Сорбилакт раствор

1 мл препараттың құрамында белсенді заттар: сорбитол 200,0 мг; натрий лактаты (100 % затқа шаққанда) 19,0 мг; натрий хлориді 6,0 мг; кальций хлориді (кальций хлориді дигидраты, құрғақ затқа шаққанда) 0,1 мг; калий хлориді 0,3 мг; магний хлориді (магний хлориді гексагидраты, құрғақ затқа шаққанда) 0,2 мг; қосымша зат – инъекцияға арналған су. Препараттың иондық құрамы — мг/мл — ммоль/л Натрий ионы Na+ — 6.26 мг/мл — 272.20 ммоль/л Калий ионы К+ — 0.157 мг/мл — 4.02 ммоль/л Кальций ионы Ca++ — 0.036 мг/мл — 0.90 ммоль/л Магний ионы Mg++ — 0.051 мг/мл — 2.10 ммоль/л Хлорид ионы Cl ̄ — 3.995 мг/мл — 112.69 ммоль/л Лактат ионы Lac ̄ — 15.10 мг/мл — 169.55 ммоль/л Теориялық осмолярлығы 1658 мОсмоль/л Сыртқы түрінің, иісінің, дәмінің сипаттамасы Мөлдір түссіз сұйықтық.

• ерітіндінің гиперосмолярлығы есебінен уыттануды азайту, қышқыл-сілті жағдайын түзету үшін • жарақаттық, геморрагиялық және күйік шоктары кезінде гемодинамиканы жақсарту үшін • операциядан кейінгі ішек парезінде • бүйрек-бауыр функциясының жедел жеткіліксіздігінде (бастапқы кезеңінде) • бассүйекішілік қысымның жоғарылауында

Фармакодинамикалық әсерлері Препараттың шокқа қарсы, энергиялық, уытсыздандыратын, сілтілендіретін, диурездік және ішек перистальтикасын стимуляциялайтын әсері бар. Препараттың негізгі фармакологиялық белсенді заттары сорбитол (гипертониялық концентрацияда) және натрий лактаты (изотониялық концентрацияда) болып табылады. Сорбитолдың гипертониялық ерітіндісі ішектің тегіс бұлшықеттеріне стимуляциялағыш әсер тигізеді. Бауырда сорбитол алдымен фруктозаға айналады, ал ол глюкозаға, одан кейін гликогенге айналады. Сорбитолдың бір бөлігі шұғыл энергиялық қажеттіліктер үшін пайдаланылады, басқа бөлігі гликоген түріндегі қосымша қор ретінде жиналады. Сорбитол гипертониялық ерітіндісінің ауқымды осмостық қысымы және диурезді күшейтетін айқын қабілеті бар. Бикарбонат ерітіндісінен айырмашылығы, натрий лактатының көмегімен метаболизмдік ацидозды түзету күрт рН ауытқуларын туғызбай, оның зат алмасуға қосылуына қарай баяулау жүреді. Натрий лактатының әсері енгізуден кейін 20-30 минуттан соң көрініс береді. Натрий хлориді регидратациялайтын әсер танытады, әртүрлі патологиялық жай-күйлерде натрий иондары мен хлор тапшылықтарын толықтырады. Кальций хлориді кальций иондарының тапшылығын толықтырады. Кальций иондары жүйке импульстерінің берілу үдерісін, қаңқа және тегіс бұлшықеттердің жиырылуын, миокард қызметін, сүйек тінінің қалыптасуын, қанның ұюын жүзеге асыру үшін қажет. Жасушалар мен тамыр қабырғасы өткізгіштігін төмендетеді, қабыну реакцияларының дамуын болдырмайды, организмнің инфекцияларға төзімділігін арттырады. Калий хлориді су-электролит теңгерімін қалыпқа келтіреді. Теріс хроно- және батмотропты әсер, жоғары дозаларында – теріс ино-, дромотропты және орташа диурездік әсер танытады. Жүйке импульстерінің өткізілу үдерісіне қатысады. Ацетилхолин мөлшерін арттырады, вегетативтік жүйке жүйесінің симпатикалық бөлігінің қозуын туғызады. Бұлшықет дистрофиясында, миастенияда қаңқа бұлшықеттерінің жиырылуын жақсартады.

