Сиофор® 1000 таблетки 1000 мг

Үлбірлі қабықпен қапталған бір таблетканың құрамында белсенді зат – 1000 мг метформин гидрохлориді, (780 мг метформинге сәйкес келеді). қосымша заттар: таблетка ядросы: гипромеллоза, повидон, магний стеараты үлбірлі қабық: гипромеллоза, макрогол 6000, титанның қостотығы (E 171). Сыртқы түрінің иісінің, дәмінің сипаттамасы Бір жағында «snap-tab» сына тәрізді ойығы бар және екінші жағында сызығы бар ұзынша пішінді ақ түсті үлбірлі қабықпен қапталған таблеткалар. Таблетканы бірдей дозамен бөліктерге бөлуге болады.

2 типті қант диабетін емдеу, әсіресе артық дене салмағы бар пациенттерде, тек диеталық терапия мен жаттығулар гликемияны жеткілікті бақылауды қамтамасыз етпесе: - 2 типті қант диабеті бар ересектерде Сиофор® 1000 монотерапия ретінде немесе ішуге арналған диабетке қарсы басқа дәрілермен, сондай-ақ инсулинмен бірге қолданылуы мүмкін. - 2 типті қант диабеті бар 10 жастан асқан балаларда және жасөспірімдерде Сиофор® 1000 монотерапия дәрісі ретінде немесе инсулинмен біріктіріп қолдануға болады. Диетаның тиімсіздігі кезінде бірінші таңдау препараты ретінде метформин қабылдайтын 2 типті қант диабеті бар және дене салмағы артық пациенттерде қант диабетіне байланысты асқынулар санының төмендегені дәлелденді.

Әсер ету механизмі Метформин - базальды (аш қарынға) да және тамақтан кейінгі (тамақтан кейін) де гипергликемияға қатысты гипогликемиялық әсері бар бигуанид. Ол инсулин өндірісін ынталандырмайды, сондықтан гипогликемияны тудырмайды. Метформин базальды гиперинсулинемияны төмендетеді және инсулинмен біріктірілімде инсулинге қажеттілікті төмендетеді. Метформин өзінің гипогликемиялық әсерін бірнеше механизмдер арқылы көрсетеді: Метформиннің әсерінен бауырдағы глюкоза өндірісі төмендейді. Метформин инсулиннің әсерін күшейте отырып, ішінара периферияда глюкозаның сіңуіне және жойылуына ықпал етеді. Метформин әсерінен ішектегі глюкозаның айналымын өзгереді: оның қаннан сіңуі жоғарылайды және тағамнан сіңуі төмендейді. Ішектегі әсер етудің қосымша механизмдеріне глюкагон тәрізді пептид 1 (ГТП-1) шығарылуының жоғарылауы және өт қышқылдарының резорбциясының төмендеуі жатады. Метформиннің әсерінен ішек микрофлорасы өзгереді. Метформин гиперлипидемиясы бар адамдарда липидті бейінді жақсартуы мүмкін. Клиникалық зерттеулерде метформинді қолдану аясында не тұрақты дене салмағы сақталды, не оның қалыпты төмендеуі орын алды. Метформиннің әсерінен аденозинмонофосфатпен белсендірілген протеинкиназа (АМПК) белсендіріледі және қазіргі уақытта белгілі мембраналық глюкоза тасымалдаушылардың (GLUTs) барлық түрлерінің тасымалдау потенциалы артады. Клиникалық тиімділігі және қауіпсіздігі Проспективті рандомизацияланған зерттеу (UKPDS) барысында 2-типті қант диабеті бар ересек пациенттерде қандағы глюкоза деңгейін тұрақты бақылаудың ұзақ мерзімді пайдасы анықталды. Диетотерапия тиімсіз болғаннан кейін метформин гидрохлоридін алған артық салмағы бар