Старфлю-75 капсулы 75 мг

Бір капсуланың құрамында белсенді зат - осельтамивир фосфаты 98.500 мг (75.000 мг осельтамивирге баламалы) қосымша заттар: Жүгері крахмалы желатинделген, натрий кроскармеллозасы, повидон, изопропил спирті, тальк, натрий стеарилфумараты, капсуланың қабығы: титанның қостотығы (Е171), темірдің қызыл тотығы (Е172), темірдің сары тотығы (Е172), желатин, натрий лаурилсульфаты, тазартылған су. Таңбалау үшін қолданылатын қара сия: шеллак, абсолютті спирт, изопропил спирті, бутил спирті, пропиленгликоль, концентрацияланған аммиак ерітіндісі, темірдің қара тотығы (Е172), калий гидроксиді. Сыртқы түрінің, иісінің, дәмінің сипаттамасы Қоңыр түсті корпусы және крем түсті қақпағы бар, корпусында қара түсті баспа сиямен орындалған «75» таңбасы мен капсула қақпағында «ОР» таңбасы бар және өлшемі №2 қатты желатинді капсулалар. Капсуланың ішіндегісі - ақтан ақ дерлік түске дейінгі ұнтақ.

Тұмауды емдеу үшін Старфлю-75 препараты тұмаудың өршуі кезінде тұмауға тән симптомдар байқалған шала туған нәрестелерді қоса, балалар мен ересектерді емдеу үшін қолданылады. Егер емдеу симптомдар пайда болғаннан кейінгі алғашқы екі күн ішінде басталса, препараттың емдік әсерімен қамтамасыз ете алатындығы дәлелденген. Тұмаудың профилактикасы үшін • 1 жас шамасындағы және одан үлкен балаларда ауру өршіген кезде тұмау диагнозы клиникалық тұрғыдан расталған науқаспен қарым-қатынастан кейінгі профилактика үшін. • Старфлю-75 препаратын тұмау профилактикасы үшін қолданудың тиісінше тәртібі әрбір нақты жағдайда, нақты ахуалға және профилактикалық қорғанысты қажет ететін популяцияның сипаттамаларына байланысты белгіленеді. Жекелеген жағдайларда (мысалы, егер вирустың айналымдағы штамы мен вакцина құрамындағы штамм сәйкес келмесе немесе пандемия жағдайында) 1 жас шамасындағы және одан үлкен кейбір балаларға маусымдық профилактикасын тағайындау мүмкіндігін қарастыруға болады. • Старфлю-75 препараты 1 жасқа дейінгі балаларда тұмау пандемиясы кезінде қарым-қатынастан кейінгі тұмау профилактикасы үшін қолданылады. Старфлю-75 препараты вакцинацияны алмастыра алмайды. Тұмауды емдеу және профилактикасы үшін вирусқа қарсы препараттарды қолдану ресми нұсқаулардың негізінде жүргізілуі тиіс. Тұмауды емдеу және профилактикасы үшін осельтамивирді пайдалану жөніндегі шешім вирустың айналымдағы штамдарының белгілі сипаттамаларын, әр маусым үшін дәріге сезімталдықты және аурудың түрлі географиялық аймақтар мен пациенттер популяцияларында тигізетін әсері туралы қолда бар ақпаратты ескере отырып қабылдануы тиіс.

Осельтамивир фосфаты белсенді метаболитінің (осельтамивир карбоксилатының) ізашар дәрісі болып табылады. Белсенді метаболиті вирус нейраминидазасы ферменттерінің, вирион беткейінде орналасқан гликопротеиндік ферменттердің селективті тежегіші болып табылады. Вирустық нейраминидаза ферментінің белсенділігі түзілген вирус бөлшектерінің инфекция жұқтырған жасушалардан босап шығуы және тәулігіне екі рет вирустың организмде таралуы үшін маңызды. Осельтамивир карбоксилаты A және B тұмауы вирустары нейраминидазасын in vitro тежейді. Осельтамивир фосфаты тұмау вирусының көбеюін тежейді және оның репликациясын in vitro бәсеңдетеді. Осельтамивирді ішу арқылы қабылдау жануарлардағы тұмау модельдерінің сынақтарында, адамдағы күніне екі рет 75 мг дозасын қабылдауға ұқсас дозаларында A және B тұмауы вирустарының репликациясы мен патогенділігін in vivo тежейді. Осельтамивирдің А және В тұмауына қатысты вирусқа қарсы белсенділігі дені сау еріктілердегі туындатқыш сынамаларымен жүргізілген эксперименттік зерттеулер арқылы расталды. Осельтамивирдің нейраминидаза ферментіне қатысты тежегіштік концентрациясы (IC50) медианасының мәні клиникалық тұрғыдан оқшау А тұмауы үшін 0.1 нМ-ден 1.3 нМ дейін ауытқып отырды, В тұмауы үшін 2.6 нМ болды. Зерттеулердің жарияланған нәтижелерінде В тұмауы үшін IC50 жоғарырақ – 8.5 нМ дейінгі мәндері туралы мәлімденді. Клиникалық зерттеулер Тұмау вирусынан туындаған инфекцияны емдеу Старфлю-75 препаратының осы көрсетілімде қолданылуы тұмаудың А типті тұмау вирусы басым табиғи жағдайларының клиникалық зерттеулерінде зерттелді. Осельтамивир тек тұмау вирусынан туындаған аурулар кезінде ғана тиімді. Сондықтан, статистикалық талдаудың нәтижелері тек, тұмау вирусын жұқтырған пациенттер үшін ғана берілген. Тұмау вирусының РНҚ (ITT) кері-транскриптазалық полимеразалық тізбекті реакциясы нәтижелері оң және теріс нәтижелері бар пациенттер қамтылған, зерттеудегі популяцияда бастапқы тиімділігі тұмау вирусын анықтау нәтижесі теріс пациенттердің санына пропорционал төмендеді. Ем қабылдаған барлық популяцияда тұмау вирусын жұқтырғандығы