Стамик таблетки 40 мг

Бір таблетканың құрамында белсенді зат - 45.10 мг пантопразол натрий сесквигидраты, 40.00 мг пантопразолға баламалы, қосымша заттар: натрий кроскармеллозасы, кросповидон, маннитол DC (Е421), сусыз натрий карбонаты, кальций стеараты, коллоидты кремнийдің қостотығы, қабық құрамы: гипромеллоза ацетаты сукцинаты, натрий лаурилсульфаты, тальк, триэтилцитрат, гидроксипропилметилцеллюлоза, sepiperseTM K 3024: этанол, 2-пропанол, су, гидроксипропилметилцеллюлоза, темірдің сары тотығы (E172). Сыртқы түрінің, иісінің, дәмінің сипаттамасы Сопақша пішінді, екі жақ беті дөңес, тегіс, ашық сары түсті ішекте еритін қабықпен қапталған таблеткалар.

Ересектер және 12 жастан үлкен балалар - рефлюкс-эзофагит Ересектер - H. рylori инфекциясымен байланысты ойық жаралары бар пациенттерде Helicobacter pylori эрадикациясы (H. рylori) (бактерияға қарсы тиісті еммен біріктірілімде) - асқазан мен он екі елі ішектің ойық жарасы - Золлингер-Эллисон синдромы немесе патологиялық гиперсекрециямен сипатталатаын басқа жай-күйлер

Әсер ету механизмі Пантопразол париетальді жасушалардың протонды сорғысына спецификалық әсер ету арқылы асқазанда тұз қышқылының секрециясын бәсеңдететін орын басушы бензимидазол болып табылады. Париетальді жасушалардың қышқылды орта жағдайларында пантопразол өзінің белсенді түріне трансформацияланады, онда ол H+, K+-АТФаза ферментінің белсенділігін бәсеңдетеді, яғни асқазанда тұз қышқылы түзілуінің қорытынды сатысын бөгейді. Белсенділігін бәсеңдету дозаға тәуелді, ал нәтижесінде тұз қышқылының әрі негіздік, әрі көтермеленген секрециясы төмендейді. Пациенттердің көпшілігінде симптомдары 2 аптаның ішінде жоғалады. Протонды сорғының басқа тежегіштерімен және Н2-рецепторлар тежегіштерімен болатын жағдайдағы сияқты, пантопразолды қолдану кезінде асқазандағы қышқылдық төмендейді, ал сол арқылы қышқылдық төмендеуіне пропорционалды түрде гастрин деңгейі артады. Гастрин деңгейінің артуы қайтымды. Пантопразол ферментті жасушалық рецепторға қатысты дистальді байланыстыратындықтан, ол басқа заттармен (ацетилхолин, гистамин, гастрин) көтермеленуіне қарамастан тұз қышқылының секрециясын тежеуі мүмкін. Бұл әсер препаратты пероральді немесе венаішілік енгізу тәсіліне байланысты емес. Фармакодинамикалық әсерлері Пантопразолды қолдану кезінде аш қарында гастрин деңгейі артады. Препаратты қысқа мерзімді қолданғанда көптеген жағдайларда гастрин деңгейі қалыптың жоғарғы шегінен аспайды. Ұзақ уақыт бойы емдеу кезінде көптеген жағдайларда гастрин деңгейі екі есе артады. Оның артуы шамадан тыс, алайда, бірлі-жарым жағдайларда ғана туындайды. Соның салдарынан, жағдайлардың аз санында ұзақ уақыт бойы емдеу кезінде асқазанда энтерохромаффин тәрізді жасушалар (аденоматоидты гиперплазия сияқты) санының әлсіз немесе орташа артуы білінеді. Алайда, қазіргі таңда жүргізілген зерттеулерге сай, жануарларда жасалған тәжірибелерде анықталған нейроэндокриндік ісіктердің (атипті гиперплазия) немесе асқазан нейроэндокриндік ісіктерінің ізашар-жасушаларының түзілуі адамдарда білінбеді. Пантопразолмен 1 жылдан астам ұзақ уақыт емдеудің қалқанша бездің эндокриндік параметрлеріне әсер ететінін жоққа шығаруға болмайды. Антисекреторлық препараттармен емдеу кезінде сарысулық гастрин деңгейі қышқылдың төмендеген секрециясына жауап ретінде артады. Сондай-ақ төмендеген асқазан қышқылдығымен байланысты хромогранин А (CgA) деңгейі артады. CgA деңгейінің жоғарылауы нейроэндокринді ісіктерге тексеру өткізуге кедергі келтіруі мүмкін. Протонды сорғы тежегіштерімен емдеуді CgA анықталуына дейін 5-14 күн бұрын тоқтата тұру қажеттілігі мәлімделді. Егер осы уақытқа дейін деңгейлері қалыпқа түспесе, анықтау қайталану керек.