пациенттерге қатысты деректерді талдау кезінде мынадай нәтижелер алынды: • метформин гидрохлоридін қабылдаған пациенттерде диабеттік асқынулардың дамуының абсолюттік қаупінің статистикалық маңызды төмендеуі (29,8 жағдай / 1 000 пациент-жыл) жеке алынған диетотерапиямен салыстырғанда (43,3 жағдай / 1 000 пациент-жыл), p=0,0023 және сульфонилмочевина туындылары мен инсулинмен монотерапия алған пациенттердің жиынтық көрсеткіштерімен салыстырғанда (40,1 жағдай / 1 000 пациент-жыл), p=0,0034; • диабетпен байланысты өлімнің абсолютті қаупінің елеулі төмендеуі: метформин гидрохлориді – 7,5 жағдай / 1 000 пациент-жыл; тек диетотерапия – 12,7 жағдай/1 000 пациент-жыл (p=0,017); • диабеттен болатын өлімнің абсолюттік қаупінің статистикалық маңызды төмендеуі: метформин гидрохлоридін қабылдаған пациенттерде -13,5 жағдай / 1 000 пациент - жыл, тек диетотерапия алған пациенттермен салыстырғанда - 20,6 жағдай / 1 000 пациент - жыл (p=0,011) және монотерапия ретінде сульфонилмочевина туындыларын немесе инсулинді алған пациенттердің біріккен тобымен - 18,9 жағдай / 1 000 пациент-жыл (p=0,021); • миокард инфарктісінің абсолюттік қаупінің елеулі төмендеуі: метформин гидрохлориді - 11 жағдай/1 000 пациент – жыл; бір ғана диетотерапия - 18 жағдай/1 000 пациент-жыл (p=0,01). Сульфонилмочевина туындысымен біріктірілімде екінші таңдау препараты ретінде қолданылатын метформин гидрохлоридінің артықшылығы клиникалық нәтиже тұрғысынан расталмаған. I типті қант диабеті бар кейбір науқастарда метформин гидрохлориді инсулинмен біріктірілімде қолданылды, бірақ мұндай біріктірілген терапияның клиникалық артықшылығы ресми түрде анықталған жоқ. Педиатриялық бейінді пациенттер Препарат 1 жыл ішінде 10-16 жастағы балалар мен жасөспірімдердің аз санына қолданылған бақыланатын клиникалық сынақтардың деректері бойынша, препараттың қан глюкозасының деңгейін бақылауға қатысты тиімділігі ересектердегідей болған.

Дозалау режимі Қалыпты бүйрек функциясы бар ересектер (ШСЖ ≥ 90 мл/мин) Монотерапия дәрісі ретінде және ішке қабылдау үшін диабетке қарсы басқа дәрілермен біріктіріп қолдану Емдеудің басында тамақтану кезінде немесе одан кейін тәулігіне 2 немесе 3 рет әдетте 500 мг немесе 850 мг Сиофор® препаратын қабылдайды. 10-15 күннен кейін дозаны қандағы глюкоза деңгейін өлшеу негізінде түзету керек. Дозаны біртіндеп жоғарылатқанда асқазан-ішек жолы тарапынан препараттың төзімділігі жақсарады. Метформин гидрохлоридінің жоғары дозасын алатын пациенттерде (тәулігіне 2-3 г) екі 500 мг Сиофор® таблеткасын бір 1000 мг Сиофор® таблеткасына ауыстыруға болады. Метформин гидрохлоридінің ең жоғары ұсынылатын дозасы үш қабылдауға бөлінген тәулігіне 3 г құрайды. Басқа ішке қабылдауға арналған диабетке қарсы дәріден ауысқан кезде соңғысын қабылдауды тоқтатып, жоғарыда көрсетілген дозада Сиофор® препаратын қабылдауды бастау керек. Инсулинмен біріктірілім Қандағы глюкоза деңгейін жақсы түзетуге қол жеткізу үшін