Софген таблетки 400 мг

Бір таблетканың құрамында белсенді зат - 400.00 мг софосбувир, қосымша заттар: маннитол (Пеарлитол 160 С), микрокристалды целлюлоза (Авицел РН 102), натрий кроскармеллозасы (Ас-Ди-Сол), коллоидты кремнийдің қостотығы (Аэросил 200), магний стеараты (Лигамед MF-2-V), үлбірлі қабығы: Опадри II қызғылт-сары 85F530007 (ішінара гидролизденген поливинил спирті, макрогол/ПЭГ, тальк, титанның қостотығы (Е 171), FD&C сары#6/сансет сары FCF алюминий лагы (Е 110)), тазартылған су. Сыртқы түрінің, иісінің, дәмінің сипаттамасы Сопақша пішінді, екі беті дөңес, шеттері қиғаш, бір жағында 'Н' және келесі жағында 'S14' өрнегі бар, қызғылт-сары түсті үлбірлі қабықпен қапталған таблеткалар.

Ересек пациенттерде созылмалы С гепатитін вирусқа қарсы басқа препараттармен біріктіріп емдеу үшін. Түрлі генотиптері бар пациенттердегі софосбувирдің спецификалық белсенділігі туралы мәліметтерді «Айрықша нұсқаулар» бөлімін қараңыз.

Әсер ету механизмі Софосбувир вирус репликациясы үшін қажетті HCV РНҚ-тәуелді РНҚ-полимеразасының NS5B (құрылымдық емес ақуызының) пан-генотиптік тежегіші болып табылады. Софосбувир – фармакологиялық белсенді аналогын уридин трифосфат (GS-461203) түзе отырып, жасушаішілік метаболизмге ұшырайтын нуклеотидтік ізашар дәрі. NS5B-полимеразасының көмегімен GS-461203 HCV РНҚ түзіліп жатқан тізбегінің ішіне орналасып, сол арқылы, тізбектің үзілуін туғыза алады. Бұл белсенді метаболиті (GS-461203) 0,7-ден 2,6 мкмольге дейінгі ауқымда 50% тежелуін (IC50) туғызатын концентрацияларында HCV 1b, 2a, 3a және 4a генотиптерінің NS5B-полимеразасы белсенділігін тежейді. Cофосбувирдің белсенді метаболиті (GS-461203) адамның ДНҚ және РНҚ полимеразасын немесе митохондриялық РНҚ полимеразасын тежемейді. Вирусқа қарсы белсенділігі Софосбувирдің HCV репликондарын 1a, 1b, 2a, 3a және 4a генотиптерінің толық өлшемді репликондарына қарсы пайдаланғандағы тиімді концентрациясы (ЕС50) мәндері сәйкесінше 0,04, 0,11, 0,05, 0,05 және 0,04 мкмоль құрады, ал софосбувирдің 2b, 5а немесе 6а генотипінің клиникалық изоляттарындағы NS5B бірізділіктеріне ие 1b генотипінің химерлік репликондарына қарсы ЕС50 мәндері 0,014 - 0,015 мкмоль құрады. Софосбувирдің клиникалық изоляттардағы NS5B бірізділіктеріне ие химерлік репликондарға қатысты ЕС50±SD орташа мәні 1а генотипі үшін 0,068 ± 0,024 мкмоль, 1b генотипі үшін 0,11 ± 0,029 мкмоль, 2 генотипі үшін 0,035 ± 0,018 мкмоль және 3а генотипі үшін 0,085 ± 0,034 мкмоль құрады. Софосбувирдің сиректеу кездесетін 4, 5 және 6 генотиптеріне қатысты вирусқа қарсы in-vitro белсенділігі софосбувирдің 1, 2 және 3 генотиптеріне қатысты белсенділігіне ұқсас болды. 40% адам сарысуының қатысымен софосбувирдің вирусқа қарсы белсенділігінің елеулі өзгерісі байқалған жоқ. Резистенттілігі Жасушалар өсіріндісінде Жасушалар өсіріндісінде HCV репликондарының 1b, 2a, 2b, 3а, 4а, 5а және 6а қоса, cофосбувирге сезімталдығы төмен бірнеше генотипі зерттелді. Cофосбувирге сезімталдықтың төмендігі S282T HCV репликонондарының барлық зерттелген генотиптерінің NS5B-ға бастапқы мутациялануымен астастқан. Сайт-бағытты мутагенезден, 8 генотиптер репликондарындағы S282T мутациясы жабайы типті сәйкесінше вируспен салыстырғанда, cофосбувирге сезімталдықтың 2 – 18 есе төмендеуіне және вирустың репликацияға қабілеттілігінің 89 - 99%-ға азаюына жауапты екендігі расталды. S282T алмасуын экспрессиялайтын 1b, 2а, 3а және 4а генотиптеріндегі рекомбинантты NS5B полимераза вирустың жабайы штамдарының ұқсас полимеразаларымен салыстырғанда, софосбувирдің белсенді метаболитіне (GS-461203) сезімталдығының төмендігін көрсетті. HCV бастапқы полиморфизмдерінің емдеу нәтижесіне ықпалы NS5B бастапқы бірізділіктері пациенттерде популяциялық секвенациялаудың көмегімен алынды, олардың бірде-біреуінде S282T мутациясы анықталған жоқ. Бастапқы полиморфизмдерінің емдеу нәтижесіне ықпалын зерттеуде, кез келген бастапқы NS5B HCV (S282T мутациясы) нұсқасының болуы мен емдеу тиімділігі арасында статистикалық тұрғыдан елеулі байланыс байқалған жоқ. Айқаспалы резистенттілігі Софосбувирге төзімділікке жауапты S282T мутациясын экспрессиялайтын СГВ репликондары, С гепатитін емдеуге арналған препараттардың басқа кластарына толықтай сезімтал болды. Софосбувир басқа нуклеозидтер тежегіштеріне төзімділікпен байланысты NS5B полимеразасы геніндегі L159F және L320F мутацияларымен вирустарына қатысты белсенділігін сақтап қалды. Софосбувир өзінің вирусқа қарсы тікелей әсер ететін, әсер ету механизмдері әр түрлі басқа препараттарға резистенттілікпен байланысты, NS5B полимеразасының нуклеозидтік емес тежегіштері, NS3 протеазасы тежегіштері және NS5A тежегіштері сияқты мутацияларға қатысты белсенділігін толықтай сақтап қалды. Бауыр трансплантаттарын алушылар Критерийлерге сәйкес келетін пациенттер скринингке дейін 6-150 ай бұрын бауыр трансплантациясы емшарасынан өткен 18 жастан асқандар болатын. Пациенттерде скрининг кезінде СГВ РНҚ ≥104 ХБ/мл және трансплантация емшарасына дейін С гепатиті вирусының болуы туралы құжатталған деректер болды. Рибавириннің бастапқы дозасы 400 мг болды, тәуліктік доза екі дозаға бөлінді. Егер пациенттерде гемоглобин деңгейі ≥12 г/дл сақталса, рибавирин дозасы 2, 4 және әр 4 аптаға дейін салмақ бойынша есептелген тиісті дозаға (дене салмағы <75 кг пациенттерде күніне 1000 мг, дене салмағы ≥75 кг пациенттерде күніне 1200 мг) жеткенше өсті. Рибавириннің орташа дозасы 4-24 аптада күніне 600 мг - 800 мг құрады. Зерттеуге 40 пациент (1 генотипті СГВ инфекциясы бар 33 пациент, 3 генотипті СГВ инфекциясы бар 6 пациент және 4 генотипті СГВ инфекциясы бар 1 пациент) енгізілді, олардың 35-і бұрын интерферонмен емделмеген және олардың 16-сында цирроз болған. 40 пациенттің 28-і (70%) УВО12: 22/33 (73%) 1 генотипті СГВ инфекциясымен, 3 генотипті СГВ инфекциясымен 6/6 (100%) және 4 генотипті СГВ инфекциясымен 0/1 (0%) жетті. УВО12-ге жеткен барлық пациенттер УВО24 және УВО48-ге жетті. Балалар Софосбувирдің балалар мен 18 жасқа толмаған жасөспірімдердегі тиімділігі мен қауіпсіздігі анықталмаған. Мәліметтер жоқ.

