Стопангин-Тева спрей

30 мл препараттың құрамында белсенді зат – 0.0577 г гексэтидин, қосымша заттар: анис эфир майы, эвкалипт эфир майы, апельсин ағашы (Нероли) гүлдерінен алынған эфир майы, бұрыш жалбызының эфир майы, левоментол, метилсалицилат, натрий сахаринат моногидраты, 85% глицерин, 96% этил спирті. Сыртқы түрінің, иісінің, дәмінің сипаттамасы Өзіне тән иісі бар мөлдір, түссіз немесе түссіз дерлік сұйықтық.

Антибиотиктер мен сульфаниламидтерді тағайындауды қажет ететін ауыз қуысы мен жұтқыншақтың ауыр қызбалық немесе іріңді ауруларын кешенді емдеу кезінде - тонзиллит - баспа (оның ішінде бүйір валиктері зақымданған баспа, Плаут-Винцент баспасы) - фарингит - гингивит және қызыл иектің қанағыштығы - периодонтопатиялар (периодонт аурулары және олардың симптомдары) - суперинфекция профилактикасы мақсатында стоматит (ауыз қуысының шырышты қабығының қабынуы), глоссит (тілдің қабынуы), афтозды ойық жаралар (тіндердің беткейлік ақаулары бар ауыратын қабыну) - тістерді жұлғаннан кейін альвеолалардың (тіс қуыстары) инфекция жұқтыруы - ауыз қуысы мен жұтқыншақтың зеңдік инфекциясы, әсіресе кандидозды стоматит (уылуы) - ауыз қуысы мен жұтқыншақ операцияларына дейін және кейін - жалпы аурулар кезіндегі ауыз қуысының қосымша гигиенасы - ауыздағы жағымсыз иісті кетіру, әсіресе ауыз қуысы мен жұтқыншақты бұзатын ісіктер жағдайында - суық тию ауруларын емдеу кезінде қосымша дәрі.

Әсер ету механизмі Стопангин-Тева орташа жансыздандыратын әсері бар антисептикалық дәрі болып табылады. Фармакодинамикалық әсерлері Препараттың негізгі әсер етуші заты – гексэтидин – бактерицидтік және фунгицидтік әсерге ие. Микробқа қарсы әсер микроб жасушаларының тотықтырғыш реакцияларын бәсеңдету жолымен жүзеге асады. Гексэтидин эфир майларымен бірге антисептикалық әсерді орташа жергілікті анестетикалық әсермен толықтырады.

Дозалау режимі Ересектер мен 3 жастан асқан балалар Бір реттік доза 1-2 секунд ішінде енгізіледі. Егер басқаша көрсетілмесе, күніне екі рет, дұрысы таңертең және кешке қолданылады. Гексэтидин шырышты қабықта адгезияланады және осының арқасында тұрақты әсер көрсетеді. Осыған байланысты препаратты тамақтан кейін қолдану керек. Препарат жиі қолданған кезде де қауіпсіз. Жалпы кіріспе бойынша нұсқаулар Препаратты ауыз қуысында немесе жұтқыншақта шашыратады. Аэрозольдің көмегімен зақымданған бөліктерді оңай және тез өңдеуге болады. Мына қадамдарды орындау қажет: - аэрозольді баллонға бүріккіш қондырманы кигізіңіз; - бүріккіш қондырманың ұшын ауыз қуысының немесе жұтқыншақтың зақымданған бөлігіне бағыттаңыз; - препаратты енгізу кезінде құтыны үнемі тік күйде ұстау керек; - 1-2 секунд бойы бүріккіш қондырманың бастиегін баса отырып, препараттың қажетті мөлшерін енгізіңіз, аэрозоль енгізген кезде дем алмаңыз. Емнің ұзақтығы дәрігермен анықталады. Қолдану тәсілі Жергілікті. Препаратты 7 күннен артық қолдануға болмайды.

- әсер етуші затқа немесе қосымша заттардың кез келгеніне аса жоғары сезімталдық - атрофиялық типті құрғақ фарингит - 3 жасқа дейінгі балалар - жүктіліктің I триместрі

- ауыз қуысының шырышты қабығын уақытша күйдіру сезімі - сезімталдығы жоғары адамдарда айрықша жағдайларда аллергиялық реакциялар, оның ішінде ларингоспазм болуы мүмкін - жүрек айнуы (препаратты кездейсоқ жұтып қойған кезде) Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Стопангин-Тева-мен артық дозаланудың бірде-бір жағдайы туралы хабарланған жоқ.

Арнайы ескертулер Препаратты дәрігердің кеңесінсіз қабылдауға болмайды. Препаратты көзге тигізбеу керек. Құрамында 64% этанол бар. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Стопангин-Тева көлік құралдарын басқаруға және жоғары зейін қоюды қажет ететін әрекеттерге әсер етпейді.

Препаратты жүкті және бала емізетін әйелдерде қолдану туралы жеткілікті деректер жоқ, сондықтан оны сақтықпен және қолданудың болжамды пайдасы ана мен бала үшін потенциалды қауіптен асып түскен жағдайда ғана қолдану керек.

Белгісіз.

Сақтау мерзімі 2 жыл. Жарамдылық мерзімі өткеннен кейін қолдануға болмайды! Сақтау шарттары Жарықтан қорғалған жерде, 25 °С-ден аспайтын температурада сақтау керек. Балалардың қолы жетпейтін жерде сақтау керек!