Спентен крем 5 %

Бір грамм кремнің құрамында белсенді заттар: декспантенол 50.000 мг, қосымша заттар: цетил спирті, стеарил спирті, гидрогенделген ланолин, изопропилмиристат, феноксиэтанол, калий цетилфосфаты, пропиленгликоль, полиглицерилдиолеат, тазартылған су. Сыртқы түрінің, иісінің, дәмінің сипаттамасы Тұтқырлығы төмен, иіссіз, ақ түстен ақ дерлік түске дейін, сұр реңктері бар біртекті крем.

- тері жабындарының және шырышты қабықтардың елеусіз зақымдануы (соның ішінде шағын күйіктер мен сыдырулар) және терінің тітіркенуі (мысалы, күнге күйген) кезінде емделу процесін жеделдету - тері құрғауының профилактикасы және оны емдеу, оның ішінде тері жабындарының бүтіндігінің бұзылуымен бірге жүретін Қолдана бастауға дейінгі қажетті мәліметтер тізбесі

ATХ коды: D03AX03. Әрекет ету механизмі Декспантенол тері жасушаларында А коэнзимі құрамдас бөлігі болып табылатын және жасушалық метаболизмде маңызды роль атқаратын пантотен қышқылына жылдам айналады. Пантотен қышқылы тері жабындары мен шырышты қабықтардың эпителийінің түзілуі мен регенерациясы процесінің қажетті компоненті болып табылады, сондай-ақ жасушалардың митозын жеделдетеді және жаралардың жазылу кезінде созылуға коллагендік талшықтардың беріктігін арттырады.

Дозалау режимі Крем күніне бір реттен бірнеше ретке дейін таза жара беткейіне, терінің зақымданған жерлеріне немесе шырышты қабықтарға жағылады. Енгізу әдісі мен жолы Крем тек сыртқа қолдануға арналған.

- әсер етуші затқа немесе қосымша заттардың кез келгеніне аса жоғары сезімталдық

Өте сирек - терінің аллергиялық реакциялары Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Осы уақытқа дейін препараттың артық дозалану жағдайлары тіркелген жоқ.

Қосымша заттар Спентеннің құрамында цетил спирті, стеарил спирті, гидрогенделген ланолин бар, олардың әрқайсысы терінің жергілікті тітіркенуін (мысалы, жанаспалы дерматит) тудыруы мүмкін. Спентеннің құрамында терінің тітіркенуін тудыруы мүмкін пропиленгликоль (1 г кремге 121 мг) бар. Препараттың көлік құралын немесе ықтимал қауіпті механизмдерді басқару қабілетіне әсер ету ерекшеліктері Препарат автокөлік жүргізу және механизмдерді басқару қабілетіне әсер етпейді.

Жүктілік және бала емізу кезеңінде әйелдерде препаратты қолдану бойынша шектеулер жоқ.

Препараттың дәрілік өзара әрекеттесуіне зерттеулер жүргізілген жоқ.

Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары 25 ºС-ден аспайтын температурада сақтау керек. Балалардың қолы жетпейтін жерде сақтау керек!