Дозалау режимі Ересектер және 12 жастан үлкен балалар Рефлюкс-эзофагитте препаратты тәулігіне 1 таблеткадан тағайындайды, қажет болса, дозаны тәулігіне 2 таблеткаға дейін арттыруға болады. Ұсынылған емдеу курсы 4 апта, қажет болса, емдеуді тағы 4 аптаға дейін ұзартуға болады. Ересектер Helicobacter pylori эрадикациясы үшін бактерияға қарсы еммен біріктірілімде Стамик 7 күн бойы тәулігіне 2 рет 40 мг тағайындалады. H. pylori бар екені расталған асқазан мен он екі елі ішектің ойық жарасы бар пациенттердегі біріктірілген ем оң клиникалық нәтижелерге және микроорганизм эрадикациясына жету мүмкіндігін береді. Микроорганизмдер сезімталдығына байланысты H. pylori эрадикациялау мақсатында мына емдік біріктірілімдерді қолдануға болады: а) Стамик 40 мг тәулігіне 2 рет + амоксициллин 1000 мг тәулігіне 2 рет + кларитромицин 500 мг тәулігіне 2 рет; б) Стамик 40 мг тәулігіне 2 рет + метронидазол 400-500 мг тәулігіне 2 рет (немесе 500 мг тинидазол) + кларитромицин 250-500 мг тәулігіне 2 рет; в) Стамик 40 мг тәулігіне 2 рет + амоксициллин 1000 мг тәулігіне 2 рет + метронидазол 400-500 мг тәулігіне 2 рет (немесе 500 мг тинидазол). H.pylori инфекциясын жою үшін біріктірілген емде пантопразолдың екінші таблеткасын кешкі ас ішуден 1 сағат бұрын қабылдау керек. Ұсынылған емдеу курсы 7 күн, қажет болса, емдеуді тағы 7 күнге дейін (жалпы ұзақтығы 2 аптаға дейін) жалғастыруға болады. Ойық жараның жазылуын қамтамасыз ету үшін асқазан мен он екі елі ішектің ойық жарасы кезінде препаратты дозалау бойынша нұсқауларды қарастырудан кейін әріқарай емдеу көрсетілген. Егер біріктірілген ем көрсетілмесе, мысалы, H. Pylori теріс нәтижесі бар пациенттерде Стамик препаратымен монотерапия үшін келесі дозалар ұсынылады: Асқазан ойық жарасын емдеу үшін: Стамик 40 мг препаратының 1 таблеткасы тәулігіне 1 рет. Жекелеген жағдайларда дозаны, әсіресе, басқа препараттар қолданудан әсер болмаса, екі еселеуге (Стамик 40 мг/тәулік препаратының 2 таблеткасы) болады. Ұсынылған емдеу курсы 4 апта, қажет болса, емдеуді тағы 4 аптаға дейін ұзартуға болады. Он екі елі ішектің ойық жаралы ауруын емдеу үшін: Стамик 40 мг препаратының 1 таблеткасы тәулігіне 1 рет. Жекелеген жағдайларда дозаны, әсіресе, басқа препараттарды қолданудан әсер болмаса, екі еселеуге болады (Стамик 40 мг/тәулік препаратының 2 таблеткасы). Ұсынылған емдеу курсы 2 апта, қажет болса, емдеуді тағы 2 аптаға дейін ұзартуға болады. Золлингер-Эллисон синдромында немесе патологиялық гиперсекрециямен сипатталатын басқа жай-күйлерде бастапқы доза 80 мг/тәулік құрайды. Қажет болса, асқазан секрециясының көрсеткіштеріне қарай одан әрі дозаны арттырумен немесе төмендетумен титрлеуге болады. 80 мг/тәуліктен асып кететін дозаларды екі қабылдауға бөлу қажет. Дозаны 160 мг-ден асырып, бірақ асқазан секрециясын талапқа сай бақылау кезеңінде ғана уақытша арттыруға болады. Емдеу курсы шектелмейді және клиникалық қажеттілікке байланысты. Пациенттердің ерекше топтары Егде жастағы пациенттер Егде жастағы пациенттерде дозаны түзету қажет емес. Бауыр жеткіліксіздігі бар пациенттер Бауыр жеткіліксіздігінің ауыр түрі бар пациенттерде пантопразолдың 20 мг тәуліктік дозасынан асырмауға кеңес беріледі. Препаратты орташадан ауыр түріне дейінгі бауыр дисфункциясы бар пациенттерде H. рylori эрадикациясы үшін біріктірілген емдеу кезінде қолдануға болмайды, өйткені қазіргі уақытта препаратты осындай пациенттерде