рекрутацияланған пациенттердің 67%-ында расталды (46%-дан 74%-ға дейін). Жасы үлкен пациенттердің ішінен тұмау вирусының бар екендігі зертханалық тұрғыдан 64%-ында расталды, жүректің созылмалы жеткіліксіздігі және/немесе респираторлық аурулары бар барлық пациенттердің ішінен тұмау вирусының бар екендігі зертханалық тұрғыдан 62%-ында расталды. III фазадағы клиникалық зерттеулердің барлығына сол аймақтағы пациенттер тек тұмау вирусы циркуляциясы кезеңінде кірістірілді. Ересектер және 13 жас шамасындағы және одан үлкен жасөспірімдер: зерттеуге соңғы 36 сағат ішінде аурудың ≥37.8 ⁰С қызбамен, кем дегенде бір респираторлық симптоммен (жөтел, назальді симптомдар, тамақтың ауыруы), кем дегенде бір жүйелі симптоммен (бұлшықеттердің ауыруы, қалтырау/тершеңдік, дімкәстану, әлсіздік немесе бас ауыруы) қатар жүретін симптомдары туралы хабарланған пациенттер кірістірілді. Тұмау вирусын анықтаудың нәтижесі оң болған (n=2413), осельтамивирді 5 күн бойы күніне екі рет 75 мг дозада қабылдаған барлық ересектер мен жасөспірімдердің біріктірілген талдауында плацебо тобымен салыстырғанда, аурудың орташа ұзақтығының бір күнге, 5.2 күннен (95% СА 4.9-5.5 күн) 4.2 күнге дейін (95% СА 4.0-4.4 күн; p≤0.0001) қысқарғаны байқалды. Төменгі тыныс жолдары тарапынан бактерияға қарсы препараттармен емдеуді қажет ететін асқынулар (негізінен бронхит) туындаған пациенттердің үлесі плацебо тобындағы 12.7%-дан (135/1063) осельтамивирмен ем қабылдаған пациенттер тобында 8.6%-ға дейін (116/1350) азайды (p=0.0012). Жоғарғы қауіп тобындағы популяцияларда тұмауды емдеу: 5 күн бойы тәулігіне екі рет 75 мг осельтамивирді қабылдаған егде жастағы (≥65 жас) субъектілерде және жүректің және/немесе тыныс жолдарының созылмалы ауруы бар пациенттерде тұмаудың орташа ұзақтығы айтарлықтай азаймады. Осельтамивирмен емдеу тобында қызбаның ұзақтығы бір күнге азайды. Тұмау вирусын анықтау нәтижесі оң болған егде жастағы пациенттерде осельтамивирдің әсерінен төменгі тыныс жолдарын тарапынан, антибиотиктермен емдеуді қажет ететін асқынулардың (негізінен бронхиттің) жиілігі едәуір, плацебо тобындағы 19%-дан (52/268) осельтамивирмен ем қабылдаған пациенттердегі 12%-ға дейін (29/250) азайған (p=0.0156). Жүректің және/немесе тыныс жолдарының созылмалы ауруларынан зардап шегіп жүрген, тұмау вирусын анықтау нәтижесі оң болған пациенттерде төменгі тыныс жолдарының антибиотиктермен емдеуді қажет ететін инфекцияларының (негізінен бронхиттің) туындауының біріккен жиілігі плацебо тобында 17% (22/133) және осельтамивирді қабылдаған топта – 14% (16/118) құрады (p=0.5976). Жүктілік кезіндегі тұмауды емдеу: осельтамивирдің жүктілік кезінде қолданылуы бақыланатын клиникалық зерттеулер жүргізілген жоқ, алайда, аталған дозалау режимінің пациенттердің осы популяциясындағы артықшылықтарына тіркеуден кейінгі тәжірибе мен ретроспективтік қадағалау зерттеулерінің деректеріне негізделген, ауруға шалдығу/өлім көрсеткіштерінің төмендеу екендігін көрсететін дәлелдері бар. Фармакокинетикалық талдаудың нәтижелері белсенді метаболиті экспозициясының төмен екендігін көрсетіп отыр, алайда, жүктілік кезінде тұмауды емдегенде немесе профилактикасы жағдайында препараттың дозасын түзету ұсынылмайды (5.2 «Фармакокинетикасы» тармағын, «Ерекше популяцияларды» қараңыз). Балалардағы тұмауды емдеу: қатарлас аурулары жоқ, 1-12 жас шамасындағы (орташа жасы 5.3 жас), қызбамен (≥37.8 °C), жөтелмен немесе тұмауратқан балалар қатысқан зерттеуде (тұмау инфекциясына қатысты оң 65%), инфекция жұқтырған пациенттердің 67%-ы А типті тұмау вирусын, 33%-ы – В типті тұмау вирусын жұқтырған. Ауру симптомдары туындағаннан кейін 48 сағат ішінде басталған осельтамивир емі, ауруды емдеуге қажетті уақытты (қалыпты денсаулық жағдайының бір мезгілде қалыпқа келуі, дене температурасының төмендеуі, жөтел мен тұмауратудың басылуы ретінде анықталған) едәуір, плацебомен салыстырғанда 1.5 күнге қысқартқан (95% СА 0.6-2.2 күн; p<0.0001). Осельтамивирді қабылдау жедел отиттің даму жиілігін плацебо тобындағы 26.5%-дан (53/200) осельтамивир тобындағы 16%-ға (29/183) дейін аазайтқан (p=0.013). Басқа бір зерттеуге демікпеге шалдыққан, 6-12 жас шамасындағы 334 бала кірістірілді, олардың 53.6%-ында тұмау вирусына қатысты оң нәтиже болған. Осельтамивирді қабылдаған топта, аурудың орташа ұзақтығы айтарлықтай азаймады. 6-ыншы күні (емдеудің соңғы күні) бұл популяцияда 1 секундта қарқынды дем шығару көлемі плацебо тобындағы 4.7%-бен салыстырғанда, осельтамивирді қабылдаған топта 10.8%-ға артқан (p=0.0148). Еуропаның Дәрілік заттар жөніндегі агенттігі (EMA) Старфлю-75 препаратын тұмауға шалдыққан педиатриялық популяцияның бір немесе бірнеше қосалқы топтарында зерттеулердің нәтижелерін беру қажеттілігін кейінге қалдырды. Препараттың балаларда қолданылуы жөнінде ақпарат алу үшін 4.2 тармағын қараңыз. 