СИНТУС капли 0.5 %

1 мл препараттың құрамында белсенді зат – бутамират цитраты, 5.00 мг. қосымша заттар: сұйық сорбитол (кристалданбайтын), глицерин, натрий сахаринаты, бензой қышқылы, табиғи таңқурай хош иістендіргіші (ұнтақ)**, натрий гидроксиді, 96% этил спирті, тазартылған су. ** Табиғи таңқурай хош иістендіргіші құрамы, пайызбен: Табиғи сірке қышқылы — 2.5 Табиғи таңқурай кетоны — 0.5 Табиғи этил ацетаты — 0.5 Цис-3-табиғи гексенол — 0.5 Раушан сығындысы — 0.1-ден аз Декстроза — 50 Сусызданған жүгері глюкоза шәрбаты — 46 Сыртқы түрінің, иісінің, дәмінің сипаттамасы Мөлдір түссіз ерітінді, таңқурай иісі бар.

• этиологиясы әртүрлі жөтелді симптоматикалық емдеуде

CИНТУС химиялық жағынан да, фармакологиялық жағынан да апиын алкалоидтарына жатпайтын, седативті әсері бар орталыққа әсер ететін жөтелге қарсы дәрі болып табылады. Жөтелге қарсы әсерден басқа, препарат тыныс алу жолдарының кедергісін төмендетуге көмектеседі, бұл спирометрия көрсеткіштерінің аздап жақсаруында көрінеді.

Дозалау режимі Ішуге арналған. Балалар • 2 айлықтан 1 жасқа дейін: тәулігіне 10 тамшыдан 4 рет. Ең жоғарғы күндізгі доза: 40 тамшы; • 1 жастан 3 жасқа дейін: тәулігіне 15 тамшыдан 4 рет. Ең жоғарғы күндізгі доза: 60 тамшы; • 3 жастан және одан асқандар: тәулігіне 25 тамшыдан 4 рет. Ең жоғарғы күндізгі доза: 100 тамшы. Препарат 2 жасқа дейінгі балаларда тек дәрігермен кеңескеннен кейін қолданылады. Енгізу әдісі және жолы Ішуге арналған. Тамшыларды тамақтанар алдында қабылдау керек. Тамшылардың құрамында тәттілендіргіштер ретінде сахарин мен сорбитол бар, сондықтан бұл препаратты қант диабетімен ауыратын науқастарға қабылдауға болады. 1 мл ерітіндіде (28 тамшыға баламалы) 5.00 мг цитрат бутамираты бар Ұсынылған дозадан асырмау керек. Әсерге жету үшін қажет препараттың ең аз дозасын емдеудің ең қысқа кезеңінде қолдану керек. Емдеу ұзақтығы Медициналық кеңестерсіз қолданудың ең ұзақ мерзімі: 7 күн.

• әсер етуші затқа немесе қосымша заттардың кез келгеніне аса жоғары сезімталдық • фруктозаға тұқым қуалайтын жақпаушылық (алмасу нәтижесінде фруктозаға айналатын препаратта сорбитолдың болуына байланысты) • қақырық түсіретін препараттармен бір уақытта қолдану тиімсіз • жүктілік (1-ші триместр) және лактация кезеңі • балалар 2 айға дейінгі

Сирек (≥1/10 000 бірақ < 1/1000): • бөртпе, есекжем Жиі емес (≥1/1000 бірақ <1/100): • бас айналуы, ұйқышылдық • жүрек айнуы, диарея. Жағымсыз дәрілік реакциялар туындаған жағдайда медицина қызметкеріне, фармацевтикалық қызметкерге немесе, дәрілік препараттардың тиімді еместігі туралы мәлімдемелерді қоса, дәрілік препараттарға жағымсыз реакциялар (әсерлер) жөнінде деректердің ақпараттық базасына тікелей хабарлау керек Қазақстан Республикасы Денсаулық сақтау министрлігінің Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: ұйқышылдық, жүрек айнуы, құсу, диарея, бас айналуы және гипотензия. Емі: симптоматикалық. Шұғыл шаралар ретінде белсендірілген көмірді, тұзды іш жібіткіштерді қолдануға болады. Жүрек-қантамыр және тыныс алу жүйелерінің функциясын демеу. Спецификалық антидот белгісіз.

