Соликва® СолоСтар® раствор 100 ЕД/мл + 33 мкг/мл

Тері астына енгізуге арналған 1 мл ерітінді құрамында 100 ӘБ/мл гларгин инсулині және 50 мкг/мл ликсисенатид бар белсенді заттар: гларгин инсулині (ӘБ гларгин инсулиніне баламалы) - 3,6378 мг (100 ӘБ), ликсисенатид - 50 мкг; қосымша заттар: глицерол (85 %), метионин (L-метионин), метакрезол (м-крезол), мырыш хлориді, хлорсутек қышқылы, натрий гидроксиді, инъекцияға арналған су. Тері астына енгізуге арналған 1 мл ерітінді құрамында 100 ӘБ/мл гларгин инсулині және 33 мкг/мл ликсисенатид бар: белсенді заттар: гларгин инсулині (ӘБ гларгин инсулиніне баламалы) - 3,6378 мг (100 ӘБ), ликсисенатид - 33 мкг; қосымша заттар: глицерол (85 %), метионин (L-метионин), метакрезол (м-крезол), мырыш хлориді, хлорсутек қышқылы, натрий гидроксиді, инъекцияға арналған су. Сыртқы түрінің, иісінің, дәмінің сипаттамасы Мөлдір, түссіз немесе шамамен түссіз ерітінді.

Жеткіліксіз бақыланатын 2-ші типті қант диабеті бар ересек пациенттердің гликемиялық бақылауын жақсарту мақсатында диета мен жаттығуларға қосымша ретінде, метформин және SGLT-2 тежегіштерімен комбинацияда немесе онсыз емдеу үшін қолданылуға көрсетілген.

Әсер ету механизмі Соликва СолоСтар препараты Соликва СолоСтар препараты құрамына гликемиялық бақылауды жақсарту үшін бір-бірін толықтыратын әсер ету механизмдері бар екі белсенді зат кіретін біріктірілген препарат болып табылады. Соликва СолоСтар препараты құрамына ұзақ әсер ететін базальды инсулиннің аналогы гларгин инсулинi (негізінен аш қарынға плазмадағы глюкоза концентрациясына әсер етеді) және ГТП-1 рецепторларының агонисі ликсисенатид (негізінен қандағы глюкозаның постпрандиальді концентрациясын реттейтін) бар. Гларгин инсулинi Инсулиннің, оның ішінде гларгин инсулиннің негізгі әсері глюкоза алмасуын реттеу болып табылады. Инсулин және оның аналогтары шеткері тіндердің (әсіресе қаңқа бұлшықеттері мен май тіндерінің) глюкозаны тұтынуын арттыру және бауырдағы глюкозаның пайда болуын басу арқылы қан глюкозасының концентрациясын төмендетеді. Инсулин липолиз мен протеолизді басады және ақуыз синтезін арттырады. Ликсисенатид Ликсисенатид ГТП-1 рецепторларының агонисі болып табылады. ГТП-1 рецепторы бета жасушаларымен инсулиннің глюкозаға тәуелді секрециясын күшейтетін және ұйқы безінің альфа жасушаларымен глюкагон секрециясын басатын эндогендік эндокриндік гормон-жергілікті ГТП-1 үшін нысана болып табылады. Ликсисенатид қандағы глюкоза концентрациясының жоғарылауына жауап ретінде инсулин секрециясын стимуляциялайды, бірақ нормогликемияда емес, бұл гипогликемияның даму қаупін шектейді. Глюкагон секрециясы бір мезгілде басылады. Гипогликемия жағдайында глюкагон секрециясының қорғаныс механизмі сақталады. Сонымен қатар, ликсисенатидтің препрандиальді инъекциясы асқазанның босатылуын баяулатады, соның арқасында тамақтан глюкозаның сіңу жылдамдығын және оның жүйелік қан ағымына ену жылдамдығын төмендетеді. Фармакодинамикалық әсері Соликва СолоСтар препараты Гларгин инсулинi мен ликсисенатидтің комбинациясы гларгин инсулинінің фармакодинамикалық әсеріне әсер етпейді. I фазаның клиникалық зерттеулерінде гларгин инсулині мен ликсисенатид комбинациясының ликсисенатидтің фармакодинамикалық әсеріне деген әсері зерттелмеген. «Глюкозаны утилизациялау жылдамдығы/уақыт» бейіні гларгин инсулині + ликсисенатид комбинациясын енгізген кезде бір гларгин инсулин енгізілген кезде «концентрация/уақыт» бейінімен 24 сағат бойы айқын шыңдарсыз салыстырмалы түрде тұрақты болып салыстырылды. Соликва СолоСтар препаратын қоса алғанда, инсулиндердің әсер ету ұзақтығы әртүрлі пациенттерде де, бір пациентте де өзгеруі мүмкін. Гларгин инсулинi 100 ӘБ/мл глагрин инсулинін бар клиникалық зерттеулерде вена ішіне бірдей дозаларда енгізілген гларгин инсулинi мен адам инсулинінің гипогликемиялық әсері шамамен ұқсас болды. Ликсисенатид 2 типті қант диабеті бар пациенттерде жүргізілген 28 күндік плацебо-бақыланатын зерттеуде 5 мкг-ден 20 мкг дейінгі дозадағы ликсисенатид таңғы, түскі және кешкі астан кейін қандағы глюкозаның постпрандиальді концентрациясының статистикалық маңызды төмендеуін көрсетті. Асқазанды босату Жоғарыда аталған зерттеуде изотоппен белгіленген тағамды стандартталған тестілеуден кейін ликсисенатидтің асқазанның босатылуын баяулатқаны расталды, бұл глюкозаның постпрандиальді сіңу жылдамдығын төмендетеді. Зерттеу соңында асқазанды босатудың баяулау әсері сақталды. Клиникалық тиімділігі мен қауіпсіздігі Соликва СолоСтар препаратын қолданудың тиімділігі мен қауіпсіздігі 2 типті қант диабеті бар пациенттерде рандомизацияланған, бақыланатын үш клиникалық зерттеулерде зерттелген: • Метформинге қосымша [инсулинді бұрын қолданбай] • Базальды инсулиннен ауысу • ГТП-1 рецепторының агонисінен ауысу Белсенді бақыланатын клиникалық зерттеулердің әрқайсысында Соликва СолоСтар препаратымен емдеу A1C гемоглобины деңгейінің (HbA1c) клиникалық және статистикалық маңызды төмендеуіне әкелді. Комбинацияны қолдану кезінде HbA1c неғұрлым айқын төмендеуі гларгин инсулинін қолданумен салыстырғанда гипогликемия жиілігін арттырмады (4.8 бөлімді қараңыз). Метформинге қосымша клиникалық зерттеуде емді препараттың 10 бірлігінен бастады (10 ӘБ гларгин инсулині және 5 мкг ликсисенатид). Базальды инсулиннен ауысу клиникалық зерттеуiнде бастапқы доза енгізілетін инсулин дозасына байланысты препараттың 20 бірлігін (20 ӘБ гларгин инсулин 10 мкг ликсисенатид) немесе 30 бірлігін (30 ӘБ гларгин инсулин және 10 мкг ликсисенатид) құрады (4.2 бөлімді қараңыз). Екі зерттеуде де дозаны аш қарынға плазмадағы глюкоза концентрациясын дербес өлшеу нәтижелері негізінде аптасына 1 рет титрледі. Метформинге қосымша [инсулинді бұрын қолданбай] Пероральді қант төмендететін препараттарын (ПҚТП) қолдану кезінде жеткілікті бақыланбаған 2 типті қант диабеті бар пациенттердің қатысуымен клиникалық зерттеу Жеке компоненттермен, гларгин инсулинмен (100 ӘБ/мл) және ликсисенатидпен (20 мкг) салыстырғанда Соликва СолоСтар препаратын қолданудың