1 жасқа дейінгі балаларда қолданылуы препараттың үлкен балалардағы тиімділігі жөніндегі деректерді экстраполяциялауға негізделген; ұсынылған дозалау режимі фармакокинетикалық модельдеу деректеріне негізделеді (5.2 тармағын қараңыз). B тұмауы инфекциясын емдеу: тұмау вирусына қатысты популяцияда жалпы алғанда, 15%-ы В тұмауы вирусын жұқтырған; түрлі зерттеулердің деректері бойынша - 1-ден 33%-ға дейін. В тұмауына шалдыққан пациенттерде аурудың орташа ұзақтығы түрлі зерттеулердегі емдеу топтары арасында айтарлықтай өзгешеленген жоқ. Талдау жүргізу үшін зерттеуге кірістірілген, В тұмауы вирусын жұқтырған барлық 504 пациенттің деректері біріктірілді. Осельтамивирді қабылдау барлық симптомдарын басу үшін қажетті уақыттың плацебомен салыстырғанда, 0.7 күнге (95% СА 0.1-1.6 күн; p=0.022) және қызба (≥37.8 °C) ұзақтығының, жөтел мен тұмауратудың бір күнге (95% СА 0.4-1.7 күн; p<0.001) қысқаруына алып келді. Иммунитеті әлсіреген ересек пациенттерде тұмауды емдеу: иммунитеті әлсіреген, тұмау вирусын жұқтырған ересек пациенттерде осельтамивирдің қауіпсіздігі мен резистентті тұмау вирусы дамуына әсері (бастапқы талдау) зерттелген рандомизацияланған салыстырмалы жасырын зерттеуге осельтамивирдің тиімділігін бағалауға жарамды (екінші рет талдау, күшейтілмеген) пациенттер (151) қатысты. Зерттеуге ауқымды ағзалардың трансплантаттары [SOT] бар пациенттер, гемопоэздік дің жасушалары ауыстырып салынған [HSCT] пациенттер, CD4+ жасушалар саны <500 жасуша/мм3АИТВ-оң пациенттер, жүйелі иммуносупрессивтік ем қабылдап жүрген пациенттер, сондай-ақ, гемобластоздары бар пациенттер кірістірілді. Пациенттер симптомдары пайда болған сәттен бастап 96 сағат бойы емделу үшін осельтамивирдің стандартты дозасын (73 пациент) немесе екі есе дозасын (78 пациент) 10 күн бойы пайдалана отырып рандомизацияланды. Симптомдары басылғанға дейінгі уақыт медианасы (TTRS) стандартты дозасын қабылдаған топ (103 сағат [90 % СА 75.4-110.0]) мен екі есе дозасын қабылдаған топта ұқсас болды (104 сағат [90 % СА 65.8-131.0]). Салдарлы инфекциялары бар пациенттер саны стандартты дозасы мен екі есе дозасын қабылдаған топтарда салыстырымды болды (5.1 %-ға қарсы 8.2 %). Тұмау профилактикасы Осельтамивирдің табиғи жағдайларда тұмау профилактикасындағы тиімділігі отбасындағы қарым-қатынастан кейінгі зерттеуде және профилактикасының екі маусымдық зерттеуінде көрсетілді. Зерттеулердің барлығында тиімділігінің алғашқы көрсеткіші диагнозы зертханалық тұрғыдан анықталған тұмаудың туындау жиілігі болды. Тұмау вирусының вируленттілігін болжап білу мүмкін емес және аймақ шегінде және маусымнан маусымға ауысқанда ауытқып отырады, сондықтан, тұмаудың алдын алу үшін емдеуді қажет ететін адамдар саны (NNT – number needed to treat) да ауытқып тұрады. Қарым-қатынастан кейінгі профилактика: тұмауға шалдыққан науқастармен қарым-қатынаста болған адамдардағы бір зерттеуде (12.6%-ы тұмауға қарсы вакцинацияланған), күніне бір рет 75 мг осельтамивирді қолдануды науқаста симптомдары дамығаннан кейін екі тәулік ішінде бастаған және 7 күн бойы жалғастырған. Тұмау диагнозы 377 жағдайдың 163-інде расталған. Осельтамивир тұмау инфекциясы расталған науқастармен қарым-қатынаста болған адамдарда клиникалық тұрғыдан айқындалған тұмаудың жиілігін айтарлықтай, плацебо тобындағы 24/200-тен (12%) осельтамивир тобындағы 2/205-ге дейін (1%) азайтқан (92% азайған [95% СА 6-16, p≤0.0001]). Тұмау инфекциясы расталған науқастармен қарым-қатынаста болған адамдарда емдеуді қажет еткен жағдайлар саны (NNT – number needed to treat) 10 (95% СА 9-12); зерттеудің барлық қатысушыларында (ITT) (95% СА 15-19) инфекция көзінің инфекциялық статусына қарамастан 16 құрады. Осельтамивирдың табиғи жағдайларда тұмаудың алдын алудағы тиімділігі жұқтыру көздері ретінде де, қарым-қатынастағы адамдар ретінде де ересектердің, жасөспірімдердің және 1 жастан 12 жасқа дейінгі балалардың, қатысуымен жүргізілген, отбасылардағы қарым-қатынастан кейінгі профилактиканы зерттеуде көрсетілді. Бұл зерттеудің тиімділігінің бастапқы көрсеткіші отбасылардағы диагнозы зертханалық және клиникалық тұрғыдан анықталған тұмаудың жиілігі болды. Осельтамивирмен профилактика 10 күнге созылған. Барлық популяцияда отбасылардағы диагнозы зертханалық және клиникалық тұрғыдан анықталған тұмау жиілігі профилактикалық ем қабылдамаған топтағы 20%-дан (27/136) профилактика қабылдаған топтағы 7%-ға дейін (10/135) азайған (62.7% азайған [95% СА 26.0-81.2; p=0.0042]). Тұмау жұқтыру көздері бар отбасыларда тұмаудың туындау жиілігі профилактикалық ем қабылдамаған топтағы 26%-дан (23/89) профилактика қабылдаған топтағы 11%-ға дейін (9/84) азайған (58.5% азайған [95% СА 15.6-79.6; p=0.0114]). 