдеу кесте бойынша келесі дозамен жалғастырылуы тиіс. Доза зақымданған көзге (көздерге) тәулігіне 2 рет 1 тамшыдан аспауы тиіс. Тоқтату симптомдары қаупінің болуына көрсетілім Дәрігерден алдын-ала кеңес алмай, Симбринза препаратын қабылдауды тоқтатпаңыз. Егер сіз препаратты қабылдауды тоқтатсаңыз, көзіңіздегі қысым бақыланбайды, бұл көру қабілетінің жоғалуына әкелуі мүмкін.

• әсер етуші затқа немесе қосымша заттардың кез-келгеніне немесе сульфонамидтерге аса жоғары сезімталдық; • препаратты моноаминоксидаза (MAO) тежегішімен қабылдайтын пациенттер; • норадренергиялық берілісті нашарлататын антидепрессанттарда жүрген пациенттер (мысалы, трициклды антидепрессанттар және миансерин); • бүйрек функциясының ауыр бұзылуы бар пациенттер; • гиперхлоремиялық ацидозы бар пациенттер; • жаңа туған нәрестелерге және 8 (сегіз) жасқа дейінгі балаларға

Төменде көрсетілген жағымсыз реакциялар келесі шартты белгіге сәйкес жіктеледі: өте жиі (≥ 1/10), жиі (≥ 1/100-ден <1/10 дейін), жиі емес (≥1/1,000-нан <1/100 дейін), сирек (≥1/10,000-нан <1/1,000 дейін), өте сирек (<1/10,000) немесе белгісіз (қолжетімді деректер негізінде бағалау мүмкін емес). Әрбір топ шегінде жағымсыз реакциялар күрделілігінің кему ретімен берілген. Жиі (≥ 1/100-ден < 1/10 дейін) - ұйқышылдық1, бас айналу3, дисгевзия1 - ауыздың кеберсуі1 - көз аллергиясы1, кератит1, көздің ауыруы1, көздегі жайсыздық1, анық көрмеу1, көру қабілетінің бұзылуы3, көз гиперемиясы1, конъюнктиваның бозаруы3 Жиі емес (≥ 1/1,000-нан < 1/100 дейін) - назофарингит2, фарингит2, синусит2 - эритроциттер санының азаюы2, қанда хлорид мөлшерінің артуы2 - жоғары сезімталдық3 - апатия, депрессия3, депрессиялық жай-күй2, ұйқысыздық1, жыныстық құштарлықтың төмендеуі2, түнгі қорқынышты түстер2, күйгелектік2 - бас ауыру1, қимыл үйлесімінің бұзылуы2, амнезия2, жады нашарлауы2, парестезия2 - диспепсия1, эзофагит2, асқазан-ішек жайсыздануы1, диарея2, құсу2, жүрек айну2, дәреттің жиілеуі2, метеоризм2, оральді гипестезия2, ауыз қуысының парестезиялары1 - бауыр функциясының атиптік сынамасы2 - жанаспалы дерматит1, есекжем2, бөртпе2, макула-папулёзді бөртпе2, жайылған қышыну2, алопеция2, тері тығыздығының төмендеуі2 - мөлдір қабық эрозиясы1, мөлдір қабық ісінуі2, блефарит1, мөлдір қабықтағы шөгінділер (преципитаттар)1, конъюнктивалық бұзылыс (бұдырлары)1, көз қарығу1, фотопсия2, көз ісінуі2, қабақ ісінуі1, конъюнктивалық ісіну, көздің құрғауы1, көзден бөліністер1, көру өткірлігінің төмендеуі2, көз жасының көп ағуы, птеригиум2, қабақ эритемасы1, мейбомианит2, диплопия2, жарық сәулеге сезімталдық2, көз гипестезиясы, ақ қабық пигментациясы 2, конъюнктива