Сирамза™ концентрат 10 мг/мл

Бір мл препараттың құрамында белсенді зат - 10 мг рамуцирумаб қосымша заттар – L-гистидин, L-гистидин моногидрохлориді, глицин, натрий хлориді, полисорбат 80, инъекцияға арналған су. Сыртқы түрінің, иісінің, дәмінің сипаттамасы Көрінетін бөлшектерсіз мөлдір немесе сәл бозаңданатын, түссіз немесе сарғыштау реңді стерильді ерітінді.

- монотерапия ретінде немесе паклитакселмен біріктірілімде фторпиримидин немесе платина препараттары қолданылатын алдыңғы химиялық ем курсы кезінде немесе одан кейін ауруы үдей бастаған асқазанның немесе өңеш-асқазан қосылысының кең таралған немесе метастаздық аденокарциномасы бар ересектерді емдеуге тағайындалады. - доцетакселмен біріктірілімде платина препараттарының негізіндегі химиялық ем курсы кезінде немесе одан кейін ауруы үдей бастаған өкпенің метастаздық ұсақ жасушалы емес обыры (ӨҰЖО) бар ересектерді емдеуге тағайындалады. Эпидермальді өсу факторы рецепторының генетикалық аберрациясы (EGFR) немесе анапластикалық лимфома киназасы (ALK) бар пациенттерге Сирамзатм препаратын осындай ісіктерді емдеу үшін мақұлданған ем аясында аурудың үдеу белгілері анықталған жағдайда ғана тағайындауға болады. - эрлотинибпен біріктіріп өкпенің метастаздық ұсақ жасушалы емес обыры (ӨҰЖЕО) бар ересектерді емдеу үшін бірінші кезектегі терапия ретінде тағайындалады, оның ісіктерінде экзон 19-дағы делеция типі немесе экзон 21-дегі алмастыру типі (L858R) бойынша эпидермальді өсу факторы рецепторы генінің мутациялары (EGFR) бар. - FOLFIRI химиялық ем режимімен (иринотекан, фолиний қышқылы, фторурацил) біріктірілімде бевацизумаб, оксалиплатин және фторпиримидин қолданылатын алдыңғы емдеу курсы кезінде немесе одан кейін ауруы үдей бастаған метастаздық колоректальді обыры (МКО) бар ересектерді емдеуге тағайындалады. - альфа-фетопротеин деңгейі (AFP) ≥400 нг/мл және сорафенибпен ем қабылдаған, гепатоцеллюлярлық карциномасы бар ересектерді емдеу үшін монотерапия ретінде.

ATХ коды: L01XC21 Әсер ету механизмі Рамуцирумаб VEGFR - VEGF-А, VEGF-С және VEGF-D лигандтарының байланыстырылуын бөгей отырып, VEGF 2-типті рецепторымен спецификалық байланысатын 2-типті тамырлар эндотелийінің өсу факторы рецепторының антагонисі болып табылады. Нәтижесінде рамуцирумаб лигандтар индукциялайтын адамның эндотелий жасушаларының пролиферациясы мен миграция процесін тежей отырып, VEGF 2-типті рецепторының лигандқа байланысты белсенділенуін тежейді. Клиникаға дейінгі зерттеулерде іn vivo жағдайында рамуцирумаб ангиогенезді тежеген. Клиникалық тиімділігі мен қауіпсіздігі Асқазан обыры REGARD зерттеуі Сирамза препаратының тиімділігі REGARD (NCT00917384) зерттеуінде, бұрын платина немесе фторпиримидин препараттары негізінде химиотерапия қабылдаған асқазанның жергілікті кең таралған немесе метастаздық обыры (өңеш-асқазан қосылысын [ӨАҚ] аденокарциномасын қоса) бар пациенттерді тартумен жүргізілген халықаралық рандомизацияланған салыстырмалы жасырын көп орталықты зерттеуде бағаланды. Зерттеуге жергілікті-таралған немесе метастаздық обырдың бірінші желісін емдеу шеңберінде соңғы инфузиядан кейін 4 ай ішінде немесе адъюванттық емдеу препаратының соңғы дозасын алғаннан кейін 6 ай ішінде ауруы үдей бастаған пациенттер қатыстырылды. Зерттеуге қатыстырылудың міндетті критерийі ECOG 0 немесе 1 шкаласына сәйкес ФС болды. Пациенттер 2:1 арақатынасында 8 мг/кг дозада Сирамза препаратымен вена ішіне инфузия алатын немесе 2 аптада бір рет плацебо алатын топтарға рандомизацияланған. Рандомизация соңғы 3 ай ішінде (≥10% және <10%) салмақты төмендету бойынша стратификациямен, географиялық аймақтарға және негізгі ісікті шектеу (асқазан және ӨАҚ) бойынша жүргізілді. Тиімділікті бағалаудың бастапқы критерийі жалпы тіршілікке қабілеттілігі (ЖТ) болды. Тиімділікті бағалаудың қосымша критерийі үдеусіз тірі қалу (ҮТҚ) болды. Рандомизация шарасынан жалпы алғанда 355 пациент өтті, оның 238-і Сирамза препаратының тобына, 117-плацебо тобына енгізілді. Аурудың бастапқы демографиялық көрсеткіштері мен сипаттамалары емдеу топтарында ерекшеленбеді. Жас медианасы 60 жылға тең (ауқымы 24-тен 87 жасқа дейін), пациенттердің 70%-ы ерлер болды, 77%-ы еуропалық нәсілге тиесілі, 16%-ы азиялықтар болды, ECOG бағалау шкаласына сәйкес ФС 28% - 0 балл, ал 72% - 1 балл, 91% жағдайда пациенттерде өлшемге келетін ісігі, 75%-да асқазан обыры диагностикаланды, ал 25%-да ӨАҚ аденокарциномасы анықталды. Көптеген пациенттерде (85%) ауру метастаздық аурудың бірінші желісінің емдеу курсы кезінде немесе одан кейін үдей бастады. Асқазан обырының алдыңғы емі платина препараттарымен және фторпиримидинмен (81%) біріктіріп емдеуді, платина препараттарын қоспай құрамында фторпиримидин бар химиотерапия режимдерін (15%) және фторпиримидин қосылмаған платина препараттары негізіндегі химиотерапия режимдерін (4%) қамтиды. Пациенттер Сирамза препаратының орта есеппен 4 дозасын (1 - 34) немесе плацебо препаратының 3 дозасын (1 - 30) қабылдады. Тиімділік нәтижелері 2-кестеде және 1-суретте келтірілген. 