Сомазина® раствор 100 мг/мл

100 мл ерітіндінің құрамында белсенді зат – натрий цитиколині 10.4500 (10.0000 цитиколинге баламалы), қосымша заттар: сорбитол 70 % (кристалды сұйық сорбитол), глицерин (глицерол), метилпарагидроксибензоат (нипасол), пропилпарагидроксибензоат (нипасол), глицерин формальдегиді, натрий цитратының дигидраты, натрий сахарині, Понсо 4R бояғышы (Е124), құлпынай хош иістендіргіші 1487-S, калий сорбаты, сусыз лимон қышқылы 50% ерітінді, тазартылған су. Сыртқы түрінің, иісінің, дәмінің сипаттамасы Қызғылт түсті мөлдір сұйықтық, кейде ақшыл, үлпек тәрізді тұнба болуы мүмкін.

• инсульттермен байланысты неврологиялық және когнитивті бұзылуларды емдеу. • бассүйек-ми жарақаттарымен байланысты неврологиялық және когнитивті бұзылуларды емдеу.

ATХ коды N06BX06 Әсер ету механизмі Цитиколин нейрондар жарғақшасында құрылымдық фосфолипидтердің биосинтезін стимуляциялайды, бұл магниттік-резонанстық спектроскопияны қолданып жүргізілген зерттеулерде көрсетілген. Осындай әрекет арқылы цитиколин иондық сорғылар мен рецепторлар сияқты жарғақшалық құрылымдардың жұмысын жақсартады, оларды реттемей жүйке импульстарының қалыпты өткізілуі мүмкін емес. Жарғақшаға тұрақтандырушы әсерінің арқасында цитиколин ісінуге қарсы қасиеттерін көрсетеді және мидың ісінуін азайтады. Эксперименттік зерттеулер цитиколиннің кейбір фосфолипазалардың (A1, A2, C және D) белсенуін тежейтінін, бос радикалдардың түзілуін азайтатынын, жарғақшалық жүйелердің бұзылуын болдырмайтынын және глютаза түрінде антиоксидантты қорғаныс жүйелерін сақтайтынын көрсетті. Цитиколин нейрондардың энергия қорын сақтайды, апоптозды тежейді және ацетилхолин синтезін стимуляциялайды. Цитиколиннің мидың фокальды ишемиясында профилактикалық нейропротекторлық әсер көрсететіндігі эксперименталды түрде көрсетілді. Клиникалық сынақтар Цитиколиннің жедел ишемиялық цереброваскулярлық апаты бар пациенттердің функционалдық қалпына келуін айтарлықтай арттыратынын көрсетті, бұл нейровизуализация тесттерінде мидың ишемиялық зақымдануының азаюымен сәйкес келеді. Бассүйек-ми жарақаты бар пациенттерде цитиколин сауығуды жылдамдатады және контузиядан кейінгі синдромның ұзақтығы мен қарқындылығын төмендетеді. Цитиколин әртүрлі патологиялық процестердің салдарынан церебралдық дисфункция жағдайларына байланысты симптомдардың айқындылығын әлсіретеді (мысалы, бассүйек-ми жарақаты және ми қанайналымының жедел бұзылуы сияқты). Цитиколин зейін мен сана деңгейін жақсартады, церебралдық патологиямен байланысты когнитивтік, сенсорлық және моторлық бұзылулардың көріністерін төмендетеді.