астындағы киста2, көздегі әдеттен тыс сезімталдық1, астенопия1 - бас айналу1, құлақтың шыңылдауы2 - жүрек-тыныс алу жеткіліксіздігі2, стенокардия2, аритмия3, жүректің жиі соғуы2,3, жүрек ырғағының бұзылуы2, брадикардия2,3, тахикардия3 - гипотензия1 - диспноэ2, бронхтың аса жоғары белсенділігі2, фаринголарингеальді ауыру2, тамақтың құрғап кетуі1, жөтел2, мұрыннан қан кету2, жоғарғы тыныс жолдарының бітелуі2, мұрынның бітелуі1, ринорея2, тамақтың жыбырлауы2, мұрын шырышының құрғауы1, постназальді ісіп кету1, түшкіру2 - белдің ауыруы2, бұлшықеттердің түйілуі2, миалгия2 - бүйректің ауыруы2 - эректильді дисфункция2 - ауыру2, кеуде қуысындағы жайсыздық2, әдеттен тыс түйсіктер2, үрей сезімі2, қозғыштық2, препараттың қалдығы1 Өте сирек (<1/10,000) - естен тану3 - увеит3, миоз3 - гипертензия3 Белгісіз - ринит2 - тремор2, гипестезия2, агевзия2 - беттің ісінуі3, дерматит2,3, эритема2,3 - көру бұзылыстары2, мадароз2 - демікпе2 - артралгия2, аяқ-қолдың ауыруы2 - поллакиурия2 - кеуденің ауыруы2, шеткері ісіну2,3 - Денеде қызыл-қызғылт, нысана тәрізді немесе дөңгелек дақтар, көбінесе ортасында күлбіреуіктермен, терінің қабығы, ауыз қуысының, тамақтың, мұрынның, жыныс мүшелерінің және көздің жаралары бар. Бұл ауыр тері бөртпелерінің алдында қызба және тұмауға ұқсас симптомдар болуы мүмкін (Стивенс-Джонсон синдромы, уытты эпидермальды некролиз) 1 - Симбринза көзге тамызатын дәрісін қолдану кезінде байқалған жағымсыз реакция* 2 - бринзоламид монотерапиясын қолдану кезінде байқалған қосымша жағымсыз реакция 3 - бримонидин монотерапиясын қолдану кезінде байқалған қосымша жағымсыз реакция Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Электролиттік теңгерімсіздік, ацидоздық жай-күй дамуы және жүйке жүйесіне болжамды әсерлері бринзоламидпен артық дозаланудан кейін туындауы мүмкін. Сарысудағы электролиттер деңгейлерін (әсіресе, калий) және қандағы pH деңгейін бақылап отыру керек. Ересектерде бримонидинді кездейсоқ жұтып қою жөніндегі өте шектеулі ақпарат бар; гипотензия сияқты тек осындай жағымсыз құбылыс тіркелді. Көздеусіз жұтып қойған бримонидинмен артық дозалану симптомдары педиатриялық пациенттерде тіркелді. ОЖЖ депрессиясы симптомдары, әдеттегі уақытша кома немесе сананың әлсіреуі, летаргия, ұйқышылдық, гипотония, брадикардия, гипотермия, бозару, тыныс тарылуы және апноэ байқалды. Барлық мәлімделген субъектілер 6-24 сағат ішінде толық қалпына келді. Пероральді артық дозалануды емдеу өзінде демеуші және симптоматикалық емді қамтиды; тыныс жолдарының еркін өткізгіштігіне демеу көрсетілуі тиіс. Кездейсоқ және көздеусіз артық дозалану кезінде дәрігерге қаралу керек.

