Синафлан мазь 0,25 мг/г

Бір сықпаның құрамында белсенді зат: флуоцинолон ацетониді - 3,75 мг; қосымша заттар: пропиленгликоль, ақ жұмсақ парафин, ланолин, церезин. Сыртқы түрінің, иісінің, дәмінің сипаттамасы Ақтан сары түске дейінгі жақпамай.

Синафланның құрамында жергілікті қолдануға арналған кортикостероид бар, ол терінің көптеген қабыну, қышыну және аллергиялық үдерістерін емдеуде тиімді. Синафлан препараты ересектер мен 2 жастан асқан балаларда келесі көрсетілімдер бойынша қолданылады: • экзема, дерматит, атопиялық дерматит, себореялық дерматит, тиын тәрізді (нуммулярлы) экзема, сыртқы отит, жанаспалы дерматит, нейродермит, пруриго (тері қышынуында), псориаз (жайылған түйіндақты псориазды қоспағанда), жалпақ қызыл теміреткі, дискоидті қызыл жегі.

Флуоцинолон ацетониді – қабынуға қарсы синтетикалық кортикостероид. Оның әсер ету механизмдері тамырлардың тарылуымен және жарғақша өткізгіштігінің басылуымен, митоздық белсенділікпен, иммундық жауаппен және қабыну медиаторларының босатылуымен байланысты.

Дозалау режимі Ересектер мен 2 жастан асқан балаларда Синафлан препараттың аздаған мөлшерін терінің зақымданған жерлеріне күніне 2–3 рет жағады және жеңіл уқалайтын қимылдармен теріге ақырын ысқылап жағады. Жақпамайды құрғақ, қабыршақтанатын тері үдерістерінде пайдаланған жөн. Енгізу әдісі мен жолы Сыртқа. Егер окклюзиялық таңғышты қолдану қажет болса, препаратты қолданар алдында зардап шеккен аймақты мұқият тазалау керек. Окклюзиялық таңғыштар бетте және балаларда қолданылмауы керек. Кейбір жағдайларда көбірек әсер болуы үшін ыстық, ылғалды компресстер қойылуы мүмкін.

- әсер етуші затқа немесе қосымша заттардың кез келгеніне аса жоғары сезімталдық; - бактериялар, вирустар, зеңдер тудырған тері инфекциялары; - қызғылт безеулер, акне, периоральді дерматит, аногенитальді қышыну, жөргек бөртпелерінде; - 2 жасқа дейінгі балалар; - жүктілік, бала емізу кезеңі.

Белгісіз: Жергілікті аса жоғары сезімталдық реакциялары. Дерматит, периоральді дерматит, акне немесе акненің нашарлауы, розацеа (қызғылт безеулер). Ауқымды беткейлерге жаққанда, әсіресе окклюзиялық таңғыштарды пайдаланғанда немесе тері қыртыстарында қолданғанда, стриялар, терінің жұқаруы және телеангиэктазия сияқты жергілікті атрофиялық өзгерістер пайда болуы мүмкін. Қайтымды болуы мүмкін аздаған депигментация, қайтымсыз сипаттағы гипертрихоз және стриялар. Тоқтату реакциялары – терінің қызаруы, ол бастапқы зақымдалған аймақтан тыс жерлерге таралуы мүмкін, ашытып күйдіру сезімі, қышыну, терінің қабыршақтануы, іріңді бөртпелер. Бүйрекүсті безі қабығы функциясының бәсеңдеуі. Инфекция жұққан беткейлерде тиісті инфекцияға қарсы қосымша емсіз оппортунистік инфекциялардың таралуына әкеп соғуы мүмкін. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) бойынша ақпараттық дерекқорға тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Кездейсоқ жұтып қойған жағдайда: 15 г сықпада – 3,75 мг кортикостероид бар. Көлемі 15 г сықпаның ішіндегісін толық жұтқан кезде де қандай да бір уытты әсерлер дамуы күтілмейді. Сондықтан, кездейсоқ жұтып алғанда емдік шаралар талап етілмейді.

