Ситком таблетки 100 мг

Үлбірлі қабықпен қапталған бір таблетканың құрамында: белсенді зат – 100.00 мг жатаған сүттіген шөбі құрғақ экстрактісі; қосымша заттар: маннитол, микрокристалды целлюлоза, желатинделген крахмал, натрий кроскармеллозасы, глицерол дибегенаты, сусыз коллоидты кремнийдің қостотығы, магний стеараты, кросповидон. қабықтың құрамы: негізгі жабыны Oпадри II 85G68918 (ақ), соңғы жабыны Опадри АМВ 80W51484 (жасыл) және сиясы Опакод S-117823 (қара); негізгі жабын құрамы Oпадри II 85G68918 (ақ): титанның қостотығы (Е171), тальк, макрогол /PEG 3350 (Е553b), лецитин (Е322); соңғы жабын құрамы Опадри АМВ 80W51484 (жасыл): титанның қостотығы (Е171), тальк, темірдің сары тотығы (Е172), лецитин (Е322), FD&C Көк №2/ Индигокармин Алюминий Лагы (Е132), ксантан шайыры (Е415); сия құрамы Опакод S-117823 (қара): шеллак жалтыр -45%, темірдің қара тотығы (Е172), пропиленгликоль, 28% аммоний гидроксиді. Сыртқы түрінің, иісінің, дәмінің сипаттамасы Сопақ пішінді, екі беті дөңес, бір жақ бетінде қара сиямен жазылған "ЕРТ" жазуы, екінші жақ беті тегіс, жасылдау түсті үлбірлі қабықпен қапталған таблеткалар.

- 1 және 2 дәрежелі геморрой - 3 және 4 дәрежелі геморрой болған пациенттің геморроидоэктомиядан кейінгі жағдайын симптоматикалық жеңілдету үшін.

Әсер ету механизмі Геморройды емдеудегі клиникаға дейінгі және клиникалық зерттеулерде жатаған сүттіген шөбі экстрактісі таблеткасы бағаланды. Флавоноидтар мен фенол қышқылының қабынуға қарсы, аналгезиялық, антиоксидантты, қан тоқтататын, тромбозға қарсы және вазопротекторлық әсері бар екені хабарланды. Илік заттектер тұтқырлық және қан тоқтататын қасиеттерімен белгілі. Экстрактінің клиникаға дейінгі зерттеулері оның жараларды емдейтін және геморройға қарсы белсенділігін растады. Клиникалық тиімділігі Бірінші және екінші дәрежелі геморроймен ауыратын пациенттерде III фаза зерттеуінде 120 субъектіде 80% (к./к.) [(35-70):1] жатаған сүттіген шөбі құрғақ спиртті экстрактісінің тиімділігі мен қауіпсіздігі бағаланды. Зерттелетін препарат күніне бір рет 14 күн бойы берілді. Тиімділіктің бастапқы соңғы нүктесі емнің 14 күнінен кейін қан кетудің тоқтауы болды. Емге дейінгі 64,17% болатын көрсеткішке қарағанда емнен кейінгі қан кетуі белсенді субъектілердің үлесі 12,71% дейін төмендеген. Бұл нәтижелер 2 кестеде көрсетілгендей статистикалық тұрғыда жоғары мәнді (p мәні <0,001) болды. 2 кесте. Тік ішектен қан кету Емге дейін — Емнен кейін — Р-мәні Симптомы — Түрі — n — % — n — % — <0.001 Қан кету — Иә — 77 — 64.17 — 15 — 12.71 Өздігінен — 3 — 3.90 — 4 — 26.67 Дефекацияда — 71 — 92.21 — 11 — 73.33 Дақты — 3 — 3.30 — - — - Сол сияқты, симптомдарды (ауырсыну, тенезма, қышыну және анустық саңылаудан бөлінділер) және белгілерді (іркіліс, ісіну және экссудация) қамтитын салдарлы соңғы нүктелер де клиникалық және статистикалық елеулі жақсаруды (p мәні <0,001) көрсетеді. Зерттеуші мен субъектінің жеке жүргізген тиімділіктің ауқымды жалпы бағалауы жалпы жағдайдың жақсаруының жоғары дәрежесін көрсетті. Геморроидэктомиядан кейінгі 3 және 4 дәрежелі геморроймен ауыратын 103 пациенттегі басқа зерттеуде 100 мг таблеткадағы жатаған сүттіген шөбі құрғақ экстрактісінің тиімділігі мен қауіпсіздігі бағаланды. Зерттеу тек стандартты емдеумен салыстырғанда геморроидэктомиядан кейінгі 3 және 4 дәрежелі геморроймен ауыратын пациенттердің операциядан кейінгі ауырсынуын азайту және жалпы жағдайын жақсарту үшін стандартты емге таблеткадағы жатаған сүттіген шөбі құрғақ экстрактісін қосудың тиімдірек болатынын көрсеткен.