1-12 жас шамасындағы балалардың қосалқы тобында диагнозы зертханалық және клиникалық тұрғыдан анықталған тұмау жағдайларының жиілігі айтарлықтай, профилактикалық ем қабылдамаған топтағы 19%-дан (21/111) профилактика қабылдаған топтағы 7%-ға дейін (7/104) азайған (64.4% азайған [95% СА 15.8-85.0; p=0.0188]). Емдеу басталғанда әлі тұмау жұқтырмаған балалар арасында, диагнозы зертханалық және клиникалық тұрғыдан анықталған тұмау жағдайларының жиілігі профилактика жүргізілмеген топтағы 21%-дан (15/70) профилактика жүргізілген топтағы 4%-ға дейін азайған (2/47) (80.1% азайған [95% СА 22.0-94.9; p=0.0206]). Балалар популяциясында NNT барлық популяция үшін тұтас алғанда (ITT) 9 құрады (95% СА 7-24) және дәлелденген көздерімен қарым-қатынаста болған балалар популяциясында 8 (95% СА 6, жоғарғы шегі анықталмаған) құрады. 1 жасқа дейінгі сәбилерде пандемия кезіндегі тұмаудың қарым-қатынастан кейінгі профилактикасы: 0 айдан 12 айға дейінгі балалардың қатысуымен препараттың пандемия кезіндегі тұмау профилактикасы үшін қолданылуы бақыланатын клиникалық зерттеулер жүргізілген жоқ. Препараттың қолданылуын модельдеу туралы ақпаратты 5.2 тармағынан қараңыз. Тұмау эпидемиясы кезіндегі профилактика: вакцинация жүргізілмеген және қатарлас аурулары жоқ ересектер қатысқан екі зерттеудің біріккен талдауында, тұмау ушыққан кезде алты апта бойы күніне бір рет 75 мг осельтамивирді қабылдау клиникалық тұрғыдан айқын тұмаудың даму жиілігін едәуір, плацебо тобындағы 25/519-тен (4.8%) осельтамивир тобындағы 6/520-ға дейін азайтқаны көрсетілді (1.2%) (76% азайған (95% СА 1.6-5.7); p=0.0006). Бұл зерттеуде NNT 28 құрады (95% СА 24-50). Қарттар үйлерінде тұратын егде жастағы адамдар арасында жүргізілген, қатысушылардың 80%-ы зерттеу жүргізу кезеңінде вакцинация қабылдаған зерттеуде, алты апта бойы күніне бір рет 75 мг осельтамивирді қабылдау клиникалық тұрғыдан айқын тұмаудың жиілігін айтарлықтай, плацебо тобындағы 12/272-ден (4.4%) осельтамивир тобындағы 1/276-ге (0.4%) дейін азайтқан (92% азайған [95% СА 1.5-6.6; p=0.0015]). Бұл зерттеуде NNT 25 құрады (95% СА 23-62). Иммун тапшылығы бар пациенттердегі тұмау профилактикасы: тұмаудың маусымдық профилактикасының салыстырмалы жасырын, плацебо бақыланатын рандомизацияланған зерттеуі иммун тапшылығы бар 475 пациентте (паренхиматозды ағзалардың трансплантациясымен 388 пациент [195 – плацебо, 193 – осельтамивир], дің жасушаларының трансплантациясымен 87 пациент [43 – плацебо, 44 – осельтамивир], басқа иммун тапшылығы жағдайлары бар пациенттер кірістірілген жоқ), соның ішінде, 1-12 жас шамасындағы 18 балада жүргізілді. Бұл зерттеуде бағалаудың негізгі критерийі зертханалық және клиникалық тұрғыдан анықталған, өсіріндіде, және/немесе серологиялық тұрғыдан расталған тұмау диагнозының жиілігі (антиденелер титрінің 4 есе жоғарылауы) болды. Диагнозы зертханалық және клиникалық тұрғыдан анықталған тұмаудың жиілігі плацебо тобында 2.9% (7/238) және осельтамивир тобында 2.1% (5/237) құрады (95% СА 2.3%-4.1%; р=0.772). Ықтимал асқынулары қаупінің төмендеуін бағалау мақсатында арнайы зерттеулер жүргізілген жоқ. Осельтамивирге резистенттілік Клиникалық зерттеулер: осельтамивирге сезімталдығы төмен немесе төзімдігі айқын тұмау вирустарының пайда болу қаупі клиникалық зерттеулер барысында зерттелді. Емдеу барысында осельтамивирге резистенттіліктің дамуы ересектердегіге қарағанда, балаларда жиірек білінген, сонымен қатар резистенттіліктің туындау жиілігі ересектердегі <1%-дан 1 жасқа дейінгі сәбилердегі 18%-ға дейін ауытқып отырған. Осельтамивирге төзімді вирусты тасымалдаушы-балалар, жалпы алғанда вирусты, осы препаратқа сезімтал вирусты тасымалдаушыларға қарағанда ұзағырақ бөлген. Алайда, емдеу барысында дамыған осельтамивирге төзімділік емнің тиімділігіне әсер етпеген және тұмау симптомдарының ұзақ уақыт сақталуына түрткі болмаған. Жалпы алғанда, осельтамивирге резистенттіліктің дамуы қатарлас аурулары жоқ, осельтамивирді қабылдаған ересек пациенттер қатысқан зерттеулерден алынған деректермен салыстырғанда, иммунитеті әлсіз, осельтамивирдің стандартты дозасын немесе екі есе дозасын 10 күн бойы қабылдаған ересек пациенттерде [стандартты дозасын қабылдаған 14.9 % (10/67) және екі есе дозасын қабылдаған 2.8% (2/71)] жиірек байқалды. Резистенттілік дамыған пациенттердің көпшілігі трансплантаттар реципиенттері болды (стандартты дозасын қабылдаған топта 8/10 пациент және екі есе дозасын қабылдаған топта 2/2 