Дозалау режимі Софосбувирмен емдеуді ССГ бар пациенттерді емдеуде тәжірибелі дәрігердің бақылауымен басталуы тиіс. Дозалануы Ұсынылатын доза тәулігіне бір рет, пероральді, тамақтану кезінде 400 мг бір таблетканы құрайды. Софосбувирді басқа дәрілік препараттармен бірге пайдалану керек. Софосбувирмен монотерапия ұсынылмайды. Сондай-ақ софосбувирмен бірге пайдаланылатын дәрілік препараттардың қысқаша сипаттамасына жүгініңіз. Дәрілік препараттардың ұсынылатын бірлескен тағайындалуы және біріктірілген ем кезінде софосбувирмен емдеу ұзақтығы 1 кестеде келтірілген. 1-кесте: Бірлескен қабылдауға ұсынылатын дәрілік препараттар және софосбувирмен біріктірілген ем үшін емдеу ұзақтығы Пациенттер топтары* — Емдеу — Ұзақтығы ССГ 1, 4, 5 немесе 6 генотипі бар пациенттер — софосбувир + рибавирин + пегинтерферон альфа — 12 аптаa,b софосбувир + рибавирин Пегинтерферон альфасы жарамсыз немесе жақпайтын пациенттерге қолдану үшін ғана (4.4-бөлімді қараңыз) — 24 апта 2 ССГ генотипі бар пациенттер — софосбувир + рибавирин — 12 апта 3 ССГ генотипі бар пациенттер — софосбувир + рибавирин + пегинтерферон альфа — 12 аптаb софосбувир + рибавирин — 24 апта Бауыр трансплантациясын күтіп жүрген ССГ бар науқастар — софосбувир + рибавирин — Бауыр трансплантациясына дейінc * Адамның иммун тапшылығы вирусын (АИТВ) бір мезгілде жұқпа жұқтырған пациенттерді қоса. a. Бұрын ем алған 1 генотиптің созылмалы С гепатиті бар пациенттер үшін софосбувир, рибавирин және пэгинтерферон альфа препаратымен біріктірілген ем туралы деректер жоқ. b. Емнің 12 аптадан астам және 24 аптаға дейін созылуын ескеру қажет; әсіресе интерферонмен емдеуге жауап деңгейінің төмендеуімен байланысты бір немесе одан да көп факторлары бар пациенттердің қосалқы топтары үшін (мысалы, айқын фиброз/бауыр циррозы, жоғары бастапқы вирустық жүктеме, негроидтық нәсіл, IL28B генотиптің СС емес болуы, пэгинтерферон альфа және рибавиринмен емдеуге алдыңғы нөлдік жауап). c. Софосбувирмен бірге қолданған кезде рибавириннің дозасы пациенттің дене салмағына (<75 кг = 1000 мг және 75 кг = 1200 мг) сүйене отырып есептеледі және тамақтану кезінде екі қабылдауға ішке қабылдайды. d. Төменде «Пациенттердің ерекше топтары» бөлімін, «Бауыр трансплантациясын күтетін пациенттер» тармақшасын қараңыз. Рибавириннің дозасы, софосбувирмен бірге қолданғанда, дене салмағына қарай есептеледі (<75 кг = 1 000 мг және ≥75 кг = 1 200 мг) және тамақпен бірге пероральді екі дозада бөліп қабылданады. Гепатит вирусына қарсы тікелей әсер ететін басқа вирусқа қарсы препараттармен бірлесіп қолдану жөніндегі ақпаратты 4.4-бөлімнен қараңыз. Дозаны өзгерту Софосбувир дозасын төмендету ұсынылмайды. Софосбувирді пегинтерферон альфамен біріктіріп қолданғанда, пациентте осы препаратпен потенциалды байланысты күрделі жағымсыз реакциялар болған кезде пегинтерферон альфа дозасын азайту немесе қабылдауды тоқтату керек. Пегинтерферон альфа дозасын азайту және/немесе тоқтату туралы қосымша ақпарат алу үшін «Пегинтерферон альфа препаратының жалпы сипаттамалары» бөлімін қараңыз. Егер пациентте рибавиринмен потенциалды байланысты күрделі жағымсыз реакциялар болса, жағымсыз реакциялардың ауырлығы басылғанға дейін немесе олардың ауырлығы төмендегенге дейін рибавирин дозасын өзгерту немесе қабылдауды тоқтату керек. 2 кестеде пациенттің гемоглобин концентрациясы мен жүрек жағдайына негізделген дозаны өзгерту және препаратты тоқтату бойынша ұсынымдар берілген. 