тиімділігі мен қауіпсіздігін бағалау үшін 2 типті қант диабетімен ауыратын 1170 пациент ашық 30 апталық белсенді бақыланатын зерттеуге рандомизацияланды. Тек метформин немесе метформинді басқа ПҚТП-ымен (сульфонилмочевина препараттарын, глинидтер, натрий-глюкоза ко-транспортер-2 тежегіштерін (SGLT-2) дипептидилпептидаза-4 (ДПП-4) тежегіштері) комбинацияда алатын, бірақ ағымдағы емдеу жеткіліксіз бақыланатын (HbA1c деңгейі бұрын тек метформинді ғана алған пациенттерде 7,5% - дан 10% - ға дейін және екінші ПҚТП-мен комбинацияда метформинді бұрын алған пациенттерде 7% - дан 9% - ға дейін) 2 типті қант диабеті бар пациенттер зерттеудің кіріспе 4 апталық кезеңіне қосылды. Кіріспе кезеңінде метформинмен емдеу оңтайландырылып, басқа ПҚТП қабылдау тоқтатылды. Кіріспе кезең аяқталғаннан кейін жеткілікті бақыланбаған пациенттер (HbA1c 7% - дан 10% - ға дейін) Соликва СолоСтар препараты, гларгин инсулині немесе ликсисенатидті қабылдау үшін рандомизацияланды. Кіріспе кезеңіне қатысқан 1479 пациенттің 1170-і рандомизацияланды. Емдеудің негізгі кезеңіне қосылмаудың негізгі себептері АШҚ > 13,9 ммоль/л мәні және кіріспе кезеңнің соңында HbA1c <7% немесе> 10% мәні болды. 2 типті қант диабеті бар пациенттердің рандомизацияланған популяциясының бастапқы сипаттамалары: орташа жасы 58,4 жасты құрады, олардың көпшілігі (57,1%) 50-ден 64 жасқа дейін, 50,6% ер адамдар болды. Орташа ДСИ 31,7 кг/м2 құрады, бұл ретте пациенттердің 63,4%-ында ДСИ көрсеткіші ≥30 кг/м2. Қант диабетінің орташа ұзақтығы шамамен 9 жыл болды. Метформин міндетті фондық ем болды, скрининг кезінде пациенттердің 58%-ы екінші ПҚТП алды, олардың 54%-ы сульфонилмочевина препараттарын қабылдады. Соликва СолоСтар препаратын қабылдаудың 30-шы аптасында HbA1c (p<0,0001) көрсеткіштерінің жеке құрамдастармен салыстырғанда статистикалық маңызды жақсаруы байқалды. Бастапқы соңғы нүктенің жүргізілген талдауына сәйкес байқалатын айырмашылықтар HbA1c (<8% немесе ≥8%) деңгейіне немесе қолданылатын ПҚТП-ға (тек метформин немесе ПҚТП-мен біріктірілген метформин) қарамастан тұрақты болды. Зерттеудің басқа соңғы нүктелерімен танысу үшін кесте мен суретті қараңыз. 3 кесте. Метформинге қосымша зерттеудің 30 апталық кезеңінің нәтижелері (mITT популяциясы) Соликва СолоСтар — Гларгин инсулин — Ликсисенатид Пациенттер саны (mITT) — 468 — 466 — 233 HbA1c (%) Бастапқы (орташа; рандомизацияға дейін) — 8.1 — 8.1 — 8.1 Зерттеудің аяқталуы (орташа) — 6.5 — 6.8 — 7.3 Бастапқы ЕҚК бойынша өзгеріс (орташа) — -1.6 — -1.3 — -0.9 Гларгин инсулинімен салыстырғандағы айырмашылық [95% сенімді аралық] (p-мәні) — -0.3 [-0.4, -0.2] (<0.0001) Ликсисенатидпен салыстырғандағы айырмашылық [95% сенімді аралық](p-мәні) — -0.8 [-0.9, -0.7] (<0.0001) 30-шы HbA1c <7% көрсеткішіне жеткен пациенттер саны (%)* — 345 (74%) — 277 (59%) — 77 (33%) Аш қарынға плазмадағы глюкоза деңгейі (ммоль/л) Бастапқы (орташа) — 9.88 — 9.75 — 9.79 Зерттеудің аяқталуы (орташа) — 6.32 — 6.53 — 8.27 Бастапқы ЕҚК бойынша өзгеріс (орташа) — -3.46 — -3.27 — -1.50 Гларгин инсулинімен салыстырғандағы ЕҚК бойынша айырмашылық (орташа)[95% сенімді аралық](p - мәні) — -0.19 [-0.420-дан -0.038-ге дейін] (0.1017) Ликсисенатидпен салыстырғандағы ЕҚК бойынша айырмашылық (орташа) [95% сенімді аралық] (p-мәні) — -1.96 [-2.246-дан -1.682 - ге дейін] (<0.0001) 2 сағ АТҚ (ммоль/л)** Бастапқы (орташа) — 15.19 — 14.61 — 14.72 Зерттеудің аяқталуы (орташа) — 9.15 — 11.35 — 9.99 Бастапқы ЕҚК бойынша өзгеріс — -5.68 — -3.31 — -4.58 Гларгин инсулинімен салыстырғандағы ЕҚК бойынша айырмашылық (орташа)[95% сенімді аралық] — -2.38 (-2.79 бастап -1.96 дейін) Ликсисенатидпен салыстырғандағы ЕҚК бойынша айырмашылық (орташа) [95% сенімді аралық] — -1.10 (-1.63 -0.57 дейін) Орташа дене салмағы (кг) Бастапқы (орташа) — 89.4 — 89.8 — 90.8 Бастапқы ЕҚК бойынша өзгеріс (орташа) — -0.3 — 1.1 — -2.3 Гларгин инсулинімен салыстыру [95% сенімді аралық] (p-мәні) — -1.4 [-1.9 -0.9 дейін] (<0.0001) Ликсисенатидпен салыстыру [95% сенімді аралық]* — 2.01 [1.4-тен 2.6-ға дейін] 30-шы аптада HbA1c <7% деңгейіне дене салмағының артуынсыз жеткен пациенттер саны (%) — 202 (43.2%) — 117 (25.1%) — 65 (27.9%) Гларгин инсулинiмен салыстырғандағы пропорция айырмашылығы[95% сенімді аралық] (p-мәні) — 18.1 [12.2-ден 24.0-ге дейін] (<0.0001) Ликсисенатидпен салыстырғандағы пропорция айырмашылығы [95% сенімді аралық]* — 15.2 [8.1-ден 22.4-ке дейін] Гларгин инсулиннің тәуліктік дозасы ЕҚК бойынша 30-шы аптадағы инсулин дозасы (орташа) — 39.8 — 40.5 — NA * Алдын ала белгіленген сатылы тестілеу ресіміне кірмейді ** Тамақтанар алдында қандағы глюкоза концентрациясын шегергенде 2 сағ АТҚ (ас қабылдағаннан кейінгі гликемия) 1 сурет: 30 апталық негізгі емдеу кезеңінде баруға байланысты HbA1c орташа мәні (% ) - mITT популяциясы Соликва СолоСтар препаратын қабылдаған пациенттер өзін-өзі бақылау (SMPG) деректері бойынша плазмадағы глюкоза концентрациясының орташа 7-нүктелі бейінінің гларгин инсулині тобындағы пациенттер (-2,66 ммоль/л; айырмашылық 0,69 ммоль/л) мен ликсисенатид тобындағы пациенттермен (-1,95 ммоль/л; айырмашылық 1,40 ммоль/л) салыстырғанда 30-шы аптада бастапқы деңгеймен (-3,35 ммоль/л) салыстарғанда статистикалық маңызды төмендегенін (p <0,0001 екі салыстырым үшін де) хабарлады. Соликва СолоСтар препаратын қабылдаған пациенттер тобында және гларгин инсулин тобында бірдей болған таңғы ас алдында плазмадағы глюкоза концентрациясының мәнін қоспағанда, зерттеудің барлық кезеңдерінде гларгин инсулин тобы мен ликсисенатид тобына қарағанда Соликва СолоСтар препаратын қабылдаған пациенттер тобында 30 апта ішінде плазмадағы глюкоза концентрациясының орташа мәндері төмен болды. Базальды инсулиннен ауысу Базальды инсулинде жеткілікті бақыланбаған 2 типті қант диабеті бар пациенттердің қатысуымен клиникалық зерттеу Соликва СолоСтар препаратын 100 ӘБ/мл гларгин инсулинімен салыстырғандағы қолданудың тиімділігі мен қауіпсіздігін бағалау мақсатында 2 типті қант диабетімен ауыратын барлығы 