Дозалау режимі 1 мл ерітіндінің құрамында 100 мг бар Ересектер: ұсынылатын доза жағдайының ауырлығына байланысты тәулігіне 500 мг-ден 2000 мг-ге дейін. Тамақтану кезінде немесе тамақтану арасында дозалау шприцінің көмегімен қабылдау керек. Препаратты сұйылтылмаған қалпында немесе жарты стакан сумен (120 мл) сұйылтып қабылдауға болады. Әр қабылдағаннан кейін шприцті сумен шаю ұсынылады. Енгізу әдісі мен жолы Ішуге арналған Қабылдау уақыты көрсетілген қолдану жиілігі Сипатталмаған. Емдеу ұзақтығы Емдеу курсының ұзақтығын емдеуші дәрігер анықтайды. Дәрілік препараттың бір немесе бірнеше дозасын өткізіп алған кезде қажетті шаралар Сипатталмаған Дәрілік препаратты қолдану тәсілін түсіндіру үшін медициналық қызметкерге консультацияға жүгіну бойынша ұсынымдар Дәрілік препаратты қолдану туралы сұрақтар туындаған жағдайда емдеуші дәрігерге қаралу керек.

• әсер етуші затқа немесе қосымша заттардың кез келгеніне аса жоғары сезімталдық • парасимпатикалық жүйке жүйесінің (кезбе жүйкенің) тонусы жоғарылаған пациенттер • фруктозаның тұқым қуалайтын жақпаушылығы, глюкоза-галактоза мальабсорбциясы • құрамында тыйым салынған Понсо 4R (E124) бояғыштың болуына байланысты балалар мен 18 жасқа дейінгі жасөспірімдер.

Өте сирек (<1 /10000) жеке хабарламаларды қосқанда: • елестеулер • бас ауыруы, бас айналуы • артериялық гипертензия, артериялық гипотензия • ентігу • жүрек айнуы, құсу, кейде - диарея • гиперемия, есекжем, экзантема, пурпура • қалтырау, ісіну. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Болуы мүмкін симптомдар: препараттың жағымсыз әсерлерінің күшеюі. Емі: симптоматикалық ем.

Сипатталмаған. Арнайы сақтандырулар Құрамында Понсо 4R, метилпарагидроксибензоат, пропилпарагидроксибензоаттың болуына байланысты аллергиялық реакция дамуы мүмкін. Препараттың құрамында сорбитол бар, сондықтан сирек кездесетін тұқым қуалайтын фруктоза жақпаушылығы кінәраттары бар пациенттерге қабылдауға болмайды. Бронх демікпесін тудыруы мүмкін, әсіресе ацетилсалицил қышқылына аллергиясы бар пациенттерде. Асқазан-ішек жолының бұзылуын және диареяны тудыруы мүмкін, өйткені оның құрамында глицерин формальдегиді бар. Бұл препараттың құрамында пероральді ерітіндінің әрбір 10 мл-де 61,4 мг натрий бар, бұл ДДҰ ересек адам үшін ұсынған натрийді (2 г) ең жоғары рұқсат етілген тәуліктік тұтынудың 3%-ына сәйкес келеді. Педиатрияда қолдану Балаларда қолдану тәжірибесі шектеулі: демек, препараттың күтілетін емдік пайдасы кез келген ықтимал қауіптен асып кеткен жағдайларда ғана тағайындалуы мүмкін. Препараттың көлік құралын және қауіптілігі зор механизмдерді басқару қабілетіне әсер ету ерекшеліктері Әсер етпейді.

Цитиколинді жүкті әйелдерде қолдану туралы тиісті мәліметтер жоқ. Егер нақты қажеттілік болмаса, препаратты жүктілік кезінде қолдануға болмайды. Препарат күтілетін оң әсер ықтимал қауіптен асып кеткен жағдайда қолданылуы мүмкін.

Цитиколин L-Dopa әсерін күшейтеді. Құрамында меклофеноксат (meclofenoxate) бар препараттармен бір мезгілде қолданылмауы тиіс.

Сақтау мерзімі 3 жыл Жарамдылық мерзімі өткеннен кейін қолдануға болмайды. Сақтау шарттары Түпнұсқалық қаптамасында 30 ºС-ден аспайтын температурада сақтау керек. Мұздатып қатыруға немесе салқындатуға болмайды. Балалардың қолы жетпейтін жерде сақтау керек!