2-кесте: Софосбувирмен бірге қабылдаған кезде рибавирин дозасын өзгерту бойынша ұсынымдар Зертханалық көрсеткіштер — Рибавирин дозасын тәулігіне 600 мг дейін азайту керек, егер: — Рибавиринді қабылдауды тоқтатыңыз, егер: Жүрек ауруы жоқ субъектілерде гемоглобин — <10 г/дл — <8,5 г/дл Жүректің тұрақты аурулары бар пациенттерде гемоглобин — 4 апталық емдеудің кез келген кезеңінде гемоглобиннің ≥2г/дл төмендеуі — < 12 г / дл, азайтылған дозада 4 аптаға қарамастан Зертханалық көрсеткіштердің ауытқуына немесе клиникалық көріністерге байланысты рибавиринді тоқтатқаннан кейін, дозаны одан әрі күніне 800 мг-ге дейін арттыра отырып, рибавиринді күніне 600 мг дозада қабылдауды қайта бастауға тырысуға болады. Дегенмен, рибавирин дозасын бастапқыда тағайындалған дозаға дейін (тәулігіне 1000 мг-ден 1200 мг-ге дейін) арттыру ұсынылмайды. Қабылдауды тоқтату Егер софосбувирмен біріктірілімде пайдаланылатын басқа дәрілік препараттарды қабылдау тоқтатылса, софосбувирді қабылдауды да тоқтату керек (4.4-бөлімді қараңыз). Құсу және жіберіп алған дозалар Пациенттерге егер құсу софосбувирді қабылдағаннан кейін 2 сағат ішінде пайда болса, препараттың тағы бір дозасын қабылдау қажет екендігі туралы нұсқау беру керек. Егер пациент софосбувирді қабылдағаннан кейін 2 сағаттан кейін құсса, препараттың тағы бір дозасын қабылдаудың қажеті жоқ. Мұндай ұсынымдар софосбувир мен белсенді емес метаболиттің сіңу кинетикасына негізделген, бұл дозаның көп бөлігі дозаны қабылдағаннан кейін 2 сағат ішінде сіңеді деп болжайды. Егер софосбувирді қабылдаудың кешігуі 18 сағаттан кем болса, пациент кезекті дозаны мүмкіндігінше тезірек қабылдауы керек, содан кейін препаратты әдеттегі қабылдауды жалғастыруы керек. Егер софосбувирді қабылдаудың кешігуі 18 сағаттан астам уақытты құраса, пациент күтуі керек және келесі таблетканы әдеттегі уақытта қабылдау керек. Пациенттерге қосарлы дозаны қабылдамау туралы нұсқау берілуі тиіс. Пациенттердің ерекше топтары Егде жастағы адамдар Егде жастағы пациенттер үшін дозаны түзету қажет емес (5.2-бөлімді қараңыз). Бүйрек жеткіліксіздігі бар пациенттер Ауырлық дәрежесі жеңіл немесе орташа бүйрек жеткіліксіздігі бар пациенттерде софосбувир дозасын өзгерту қажет емес. Қауіпсіздік жөніндегі деректер ауырлық дәрежесі ауыр бүйрек жеткіліксіздігі (ШСЕЖ <30 мл/мин/1,73 м2) немесе гемодиализді жүргізуді қажет ететін бүйрек жеткіліксіздігінің терминальді сатысы бар пациенттерде шектелген. Софосбувир мұндай пациенттерге емдеудің басқа қолжетімді нұсқалары болмаған кезде дозаны түзетпей тағайындалуы мүмкін. Бауыр жеткіліксіздігі бар пациенттер Жеңіл, орташа немесе ауыр дәрежелі бауыр жеткіліксіздігі бар пациенттерде (Чайлд-Пью-Туркотт шкаласы бойынша А, В немесе С класы) софосбувир дозасын өзгерту талап етілмейді. Декомпенсацияланған бауыр циррозы бар пациенттерде софосбувирдің қауіпсіздігі мен тиімділігі анықталмаған. Бауыр трансплантациясын күтіп жүрген пациенттер Бауыр трансплантациясын күтіп жүрген пациенттерде софосбувирді қолдану ұзақтығын анықтау кезінде белгілі бір пациент үшін пайда-қауіп арақатынасын бағалауды басшылыққа алу қажет. Бауырды ауыстырып салғаннан кейінгі пациенттер Софосбувир рибавиринмен бірге бауыр трансплантатының реципиенттерінде 24 апта бойы ұсынылады. 400 мг рибавирин дозасын тамақпен бірге екі бөлек қабылдауға бөлінген пероральді қабылдау ұсынылады. Егер рибавириннің бастапқы дозасы жақсы жағымды болса, дозаны тәулігіне 1000-1200 мг-ге дейін титрлеуге болады (дене салмағы <75 кг пациенттер үшін 1000 мг және дене салмағы ≥75 кг пациенттер үшін 1200 мг). Егер рибавириннің бастапқы дозасы жағымды болмаса, дозаны гемоглобин деңгейіне негізделген клиникалық түрде азайту керек. Балалар <18 жастағы балалар мен жасөспірімдерде софосбувирді қолданудың қауіпсіздігі мен тиімділігі анықталмаған. Деректер жоқ.

- әсер етуші затқа немесе қосымша заттардың кез келгеніне аса жоғары сезімталдық - P-gp күшті тежегіштерімен қолдану - ішектегі Р-гликопротеиннің (P-gp) күшті индукторлары болып табылатын дәрілік заттар (рифампицин, рифабутин, шайқурай [Hypericum perforatum], карбамазепин, фенобарбитал және фенитоин). Мұндай препараттарды бір мезгілде қабылдау плазмадағы софосбувир концентрациясын елеулі төмендетеді және софосбувир 400 мг үлбірлі қабықпен қапталған таблеткалар препаратының тиімділігін жоғалтуға әкелуі мүмкін.