736 пациент емдеудің 2 қатар тобымен рандомизацияланған 30 апталық белсенді-бақыланатын ашық көп орталықты зерттеуге қатысты. Скринингке базальды инсулинді кемінде 6 ай бойы 15-тен 40 ӘБ-ге дейінгі тұрақты тәуліктік дозада жеке түрде немесе 1-2 ПҚТП-мен (метформин, сульфонилмочевина, глинид, SGLT-2 тежегіші, ДПП-4 тежегіші) үйлесімде алған, HbA1c көрсеткіші 7,5% - дан 10%-ға дейін (скрининг кезінде орташа HbA1c 8,5%) және алдыңғы диабетке қарсы емге байланысты 10,0 ммоль/л немесе 11,1 ммоль/л кем немесе тең АШҚ 2 типті қант диабетіне шалдыққан пациенттер жатқызылды. Скринингтен кейін пациенттер (n = 1018) 6 апталық кіріспе кезеңге енгізілді, мұнда пациенттер гларгин инсулинін қабылдауды жалғастырды, ал басқа базальды инсулин қолданылса, гларгин инсулинін қабылдауға өшті. Осы кезеңде инсулин дозасы титрленді/тұрақтанды, метформин бұрын қабылданған кезде оны қабылдау жалғастырған. Барлық басқа ПҚТП қабылдау тоқтатылды. Кіріспе кезеңнің соңында HbA1c 7-ден 10%-ға дейін, АШҚ ≤7,77 ммоль/л және инсулиннің тәуліктік дозасы 20-дан 50 ӘБ-ге дейінгі пациенттер Соликва СолоСтар (n = 367) немесе гларгин инсулинін (n = 369) қолдану топтарына рандомизацияланды. 2 типті қант диабетімен ауыратын пациенттердің осы популяциясының бастапқы сипаттамалары: орташа жасы 60,0 жасты құрады, олардың көпшілігі (56,3%) 50-ден 64 жасқа дейін болды. 53,3%-ын әйелдер құрады. Бастапқыда орташа ДСИ 31,1 кг/м2 құрады, бұл ретте пациенттерінің 57,3%-ында ДСИ ≥30 кг/м2. Қант диабетінің орташа ұзақтығы шамамен 12 жыл, ал базальды инсулинмен емдеудің орташа ұзақтығы шамамен 3 жыл болды. Скрининг кезінде пациенттердің 64,4%-ы базальды инсулин ретінде гларгин инсулинін алды және 95%-ы кем дегенде тағы 1 ПҚТП алды. 30-шы аптада гларгин инсулинмен салыстырғанда Соликва СолоСтар тобында HbA1c (p<0,0001) көрсеткішінің статистикалық маңызды жақсаруы көрсетілді. Зерттеудің басқа соңғы нүктелерімен танысу үшін кесте мен суретті қараңыз. 4 кесте. Базальды инсулинді қолдану кезінде жеткіліксіз бақыланатын 2 типті қант диабеті бар пациенттерді зерттеудің 30 апталық кезеңінің нәтижелері (mITT популяциясы) Соликва СолоСтар — Гларгин инсулин Пациенттер саны (mITT) — 366 — 365 HbA1c (%) Бастапқы (орташа; кіріспе кезеңнен кейін) — 8.1 — 8.1 Зерттеудің аяқталуы (орташа) — 6.9 — 7.5 Бастапқы ЕҚК бойынша өзгеріс (орташа) — -1.1 — -0.6 Гларгин инсулинімен салыстырғандағы айырмашылық [95% сенімді аралық] (p-мәні) — -0.5 [-0.6, -0.4] (<0.0001) 30-шы аптада HbA1c <7% жеткен пациенттер* [саны (%)] — 201 (54.9%) — 108 (29.6%) Аш қарынға плазмадағы глюкоза деңгейі (ммоль/л) Бастапқы (орташа) — 7.33 — 7.32 Зерттеудің аяқталуы (орташа) — 6.78 — 6.69 Бастапқы ЕҚК бойынша өзгеріс (орташа) — -0.35 — -0.46 Гларгин инсулинімен салыстырғандағы айырмашылық [95% сенімді аралық] — 0.11 (-0.21-ден 0.43 - ке дейін) 2 сағ АТҚ (ммоль/л)** Бастапқы (орташа) — 14.85 — 14.97 Зерттеудің аяқталуы (орташа) — 9.91 — 13.41 Бастапқы ЕҚК бойынша өзгеріс (орташа) — -4.72 — -1.39 Гларгин инсулинімен салыстырғандағы айырмашылық (орташа)[95% сенімді аралық] — -3.33 (-3.89-нан -2.77 дейін) Орташа дене салмағы (кг) Бастапқы (орташа) — 87.8 — 87.1 Бастапқы ЕҚК бойынша өзгеріс (орташа) — -0.7 — 0.7 Гларгин инсулинімен салыстыру [95% сенімді аралық] (p-мәні) — -1.4 [-1.8 - ден -0.9-ға дейін] (<0.0001) 30-шы аптада HbA1c <7% деңгейіне дене салмағының артуынсыз жеткен пациенттер саны (%) — 125 (34.2%) — 49 (13.4%) Гларгин инсулинімен салыстырғандағы пропорция айырмашылығы [95% сенімді аралық] (p-мәні) — 20.8 [15.0-ден 26.7-ге дейін] (<0.0001) Гларгин инсулиннің тәуліктік дозасы Бастапқы (орташа) — 35.0 — 35.2 Соңғы нүкте (орта) — 46.7 — 46.7 30-шы аптаға инсулин дозасының өзгеруі (орташа — 10.6 — 10.9 * Алдын ала анықталған сатылы тестілеу ресіміне кірмейді ** Тамақтанар алдында қандағы глюкоза концентрациясын шегергенде 2 сағ АТҚ 2 сурет: 30 апталық негізгі емдеу кезеңінде баруға байланысты HbA1c орташа мәні (%) - mITT популяциясы ГТП-1 рецепторының агонисінен ауысу ГТП-1 рецепторының агонисімен жеткіліксіз бақыланатын 2 типті қант диабеті бар пациенттердің қатысуымен клиникалық зерттеу Соликва СолоСтар препаратын ГТП-1 рецепторының агонистмен емдеуді жалғастырумен салыстырғандағы қолданудың тиімділігі мен қауіпсіздігі 26 апталық рандомизацияланған ашық зерттеуде зерттелді. Зерттеуге 2 типті қант диабеті жеткіліксіз бақыланатын (HbA1c деңгейі 7%-дан 9%-ға дейін қоса) 514 пациент қатысты. Олар кемінде 4 ай бойы лираглутидпен немесе эксенатидпен немесе кемінде 6 ай бойы әсері ұзаққа созылатын дулаглутидпен, альбиглутидпен немесе эксенатидпен ем алған. Бұл препараттарың әрқайсысы ең жоғарғы көтерімді дозада, метформинмен біріктірілімде немесе метформинге қоса пиоглитазонмен, SGLT-2 тежегішімен біріктірілімде немесе екеуімен де біріктірілімде қолданылған. Тиісті пациенттер Соликва СолоСтар препаратын қабылдау тобына немесе олардың алдындағы пероральді диабетке қарсы емге қосымша ГТП-1 рецепторының агонисімен емді жалғастыру тобына рандомизацияланды. Скрининг кезінде пациенттердің 59,7%-ы тәулігіне 1 немесе 2 рет ГТП-1 рецепторының агонисімен ем алды, ал 40,3%-ы ГТП-1 рецепторының агонисін аптасына бір рет енгізді. Скрининг кезінде пациенттердің 6,6%-ы пиоглитазон, ал 10,1%-ы метформинмен біріктірілімде SGLT-2 тежегішін қолданған. Зерттелетін популяцияның сипаттамасы: орташа жасы 59,6 жас, 52,5%-ы ер адамдар болды. Диабеттің орташа ұзақтығы 11 жылды құрады, ГТП-1 рецепторының агонисімен алдыңғы емдеудің орташа ұзақтығы 1,9 жылды құрады. ДСИ орташа көрсеткіші шамамен 32,9 кг/м2 құрады, еШСЖ орташа көрсеткіші 87,3 мл/мин/1,73 м2 құрады, пациенттердің 90,7%-ында еШСЖ ≥60 мл/мин. Соликва СолоСтар препаратын қолданудың 26-шы аптасында HbA1c (p <0,0001 көрсеткішінің статистикалық маңызды жақсаруы байқалды. Скрининг кезінде қолданылатын ГТП-1 рецепторының агонисін қосалқы түрлері бойынша (тәулігіне бір/екі рет немесе апта сайын) қолдануды талдау HbA1c көрсеткішінің 26-аптадағы өзгеруі әр қосалқы топ үшін бірдей болғанын және бүкіл халық үшін бастапқы талдауға сәйкес келетіндігін көрсетті. Соликва СолоСтар препаратының орташа тәуліктік дозасы 26-шы аптада препараттың 43,5 бірлігін құрады. Зерттеудің басқа соңғы нүктелерімен танысу үшін кесте мен суретті қараңыз. 