2-кесте: REGARD зерттеуінде алынған тиімділік нәтижелері Сирамза + ОДЕ N = 238 — Плацебо + ОДЕ N = 117 Жалпы тіршілікке қабілеттілігі Өліммен аяқталғандар саны (%) — 179 (75%) — 99 (85%) Аймен көрсетілген жалпы тіршілік қабілетінің медианасы (95% СА) — 5,2 (4,4; 5,7) — 3,8 (2,8; 4,7) Қауіптер арақатынасы (95% СА) — 0,78 (0,60; 0,998) Стратификацияланған логрангалық критерий бойынша р мәні — 0,047 Аурудан үдеусіз тірі қалу Қарастырылған оқиғалар саны (%)a — 199 (84%) — 108 (92%) Аймен көрсетілген ҮТҚ медианасы (95%-дық СА) — 2,1 (1,5; 2,7) — 1,3 (1,3; 1,4) Қауіптер арақатынасы (95%-дық СА) — 0,48 (0,38; 0,62) Стратификацияланған логрангалық критерий бойынша р мәні — <0,001 ОДЕ – оңтайлы демеуші ем СА – сенімді аралық а – өлім: Сирамза препаратын қолданған пациенттер тобындағы 199 оқиғаның 65-і және плацебо қолданған пациенттер тобындағы 108 оқиғаның 31-і. 1 –сурет REGARD зерттеуіндегі Каплан-Мейер жалпы тіршілік қабілетінің қисығы RAINBOW зерттеуі Сирамза препаратының тиімділігі RAINBOW (NCT01170663) зерттеуінде, бұрын платина және фторпиримидин препараттары негізінде химиотерапия қабылдаған асқазанның жергілікті- кең таралған немесе метастаздық обыры (ӨАҚ аденокарциномасын қоса) бар пациенттердің қатысуымен халықаралық рандомизацияланған салыстырмалы жасырын зерттеуде бағаланды. Зерттеуге ауруды бірінші желісінің емдеу курсы кезінде немесе бірінші желідегі емдеу шеңберінде соңғы инфузиядан кейін 4 ай ішінде үдей бастаған пациенттер тартылды. Зерттеуге қосудың міндетті критерийі ECOG 0 немесе 1 шкаласына сәйкес ФС болды. Пациенттер 1:1 арақатынасында 8 мг/кг дозада Сирамза препаратымен вена ішіне инфузиялауға немесе 2 аптада бір рет плацебо (әрбір 28 күндік циклдың 1 және 15 күні) рандомизацияланған. Емдеудің екі тобының пациенттері сондай-ақ паклитакселдің венаішілік инфузиясын 80 мг/м2 дозада әрбір 28 күндік циклдің 1, 8 және 15 күндері алды. Паклитакселдің әрбір инфузиясы алдында пациенттер гематологиялық көрсеткіштер мен бауыр функциясының көрсеткіштері рұқсат етілген шектерде екенін растау мақсатында талдаулар тапсырды. 4 ауырлық дәрежесіндегі гематологиялық уыттылығы анықталған жағдайда немесе 3 ауырлық дәрежесіндегі гематологиялық емес уыттылықтағы паклитакселді қолданумен байланысты паклитакселдің дозасы тұрақты негізде 10 мг/м2 төмендеді, бірақ 2 реттен артық емес. Рандомизация географиялық аймақтар, уақыт бойынша стратификациямен, бірінші желідегі (<6 ай және ≥6 ай) емді бастау және ісіктің өлшенуі сәтінен бастап аурудың өршуіне дейін жүргізілді. Тиімділікті бағалаудың бастапқы критерийі ЖТ болды. Тиімділікті бағалаудың қосымша критерийлері ҮТҚ және емге жауаптардың жалпы жиілігі (ЖЖЖ) болды. Рандомизация емшарасынан жалпы алғанда 665 пациент өтті, олардың 330 - ы Сирамза препаратының тобына, ал 335-плацебо тобына енгізілді. Аурудың бастапқы демографиялық көрсеткіштері мен сипаттамалары емдеу топтарында ерекшеленген жоқ. Жас медианасы 61 жасқа тең болды (диапазоны: 24-тен 84 жасқа дейін), пациенттердің 71%-ы ер адамдар, 61%-ы еуропалық нәсілге тиесілі, ал 35%-ы азиялықтар болды, ECOG бағалау шкаласына сәйкес ФС 39%-ы 0 балл, ал 61%-ы - 1 балл, пациенттердің 78%-да өлшемге келетін ісігі болды, 79% - да асқазан обыры диагностикаланды, ал 21%-ы ӨАҚ аденокарциномасынан зардап шекті. Пациенттердің 2/3 (67%) бөлігінде ауру бірінші желінің емдеу курсы кезінде үдей бастады және пациенттердің 25% платина және фторпиримидин препаратынан тұратын біріктірілімге қосымша антрациклин алды. Тиімділік нәтижелері 3-кестеде және 2-суретте көрсетілген. 3- кесте: RAINBOW зерттеуінде алынған тиімділік нәтижелері Сирамза + Паклитаксел N = 330 — Плацебо + Паклитаксел N = 335 Жалпы тіршілікке қабілеттілігі Өліммен аяқталғандар саны (%) — 256 (78%) — 260 (78%) Аймен көрсетілген жалпы тіршілік қабілетінің медианасы (95%-дық СА) — 9,6 (8,5; 10,8) — 7,4 (6,3; 8,4) Қауіптер арақатынасы (95%-дық СА) — 0,81 (0,68; 0,96) Стратификацияланған логрангалық критерий бойынша р мәні — 0,017 Аурудан үдеусіз тірі қалу Қарастырылған оқиғалар саны (%)a — 279 (85%) — 296 (88%) Аймен көрсетілген ҮТҚ медианасы (95%-дық СА) — 4,4 (4,2; 5,3) — 2,9 (2,8; 3,0) Қауіптер арақатынасы (95%-дық СА) — 0,64 (0,54; 0,75) Стратификацияланған логрангалық критерий бойынша р мәні — <0,001 Емге жауаптың жалпы жиілігіb Қауіптер арақатынасы (95%-дық СА) — 28 % (23; 33) — 16% (13; 20) Стратификацияланған КМХ критерий бойынша р мәні — <0,001 КМХ – Кохран-Мантел-Хензел, СА – сенімді аралық а – өлім: Сирамза препаратын қолданған пациенттер тобындағы 279 оқиғаның 56-сы және плацебо қолданған пациенттер тобындағы 296 оқиғаның 55-і. b - Сирамза препаратын қолданғандар тобында емге толық 2 жауап тіркелді, ал плацебо қолдану аясында емге толық жауап берген 1 ғана оқиға тіркелді. 2-сурет RAINBOW зерттеуіндегі жалпы тіршілікке қабілеттілігінің Каплан-Мейер қисықтары Ұсақ жасушалы емес өкпе обыры RELAY зерттеулері Сирамза препаратының эрлотинибпен біріктіріліміндегі тиімділігі RELAY (NCT02411448) зерттеуінде, халықаралық, рандомизацияланған көп орталықты салыстырмалы жасырын плацебо-бақыланатын зерттеуде бағаланды, оған ісіктері экзон 19-да делециялары немесе эпидермальді өсу факторы рецепторы генінің экзон 21-де (L858R) алмастыру типі бойынша мутациялары бар өкпенің метастаздық ұсақ жасушалы емес обырына (ӨҰЖЕО) қатысты бұрын ем қабылдамаған пациенттер қатысты (EGFR). RELAY зерттеуіне қатысатын пациенттерде аурудың өлшенетін көріністері болуы керек, ECOG ФС шкаласы бойынша балл 0 - 1 шегінде болуы керек, пациенттерде орталық жүйке жүйесінде (ОЖЖ) метастаздар, сондай-ақ бастапқы деңгейде EGFR Т790M белгілі мутациялары болмауы керек. 