Стопресс Инда таблетки 2 мг+0.625 мг

Бір таблетканың құрамында белсенді заттар: периндоприл трет-бутиламин (100 % затқа шаққанда) 8.000 мг және индапамид 2.500 мг. қосымша заттар: микрокристалды целлюлоза, лактоза моногидраты, кросповидон, натрий гидрокарбонаты, сусыз коллоидты кремнийдің қостотығы, магний стеараты Сыртқы түрінің, иісінің, дәмінің сипаттамасы Жалпақ цилиндр пішінді, бір жағында ойығы және сызығы, басқа жағында ойығы және крест түріндегі фирмалық логотипі бар, ақтан ақ дерлік түске дейінгі таблеткалар

Бір мезгілде сондай дозада қабылданатын периндоприлмен және индапамидпен бақылауда жүрген пациенттерде эссенциалдық артериялық гипертензияны емдеу үшін алмастырушы препарат ретінде қолданылады

Стопресс Инда - бұл периндоприлдің аргинин тұзының, ангиотензин-өзгертуші фермент тежегішінің және индапамидтің, хлорсульфамоил диуретигінің біріктірілімі. Препараттың фармакологиялық әсері осы компоненттердің әрқайсысының фармакологиялық қасиеттерімен және оларды біріктірген кезде екі компоненттің аддитивті синергиялық әсеріне негізделген. Әсер ету механизмі Периндоприл Периндоприл ангиотензин-өзгертуші фермент тежегіші (АӨФ тежегіші) болып табылады, ол ангиотензин I-ді тамыр тарылтатын әсері бар ангиотензин II-ге айналдырады, ол тамыр тарылтатын әсерге ие; бұдан басқа, бұл фермент бүйрекүсті безі қыртыстарында альдостерон секрециясын және тамыр кеңейтетін зат - брадикининнің белсенді емес гептапептидтерге ыдырауын стимуляциялайды. Нәтижесінде: - альдостерон секрециясының төмендеуі, - теріс кері байланыс принципі бойынша плазмадағы ренин белсенділігінің артуы, - негізінен бұлшықет пен бүйрек тамырларына әсер ететін және ұзақ емдеуде тұз бен судың іркілуімен немесе рефлекторлық тахикардиямен қатар жүрмейтін жалпы шеткері тамыр кедергісінің төмендеуі жүреді. • Периндоприлдің гипертензияға қарсы әсері сондай-ақ, рениннің төмен немесе қалыпты концентрациясы бар пациенттерде байқалды. • Периндоприлдің әсері оның метаболиті периндоприлаттың белсенділігіне байланысты. Басқа метаболиттер белсенді емес. • Периндоприл жүрек жұмысын жеңілдетеді: - венаға тамыр кеңейтетін әсері есебінен, ол простагландин метаболизміндегі өзгерістерге байланысты болуы мүмкін ықтимал: алдын ала жүктемені азайту, - жалпы шеткері тамырлық кедергіні азайту есебінен: кейінгі жүктемені азайту. • Жүрек жеткіліксіздігінен зардап шегетін пациенттердің қатысуымен жүргізілген зерттеулер: • оң және сол жақ қарыншада толтыру қысымының төмендеуін, • жалпы шеткері тамыр кедергісінің төмендеуін, • жүректің шығарымын арттыру және жүрек индексін жақсартуды, • бұлшықеттерде аймақтық қан ағынын арттыруды көрсетті. • Бұдан басқа, жүктемелік сынамалардың көрсеткіштері жақсарды. Индапамид: Индапамид индольді сақинасы бар сульфонамид туындысы болып табылады, фармакологиялық қасиеттері бойынша ол тиазидті диуретиктерге жақын. Индапамид Генле ілмегінің кортикальді сегментінде натрий реабсорбциясын тежейді. Натрий мен хлоридтердің және аз дәрежеде калий мен магнийдің несеппен бөлінуін арттырады, осылайша диурезді арттырады және гипертензияға қарсы әсер етеді. Фармакодинамикалық әсерлері Стопресс Инда: Гипертензиясы бар пациенттердің жасына қарамастан, Стопресс Инда диастолалық және систолалық артериялық қысымның жатқан қалыпта да, тұрған кезде де дозаға тәуелді төмендеуіне әкеледі. PICXEL – белсенді бақылаумен көп орталықты рандомизацияланған салыстырмалы жасырын клиникалық зерттеу барысында – эхокардиография көмегімен эналаприлмен монотерапиямен салыстырғанда сол жақ қарыншаның гипертрофиясына (СҚГ) периндоприл/индапамид біріктірілімінің әсері бағаланды. PICXEL зерттеуінде гипертензиясы және СҚГ бар пациенттер (ерлерде сол жақ қарынша массасының индексі (СҚМИ) > 120 г/м2 және әйелдерде 100 г/м2) 2 мг периндоприл трет-бутиламин (2,5 мг периндоприл аргининге баламалы) және 0,625 мг индапамид қабылдаған топқа немесе бір жыл бойы күніне бір рет 10 мг элалаприл қабылдаған топқа рандомизацияланған. Дозаны артериялық қысымды бақылау деректеріне сәйкес 8 мг периндоприл трет-бутиламин (10 мг периндоприл аргининге баламалы) және 2,5 мг индапамид немесе күніне бір рет 40 мг эналаприлге сәйкес түзетті. Зерттеуге қатысушылардың тек 34%-ы 2 мг периндоприл трет-бутиламиннің (2,5 мг периндоприл аргининге баламалы)/0,625 мг индапамидтің (10 мг эналаприл дозасында қалған 20% - бен салыстырғанда) бастапқы дозасында қалды. Емдеудің соңында рандомизацияланған пациенттердің барлық популяциясында СҚМИ эналаприл тобына қарағанда (-1,1 г/м2) периндоприл/индапамид (-10,1 г/м2) тобында елеулі түрде азайған. СҚМИ өзгеруі бойынша топтар арасындағы айырмашылық -8,3 (95% СА (-11,5,-5,0), p < 0,0001) құрады. СҚМИ-ға ең жоғары әсерді 8 мг периндоприл (10 мг периндоприл аргининге баламалы) және 2,5 мг индапамид көрсетті. Бағалау бойынша артериялық қысымға қатысты рандомизацияланған популяциядағы топтар арасындағы айырмашылықтардың орташа мәні систолалық артериялық қысым үшін -5,8 мм сын.