5 кесте. ГТП-1 рецепторының агонисін қолдану кезінде бақыланбайтын 2 типті қант диабетіне шалдыққан пациенттерді 26 апталық зерттеу нәтижелері (mITT популяциясы) Соликва СолоСтар — ГТП-1* рецепторының агонисі Пациенттер саны (mITT) — 252 — 253 HbA1c (%) Бастапқы (орташа; кіріспе кезеңнен кейін) — 7.8 — 7.8 Зерттеудің аяқталуы (орташа) — 6.7 — 7.4 Бастапқы ЕҚК бойынша өзгеріс (орташа) — -1.0 — -0.4 ГТП-1 рецепторының агонисімен салыстырғандағы айырмашылық [95% сенімді аралық] (p-мәні) — -0.6 [-0.8, -0.5] (<0.0001) 26-шы аптада HbA1c <7% деңгейіне жеткен пациенттер саны (%) — 156 (61.9%) — 65 (25.7%) ГТП-1 рецепторы агонисімен салыстыру бойынша пропорция айырмашылық (95% сенімді аралық) — 36.1% (28.1% - дан 44.0% - ға дейін) p-мәні — <0.0001 Аш қарынға глюкоза плазмасы (ммоль/л) Бастапқы (орташа) — 9.06 — 9.45 Зерттеудің аяқталуы (орташа) — 6.86 — 8.66 Бастапқы ЕҚК бойынша өзгеріс (орташа) — -2.28 — -0.60 ГТП-1 рецепторының агонисімен салыстыру бойынша айырмашылық [95% сенімді аралық] (p-мәні) — -1.67 (-2.00-ден -1.34-ке дейін) (<0.0001) 2 сағ АТҚ (ммоль/л)** Бастапқы (орташа) — 13.60 — 13.78 Зерттеудің аяқталуы (орташа) — 9.68 — 12.59 Бастапқы ЕҚК бойынша өзгеріс (орташа) — -4.0 — -1.11 ЕҚК бойынша ГТП-1 рецепторының агонисімен салыстырғандағы айырмашылық (орташа) [95% сенімді аралық] (p-мәні) — -2.9 (-3.42-ден -2.28-ге дейін) (<0.0001) Орташа дене салмағы (кг) Бастапқы (орташа) — 93.01 — 95.49 Бастапқы ЕҚК бойынша өзгеріс (орташа) — 1.89 — -1.14 ГТП-1 рецептор агонисімен салыстыру[95% сенімді аралық] (p-мәні) — -3.03 (2.417-ден 3.643-ке дейін) (<0.0001) * Лираглутидпен эксенатид тәулігіне 2 рет немесе босап шығуы ұзартылған дулаглутид немесе альбиглутид. ** Тамақтанар алдында қандағы глюкоза концентрациясын шегергенде 2 сағ АТҚ 3 сурет: 26 апталық негізгі емдеу кезеңінде баруға байланысты HbA1c орташа мәні (%) - mITT популяциясы Соликва СолоСтар SGLT-2 (SGLT2i) тежегіштерімен бірге қолдану Соликва СолоСтар препаратын SGLT2i-мен бірге қолдану 3-фазаның рандомизацияланған үш клиникалық зерттеулерінің қосалқы тобына жүргізілген талдауда (гларгин инсулині/ликсисенатидтің тіркелген біріктірілімін алған, SGLT2і-мен бірге қолданған 119 пациент) расталды. Еуропа мен Солтүстік Америкада жүргізілген бір зерттеу, бір мезгілде гларгин инсулині/ликсисенатид, метформин және SGLT2i тіркелген біріктірілімін қабылдаған 26 пациенттің (10,1%) деректерін қамтиды. ПҚТП қолдану кезінде гликемиялық бақылаудың жеткілікті деңгейіне жетпеген жапониялық пациенттердің қатысуымен жүргізілген 3-кезеңнің тағы екі зерттеуі SGLT2i және гларгин инсулинінің/ликсисенатидтің тіркелген біріктірілімін бір мезгілде қабылдаған 59 пациент (22,7%) және 34 пациент (21,1%) бойынша деректер берді. Осы 3 зерттеудің деректері Соликва СолоСтар ағымдағы емде, оның ішінде SGLT2i қолданылған жеткіліксіз бақыланатын пациенттерде қолдану бастамашылығы компараторлармен салыстырғанда HbA1c көрсеткіштерінің жақсаруына әкелетінін көрсетті (гларгин инсулині, ликсисенатид, лираглутид, тәулігіне екі рет немесе босап шығуы ұзартылған эксенатид, дулаглутид немесе альбиглутид). Гипогликемия қаупінің жоғарылауы жоқ және SGLT2i қабылдаған пациенттерде қабылдамағандармен салыстырғанда жалпы қауіпсіздік бейінінде айтарлықтай айырмашылықтар табылған жоқ. Жүрек-қантамыр жүйесіне (ЖҚЖ) әсерін зерттеу Гларгин инсулинімен емдеу ЖҚЖ тарапынан асқынулардың дамуына әсері ORIGIN клиникалық зерттеуінде, ал ликсисенатидпен - ELIXA клиникалық зерттеуінде анықталды. Соликва СолоСтар препаратымен емдеудің ЖҚЖ-ға әсерін зерттеу жүргізілген жоқ. Гларгин инсулині ORIGIN (Outcome Reduction with Initial Glargine Intervention) клиникалық зерттеуі негізгі салдарлы қан тамыр оқиғалары (НСҚО) қатысты стандартты терапия мен 100 ӘБ/мл гларгин инсулинінің препаратымен емді салыстыратын 12537 пациентте жүргізілген ашық, рандомизацияланған зерттеу болды. НСҚО композиттік соңғы нүкте ретінде анықталды: жүрек-қантамырға қатысты өлім, өлімге әкелмейтін миокард инфарктісі, өлімге әкелмейтін инсульт. Бақылау кезеңі ұзақтығының медианасы 6,2 жылды құрады. 100 ӘБ/мл гларгин инсулині препаратымен емдеу топтарымен стандартты ем топтарында НСҚО даму жиілігі салыстырмалы болды [қауіптердің қатынасы (95% сенімді аралық) 1,02 (0,94, 1,11)]. ORIGIN клиникалық зерттеуінде обырдың дамуының орташа жиілігі (барлық түрлері) [қауіптердің қатынасы (95% сенімді аралық) 0,99 (0,88, 1,11)] немесе обыр ауруынан қайтыс болу [қауіптердің қатынасы (95% сенімді аралық) 0,94 (0,77, 1,15)] емдеу топтары арасында салыстырмалы болды. Ликсисенатид ELIXA клиникалық зерттеуі рандомизацияланған, салыстырмалы жасырын, плацебо-бақыланатын, жақында болған жедел коронарлық синдромнан кейін 2-типті қант диабет пациенттерінде (n=6068) ликсисенатидпен емдеу кезінде ЖҚЖ тарапынан асқынуларды бағалау жүргізілген көп ұлтты зерттеу болды. Тиімділіктің бастапқы нүктесі келесі оқиғалардың кез-келгеніне дейінгі уақыт болды: жүрек-қантамырға қатысты өлім, өлімге әкелмейтін миокард инфарктісі, өлімге әкелмейтін инсульт немесе тұрақты емес стенокардия салдарынан ауруханаға жатқызу. Зерттеуде бақылау кезеңінің медианасы ликсисенатид тобында және плацебо тобында сәйкесінше 25,8 және 25,7 айды құрады. Бастапқы соңғы нүктенің жиілігі ликсисенатид тобына (13,4%) және плацебо тобына (13,2%) ұқсас болды: ликсисенатид үшін қауіптердің қатынасы плацебомен салыстырғанда 0,886-дан 1,168-ге дейін құрайтын сенімді аралықпен екі жақты 95% 1,017 құрады. Балалар Еуропалық дәрілік заттар жөніндегі агенттік Соликва СолоСтар препаратын 2-типті қант диабетін емдеу үшін балалардың барлық қосалқы топтарында қолдану жөніндегі зерттеулердің нәтижелерін ұсыну міндеттемесінен бас тартты (4.2 бөлімді қараңыз).