1:1 қатынасындағы пациенттер әрбір 2 апта сайын Сирамза препаратымен 10 мг/кг дозада немесе аурудың өршуіне немесе қолайсыз уыттылықтың дамуына дейін тәулігіне 1 рет пероральді 150 мг дозада эрлотинибпен біріктірілімде плацебомен рандомизацияланды. Рандомизация географиялық аймақтар (Шығыс Азия және басқа аймақтар), пациенттің жынысы, EGFR мутациясының түрі (экзон 19делециясы және экзон 21 ауыстыру [L858R]), сондай-ақ жергілікті EGFR тестілеу әдісі (therascreen®және cobas® немесе басқа ПТР және жүйелеуге негізделген әдістер) бойынша стратификациямен жүргізілді. Тиімділікті бағалаудың бастапқы критерийі зерттеуші (RECIST нұсқасы 1.1) бағалаған аурудың өршуінсіз өмір сүру көрсеткіші болды. Тиімділікті бағалаудың қосымша критерийлері жалпы өмір сүру (ЖТҚ), емделуге жауап беру реакциясының жалпы жиілігі (ЖЖЖ) және жауап беру реакциясының ұзақтығы (ЖҰ) болды. Рандомизация процедурасынан барлығы 449 пациент өтті, олардың 224-і Сирамза препаратының тобына, ал 225-і плацебо тобына енгізілді. Бастапқы демографиялық көрсеткіштер мен аурудың сипаттамалары емдеу топтарында ерекшеленбеді. Пациенттердің жас медианасы 65 жасқа тең болды (23 жастан 89 жасқа дейін), пациенттердің 63%-ы әйелдер, 22%-ы еуропалық нәсілге жатады, ал 77%-ы азиялықтар, 52% - ы ECOG бойынша ФС балы 0 болды, 61%-ы ешқашан темекі шекпеген; 54%-ында экзон 19 делециясы, ал 45%-ында экзон 21-де орын басу (L858R) болды. Тиімділікті сынау нәтижелері 4-кестеде және 3-суретте көрсетілген. 4-кесте: RELAY зерттеуінде алынған тиімділік нәтижелері Сирамза + Эрлотиниб N=224 — Плацебо + Эрлотиниб N=225 Аурудың үдеуінсіз тірі қалу Қарастырылған оқиғалар саны (%)a — 122 (55%) — 158 (70%) ҮТҚ медианасы айлармен (95%-дық СА) — 19,4 (15,4; 21,6) — 12,4 (11,0; 13,5) Қауіптер қатынасы (95%-дық СА) — 0,59 (0,46; 0,76) Стратифицирленген логрангілік критерий бойынша р мәні — <0,0001 Қысқартулар: ITT = рандомизациядан өткен барлық пациенттер, СА = сенімді аралық, ҚЖ = қол жеткізілген жоқ aСирамза препаратын қабылдаған пациенттерде 122 құбылыстың 4-і және плацебо қабылдаған пациенттерде 158 құбылыстың 1-уі өліммен аяқталды 3-сурет RELAY зерттеуіндегі зерттеушінің бағалауы бойынша аурудың үдеуінсіз Каплан-Мейер тіршілікке қабілеттілігінің қисықтары Рентгенологиялық нәтижелерді тәуелсіз жасырын шолуға негізделген ҮТҚ бағалауы зерттеу барысында бағалауға ұқсас нәтижелер берді. ҮТҚ тұрғысынан емнің әсері барлық алдын-ала анықталған стратификация факторлары үшін өзгеріссіз болды. ТЖС көрсеткіші 76% (95% СА: 71, 82) Сирамза және эрлотиниб препаратымен біріктірілген ем тобында және 75% (95% СА: 69, 80) плацебо тобында эрлотинибпен біріктірілімде, бұл ретте медианалық ПО тиісінше 18,0 айды (95% СА: 13,9; 19,8) және 11,1 айды (95% СА: 9,7; 12,3) құрады. Алдын ала жоспарланған жалпы өмір сүру ұзақтығын (OS) соңғы талдау нәтижелеріне сәйкес, 297 оқиғадан кейін стратификацияланған OS қауіп қатынасы (HR) 0.98 болды (95% CI: 0.78 - 1.24). Жалпы өмір сүрудің медианалық көрсеткіші Сирамза және эрлотиниб комбинациясын алған топта 51.1 айды (95% CI: 44.8 - 57.3) құрады, ал плацебо және эрлотиниб комбинациясын алған топта — 46.0 ай (95% CI: 43.6 - 53.0). REVEL зерттеуі Сирамза препаратының тиімділігі REVEL (NCT01168973) зерттеуінде, платина препараттарының негізінде химиотерапияның бір курсы кезінде немесе одан кейін жергілікті таралған немесе метастаздық аурудың үдеуі анықталған ӨҰЖО бар пациенттердің қатысуымен халықаралық рандомизацияланған салыстырмалы жасырын зерттеуде бағаланды. REVEL зерттеуіне ECOG 0 немесе 1 шкаласына сәйкес ФС бар пациенттер тартылды. Пациенттер 1:1 арақатынасында венаішілік инфузияға 21 күн сайын Сирамза препаратымен 10 мг/кг дозада немесе 75 мг/м2 дозада доцетакселмен плацебо біріктіріп рандомизацияланған. Шығыс Азиядан зерттеуге қатысушылар 21 күн сайын 60 мг/м2 тең доцетакселдің төмендетілген дозасын алды. Сирамза препаратын/ плацебо немесе доцетаксел қолдануға байланысты жағымсыз реакциялар салдарынан біріктірілген емді жалғастыра алмаған пациенттерге басқа компоненттермен монотерапияға өтуге және аурудың өршуі немесе жақпайтын уыттылық белгілері пайда болғанға дейін емді жалғастыруға рұқсат етілген. Рандомизация географиялық аймақтар, пациенттің жынысы, алдыңғы демеуші ем және ECOG шкаласына сәйкес ФС бойынша стратификациялаумен жүргізілді. Тиімділікті бағалаудың бастапқы өлшемі ЖТ болды. Тиімділікті бағалаудың қосымша критерийлері ҮТҚ және ЖЖЖ болды. Рандомизация емшарасынан жалпы алғанда 1253 пациент өтті, олардың 628-і Сирамза препаратының тобына, ал 625-плацебо тобына енгізілді. Аурудың бастапқы демографиялық көрсеткіштері мен сипаттамалары емдеу топтарында ерекшеленген жоқ. Пациенттердің жас медианасы жасы 62 жасқа тең болды (21 жастан 86 жасқа дейін), олардың 67%-ы ер адамдар болды, 82%-ы еуропалық нәсілге тиесілі, ал 13%-ы азиялықтар болды, 32% -да ECOG 0 шкаласына сәйкес ФС болды, 73% - ында жалпақ жасушалы емес обыр диагностикаланды, ал 26%-ында жалпақ жасушалы ісіктер анықталды. Платина препараттары (99%) негізінде химиотерапияға қосымша пациенттер көбінесе пеметрексед (38%), гемцитабин (25%), таксан (24%) және бевацизумаб (14%) қабылдады. Пациенттердің 22% алдыңғы демеуші ем алды. EGFR генінің мутациялық статусы жағдайлардың жартысынан көбінде (65%) белгісіз болды. EGFR генінің (n = 445) белгілі мутациялық статусы бар пациенттер арасында EGFR мутациясы 7,4% (n = 33) анықталды. ALK транслокациясымен ісіктері бар пациенттердің саны туралы ақпарат алынған жоқ. Емдеуге жауаптардың жалпы жиілігі (толық жауаптар + ішінара жауаптар) (95% СА: 20; 26) Сирамза және доцетаксел препаратының тобында 23% және (95% СА: 11; 17) плацебо және доцетаксел тобында14%, р <0,001 болды. Тиімділік нәтижелері 5-кестеде және 4-суретте көрсетілген. 