біріктірілген ем үшін қолдану тиімділігі мен қауіпсіздігі туралы деректер жоқ. Бүйрек жеткіліксіздігі бар пациенттер Бүйрек функциясының бұзылуы бар пациенттерде дозаны түзету қажет емес. Стамик препаратын бүйрек функциясының бұзылуы бар пациенттерде H. рylori эрадикациясы үшін біріктірілген емдеу кезінде қолдануға болмайды, өйткені қазіргі уақытта препаратты осындай пациенттерде біріктірілген ем үшін қолдану тиімділігі мен қауіпсіздігі туралы деректер жоқ. Енгізу әдісі және жолы Таблеткаларды таңғы асқа дейін 1 сағат бұрын қабылдайды. Препарат тәулігіне 2 рет тағайындалғанда екінші таблеткасын кешкі ас ішуге дейін 1 сағат бұрын қабылдау керек. Таблеткаларды сұйықтықпен іше отырып, тұтастай жұту керек (ұсақтауға немесе ерітуге болмайды). Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі нұсқаулар Препаратты дәрігердің қадағалауымен қолдану керек.

- пантопразолға, орын басушы бензимидазолдарға немесе қосымша заттардың кез келгеніне жоғары сезімталдық - пантопразол бауыр немесе бүйректің орташа және ауыр жеткіліксіздігі бар пациенттерде H. рylori эрадикациясы үшін біріктірілген емде қабылданбайды, өйткені қазіргі уақытта осы пациенттерде біріктірілген емдегі пантопрозол тиімділігі мен қауіпсіздігі туралы деректер жоқ - атазанавирмен бір мезгілде қолдану - балалар және 12 жасқа дейінгі жасөспірімдер

Жиі - фундальді без полиптері Жиі емес - бас ауыру, бас айналу - диарея, жүрек айну, құсу, іштің кебуі, іш қату, ауыз кеберсуі, іштің ауыруы және жайсыздану - ұйқы бұзылуы - бауыр ферменттері (трансаминаза, ɣ-GT) белсенділігінің жоғарылауы - тері бөртпесі, экзантема, дерматит, қышыну - жамбас, білезік немесе омыртқа сынуы - астения, қалжырау және дімкәстану Сирек - агранулоцитоз - жоғары сезімталдық (оның ішінде анафилаксиялық реакциялар және анафилаксиялық шок) - гиперлипидемия, триглицеридтер деңгейінің жоғарылауы, дене салмағының өзгеруі - дәм сезу бұзылыстары - көрудің бұзылуы, анық көрмеу - депрессия (және қатар жүретін барлық нашар күйлер) - билирубин деңгейінің жоғарылауы - есекжем, ангионевроздық ісіну - артралгия, миалгия - гинекомастия - дене температурасының көтерілуі, шеткері ісінулер Өте сирек - тромбоцитопения, лейкопения, панцитопения - бағдардан жаңылу (және қатар жүретін барлық нашар күйлер) Белгісіз - гипонатриемия, гипомагниемия, гипокальциемия1, гипокалиемия - парестезия - микроскопиялық колит - елестеулер, сананың шатасуы (әсіресе, осындай жай-күйге бейім пациенттерде, сондай-ақ егер олар емдеу басталуына дейін болса, осы симптомдардың нашарлауы) - гепатоцеллюлярлы зақымданулар, сарғаю, гепатоцеллюлярлы жеткіліксіздік - Стивенс-Джонсон синдромы, Лайелл синдромы, экссудаттық көп пішінді эритема, жарыққа сезімталдық, жеделге жуық жүйелі қызыл жегі, эозинофилиямен және жүйелі симптомдармен (DRESS) болатын дәрілік реакция - бұлшықеттердің түйілуі2 - тубулоинтерстициальді нефрит (TIN) (бүйрек жеткіліксіздігіне үдеу мүмкіндігімен). 1 Гипомагниемиямен бір мезгілдегі гипокальциемия. 2 Электролиттер теңгерімінің бұзылу салдарынан бұлшықет түйілуі. Қандай да бір жағымсыз реакциялар пайда болғанда препаратты қолдануды тоқтатып, дәрігермен кеңесу керек. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Адамда артық дозалану симптомдары белгісіз. Артық дозалануға күмән туындағанда демеуші және симптоматикалық ем жүргізуге кеңес беріледі. Препарат гемодиализ арқылы шығарылмайды.