пациент). Осельтамивирге резистентті вирусы бар пациенттердің көпшілігі А типті тұмау вирусын жұқтырған және ұзақ уақыт бойы вирус бөлініп отырған. Клиникалық зерттеулерде осельтамивирге төзімділіктің даму жиілігі Пациенттердің популяциясы — төзімділікке алып келуі мүмкін мутациялары бар пациенттер (%) Фенотиптеу* — Гено- және фенотиптеу* Ересектер мен жасөспірімдер — 0.88% (21/2377) — 0.88% (21/2377) Балалар (1-12 жас) — 3.89% (66/1698) — 3.89% (66/1698) Сәбилер (<1 жас) — 18.31% (13/71) — 18.31% (13/71) * Толық генотиптеу зерттеулердің бірде-біреуінде жүргізілген жоқ. Тұмау профилактикасы Қазіргі сәтте иммунитеті қалыпты пациенттердегі тұмаудың қарым-қатынастан кейінгі (7 күн), бір үйдің адамдарының қарым-қатынасынан кейінгі (10 күн) және маусымдық (42 күн) профилактикасын клиникалық зерттеулерде Старфлю-75 препаратын қолданумен байланысты дәріге төзімділіктің дамығандығына дәлелдер жоқ. Препараттың 12 апталық профилактикалық қолданылуы кезінде иммун тапшылығы бар пациенттерде резистенттілік байқалмаған. Клиникалық деректер және қадағалаулардың деректері: осельтамивирге in vitro сезімталдықтың төмендеуімен астасқан табиғи мутациялар осельтамивирді қабылдамаған науқастардан бөліп алынған А және В тұмауы вирустарында анықталды. Осельтамивирмен емдеу кезінде алынған резистентті штамдар иммунитеті қалыпты пациенттерде де, иммун тапшылығы бар пациенттерде де анықталды. Иммун тапшылығы бар пациенттер мен кішкентай балаларда емдеу кезінде осельтамивирге төзімді вирустардың даму қаупі жоғары. Осельтамивирді қабылдаған пациенттерден бөліп алынған, осельтамивирге төзімді вирустар, және осельтамивирге төзімді тұмау вирустарының зертханалық штамдарында нейраминидазаның N1 және N2 мутациялары болған. Төзімділік мутациялары вирустың қосалқы типтеріне тән үрдісте болды. 2007 жылдан бері табиғатта кездесетін маусымдық H1N1 штамдарының H275Y мутациясымен байланысты төзімділік кездейсоқ анықтала бастады. Осельтамивирге сезімталдық және ондай вирустардың таралуы маусымға және мекенге байланысты өзгеріп отырады. 2008 жылы H275Y Еуропадағы H1N1 тұмауының айналымдағы штамдарының >99%-ынан табылды. 2009 жылы H1N1 тұмауы («шошқа тұмауы») осельтамивирге біркелкі дерлік сезімтал болды, емдеу және профилактикалық режим кезіндегі төзімділік туралы тек бірен-саран хабарламалар байқалды.

Дозалау режимі Тұмауды емдеуге арналған Емдеуді тұмау симптомдары пайда болғаннан кейін алғашқы екі күн ішінде (мүмкіндігінше 36 сағат ішінде) бастаңыз. Емдеу 5 күнге созылады. Ересектер мен ≥ 13 жастан асқан жасөспірімдер Әдеттегі доза тәулігіне екі рет 75 мг құрайды. Старфлю-75 капсулаларын сумен немесе шаймен бірге тұтастай жұту керек. Капсулаларды ашуға немесе шайнауға болмайды. Капсулаларды жұта алмайтын пациенттерде Старфлю-75 суспензиясын күніне екі рет 75 мг (12,5 мл-ге баламалы) дозада емдеуге болады. 1 жастан асқан балалар Старфлю-75 (капсулалар немесе суспензия) әдеттегі дозасы баланың дене салмағына байланысты және: Дене салмағы — 5 күнге ұсынылатын доза Капсулалар — Ішке қабылдауға арналған суспензия 15 кг-нан аз — тәулігіне екі рет 30 мг — тәулігіне екі рет 5 мл 15-тен 23 кг-ға дейін — тәулігіне екі рет 45 мг — тәулігіне екі рет 7,5 мл 23-тен 40 кг-ға дейін — тәулігіне екі рет 60 мг — тәулігіне екі рет 10 мл 40 кг-нан астам — тәулігіне екі рет 75 мг — тәулігіне екі рет 12,5 мл Капсулаларды жұта алмайтын балалар суспензияны қабылдауы мүмкін. Дене салмағы 40 кг-нан асатын немесе капсулаларды жұтуға қабілетті ≥8 жастан асқан балаларға Старфлю-75 капсуласын күніне екі рет 75 мг немесе бір 30 мг капсула және 5 күн бойы күніне екі рет бір 45 мг капсула беруге болады (жоғарыдан қараңыз). Егер пациент капсулаларды жұта алмаса және пероральді суспензия болмаса, капсулалардан дұрыс дозаланған қоспаны дайындауға болады. Егер 1 жастан асқан балалар үшін пероральді суспензия да, 30 мг немесе 45 мг капсулалар да болмаса, 75 мг капсуладан дұрыс дозаланған қоспаны дайындауға болады. 1 жасқа дейінгі балалар 1 жасқа дейінгі балалардағы қауіпсіздігі мен тиімділігі әлі анықталмаған. Шектеулі фармакокинетика және қауіпсіздік деректеріне қарамастан, ол әлі де тұмаудың пандемиялық өршуі кезінде 6 айдан 12 айға дейінгі балаларды емдеу үшін қолданылуы мүмкін. Емдеуші дәрігер балаға ықтимал пайданы қамтамасыз ету үшін айналымдағы штаммның патогенділігін және пациенттің жалпы денсаулығын ескеруі керек. Тұмау эпидемиясы кезіндегі 6 айдан 12 айға дейінгі балалар (тұмаудың ауыр өршуі) Шектеулі фармакокинетикалық деректер 6 айдан 12 айға дейінгі балаларда тәулігіне екі рет 3 мг/кг доза белсенді метаболиттің плазмадағы деңгейіне әкелетінін көрсетеді, бұл пациенттердің көпшілігінде егде жастағы балалар мен ересектердегі клиникалық тұрғыдан тиімділігі көрсетілгенге ұқсас. Дегенмен, қолда бар клиникалық деректер 6 айға дейінгі балаларға дозалау бойынша ұсыныстар беру үшін жеткіліксіз. 