Ұзақ гормональді терапия терінің жерігілікті атрофиялық өзгерістерін және беткейлі қан тамырларының кеңеюін туғызуы мүмкін, әсіресе окклюзиялық таңғышты немесе тері қыртыстарында қолданғанда. Жергілікті кортикостероидты препараттарды ұзақ қолдану немесе терінің ауқымды беткейлеріне жағу, тіпті окклюзиялық таңғышсыз-ақ, бүйрекүсті безінің функциясын бәсеңдетуге және әсіресе нәрестелер мен балаларда гиперкортицизм симптомдарының дамуына жеткілікті стероидтың жүйелі сіңірілуіне әкелуі мүмкін. Жергілікті кортикостероидтарды ұзақ уақыт қолдану емдеуді тоқтатқаннан кейін жағымсыз реакциялардың дамуына әкелуі мүмкін (жергілікті кортикостероидтарды тоқтату синдромы). Бастапқыда өңделген аумақтан тыс таралуы мүмкін қарқынды қызару, шаншу және күйдіру бар дерматит ретінде көрінетін ауыр жағымсыз реакциялар дамуы мүмкін. Бұл бет және дене бүгілісі сияқты терінің сезімтал аймақтарын емдеу кезінде болуы мүмкін. Сәтті емнен кейін бірнеше күн немесе апта ішінде симптомдар қайталанса, тоқтату реакциясына күдіктену керек. Қайталап қолдану сақтықпен жүргізілуі керек және мұндай жағдайларда дәрігермен кеңесу немесе емдеудің басқа түрің қарастыру ұсынылады. Бетті және балаларды емдеудің ұзақтығы 5 күннен аспау керек, және мұндай жағдайларда окклюзиялық таңғыштар қолданылмауы керек. Тері асқынуымен қатар жүретін инфекцияда Синафланды тек микробқа қарсы препараттармен бірге қолдану керек. Псориазы бар пациенттерде аса сақтықпен қолдану керек: псориаз кезінде кортикостероидтарды жергілікті қолдану дәрілік препаратқа төзімділіктің дамуынан туындаған қайталану ықтималдығына, сондай-ақ терінің тосқауыл функциясының төмендеуіне байланысты жайылған пустулезді псориаздың және жүйелік уыттылықтың даму қаупіне байланысты қауіпті болуы мүмкін. Псориазды емдеу кезінде пациентті бақылау маңызды. Жағымсыз реакциялар пайда болған жағдайда емдеуді тоқтату керек. Арнайы ескертулер Қосымша заттар Препараттың құрамында жергілікті тері реакцияларын тудыруы мүмкін ланолин (мысалы, жанаспалы дерматит) және теріні тітіркендіруі мүмкін пропиленгликоль бар. Педиатрияда қолдану 2 жастан асқан балаларда қолдануға рұқсат етілген. Жүктілік Препаратты жүктілік кезінде қолдануға қарсы көрсетілімді. Жүктілік кезінде қолданудың қауіпсіздігі бойынша деректер жеткіліксіз. Буаз жануарларға кортикостероидтарды жергілікті қолдану таңдайдың жырығы және құрсақішілік дамуының кідіруін қоса, ұрық дамуында бұзылуларды туғызуы мүмкін. Бала емізу Препарат бала емізу кезінде қолдануға қарсы көрсетілімді. Егер оны лактация кезінде қолдану қажет болса, емшек емізуді тоқтату мәселесін шешу керек. Препаратты сүт бездерінің терісіне қолдану ұсынылмайды. Препарататтың көлік құралын немесе қауіптілігі зор механизмдерді басқару қабілетіне әсер ету ерекшеліктері Әсер етпейді.

Нұсқаулықта көрсетілмеген.

Белгісіз.

Сақтау мерзімі 5 жыл Жарамдылық мерзімі өткеннен кейін қолдануға болмайды. Сақтау шарттары 8°С-ден 15 °С-ге дейінгі температурада сақтау керек. Балалардың қолы жетпейтін жерде сақтау керек!