Бауыр жеткіліксіздігі Бауыр жеткіліксіздігі ауыр пациенттерде пантопразолмен емдеу кезеңінде, әсіресе, ұзақ уақыт қолданғанда бауыр ферменттері деңгейін жүйелі бақылап отыруға кеңес беріледі. Бауыр ферменттерінің деңгейі жоғарылаған жағдайда емдеуді тоқтату керек. Біріктіріп емдеу H. рylori эрадикациясының біріктірілген емінде тиісті дәрілік заттардың қысқаша сипаттамасын ескеру қажет. Үрей тудыратын симптомдар болғанда Кез келген үрей тудыратын симптомдар (мысалы, әдейі көзделмеген едәуір салмақ жоғалту, қайталана беретін құсу ұстамалары, дисфагия, қан аралас құсу, анемия немесе мелена) болғанда, сондай-ақ асқазан ойық жарасы болғанда немесе күмән тудырғанда қатерлі ісікті жоққа шығару қажет, өйткені пантопразол қабылдау симптомдарды жеңілдетуі және диагноз қоюды кідіртуі мүмкін. Емдеуді бастар алдында қатерлі түзілім мүмкіндігін жоққа шығару керек. Талапқа сай емдеу жүргізілуіне қарамастан симптоматиканың сақталуында қосымша тексеруден өткізу қажеттілігін қарастыру керек. АИТВ протеаза тежегіштерімен бір мезгілде қолдану Пантопразолды сіңуі асқазан ішіндегі pH мәніне тәуелденетін АИТВ протеаза тежегіштерімен, мысалы, атазанавирмен қолдану, олардың биожетімділігініің елеулі төмендеуіне орай, ұсынылмайды. B12 дәруменінің сіңуіне әсері Пантопразол, тұз қышқылының өндірілуін бөгейтін барлық препарат сияқты, гипо- және ахлоргидрия салдарынан В12 дәруменінің (цианокобаламин) сіңуін төмендетуі мүмкін. Оны, егер тиісті клиникалық симптомдары байқалса, дене салмағы төмен немесе В12 дәрумені сіңуінің төмендеу қаупі жоғары пациенттердегі ұзаққа созылатын емде ескеру керек. Ұзақ уақыт емдеу Ұзақ уақыт емдеу кезінде, әсіресе, 1 жылдан астам уақыт емдегенде пациенттер жүйелі қадағалауда болуы тиіс. Бактериялар тудырған асқазан-ішек инфекциялары Пантопразол, протонды сорғының барлық тежегіштері сияқты, әдетте, асқазан-ішек жолының жоғарғы бөлімдерінде болатын бактериялар мөлшерін арттырады. Стамик препаратымен емдеу Salmonella, Campilobacter және C. difficile сияқты бактериялар тудырған асқазан-ішек инфекциялары қаупінің артуына әкелуі мүмкін. Гипомагниемия Пантопразол сияқты, протонды сорғы тежегіштерімен, кем дегенде, үш ай және көптеген жағдайларда жыл бойы ем қабылдаған пациенттерде гипомагниемияның ауыр түрі дамыған жағдайлар болды. Гипомагниемияның шаршау, тетания, сандырақтау, құрысулар, бас айналу және қарыншалық аритмия сияқты күрделі көріністері туындауы мүмкін, бірақ айқын симптомдарсыз және елеусіз өтуі мүмкін. Пациенттердің көпшілігінде гипомагниемия магний жетіспеуінің орнын толтырудан және протонды сорғы тежегіштерімен емдеуді тоқтатудан кейін басылады. Ұзақ уақыт емдеу алдында тұрған пациенттерде немесе протонды сорғы тежегіштерін дигоксинмен немесе гипомагниемияны туындатуы мүмкін басқа препараттармен (мысалы, диуретиктер) бірге