Cинупрет® форте таблетки

Қабықпен қапталған бір таблетка құрамында белсенді заттар: шерменгүл тамыры 12 мг тостағаншасы бар наурызгүл гүлі 36 мг қымыздық шөбі 36 мг аюбадам гүлі 36 мг нарқайсар шөбі 36 мг қосымша заттар: таблетка ядросы құрамында: желатин, лактоза моногидраты, картоп крахмалы, сусыз коллоидты кремнийдің қостотығы, сорбит, стеарин қышқылы, тазартылған су; таблетка қабығы құрамында: акрилат сополимері, кальций карбонаты, майсана майы, хлорофиллин қосылысы, декстрин, глюкоза шәрбаты, индигокармин (алюминий) (Е132), жеңіл магний тотығы, маис крахмалы, монтанды гликол балауызы, рибофлавин (Е 101), шеллак, сахароза, тальк, титанның қостотығы (Е 171) Сыртқы түрінің, иісінің, дәмінің сипаттамасы Дөңгелек пішінді, екі жақ беті дөңес және тегіс, жасыл түсті, қабықпен қапталған таблеткалар Шығарылу түрі мен қаптамасы 20 қабықпен қапталған таблеткадан алюминий фольгадан және ПВХ, ПВДХ үлбірден жасалған пішінді ұяшықты қаптамада. 1 пішінді ұяшықты қаптамадан медициналық қолдану жөнініндегі қазақ және орыс тілдеріндегі нұсқаулықпен бірге картон қорапшаға салынған.

• тұтқыр секреттің түзілуімен қоса жүретін жедел және созылмалы синуситтерде (этмоидиттер, фронтиттер, гаймориттер)

Жөтел және суық тию ауруларында қолданылатын препараттар. Жөтел және суық тию ауруларында қолданылатын басқа препараттар. АТХ коды R05Х Синупрет форте өсімдік текті біріктірілген препарат. Фармакологиялық қасиеттері препараттың құрамына кіретін биологиялық тұрғыдан белсенді заттарға байланысты болады. Синупрет форте секретолитикалық, секретомоторлық және қабынуға қарсы әсер береді, мұрынның қосалқы қуыстарынан және жоғарғы тыныс алу жолдарынан шырыштың ағып шығуына мүмкіндік береді. Вирусқа қарсы және бактерияға қарсы белсенділігінің арқасында препарат инфекция кезінде көмектеседі. Екі түрлі жануарлардың үлгілерінде (егеуқұйрық, қоян) аралас экстрактісінің және жеке компоненттердің секретолитикалық әсері байқалды. Каррагенин тудырған ісіну тестінде егеуқұйрықтардың бақылау тобымен салыстырғанда аяғының ісінуінің дозаға тәуелді төмендеуі байқалды.

Дозалау режимі Ересектерге: күніне 3 рет 1 қабықпен қапталған таблеткадан. Егер симптомдар 7-14 күннен артық сақталса немесе мезгіл-мезгіл қайталанса, дәрігермен кеңесу қажет. Қабықпен қапталған таблетканы шайнамай, судың аздаған мөлшерімен ішіп, бүтіндей жұту керек. Енгізу әдісі және жолы Ішке қабылдау үшін. Қабылдау уақыты көрсетілген қолдану жиілігі Синупрет® фортені күніне 3 рет (таңертең, түсте және кешке) қабылдайды. Емдеу ұзақтығы Емдеу курсы – 7-14 күн. Препаратты дәрігердің кеңесінсіз 14 күннен артық қабылдауға болмайды.

- препарат компоненттеріне жоғары сезімталдық - 18 жасқа дейінгі балалар мен жасөспірімдер

Нұсқаулықта көрсетілмеген.