Дәрілік препаратты инъекция түрінде енгізуге болмайды. Пациенттерге Симбринза* дәрілік препаратын жұтып қоймауын ескерту қажет. Зейін қою Егде жастағы пациенттерде карбоангидраза тежегіштерін пероральді қабылдау жоғары зейін қоюды және/немесе қозғалыс үйлесімін талап ететін қызметті орындау қабілетіне әсер етуі мүмкін. Жергілікті қолданғанда Симбринза* препараты жүйелі қан ағымына өтеді. Көзге тамызатын дәріні қолданудан кейін жүйелі резорбцияны болдырмау үшін келесі шараларды қабылдау ұсынылады: - көзді 2 минутқа жұму. - 2 минут бойы көз жасы өткелін саусақпен басып тұру Арнайы сақтандырулар Офтальмологиялық әсерлері Симбринза* препаратын жабық бұрышты глаукомасы бар пациенттерде қолдану зерттелмеген, сондықтан да ұсынылмайды. Мөлдір қабығы зақымданған пациенттерде (әсіресе, эндотелий жасушаларының саны аз пациенттерде) мөлдір қабықтың эндотелий функциясына бринзоламидтің әсер ету мүмкіндігі зерттелмеді. Атап айтқанда, жанаспалы линзалар тағатын пациенттерде бринзоламидтің қолдану кезіндегі әсері зерттелмеді, сондықтан мөлдір қабықтың жай-күйін бақылау қажет, өйткені карбоангидраза тежегіштері оның гидратациясының бұзылуына әкелуі мүмкін, ал жанаспалы линзалар тағу мөлдір қабықтың зақымдану қаупін арттыруы мүмкін (төмендегі «Бензалконий хлориді» бөлімінен әріқарай жанаспалы линзаларды тағу жөніндегі нұсқаулықтарды қараңыз). Мөлдір қабық зақымданулары, қант диабеті немесе мөлдір қабық дистрофиясы бар пациенттерге мұқият мониторинг өткізу ұсынылады. Бримонидин тартраты көздің аллергиялық реакцияларын тудыруы мүмкін. Аллергиялық реакциялар туындағанда емдеуді тоқтату керек. Кейбір жағдайларда КІҚ көтерілуімен байланысты болған бримонидин тартратын қолданудан кейінгі көздің аса жоғары сезімталдығының кейіннен білінетін реакциялары хабарланды. Симбринза* препаратымен емдеуді тоқтатудан кейінгі ықтималды әсерлері зерттелмеді. Симбринза* препаратын қолданудан кейінгі КІҚ төмендеуі әсерінің ұзақтығы зерттелмесе де, бринзоламидке тән КІҚ төмендету әсерінің 5-7 күнге созылатыны күтіледі. Бримонидин қолданудан кейін КІҚ төмендеу әсері одан ұзаққа созылуы мүмкін. Жүйелі әсері Симбринза* құрамында карбоангидразаның сульфонамидті тежегіші – бринзоламид бар болғандықтан, жергілікті қолданылуына қарамастан, жүйелі қан ағымына өтеді. Жергілікті қолданғанда сульфаниламидтерге байланысты болатын, Стивенс-Джонсон синдромы (СДС) және уытты эпидермальды некролизді (УЭН) қоса, жағымсыз реакциялар туындауы мүмкін. Емдеу кезінде пациенттерге белгілер мен симптомдар туралы ескерту керек және тері реакцияларын мұқият бақылау керек. Аса жоғары сезімталдық немесе күрделі реакциялар симптомдары пайда болса, Симбринза* препаратын қабылдауды дереу тоқтату керек. Жүрек тарапынан бұзылулар Симбринза* препаратын қолданудан кейін кейбір пациенттерде артериялық қысымның аздап төмендеуі байқалды. Симбринза* препаратымен гипотензиялық дәрілерді және/немесе жүрек гликозидтерін бір мезгілде қабылдағанда, сондай-ақ ауыр немесе тұрақсыз әрі бақыланбайтын жүрек-қантамыр аурулары бар пациенттерді емдегенде сақ болу керек. Симбринза* препаратын депрессиясы, церебральді немесе коронарлық жеткіліксіздігі, Рейно феномені, ортостаздық гипотензиясы немесе облитерациялайтын тромбангииті бар пациенттерде сақтықпен пайдалану керек. Қышқыл-сілтілік тепе-теңдік бұзылулары Карбоангидраза тежегіштерінің пероральді түрлерін қолдану кезінде қышқыл-сілтілік тепе-теңдік бұзылуының дамуы сипатталды. Симбринза* құрамында карбоангидраза тежегіші - бринзоламид бар, ал ол