қабылдап жүрген пациенттерде протонды сорғы тежегіштерімен емдеуді бастар алдында және емдеу кезінде мезгіл-мезгіл магний деңгейін өлшеу керек. Жамбас, білезік және омыртқа сүйектерінің сынуы Протонды сорғы тежегіштерін, әсіресе, жоғары дозаларда және ұзақ уақыт бойы (> 1 жыл) қолдану көбінесе егде жаста немесе басқа жалпы қабылданған қауіп факторлары болғанда жамбас, білезік және омыртқа сүйектерінің сыну қаупін аздап арттыруы мүмкін. Бақылау зерттеулері протонды сорғы тежегіштерінің жалпы сыну қаупін 10-40% арттыруы мүмкін екенін көрсетеді. Осы жоғарылаудың бір бөлігі басқа қауіп факторларымен байланысты болуы мүмкін. Остеопороздың даму қаупімен пациенттер қолданыстағы клиникалық ұсынымдарға сәйкес көмек алуы тиіс және D дәрумені мен кальцийді жеткілікті шамада қабылдауы тиіс. Жеделге жуық жүйелі қызыл жегі (ЖҚЖ) Протонды сорғы тежегіштері өте сирек жағдайларда жеделге жуық ЖҚЖ-мен байланысты. Пациент егер, әсіресе, терінің күн сәулесінен қорғалмаған бөліктерінің зақымдануы болған және егер олар артралгиямен қатар жүрген жағдайда дереу медициналық жәрдемге жүгінуі тиіс. Протонды сорғы тежегішімен алдыңғы емдеуден кейін жеделге жуық ЖҚЖ протон сорғысының басқа тежегіштерімен жеделге жуық ЖҚЖ қаупін арттыруы мүмкін. Зертханалық зерттеулерге әсері Хромогранин А (CgA) деңгейінің жоғарылауы нейроэндокриндік жаңа түзілімдерді тексеруден өткізуге кедергі келтіруі мүмкін. Пантопразолмен емдеуді хромогранин А (CgA) зерттеуіне дейін, кем дегенде, 5 күн бұрын тоқтату керек. Егер хромогранин А (CgA) деңгейі және гастрин деңгейі бастапқы зерттеуден кейін қалыпқа келмесе, талдауларды протонды сорғы тежегішімен емдеуді тоқтатудан кейін 14 күннен соң қайталау керек. Қосымша заттар Препараттың бір таблеткасының құрамында: 10.00 мг натрий кроскармеллозаасы, 10.00 мг сусыз натрий карбонаты, 0.30 мг натрий лаурилсульфаты бар; тұзсыз диета ұстанатын тұлғаларға тағайындау кезінде сақ болу керек. Арнайы сақтандырулар Педиатрияда қолдану Препарат осы топта қолданудың қауіпсіздігі мен тиімділігі туралы деректер жеткіліксіз болғандықтан, балалар мен 12 жасқа толмаған жасөспірімдерде қолдануға ұсынылмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Бас айналу және көрудің бұзылу ықтималдығына орай, көлік құралдарын және жоғары зейін қоюды талап ететін басқа механизмдерді басқарудан бас тарту керек.

Пантопразолды жүкті әйелдерде қолдану туралы талапқа сай деректер жоқ. Адам үшін ықтималды қаупі белгісіз. Пантопразолды, егер айқын қажеттілігі болмаса, жүктілік кезінде қолдануға болмайды. Пантопразолдың адамның емшек сүтіне өту-өтпеуі белгісіз. Бала емізуді жалғастыру/тоқтату немесе пантопразолмен емдеуді жалғастыру/тоқтату шешімін бала үшін емшек сүтімен қоректенудің пайдасы мен Стамик 40 мг препаратымен емдеудің әйел үшін пайдасын ескере отырып, қабылдау керек.