Софосбувир негізінен рибавиринмен біріктірілімде пэгинтерферон альфамен бірге немесе онсыз зерттелді. Осы біріктірілген ем аясында софосбувирге тән жағымсыз реакциялар сәйкестендірілмеген. Софосбувир мен рибавирин, немесе софосбувир, рибавирин және пэгинтерферон альфа қабылдаған пациенттерде байқалған едәуір жиі жағымсыз әсерлер қатты қажу, бас ауруы, жүрек айнуы және ұйқысыздық болды. Жағымсыз реакциялар бойынша жалпыланған деректер Софосбувирді рибавиринмен немесе пэгинтерферон альфамен/рибавиринмен біріктірілімде қолданғанда келесі жағымсыз әсерлер сәйкестендірілген. Жағымсыз әсерлер пайда болу жиілігіне сәйкес төменде топтастырылған. Жағымсыз реакциялардың жиілігі келесі градацияға сәйкес анықталды: өте жиі (≥1/10); жиі (≥1/100, <1/10); жиі емес (≥1/1000, <1/100), сирек (≥1/10000, <1/1000), немесе өте сирек (<1/10000). Софосбувирді рибавиринмен біріктірілімде қолданған кезде Өте жиі - гемоглобин концентрациясының төмендеуі - ұйқысыздық - бас ауруы - жүрек айнуы - қандағы билирубин концентрациясының жоғарылауы - қатты қажу, ашушаңдық Жиі - назофарингит - анемия - депрессия - зейіннің бұзылуы - ентігу, физикалық жүктеме кезінде ентігу, жөтел - іштегі жайсыздық, іш қату, диспепсия - алопеция, терінің құрғауы, қышыну - артралгия, арқаның ауруы, бұлшықет түйілуі, миалгия - қызба, астения Софосбувирді пэгинтерферон альфамен/рибавиринмен біріктірілімде қолданған кезде Өте жиі - анемия, нейтропения, лимфоциттер санының төмендеуі, тромбоциттер санының төмендеуі - тәбеттің төмендеуі - ұйқысыздық - бас айналу, бас ауруы - ентігу, жөтел - диарея, жүрек айну, құсу - қандағы билирубин концентрациясының жоғарылауы - бөртпе, қышыну - артралгия, миалгия - қалтырау, қатты қажу, тұмауға ұқсас жай-күй, ашушаңдық, ауырсыну, қызба Жиі - дене салмағының төмендеуі - депрессия, үрейлену, қозу - бас сақинасы, жадының нашарлауы, зейіннің бұзылуы - анық көрмеу - физикалық жүктеме кезінде ентігу - іш қату, ауыздың құрғауы, гастроэзофагеальді рефлюкс - алопеция, терінің құрғауы - арқаның ауруы, бұлшықет түйілуі - кеудедегі ауырсыну, астения Жеке жағымсыз реакциялардың сипаттамасы Брадикардия және жүрек блокадасы Софосбувирді амиодаронмен және/немесе жүрек соғу жиілігін баяулататын басқа дәрілік препараттармен бірге қолданғанда айқын брадикардия мен жүрек блокадасының даму жағдайлары болды. Тері аурулары Жиілігі белгісіз: Стивенс-Джонсон синдромы. Пациенттердің басқа арнайы топтары АИТВ/СВГ коинфекциясы АИТВ/СВГ біріккен инфекциясы бар пациенттерде софосбувир мен рибавириннің қауіпсіздік бейіні клиникалық сынақтарда софосбувир мен рибавирин қабылдаған тек СВГ инфекция жұқтырған пациенттердегіге ұқсас болды. Бауыр трансплантациясын күтетін пациенттер Бауыр трансплантациясын күтетін ССГ бар пациенттердегі софосбувир мен рибавириннің қауіпсіздік бейіні клиникалық сынақтар барысында софосбувир мен рибавирин қабылдаған пациенттерге ұқсас болды. Бүйрек жеткіліксіздігі бар пациенттер Ашық зерттеуде СГВ 1 генотипі бар 18 пациент 12 апта бойы ледипасвирмен біріктірілімде софосбувир препаратымен ем алды. Қауіпсіздік софосбувир біріктірілімі түрінде ледипасвир немесе велпатасвир диализді қажет ететін бүйрек ауруының терминальді сатысы бар 154 пациентте зерттелді. Бұл жағдайда софосбувир метаболитінің әсері клиникаға дейінгі сынақтарда жағымсыз реакциялар байқалған деңгейден 20 есе өсті. Клиникалық қауіпсіздік бойынша осындай шектеулі деректерге сүйене отырып, жағымсыз құбылыстар мен өлім жағдайларының жиілігі БЖТС бар пациенттерде күтілетін жиілікпен салыстырғанда айқын өсуді көрсеткен жоқ. Бауырды ауыстырып салғаннан кейінгі пациенттер Созылмалы С гепатиті бар бауыр трансплантаты реципиенттеріндегі софосбувир мен рибавириннің қауіпсіздік бейіні клиникалық зерттеулерде софосбувир мен рибавиринмен емделген пациенттерге ұқсас болды. 3 (5.1-бөлімді қараңыз). 0126 зерттеуінде емдеу кезінде гемоглобин деңгейінің төмендеуі өте жиі байқалды: 32,5% (пациенттердің 13/40 бөлігі) гемоглобин деңгейінің <10 г/дл-ге дейін төмендеуін байқады, оның 1-і <8,5 г/дл-ге дейін төмендеді. Сегіз пациент (20%) эпоэтин және/немесе қан препаратын қабылдады. 5 пациентте (12,5%) зерттелетін препараттарды қабылдау жағымсыз құбылыстарға байланысты тоқтатылды, өзгертілді немесе уақытша тоқтатылды. Жағымсыз дәрілік реакциялар туындаған жағдайда медицина қызметкеріне, фармацевтика қызметкеріне немесе тікелей, дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) жөніндегі ақпараттық мәліметтер базасына хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік құралдар мен медициналық бұйымдарды сараптау ұлттық орталығы» ШЖҚ РМК http://www.ndda.kz Қосымша деректер

Нұсқаулықта көрсетілмеген.

Софген препараты монотерапия түрінде қолдану үшін ұсынылмайды, ол созылмалы С гепатитін емдеуге арналған басқа дәрілік заттармен біріктіріп тағайындалуы тиіс. Софген препаратымен біріктіріп тағайындалған басқа дәрілік препараттарды қабылдау тоқтатылған жағдайда, Софген препараты қабылдауды да тоқтату керек. Софген препаратын қолдануды бастар алдында бірге тағайындалатын дәрілік препараттарды медициналық қолдану жөніндегі нұсқаулықтарды мұқият оқып шығу керек. Ауыр брадикардия және жүрек блокадасы Ауыр брадикардия мен жүрек блокадасының өмірге қауіп төндіретін жағдайлары амиодаронмен емдеу сызбалары бар софосбувирді қолданғанда байқалды. Брадикардия әдетте бірнеше сағат немесе күн ішінде пайда болды, бірақ оның пайда болу уақыты ұзағырақ болған жағдайлар көбінесе С гепатиті вирусының (СГВ) инфекциясын емдеуді бастағаннан кейін 2 апта ішінде байқалды. Амиодаронды софосбувирмен біріктірілімде басқа баламалы аритмияға қарсы препараттарды пациенттерге жағымды болмаған немесе қарсы көрсетілмеген кезде тағайындау керек. Амиодаронды бір мезгілде қолдану қажет болған жағдайда пациенттерге бір мезгілде тағайындаудың алғашқы 48 сағаты ішінде ауруханада кардиомониторингтен өту ұсынылады, кейіннен емнің алғашқы 2 аптасының ішінде күн сайын амбулаториялық бақылау немесе жүрек ырғағының өзін-өзі бақылауы жүргізілуі тиіс. Амиодаронның жартылай шығарылуының ұзақ кезеңіне байланысты соңғы бірнеше ай ішінде амиодаронды қабылдауды тоқтатқан және емдеуді бастаған пациенттерде тиісті бақылау жүргізу қажет. Жақында амиодарон қабылдаған немесе амиодаронмен бірге софосбувирмен ем қабылдаған барлық пациенттерге брадикардия мен жүрек блокадасы көріністерінің симптомдары туралы ескертуі тиіс және мұндай симптомдар пайда болған жағдайда шұғыл медициналық көмекке жүгіну қажеттілігі туралы хабарлау керек. СГВ/ВГВ (В гепатиті вирусы) ко-инфекциясы В гепатиті вирусының (ВГВ) қайта белсену жағдайлары туралы хабарланды, олардың кейбіреулері тікелей әсер ететін вирусқа қарсы препараттармен емдеу кезінде немесе одан кейін өліммен аяқталды. Емдеуді бастамас бұрын барлық пациенттерде ВГВ скринингі жүргізілуі керек. СГВ/ВГВ коинфекцияланған пациенттерде ВГВ реактивациясының едәуір жоғары қаупі бар, сондықтан мұндай пациенттер қолданыстағы клиникалық ережелерге сәйкес қатаң бақылауда болуы тиіс. Бұрын ем қабылдаған 1, 4, 5 және 6 генотиптерінің С гепатиті вирусының инфекциясы бар пациенттер Бұрын ем қабылдаған 1, 4, 5 және 6 генотиптерінің созылмалы С гепатиті бар пациенттерде софосбувирмен 3 фазаға клиникалық сынақтар жүргізілген жоқ. Сондықтан пациенттердің осы қауымында емдеудің оңтайлы ұзақтығы белгіленбеген. Бұл пациенттерді емдеу тактикасы софосбувир, пэгинтерферон альфа және рибавиринмен емдеуді 12 аптадан астам және 24 аптаға дейін ұзарту туралы талқылауды қажет етеді; әсіресе, интерферондармен емдеуге жауап берудің едәуір төмен жиілігімен тарихи байланысты бір немесе одан да көп факторлары бар пациенттердің қосалқы топтары үшін (мысалы, айқын фиброз/цирроз, вирустық жүктеменің жоғары бастапқы деңгейі, негроидты нәсіл, IL28В генінің СС емес аллельдерінің болуы). СГВ 5 немесе 6 генотипі бар пациенттерді емдеу ССГ бар пациенттерде софосбувирді қолдануды қолдайтын клиникалық зерттеулер деректерінің көлемі 5 немесе 6 генотипі өте шектеулі. Интерферонсыз 1, 4, 5 және 6 генотиптерінің СГВ бар пациенттерді емдеу 1, 4, 5 немесе 6 генотипі бар ССГ бар пациенттерге арналған интерферонсыз софосбувирмен емдеу режимдері клиникалық зерттеулерде зерттелмеген. Емнің оңтайлы режимі мен ұзақтығы белгіленбеген. Мұндай режимдерді интерферонмен емдеу жақпайтын немесе жарамсыз және шұғыл емдеуді қажет ететін пациенттерде ғана қолдану керек. С гепатиті вирусының инфекциясын емдеу үшін басқа тікелей әсер ететін вирусқа қарсы препараттармен бірге қолдану Софосбувирді басқа тікелей әсер ететін вирусқа қарсы препараттармен бірге осындай біріктірілімнің пайдасы қолда бар деректерге сәйкес қауіптерден жоғары болған жағдайда ғана қолдану керек. Софосбувир мен телапревирді немесе боцепревирді бірлесіп қолдануды қолдайтын деректер жоқ. Препараттардың мұндай біріктірілімі ұсынылмайды. Жүктілік және рибавиринді бір мезгілде қолдану Софосбувирді рибавиринмен немесе пэгинтерферон альфамен/рибавиринмен біріктірілімде қолданған жағдайларда, бала туу әлеуеті сақталған әйелдер немесе олардың серіктестері рибавиринді қолдану кезінде ұсыныстарға сәйкес емдеу кезеңінде және оны аяқтағаннан кейін қажетті уақыт кезеңінде контрацепцияның тиімді әдістерін қолдануы тиіс (қосымша ақпарат алу үшін рибавиринді қолдану жөніндегі нұсқаулықты қараңыз). Р-гликопротеин индукторларымен бір мезгілде қолдану Ішектегі Р-гликопротеиннің орташа индукторлары болып табылатын дәрілік заттар (мысалы, окскарбазепин, рифапентин және модафинил) плазмадағы софосбувир концентрациясын төмендетуі мүмкін, бұл софосбувир таблеткаларының емдік әсерінің төмендеуіне әкеледі. Мұндай дәрілік препараттарды софосбувирмен бірге қолдану ұсынылмайды. Диабетпен ауыратын адамдарда қолдану Диабетиктерде глюкозаны бақылаудың жақсаруы байқалуы мүмкін, бұл тікелей әсер ететін вирусқа қарсы препараттармен СГВ вирусқа қарсы емдеуді бастағаннан кейін симптоматикалық гипогликемияға әкелуі мүмкін. Тікелей әсер ететін препараттармен, әсіресе алғашқы 3 айда вирусқа қарсы емді бастайтын қант диабетімен ауыратын науқастарда глюкоза деңгейін мұқият бақылау керек және қажет болған жағдайда диабетке қарсы препараттармен емдеуді түзету керек. Пациентті диабетке қарсы емдеуді тағайындауға жауап беретін дәрігерге тікелей әсер ететін препараттармен вирусқа қарсы емнің басталуы туралы хабарлау қажет. Бүйрек жеткіліксіздігі Софосбувирді қолдану қауіпсіздігі бойынша деректер ауыр дәрежелі бүйрек жеткіліксіздігі бар (шумақтық сүзілудің есептелген жылдамдығы (ШСЕЖ) <30 мл/мин/1,73 м2) немесе гемодиализді қажет ететін терминальді сатыдағы бүйрек жеткіліксіздігі бар пациенттерде шектелген. Препарат мұндай пациенттерге басқа емдеу нұсқалары болмаған кезде дозаны түзетусіз тағайындалуы мүмкін. Софосбувирді рибавиринмен немесе пэгинтерферон альфамен/рибавиринмен бірге КК <50 мл/мин бар пациенттерде қолданған кезде рибавириндің медициналық қолдану жөніндегі нұсқаулығын қараңыз. Қосымша заттар Бұл дәрінің құрамында бір таблеткада 1 ммольден кем натрий (23 мг) бар, яғни натрий жоқ дерлік. Арнайы ескертулер Педиатрияда қолдану 18 жасқа дейінгі балалар мен жасөспірімдерде софосбувирмен емдеу қауіпсіздігі мен тиімділігі анықталмаған. Қолдану туралы деректер жоқ. Бала тууға қабілетті әйелдер/ерлер мен әйелдердегі контрацепция Софосбувирді рибавиринмен немесе пэгинтерферон альфамен/рибавиринмен бірге қолданғанда, ем қабылдап жүрген әйелдер мен ерлердің серіктес-әйелдерінде жүктіліктің алдын алу үшін барлық сақтық шараларын қабылдау қажет. Бала туу жасындағы әйелдер немесе олардың ер серіктестері рибавиринді медициналық қолдану жөніндегі нұсқаулықта ұсынылғандай, емдеу кезінде және емдеу курсы аяқталғаннан кейін уақыт аралығында контрацепцияның тиімді әдістерін пайдалануы тиіс. Қосымша ақпарат алу үшін рибавириннің медициналық қолдану жөніндегі нұсқаулығын қараңыз. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Софген препараты көлік құралдары мен механизмдерді басқару қабілетіне орташа әсер етеді. Пациенттерге софосбувирді пэгинтерферон альфа және рибавиринмен біріктірілімде қолдану кезінде зейіннің бұзылуы, қатты қажу, бас айналу және көру жітілігінің төмендеуі мүмкін екендігі туралы хабарлау қажет.