6 айдан 12 айға дейінгі балалардағы тұмауды емдеу үшін Старфлю-75 капсулаларынан дайындалған рецепт бойынша дәрілік затты (10 мг/мл суспензия) пайдалану керек. Тұмаудың алдын алу Тұмаумен ауыратын адаммен қарым қатынастан кейін алғашқы 2 күн ішінде Старфлю-75 қабылдауды бастаңыз. Содан кейін 10 күн бойы дәрі қабылдауды жалғастырыңыз. Ересектер мен 13 жастан бастап жасөспірімдер Тұмауды жұқтырған адаммен тығыз қарым қатынаста болғаннан кейін тұмаудың алдын алу үшін Старфлю-75 препаратының ұсынылатын пероральді дозасы 10 күн бойы күніне бір рет 75 мг құрайды. Емдеу әсер еткеннен кейін екі күн ішінде басталуы керек. Тұмау эпидемиясы кезінде профилактика үшін ұсынылатын доза тәулігіне бір рет 75 мг құрайды. Препараттың қауіпсіздігі мен тиімділігі алты аптаға дейін расталды. Қорғаныс әсері препаратты қабылдағанша сақталады. Бауыр жеткіліксіздігі бар пациенттер Бауыр функциясының жеңіл немесе орташа жеткіліксіздігі бар пациенттерде емдеу немесе профилактика үшін дозаны түзету қажет емес. Бауыр функциясының ауыр жеткіліксіздігі бар пациенттерде қауіпсіздігі мен фармакокинетикасы зерттелмеген. Бүйрек жеткіліксіздігі бар пациенттер Тұмауды емдеу Креатинин клиренсі 60 мл/мин жоғары пациенттерде дозаны түзету қажет емес. Креатинин клиренсі >30-дан 60 мл/мин болатын пациенттер үшін дозаны 5 күн бойына күніне екі рет 30 мг Старфлю-75 -ке дейін, ал креатинин клиренсі 10-30 мл/мин пациенттер үшін дозаны күніне бір рет 30 мг Старфлю-75 -ке дейін 5 күн бойы төмендету ұсынылады. Тұрақты гемодиализден өтетін пациенттерге, егер диализ сеанстары арасындағы 48 сағат ішінде тұмаудың симптомдары пайда болса, диализге дейін 30 мг Старфлю-75 бастапқы дозасын тағайындауға болады. Плазмадағы емдік концентрациясын ұстап тұру үшін гемодиализдің әрбір сеансынан кейін 30 мг дозаны енгізу керек. Перитонеальді диализден өтетін пациенттерге диализ басталғанға дейін Старфлю-75 30 мг дозасын, содан кейін әрбір 5 күн сайын 30 мг дозасын енгізу ұсынылады. Осельтамивирдің фармакокинетикасы гемодиализде емес, бүйрек жеткіліксіздігінің терминальді сатысы бар (яғни, креатинин клиренсі <10 мл/мин) пациенттерде зерттелмеген. Сондықтан пациенттердің осы тобы үшін дозалау бойынша ұсыныстар жасау мүмкін емес. Бүйрек жеткіліксіздігі бар балалар үшін дозалау бойынша ұсыныстар жоқ. Тұмаудың алдын алу Креатинин клиренсі 60 мл/мин астам пациенттерде дозаны түзету қажет емес. Креатинин клиренсі >30-дан 60 мл/мин болатын пациенттер үшін Старфлю-75 дозасын тәулігіне 30 мг-ға дейін, ал креатинин клиренсі 10-30 мл/мин пациенттер үшін екі күн сайын 30 мг Старфлю-75 -ке дейін азайту ұсынылады. Тұрақты гемодиализден өтетін пациенттерге диализге дейін 30 мг Старфлю-75 бастапқы дозасын тағайындауға болады. Перитонеальді диализден өтетін пациенттер үшін диализ басталғанға дейін енгізілетін 30 мг Старфлю-75 профилактикалық дозасы ұсынылады, содан кейін әрбір 7 күн сайын 30 мг-нан кейінгі дозалар. Осельтамивирдің фармакокинетикасы гемодиализден өтпейтін бүйрек жеткіліксіздігінің терминальді сатысы (яғни, креатинин клиренсі <10 мл/мин) пациенттерде зерттелмеген. Сондықтан пациенттердің осы тобына дозалау бойынша ұсыныстар жасау мүмкін емес. Плазмадағы емдік концентрациясын ұстап тұру үшін гемодиализдің әрбір екінші сеансынан кейін 30 мг дозаны енгізу керек. Иммундық жүйесі әлсіреген пациенттер 1 жастан асқан иммунитеті төмендеген пациенттерге тұмаудың жоғары белсенділігіне байланысты инфекция қаупі жоғары жағдайларда 12 аптаға дейін профилактика ұсынылады. Креатинин клиренсі қалыпты пациенттерде дозаны түзету қажет емес. Егде жастағы пациенттер Егде жастағы пациенттерде емдеу немесе профилактика үшін дозаны түзету қажет емес. 1 жастан асқан балалар Тұмаудың алдын алу үшін капсуладағы немесе суспензиядағы Старфлю-75 препаратының әдеттегі дозасы баланың дене салмағына байланысты және: Дене салмағы — 5 күнге ұсынылатын доза Капсулалар — Ішке қабылдауға арналған суспензия 15 кг-нан аз — тәулігіне екі рет 30 мг — тәулігіне екі рет 5 мл 15-тен 23 кг-ға дейін — тәулігіне екі рет 45 мг — тәулігіне екі рет 7,5 мл 23-тен 40 кг-ға дейін — тәулігіне екі рет 60 мг — тәулігіне екі рет 10 мл 40 кг-нан астам — тәулігіне екі рет 75 мг — тәулігіне екі рет 12,5 мл Капсулаларды жұта алмайтын балаларға суспензия тағайындалады. Дене салмағы 40 кг-нан асатын немесе капсулаларды жұта алатын 8 жастан асқан және одан жоғары жастағы балаларға күніне бір рет 75 мг капсула немесе 10 күн