Сироп от кашля - Тева Фито сироп

100 мл препараттың құрамында белсенді заттар: 4.1624 г жебіршөп сұйық экстрактісі, 4.1630 г тасшөп сұйық экстрактісі, 4.1666 г жолжелкен сұйық экстрактісі, қосымша заттар: тазартылған бал, сахароза, натрий бензоаты, глицерин (85%), тазартылған су Сыртқы түрінің иісінің, дәмінің сипаттамасы Жебіршөп иісі бар қоңыр түсті шәрбат. Уақыт өте препараттың тиімділігіне әсер етпейтін азғантай шөгінді пайда болады.

• тыныс алу жолдарының жедел және созылмалы қабыну ауруларында

Құрамында муколитикалық, жөтелге қарсы, қақырық түсіретін, секретолитикалық және қабынуға қарсы әсері бар жебіршөп сұйық экстрактісі, тасшөп сұйық экстрактісі және жолжелкен сұйық экстрактісі бар. Әсер ету механизмі Препарат тыныс алу жолдарының шырышты қабатына әсер етеді, қақырықтың тұтқырлығын төмендетеді, оның шырышты қабықтан бөлінуіне көмектеседі және осылайша жөтелге әсер етеді. Препарат сонымен қатар антисептикалық және дезинфекциялық әсерге ие (негізінен жебіршөптің арқасында).

Дозалау режимі Егер дәрігер басқа дозалау режимін тағайындамаса: • 6 жастан асқан балалар: 1 шай қасықтан (5 мл) тамақтанудан кейін тәулігіне 3 рет (тәбеттің болмау мүмкіндігіне байланысты). Дәрігердің бақылауында ғана қолдану керек. • ересектер мен егде жастағы пациенттер: 1 ас қасықтан (15 мл) тамақтанудан кейін тәулігіне 3 рет. Ең жоғары доза тәулігіне 4 рет (60 мл) 1 ас қасықтан (15 мл). Ұсынылатын емдеу курсы 7 күн. Енгізу әдісі мен жолы Ішке қабылдауға арналған. Дәрілік препараттың қолдану тәсілін түсіндіру үшін медициналық қызметкерге кеңес алуға жүгіну жөніндегі ұсынымдар Осы препаратты қолдануға байланысты сұрақтар туындаған жағдайда дәрігермен немесе фармацевтпен кеңесу керек.

• әсер етуші заттарға немесе қосымша заттардың кез келгеніне жоғары сезімталдық • 6 жасқа дейінгі балалар • фруктозаның тұқым қуалайтын жақпаушылығы • глюкоза-галактоза мальабсорбциясы • сукраза-изомальтаза ферментінің тапшылығы • алкоголизм мен эпилепсиядан зардап шегетін адамдарға • жүктілік және бала емізу кезеңі • бауыр аурулары бар науқастарға

Белгісіз (қолда бар деректер негізінде бағалау мүмкін емес) • асқазанның түйілуі, жүрек айнуы, құсу • аса жоғары сезімталдық реакциялары (мысалы, ентігу, тері бөртпесі, есекжем, сондай-ақ беттің, ауыздың және тамақтың ісінуі (Квинке ісінуі), анафилаксиялық шок Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Анықталмаған. Ұсынылғаннан әлдеқайда жоғары дозада жүрек айнуы мен құсу пайда болуы мүмкін.

Арнайы ескертулер Ұсынылған дозаларды қолданған кезде бір шай қасық шәрбатта (5 мл) 3.1 г дейін сахароза, бір ас қасық шәрбатта (15 мл) 9.3 г дейін сахароза бар). Қанттың болуына байланысты препаратты ұзақ уақыт және жиі қолданбау керек. Тазартылған балдың мөлшері (құрамында глюкоза мен фруктоза бар) препараттың бір реттік дозасында 1.125 г/5 мл немесе 3.37 г/15 мл; қант диабетімен ауыратын науқастарға мұқият тағайындаңыз. Препарат туа біткен фруктозаны көтере алмаушылығы, глюкоза мен галактозаны сіңірудің бұзылуы немесе сахароза мен изомальтозаны ыдырататын энзим жеткіліксіздігі бар пациенттерге ұсынылмайды. Препараттың құрамында этанолдың 3,4 % көлемдік бірлігі бар. Ұсынылған дозаларды қолданған кезде бір шай қасық шәрбатта (5 мл) 0.14 г дейін этанол, бір ас қасық шәрбатта (15 мл) 0.41 г дейін этанол бар). Осыған байланысты препарат алкоголизммен ауыратын пациенттерге жағымсыз әсер етуі мүмкін. Бұл препаратты жүкті немесе бала емізетін әйелдердің, балалар мен жоғары қауіпті топтағы пациенттердің, мысалы, бауыр ауруы немесе эпилепсиямен емделу кезінде де ескерілуі керек. Препарат құрамында 1 ммоль (23 мг) аз натрий бар, яғни натрий жоқ деп есептеледі. Жүктілік немесе бала емізу кезінде Жүкті әйелдерде қолдану туралы деректер жоқ. Деректердің болмауына және этанолдың құрамына байланысты препаратты жүктілік кезінде қолдану ұсынылмайды. Препараттың ингредиенттерінің емшек сүтіне өтетіні белгісіз. Деректердің болмауына байланысты, бала емізу кезінде препаратты қолдану ұсынылмайды. Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері Емдеу кезеңінде автокөлікті жүргізуден және психомоторлық реакциялардың жоғары шоғырлануын және жылдамдығын талап ететін ықтимал қауіпті қызмет түрлерін басқарудан бас тарту қажет.

Нұсқаулықта көрсетілмеген.

Сироп от кашля - Тева Фитоны құрамында кодеин бар препараттармен және басқа жөтелге қарсы дәрілік заттармен бір мезгілде қолданбаған жөн, жөтел рефлексін басу қақырықтың жиналуына және тыныс жолдарының ауыр обструкциясына әкелуі мүмкін.

Сақтау мерзімі 4 жыл Құтыны ашқаннан кейінгі жарамдылық мерзімі - 1 жылдан артық емес. Жарамдылық мерзімі өткеннен кейін қолдануға болмайды. Сақтау шарттары Түпнұсқалық қаптамасында жарықтан қорғалған жерде 25°С-ден аспайтын температурада сақтау керек. Балалардың қолы жетпейтін жерде сақтау керек!