Бутамират жөтел рефлексін басатындықтан, қақырық түсіретін дәрілермен бір мезгілде қолдану тыныс алу жолдарындағы шырыштың іркілуіне әкелуі мүмкін, бұл бронх түйілуінің даму қаупін мен тыныс алу жолдарының инфекциясын жоғарылатады. Егер препаратты қабылдағаннан кейін 7 күн ішінде жақсару болмаса немесе симптомдар нашарласа және/немесе дене қызуының көтерілуі, бөртпе немесе үнемі бас ауыруы болса, аурудың негізгі себептерін білу үшін дәрігермен кеңесу керек. Препарат 2 жастан кіші балаларға тек дәрігердің тағайындауы бойынша қолдануға болады. Қосымша заттар Сорбитол Препарат құрамында 405.00 мг сорбитол бар. Сорбитол фруктозаның көзі болып табылады. Сирек тұқым қуалайтын фруктозаға жақпаушылығынан зардап шегетін пациенттер бұл дәріні қабылдамауы керек. Сорбитол эпигастрий аймағында ыңғайсыздық тудыруы мүмкін және аздап іш өткізгіш әсер береді. Этанол Препарат құрамында аз мөлшерде этанол бар (3.00 мг / 1 мл). Натрий Құрамында дозада 1 ммоль натрий бар, яғни дерлік «құрамында натрий жоқ». Арнайы ескертулер Педиатрияда қолдану Препарат 2 жастан кіші балаларға тек дәрігердің тағайындауы бойынша қолдануға болады.

Бутамираттың жануарлардың репродуктивті функциясына әсерін зерттеу шарана үшін қауіпті анықтаған жоқ. Алайда жүкті әйелдерде спецификалық зерттеулер жүргізілген жоқ. Жүктілік кезінде бұл өнімді тек дәрігердің нұсқауы бойынша қолдану керек. Егер ананың күтілетін пайдасы шарана үшін мүмкін болатын қауіптен жоғары болса, ең аз тиімді дозаны және емдеудің ең қысқа мерзімін ескеру қажет. Емшек сүтімен бутамираттың бөліну туралы ақпарат жоқ болғандықтан, емізу кезінде бұл өнімді тек дәрігердің ұсынысы бойынша ғана қолдану керек. Егер ананың күтілетін пайдасы сәби үшін ықтимал қауіптен жоғары болса, ең аз тиімді дозаны және емдеудің ең қысқа мерзімін ескеру қажет. Препаратты көлік құралын немесе қауіптілігі зор механизмдерді басқару қабілетіне әсер ету ерекшеліктері СИНТУС ұйқышылдық пен шаршауды тудыруы мүмкін. Мұндай симптомдар пайда болған жағдайда көлік құралын немесе қауіптілігі зор механизмдерді басқарудан бас тартқан жөн.

Қақырық түсіретін немесе муколитикалық заттармен бір мезгілде қолданудан аулақ болу керек. Орталыққа әсер ететін препараттың болжамды жөтелге әсерін ескере отырып, алкогольді қоса, ОЖЖ бәсеңдететін дәрілермен бір мезгілде қабылдау кезінде әсердің жоғарылау мүмкіндігін жоққа шығаруға болмайды.

Сақтау мерзімі 3 жыл. Құтыны ашқаннан кейін қолдану кезеңі – 4 ай. Жарамдылық мерзімі өткеннен кейін қолдануға болмайды! Сақтау шарттары Түпнұсқалық қаптамасында 25 °С аспайтын температурада. Балалардың қолы жетпейтін жерде сақтау керек!