Шыны тәрізді дене раствор

Бір ампуланың ішінде: белсенді зат: шыны тәрізді дене, 2 мл. Сыртқы түрінің, иісінің, дәмінің сипаттамасы Аздап сарғыштау мөлдір ерітінді. Жеңіл бозаңдануға, ұсақ кристалды және тіндік жүзінділердің болуына жол беріледі.

Дәрілік препарат ересек пациенттерге келесі ауруларды емдеуге арналған: – полиневрит, радикулит, невралгия, фантомды ауыру; – операциядан кейінгі ерте кезеңде дәнекер тіннің артық өсуінің профилактикасы; – күйіктен кейінгі, операциядан кейінгі, келоидты және шығу тегі басқа тыртықтарды емдеу; – буындардағы контрактураларда; – сынған кезде сүйек мүйізгегінің түзілуін жеделдету үшін.

Ірі қара малдың көзінің шыны тәрізді денесінен дайындалған жануарлардан алынған препарат. Дәрілік препараттың фармакологиялық әсері сүйек пен дәнекер тіннің метаболизмін түзету болып табылады. Шыны тәрізді дене тыртық тінді жұмсарту және тарауы үшін, сынықтар кезінде сүйек мүйізгегінің түзілуін жеделдету үшін және шеткері жүйкелердің зақымдануында ауыруды азайту үшін қолданылады.

Дозалау режимі Препаратты тері астына күн сайын 2 мл-ден енгізеді. Енгізу әдісі және жолы Тері астына Емдеу ұзақтығы Емдеу курсы: ̶ невралгиялар кезінде – 8-10 күн; ̶ тыртықтар, контрактуралар және сынықтар кезінде - 25 күнге дейін. Емдеу курсын дәрігер ем тиімділігіне қарай анықтайды. Дәрілік препараттың бір немесе бірнеше дозасын өткізіп алған кезде қажетті шаралар Дозаны өткізіп алған кезде препаратты бірінші мүмкіндік кезінде енгізу керек. Өткізіп алған дозаны өтеу үшін қосарлы дозаны енгізуге болмайды. Бірнеше инъекцияны өткізіп алған кезде дәрігерге хабарлаңыз. Дәрілік препараттың қолдану тәсілін түсіндіру үшін медициналық қызметкерге кеңес алуға жүгіну жөніндегі ұсынымдар Препаратты қолдану бойынша сұрақтар болған жағдайда медициналық қызметкерге жүгіну керек.

– әсер етуші затқа аса жоғары сезімталдық; – инфекциялық аурулар; – жедел қабыну үдерістері; – кахексия; – нефрит, нефросклероз; – бауыр циррозы; – II және III сатыдағы жүрек жеткіліксіздігі; – онкологиялық аурулар; – жүктілік және бала емізу кезеңі; – 18 жасқа дейінгі балалар мен жасөспірімдер.

Енгізген жердегі ауырудың күшеюі және қабыну түріндегі келесі аллергиялық реакциялар болуы мүмкін; есекжем, қышыну, бөртпе, тері гиперемиясы, эритема, анафилаксиялық реакциялар. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігінің Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Нұсқаулықта көрсетілмеген.

Арнайы ескертулер Ауыр аллергиялық анамнезі бар пациенттерге абайлап тағайындайды. Дәрілік препараттың көлік құралын және қауіптілігі зор механизмдерді басқару қабілетіне әсер ету ерекшеліктері Препараттың көлік құралдарын және қауіптілігі зор механизмдерді басқару қабілетіне әсері анықталмаған.

Жүктілік кезеңінде дәрілік препаратты қолдану туралы деректер шектеулі немесе жоқ. Шыны тәрізді дене дәрілік препаратын жүктілік кезеңінде қолдануға болмайды. Дәрілік препараттың метаболиттері адамның емшек сүтіне еніп кететіні белгісіз, алайда бала үшін қауіпті жоққа шығаруға болмайды. Шыны тәрізді дене, тері астына енгізуге арналған ерітінді дәрілік препаратын қолдану кезеңінде бала емізуді тоқтату қажет.

Препаратты басқа дәрілік препараттармен бір мезгілде қолданған кезде жағымсыз құбылыстар байқалмаған.

Сақтау мерзімі 2 жыл. Жарамдылық мерзімі өткеннен кейін қолдануға болмайды! Сақтау шарттары Құрғақ жерде 25 °С-ден аспайтын температурада сақтау керек. Мұздатып қатыруға болмайды! Балалардың қолы жетпейтін жерде сақтау керек!