метформин мен инсулинді бір-бірімен біріктіріп қолдануға болады. Метформин гидрохлоридін стандартты бастапқы дозада тәулігіне 2 немесе 3 рет 500 мг немесе 850 мг тағайындайды, ал инсулин дозасын қандағы глюкоза мөлшерін өлшеу негізінде анықтайды. Пациенттердің ерекше топтары Егде жастағы пациенттер Егде жастағы адамдарда бүйрек функциясы бұзылуы мүмкін болғандықтан, олар үшін метформин гидрохлоридінің дозасын бүйрек функциясының көрсеткіштері негізінде анықтайды. Бүйрек функциясын үнемі бақылау керек (Арнайы ескертулерді қараңыз). Бүйрек функциясының бұзылуы Құрамында метформині бар препараттармен емдеуді бастар алдында, сондай-ақ қайталап: емдеу басталғаннан кейін жылына кемінде бір рет ШСЖ анықтау қажет. Бүйрек функциясының бұзылуының одан әрі ушығу қаупі жоғары пациенттерде, сондай-ақ егде жастағы пациенттерде бүйрек функциясын жиі, атап айтқанда: әрбір 3-6 ай сайын тексеру қажет. ШСЖ мл/мин — Ең жоғары тәуліктік доза (2-3 қабылдауға бөлінуі тиіс) — Қосымша түсініктеме 60-89 — 3000 мг — Бүйрек функциясының нашарлауымен дозаны төмендетуді мүмкіндігін қарастыруға болады. 45-59 — 2000 мг — Метформинмен емдеуді бастар алдында лактоацидоз қаупін арттыратын факторларды ескеру керек. Бастапқы доза ең жоғары дозаның жартысынан аспауы тиіс. 30-44 — 1000 мг < 30 — - — Метформинді қолдануға болмайды. Балалар мен жасөспірімдер 10 жастан бастап балаларда Сиофор® препаратын монотерапияда да, инсулинмен бірге де қолдануға болады. Әдетте бастапқы доза тамақтану кезінде немесе одан кейін тәулігіне бір рет 500 мг немесе 850 мг құрайды. Жүргізілген терапияның 10-15 күнінен кейін қан глюкозасын өлшеу нәтижелері негізінде препараттың дозасын түзету қажет. Дозаны баяу арттыру асқазан-ішек жолына көтере алушылықты жақсарта алады. Сиофор® препаратының ұсынылатын ең жоғары дозасы тәулігіне 2 г құрайды, 2-3 қабылдауға бөлінген. Енгізу әдісі мен жолы Ішке қабылданады. Үлбірлі қабықпен қапталған таблеткаларды тамақтану кезінде немесе одан кейін қабылдау керек. Бөлінуге арналған сына тәрізді ойықтың арқасында үлбірмен қапталған таблетканы басқа таблеткалар сияқты екі қолмен бөлуге болады немесе тегіс, қатты бетке кеңірек ойықпен төмен қойып, бас бармағыңызбен басуға болады.

-әсер етуші затқа немесе құрамы бөлімінде тізбеленген қосымша заттардың кез келгеніне аса жоғары сезімталдық - кез келген типтегі жедел метаболизмдік ацидоз (лактоацидоз, диабеттік кетоацидоз) - диабеттік прекома - бүйрек функциясының ауыр дәрежедегі жеткіліксіздігі (ШСЖ) <30 мл/мин кем) - сусыздану, жедел инфекция, шок сияқты бүйрек функциясының бұзылуына потенциалды ықпал ететін жедел жай-күй - тіндердің гипоксиясын тудыруы мүмкін аурулар (әсіресе жедел фазадағы аурулар немесе созылмалы ауру кезіндегі нашарлау), мысалы: • декомпенсацияланған жүрек жеткіліксіздігі • тыныс алу жеткіліксіздігі • жақында болған миокард инфарктісі • шок - бауыр функциясының жеткіліксіздігі, жедел алкогольдік интоксикация, алкоголизм.

