Слезол Форте капли

1 мл препарат құрамында белсенді заттар: 1 мг декстран 70, 3 мг гипромеллоза, қосымша заттар: бензалконий хлориді, натрий хлориді, калий хлориді, натрий тетрабораты, натрий гидроксиді және/немесе хлорсутек қышқылы, инъекцияға арналған су. Сыртқы түрінің, иісінің, дәмінің сипаттамасы Мөлдір, түссіз ерітінді

• көздің құрғап кету синдромы; - көз жасы сұйықтығының жеткіліксіз секрециясы; - көз жасы үлбірінің тұрақсыздығы.

Препарат құрамына кіретін декстран 70 және гипромеллоза көз жасы сұйықтығымен араласқанда мөлдір қабықтың ылғалдануына ықпал ететін суда еритін полимерлі жүйе түрінде болады. Табиғи компоненттермен көз жасы сұйықтығының өзара әрекеттесуі есебінен бұл жүйе мөлдір қабық беткейінде тұрақтылығы сіңірілу арқылы сақталатын көз жасы үлбірін түзеді. Препарат көз жасы үлбірінің тұрақтылығын арттырады. Полимерлі жүйе мөлдір қабықты табиғи ылғалдандырғыш рөлін атқарады және ерітінді тұтқырлығының жоғары еместігіне қарамастан, препараттың көзде ұсталып тұратын уақытын ұзартуға ықпал етеді. Препарат мөлдір қабық беткейімен жанасу бұрышының азаюына қарай (18-21°) - (тұздылығының қалыпты индексі = 48-52°) мөлдір қабықтың ылғалдылығын арттырады. Ол көз жасы үлбірінің беріктігін де арттырады. Бұл көптеген зерттеулерде көз жасы үлбірінің ыдырауын өлшеу бойынша расталды.

Дозалау режимі Қажеттілігіне қарай, зақымданған көздің (көздердің) конъюнктивалық қалтасына ерітіндіні 1-2 тамшыдан тамызады. Жүйелі сіңірілуін төмендету мақсатында ерітіндіні тамызудан кейін қабақты сәл ашуға және көздің ішкі бұрышындағы көз жасы қалтасын 2 минут бойы саусақпен басып тұруға кеңес беріледі. Енгізу әдісі және жолы Препарат офтальмологияда жергілікті қолдануға ғана арналған. Қорғағыш қалпақшасын шешуден кейін препаратты пайдаланар алдында құтыдан сақтандырғыш сақинасын алып тастаңыз. Құтының және тамшылатқыш ішіндегісінің микроорганизмдермен контаминациясын болдырмау үшін тамшылатқыш ұштығын көзге және көз айналасындағы тіндерге, сондай-ақ басқа беткейлерге тигізіп алмау керек. Препаратты қолданудан кейін құтыны тығыз жабу қажет.

- белсенді заттарға немесе қосымша заттардың кез келгеніне аса жоғары сезімталдық - 8 жасқа дейінгі балалар.

Өте жиі - анық көрудің нашарлауы Жиі - көздің құрғап кету синдромы (персистирленген), қабақ тарапынан бұзылулар, көздегі қалыптан тыс сезімдер, көзде бөгде денені сезіну, көздің жайсыздануын сезіну Жиі емес - бас ауыру - көздің қарығуы, көз гипестезиясы, көздің қышынуы, көздің тітіркенуі, көз гиперемиясы - терінің жайсыздануын сезіну Белгісіз - аса жоғары сезімталдық реакциялары - қабақ гиперемиясы, көздің домбығуы, көздің ауырсынуы, көзден бөліністер, қабақ жиегінде қыртыстар түзілуі, көз жасының көп ағуы. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) бойынша ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Препараттың артық дозалану жағдайлары жөнінде хабарланбады. Препаратты жергілікті қолдану кезінде артық дозаланған жағдайда көзді (көздерді) жылы сумен жуып-шаю керек.