Жүктілік кезінде софосбувирді қолдану туралы жеткілікті деректер жоқ (жүктіліктің 300-ден аз нәтижесі). Сақтық шарасы ретінде жүктілік кезінде софосбувирді қолданудан аулақ болу керек. Алайда, егер рибавирин софосбувирмен бір мезгілде қолданылса, жүктілік кезінде рибавиринді қолдануға қарсы көрсетілімдер қолданылады (рибавириннің медициналық қолдану жөніндегі нұсқаулықты да қараңыз). Бала емізу Софосбувир мен оның метаболиттері адамның емшек сүтіне енетіні белгісіз. Шарана/жаңа туған нәресте үшін қауіпті жоққа шығаруға болмайтындықтан, софосбувирді бала емізу кезінде қолданбаған жөн. Фертильділік Фертильділікке әсері туралы деректер жоқ.

Софосбувир нуклеотидтік ізашар дәрі болып табылады. Пероральді қабылдағаннан кейін Софосбувир жылдам сіңіріледі және бауыр мен ішекте белсенді жүйеалдылық метаболизмге ұшырайды. Ізашар дәрінің жасушаішілік гидролиздік ыдырауын ферменттер, соның ішінде карбоксилэстераза 1 катализдейді, ал бірінен кейін бірі фосфорлану сатыларын нуклеотидтік киназа катализдеп, фармакологиялық тұрғыдан белсенді нуклеозид уридин аналогы трифосфаттың түзілуіне алып келеді. Айналымдағы белсенді емес басым метаболиті ГС 331007 болып табылады, оның үлесіне белсенді метаболитінің түзілуінен кейінгі және параллель жолдар арқылы қалыптасатын жүйелі әсер ететін препаратпен байланысқан материалдың 90%-ынан астамы келеді. Бастапқы софосбувир жүйелі әсер ететін препаратпен байланысқан шамамен 4%-ын құрайды (5.2 бөлімін қараңыз). Фармакологиясын клиникалық зерттеулерде, фармакокинетикалық талдау жүргізу мақсаттарында софосбувир де, ГС-331007 де бақыланған. Софосбувир Р-гликопротеин тасымалдағыш препараты мен сүт безі обырының резистенттілік ақуызының (СБОРА), субстраты болып табылады, ГС-331007 – субстраты емес. Ішектегі P-гликопротеиннің күшті индукторлары болып табылатын дәрілік препараттар (мысалы, рифампицин, шайқурай, карбамазепин және фенитоин), софосбувирдің плазмадағы концентрациясын азайтып, софосбувирдің емдік әсерінің төмендеуіне алып келуі мүмкін, және сол себепті, софосбувирмен бірге пайдаланылмауы тиіс (4.4 бөлімін қараңыз). Софосбувирді P-гликопротеиндерін және/немесе БРРМЖ тежейтін дәрілік препараттармен бірге пайдалану, ГС-331007 плазмадағы концентрациясын арттырмай, Софосбувирдің плазмадағы концентрациясын арттыруы мүмкін, сол себепті, Софосбувирді P-гликопротеин және/немесе БРРМЖ тежегіштерімен бірге қолдануға болады. Софосбувир мен ГС-331007 Р-гликопротеин мен БРРМЖ тежегіштері болып табылмайды және, сол себепті, аталған тасымалдағыштардың субстраттары болып табылатын дәрілік препараттар әсерінің жоғарылауы күтілмейді. Софосбувирдің жасушаішілік метаболизмдік белсенуінің барысына негізінен, тектестігінің төмендігі мен гидролаза сыйымдылығының көлемділігі және нуклеотидтік фосфорлану барысы түрткі болады, оларға қатарлас дәрілік препараттардың әсер ету ықтималдығы аз (5.2 бөлімін қараңыз). К дәруменінің антагонистерін қабылдаған пациенттер Софосбувирмен емдеу кезінде бауыр функциясы өзгеруі мүмкін болғандықтан, халықаралық қалыптасқан қатынастардың (ХҚҚ) мәндерін мониторингілеу ұсынылады. Басқа тікелей әсер ететін вирусқа қарсы препараттармен (ТӘВП) емнің бауыр метаболиздейтін препараттарға әсері Бауыр метаболиздейтін дәрілік препараттардың фармакокинетикасына (мысалы, кальциневрин тежегіштері сияқты иммунодепрессанттар) СВГ клиренсіне қатысты ТӘВП емдеу кезінде бауыр функциясының өзгерістеріне әсер етуі мүмкін. Өзара әрекеттесуінің басқа түрлері Софосбувирдің қатарлас дәрілік препараттармен өзара әрекеттесуі ықтималдығының нәтижелері туралы ақпарат төменде, 1 кестеде келтірілген (мұнда 90% ең кіші квадраттар (ССГР) әдісі бойынша есептеп шығарылған геометриялық орташаларының қатынасының сенімді аралығы (СА), шекте "↔", жоғары артқан "↑", немесе төмен түскен "↓" баламалылығының берілген шектері). Кестеде барлық мәліметтер қамтылмаған. 