Сиофор® 1000 лактоацидоз деп аталатын өте сирек кездесетін (10000-ға 1 жиілікте), бірақ өте ауыр жағымсыз реакцияның дамуына әкелуі мүмкін. Бұл жай-күй дамыған жағдайда метформинмен емдеуді тоқтату керек, дереу жақын жердегі емдеу мекемесінің дәрігерімен кеңесу ұсынылады, өйткені лактоацидоз команың дамуына әкелуі мүмкін. Өте жиі: - жүрек айнуы, құсу, диарея, іштің ауыруы және тәбеттің жоғалуы сияқты асқазан-ішек бұзылыстары. Бұл жағымсыз әсерлер көбінесе емдеудің басында пайда болады және көп жағдайда өздігінен жоғалады. Симптомдарды болдырмау үшін тамақтану кезінде немесе одан кейін метформинді күніне 2 немесе 3 рет қабылдау ұсынылады. Дозаны баяу жоғарылату асқазан-ішек жолы тарапынан препараттың көтерімділігін жақсарта алады. Егер симптомдар сақталса, Сиофор® 1000 препаратын қабылдауды тоқтатып, емдеуші дәрігерге қаралу ұсынылады. Жиі: - дәмді қабылдаудың бұзылыстары - Қандағы В12 дәрумені деңгейінің төмендеуі /тапшылығы (симптомдарға қатты шаршау (әлсіздік), қабынған және қызыл тіл (глоссит), шаншу (парестезия), терінің бозаруы немесе сарғаюы кіруі мүмкін). Егер осы симптомдар пайда болса, симптомдардың себебін анықтау үшін қажетті сынақтарды тағайындай алатын емдеуші дәрігермен кеңесу керек, себебі олардың кейбіреулері қант диабеті немесе патологияға қатысы жоқ басқа себептерге байланысты болуы мүмкін. Өте сирек: - лактоацидоз – өте сирек кездесетін, бірақ өте ауыр асқыну, әсіресе бүйрек функциясының төмендеуімен. Лактоацидоздың симптомдары спецификалық емес (Қолданған кездегі қажетті сақтандыру шараларын қараңыз) - бауыр функциясының биохимиялық көрсеткіштерінің бұзылуы немесе метформинді тоқтатқаннан кейін басылатын гепатит туралы жеке хабарламалар. - эритема, қышыну, есекжем сияқты тері реакциялары. Балалар мен жасөспірімдер Жарияланған мәліметтерге сәйкес, тіркеуден кейінгі қолдану тәжірибесі және бақыланатын клиникалық зерттеулердің нәтижелері, оның барысында препарат 1 жыл ішінде 10-16 жас аралығындағы балалар мен жасөспірімдердің шектеулі санына қолданылған, осы топтағы жағымсыз әсерлер сипаты мен ауырлық дәрежесі бойынша ересектерде байқалатын жағымсыз әсерлерге ұқсас болды. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігінің Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz. Қосымша ақпарат

Метформин гидрохлоридін 85 г дейін дозада қолданғанда гипогликемия байқалмады, бірақ лактоацидоз дамыды. Лактоацидоз метформиннің едәуір артық дозалануынан немесе қатарлас қауіп факторларынан туындауы мүмкін. Лактоацидоз кезінде шұғыл клиникалық жағдай туралы сөз қозғап отырмыз, бұл кезде стационар жағдайында шұғыл медициналық көмек қажет болуы мүмкін. Организмнен лактат пен метформинді шығару бойынша ең тиімді іс-шара гемодиализ болып табылады.

Лактоацидоз Лактоацидоз – бұл зат алмасудың өте сирек кездесетін, бірақ ауыр бұзылуы, көбінесе бүйрек функциясының жедел нашарлауы, кардиопульмональді патология немесе сепсис аясында пайда болады. Метформиннің жинақталуы бүйрек функциясының жедел нашарлауы аясында жүреді және лактоацидоздың туындау қаупін арттырады. Дегидратация жағдайында (ауыр диарея немесе құсу, қызба немесе сұйықтықты аз тұтыну) метформинмен емдеу уақытша тоқтатылуы керек, денсаулық сақтау жүйесінің маманына хабарласу ұсынылады. Метформинді қабылдайтын пациенттерді бүйрек функциясының жедел бұзылуына әкелуі мүмкін дәрілік заттармен, мысалы, гипотензивті дәрілер, диуретиктер және қабынуға қарсы стероидты емес препараттар (ҚҚСП), емдеуді сақтықпен бастаған жөн. Лактоацидоздың туындауының басқа қауіп факторлары - алкогольді шамадан тыс тұтыну, бауыр функциясының жеткіліксіздігі, жеткілікті бақыланбайтын қант диабеті, кетоз, ұзақ уақыт ашығу және гипоксиямен байланысты кез келген жағдайлар, сондай-ақ лактоацидозды тудыруы мүмкін дәрілік заттарды бірге қолдану. Диагностика Пациенттер және / немесе оларға күтім жасайтын адамдар лактоацидоздың пайда болу қаупі туралы хабардар болуы тиіс. Лактоацидоз ацидоздық ентігу, іштің ауыруы, бұлшықет құрысуы, астения және гипотермиямен сипатталады, одан кейін кома пайда болады. Егер осы симптомдардың пайда болуына күдік болса, пациент метформинді қабылдауды тоқтатып, дереу медициналық көмекке жүгінуі керек. Диагностикалық зертханалық көрсеткіштер қанның рН төмендеуі (<7,35), плазмадағы лактат деңгейінің жоғарылауы (>5 ммоль/л), аниондық айырмашылықтың және лактат/пируват коэффициентінің жоғарылауы болып табылады. Белгілі митохондриялық патологиясы бар немесе оған күдікті пациенттер Метформинді лактатацидозы және инсульт тәрізді эпизодтары бар митохондриялық энцефалопатия (MELAS синдромы), сондай – ақ анадан тұқым қуалайтын қант диабеті-саңыраулық синдромы (MIDD) сияқты белгілі митохондриялық патологиясы бар пациенттерге аурудың нашарлауына әкелуі мүмкін лактоацидоздың және неврологиялық асқынулардың даму қаупімен байланысты ұсынылмайды. Егер метформинді қабылдағаннан кейін MELAS немесе MIDD синдромдарын көрсететін симптомдар (субъективті және объективті) пайда болса, метформинмен емдеуді дереу тоқтатып, шұғыл диагностикалық тексеру жүргізу керек. Арнайы ескертулер Бүйрек функциясы Емдеуді бастамас бұрын ШСЖ тексеру керек және емдеу басталғаннан кейін осы көрсеткішті үнемі бақылау қажет, Қолдану жөніндегі нұсқауларды қараңыз. Метформинді ШСЖ <30 мл/мин пациенттерге қолдануға болмайды, препаратпен емдеу бүйрек функциясына әсер етуі мүмкін жағдайлар болған кезде уақытша тоқтатылуы тиіс, Қолдануға болмайтын жағдайларды қараңыз. Жүрек функциясы Жүрек функциясының жеткіліксіздігі бар пациенттерде гипоксия мен бүйрек функциясы жеткіліксіздігінің даму қаупі жоғары. Метформинді қабылдау кезінде тұрақты ағымды жүрек функциясының созылмалы жеткіліксіздігі бар пациенттерге жүрек және бүйрек функцияларына тұрақты бақылау жүргізу керек. Жүрек функциясының жедел жеткіліксіздігі және жүрек функциясының тұрақсыз ағымды жеткіліксіздігі кезінде метформинді қабылдауға болмайды. Құрамында йод бар контрастты заттарды енгізу Құрамында йод бар контрастты дәрілерді тамыр ішіне енгізу контрастты дәрілерден туындаған нефропатияға әкелуі мүмкін, нәтижесінде организмде метформин жиналып, лактоацидоздың даму қаупі артады. Метформинді қолдануды визуализация рәсімі уақытында немесе оны жүргізгенге дейін тоқтату қажет және ол бүйрек функциясы тұрақты екендігі анықталған бүйрек функциясы бақыланған жағдайда, рәсім аяқталғаннан кейін кемінде 48 сағаттан соң қайта басталуы мүмкін. Хирургиялық араласу Метформинді қолдануды жалпы, жұлын немесе эпидуральді анестезиямен операция кезінде тоқтату қажет. Емді пероральді қоректенуді қалпына келтіргеннен кейін немесе хирургиялық араласудан кейін 48 сағаттан ерте емес және бүйрек функциясына бақылау жүргізілген, соның нәтижесінде бүйрек функциясы тұрақты екендігі анықталған жағдайда жалғастыру керек. Басқа сақтандыру шаралары Барлық пациенттер күні бойы көмірсулар қабылдауды біркелкі бөле отырып, олардың диетасын сақтауды жалғастыруы керек. Дене салмағы артық пациенттер төмен калориялы диетаны ұстануды жалғастыруы керек. Қант диабеті кезінде жағдайды бақылауға арналған стандартты зертханалық зерттеулерді үнемі жүргізу ұсынылады. Метформин В12 дәруменінің деңгейін төмендетуі мүмкін. В12 дәруменінің төмендеу қаупі метформин дозасының жоғарылауымен, емдеу ұзақтығымен және/немесе В12 дәруменінің тапшылығын тудыратын қауіп факторлары бар