Дозалау режимі Сорбилакт ересектерге минутына 40-60 тамшы жылдамдықпен вена ішіне (в/і) тамшылатып енгізіледі. Қажет болса, минутына 30 тамшы жылдамдықпен тамшылатып енгізу арқылы сынама жасағаннан кейін препаратты сорғалатып енгізуге болады. 15 тамшы енгізгеннен кейін препаратты енгізу тоқтатылады, ал 3 минут өткен соң реакция болмаса, Сорбилакт вена ішіне сорғалатып енгізіледі. Ересектерге Жарақаттық, күйіктен болатын және геморрагиялық шоктар кезінде • 200-600 мл-ден (кг дене салмағына 3-10 мл) бір рет және 200-400 мл-ден қайталап, алдымен вена ішіне сорғалатып, одан кейін вена ішіне тамшылатып енгізеді. Бауырдың жедел жеткіліксіздігінде • 200 мл дозада (кг дене салмағына 3,5 мл) күнделікті немесе күнара вена ішіне тамшылатып енгізеді. Бүйректің жедел жеткіліксіздігінде • 200–400 мл (кг дене салмағына 2,5-6,5 мл) бір реттік дозада вена ішіне тамшылатып немесе вена ішіне сорғалатып (8-12 сағат өткен соң 200 мл дозада қайталап) енгізеді. Операциядан кейінгі ішек парезінің профилактикасы үшін • 150–300 мл (кг дене салмағына 2,5-5,0 мл) бір реттік дозада вена ішіне тамшылатып енгізеді; хирургиялық шарадан кейін алғашқы 2-3 тәулік ішінде әр 12 сағат сайын препараттың қайталанатын 200 мл инфузияларын жасауға болады. Операциядан кейінгі парездерді емдеу үшін • 200-400 мл дозада (кг дене салмағына 3,5-6,5 мл) ішек моторикасы қалыпқа түскенше әр 8 сағат сайын вена ішіне тамшылатып енгізеді. Бассүйекішілік қысым көтерілгенде • дене салмағына 5-10 мл/кг дозада алдымен вена ішіне сорғалатып, одан кейін вена ішіне тамшылатып (минутына 60-80 тамшы) енгізеді. Елеулі дегидратация кезінде Сорбилакт препаратының венаішілік инфузияларын тек вена ішіне тамшылатып (тәулігіне 200 мл ерітіндіден асырмай) жүргізу қажет. Енгізу әдісі мен жолы Вена ішіне (в/і). Дәрілік препаратты қолдану тәсілін түсіндіру үшін медициналық қызметкердің кеңесіне жүгіну жөніндегі кеңестер Препаратты қолдану жөнінде сұрақтарыңыз болса, емдеуші дәрігерге жүгініңіз.

• әсер етуші заттарға немесе қосымша заттардың кез келгеніне аса жоғары сезімталдық • алкалоз • сусыздану • миға қан құйылу • тромбоэмболия • жүрек-қантамыр декомпенсациясы • III дәрежелі артериялық гипертензия • бүйрек жеткіліксіздігінің терминалдық сатысы • жүректің декомпенсацияланған ақаулары • өкпенің ісінуі • анурия, олигурия • жүктілік және лактация кезеңі • тұқым қуалайтын фруктоза жақпаушылығы • балалар мен 18 жасқа дейінгі жасөспірімдер

Иммундық жүйе тарапынан Жиілігі белгісіз: • анафилактоидтық реакциялар, ангионевроздық ісіну, гипертермия. Жүрек-қантамыр жүйесі тарапынан Жиілігі белгісіз: • артериялық қысымның жоғарылауы немесе төмендеуі, тахикардия, ентігу, акроцианоз. Неврологиялық бұзылулар Жиілігі белгісіз: • тремор, бас ауыруы, бас айналуы, жалпы әлсіздік. Тері және тері асты шелмайы тарапынан өзгерістер Жиілігі белгісіз: • тері бөртпелері, есекжем, қышыну. Асқазан-ішек бұзылыстары Жиілігі белгісіз: • іш ауыруы, жүрек айнуы, құсу. Зат алмасудың, метаболизмнің бұзылуы Жиілігі белгісіз: • алкалоз немесе дегидратация (ерітіндінің гиперосмолярлығы салдарынан), коллапс, сусыздану (диурез күшеюі есебінен) құбылыстары туындауы мүмкін. Жалпы бұзылыстар Жиілігі белгісіз: • енгізген жердегі өзгерістер, ауырсыну және ашытуды қоса. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: препаратты енгізу дереу тоқтатылған жағдайда, өздігінен басылатын алкалоз, сусыздану, кейде коллапс, сусыздану (диурез күшеюі есебінен) құбылыстары туындайды. Енгізу жылдамдығын арттырғанда тахикардия, артериялық қысымның жоғарылауы, ентігу, бас ауыруы, төс артының және іштің ауыруы дамуы мүмкін. Емі: препараттың инфузиясын тоқтату қажет. Физиологиялық реакцияларға мониторинг жүргізу және организмнің өмірлік функцияларын сақтау керек. Емі симптоматикалық.

Арнайы сақтандырулар Препарат қышқыл-сілті жағдайының және қан электролиттерінің, бауырдың функционалдық жағдайының және артериялық қысымның көрсеткіштерін бақылай отырып қолданылады. Калькулезді холециститтен зардап шегіп жүрген науқастарға абайлап қолданылады. Препарат қан мен несептің осмолярлығын, сондай-ақ қышқыл-сілті жағдайын ескере отырып қолданылады. Қант диабетімен ауыратын науқастарға Сорбилакт препаратын енгізуді қандағы глюкоза мөлшерін бақылаумен жүргізу қажет. Педиатрияда қолдану Балаларда қолдану мүмкіндігіне зерттеу жүргізілмеген, деректер жоқ. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препарат тек қана стационар жағдайларында қолданылады.

Жүкті әйелдерде, бала емізу кезеңіндегі әйелдерде Сорбилакт препаратын қолдану мүмкіндігіне зерттеу жүргізілмеген, деректер жоқ.

Үйлесімсіздігі Сорбилакт препаратын құрамында фосфат және карбонат бар ерітінділермен араластыруға болмайды.

Сақтау мерзімі 2 жыл. Жарамдылық мерзімі өткеннен кейін қолдануға болмайды! Сақтау шарттары 25 °C-ден аспайтын температурада сақтау керек. Мұздатып қатыруға болмайды! Балалардың қолы жетпейтін жерде сақтау керек!