Соликва® СолоСтар® препараты әртүрлі дозаларды таңдауды қамтамасыз ететін шприц-қаламдардың екі түрінде шығарылады, мысалы, тиісінше (10-40) шприц-қаламы және (30-60) шприц-қаламы. Осы екі шприц-қаламдардың арасындағы айырмашылықтар шприц-қаламдардағы белсенді заттардың дозаларының ауқымында болады. • Алдын ала толтырылған Соликва® СолоСтар® 100 ӘБ/мл + 50 мкг/мл шприц-қаламы 10-40 ӘБ гларгин инсулинін 5-20 мкг ликсисенатидпен (10-40 шприц-қалам) біріктіріп алуға мүмкіндік береді (10-40 шприц-қаламы). • Алдын ала толтырылған Соликва® СолоСтар® 100 ӘБ/мл + 33 мкг/мл шприц-қаламы 30-60 ӘБ гларгин инсулинін 10-20 мкг ликсисенатидпен (30-60 шприц-қалам) бірге алуға мүмкіндік береді (30-60 шприц-қаламы). Препаратты басқа шприц-қаламнан (басқа дозасымен) қате енгізуді болдырмау үшін рецептіде дәрігердің тағайындауына сай келетін Соликва® СолоСтар® шприц-қаламы көрсетілгеніне көз жеткізіңіз: Соликва® СолоСтар® (10-40) шприц-қаламы немесе Соликва® СолоСтар® (30-60) шприц-қаламы. Дозалау режимі Препараттың дозасы клиникалық әсер негізінде жеке таңдалып пациенттің инсулинге деген қажеттілігіне қарай титрленуі тиіс. Ликсисенатидтің дозасы гларгин инсулинінің дозасымен бірге артады немесе азаяды, сондай-ақ қолданылатын шприц-қаламға байланысты болады. Препараттың бастапқы дозасы Соликва® СолоСтар® препаратын қолдануды бастағанға дейін метформин мен SGLT-2 тежегіштерінен басқа диабетке қарсы пероральді препараттарды қабылдауды және базальды инсулинмен, глюкагон тәрізді пептид-1 (ГТП-1) рецепторлары агонисімен емдеуді. Соликва® СолоСтар® препаратының бастапқы дозасы диабетке қарсы алдыңғы емге сүйене отырып таңдалады және 10 мкг құрайтын ликсисенатидтің ұсынылған бастапқы дозасынан аспауы тиіс. Алдыңғы емдеу Бұрын инсулин алмаған пациенттер (диабетке қарсы препараттармен немесе ГТП-1 рецепторларының агонисімен пероральді ем) — Гларгин инсулині (100 ӘБ/мл)** ≥20 ӘБ <30 ӘБ дейін — Гларгин инсулині (100 ӘБ/мл)** ≥30 ӘБ ≤60 ӘБ дейін Бастапқы доза және шприц-қаламының типі — Соликва® СолоСтар® (10-40) шприц-қаламы — Препараттың 10 бірлігі (10 ӘБ/5 мкг)* — Препараттың 20 бірлігі (20 ӘБ/10 мкг)* Соликва® СолоСтар® (30-60) шприц-қаламы — Препараттың 30 бірлігі (30 ӘБ/10 мкг)* * гларгин инсулині ӘБ (100 ӘБ/мл)/мкг ликсисенатид 20 ӘБ аз гларгин инсулинін қабылдайтын пациенттерге препаратты бұрын инсулин қабылдамаған пациенттерге секілді тағайындау керек. ** Басқа базальды инсулин қолданылса: • Тәулігіне 2 рет енгізілетін базальды инсулин немесе тәулігіне 1 рет енгізілетін 300 ӘБ/мл гларгин инсулинін алатын пациенттерге Соликва СолоСтар препаратының бастапқы дозасын анықтау үшін осы инсулиндердің жалпы тәуліктік дозасы 20% - ға төмендетілуі тиіс. • Кез келген басқа базальды инсулиндер үшін 100 ӘБ/мл гларгин инсулиніне сәйкес ұсыныстарды қолдану керек. Ең жоғары тәуліктік доза 60 ӘБ гларгин инсулині мен 20 мкг ликсисенатидті құрайды, бұл препараттың 60 бірлік дозасына сәйкес келеді. Соликва® СолоСтар® препаратының дозасын титрлеу Соликва® СолоСтар® препараты пациенттің инсулинге деген жеке қажеттілігіне сәйкес дозалануы тиіс. Гликемиялық бақылауды жақсарту мақсатында препарат дозасын аш қарынға қан плазмасындағы глюкоза концентрациясын анықтау негізінде түзету ұсынылады. Соликва® СолоСтар® препаратына емге ауысқан кезде және келесі апталарда қандағы глюкоза концентрациясына мұқият мониторинг жүргізу ұсынылады. • Пациентті емдеу Соликва® СолоСтар® (10-40) шприц-қаламын пайдаланудан басталса, онда осы шприц-қаламының көмегімен препараттың дозасы 40 бірлігіне дейін титрленуі мүмкін. • Препараттың тәуліктік дозасы > 40 бірліктен асқан кезде Соликва® СолоСтар® (10-40) шприц-қаламын пайдалануға көшу керек. • Пациентті емдеу Соликва® СолоСтар® (30-60) шприц-қаламын пайдаланудан басталса, онда осы шприц-қаламның көмегімен доза препараттың 60 бірлігіне дейін титрленуі мүмкін. • Препараттың жалпы тәуліктік дозасы тәулігіне > 60 бірліктен асса Соликва® СолоСтар® препаратын пайдалануға болмайды. Дозаны және препаратты енгізу уақытын өзгертуді дәрігердің бақылауымен және глюкоза концентрациясының тиісті мониторингімен жүргізу қажет. Енгізу әдісі мен жолы Соликва® СолоСтар® препараты алдыңғы құрсақ жақтауына, дельтатәрізді бұлшықетке (иық) немесе сан аймағына тері астына енгізіледі. Липодистрофия мен тері амилоидозының даму қаупін азайту үшін инъекция орнын әр жаңа инъекция кезінде дененің бір аймағында (алдыңғы құрсақ жақтауының, иықтың немесе санның аймағы) өзгерту керек. Пациенттерге әрдайым жаңа инені қолдану керек екендігі туралы нұсқау беру керек. Шприц-қалам инелерін қайта пайдалану инелердің бітелу қаупін арттырады, бұл инсулиннің аз дозасын енгізуге немесе артық дозалануға әкелуі мүмкін. Ине бітелген жағдайда пациенттер қосымша парақтағы шприц-қаламды пайдалану жөніндегі нұсқауларды орындауы тиіс. Соликва® СолоСтар® препаратын дозалау қателерін және ықтимал артық дозалануын болдырмау үшін алдын ала толтырылған шприц-қаламының картриджінен алуға болмайды. Пайдаланылмаған препарат және өзге де қалдықтар ұлттық заңнама нормаларына сәйкес утилизациялауға жатады. Қабылдау уақыты көрсетілген қолдану жиілігі Соликва® СолоСтар® препаратын тамақтанудан 1 сағат бұрын күніне бір рет енгізу керек. Прандиальді инъекция күн сайын ең қолайлы болып таңдалған тағам қабылдау уақытына дейін енгізілуі жөн. Дәрілік препараттың бір немесе бірнеше дозасын өткізіп алған жағдайда қажетті шаралар Пациент Соликва® СолоСтар® препаратының дозасын өткізіп алса, оны келесі тамақтануға дейін бір сағат ішінде енгізу керек. Дәрілік препаратты қолдану тәсілін түсіну үшін медицина қызметкеріне кеңес алуға жүгіну жөніндегі ұсынымдар Осы препаратты қолдануға қатысты қандай да бір сұрақтар туындаған жағдайда емдеуші дәрігеріңізбен хабарласыңыз.