Дозалау режимі Геморройды емдеу: бір таблеткадан (100 мг) күніне бір рет, 14 күн бойы. 3 және 4 дәрежелі геморрой болған пациенттер геморроидэктомиясынан кейін: бір таблеткадан (100 мг) күніне екі рет, 14 күн бойы. Енгізу әдісі мен жолы Ситком таблеткалары ішке қабылдауға арналған. Таблеткаларды ас ішуге байланыссыз қабылдауға болады.

• әсер етуші затқа немесе қосымша заттардың кез келгеніне аса жоғары сезімталдық • қанның коагуляциялық бейінінің өзгеруі • жүктілік және лактация кезеңі • 18 жасқа дейінгі балалар мен жасөспірімдер.

Жиі • жүрек айнуы, диспепсия, іштің ауруы, гастралгия, гастрит, ауыздың құрғауы • бас айналу, бас ауыру Жиі емес • диарея • жанаспалы дерматит • аллергиялық реакциялар, жоғары сезімталдық Зертханалық зерттеу Протромбин уақытының бұзылуы (ауытқыған протромбин уақыты) (қан кетудің клиникалық симптомдарымен байланыссыз) және сарысудағы креатинин (қандағы креатининнің нормасынан ауытқуы) (зерттелетін препаратпен байланысты емес деп саналады) туралы хабарланды. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Бүгінгі таңда Ситком препаратымен артық дозаланудың бірде-бір жағдайы тіркелмеген. Алайда, егер артық дозалануына күдік туындаса, жалпы демеуші ем тағайындалуы керек.

Препараттың көлік құралын немесе қауіптілігі зор механизмдерді басқару қабілетіне әсер ету Әсер етпейді.

Нұсқаулықта көрсетілмеген.

Ситкомның басқа дәрілік заттармен өзара әрекеттесуі анықталмаған. Арнайы ескертулер - құрамында маннитолдың болуына байланысты Ситком таблеткалары орташа босаңсытатын әсер береді - құрамында пропиленгликоль болуына байланысты Ситком таблеткалары алкогольге ұқсас әсер көрсетеді - ұсынылған дозадан асырмаңыз - қаптамасында көрсетілген жарамдылық мерзімі өткеннен кейін пайдалануға болмайды - егер қан кету шамадан тыс болса/егер қан кету сақталса/қара май тәрізді нәжісте/анустық аймаққа өткенде немесе протрузиясы кезінде препаратты қабылдауды тоқтату және дәрігермен кеңесу керек. Пациенттердің ерекше топтары Бауыр және бүйрек жеткіліксіздігі бар пациенттер. Бауыр және/немесе бүйрек функциясының бұзылу белгілері бар пациенттерде препараттың әсері бағаланбаған. Сондықтан бұл пациенттерде препаратты қабылдаудан аулақ болу керек. Балалар Жатаған сүттігеннің экстрактісінің тиімділігі мен қауіпсіздігі бала жастағы пациенттерде зерттелмеген. Құрамында FD & C Көк №2 / Индигокармин Алюминий лагы (Е132) бояғышының болуына байланысты Ситком таблеткасын 18 жасқа дейінгі балалар мен жасөспірімдерге қолдануға болмайды. Коагуляция бейініне әсері Ситком таблеткаларының қанның коагуляциялық бейінін өзгертетін қасиеті болады, сондықтан оларды антикоагулянттармен және тромбоцитарлы-антиагрегантты дәрілермен бірге сақтықпен қолдану керек. Қосымша заттар Бұл препараттың құрамында глицерол дибегенаты бар, ол бас ауыруы, асқазан-ішек жолдарының бұзылуы, диарея сияқты жағымсыз реакцияларды тудыруға ықпалды. Бұл препараттың құрамында натрий кроскармеллозасы (1 ммольден аз) бар. Тұзсыз диетаны ұстанатын адамдарға тағайындау кезінде сақ болу керек. Жүктілік немесе бала емізу кезінде Жүктілік кезінде қолдануға болмайды. Қазіргі уақытта Ситком ана сүтіне бөлінетін-бөлінбейтіні белгісіз, сондықтан Ситком бала емізетін аналарға қолдануға болмайды.

Сақтау мерзімі 2 жыл Жарамдылық мерзімі өткеннен кейін қолдануға болмайды. Сақтау шарттары Құрғақ, жарықтан қорғалған жерде, 30°С-ден аспайтын температурада сақтау керек. Балалардың қолы жетпейтін жерде сақтау керек!