Арнайы сақтандырулар Препарат инъекциялық енгізуге немесе ішке қабылдауға арналмаған. Ерітіндінің түсі бұлыңғырланып немесе өзгеріп кеткенде препаратты пайдалануға болмайды. Препаратты 3 күн бойы қолданғанда жай-күй жақсармаған немесе көріністер ауырлығы арта түскен жағдайларда, сондай-ақ бас ауыру, көздің ауырсынуы, көру бұзылулары, көздің тітіркенуі немесе тұрақты қызаруы туындағанда препаратты пайдалануды тоқтату және дәрігермен кеңесу керек. Балаларда қолдану Препарат құрамында бензалконий хлоридінің болуына орай, 8 жасқа дейінгі балаларда қолданылмайды. Қосымша заттар Слезол Форте құрамында, әсіресе, көздің құрғап кету синдромы немесе мөлдір қабық зақымдануы бар пациенттерде көздің тітіркенуін тудыруы мүмкін бензалконий хлориді консерванты бар. Препаратты пайдаланудан кейін көздің дағдыдан тыс түйсіктері, шаншуы мен ауыруы туындағанда дәрігерге қаралу керек. Бензалконий хлориді жұмсақ жанаспалы линзаларға сіңірілуі және жанаспалы линзалар түсін өзгертуі мүмкін. Препаратты пайдаланар алдында жанаспалы линзаларды шешіп қою және тамызудан кейін оларды тақпас бұрын кемінде 15 минут күте тұру керек. Препараттың көлік құралын немесе қауіптілігі зор механизмдерді басқару қабілетіне әcер ету ерекшеліктері Препарат автокөлік жүргізу және механизмдерді басқару қабілетіне әcер етпейді немесе мардымсыз әсер етеді. Кез келген көзге тамызатын дәріні пайдалану кезіндегі сияқты, препаратты қолданғанда автокөлік жүргізу және механизмдерді басқару қабілетіне теріс ықпалын тигізуі мүмкін анық көрудің нашарлауы немесе көру қабілетінің басқа бұзылыстары туындауы мүмкін; осыған ұқсас жағдайларда көру қабілеті толық қалпына келгенше автокөлік жүргізуге және механизмдерді басқаруға болмайды.

Жүктілік Жүктілік кезеңіндегі әйелдерде препаратты қолдану туралы тиісті деректер жоқ. Препарат құрамына кіретін заттардың фармакологиялық белсенділігі жоқ, әрі әдетте, уытты және тітіркендіретін әсерлері болмайтын заттар қатарына жіктеледі, сондықтан жүктілік кезеңіндегі әйелдерде препаратты пайдаланғанда жағымсыз реакциялар туындауы күтілмейді. Жүктілік кезеңіндегі әйелдерде Слезол Фортені пайдалануға болады. Лактация Препарат құрамына кіретін заттардың емшек сүтіне өту-өтпеуі белгісіз. Бала емізу кезеңіндегі әйелдерде препаратты қолдану туралы тиісті деректер жоқ. Препарат құрамына кіретін заттардың фармакологиялық белсенділігі жоқ, әрі әдетте, уытты және тітіркендіретін әсерлері болмайтын заттар қатарына жіктеледі, сондықтан бала емізу кезеңіндегі әйелдерде препаратты пайдаланғанда жағымсыз реакциялар туындауы күтілмейді. Бала емізу кезеңіндегі әйелдерде Слезол Фортені пайдалануға болады.

Дәрілік өзара әрекеттесу зерттеулері жүргізілмеді. Препаратты басқа офтальмологиялық дәрілермен бірге пайдалану қажет болған жағдайда тамызулар арасындағы үзіліс кемінде 5 минут болуы тиіс. Көзге арналған жақпамайларды соңғы кезекте қолдану керек.

Сақтау мерзімі 3 жыл. Құтының алғашқы ашылуынан кейін – 28 күн. Жарамдылық мерзімі өткеннен кейін қолдануға болмайды. Сақтау шарттары 25°С-ден аспайтын температурада сақтау керек. Мұздатып қатыруға болмайды. Балалардың қолы жетпейтін жерде сақтау керек!