5-кесте: REVEL зерттеуінде алынған тиімділік нәтижелері Сирамза + Доцетаксел N = 628 — Плацебо + Доцетаксел N = 625 Жалпы тіршілікке қабілеттілігі Өліммен аяқталғандар саны (%) — 428 (68%) — 456 (73%) Аймен көрсетілген жалпы тіршілік қабілетінің медианасы (95%-дық СА) — 10,5 (9,5; 11,2) — 9,1 (8,4; 10,0) Қауіптер арақатынасы (95%-дық СА) — 0,86 (0,75; 0,98) Стратификацияланған логрангалық критерий бойынша р мәні — 0,024 Аурудан үдеусіз тірі қалу Қарастырылған оқиғалар саны (%)a — 558 (89%) — 583 (93%) Аймен көрсетілген ҮТҚ медианасы (95%-дық СА) — 4,5 (4,2; 5,4) — 3,0 (2,8; 3,9) Қауіптер арақатынасы (95%-дық СА) — 0,76 (0,68; 0,86) Стратификацияланған логрангалық критерий бойынша р мәні — <0,001 СА – сенімді аралық а – өлім: Сирамза препаратын қолданған пациенттер тобындағы 558 оқиғаның 126-сы және плацебо қолданған пациенттер тобындағы 583 оқиғаның 109-ы. 4-сурет REVEL зерттеуіндегі жалпы тіршілікке қабілеттілігінің Каплан-Мейер қисықтары Колоректальді обыр Сирамза препаратының тиімділігі RAISE (NCT01183780) зерттеуінде, бевацизумабпен, оксалиплатинмен және фторпиримидинмен емдеу кезінде немесе одан кейін үдемелі ауру анықталған мКРО бар пациенттердің қатысуымен жүргізілген халықаралық рандомизацияланған салыстырмалы жасырын зерттеуде бағаланды. RAISE зерттеуіне ECOG 0 немесе 1 шкаласына сәйкес ФС бар пациенттер қатыстырылды, оларда ауру бірінші желілік емдеу шеңберінде соңғы инфузиядан кейін 6 айдан кешіктірмей үдей бастады. Пациенттер 1:1 арақатынасында Сирамза препаратының 8 мг/кг дозада венаішілік инфузиясына немесе FOLFIRI режимімен біріктіріп плацебода рандомизацияланған: 90 минут бойы 180 мг/м2 дозада иринотеканның венаішілік инфузиясы және бір мезгілде 120 минут ішінде 400 мг/м2 дозада фолиний қышқылының венаішілік инфузиясы, бұдан кейін 2-4 минут бойы 400 мг/м2 дозада фторурацилді венаішілік болюстік енгізе отырып, содан кейін 46-48 сағат ұзақтықпен 2400 мг/м2 дозада фторурацилді үздіксіз венаішілік инфузиялау керек. Екі топтың емдеу циклдері әр 2 апта сайын қайталанды. Жағымсыз реакцияларға байланысты емнің бір немесе бірнеше компоненттерін қолдануды тоқтатқан жағдайда пациенттерге аурудың өршу белгілері немесе қолайсыз уыттылық пайда болғанға дейін емнің басқа компоненттерімен емдеуді жалғастыруға рұқсат етілген. Рандомизация географиялық аймақтар бойынша стратификациямен, KRAS генінің мутациялық статусымен және бірінші желінің (<6 ай және ≥6 ай) емі басталған сәттен бастап аурудың үдеуіне дейінгі уақытқа дейін жүргізілді. Тиімділікті бағалаудың бастапқы критерийі ЖТ болды. Тиімділікті бағалаудың қосымша критерийі ҮТҚ болды. Рандомизация емшарасынан жалпы алғанда 1072 пациент өтті, олардың 536 - ы Сирамза препаратының тобына, ал 536-плацебо тобына енгізілді. Аурудың бастапқы демографиялық көрсеткіштері мен сипаттамалары емдеу топтарында ерекшеленген жоқ. Пациенттердің жас медианасы 62 жасқа тең болды (21 жастан 87 жасқа дейін), олардың 57% - ы ер адамдар, 76% - ы еуропалық нәсілге тиесілі, ал 20% - ы азиялықтар, 49% - ы ECOG 0 шкаласына сәйкес ФС болды, 49% - ында KRAS генінің мутациясы бар ісіктер диагностикаланды және 24% жағдайда бірінші желілік ем басталған сәттен бастап аурудың үдеуі анықталғанға дейін 6 айдан аз уақыт өтті. Алдын ала анықталған стратификация критерийлерін ескере отырып бөлінген пациенттердің барлық қосалқы топтарында салыстырмалы емдік әсер байқалды. Тиімділік нәтижелері 6-кестеде және 5-суретте көрсетілген. 6-кесте: RAISE зерттеуінде алынған тиімділік нәтижелері Сирамза + FOLFIRI N = 536 — Плацебо + FOLFIRI N = 536 Жалпы тіршілікке қабілеттілігі Өліммен аяқталғандар саны (%) — 372 (69%) — 397 (74%) Аймен көрсетілген жалпы тіршілік қабілетінің медианасы (95%-дық СА) — 13,3 (12,4; 14,5) — 11,7 (10,8; 12,7) Қауіптер арақатынасы (95%-дық СА) — 0,85 (0,73; 0,98) Стратификацияланған логрангалық критерий бойынша р мәні — 0,023 Аурудан үдеусіз тірі қалу Қарастырылған оқиғалар саны (%)a — 476 (89%) — 494 (93%) Аймен көрсетілген ҮТҚ медианасы (95%-дық СА) — 5,7 (5,5; 6,2) — 4,5 (4,2; 5,4) Қауіптер арақатынасы (95%-дық СА) — 0,79 (0,70; 0,90) Стратификацияланған логрангалық критерий бойынша р мәні — <0,001 СА-сенімді аралық а – өлім: Сирамза препаратын қолданған пациенттер тобындағы 476 оқиғаның 73-і және плацебо қолданған пациенттер тобындағы 494 оқиғаның 64-і. 5-сурет RAISE зерттеуіндегі Каплан-Мейер жалпы тіршілік қабілеті қисықтары Гепатоцеллюлярлық карцинома Сирамза препаратының тиімділігі REACH 2 (NCT02435433) зерттеуінде, соңғы сатыларда ГЦК бар және аурулары сорафенибпен емдеу кезінде немесе одан кейін үдеген немесе сорафенибті көтере алмаған, АФП деңгейі ≥400 нг/мл болатын пациенттердің қатысуымен халықаралық рандомизацияланған салыстырмалы жасырын плацебо-бақыланатын көп орталықты зерттеуде бағаланды. REACH-2 зерттеуге ECOG 0 немесе 1 шкаласына сәкес ФС бар пациенттер, Чайлд-Пью жіктелуі бойынша А класты бауыр циррозы, локорегионалды емдеуге немесе BCLC сәйкес С сатысындағы ГЦК жатпаған BCLC сәйкес В сатысындағы ГЦК бар