рН-тәуелді сіңірілу фармакокинетикасы бар дәрілік заттар Тұз қышқылы секрециясының толық және ұзақ уақыт тежелуі салдарынан пантопразол асқазан сөлінің рН мәні олардың биожетімділігінің маңызды факторы болып табылатын препараттардың, мысалы, кетоконазол, итраконазол, позаконазол сияқты кейбір зеңге қарсы азол препараттарының немесе эрлотиниб сияқты басқа препараттардың сіңірілуіне ықпал етуі мүмкін. АИТВ протеазасының тежегіштері Пантопразолды сіңуі рН-тәуелді болатын АИТВ протеаза тежегіштерімен (мысалы, атаназавир) бірге қолдану, олардың биожетімділігінің елеулі төмендеуіне орай, ұсынылмайды. Егер АИТВ протеаза тежегіштерінің протонды сорғы тежегішімен біріктірілімін қолданбау мүмкін болмаса, мұқият қадағалап отыру (мысалы, вирустық жүктемені анықтау) ұсынылады. Осындай жағдайларда пантопразол дозасы тәулігіне 20 мг-ден аспауы тиіс. Сондай-ақ АИТВ протеазасы тежегішінің дозасын түзету керек болуы мүмкін. Кумариндік антикоагулянттар (фенпрокумон немесе варфарин) Пантопразолды варфаринмен немесе фенпрокумонмен бір мезгілде қолдану варфарин, фенпрокумон фармакокинетикасына немесе ХҚҚ (халықаралық қалыптасқан қатынасқа) ықпал етпеді. Дегенмен де, протонды сорғы тежегіштерін варфаринмен немесе фенпрокумонмен қабылдаған пациенттерде ХҚҚ және протромбин уақыты ұзарған жағдайлар белгілі екенін атап өту керек. ХҚҚ және протромбин уақытының ұзаруы өмірге қауіпті патологиялық қан кетулерге әкелуі мүмкін. Осыған байланысты, ондай пациенттер ХҚҚ және протромбин уақытының ұзаруын дер мезгілінде анықтау мақсатында дәрігердің қадағалауында болуы тиіс. Метотрексат Оны жоғары дозаларда (мысалы, 300 мг) протонды сорғы тежегіштерімен бір мезгілде қолданғанда кейбір пациенттерде қанда метотрексат деңгейінің жоғарылауы жөнінде деректер бар. Сондықтан метотрексат жоғары дозаларын пайдаланғанда, мысалы, қатерлі жаңа түзілімдер және псориаз бар пациенттерде пантопразолды уақытша тоқтату мәселесін қарастыру қажеттілігі туындауы мүмкін. Басқа өзара әрекеттесулер Пантопразол бауырда Р450 цитохромының ферменттік жүйесі арқылы қарқынды метаболизденеді. Негізгі метаболизмдік жолы әріқарай сульфатты конъюгациямен CYP2C19 арқылы деметилдену болады. Басқа метаболизмдік жолы CYP3A4 көмегімен тотығу болып табылады. Метаболизмі атап көрсетілген жолдармен жүретін карбамазепин, диазепам, глибенкламид, нифедипин және құрамында левоноргестрел және этинилэстрадиол бар ішуге арналған контрацептивтер сияқты дәрілермен өзара әрекеттесуінде клиникалық мәнді өзара әрекеттесулер анықталмады. Пантопразолдың басқа дәрілік заттармен немесе осы ферменттік жүйе көмегімен метаболизмге ұшырайтын қосылыстармен өзара әрекеттесуін жоққа шығаруға болмайды. Пантопразол CYP1A2 (кофеин, теофиллин сияқты), CYP2C9 (пироксикам, диклофенак, напроксен сияқты), CYP2D6 (метопролол сияқты), CYP2E1 (этанол сияқты) арқылы метаболизденетін белсенді заттар метаболизміне ықпал етпейді және дигоксиннің р-гликопротеинге тәуелді сіңірілуін өзгертпейді. Пантопразолдың бір мезгілде тағайындалатын антацидтермен өзара әрекеттесуі болмайды. Пантопразолдың бір мезгілде тағайындалатын антибиотиктермен (кларитромицин, метронидазол, амоксициллин) ешқандай клиникалық мәнді өзара әрекеттесуі анықталмаған. CYP2C19 тежейтін немесе индукциялайтын дәрілік заттар Флувоксамин сияқты CYP2C19 тежегіштері пантопразолдың жүйелі әсерін арттыруы мүмкін. Пантопразолдың жоғарғы дозаларын ұзақ уақыт қабылдап жүрген пациенттерде немесе бауыр жеткіліксіздігі бар пациенттерде дозаны төмендету қажет болуы мүмкін. Рифампицин және шайқурай (Hypericum perforatum) сияқты CYP2C19 және CYP3A4-ке ықпал ететін ферменттер индукторлары осы ферменттік жүйелер арқылы метаболизмге ұшырайтын протонды сорғы тежегіштерінің плазмалық концентрацияларын төмендетуі мүмкін.

Сақтау мерзімі 2 жыл Жарамдылық мерзімі өткеннен кейін қолдануға болмайды. Сақтау шарттары Тығыз жабылған түпнұсқалық қаптамасында, 25оС-ден аспайтын температурада сақтау керек. Балалардың қолы жетпейтін жерде сақтау керек!