Спаверин капсулы 200 мг

Бір капсуланың құрамында белсенді зат – мебеверин гидрохлориді (80 % пеллет түрінде) 200.0 мг (250.0 мг); қосымша заттар: қант түйіршіктері (сахароза, жүгері крахмалы), повидон, гипромеллоза, этилцеллюлоза, макрогол 6000, магний стеараты; желатинді капсула қабығының құрамы: титанның қостотығы (E 171), желатин. Сыртқы түрінің, иісінің, дәмінің сипаттамасы Түбі жартылай сфералық цилиндр пішінді, ақ түсті қатты желатинді капсулалар. Капсулалардың ішіндегісі – ақ немесе ақ дерлік түсті сфералық пеллеттер.

Ішек және өт жолдарының функционалды бұзылыстарымен байланысты ауыру мен жайсыздықты симптоматикалық емдеу.

Әсер ету механизмі және фармакодинамикалық әсерлер Мебеверин асқазан-ішек жолының тегіс бұлшықеттеріне тікелей әсер ететін миотропты спазмалитик болып табылады, ішектің қалыпты перистальтикасына әсер етпей-ақ түйілуді жояды. Мебевериннің әсері вегетативті жүйке жүйесіне таралмайтындықтан, әдеттегі антихолинергиялық жағымсыз әсерлері жоқ. Балалар Препаратты капсула түрінде клиникалық зерттеу тек ересек пациенттерге жүргізілді.

Дозалау режимі Ересектер 200 мг бір капсуладан тәулігіне екі рет, таңертең және кешке. Пациенттердің ерекше топтары Егде жастағы пациенттерде, бүйрек және/немесе бауыр функциялары бұзылған пациенттерде дозалау режиміне зерттеу жүргізілген жоқ. Тіркеуден кейінгі зерттеу деректері негізінде егде жастағы пациенттер, бүйрек және/немесе бауыр функциялары бұзылған пациенттер үшін ерекше қауіптер анықталған жоқ. Егде жастағы пациенттерде және бүйрек және/немесе бауыр функциялары бұзылған пациенттерде дозаны түзету қажеттілігі жоқ. Енгізу әдісі мен жолы Препарат ішке қабылданады. Капсулаларды жеткілікті мөлшердегі сумен (кемінде 100 мл) бүтіндей жұтып ішу керек Капсулаларды шайнауға болмайды, өйткені қабық босап шығуы ұзаққа созылатын механизмді қамтамасыз етуге арналған. Емдеу ұзақтығы Шектелмеген. Дәрілік препараттың бір немесе бірнеше дозасын өткізіп алу кезіндегі қажетті шаралар Бір немесе бірнеше дозаны (-ларды) қабылдауды өткізіп алған жағдайда, пациент тағайындауға сәйкес препаратты қабылдауды жалғастыруы тиіс, қосымша өткізіп алған дозаны (-ларды) қабылдамауы тиіс.

- препараттың белсенді затына немесе кез келген қосымша заттарға аса жоғары сезімталдық; • 18 жасқа дейінгі балалар мен жасөспірімдер.

Мына жағымсыз реакциялар туралы хабарламалар маркетингтен кейінгі қолдану кезеңінде алынды және кездейсоқ сипатта болды. Жағдайлардың жиілігін дәл бағалау үшін қолжетімді деректер жеткіліксіз. Аллергиялық реакциялар негізінен тері жабындысы тарапынан байқалды, бірақ аллергияның басқа да көріністері байқалды. Тері және теріасты тіндері тарапынан бұзылулар: есекжем, ангионевроздық ісіну, оның ішінде бет ісінуі, экзантема. Иммундық жүйе тарапынан бұзылулар: аса жоғары сезімталдық реакциялары (анафилаксиялық реакциялар). Тізбеленген жағымсыз реакциялар, сондай-ақ қолдану жөніндегі нұсқаулықта аталмаған реакциялар пайда болған жағдайда дәрігерге жүгіну қажет. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК. http://www.ndda.kz

Симптомдары Артық дозалану кезінде орталық жүйке жүйесінің қозғыштығы артуы мүмкін. Мебеверинмен артық дозалану жағдайында симптомдар жоқ немесе елеусіз және әдетте тез қайтымды болды. Жүйке және жүрек-қантамыр жүйесі тарапынан клиникалық көріністер байқалды. Емі Арнайы антидоты белгісіз. Симптоматикалық ем ұсынылады. Асқазанды шаю, егер уыттану препараттың бірнеше дозасын қабылдағаннан кейін шамамен бір сағат ішінде анықталған жағдайда ғана қажет. Сіңірілу деңгейін төмендету бойынша іс-шаралар талап етілмейді.

Қосымша ақпарат жоқ. Арнайы ескертулер Тұқым қуалайтын фруктоза көтере алмаушылығы, глюкоза-галактоза мальабсорбциясы, сукраза-изомальтаза ферментінің тапшылығы бар адамдарға қолдануға болмайды. Препараттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері Көлік құралдарын басқару қабілетіне және механикалық құрылғылармен жұмыс істеуге әсері туралы деректер жоқ.

Жануарларға жүргізілген зерттеулер мебевериннің тератогенді әсерін анықтаған жоқ. Осылайша, адамдарда шаранаға тератогенді әсер күтілмейді. Қазіргі уақытта жүктілік кезінде мебевериннің тератогенді немесе фетоуытты әсерінің болуы туралы шешім қабылдау үшін жеткілікті деректер жоқ. Спаверинді жүктіліктің барлық кезінде пайдалану ұсынылмайды. Мебеверин немесе оның метаболиттері адамның емшек сүтіне шығарылатыны-шығарылмайтыны белгісіз. Спаверинді лактация кезеңінде қабылдауға болмайды.

Мебевериннің басқа дәрілік препараттармен өзара әрекеттесуі туралы деректер жоқ.

Сақтау мерзімі 3 жыл. Жарамдылық мерзімі өткеннен кейін қолдануға болмайды. Сақтау шарттары Ылғалдан және жарықтан қорғалған жерде, 25 °С-ден аспайтын температурада сақтау керек. Балалардың қолы жетпейтін жерде сақтау керек!