Синтомицин линимент 10%

Бір грамм линимент құрамында белсенді зат: Хлорамфеникол [D,L] (cинтомицин) - 100 мг, қосымша заттар: кәдімгі үлпілмәлік дәндерінің майы (майсана майы), эмульгатор №1, сорбин қышқылы, этанол 96%, натрий кармеллозасы, тазартылған су. Сыртқы түрінің, иісінің, дәмінің сипаттамасы Өзіне тән әлсіз иісі бар, ақ немесе сарғыш реңді ақ түсті, біртекті линимент.

• жара үдерісінің екінші фазасындағы жаралар (іріңнің, некрозды тіндердің болмауы) • ұзақ уақыт жазылмайтын трофикалық ойық жаралар • II-III дәрежедегі күйіктер • фурункулдар

Дерматологияда қолданылатын антибиотиктер мен химиотерапиялық препараттар. Жергілікті қолдануға арналған антибиотиктер. Жергілікті қолдануға арналған басқа антибиотиктер. Хлорамфеникол. АТХ коды D06AX02 Әсер ету механизмі Препараттың әсер етуші заты хлорамфеникол – жара инфекциясының қоздырғышына және іріңді-қабыну үдерістерінің әр алуан түрлеріне қатысты бактерияға қарсы жоғары белсенділігі бар әсер ету ауқымы кең антибиотик. Хлорамфеникол – бактериостатикалық антибиотик, микроб жасушасында ақуыздың синтезделу үдерісін бұзады (жақсы липофильділікке ие болып, бактериялардың жасушалық жарғақшасы арқылы өтеді және ақуыз синтезінің бұзылуына апаратын амин қышқылдарының өсімтал пептид тізбектеріне ауысуын кідіртетін бактериялық рибосомалардың 50S суббірлігімен қайтымды байланысады). Фармакодинамикалық әсерлері Пенициллинге, тетрациклиндерге, сульфаниламидтерге төзімді грам-оң және грам-теріс микроорганизмдер штаммдарының көпшілігіне қатысты белсенді. Күйік жараларының және трофикалық ойық жаралардың тазалануына және жазылуына ықпал етеді, эпителизацияны жеделдетеді.

Дозалау режимі Жаралар мен күйіктерді хирургиялық өңдеуден кейін синтомицин линиментін тікелей жара бетіне жағады, одан кейін стерильді дәке таңғышпен байлайды, немесе синтомицин линиментін таңып-байлау материалына, ал сосын жараға жағады. Линиментті тампондарды іріңді жаралар қуысына оларды хирургиялық өңдеуден кейін күпсітіп толтырады, ал линиментті дәке турунданы жыланкөз жолдарына енгізеді. 2-ші фазадағы жаралар мен күйіктерді емдеу кезінде – жаралардың жазылу қарқынына қарай 1-3 тәулікте 1 рет. Енгізу әдісі және жолы Сыртқа. Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі кеңестер Егер Сізде осы препаратты қолдану жөнінде қосымша сауалдар туындаса, дәрігер немесе медбике кеңесіне жүгініңіз.

• белсенді затқа немесе қосымша заттардың кез келгеніне аса жоғары сезімталдық • жүктілік және бала емізу кезеңі • сүйек кеміктік қан түзілуінің бәсеңдеуі • жедел интермиттирлеуші порфирия • глюкоза-6-фосфатдегидрогеназа тапшылығы • бауыр жеткіліксіздігі • бүйрек жеткіліксіздігі • тері аурулары (зең аурулары, псориаз, экзема) • жара үдерісінің бірінші фазасы (құйылып ірің ағуы, тіндердің айқын ісінуі, ауыру және некрозды тіндердің болуы) • жаңа туған нәрестелік кезең (4 аптаға дейінгі)

Белгісіз (қолда бар деректер негізінде бағалау мүмкін емес): - тері бөртпесі, есекжем, ангионевроздық ісіну - ретикулоцитопения, лейкопения, гранулоцитопения, тромбоцитопения, эритропения, аплазиялық анемия, агранулоцитоз

Қазіргі уақытқа дейін препараттың артық дозалану жағдайлары болмады.

Бұрын цитостатикалық препараттармен емделген және сәулелі ем қабылдаған пациенттерге сақтықпен тағайындалады. Емдеу үдерісінде шеткері қан көрінісін жүйелі бақылау қажет. Препарат құрамына кіретін сорбин қышқылы жергілікті тері реакцияларын (жанаспалы дерматит) тудыруы мүмкін. Дәрілік препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Автокөлікті немесе аса қауіпті механизмдерді басқару қабілетіне ықпалын тигізбейді.

Препаратты жүктілік және лактация кезеңінде қолдану қарсы көрсетілімді.

Эритромицин, клиндамицин, линкомицинмен бір мезгілде қолданғанда хлорамфениколдың осы препараттарды байланысқан күйден ығыстыруы немесе олардың бактериялық рибосомалар 50S суббірлігімен байланысуын кедергілеуі есебінен әсерінің өзара әлсіреуі болады. Пенициллиндер мен цефалоспориндердің бактерияға қарсы әсерін төмендетеді. Бір мезгілде этанол қабылдаумен Синтомицинді ауқымды беткейлерге жаққанда дисульфирам тәрізді реакциялар (тері жабындарының гиперемиясы, тахикардия, жүрек айну, құсу, рефлекстік жөтел, құрысулар) дамуы мүмкін. Айрықша сақтандырулар Педиатрияда қолдану 3 жасқа дейінгі балаларда абайлап қолдану керек.

Сақтау мерзімі 2 жыл Жарамдылық мерзімі өткеннен кейін қолдануға болмайды! Сақтау шарттары 25 °С-ден аспайтын температурада сақтау керек. Балалардың қолы жетпейтін жерде сақтау керек!