пациенттер қатыстырылды. Пациенттер 2:1 арақатынасында Сирамза препаратының венаішілік инфузиясына 8 мг/кг дозада немесе плацебода 2 аптада бір рет рандомизацияланған және ауру үдегенге дейін немесе тиімсіз уыттылық дамығанға дейін емдеуді жалғастырды. Рандомизация географиялық аймақтарды стратификациялаумен, макротамырлық инвазия (иә немесе жоқ) және ECOG шкаласына сәйкес ФС (0 немесе 1) арқылы жүргізілді. Тиімділікті бағалаудың бастапқы критерийі ЖТ болды. Тиімділікті бағалаудың қосымша критерийлері зерттеушімен анықталған ҮТҚ және ЖЖЖ болды. Рандомизациялау емшарасынан жалпы саны 292 пациент өтті, оның 197- і Сирамза препаратының тобына, ал 95-і плацебо тобына енгізілді. Аурудың бастапқы демографиялық көрсеткіштері мен сипаттамалары емдеу топтарында ерекшеленген жоқ. Пациенттердің жас медианасы 64 жасқа тең болды (26-дан 88 жасқа дейін), 80%-ы ерлер жынысына тиесілі, 50% - ы азиялықтар болды, 58% - ы ECOG 0 шкаласына сәйкес ФС болды, 35% - да макротамырлық инвазия анықталды, 72% - да ауру бауырдан тыс тарады, 17% - ы сорафенибті көтере алмады, 37% - ы B гепатитінен, ал 26% - C гепатитінен зардап шекті, 24% - ы бұрын алкогольді шамадан тыс пайдаланды және 64% - ы бұрын локорегионарлық емдеуден өтті. Тиімділік нәтижелері 7-кестеде және 6-суретте көрсетілген. 7-кесте: REACH-2 зерттеуінде алынған тиімділік нәтижелері Сирамза + ОДЕ N = 197 — Плацебо + ОДЕ N = 95 Жалпы тіршілікке қабілеттілігі Өліммен аяқталғандар саны (%) — 147 (75%) — 74 (78%) Аймен көрсетілген жалпы тіршілік қабілетінің медианасы (95%-дық СА) — 8,5 (7,0; 10,6) — 7,3 (5,4; 9,1) Қауіптер арақатынасы (95%-дық СА) — 0,71 (0,53; 0,95) Стратификацияланған логрангалық критерий бойынша р мәні — 0,020 Аурудан үдеусіз тірі қалу Қарастырылған оқиғалар саны (%)a — 172 (87%) — 86 (91%) Аймен көрсетілген ҮТҚ медианасы (95%-дық СА) — 2,8 (2,8; 4,1) — 1,6 (1,5; 2,7) Қауіптер арақатынасы (95%-дық СА) — 0,45 (0,34; 0,60) Стратификацияланған логрангалық критерий бойынша р мәні — <0,001 Емге жауаптың жалпы жиілігіb Қауіптер арақатынасы (95%-дық СА) — 4,6% (1,7; 7,5) — 1,1% (0;3,1) ОДЕ – оңтайлы демеуші ем; СА – сенімді аралық а – өлім: Сирамза препаратын қолданған пациенттер тобындағы 172 оқиғаның 26-сы және плацебо қолданған пациенттер тобындағы 86 оқиғаның 9-ы. 6-сурет REACH-2 зерттеуіндегі Каплан-Мейер жалпы тіршілікке қабілеттілігінің қисықтары

Сирамза™ препаратымен емдеу онколог-дәрігердің қатаң бақылауымен басталуы және жүргізілуі тиіс. Дозалау режимі Сирамза™ препаратын қолданар алдындағы нұсқаулар Сирамза™ препаратын әрбір инфузиялау алдында барлық пациенттер гистаминді Н1-рецепторлар блокаторының (мысалы, дифенгидрамин гидрохлориді) венаішілік инъекциясын қабылдаулары тиіс. 1 немесе 2 ауырлық дәрежесіндегі инфузиялық реакциялар анықталған пациенттерге Сирамза™ препаратын әрбір инфузиялау алдында гистаминді Н1-рецепторлардың блокаторымен, дексаметазонмен (немесе аналогымен) және ацетаминофенмен премедикация көрсетілген. Асқазан обыры кезінде ұсынылған доза - Монотерапия ретінде немесе паклитакселдің апта сайынғы инфузиясымен біріктіріп тағайындалатын Сирамза™ препаратының ұсынылған дозасы әрбір 2 апта сайын 8 мг/кг құрайды және 60 минут ұзақтықпен венаішілік инфузия түрінде енгізіледі. Егер бірінші инфузия жағымды болса, Сирамза™ препаратының кейінгі барлық инфузияларын 30 минут ішінде енгізуге болады. Сирамза™ препаратымен емдеуді аурудың өршу белгілері немесе қолайсыз уыттылық белгілері пайда болғанға дейін жалғастырады. - Паклитакселмен біріктіріп емдегенде Сирамза™ препаратын паклитакселді қолданғанға дейін енгізу керек. - Паклитаксел дозасы туралы ақпарат алу үшін осы дәрілік препараттың жалпы сипаттамасын қараңыз. Өкпенің ұсақ жасушалы емес обырында ұсынылатын доза Экзон 19-дағы делеция типі бойынша немесе экзон 21(L858R) -дегі алмастыру типі бойынша эпидермальді өсу факторы (EGFR) рецепторы генінің мутациясы– Сирамза™ эрлотинибпен біріктірілімде - Сирамза™ препаратының ұсынылған дозасы әрбір 2 апта сайын 10 мг/кг құрайды және ұзақтығы 60 минут вена ішіне инфузия түрінде енгізіледі. Егер алғашқы инфузия қолайлы көшірілсе, барлық кейінгі Сирамза™ инфузияларын 30 минут ішінде енгізуге болады. Сирамза™ препаратымен емді аурудың өршу белгілері немесе қолайсыз уыттылық пайда болғанға дейін жалғастырады. - Эролтиниб дозасы туралы ақпарат алу үшін осы препараттың жалпы сипаттамасын қараңыз. Платина препараттары негізінде химиотерапия курсы кезінде немесе одан кейін аурудың өршуі – Сирамза™ доцетакселмен біріктірілімде - Сирамза™ препаратының ұсынылған дозасы 10 мг/кг құрайды және доцетаксел инфузиясы алдында 21 күндік циклдің 1-күнінде 60 минут ұзақтықпен венаішілік инфузия түрінде енгізіледі. Егер бірінші инфузия жағымды болса, Сирамза™ инфузиясын 30 минут ішінде енгізуге болады. Сирамза™ препаратымен емдеуді аурудың өршу белгілері немесе қолайсыз уыттылық пайда болғанға дейін жалғастырады. - Доцетаксел дозасы туралы ақпарат алу үшін осы дәрілік препараттың жалпы сипаттамасын қараңыз. Колоректальді обыр кезінде ұсынылатын доза -Сирамза™ препаратының ұсынылған дозасы әрбір 2 апта сайын 8 мг/кг құрайды және FOLFIRI енгізер алдында 60 минут ұзақтықпен венаішілік инфузия түрінде енгізіледі. Егер бірінші инфузия жағымды болса, Сирамза™ инфузиясын 30 минут ішінде енгізуге болады. Сирамза™ препаратымен емдеуді аурудың өршуі немесе қолайсыз уыттылық белгілері пайда болғанға дейін жалғастырады. - Фторурацил, лейковорин және иринотекан дозасы туралы ақпарат алу үшін осы дәрілік препараттың жалпы сипаттамасын қараңыз. Гепатоцеллюлярлық карцинома кезінде ұсынылатын доза - Сирамза™ препаратының ұсынылған дозасы әрбір 2 апта сайын 8 мг/кг құрайды және 60 минут ұзақтықпен венаішілік инфузия түрінде енгізіледі. Егер бірінші инфузия жағымды болса, Сирамза™ инфузиясын 30 минут ішінде енгізуге болады. Сирамза™ препаратымен емдеуді аурудың өршуі немесе қолайсыз уыттылық белгілері пайда болғанға дейін жалғастырады. Жағымсыз реакциялар кезінде дозаны модификациялау Жағымсыз реакциялар дамыған кезде төмендегі кестеде сипатталғандай, Сирамза™ препаратымен емдеуді тоқтата тұру немесе тоқтату, дозаны азайту қажет. 