бағ. құрады (95% СА (-7,9, -3,7), p < 0,0001) және периндоприл/индапамид тобының пайдасына тиісінше диастолалық артериялық қысым үшін -2,3 мм сын.бағ. (95% СА (-3,6,-0,9), p = 0,0004) құрады. Периндоприл: Периндоприл кез келген дәрежедегі: жеңіл, орташа және ауыр гипертензия кезінде тиімді. Систолалық және диастолалық артериялық қысымның төмендеуі жатқан және тұрған қалыпта байқалады. Гипертензияға қарсы әсері бір рет қабылдағаннан кейін 4–6 сағаттан соң ең жоғарғысына жетеді және 24 сағат бойы сақталады. 24 сағаттан кейін ангиотензин-өзгертуші ферменттің қалдық блокадасының жоғары дәрежесі байқалады, ол шамамен 80% құрайды. Емдеуге жауап берген пациенттерде артериялық қысымның қалыпқа келуіне бір айдан кейін қол жеткізіледі және тахифилаксиямен қатар жүрмейді. Емдеуді тоқтату гипертензия рикошетін туғызбайды. Периндоприл тамыр кеңейткіш әсерімен сипатталады және негізгі артериялардың серпінділігін, резистивті артериялардың гистоморфометриялық құрылымын қалпына келтіреді және сол жақ қарыншаның гипертрофиясының төмендеуіне әкеледі. Қажет болған жағдайда тиазидті диуретиктерді қосу аддитивті синергиялық әсерге әкеледі. Ангиотензин-өзгертуші фермент тежегішінің тиазидті диуретикпен біріктірілуі тек бір диуретикті қабылдаған кезде туындайтын гипокалиемия қаупін төмендетеді. Индапамид: Индапамид монотерапияда гипотензивті әсер көрсетеді, ол 24 сағат бойы сақталады. Бұл әсер индапамидтің диуретиктік әсері ең аз болатын дозаларда көрінеді. Оның гипертензияға қарсы әсері артериялардың серпінділігін жақсарту, ЖШТК және артериолдарға кедергісін төмендету қабілетіне пропорционалды. Индапамид сол жақ қарыншаның гипертрофиясын азайтады. Тиазидті және тиазид тәрізді диуретиктер белгілі бір дозада емдік әсердің платосына қол жеткізеді, ал жағымсыз әсерлері ұлғая береді. Егер ем тиімсіз болса, дозаны арттыруға болмайды. Бұдан басқа, гипертензиядан зардап шегетін пациенттерді қысқа мерзімді, орта мерзімді және ұзақ емдеуде индапамид: - липидтердің: триглицеридтер, ТТЛП холестерині және ТЖЛП холестерині метаболизміне әсер етпейтіні, - қантты диабеті мен гипертензиясы бар пациенттерде де көмірсулар алмасуына әсер етпейтіні көрсетілді. Клиникалық тиімділігі және қауіпсіздігі Ренин-ангиотензин-альдостерон жүйесінің (РААЖ) қосарлы блокадасы бойынша клиникалық зерттеу деректері: Екі ірі рандомизацияланған бақыланатын зерттеулер (ONTARGET (ONgoing Telmisartan Alone and in combination with Ramipril Global Endpoint Trial, Монотерапиядағы және рамиприлмен біріктірілген телмисартанның тиімділігімен салыстырғанда халықаралық зерттеу) және VA NEPHRON-D (Veterans Affairs Nephropathy in Diabetes, Ардагерлер істері бойынша министрлік жүргізетін диабеттік нефропатияны зерттеу) АӨФ тежегішін және ангиотензин ІІ рецепторларының блокаторын біріктіріп қолдануды зерттеуге арналған. ONTARGET зерттеуі анамнезінде жүрек-қантамыр немесе ми-тамырлық аурулары немесе нысана ағзаларының зақымдану белгілері бар 2 типті қант диабеті бар пациенттер арасында жүргізілді. VA NEPHRON-D зерттеуі 2 типті қант диабеті және диабеттік нефропатиясы бар пациенттерде жүргізілді. Осы зерттеулердің деректері бүйрек және/немесе жүрек-қантамыр нәтижелері мен өлімге қатысты маңызды қолайлы әсердің жоқтығын және сонымен бірге монотерапиямен салыстырғанда гиперкалиемияның, бүйректің жедел жеткіліксіздігінің және/немесе гипотензияның жоғары даму қаупінің болуын көрсетті. Ұқсас фармакодинамикалық қасиеттерін ескере отырып, алынған нәтижелер сондай-ақ басқа да АӨФ тежегіштеріне және ангиотензин II рецепторларының блокаторларына қолданылады. Демек, диабеттік нефропатиясы бар пациенттерге АӨФ тежегіштерін және ангиотензин II рецепторларының блокаторларын бір мезгілде тағайындауға болмайды. ALTITUDE зерттеуі (Aliskiren Trial in Type 2 Diabetes Using Cardiovascular and Renal Disease Endpoints, 2 типті қант диабеті бар пациенттерде жүрек-қантамыр және бүйрек асқынулары қаупін төмендетудегі алискиреннің артықшылықтарын зерттеу) 2 типті қант диабеті және созылмалы бүйрек ауруы және/немесе жүрек-қантамыр ауруы бар пациенттерде АӨФ тежегішімен немесе ангиотензин II рецепторларының блокаторымен стандартты емге алискиренді қосу артықшылықтарын зерттеуге арналды. Зерттеу жағымсыз нәтижелердің даму қаупі жоғары болғандықтан мерзімінен бұрын тоқтатылды. Жүрек-қантамыр ауруларынан болатын өлім және инсульт плацебо тобымен салыстырғанда алискирен тобында жиі кездесті, жағымсыз құбылыстар және ерекше қызығушылық тудыратын күрделі жағымсыз құбылыстар (гиперкалиемия, гипотензия және бүйрек функциясының бұзылуы), сондай-ақ плацебо тобына қарағанда алискирен тобында жиі тіркелді. Балалар Стопресс Инда балаларда қолдану жөнінде деректер жоқ.