Бүгінгі күні артық дозалану жағдайлары туралы хабарланған жоқ. Артық дозалану жағдайында жағымсыз әсерлер қарқынды болуы мүмкін Емі: препаратты қабылдауды тоқтату және симптоматикалық ем бастау керек. ДП стандарттымен қолданған кезде пайда болатын жағымсыз реакциялардың сипаттамасы және бұл жағдайда (қажет кезінде) қабылдауға тиісті шаралар Жағымсыз әсерлерді бағалау мына жиілік санаттары қолданылады: Өте жиі (≥1 / 10) Жиі (≥1 / 100, <1/10) Жиі емес (≥1 / 1000, <1/100) Сирек (≥1 / 10000, <1/1000) Өте сирек (<1/10000 Белгісіз (қолда бар деректер бойынша жиілігін бағалау мүмкін емес) - жиі емес болып табылатын асқазан-ішек бұзылулары (іштің ауыруы, жүректің айнуы сияқты) - аса жоғары сезімталдықтың жергілікті реакциялары (қызару, бөртпе, қышыну сияқты) сирек кездеседі. - жүйелі аллергиялық реакциялар (Квинке ісінуі, ентігу, беттің ісінуі сияқты) пайда болуы мүмкін. Жиілігі белгісіз. Жағымсыз әсерлер пайда болған кезде (әсіресе аллергиялық/аса сезімталдық реакциялары) препарат қабылдауды тоқтату және дәрігерге қаралу керек. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша ақпараттық дерекқорға тікелей жүгіну керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттарды және медициналық бұйымдарды сараптау Ұлттық Орталығы» РМК ШЖҚ http://www.ndda.kz

Бұл препарат құрамында сұйық глюкоза, лактоза моногидраты және сахароза бар. Егер сізде қант жақпаушылығы болса, препаратты қабылдар алдында дәрігермен кеңесіңіз. Арнайы ескертулер Егер сіздің мұрыныңыздан қан кетсе, қызба, қатты ауырсыну, мұрыннан іріңді бөлінулер, көрудің бұзылуы, беттің ортаңғы бөлігінің немесе көздің асимметриясы немесе беттің ұйып қалуы болса, дәрігермен кеңесіңіз, өйткені бұл симптомдар, әдетте, риносинуситтің барлық түрлері үшін маңызды ескерту ретінде қарастырылады және дәрігер-маманның тексеруін және шұғыл емді талап етеді. Егер симптомдар 7-14 күннен артық сақталса, нашарласа немесе мезгіл-мезгіл қайталанса дәрігермен кеңесу қажет. Белгілі гастрит және сезімтал асқазаны бар пациенттер жағдайында осы дәрілік затты қабылдау кезінде ерекше сақтық сақтау керек. Синупрет® фортені тамақтанудан кейін стакан сумен қабылдаған дұрыс. Диабетиктер үшін ақпарат: 1 қабықпен қапталған таблеткада орташа 0,03 «нан бірлігі» бар. Сирек тұқым қуалайтын фруктоза, галактоза, лактоза, глюкоза және сахароза көтере алмаушылығы бар пациенттер препаратты қабылдамаған жөн. Педиатрияда қолдану 12 жасқа дейінгі балаларда Синупрет® форте қолдануға қатысты жеткілікті зерттеулер жоқ. Сондықтан Синупрет® форте 12 жасқа дейінгі балаларға тағайындамау дұрыс. Жүктілік пен лактация кезеңінде Кез келген дәрілік заттар сияқты Cинупрет® форте жүктілік және лактация кезеңінде қолдану емдеуші дәрігердің қауіп пен пайда арақатынасын қатаң бағалағаннан кейін ғана мүмкін болады. Препаратты бала емізу кезінде деректердің болмауына байланысты қабылдау ұсынылмайды. Препараттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері Препарат ұсынылған дозаларда көлік құралдарын немесе қауіптілігі зор механизмдерді басқару қабілетіне әсер етпейді.

Нұсқаулықта көрсетілмеген.

Бактерияға қарсы дәрілік заттармен біріктіруге болады. Осы уақытқа дейін басқа дәрілік заттармен өзара әрекеттесуі белгісіз.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары Түпнұсқалық қаптамасында, 30°С-ден аспайтын температурада сақтау керек. Балалардың қолы жетпейтін жерде сақтау керек!