бойы күніне бір рет 30 мг бір капсула және бір 45 мг капсула тағайындалуы мүмкін (жоғарыдан қараңыз). Егер пациент капсулаларды жұта алмаса және пероральді суспензия болмаса, капсулалардан дұрыс дозаланған қоспаны дайындауға болады. Егер 1 жастан асқан балалар үшін пероральді суспензия да, 30 мг немесе 45 мг капсулалар да болмаса, 75 мг капсуладан дұрыс дозаланған қоспаны дайындауға болады. Старфлю-75 -ті тамақпен немесе тамақсыз қабылдауға болады. Дегенмен, кейбір пациенттерде тағаммен бірге қабылдағанда көтерімділігі жоғарылауы мүмкін. Егер пациент капсулаларды жұта алмаса немесе Старфлю-75 пероральді суспензиясы жоқ болса Коммерциялық қол жетімді Старфлю-75 пероральді суспензиясы уақытша қолжетімсіз болған жағдайда, ересектер, жасөспірімдер және капсулаларды жұта алмайтын балалар дәрі-дәрмекті келесідей сәйкес дозада қабылдауы мүмкін: капсулалар ашылады және ішіндегісі ащы дәмді жасыру үшін аз мөлшерде (ең көбі 1 шай қасық) тәттілендірілген тағамға, мысалы, кәдімгі немесе қантсыз шоколад сиропына, балға (тек 2 жастан асқан балаларға), суда ерітілген ашық қоңыр немесе кристалды қантқа, десерт тұздықтарына, қоюландырылған сүтке, алма пюресіне немесе йогуртқа қосылады. Қоспаны араластырып, толығымен тұтыну керек. Дайындалған қоспаны дайындаудан кейін дереу тұтыну керек, әйтпесе препарат өзінің тиімділігін жоғалтуы мүмкін. Дұрыс дозалауды қамтамасыз ету үшін келесі нұсқауларды орындаңыз. Қоспаны дайындау үшін қажет капсула санын анықтаңыз: Дене салмағы — 5 күн бойы емдеу үшін ұсынылған дозаны алу үшін қажетті капсула саны — 10 күндік профилактика үшін ұсынылған дозаны алу үшін қажетті капсулалар саны 15 кг-нан аз — Бір капсула 30 мг күніне екі рет — Күніне бір рет 30 мг бір капсула 15-тен 23 кг-ға дейін — Бір капсула күніне екі рет 45 мг — Күніне бір рет 45 мг бір капсула 23-тен 40 кг-ға дейін — Күніне екі рет 30 мг екі капсула — Күніне бір рет 30 мг екі капсула 40 кг-нан астам — Күніне екі рет 75 мг бір капсула — Күніне бір рет 75 мг бір капсула 2. Жоғарыдағы кестеге сәйкес дұрыс дозаны қолданып жатқаныңызға көз жеткізіңіз. Капсула(ларды) кішкене шыныаяқтың үстінде ұстаңыз, капсула(ларды) абайлап ашыңыз және ұнтақты шыныаяққа құйыңыз. 3. Шыныаяққа (ащы дәмді бүркемелеу үшін) қолайлы тәтті тағамның аз мөлшерін (ең көбі 1 шай қасық) қосып, мұқият араластырыңыз. 4. Қоспаны араластырыңыз және шыныаяқтың барлық мазмұнын ішіңіз. Қоспаны дайындағаннан кейін бірден қабылдау керек. Егер кеседе біраз қоспа қалса, аз мөлшерде су қосып, қалған суспензияны ішіңіз. Дәрі қабылдаған сайын бұл емшараны қайталаңыз. Қолдану тәсілі Препарат ішке қабылдауға арналған. Капсулаларды жұта алмайтын пациенттерге ішуге арналған суспензия (6 мг/мл) түріндегі Старфлю-75 препаратының сәйкесінше дозаларын тағайындауға болады. Енгізу әдісі және жолы Ішке. Қандай-да бір себептермен капсулаларды жұта алмайтын, немесе препараттың азғантай дозалары қажет болатын ересектерге сондай-ақ, 18 жасқа толмаған балалар мен жасөспірімдерге Старфлю-75 препаратын ішуге арналған 6 мг/мл суспензия реінде ішке қабылдау қажет.

Әсер етуші затына немесе қосымша заттарының кез келгеніне аса жоғары сезімталдық

Өте жиі • бас ауыруы • жүрек айнуы Жиі • бронхит, Herpes simplex, назофарингит, жоғарғы тыныс жолдарының инфекциялары, синусит • ұйқысыздық • жөтел, тамақтың ауыруы, ринорея • құсу, іш ауыруы (іштің жоғарғы бөлігінің ауыруын қоса), диспепсия • ауыру, бас айналуы (вертигоны қоса), қажу, қызба, аяқ-қолдардың ауыруы Жиі емес • аса жоғары сезімталдық реакциялары • сана өзгерісі, құрысулар • аритмия • «бауыр» ферменттері белсенділігінің жоғарылауы • экзема, дерматит, бөртпе, есекжем Сирек • тромбоцитопения • анафилаксиялық және анафилактоидтық реакциялар • мазасыздық, аномальді мінез-құлық, үрейлену, сананың шатасуы, еліру, делирий, елестеулер, түнгі шым-шытырықтар, өзіне дене жарақатын салу • көрудің бұзылуы • асқазан-ішектен қан кетулер, геморрагиялық колит • фульминантты гепатит, бауыр жеткіліксіздігі, гепатит • ангионевроздық ісіну, мультиформалы эритема, Стивенс-Джонсон синдромы, уытты эпидермалық некролиз Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз. Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Клиникалық зерттеулер барысында және Старфлю-75 препаратын тіркеуден кейін қолдану кезеңінде хабарланған артық дозалану жағдайларының көпшілігі қандай-да бір жағымсыз құбылыстармен қатар жүрмеген. Артық дозаланған жағдайлардағы жағымсыз реакциялар туындау жиіліктері жағынан препаратты емдік дозаларында қолданғанда байқалған «ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар» тармағында атап келтірілген ЖР ұқсас және салыстырымды болды.

