Сорбикапс капсулы 200 мг

Бір капсуланың құрамында белсенді зат - 200 мг белсендірілген көмір, қосымша заттар (капсула қабығы): темірдің қара тотығы (Е 172), титанның қостотығы (Е 171), желатин. Сыртқы түрінің, иісінің, дәмінің сипаттамасы Өлшемі №1, корпусы мен қақпақшасы қара түсті қатты желатинді капсулалар. Капсуланың ішіндегісі - қара немесе күңгірт сұр түсті ұнтақ

• шығу тегі әртүрлі экзогендік және эндогендік интоксикацияларда уытсыздандыратын дәрі ретінде қолданылады • тағамдық токсикоинфекцияларды, сальмонеллезді, дизентерияны кешенді емдеуге • дәрілік препараттармен (психотроптық, ұйықтататын, есірткілік дәрілермен және басқалармен), алкалоидтармен, ауыр металл тұздарымен және басқа да улармен уланғанда • диспепсиямен, метеоризммен қатарласа жүретін асқазан-ішек жолының ауруларында • тағамдық және дәрілік аллергияларда • гипербилирубинемияда (вирустық гепатит және басқа да сарғаюлар) және гиперазотемияда (бүйрек жеткіліксіздігі) • ультрадыбыстық және рентгенологиялық зерттеулер алдында ішекте газдың түзілуін азайту үшін

Белсендірілген көмір беткейлік қуатты төмендететін (олардың химиялық табиғатын өзгертпестен) заттарды байланыстыру қабілетіне себепші болатын жоғары беткейлік белсенділігімен сипатталады. Газды, токсиндерді, алкалоидтарды, гликозидтерді, ауыр металл тұздарын, салицилаттарды, барбитураттарды және т.б. сіңіреді, олардың асқазан-ішек жолында сіңуін азайтады және организмнен нәжіспен шығуына ықпал етеді. Гемоперфузия кезінде сорбент ретінде белсенді. Ас қорытылуы кезінде түзілетін газды белсенді сіңіре отырып, ішек қабырғаларының қатты созылуына кедергі келтіреді, сонысымен ауырудың алдын алады және басады. Жедел дизентерия, сальмонеллез, вирустық гепатиттер, іш сүзегі, лептоспироз, геморрагиялық қызба, орнитоз сияқты инфекциялық ауруларда патогендік штаммдар мен олардың токсиндерін сіңіріп алады. Препарат токсиндер деңгейін төмендетеді және қорғасындық, алкогольдік және дәрілік экзотоксикоздар, күйік және сәуле ауруы кезінде; зиянды өндірістегі созылмалы уыттануларда уыттану симптомдарын жояды. Қышқылдар мен сілтілерді (оның ішінде темір тұздары, цианидтер, малатион, метанол, этиленгликоль) нашар сіңіреді.

Дозалау режимі Ересектерге тамақтануға немесе дәрілік заттарды қабылдауға дейін немесе одан кейін 1-2 сағат аралықпен тәулігіне 3-4 рет 3-6 капсуладан. Жедел улану кезінде өздігінен жұта алуды бастағаннан кейінгі 2-3 тәулікте күніне 10 капсулаға дейін қабылдау ұсынылады. Ең жоғары бір реттік дозасы - 8 капсула, ең жоғары тәуліктік дозасы – 24 капсула. Балаларға препаратты 6 жастан бастап дене салмағына байланысты орташа алғанда дене салмағының әр кг шаққанда 0,05 г есебінен тәулігіне 3 рет, ең жоғары бір реттік доза – дене салмағының әр кг шаққанда 0,2 г дейін тағайындалады. Жедел улануларда емдеудің ұзақтығы 3-5 күнді құрайды. Созылмалы уыттануларда 10-нан 14 күнге дейін. Метеоризм кезінде препаратты ішке қабылдауға тәулігіне 3-4 рет 3-6 капсуладан тағайындайды. Емдеу курсы 3-7 күн. Енгізу әдісі және жолы Ішке қабылдауға тағайындайды. Капсулаларды сумен бірге қабылдау керек. Дәрілік препаратты қолдану тәсілін түсіндіру үшін медициналық қызметкерден кеңес алу бойынша ұсынымдар Дәрілік препаратты қолдану әдісін түсіндіру үшін кеңес алуға медициналық қызметкерге жүгіну ұсынылды.

• белсендірілген көмірге немесе қосымша заттарының кез келгеніне аса жоғары сезімталдық • асқазан-ішек бітелісі және ішек бітелісіне күдіктену • іштің қатты ауыруы, спецификалық емес ойық жаралы колит, асқазан-ішек жолы ағзаларынан (АІЖ) қан кету • 6 жасқа дейінгі балаларға

• диспепсия • АІЖ-дан майлар, ақуыздар, дәрумендер, гормондар сіңуінің төмендеуі • іш қату • диарея • нәжістің қара түске боялуы • белсендірілген көмір арқылы гемоперфузия кезінде эмболия дамуы мүмкін • геморрагия, гипогликемия, гипокальциемия, гипотермия, гипотензия • ауыз қуысы шырышты қабығының кандидозы • жалған жарғақшалы колит • бауыр функциясының бұзылуы • дисбактериоз Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: жүрек айну, құсу және іш қату. Емі: препаратты тоқтату, іш жүргізетін дәрілер тағайындау.

Препарат қабылдаған кезде нәжістің түсін қарайтады. Белсендірілген көмірді ұзақ уақыт қолданғанда гиповитаминоздың дамуы, қоректік заттардың (майлар, ақуыздар), гормондардың АІЖ сіңуі төмендеуі мүмкін. Үш күн емдегеннен кейін диарея сақталған жағдайда, аурудың себептерін айқындау үшін қосымша клиникалық және биохимиялық зерттеулер жүргізілуі тиіс. Белсендірілген көмірді басқа дәрілік заттарды қабылдауға дейін немесе одан кейін кем дегенде 1-2 сағат аралықпен қабылдау керек. Препараттың көлік құралын немесе қауіптілігі зор механизмдерді басқару қаблетіне әсер ету ерекшеліктері Әсер етпейді

Белсендірілген көмірді жүктілік және бала емізу кезеңінде қолдануға қарсы көрсетілім жоқ.

Белсендірілген көмір өзінің беткейінде онымен бір мезгілде ішке қабылданатын барлық дәрілік препараттардың сіңуіне байланысты, тиімділігін төмендетеді. Препарат жартылай шығарылу кезеңі ұзаққа созылатын препараттардың (карбамазепин, фенобарбитал және дифенилсульфон) элиминациялану жылдамдығын арттырады. Белсендірілген көмірді пероральді қабылдау дигоксиннің клиренсін 5 есе арттырады. Сорбикапс қабылдау артериялық қысымды жоғарылатуға арналған оральді дәрілік заттардың және ревматизмге қарсы препараттардың тиімділігін төмендетеді. Белсендірілген көмірді және оральді контрацептивтерді бір мезгілде қабылдау соңғылардың тиімділігін төмендетуі мүмкін. Мұндай жағдайларда контрацепцияның қосымша әдістерін қолдану қажет.

Сақтау мерзімі 3 жыл Жарамдылық мерзімі өткеннен кейін қолдануға болмайды. Сақтау шарттары Құрғақ, жарықтан қорғалған жерде, 25 °С-ден аспайтын температурада сақтау керек. Балалардың қолы жетпейтін жерде сақтау керек!