- белсенді заттарға немесе препараттың кез келген қосымша заттарына аса жоғары сезімталдық - балалар мен 18 жасқа дейінгі жасөспірімдер - 1 типті қант диабеті - диабеттік кетоацидоз - жүктілік - бала емізу кезеңі

Өте жиі - гипогликемия Жиі - бас айналу - жүрек айнуы - диарея - құсу - енгізу орнындағы реакциялар Жиі емес - назофарингит - жоғарғы тыныс жолдарының инфекциясы - есекжем - бас ауруы - диспепсия - іштің ауыруы - өт-тас ауруы - холецистит - қажу - дәм сезу қабілетінің бұзылуы (дисгевзия) Сирек - асқазанның босатылуының кідіруі Белгісіз - тері амилоидозы - липодистрофия Жекелеген жағымсыз реакциялардың сипаттамасы Гипогликемия Келесі кестеде Соликва® СолоСтар® препараты мен салыстыру препаратын қолданған кезде құжатталған, клиникалық симптоматикасымен жүретін гипогликемия (≤ 3,9 ммоль/л) және ауыр гипогликемия жағдайларының жиілігі көрсетілген***. Құжатталған симптоматикалық немесе ауыр гипогликемиялық жағымсыз реакциялар Инсулинмен ем алмаған пациенттер — Базальды инсулиннен ауысу — ГТП-1 рецепторының агонисінен ауысу*** Соли-ква® Соло-Стар® — Гларгин инсулині — Ликси-сенатид — Соли-ква® Соло-Стар® — Гларгин инсулині — Соли-ква® Соло-Стар® — ГТП-1 рецептор агонисі*** Пациенттер саны — 469 — 467 — 233 — 365 — 365 — 255 — 256 Құжатталған симптоматикалық гипогликемия* Гипогликемия эпизоды бар пациенттер, пациенттердің саны (%) — 120 (25,6%) — 110 (23,6%) — 15 (6,4%) — 146 (40,0%) — 155 (42,5%) — 71 (27.8%) — 6 (2.3%) Бір пациент-жылына гипогликемия эпизодтары, саны — 1,44 — 1,22 — 0,34 — 3,03 — 4,22 — 1.54 — 0.08 Ауыр гипогликемия** Бір пациент-жылына деген гипогликемия эпизодтары, саны — 0 — < 0,01 — 0 — 0,02 — < 0,01 — <0.01 — 0 * Құжатталған симптоматикалық гипогликемия эпизоды – гипогликемияның әдеттегі симптомдары мен қандағы глюкозаның плазмалық белгіленген концентрациясымен (≤ 70 мг/дл (3,9 ммоль/л) біріктірілген эпизод. . ** Ауыр симптоматикалық гипогликемия - бұл көмірсулар, глюкагон енгізу немесе организмнің негізгі өмірлік функцияларын қолдауға бағытталған басқа да шараларды орындау үшін басқа адамдарға көмекгiн қажет ететін эпизод. *** Тәулігіне 2 рет лираглутид немесе, эксенатид немесе босап шығуы ұзартылған, дулаглутид немесе альбиглутид. АІЖ тарапынан бұзылулар АІЖ тарапынан жағымсыз реакциялар (жүрек айну, құсу және диарея) емдеу кезінде жиі байқалатын. Соликва® СолоСтар® препаратымен ем алатын пациенттерде еммен байланысты жүрек айнуы, диарея және құсу жиілігі тиісінше 8,4%, 2,2% және 2,2% - ды құрады. АІЖ тарапынан жағымсыз реакциялар басым көпшілігінде орташа айқын және өтпелі болды. Иммундық жүйе тарапынан бұзылулар Соликва® СолоСтар® препаратын пациенттердің 0,3% - ында қолданумен байланысты болуы мүмкін аллергиялық реакцияның (есекжем) дамуы туралы хабарланды. Гларгин инсулині мен ликсисенатидті постмаркетингтiк қолдану кезінде анафилактикалық реакциялар мен ангионевроздық ісінуді қоса, жайылған аллергиялық реакциялар жағдайлары байқалды. Иммуногендігі Соликва® СолоСтар® препаратын қолдану гларгин инсулиніне және/немесе ликсисенатидке антиденелердің түзілуін туындатуы мүмкін. Гларгин инсулинiне антиденелердің түзілу жиілігі 21,0% және 26,2% құрады. Пациенттердің шамамен 93% - ында гларгин инсулинiне деген антиденелер адам инсулиніне айқаспалы реактивтіліктi көрсетті. Ликсисенатидке антиденелердің түзілу жиілігі шамамен 43% құрады. Гларгин инсулинi немесе ликсисенатидке деген антиденелердің статустары қауіпсіздікке немесе тиімділікке клиникалық маңызды әсер еткен жоқ. Тері және тері асты тіндерінің аурулары Инсулин инъекциясы орнында липодистрофия және тері амилоидозы пайда болуы мүмкін, бұл инсулиннің сіңуін кешіктіруге әкеледі. Бір аймақта инъекция орнының үнемі өзгеруі осы жағымсыз реакциялардың сирек көрінуіне немесе олардың толық болмауына ықпал етеді. Енгізу орнындағы реакциялар Соликва® СолоСтар® препаратымен емделуді қоса, инсулин емін қабылдайтын кейбір пациенттерде (1.7%) эритема, жергілікті ісіну, инъекция орнында қышыну байқалған. Жүректің жиырылу жиілігі ГТП-1 рецепторының агонисін қолдану кезінде жүректің жиырылу жиілігінің жоғарылауы туралы хабарланды, ал ликсисенатидпен кейбір зерттеулерде жүректің жиырылу жиілігінің өтпелі жоғарылауы байқалды. Соликва® СолоСтар® препаратының 3-фазасының барлық зерттеулерінде жүректің жиырылу орташа жиілігінің жоғарылауы байқалған жоқ. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық деректер базасына хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz Қосымша ақпарат

Симптомдары Соликва® СолоСтар® препаратының қажетті дозасынан асқан жағдайда гипогликемия және асқазан-ішек жолы тарапынан жағымсыз реакциялар дамуы мүмкін. Емі Жеңіл дәрежедегі гипогликемия эпизодтарын әдетте ішке тез сіңетін көмірсулар қабылдау арқылы тоқтатуға болады. Препараттың дозасын, диетаны немесе дене белсенділігінің қарқындылығын түзету қажет болуы мүмкін. Кома, құрысу немесе неврологиялық бұзылулардың дамуы сияқты гипогликемияның анағұрлым ауыр эпизодтары глюкагонды бұлшықет ішіне/тері астына енгізу немесе глюкозаның концентрацияланған ерітіндісін вена ішіне енгізу арқылы басылуы мүмкін. Көмірсуларды демеуші қабылдау және дәрігердің бақылауы қажет болуы мүмкін, өйткені клиникалық жақсарғаннан кейін гипогликемия қайталануы мүмкін. Асқазан-ішек жолы тарапынан симптомдар дамыған жағдайда клиникалық көріністеулерге байланысты тиісті демеуші емді бастау керек.