жергілікті қолдануға қарамастан жүйелі қан ағымына өтеді. Препаратты жергілікті қолдану кезінде карбоангидраза тежегіштерін пероральді қабылдау себебінен болатын жағымсыз реакциялар (яғни, қышқыл-сілтілік тепе-теңдік бұзылулары) туындауы мүмкін. Бүйрек функциясының бұзылуы Симбринза* препаратын метаболизмдік ацидоз дамуы мүмкін қауіпке байланысты, ауыр дәрежедегі бүйрек функциясының бұзылуы бар пациенттерде сақтықпен қолдану керек. Симбринза* препараты бүйрек функциясының ауыр бұзылулары бар пациенттерде қолдануға қарсы көрсетілімді. Бауыр функциясының бұзылуы Симбринза* препараты бауыр функциясының бұзылуы бар пациенттерде зерттелмеген, сондықтан пациенттердің осындай топтарын емдегенде сақ болу керек. Бензалконий хлориді Симбринза* препаратының құрамында көздің тітіркенуін тудыруы және жұмсақ жанаспалы линзалардың түсін өзгертуі мүмкін бензалконий хлориді бар. Жұмсақ жанаспалы линзалармен жанасудан сақтаныңыз. Пациенттерге Симбринза* препаратын қолданар алдында жанаспалы линзаларды шешіп қою қажеттілігін, одан кейін жанаспалы линзаларды қайта кимес бұрын 15 минут күте тұру керектігін айту қажет. Бензалконий хлоридінің көздің тітіркенуі мен құрғауын туғызатыны және көз жасы үлбірі мен мөлдір қабық беткейіне әсер етуі мүмкін екені хабарланды. Препаратты көздің құрғап кетуі болатын пациенттерде және мөлдір қабықтың зақымдануы болуы мүмкін пациенттерде абайлап қолдану керек. Ұзақ уақыт қолдану кезінде көрсетілген жағдайларға қатысты бақылау қажет. Педиатрияда қолдану Симбринза* препаратын 2-ден 17 жасқа дейінгі балалар мен жасөспірімдерде қолдану тиімділігі мен қауіпсіздігі туралы деректер анықталмаған. Бримонидиннің артық дозалану симптомдары (санадан айрылу, гипотония, брадикардия, гипотермия, цианоз және апноэны қоса) туа біткен глаукоманы емдеудің бір бөлігі ретінде бримонидин көзге тамызатын дәрісін қабылдаған жаңа туған нәрестелер мен балаларда тіркелді. Сондықтан Симбринза* препараты 8 жасқа дейінгі балаларда қарсы көрсетілімді. Препараттың орталық жүйке жүйесіне ықпал етуімен байланысты жағымсыз әсерлердің пайда болу мүмкіндігіне орай, 2 жастан бастап және одан үлкен (әсіресе, 2-7 жас аралығындағы және/немесе салмағы <20 кг) балаларды емдеуге ұсынылмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Симбринза* препараты көлік құралын басқару және механизмдерді пайдалану қабілетіне орташа әсер етуі мүмкін. Симбринза* препараты көлік құралын басқару және механизмдерді пайдалану қабілетін нашарлатуы мүмкін бас айналуын, шаршауды және/немесе ұйқышылдықты тудыруы мүмкін. Көздің уақытша анық көрмеуін немесе көрудің басқа бұзылыстары көлік құралын басқару және механизмдерді пайдалану қабілетіне ықпал етуі мүмкін. Егер препаратты қолдану кезінде анық көрмеу туындаса, пациент көлік басқаруға немесе механизмдерді пайдалануға кіріспес бұрын көру қабілетінің қалпына келуіне дейін күте тұру қажет. Пероральді қолданылатын карбоангидраза тежегіштері егде жастағы адамдардың жоғары зейін қоюды және/немесе қозғалыс үйлесімін талап ететін қызметпен шұғылдану қабілетіне ықпал етуі мүмкін.

Симбринза* препаратын жүктілік кезінде қолдануға қатысты сәйкес деректер жоқ немесе деректер шектеулі. Симбринза* препараты жүктілік кезінде және контрацепцияны пайдаланбайтын ұрпақ өрбіту жасындағы әйелдерде қолдануға ұсынылмайды. Симбринза* препаратының адамда емшек сүтімен бөліну-бөлінбеуі белгісіз. Пероральді енгізілген бримонидин емшек сүтімен бөлінеді. Симбринза* препаратын бала емізу кезеңіндегі әйелдерге тағайындауға болмайды.

