СИНТУС сироп 0.15 %

1 мл шәрбаттың құрамында белсенді зат – бутамират цитраты, 1.50 мг, қосымша заттар: сұйық сорбитол (кристалданбайтын), глицерин, натрий сахаринаты, натрий бензоаты, табиғи таңқурай хош иістендіргіші (ұнтақ), натрий гидроксиді, лимон қышқылы моногидраты, тазартылған су. Сыртқы түрінің, иісінің, дәмінің сипаттамасы Мөлдір, түссіз немесе таңқурай иісі бар ақшыл-сары тұтқыр ерітінді.

• этиологиясы әр түрлі жөтелді симптоматикалық емдеу

Бутамират – жөтелге қарсы апиынды емес дәрі, дәрі жөтел орталығына тікелей әсер етеді деп саналады. Нақты әсер ету механизмі белгісіз. Жөтелге қарсы, қақырық түсіретін, орташа бронходилатациялайтын (бронхтарды кеңейтеді) және қабынуға қарсы әсер көрсетеді. Спирометрия (тыныс алу жолдарының кедергісін төмендетеді) және қан оксигенациясы (қанды оттегімен қанықтырады) көрсеткіштерін жақсарта отырып, тыныс алудың жеңілдеуіне ықпал етеді.

Дозалау режимі Шәрбат балаларға тағайындалады: 3 жастан 6 жасқа дейін – күніне 3 рет 5 мл 6 жастан 12 жасқа дейін – күніне 3 рет 10 мл 12 жастан және одан үлкен – күніне 3 рет 15 мл. Ересектерге күніне 4 рет 15 мл тағайындайды. Шәрбатты қабылдаған кезде препарат жиынтығына кіретін өлшегіш қалпақшаны пайдаланыңыз. Өлшегіш қалпақшаны әр пайдаланудан кейін жуу және кептіру керек. Жөтелді басатын дәрілерді ұзақ уақыт қолдану негізсіз. Емдеу симптоматикалық ретінде жүзеге асырылады. Егер жөтел 7 күннен артық сақталса дәрігерге жүгіну керек. Енгізу әдісі мен жолы Синтус шәрбатын тамақтану алдында ішке қабылдау керек. Дәрілік препаратты қолдану тәсілін түсіндіру үшін медицина қызметкеріне кеңес алу үшін жүгіну бойынша ұсынымдар Егер препаратты қабылдау бойынша сұрақтар туындаса, емдеуші дәрігеріңізге жүгініңіз.

- әсер етуші затқа немесе қосымша заттардың кез келгеніне аса жоғары сезімталдық - жүктілік кезеңі (I триместр) және бала емізу - 3 жасқа дейінгі балалар - тұқым қуалайтын фруктоза жақпаушылығы, Lapp-лактаза ферментінің тапшылығы, глюкоза-галактоза мальабсорбциясы бар адамдар

Төменде тізбеленген мүмкін болатын жағымсыз әсерлер жиілігі келесідей анықталады: өте жиі (≥ 1/10), жиі (≥ 1/100-ден < 1/10-ға дейін), жиі емес (≥ 1/100 < 1/10 дейін), сирек (≥ 1/10000 < 1/1000 дейін), өте сирек (< 1/10000), белгісіз - қолда бар деректер негізінде бағалау мүмкін емес. Жиі емес: • ұйқышылдық, бас айналуы, препаратты тоқтату немесе дозаны азайту кезінде басылады • жүрек айнуы, диарея Сирек: • экзантема, бөртпе, есекжем • аллергиялық реакциялардың дамуы Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: ұйқышылдық, жүрек айнуы, құсу, диарея, бас айналуы, артериялық қысымның төмендеуі, тепе-теңдікті жоғалту. Емі: асқазанды шаю, тұзды іш жүргізетіндер, сорбенттер қабылдау, симптоматикалық ем (көрсетілімдер бойынша). Арнайы антидоты жоқ.