Қадағалануы Биологиялық дәрілік препараттардың қадағалануын жақсарту мақсатында енгізілген препараттың атауы мен партия нөмірін нақты көрсету қажет. 1 типті қант диабеті Соликва® СолоСтар® препаратын 1 типті қант диабеті бар пациенттерді немесе диабеттік кетоацидозды емдеу үшін қолдануға болмайды. Енгізу орнын ауыстыру Пациенттерге липодистрофия мен тері амилоидозының даму қаупін азайту үшін инъекция орнын қалай дұрыс ауыстыру керектігі туралы нұсқау беру керек. Аталған реакциялар бар жерлерде инсулин инъекциясынан кейін инсулиннің баяу сіңуінің және гликемиялық бақылаудың нашарлауының әлеуетті қаупі бар. Есептерге сәйкес, инъекция орнының зақымданбаған аймаққа күрт өзгеруі гипогликемияға әкеледі. Инъекция орнын ауыстырғаннан кейін қандағы глюкоза концентрациясын бақылау ұсынылады, сондай-ақ диабетке қарсы препараттардың дозасын түзету мүмкіндігін қарастыру керек. Гипогликемия Гипогликемия Соликва® СолоСтар® препаратымен емдеу кезінде жиі кездесетін жағымсыз реакция болды. Егер Соликва® СолоСтар® препаратының дозасы оған қажеттіліктен жоғары болса, гипогликемия байқалуы мүмкін. Гипогликемияға бейімділікті арттыратын факторлар мұқият бақылауды қажет етеді және дозалау режимін түзетуді қажет етуі мүмкін. Бұған келесі факторлар жатады: - инъекция аймағын өзгерту - инсулинге сезімталдықтың жоғарылауы (мысалы, стресс факторларының әсерін тоқтатуға байланысты) - әдеттен тыс ауыр немесе ұзақ дене жүктемелері - қатар жүретін аурулар (мысалы, құсу, диарея) - жеткіліксіз тамақтану - тамақтануды өткізіп алу - алкогольді тұтыну - кейбір компенсацияланбайтын эндокриндік бұзылулар (гипотиреоз және алдыңғы гипофиз немесе бүйрекүсті безі гормондарының жеткіліксіздігі сияқты) - кейбір дәрілік препараттармен қатарлас ем - ликсисенатид және/немесе сульфонилмочевина туындыларымен біріктірілген инсулин гипогликемияның даму қаупін арттыруы мүмкін. Сондықтан Соликва® СолоСтар® препаратын сульфонилмочевина туындыларымен біріктіріп қолдануға болмайды. Соликва® СолоСтар® препаратының дозасы клиникалық әсері бойынша жеке таңдалуы және пациенттің инсулинге қажеттілігіне қарай титрленуі тиіс. Жедел панкреатит ГТП-1 рецепторының агонистерін қолдану жедел панкреатиттің даму қаупімен астасқан. Ликсисенатидті қолдану кезінде жедел панкреатит туралы бірнеше хабарламалар болды, бірақ олардың арасында себеп-салдарлық байланыс анықталмады. Науқастарға жедел панкреатиттің тән симптомдары туралы хабарлау керек: ұзақ сақталатын (персистерлейтін) іштің қатты ауыруы. Панкреатитке күдік туындағанда Соликва® СолоСтар® препаратын қолдануды тоқтату керек; егер жедел панкреатит диагнозы расталса, ликсисенатидпен емдеуді қайта бастауға болмайды. Анамнезінде панкреатиті бар пациенттерде препаратты қолданғанда сақ болу керек. Асқазан-ішек жолының ауыр аурулары ГТП-1 рецепторының агонистерін қолдану асқазан-ішек жолы тарапынан жағымсыз реакциялармен астасуы мүмкін. Соликва® СолоСтар® препаратын қолдану ауыр гастропарезді қоса, асқазан-ішек жолының ауыр аурулары бар пациенттерде зерттелмеген, сондықтан Соликва® СолоСтар® препаратын осы пациенттерде қолдану ұсынылмайды. Ауыр бүйрек жеткіліксіздігі Бүйрек функциясының ауыр жеткіліксіздігі (креатинин клиренсі 30 мл/мин кем) немесе бүйрек ауруының терминальді сатысы бар пациенттерде препаратты қолданудың емдік тәжірибесі жоқ. Препаратты қолдану бүйрек функциясының ауыр жеткіліксіздігі және бүйрек ауруының терминальді сатысы бар пациенттерде ұсынылмайды. Дәрілік препараттарды бір мезгілде қолдану Асқазанның ликсисенатидпен босатылуының баяулауы ішке қабылданатын дәрілік препараттардың сіңу жылдамдығын төмендетуі мүмкін. Соликва® СолоСтар® препаратын мұқият клиникалық мониторингті қажет ететін немесе емдік ауқымы тар, асқазан-ішек жолынан жылдам сіңіруді талап ететін дәрілік препараттарды қабылдайтын пациенттерде сақтықпен қолдану керек. Жалпы анестезияға немесе терең седацияға арналған Аспирация¶ ГТП-1 рецепторларының агонистерін қабылдайтын пациенттерде өкпе аспирациясы жағдайлары жалпы анестезиямен немесе терең седациямен процедураларды жүргізу кезінде хабарланды. Жалпы анестезиямен немесе терең седациямен процедуралар алдында асқазанды босатудың кешеуілдеуіне байланысты асқазанның қалдық құрамының жоғарылау қаупін ескеру қажет.¶ Дегидратация Соликва® СолоСтар® препаратымен ем алатын пациенттерді асқазан-ішек жолы тарапынан жағымсыз реакцияларға байланысты дегидратацияның ықтималды қаупі туралы және сұйықтықтың жоғалуын болдырмау үшін сақтық шараларын сақтау туралы хабардар ету керек. Антиденелердің түзілуі Соликва® СолоСтар® препаратын қолдану гларгин инсулиніне және/немесе ликсисенатидке антиденелердің түзілуін туындатуы мүмкін. Сирек жағдайларда мұндай антиденелердің болуы гипергликемия немесе гипогликемияның даму үрдісін түзету мақсатында Соликва® СолоСтар® препаратының дозасын өзгертуді талап етуі мүмкін. Препаратты енгізу кезіндегі қателіктердің алдын алу Пациенттерге белсенді заттардың әртүрлі концентрациялары бар Соликва® СолоСтар® екі шприц-қаламының бір-бірімен кездейсоқ араласуын немесе диабетке қарсы инъекциялық препараттары бар басқа шприц-қаламдармен шатастырылуын болдырмау үшін препаратты әрбір енгізер алдында шприц-қаламның заттаңбасын әрдайым тексеру қажеттігі туралы нұсқау берілуі тиіс. Препаратты дозалау қателерін және ықтимал артық дозалануын болдырмау үшін пациенттер де, медицина қызметкерлері де алдын ала толтырылған шприц-қалам картриджінен препаратты алу үшін шприцті ешқашан пайдаланбауы тиіс. Соликва® СолоСтар препаратымен бірге диабетке қарсы препараттардың зерттелмеген топтары Соликва® СолоСтар® препаратын 4 типті дипептидилпептизаза тежегіштерімен (ДПП-4), сульфонилмочевина туындыларымен, глинидтермен және пиоглитазонмен қолдану зерттелмеген. Саяхат Препараттың дозалану қателіктерін және сағат белдеулерінің ауысулары кезінде ықтимал артық дозалануды болдырмау үшін пациентке сапарға шықпас бұрын дәрігермен кеңесу керек. Қосымша заттар Бұл дәрілік препараттың құрамында дозада 1 ммольден аз (23 мг) натрий бар, яғни бұл іс жүзінде құрамында натрий жоқ препарат. Бұл препарат құрамында аллергиялық реакциялар туындатуы мүмкін метакрезол бар. Препараттың көлік құралын және ықтимал қауіпті механизмдерді басқару қабілетіне әсер ету ерекшеліктері Соликва® СолоСтар® препараты көлік құралдарын немесе механизмдерді басқару қабілетіне әсер етпейді немесе болмашы әсер етеді. Алайда, пациенттің зейін жинақтау қабілеті және оның реакциясы гипогликемияның немесе гипергликемияның дамуы немесе көру қабілетінің бұзылуы нәтижесінде бұзылуы мүмкін. Бұл қабілеттер ерекше маңызды болған (мысалы, көлік құралдарын басқару немесе механизмдермен жұмыс істеу) жағдайларда бұл қауіпті болуы мүмкін. Көлік құралдарын басқару кезінде гипогликемияның дамуын болдырмау үшін пациенттерге сақтық шараларын қолдану ұсынылады. Бұл, әсіресе, гипогликемияның дамуының ізашар симптомдары әлсіреген немесе танылмаған пациенттерде немесе гипогликемияның жиі эпизодтары бар пациенттерде өте маңызды. Көлік құралдарын немесе механизмдерді басқару мүмкіндігі туралы шешім қабылдаған кезде осы жағдайларды ескеру қажет.

Репродуктивті жастағы әйелдер Соликва® СолоСтар® препараты ұрықтануға қарсы дәріні қолданбайтын репродуктивті жастағы әйелдерге ұсынылмайды. Жүктілік Жүктілік кезеңінде Соликва® СолоСтар® препаратын, гларгин инсулинін немесе ликсисенатидті қолдану бойынша бақыланатын клиникалық зерттеулердің деректері жоқ. Көптеген бақылаулар (жүктіліктің 1000-нан астам нәтижелері) шарананың дамуында қандай да бір ерекше ауытқулардың жоқтығын, сондай-ақ гларгин инсулинін қолданғанда эмбрио - /неонаталдық уыттылықтың жоқтығын көрсетті. Клиникаға дейінгі зерттеулер гларгин инсулинін қолданғанда репродуктивті уыттылықты көрсетпеді. Жүктілік кезінде ликсисенатидті қолдану туралы деректер жоқ немесе шектеулі. Клиникаға дейінгі зерттеулерде ликсисенатидтің репродуктивті уыттылығы көрсетілді. Соликва® СолоСтар® препаратын жүктілік кезінде, сондай-ақ контрацепцияны қолданбайтын репродуктивтік әлеуеті бар әйелдерде қолдану ұсынылмайды. Лактация Инсулин гларгиннің немесе ликсисенатидтің ананың емшек сүтіне енетіні белгісіз. Жаңа туған нәрестелер/сәбилер үшін қауіпті жоққа шығаруға болмайды. Соликва® СолоСтар® препаратымен емделу кезінде емізуді тоқтату керек.