пациенттерде жоғарылайды. Егер В12 дәруменінің тапшылығына күдік болса (мысалы, анемия немесе нейропатия), қан сарысуындағы В12 дәруменінің деңгейін бақылау керек. В12 дәрумені деңгейінің мерзімді мониторингі В12 дәрумені тапшылығының қауіп факторлары бар пациенттерге қажет болуы мүмкін. Метформинмен емдеуді ол төзімді және қарсы көрсетілгенге дейін жалғастыру керек және қолданыстағы клиникалық ұсыныстарға сәйкес В12 дәруменінің тапшылығын толтыру үшін тиісті түзету ем жүргізу керек. Метформинмен монотерапия гипогликемияны туғызбайды, алайда препаратты инсулинмен немесе ішке қабылдауға арналған басқа да диабетке қарсы препараттармен (мысалы, сульфонилмочевина немесе меглитинид препараттары) біріктіріп қолданған жағдайда сақ болу ұсынылады. Педиатриялық бейінді пациенттер Метформинді қолданар алдында 2-типті қант диабеті диагнозын растау керек. 1 жылға созылатын бақыланатын клиникалық зерттеулерде метформиннің өсуге және жыныстық жетілуге қандай да бір әсері анықталған жоқ, бірақ осы мақсатты көрсеткіштер бойынша ұзақ уақыт бойы жиналған деректер жоқ. Сондықтан балаларды, әсіресе, препубертаттық жастағы балаларды емдеуде метформиннің осы параметрлерге әсерін мұқият бақылау ұсынылады. 10-12 жастағы балалар Балалар мен жасөспірімдердегі бақыланатын клиникалық зерттеулерге 10-12 жас аралығындағы барлығы 15 сыналушы қатысты. Бұл балалардағы метформиннің тиімділігі мен қауіпсіздігі үлкен жастағы балалар мен жасөспірімдердегі тиімділігі мен қауіпсіздігінен ерекшеленбегеніне қарамастан, препаратты 10-12 жастағы балаларға тағайындаған кезде ерекше сақ болу ұсынылады. Препараттың көлік құралын және қауіптілігі зор механизмдерді басқару қабілетіне әсер ету ерекшеліктері Метформинмен монотерапия гипогликемияны тудырмайды, сондықтан көлік құралдарын басқару және механизмдерге қызмет көрсету қабілетіне әсер етпейді немесе аз әсер етеді. Дегенмен, пациенттерге метформинді диабетке қарсы басқа дәрілік препараттармен (сульфонилмочевина туындыларымен, инсулинмен немесе меглитинидпен) біріктіріп қолданған кезде гипогликемияның даму қаупі туралы ескерткен жөн.

Жүктілік Жүктілік кезіндегі бақыланбайтын қант диабеті (жүктілік кезінде пайда болғанына немесе үнемі болуына қарамастан) туа біткен ауытқулар мен перинатальді өлім қаупінің жоғарылауымен байланысты болуы мүмкін. Жүкті әйелдерде метформинді қолдану туралы деректердің шектеулі саны туа біткен ауытқулар қаупінің жоғарылауын көрсетпейді. Жануарларға жүргізілген зерттеулерде препараттың буаздық ағымына, эмбрионның немесе ұрықтың дамуына, тууға және постнатальді дамуға зиянды әсері анықталған жоқ. Шарананың даму ақауларының қаупін азайту мақсатында жүкті әйелдер мен жүктілікті жоспарлаған әйелдер метформинді қант диабеті кезінде ем үшін қолданбауы керек, бірақ 2-типті қант диабеті кезінде қандағы глюкоза деңгейін инсулиннің көмегімен қалыпты мәндерге мүмкіндігінше жақын ұстау керек. Лактация кезеңі Метформин емшек сүтіне енеді. Аналары препарат қабылдаған жаңа туылған нәрестелерде/емшек сүтімен қоректенетін нәрестелерде метформиннің ешқандай әсері анықталған жоқ. Алайда, мұндай жағдайларда препаратты қолдану туралы мәліметтер аз болғандықтан, метформин қабылдаған әйелдерге бала емізу ұсынылмайды. Бала емізуден бас тартудың орындылығы туралы шешімді бала емізудің пайдасын да, препараттың балаға жағымсыз әсерінің ықтимал қаупін де ескере отырып қабылдау керек. Фертильділік Метформин тәулігіне 600 мг/кг сияқты жоғары дозаларда енгізген кезде еркек немесе ұрғашы егеуқұйрықтардың фертильділігіне әсер етпеді, бұл, егер дене бетінің ауданына шаққанмен салыстырсақ, адам үшін ұсынылатын ең жоғары тәуліктік дозадан шамамен үш есе артық.

