СПАЗМОВАКС ОРО таблетки 80 мг + 80 мг

Бір таблетканың құрамында: белсенді заттар: флороглюцинол дигидраты, 102,850 мг (ол 80 мг сусыз флороглюцинолға сәйкес келеді), 1,3,5-триметоксибензол, 80 мг. қосымша заттар: лактоза моногидраты, сахароза, магний стеараты, тальк. Сыртқы түрінің, иісінің, дәмінің сипаттамасы Дөңгелек жалпақ ақтан ақ дерлік түске дейінгі таблеткалар.

- ас қорыту жолының және өт шығару жолдары функциясының ауруларымен байланысты ауырсынуларды симптоматикалық емдеу үшін. - несеп шығару жолдары ауруларының ауырсынуымен қатар жүретін жедел түйілетін бүйрек шаншуларын емдеу үшін.

ATХ коды: A03AX12 СПАЗМОВАКС ОРО препаратының спазмолитикалық әсері тіндерде катехоламиндердің катаболизміне қатысатын катехин-O-метилтрансфераза белсенділігінің тежелуі арқылы, кейіннен симпатикалық тонусының жоғарылауымен жүзеге асырылады. Флороглюцинол және оның метил туындысы триметоксибензол тегіс бұлшықеттердің физиологиялық тонусының өзгеруіне әкелмейтіні анықталды, өйткені олар түйілу күйіндегі тегіс бұлшықет талшықтарына іріктеп әсер ететіні анықталды. Препарат Одди сфинктеріне қарқынды спазмолитикалық әсер етеді, бұл BaCl2-мен емделген өт қабы жойылған иттерде көрсетілген.

Әрқашан осы дәрілік препаратты емдеуші дәрігердің немесе дәріхана қызметкерінің ұсыныстарына толықтай сәйкестікте қабылдаңыз. Күмән болған жағдайда емдеуші дәрігермен немесе дәріхана қызметкерімен кеңесіңіз. Дозалау режимі Урологияда және гепатологияда: күніне 6 таблетка. Бүйрек/бауыр жеткіліксіздігі бар пациенттер Мұндай пациенттерде СПАЗМОВАКС ОРО препаратын қолдану туралы деректер жоқ. Балалар мен жасөспірімдер СПАЗМОВАКС ОРО препаратын балалар мен жасөспірімдерде қолдану ұсынылмайды, өйткені оның қауіпсіздігі мен тиімділігі анықталмаған. Енгізу әдісі мен жолы Таблеткаларды ішке қабылдау керек. Дәрілік препараттың бір немесе бірнеше дозасын өткізіп алған кезде қажетті шаралар • Препаратты қабылдауды өткізіп алған кезде қосарлы дозаны қолдануға болмайды. Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі кеңестер • Егер осы дәрілік препаратты қолдану туралы қосымша сұрақтар туындаса, емдеуші дәрігерге немесе дәріхана қызметкеріне жүгіну қажет.

Егер сізде флороглюцинолға, 1,3,5-триметоксибензолға немесе препараттың кез келген басқа компоненттеріне аллергия болса, СПАЗМОВАКС ОРО қабылдамаңыз.

Барлық дәрілік препараттар сияқты, бұл өнім жағымсыз реакцияларды тудыруы мүмкін, бірақ олар барлық адамдарда бола бермейді. СПАЗМОВАКС ОРО қолданғаннан кейін жиілікке байланысты келесі жағымсыз әсерлер туралы хабарланды: Өте сирек (10000 адамның 1-ден кеміне әсер етуі мүмкін): - бөртпе; - терінің қышынуымен қызаруы (есекжем); - аяқтың, қолдың, беттің немесе тілдің ісінуі (ангионевроздық ісіну); - артериялық қысымының төмендеуі (гипотензия). Жиілігі белгісіз (қолда бар деректер негізінде бағалау мүмкін емес): - емдеудің басында қызбамен қоса жүретін тері және күлдіреуік астындағы дөңес қызыл, қабыршақты кең таралған бөртпе (жедел жайылған экзантематозды пустулез). Тіркеуден кейінгі кезеңде СПАЗМОВАКС инъекциялық препаратын қолдану кезінде ауыр аллергиялық реакция (анафилаксиялық шок) туралы хабарланды. Бұл симптомдар пайда болған кезде, осы дәрілік препаратты пайдалануды тоқтатып, дереу дәрігерге немесе медициналық көмекке жүгіну керек. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе, дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Нұсқаулықта көрсетілмеген.

СПАЗМОВАКС ОРО препаратын қолданар алдында емдеуші дәрігермен немесе дәріхана қызметкерімен кеңесіңіз. Қазіргі уақытта СПАЗМОВАКС ОРО препаратына қатысты қандай да бір арнайы нұсқаулар немесе сақтық шаралары туралы хабарланған жоқ. Бүйрек/бауыр жеткіліксіздігі бар пациенттер Мұндай пациенттерде СПАЗМОВАКС ОРО препаратын қолдану туралы деректер жоқ. Балалар мен жасөспірімдер СПАЗМОВАКС ОРО препаратын балалар мен жасөспірімдерде қолдану ұсынылмайды, өйткені оның қауіпсіздігі мен тиімділігі анықталмаған. Арнайы ескертулер СПАЗМОВАКС ОРО құрамында лактоза және сахароза бар Егер сізде белгілі бір қанттардың жақпаушылығы диагностикаланған болса, бұл дәрілік препаратты қабылдамас бұрын, өзіңіздің дәрігеріңізбен сөйлесіңіз. Фертильділік, жүктілік және лактация Егер сіз жүкті болсаңыз немесе жүкті болуыңыз мүмкін деп ойласаңыз, жүкті болуды немесе бала емізуді жоспарласаңыз, осы дәрілік препаратты қолданар алдында дәрігеріңізбен немесе фармацевтпен сөйлесіңіз. ЖүктілікОсы дәрілік препаратты абсолютті қажеттілік жағдайында және тікелей медициналық бақылауда ғана қолданыңыз. Бала емізу Бала емізу кезінде СПАЗМОВАКС ОРО қолдану туралы деректер болған жоқ. Сондықтан бала емізу кезінде СПАЗМОВАКС ОРО қолданудан аулақ болуды ұсынамыз. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері СПАЗМОВАКС ОРО көлік құралдарын басқару және қауіптілігі зор механизмдермен жұмыс істеу қабілетіне әсер етпейді.

Нұсқаулықта көрсетілмеген.

Емдеуші дәрігерге немесе дәріхана қызметкеріне қандай да бір басқа препараттарды қабылдап жүргеніңізді, жақында қабылдағаныңызды немесе қабылдауды бастауыңыз мүмкін екенін хабарлаңыз. Атап айтқанда, егер сіз ауырсынуды емдеу үшін қолданылатын морфин немесе оның туындылары сияқты күшті әсер ететін анальгетиктер деп аталатын препараттар класын қабылдап жатсаңыз, емдеуші дәрігерге хабарлаңыз, себебі бұл дәрілер ауырсынуды және кенеттен құрысуды тудыруы мүмкін.

Сақтау мерзімі Ашылмаған препарат: 4 жыл. Жарамдылық мерзімі өткеннен кейін қолдануға болмайды. Сақтау шарттары 25 ºС-ден аспайтын температурада сақтау керек. Балалардың қолы жетпейтін жерде сақтау керек.