Соликва® СолоСтар® препаратының басқа дәрілік заттармен өзара әрекеттесуі бойынша зерттеулер жүргізілген жоқ. Төменде келтірілген ақпарат монокомпоненттерді қолданатын зерттеулерге негізделген. Фармакодинамикалық өзара әрекеттесуі Кейбір заттар глюкозаның метаболизміне әсер етеді, сондықтан Соликва® СолоСтар® препаратының дозасын түзету қажет болуы мүмкін. Гипогликемиялық әсерді және гипогликемияның дамуына бейімділікті арттыруы мүмкін дәрілік заттарға диабетке қарсы препараттар, ангиотензин өзгертуші фермент (АӨФ) тежегіштері, дизопирамид; фибраттар; флуоксетин, моноаминоксидаза (MAO) тежегіштері; пентоксифиллин; сульфаниламидтер тобынан пропоксифен, салицилаттар және микробқа қарсы дәрілер жатады. Гипогликемиялық әсерді әлсіретуі мүмкін дәрілік заттарға глюкокортикостероидтар мен минералокортикостероидтар, даназол, диазоксид, диуретиктер, глюкагон, изониазид, эстрогендер, прогестогендер (мысалы, пероральді контрацептивтердегi), фенотиазин туындылары; соматотропин, симпатомиметикалық препараттар (мысалы, эпинефрин [адреналин], сальбутамол, тербуталин сияқты); қалқанша безінің гормондары, атипиялық нейролептиктер (мысалы, оланзапин и клозапин) және протеаза тежегіштері жатады. Бета-блокаторлар, клонидин, литий тұздары немесе алкоголь инсулиннің гипогликемиялық әсерін күшейте әрі әлсірете алады. Пентамидин гипогликемияны туындатуы мүмкін, содан кейін кейбір жағдайларда гипергликемия дамуы мүмкін. Сонымен қатар, бета-блокаторлар, клонидин, гуанетидин және резерпин сияқты симпатолитикалық дәрілік заттардың әсерінен адренергиялық контрреттеу белгілері аз немесе болмауы мүмкін. Фармакокинетикалық өзара әрекеттесуі Ликсисенатид пептид болып табылады және P450 цитохромының изоферменттері арқылы метаболизденбейді. In vitro зерттеулерде ликсисенатид P450 цитохромының сыналған изоферменттерінің немесе адам транспорттерлерінің белсенділігіне әсер еткен жоқ. Гларгин инсулині үшін фармакокинетикалық өзара әрекеттесуі белгісіз. Ішке қабылданатын дәрілік препараттарға асқазанды босатудың әсері Ликсисенатид асқазанды босатуды кешіктіреді, бұл ішке қабылданатын дәрілік препараттардың сіңу жылдамдығын төмендетуі мүмкін. Пациенттер емдік ауқымы тар немесе мұқият клиникалық мониторингті талап ететін дәрілік препараттарды, әсіресе ликсисенатидпен емдеудің басында бір мезгілде қабылдаған кезде сақ болу керек. Бұл дәрілік препараттарды ликсисенатидке қатысты стандартты түрде қабылдау керек. Егер мұндай препараттарды тамақтану кезінде қабылдау керек болса, пациенттерге оларды мүмкіндігінше ликсисенатид енгізілмейтін, тамақ кезiнде қабылдау ұсынылады. Тиімділігі әсіресе шекті концентрацияға байланысты пероральді дәрілік препараттарды (мысалы, антибиотиктердi) қолдану қажет болған кезде пациенттерге оларды ликсисенатид инъекциясынан кемінде 1 сағат бұрын немесе 4 сағаттан кейін қабылдауды ұсынған жөн. Асқазан сөлінің әсеріне төзімді, құрамында асқазандағы деградацияға сезімтал заттар бар дәрілік түрлерді ликсисенатид инъекциясынан 1 сағат бұрын немесе 4 сағаттан кейін енгізу керек. Парацетамол Парацетамол ликсисенатидтің асқазанды босатуға әсерін бағалау үшін дәрілік препараттың моделі ретінде пайдаланылды. Осы нәтижелер негізінде парацетамол дозасын түзету қажет емес. Әсері тез басталуы қажет болған жағдайда, ликсисенатидті енгізгеннен кейін 1-4 сағаттан соң парацетамолды енгізу кезінде байқалатын tmax ұлғаюын ескеру керек. Пероральді контрацептивтер Пероральді контрацептивті препараттардың дозасын түзету талап етілмейді. Аторвастатин Аторвастатин дозасын ликсисенатидпен бірге қолданғанда түзету қажет емес. Варфарин және кумариннің басқа туындылары Варфаринді ликсисенатидпен бірге қолданған кезде оның дозасын түзету талап етілмейді, алайда варфаринді және кумариннің басқа туындыларын қабылдайтын пациенттерде ликсисенатидпен емдеудің басында немесе тоқтатуында ХҚҚ-ны жиі бақылау ұсынылады. Дигоксин Дигоксин дозасын ликсисенатидпен бірге қолданғанда түзету қажет емес. Рамиприл Рамиприл дозасын ликсисенатидпен бірге қолданған кезде түзету талап етілмейді. Айрықша нұсқаулар Пациенттердің ерекше топтары Бүйрек жеткіліксіздігі бар пациенттер Ауыр дәрежедегі бүйрек жеткіліксіздігі және бүйрек ауруының терминальді сатылы пациенттерде ликсисенатидті қолданудың емдік тәжірибесі жоқ, сондықтан пациенттердің осы топтарында ликсисенатидті қолдану ұсынылмайды. Ауырлығы жеңіл немесе орташа дәрежедегі бүйрек жеткіліксіздігі бар пациенттерде ликсисенатид дозасын түзету талап етілмейді. Бүйрек жеткіліксіздігі бар пациенттерде инсулин метаболизмінің баяулау салдарынан инсулинге қажеттілік төмендеуі мүмкін. Ауырлығы жеңіл немесе орташа дәрежедегі бүйрек жеткіліксіздігі бар пациенттерде қандағы глюкоза концентрациясының жиі мониторингі және Соликва® СолоСтар® препаратының дозасын түзету талап етілуі мүмкін. Бауыр жеткіліксіздігі бар пациенттер Соликва® СолоСтар® препаратының фармакокинетикасына бауыр жеткіліксіздігінің әсері зерттелмеген. Бауыр жеткіліксіздігі бар пациенттерде ликсисенатид дозасын түзету талап етілмейді. Бауыр жеткіліксіздігі бар пациенттерде глюконеогенез қабілетінің төмендеуі және инсулин метаболизмінің баяулауы салдарынан инсулинге қажеттілік төмендеуі мүмкін. Бауыр жеткіліксіздігі бар пациенттерде қандағы глюкоза концентрациясының жиі мониторингі және Соликва® СолоСтар® препаратының дозасын түзету қажет болуы мүмкін. Егде жастағы пациенттер Соликва® СолоСтар® препаратын ≥ 65 жастағы пациенттерде қолдануға болады. Доза қандағы глюкоза концентрациясының мониторингіне сүйене отырып, жеке түзетілуі тиіс. Егде жастағы пациенттерде бүйрек функциясының үдемелі нашарлауы инсулинге қажеттіліктің тұрақты төмендеуіне әкелуі мүмкін. Ликсисенатид дозасын түзету пациенттің жасына байланысты талап етілмейді. ≥ 75 жастағы пациенттерде препаратты қолдану тәжірибесі шектеулі. Педиатрияда қолдану Соликва® СолоСтар® препаратының балалар мен 18 жасқа дейінгі жасөспірімдердегі қауіпсіздігі мен тиімділігі анықталмаған.

Сақтау мерзімі 3 жыл. Шприц-қаламды алғаш пайдаланғаннан кейінгі сақтау мерзімі: 28 күн Жарамдылық мерзімі өткеннен кейін қолдануға болмайды! Сақтау шарттары Ашылмаған (пайдаланылмайтын) шприц-қаламдар Тоңазытқышта (2°C - 8°C) сақтау керек. Мұздатып қатыруға, мұздатқыш камераның және мұздатылған қаптамалардың жанына орналастыруға болмайды. Шприц-қаламды жарық әсерінен қорғау мақсатында өзінің картон қаптамасында сақтау керек. Пайдаланылатын шприц-қаламдар 25°C-ден төмен температурада сақтау керек. Тоңазытқышта сақтауға болмайды. Мұздатып қатыруға болмайды. Жалғанған инесімен бірге сақтауға болмайды. Қаламды тікелей жылуу немесе тікелей түсетін жарық әсерінен сақтау керек. Шприц-қаламының қалпақшасын жарық әсерінен қорғау үшін әрбір инъекциядан кейін оған қайтадан кигізу қажет. Балалардың қолы жетпейтін жерде сақтау керек!