1-кесте. Сирамза™ дозасын модификациялау Жағымсыз реакциялар — Ауырлық дәрежесі — Дозаны модификациялау Қан кетулер — Ауырлық дәрежесі 3 немесе 4 — Сирамза™ препаратымен емдеуді тоқтату қажет Асқазан-ішек жолының тесілуі — Кез келген ауырлық дәрежесі — Сирамза™ препаратымен емдеуді тоқтату қажет Жараның жазылған кездегі асқынулары — Кез келген ауырлық дәрежесі — Сирамза™ препаратымен емдеуді жоспарлы операцияға дейін 28 күн бұрын тоқтату қажет. Сирамза™ препаратымен емдеуді операциядан кейін 2 аптадан соң және жара толығымен жазылғаннан кейін ғана қайта жаңғырту керек. Операциядан кейін жара жазылған кезде туындаған асқынулар басылған соң Сирамза™ препаратымен емдеуді жаңғырту қауіпсіздігі анықталған жоқ. Артериялық тромбоэмболиялық асқынулар — Кез келген ауырлық дәрежесі — Сирамза™ препаратымен емдеуді тоқтату қажет Гипертензия — Ауыр гипертензия — Сирамза™ препаратымен емдеуді гипертензия дәрі-дәрмекпен бақыланғанша тоқтата тұру қажет. Гипертензияға қарсы ем бақыланбайтын ауыр гипертензия — Сирамза™ препаратымен емдеуді тоқтату қажет Инфузиялық реакциялар (ИР) (Сирамзаны™ қолдануды бастар алдында нұсқауларды қараңыз) — Ауырлық дәрежесі 1 немесе 2 — Инфузия жылдамдығын 50%-ға азайту қажет Ауырлық дәрежесі 3 немесе 4 — Сирамза™ препаратымен емдеуді тоқтату қажет Артқы қайтымды энцефалопатия синдромы — Кез келген ауырлық дәрежесі — Сирамза™ препаратымен емдеуді тоқтату қажет Протеинурия — Тәуліктік несепте ақуыз мөлшері жоғарылауының бірінші көрінісі ≥2 г — Сирамза™ препаратымен емдеуді тәуліктік несепте ақуыз мөлшері 2 г-ден аз болғанша тоқтата тұру қажет. Сирамза™ препаратымен емдеу төмен дозада қайта жаңғыртылады: 8 мг дозаны 6 мг-ге дейін төмендетеді 10 мг дозаны 8 мг-ге дейін төмендетеді Дозаны азайтқаннан кейін ≥2 г тәуліктік несепте ақуыз мөлшері жоғарылауының қайталанатын көрінісі — Сирамза™ препаратымен емдеуді тәуліктік несепте ақуыз мөлшері 2 г-ден аз болғанша тоқтата тұру қажет. Сирамза™ препаратымен емдеу төмен дозада қайта жаңғыртылады: 6 мг дозаны 5 мг-ге дейін төмендетеді 8 мг дозаны 6 мг-ге дейін төмендетеді ≥3 г тәуліктік несепте немесе нефроздық синдром аясында ақуыз мөлшерінің жоғарылауы — Сирамза™ препаратымен емдеуді тоқтату қажет Енгізу әдісі мен жолы Тек вена ішіне инфузиялауға арналған. Сирамза™ препаратын сорғалатып немесе болюстік енгізуге болмайды. Ерітіндіні дайындау -Ерітіндіні дайындар алдында құтының ішіндегісін механикалық қосылыстарының және түс өзгерісінің бар-жоғы тұрғысынан қарап тексеру қажет. Механикалық қосылыстары және түсінің өзгеруі анықталған жағдайда құтыны утилизациялау қажет. Препараты бар құтылар тура инфузияға дайындалу сәтіне дейін тоңазытқышта 2°С-ден 8°С дейінгі температурада сақталуы тиіс. Тіке түсетін күн сәулесінің әсерінен қорғау үшін құтыларды қаптамадан шығаруға болмайды. - Сирамза™ дозасын белгілеңіз және инфузияға арналған ерітіндіні дайындауға қажетті көлемін есептеңіз. Құтылардың құрамында 10 мг/мл концентрацияларда 100 мг/10 мл немесе 500 мг/50 мл Сирамза™ ерітіндісі бар. - Сирамза™ препаратының қажетті мөлшерін венаішілік инфузияларға арналған контейнерге толтырыңыз және 250 мл тең ерітіндінің түпкілікті көлемі алынғанша инъекцияға арналған натрий хлоридінің 0.9% ерітіндісімен сұйылтыңыз (басқа сұйылтқыштар қолдануға рұқсат етілмейді). Осы мақсатта құрамында декстроза бар ерітінділерді пайдаланбаңыз. - СІЛКУГЕ БОЛМАЙДЫ. Ерітіндінің мұқият араласуы кепілді болу үшін, контейнерді ұқыпты аударыстырыңыз. - Оны басқа ерітінділермен СҰЙЫЛТПАҢЫЗ және инфузияға арналған басқа электролиттермен немесе препараттармен АРАЛАСТЫРМАҢЫЗ. - МҰЗДАТЫП ҚАТЫРУҒА БОЛМАЙДЫ. Препарат құрамында консерванттар жоқ, сондықтан дайындалған ерітінді дереу пайдаланылуы тиіс. Егер дайындалған ерітінді дереу қолданылмаса, онда оны ерітінді асептика ережелерін қадағалаумен дайындалған жағдайда, 2°С-ден 8°С дейінгі температурада 24 сағаттан немесе 30°С төмен бөлме температурасында 4 сағаттан асырмай сақтау керек. - Салқындап қалған жағдайда, дайындалған ерітіндіні қолданар алдында бөлме температурасына дейін жеткізу қажет. - Сақтау уақыты инфузия ұзақтығын да қамтиды. - Сирамза™ препараты бір рет қолдануға арналған құтылардағы ерітінді. - Сирамза™ препаратының көлемі түгелімен пайдаланылмаса да, ашылған құтыларды утилизациялау керек. Қалған дәрілік препаратты және қалдығын белгіленген тәртіппен жою керек. Дәрілік препаратты қолдану тәсілін түсіндіру үшін медицина қызметкеріне кеңес алуға жүгіну жөніндегі нұсқаулар Сирамза™ препаратымен емдеу онколог-дәрігердің қатаң бақылауымен басталуы және жүргізілуі тиіс.