1 кесте. Софосбувир мен басқа дәрілік препараттар арасындағы өзара әрекеттесулер Дәрілік препарат (терапиялық тобы) — Препараттың концентрациясына әсері. AUC, Cmax, Cmina,b үшін орташа қатынас (90% сенімділік аралығы) — Софосбувирмен бірге қолданған кезде ұсыныс АНАЛЕПТИКТЕР Модафинил — Өзара әрекеттесу зерттелмеген. Болжанады: ↓ Софосбувир ↔ Белсенді емес метаболит (P-gp индукциясы) — Софосбувирді модафинилмен бірге қолданғанда софосбувир концентрациясы төмендейді, бұл софосбувирдің емдік тиімділігінің төмендеуіне әкеледі деп болжанады. Мұндай бірге қолдану ұсынылмайды. АНТИАРИТМИКТЕР Амиодарон — Амиодарон мен софосбувир концентрациясына әсері белгісіз. — Амиодаронды софосбувирмен бірге бір мезгілде қолдану ауыр симптоматикалық брадикардияға әкелуі мүмкін. Амиодаронды қолдануға баламалы емдеу әдістері болмаған жағдайда ғана рұқсат етіледі. Амиодаронды софосбувирмен және басқа тікелей әсер ететін вирусқа қарсы препараттармен бірге қолданған кезде әсіресе мұқият бақылау ұсынылады. АНТИКОАГУЛЯНТТАР К дәруменінің антагонистері — Өзара әрекеттесу зерттелмеген — ХҚҚ мұқият мониторингілеу К дәруменінің барлық антагонистерімен ұсынылады.. Бұл софосбувирмен емдеу кезінде бауыр функциясының өзгеруіне байланысты. ҚҰРЫСУҒА ҚАРСЫ ПРЕПАРАТТАР ФенитоинФенобарбитал — Өзара әрекеттесу зерттелмеген. Болжанады: ↓ Софосбувир ↔ Белсенді емес метаболит (P-gp индукциясы) — Софосбувирді фенитоинмен немесе фенобарбиталмен бірге бір мезгілде қабылдау болмайды. Окскарбазепин — Өзара әрекеттесу зерттелмеген. Болжанады: ↓ Софосбувир ↔ Белсенді емес метаболит (P-gp индукциясы) — Софосбувирді окскарбазепинмен бірге қолданғанда софосбувир концентрациясы төмендейді, бұл софосбувирдің емдік тиімділігінің төмендеуіне әкеледі деп болжанады. Мұндай бірге қолдану ұсынылмайды. Карбамазепин — Софосбувир ↓ Cmax 0,52 (0,43; 0,62) ↓ AUC 0,52 (0,46; 0,59) Сmin (NA) Белсенді емес метаболит ↔ Cmax 1,04 (0,97; 1,11) ↔ AUC 0,99 (0,94; 1,04) Сmin (NA) (P-gp индукциясы) — Софосбувир мен карбамазепинді бір мезгілде қабылдауға болмайды МИКОБАКТЕРИЯҒА ҚАРСЫ ПРЕПАРАТТАР Рифампицинf (600 мг бірреттік доза) — Софосбувир ↓ Cmax 0,23 (0,19, 0,29) ↓ AUC 0,28 (0,24, 0,32) Cmin (NA) Белсенді емес метаболит ↔ Cmax 1,23 (1,14, 1,34) ↔ AUC 0,95 (0,88, 1,03) Cmin (NA) (P-gp индукциясы) — Софосбувир мен рифампицинді бір мезгілде қабылдауға болмайды. Рифапентин — Өзара әрекеттесу зерттелмеген. Болжанады: ↓ Софосбувир ↔ Белсенді емес метаболит (P-gp индукциясы) — Софосбувирді рифапентинмен бірге қолданғанда софосбувир концентрациясы төмендейді, бұл софосбувирдің емдік тиімділігінің төмендеуіне әкеледі деп болжанады. Мұндай бірге қолдану ұсынылмайды. Рифабутин — Софосбувир ↓ Cmax 0,64 (0,53; 0,77) ↓ AUC 0,76 (0,63; 0,91) Cmin (NA) Белсенді емес метаболит ↔ Cmax 1,15 (1,03; 1,27) ↔ AUC 1,03 (0,95; 1,12) Cmin (NA) (P-gp индукциясы) — Рифабутинді бір мезгілде қолданғанда софосбувир дозасын түзету қажет емес. ӨСІМДІК ТЕКТЕС ПРЕПАРАТТАР Шайқурай (Hypericum perforatum) — Өзара әрекеттесу зерттелмеген. Болжанады: ↓ Софосбувир ↔ Белсенді емес метаболит (P-gp индукциясы) — Софосбувирді құрамында шайқурай бар препараттармен бір мезгілде қолдануға болмайды ССГ ЕМДЕУГЕ АРНАЛҒАН ВИРУСҚА ҚАРСЫ ПРЕПАРАТТАР: СГВ ПРОТЕАЗА ТЕЖЕГІШТЕРІ Боцепревир (ВОС)Телапревир (TPV) — Өзара әрекеттесу зерттелмеген. Болжанады: ↑ Софосбувир (TPV) ↔ Софосбувир (ВОС) ↔ Белсенді емес метаболит (TPV немесе ВОС) — Софосбувирдің боцепревирмен немесе телапревирмен дәрілік өзара әрекеттесуі туралы деректер жоқ. ЕСІРТКІ АНАЛЬГЕТИКТЕР Метадонf (Метадонмен демеуші ем [тәулігіне 30-дан 130 мг дейін]) — R-метадон ↔ Cmax 0,99 (0,85, 1,16) ↔ AUC 1,01 (0,85, 1,21) ↔ Cmin 0,94 (0,77, 1,14) S-метадон ↔ Cmax 0,95 (0,79, 1,13) ↔ AUC 0,95 (0,77, 1,17) ↔ Cmin 0,95 (0,74, 1,22) Софосбувир ↓ Cmax 0,95c (0,68, 1,33) ↑ AUC 1,30c (1,00, 1,69) Cmin (NA) Белсенді емес метаболит ↓ Cmax 0,73c (0,65, 0,83) ↔ AUC 1,04c (0,89, 1,22) Cmin (NA) — Софосбувирді метадонмен бірге қолданған кезде софосбувир немесе метадон дозасын түзету қажет емес. ИММУНОДЕПРЕССАНТТАР Циклоспорине (600 бірреттік доза) — Циклоспорин ↔ Cmax 1,06 (0,94, 1,18) ↔ AUC 0,98 (0,85, 1,14) Cmin (NA) Софосбувир ↑ Cmax 2,54 (1,87, 3,45) ↑ AUC 4,53 (3,26, 6,30) Cmin (NA) Белсенді емес метаболит ↓ Cmax 0,60 (0,53, 0,69) ↔ AUC 1,04 (0,90, 1,20) Cmin (NA) — Бірге қабылдаудың басында софосбувир немесе циклоспорин дозасын түзету қажет емес. Кейіннен циклоспорин дозасын мұқият мониторингілеу және ықтимал түзету қажет болуы мүмкін. Такролимусе (5 мг бірреттік доза) — Такролимус↓ Cmax 0,73 (0,59, 0,90)↔ AUC 1,09 (0,84, 1,40)Cmin (NA) Софосбувир↓ Cmax 0,97 (0,65, 1,43)↑ AUC 1,13 (0,81, 1,57)Cmin (NA) Белсенді емес метаболит ↔ Cmax 0,97 (0,83, 1,14)↔ AUC 1,00 (0,87, 1,13)Cmin (NA) — Бірге қабылдаудың басында софосбувир немесе такролимус дозасын түзету қажет емес. Салдарынан мұқият бақылау және такролимустың дозасын түзету қажет болуы мүмкін. АИТВ ЕМДЕУГЕ АРНАЛҒАН ВИРУСҚА ҚАРСЫ ПРЕПАРАТТАР: КЕРІ ТРАНСКРИПТАЗА ТЕЖЕГІШТЕРІ Эфавирензf (600 мг тәулігіне бір рет)d — Эфавиренз ↔ Cmax 0,95 (0,85, 1,06) ↔ AUC 0,96 (0,91, 1,03) ↔ Cmin 0,96 (0,93, 0,98) Софосбувир ↓ Cmax 0,81 (0,60, 1,10) ↔ AUC 0,94 (0,76, 1,16) Cmin (NA) Белсенді емес метаболит ↓ Cmax 0,77 (0,70, 0,84) ↔ AUC 0,84 (0,76, 0,92) Cmin (NA) — Софосбувирді эфавирензбен бірге қолданған кезде софосбувир немесе эфавиренздің дозасын түзету қажет емес. Эмтрицитабинf (200 мг тәулігіне бір рет)d — Эмтрицитабин↔ Cmax 0,97 (0,88, 1,07) ↔ AUC 0,99 (0,94, 1,05) ↔ Cmin 1,04 (0,98, 1,11) Софосбувир↓ Cmax 0,81 (0,60, 1,10) ↔ AUC 0,94 (0,76, 1,16) Cmin (NA) Белсенді емес метаболит ↓ Cmax 0,77 (0,70, 0,84) ↔ AUC 0,84 (0,76, 0,92) Cmin (NA) — Софосбувирді эмтрицитабинмен бірге қолданған кезде софосбувир немесе эмтрицитабин дозасын түзету қажет емес. Тенофовир дизопроксил f (245 мг тәулігіне бір рет)d — Тенофовир↑ Cmax 1,25 (1,08, 1,45) ↔ AUC 0,98 (0,91, 1,05) ↔ Cmin 0,99 (0,91,1,07) Софосбувир ↓ Cmax 0,81 (0,60, 1,10) ↔ AUC 0,94 (0,76, 1,16) Cmin (NA) Белсенді емес метаболит ↓ Cmax 0,77 (0,70, 0,84) ↔ AUC 0,84 (0,76, 0,92) Cmin (NA) — Софосбувирді тенофовир дизопроксилмен бірге қолданған кезде софосбувир немесе тенофовир дизопроксил дозасын түзету қажет емес. Рилпивиринf (25 мг тәулігіне бір рет) — Рилпивирин ↔ Cmax 1,05 (0,97, 1,15) ↔ AUC 1,06 (1,02, 1,09) ↔ Cmin 0,99 (0,94, 1,04) Софосбувир↑ Cmax 1,21 (0,90, 1,62) ↔ AUC 1,09 (0,94, 1,27) Cmin (NA) Белсенді емес метаболит ↔ Cmax 1,06 (0,99, 1,14) ↔ AUC 1,01 (0,97, 1,04) Cmin (NA) — Софосбувирді рилпивиринмен бірге қолданған кезде софосбувир немесе рилпивирин дозасын түзету қажет емес. АИТВ ЕМДЕУГЕ АРНАЛҒАН ВИРУСҚА ҚАРСЫ ПРЕПАРАТТАР: АИТВ ПРОТЕАЗА ТЕЖЕГІШТЕРІ Ритонавирмен күшейтілгенf дарунавир 800/100 мг тәулігіне бір рет) — Дарунавир ↔ Cmax 0,97 (0,94, 1,01) ↔ AUC 0,97 (0,94, 1,00) ↔ Cmin 0,86 (0,78, 0,96) Софосбувир ↑ Cmax 1,45 (1,10, 1,92) ↑ AUC 1,34 (1,12, 1,59) Cmin (NA) Белсенді емес метаболит ↔ Cmax 0,97 (0,90, 1,05) ↔ AUC 1,24 (1,18, 1,30) Cmin (NA) — Софосбувирді дарунавирмен бірге қолданған кезде софосбувирдің немесе дарунавирдің (ритонавирмен күшейтілген) дозасын түзету талап етілмейді. АИТВ ЕМДЕУГЕ АРНАЛҒАН ВИРУСҚА ҚАРСЫ ПРЕПАРАТТАР: ИНТЕГРАЗА ТЕЖЕГІШТЕРІ Ралтегравирf (400 мг тәулігіне бір рет) — Ралтегравир ↓ Cmax 0,57 (0,44, 0,75) ↓ AUC 0,73 (0,59, 0,91) ↔ Cmin 0,95 (0,81, 1,12) Софосбувир↔ Cmax 0,87 (0,71, 1,08) ↔ AUC 0,95 (0,82, 1,09) Cmin (NA) Белсенді емес метаболит ↔ Cmax 1,09 (0,99, 1,20) ↔ AUC 1,03 (0,97, 1,08) Cmin (NA) — Софосбувирді ралтегравирмен бірге қолданған кезде софосбувирдің немесе ралтегравирдің дозасын түзету қажет емес. ПЕРОРАЛЬДІ КОНТРАЦЕПТИВТЕР Норгестимат/этинилэстрадиол — Норгестромин ↔ Cmax 1,06 (0,93, 1,22) ↔ AUC 1,05 (0,92, 1,20) Cmin (NA) Норгестрел↔ Cmax 1,18 (0,99, 1,41) ↔ AUC 1,19 (0,98, 1,44) Cmin (NA) Этинилэстрадиол ↔ Cmax 1,14 (0,96, 1,36) ↔ AUC 1,08 (0,93, 1,25) Cmin (NA) — Софосбувирді норгестиматпен/этилэстрадиолмен бірге қолданған кезде норгестимат/этинилэстрадиол дозасын түзету қажет емес. NA = жоқ/қатысты емес. • Софосбувирмен/онсыз қолданылған препараттың фармакокинетикасы параметрлерінің орташа қатынасы (90% СА), және бір мезгілде қолданылған препаратпен/онсыз софосбувир мен GS-331007 фармакокинетикасы параметрлерінің орташа қатынасы. Әсері жоқ = 1,00. • Өзара әрекеттесулеріне барлық зерттеулер дені сау еріктілерге жүргізілді. • Тарихи бақылаудың негізінде салыстыру. • Атрипла препараты қолданылған. • Биобаламалылығының шектері 80%-125%. • Баламалылық шектері 70%-143%.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары Құрғақ, жарықтан қорғалған жерде, 30 С -ден аспайтын температурада сақтау керек. Балалардың қолы жетпейтін жерде сақтау керек!