Симбринза препаратының басқа көзге тамызатын дәрілік заттармен өзара әрекеттесуіне зерттеулер жүргізілмеді. Моноаминоксидаза тежегіштері және трициклды антидепрессанттар Симбринза* препараты моноаминоксидаза тежегіштерімен ем алатын пациенттерге және әсер ету механизмі жүйке импульсінің норадренергиялық синапс берілісіне ықпал ететін антидепрессанттар (мысалы, трициклды антидепрессанттар және миансерин) қабылдайтын пациенттерде қарсы көрсетілімді. Трициклды антидепрессанттар Симбринза* препаратының КІҚ төмендетуіне берілетін жауапты бәсеңдетуі мүмкін. ОЖЖ депрессанттары ОЖЖ депрессанттарын (мысалы, алкоголь, барбитураттар, апиындар, тыныштандыратын немесе ауыруды басатын дәрілер) қабылдау кезінде, қосымша немесе көтермелеуші әсер ету мүмкіндігіне орай, сақ болуға кеңес беріледі. Симбринза* препаратын қолданудан кейін айналымдағы катехоламиндер деңгейі жөнінде деректер жоқ. Алайда, метаболизмге теріс әсер етуі және айналымдағы аминдерді (мысалы, хлорпромазин, метилфенидат, резерпин, серотонин-норэпинефринді кері қармау тежегіштерін) сіңіруі мүмкін дәрілік препараттарды қабылдайтын пациенттерде сақ болу керек. Гипотензиялық/жүрек гликозидтері Альфа-адренергиялық агонистер (мысалы, бримонидин тартраты), класс ретінде, тамыр соғу жиілігін және артериялық қысымды төмендетуі мүмкін. Бірнеше пациентте Симбринза* препаратын қолдану нәтижесінде артериялық қысымның аздап төмендеуі байқалды. Симбринза* препаратымен гипотензиялық дәрілік препараттарды және/немесе жүрек гликозидтерін бір мезгілде қолдану кезінде сақ болу керек. Альфа-адренорецепторлар агонистерімен өзара әрекеттесуі немесе олардың әсерін бұзуы мүмкін қатарлас жүйелі дәрілік препараттарды (дәрілік түріне қарамастан), яғни адренергиялық рецепторлардың агонистерін немесе антагонистерін (мысалы, изопреналин, празозин) қабылдау басталғанда (немесе дозасын өзгерткенде) сақтық таныту керек. Пероральді карбоангидраза тежегіштері Бринзоламид – карбоангидраза тежегіші, әрі ол жергілікті қолданылуына қарамастан жүйелі қан ағымына өтеді. Карбоангидраза тежегіштерінің пероральді түрлерін қолданғанда қышқыл-сілтілік тепе-теңдік бұзылуының дамуы сипатталды. Симбринза* препаратын қабылдап жүрген пациенттерде дәрілік өзара әрекеттесу мүмкіндігін ескеру қажет. Ішке карбоангидраза тежегішін және жергілікті қолданылатын бринзоламидті қабылдап жүрген пациенттерде карбоангидраза тежегіштерінің белгілі жүйелі әсерлеріне аддитивті синергизмнің даму мүмкіндігі болады. Симбринза* препаратын және пероральді карбоангидраза тежегіштерін бір мезгілде қолдану ұсынылмайды. CYP3A4 тежегіштері Бринзоламид метаболизміне P-450 цитохромының изоферменттері: CYP3A4 (негізгі), CYP2A6, CYP2B6, CYP2C8 және CYP2C9 жауап береді. Бринзоламид метаболизмінің тежелу мүмкіндігіне орай, кетоконазол, итраконазол, клотримазол, ритонавир және тролеандомицин сияқты CYP3A4 изоферментін тежейтін препараттарды абайлап тағайындау керек. CYP3A4 изоферментінің тежегіштерін бірге тағайындағанда сақ болу керек. Алайда, бринзоламидтің жиналып қалу ықтималдығы аз, өйткені ол бүйрекпен шығарылады. Бринзоламид P-450 цитохромы изоферменттерінің тежегіші емес.

Сақтау мерзімі 2 жыл. Құтыны ашқаннан кейін препаратты қолдану – 4 апта. Жарамдылық мерзімі өткеннен кейін қолдануға болмайды! Сақтау шарттары 30°C-ден аспайтын температурада сақтау керек. Балалардың қолы жетпейтін жерде сақтау керек!