- белсенді субстанцияға немесе препараттың қосымша компоненттеріне аса жоғары сезімталдық.

Асқазан обырында Сирамза™ препаратын монотерапия режимінде қолдану Өте жиі - артериялық гипертензия - диарея Жиі - нейтропения - мұрыннан қан кету - бөртпе - артериялық тромбоэмболиялық асқынулар - протеинурия - анемия - ішек бітелісі - гипонатриемия - бас ауыру Кейде - инфузиялық реакциялар - АІЖ тесілуі Асқазан обырында Сирамза™ препаратын паклитакселмен біріктірілімде қолдану Өте жиі - нейтропения - тромбоцитопения - диарея - гастроинтестинальді қан кетулер - стоматит - қажу/ астения - шеткері ісінулер - гипоальбуминемия - протеинурия - мұрыннан қан кету - артериялық гипертензия Жиі - сепсис - фебрильді нейтропения - АІЖ тесілуі Өкпенің ұсақ жасушалы емес обырында Сирамза™ препараты эрлотинибпен біріктірілімде Өте жиі - инфекциялар - артериялық гипертензия - диарея, стоматит, АІЖ қан кету - протеинурия - алопеция - мұрыннан қан кету - шеткері ісінулер - бас ауыруы - АЛТ, АСТ, сілтілік фосфотаза деңгейінің жоғарылауы, гипокалиемия - анемия, тромбоцитопения, нейтропения Жиі - пневмония, пневмоторакс - теріасты шелінің қабынуы - өкпеден қан кету, қызылиектің қанағыштығы - паронихия - гипербилирубинемия Сирамза™ препаратын доцетакселмен біріктірілімде қолдану Өте жиі - нейтропения, фебрильді нейтропения - тромбоцитопения - қажу/астения - стоматит/шырышты қабықтың қабынуы - өкпеден қан кету (жалпақ жасушалы ісіктері бар пациенттерде) - көз жасы ағуының күшеюі - шеткері ісінулер - мұрыннан қан кету - артериялық гипертензия Жиі - өкпеден қан кету (жалпақ жасушалы емес ісіктері бар пациенттерде) - гипонатриемия - протеинурия - пневмония Жиі емес - инфузиялық реакциялар Колоректальді обырда Сирамза™ препаратын FOLFIRI-мен біріктірілімде қолдану Өте жиі - диарея - нейтропения - тромбоцитопения - тәбеттің төмендеуі - мұрыннан қан кету - стоматит - ішек бітелісі - фебрильді нейтропения - гастроинтестинальді қан кетулер - шеткері ісіну - протеинурия - пальмарлы-плантарлы эритродизестезия - артериялық гипертензия - ТТГ деңгейінің артуы Жиі - гипоальбуминемия - АІЖ тесілуі - ішек бітелісі - фебрильді нейтропения Гепатоцеллюлярлық карцинома кезінде монотерапия режимінде Сирамзаны™ қолдану Өте жиі - нейтропения, тромбоцитопения - гипоальбуминемия, гипонатриемия, гипокальцемия - қажу - шеткері ісінулер - тәбеттің төмендеуі - ұйқысыздық - қызба - артериялық гипертензия - арқаның ауыруы, іштің ауыруы - жүрек айнуы, құсу - асцит, пневмония - протеинурия - бас ауыруы - мұрыннан қан кету Жиі - инфузиялық реакциялар - бауыр энцефалопатиясы - гепаторенальді синдром Кездейсоқ хабарламалар нәтижелері бойынша жағымсыз реакциялар - тромбоздық микроангиопатия - гемангиома - артериялық (аорталықты қоса) аневризмалар және артериялардың қатпарлануы және жарылуы - дисфония - жүрек жеткіліксіздігі Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК www.ndda.kz

Адамдарда препараттың артық дозалану жағдайлары жөнінде ақпарат алынбаған. Сирамза™ препаратын екі аптада бір рет 10 мг/кг дейін қолданғанда ең жоғары жағымды дозалануына жетпеген.