Бутамират жөтел рефлексін басатындықтан, қақырық түсіретін дәрілерді бір уақытта қабылдау тыныс алу жолдарында шырыштың іркілуіне әкелуі мүмкін, бұл бронх түйілуінің және тыныс алу жолдарының инфекциясының даму қаупін арттырады. Егер препаратты қабылдаудың 7 күнінде жай-күйі жақсармаса немесе симптомдары нашарласа және/немесе дене температурасының жоғарылауымен, бөртпемен немесе бас үнемі ауруымен қатар жүрсе, аурудың негізгі себептерін анықтау үшін дәрігермен кеңесу керек. Сорбитол Әр мл құрамында 500.00 мг сұйық сорбитол (кристалданбайтын) бар. Сорбитол фруктозаның көзі болып табылады. Сирек кездесетін тұқым қуалайтын фруктозаға жақпаушылығынан зардап шегетін пациенттер бұл дәріні қабылдамауы тиіс. Сорбитол эпигастрий тұсында жайсыздық тудыруы мүмкін және аздап іш жүргізетін әсер көрсетеді. Натрий Бір дозада 1 ммольден аз натрий бар, яғни «құрамында натрий жоқ». Арнайы ескертулер Бүйрек және бауыр жеткіліксіздігі бар пациенттер Бүйрек және бауыр функциясының ауыр жеткіліксіздігінде оны қажет болған жағдайда ғана енгізу керек немесе тікелей бақылауда, плазмадағы тиімді деңгейлері бауыр мен бүйрек қызметі қалыпты пациенттерге қарағанда жоғары болуы және/немесе ұзағырақ сақталуы мүмкін. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Синтус ұйқышылдық пен шаршауды тудыруы мүмкін. Ұқсас симптомдар туындаған кезде, көлік құралын немесе қауіптілігі зор механизмдерді басқарудан бас тарту керек.

Жануарлардың репродуктивті функциясына бутамираттың әсері туралы зерттеулер ұрық үшін қауіпті анықтаған жоқ. Алайда жүкті әйелдерде арнайы зерттеулер жүргізілген жоқ. Жүктілік кезінде бұл өнімді тек дәрігердің ұсынымы бойынша қолдану керек. Егер анасы үшін күтілетін пайдасы шарана үшін мүмкін болатын қауіптен асып кетсе, ең аз тиімді дозаны және емнің ең қысқа ұзақтығын қарастыру қажет. Жүктіліктің алғашқы үш айы ішінде жөтелге қарсы СИНТУС қолданудан аулақ болу керек. Жүктіліктің қалған кезеңінде жөтелге қарсы шәрбатті өте қажет болған жағдайда ғана қабылдау керек. Емшек сүтімен бутамираттың бөлінуі бойынша ақпарат жоқ болуына байланысты, бала емізу кезінде бұл өнімді тек дәрігердің ұсынымы бойынша қолдану керек. Егер анасы үшін күтілетін пайдасы сәби үшін мүмкін болатын қауіптен асып кетсе, ең аз тиімді дозаны және емнің ең қысқа ұзақтығын қарастыру қажет.

Қақырық түсіретін немесе муколитикалық дәрілермен бір мезгілде қолдануға болмайды. Арнайы өзара әрекеттесуі зерттеулері жоқ. Орталық әсер ететін препараттың болжамды жөтелге қарсы әсерін ескере отырып, алкогольді қоса, ОЖЖ басатын дәрілермен бір мезгілде қабылдағанда әсердің күшеюін жоққа шығаруға болмайды.

Сақтау мерзімі 3 жыл. Бөтелкені алғаш ашқаннан кейінгі қолдану кезеңі 4 ай. Жарамдылық мерзімі өткеннен кейін қолдануға болмайды. Сақтау шарттары Түпнұсқалық қаптамасында, 30 °С-ден аспайтын температурада сақтау керек. Балалардың қолы жетпейтін жерде сақтау керек!