Препаратты енгізер алдында қосымша парақты толығымен оқып шығыңыз, өйткені онда Сіз үшін маңызды мәліметтер бар. Қосымша парақты сақтап қойыңыз. Сізге оны тағы бір рет оқып шығу қажет болуы мүмкін. Егер Сізде қосымша сұрақтар туындаса, емдеуші дәрігерге немесе мейіргерге жүгініңіз. Егер Сізде қандай-да бір жағымсыз реакциялар туындаса, емдеуші дәрігерге немесе мейіргерге жүгініңіз. Бұл нұсқаудың болуы мүмкін кез келген, соның ішінде, қосымша парақтың «ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар» бөлімінде атап келтірілмеген жағымсыз реакцияларға қатысы бар. Арнайы ескертулер Осельтамивир тек тұмау вирусынан туындаған ауруға қатысты тиімді. Осельтамивирдің басқа агенттерден туындаған ауруларды емдеудегі тиімділігі туралы деректер жоқ. Старфлю-75 препаратын қолдану вакцинациялаудың орнын алмастыра алмайды. Старфлю-75 препаратын пайдалану пациенттердің жыл сайын тұмауға қарсы вакцинациялауды жүргізу кезінде бағалануына әсер етпеуі тиіс. Тұмаудан қорғаныс тек Старфлю-75 препараты қолданылып жүрген кезеңде ғана жалғасады. Препаратты тек тұмауды емдеу және профилактикасы үшін ғана және егер, эпидемиологиялық деректер тұмау вирусының жалпы популяцияда айналымда бар екендігін көрсетсе ғана пайдалану керек. Тұмау вирусының айналымдағы штамдарының осельтамивирге сезімталдығы аса ауытқымалы болуы мүмкін. Сол себепті, препаратты тағайындаған кезде айналымдағы вирустың осельтамивирге сезімталдығы жөніндегі ең соңғы қолжетімді ақпаратты ескеру керек. Қатар жүретін ауыр аурулар Айтарлықтай ауыр қатар жүретін ауруы немесе ауруханаға жатқызуды қажет ететін тұрақсыз жай-күйі бар пациенттерде осельтамивирді қолданудың қауіпсіздігі мен тиімділігі жөнінде деректер жоқ. Иммунитеті әлсіреген пациенттер Иммунитеті әлсіреген пациенттерде осельтамивирдің тұмауды емдеу және профилактикасы кезіндегі тиімділігі нақты анықталмаған. Алайда, иммунитеті әлсіреген ересек пациенттерде тұмауды емдеуді 10 күн бойы жүргізу керек, өйткені, препараттың азғантайлау емдеу курсы кезінде қолданылуы зерттелмеген. Жүректің және тыныс алу мүшелерінің аурулары Жүректің және/немесе тыныс алу мүшелерінің созылмалы аурулары бар пациенттерде осельтамивирдің тұмауды емдеу немесе профилактикасы кезіндегі тиімділігі анықталмаған. Балалар Шала туған (постконцептуальді мерзімі <36 апта) балалардағы дозасын анықтау үшін деректер жоқ. Бүйректің ауыр жеткіліксіздігі Бүйрек жеткіліксіздігінің ауыр дәрежесі бар ересек пациенттер мен жасөспірімдерде (13-17 жас) тұмауды емдеу және профилактикасы кезінде дозасын түзету ұсынылады. Бүйрек жеткіліксіздігі бар сәбилер мен балаларда (1 жас шамасындағы және одан үлкен) дозасын түзету үшін клиникалық деректер жеткіліксіз, сондықтан, пациенттердің осы санаты үшін дозалау режимін анықтау мүмкін болмай отыр. Психоневрологиялық бұзылулар Старфлю-75 препаратын қабылдаған пациенттерде (негізінен, балалар мен жасөспірімдерде) психоневрологиялық бұзылулар тіркелген. Ондай психоневрологиялық бұзылулар тұмауға шалдыққан, Старфлю-75 препаратын қабылдамаған пациенттерде де білінген. Пациенттерді мінез-құлқында өзгерістердің бар-жоқтығына қатысты мұқият мониторингілеу керек, емді жалғастырудың қаупі мен пайдасы әр пациент үшін жеке-жеке бағалануы тиіс. Натрий Бұл дәрілік препараттың құрамында бір капсулада 1 ммольден (23 мг) аз натрий бар, яғни іс жүзінде құрамында натрий жоқ. Жүктілік Жүктілік кезінде Старфлю-75 препаратын қажет болған жағдайда және қауіпсіздігі мен пайдасы, сондай-ақ, тұмау вирусының айналымдағы штамының патогенділігі жөніндегі қолда бар ақпаратты бағалағаннан кейін қолдануға болады. Бала емізу Бала емізу кезінде осельтамивирді тек, егер емізетін ана үшін күтілетін айқын пайдасы бала үшін қаупінен асып түсетін жағдайда ғана қолданады. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Старфлю-75 препараты көлік құралын басқару және механизмдермен жұмыс жасау қабілетіне әсер етпейді.

Нұсқаулықта көрсетілмеген.

Осельтамивирдің ақуыздармен байланысу дәрежесінің төмендігі және CYP450 изоферменті мен глюкуронидазалар жүйесіне тәуелсіз метаболизмі сияқты фармакокинетикалық қасиеттері, аталған механизмдер бойынша клиникалық тұрғыдан елеулі өзара әрекеттесулері бар деп шамалауға негіз бола алмайды. Пробенецид Бүйрек функциясы қалыпты пациенттерде пробенецидпен бір мезгілде қолданғанда дозасын түзету қажет емес. Бүйректегі аниондық өзекшелік секрецияның күшті тежегіші пробенецидпен бір мезгілде қолдану осельтамивирдің белсенді метаболиті экспозициясының ~2 есе жоғарылауына алып келеді. Амоксициллин Осельтамивир мен амоксициллин (осельтамивир сияқты жолмен шығарылатын) арасында өзара кинетикалық әрекеттестік жоқ. Осельтамивирдің бүйрек арқылы шығарылу үшін бәсекелестігі аз деп шамаланады. Бүйректік экскрециясы Осы сияқты препараттардың көпшілігі үшін қауіпсіздік қорын, осельтамивирдің белсенді метаболитінің шығарылу жолдарын (шумақтық сүзіліс және аниондық өзекшелік секреция), сондай-ақ, аталған жолдардың әрқайсысының шығаруға қабілеттілігін ескере келе, дәрілер арасында өзекшелік секреция үшін бәсекелестікпен байланысты, клиникалық тұрғыдан елеулі өзара әрекеттесулер ықтималдығы аз. Алайда, осельтамивирді емдік ауқымы тар препараттармен (мысалы, хлорпропамид, метотрексат, бутадион) біріктіріп қолданғанда сақ болу қажет. Қосымша ақпарат Парацетамолмен, ацетилсалицил қышқылымен, циметидинмен, антацидтік дәрілермен (магний және алюминий гидроксиді, кальций карбонаты), римантадинмен немесе варфаринмен (тұмау вирусын жұқтырмаған, варфаринге тұрақтандырылған пациенттерде) бір мезгілде қабылдағанда осельтамивирмен немесе оның негізгі метаболитімен арасында фармакокинетикалық өзара әрекеттесулері анықталған жоқ.

Сақтау мерзімі 4 жыл. Жарамдылық мерзімі өткеннен кейін қолдануға болмайды! Сақтау шарттары 25 °С-ден аспайтын температурада. Балалардың қолы жетпейтін жерде сақтау керек!