- Сұйылтылған ерітіндіні қолданар алдында механикалық қосылыстардың болуын және түсінің өзгеруін тексеру қажет. Механикалық қосылыстардың болуы анықталған немесе түсі өзгерген жағдайда ерітіндіні утилизациялау қажет. - Сирамза™ препаратымен емдеу күрделі қан кетулерді тудыруы мүмкін. Пациенттер бас айналуды қоса, қан кету симптомдары пайда болған жағдайда оларға емдеуші дәрігерге жүгіну қажеттігінен хабардар болуы тиіс. - Сирамза™ препаратымен емдеу артериялық тромбоэмболиялық асқынулардың даму қаупін арттыруы мүмкін. - Артериялық гипертензия: пациенттер артериялық қысымға профилактикалық мониторинг жүргізу қажеттілігі туралы хабардар болуы тиіс және ол жоғарылаған немесе күрделі бас ауыруы, бас айналуы немесе неврологиялық симптомдарды қоса, гипертензия симптомдары жағдайында емдеуші дәрігерге жүгіну қажет. - Сирамза™ препаратының әрбір инфузиясы алдында премедикация жүргізу қажет. Инфузия барысында пациенттерге (ИР) инфузиялық реакция белгілерімен симптомдарын анықтауға мониторинг жүргізу қажет. ИР симптомдары діріл/тремор, арқаның ауыруы/түйілуі,кеуденің ауыруы және/немесе ауырлығы, қалтырау, гиперемия, ентігу, ысқырып тыныс алу, гипоксия және парестезияны қамтиды. Ауыр жағдайларда бронх түйілуі,қарыншаүстілік тахикардия және артериялық гипотензия сияқты симптомдар дамуы мүмкін. - Чайлд-Пью жіктелуі бойынша В немесе С класты бауыр циррозы бар пациенттерде Сирамза™ препаратын қолдану емдеуші дәрігердің пікірінше, емдеудің әлеуетті артықшылықтары цирроз ағымының шиеленісуіне байланысты қауіптерден асып кеткен жағдайда ғана ақталуы мүмкін. - АІЖ тесілуі: пациенттер күрделі диарея, құсу немесе іштің күрделі ауырсынуы пайда болған жағдайда емдеуші дәрігерге жүгінуі керек. - Сирамза™ препаратымен емдеу жараның жазылуына әсер етуі мүмкін. Пациенттер емдеуші дәрігермен емшараның потенциальді қауіптерін алдын ала талқылаусыз операцияға келісудің қажеті жоқ екендігінен хабардар болуы тиіс. - Сирамза™ препаратымен емдеу кезінде тест-жолақтарды пайдалана отырып, несеп талдауын және/немесе протеинурия симптомдарын мониторингтеу шеңберінде несептегі ақуыз/креатинин арақатынасына талдау жүргізу керек. - Сирамза™ препаратымен емдеу кезінде қалқанша без функциясына мониторинг жүргізу керек. - Артқы қайтымды энцефалопатия синдромының симптомдары: құрысулар, бас ауыру, жүрек айнуы/құсу, соқырлық немесе байланысты гипертензиямен немесе онсыз шатасқан сана. МРТ арқылы ҚАЭС диагнозы расталған жағдайда Сирамза™ препаратымен емдеуді тоқтату керек. - Сирамза™ препаратымен емдеуді бастамас бұрын гипертония немесе аневризма сияқты қауіп факторлары бар пациенттерде аневризма пайда болуы және/немесе артерияның қатпарлануы қауіпті факторлары мұқият қарау керек. Арнайы ескертулер Препаратты балаларда қолдану Сирамза™ препаратын қолданудың қауіпсіздігі мен тиімділігі балаларда зерттелмеген. Егде жастағы пациенттерде препаратты қолдану 65 жастағы және одан жоғары жастағы пациенттерде 65 жастан кіші пациенттермен салыстырғанда препараттың тиімділігі мен қауіпсіздігінде елеулі айырмашылықтар байқалмайды. Бүйрек жеткіліксіздігі Популяциялық фармакокинетикалық талдау нәтижелері бүйрек функциясы бұзылған пациенттерде дозаны түзету қажеттілігінің жоқтығын білдіреді. Бауыр жеткіліксіздігі Популяциялық фармакокинетикалық талдау нәтижелері бауыр функциясының жеңіл (қалыптың жоғарғы шегі аралығында жалпы билирубин [ҚЖШ] және аспартатаминотрансфераза [АСТ] > ҚЖШ немесе жалпы билирубин ҚЖШ-дан >1,0-1,5 есе жоғары және АСТ-ның кез келген мөлшері) немесе орташа (жалпы билирубин >ҚЖШ-дан 1,5-3,0 есе жоғары және АСТ-ның кез келген мөлшері) бұзылулары бар пациенттерде дозаны түзету қажеттілігінің жоқтығын білдіреді. Сирамза™ препаратымен монотерапия қабылдаған, Чайлд-Пью жіктелуі бойынша В немесе С класты бауыр циррозы бар пациенттерде ауру ағымының ушығуының клиникалық белгілері пайда болған жағдайлар тіркелді. Қосымша заттарға қатысты айрықша нұсқаулар Көлемі 10 мл әрбір құтыда 1 ммольден (23 мг) аз натрий бар, яғни іс жүзінде "натрийсіз" деп есептелуі мүмкін. Көлемі 50 мл әрбір құтыда шамамен 85 мг натрий бар. Тұзсыз диетаны сақтайтын пациенттер мұны назарға алуы керек. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Сирамза™ препараты көлік құралдарын басқару немесе механизмдермен жұмыс істеу қабілетіне әсер етпейді. Егер пациенттер зейін қою мен әрекет ету қабілетіне әсер ететін симптомдарды байқаса, симптом жоғалғанға дейін көлік құралдарын басқармау немесе механизмдермен жұмыс істемеу ұсынылады.

Сирамза™ препаратының әсер ету механизмі препараттың шаранаға жағымсыз әсер көрсету мүмкіндігін болжауға мүмкіндік береді. Жүкті әйелдер шаранаға төнетін зор қауіптен хабардар болуы тиіс. Сирамза™ препаратымен емдеуді бастағанға дейін ұрпақ өрбіту жасындағы әйелдерге жүктілікке тест жүргізу керек. Сирамза™ препаратының әсер ету механизмі препараттың шаранаға зиян келтіруі мүмкіндігін болжауға мүмкіндік береді. Ұрпақ өрбіту жасындағы әйелдерге Сирамза™ препаратымен емдеу курсы кезінде және Сирамза™ препаратының соңғы инфузиясынан кейін кем дегенде 3 ай бойы контрацепцияның тиімді әдістерін пайдалануды ұсыну керек. Рамуцирумабтың бала емізетін әйелдердің сүтіне өтетіні және оның емшекпен қоректенетін балаларға немесе сүттің өндіру үдерісіне қандай да бір әсерін тигізетіні туралы ақпарат түспеген. Адамның G иммуноглобулиндері (IgG) емшек сүтіне өтеді, бірақ жарияланған деректер ана сүтінен бөлінген антиденелердің аздаған ғана мөлшерінің жаңа туған нәрестенің және емізулі сәбидің қан ағымына түсетінін жорамалдауға мүмкіндік береді. Емшек еміп жүрген балаларда рамуцирумабтың күрделі жағымсыз реакцияларының ықтималды даму қаупін ескеріп, Сирамза™ препаратымен ем қабылдайтын әйелдерге емделу кезінде бала емізуден бас тартуға кеңес беру керек.

Рамуцирумаб пен паклитаксел, рамуцирумаб пен доцетаксел немесе рамуцирумаб пен иринотекан немесе оның белсенді метаболиті, SN-38 арасындағы қандай да бір фармакокинетикалық өзара әрекеттесулер анықталған жоқ.

3 жыл Жарамдылық мерзімі өткеннен кейін қолдануға болмайды! Сақтау шарттары Түпнұсқалық қаптамасында, жарықтан қорғалған жерде, тоңазытқышта 2°С-ден 8°С-ге дейінгі температурада сақтау керек. Дайындалған ерітіндіні тоңазытқышта 2°С-ден 8°С-ге дейінгі температурада 24 сағаттан немесе ерітінді асептика ережелерін қадағалаумен дайындалған жағдайда 30°С-ден төмен температурада 4 сағаттан асырмай сақтау керек. Мұздатып қатыруға болмайды. Сілкімеу керек. Балалардың қолы жетпейтін жерде сақтау керек!