Ұсынылмайтын біріктірілімдері Алкоголь Жедел алкогольдік уыттану кезінде, әсіресе ашыққан, жеткіліксіз тамақтанған жағдайда немесе бауыр функциясының бұзылуы жағдайында лактоацидоздың даму қаупі жоғарылайды. Құрамында йод бар контрастты заттар: Метформинді қолдануды құрамында йод бар контрастты дәрілерді қолданумен жүргізілетін зерттеулерге дейін немесе оны жүргізу кезінде тоқтату керек және зерттеуден кейін 48 сағат өткеннен соң ғана және тек бүйрек функциясы қайталап талданғаннан кейін және соңынан нашарламайтыны анықталғаннан кейін ғана жаңғырту керек. Сақтықты талап ететін біріктірілімдер Кейбір дәрілік препараттар бүйрек функциясына теріс әсер етуі мүмкін, бұл лактоацидоздың пайда болу қаупін арттыруы мүмкін, мысалы, циклооксигеназаның (ЦОГ-2) селективті тежегіштерін қоса ҚҚСП, АӨФ тежегіштері, ангиотензин II рецепторларының блокаторлары және диуретиктер, әсіресе ілмекті диуретиктер. Емнің басында немесе осындай препараттармен метформинмен біріктіріп одан әрі емдеу барысында бүйрек функциясын мұқият бақылау қажет. Гипергликемиялық әсері бар дәрілік препараттар (глюкокортикоидтар (жүйелі және жергілікті әсер ететін) және симпатомиметиктер) Қандағы глюкоза деңгейін, әсіресе емнің басында, жиірек бақылау талап етілуі мүмкін. Осы дәрілік заттарды қолдану кезеңінде және тоқтатқаннан кейін метформиннің дозасы қажет болған жағдайда түзетіледі. Органикалық катиондарды тасымалдағыштар (ОКТ) Метформин ОКТ1 және ОКТ2 субстраттардың екеуі үшін де субстрат болып табылады. Метформинмен бірге қолдану: - ОКТ1 (верапамил) тежегіштерімен – метформин тиімділігі төмендеуі мүмкін; - ОКТ1 индукторлары (рифампицин) – АІЖ сіңудің жоғарылауы және метформин тиімділігі артуы мүмкін; - ОКТ2 тежегіштері (циметидин, долутегравир, ранолазин, триметоприм, вандетамиб, изавуконазол) метформиннің бүйрек элиминациясын төмендетуі мүмкін және соның салдарынан плазмадағы метформиннің жоғарылауына әкелуі мүмкін; - ОКТ1 және ОКТ2 тежегіштері (кризотиниб, олапариб) метформиннің тиімділігіне және шығарылуына әсер етуі мүмкін. Метформинді, плазмадағы метформиннің концентрациясы жоғарылауы мүмкіндігінен әсіресе бүйрек жеткіліксіздігі бар пациенттерде басқа дәрілік заттармен бірге қолданғанда сақ болу керек.

Сақтау мерзімі 3 жыл Жарамдылық мерзімі өткеннен кейін қолдануға болмайды. Сақтау шарттары 25°C-ден аспайтын температурада сақтау керек. Балалардың қолы жетпейтін жерде сақтау керек!