Дозалау режимі Стопресс Инда бір таблеткасы, 8мг+2.5 мг тәулігіне бір рет. Пациенттердің ерекше топтары Балалар Стопресс Инда препаратының балалар мен жасөспірімдердегі қауіпсіздігі мен тиімділігі анықталмаған. Деректер жоқ. Стопресс Инданы балалар мен жасөспірімдерге тағайындауға болмайды. Егде жастағы пациенттер Егде жастағы пациенттерде плазмадағы креатинин мөлшерінің көрсеткіштерін жасы, дене салмағы және жынысы ескеріле отырып түзетеді. Емдеуді қалыпты бүйрек функциясы кезінде және артериялық қысым тарапынан емге жауап беруді ескере отырып бастаған жөн. Бауыр жеткіліксіздігі бар пациенттер Препаратты бауыр функциясының ауыр бұзылуында қолдануға болмайды. Орташа ауырлық дәрежесіндегі бауыр функциясының бұзылуы бар пациенттерге дозаны түзету қажет емес. Бүйрек жеткіліксіздігі бар пациенттер Орташа және ауыр дәрежеде бүйрек функциясының бұзылуы кезінде (креатинин клиренсі 60 мл/мин төмен) препаратты қолдануға болмайды. Келесі бақылау кезінде креатинин мен калий деңгейін жиі бақылау қажет. Енгізу әдісі және жолы Ішке қабылдауға арналған Қабылдау уақыты көрсетілген қолдану жиілігі Тәулігіне бір рет, дұрысы таңертеңгі астың алдында.

Стопресс Инда препаратымен байланысты: • әсер етуші заттарға немесе қосымша заттардың кез келгеніне жоғары сезімталдық Емдік тәжірибенің жеткіліксіздігіне байланысты, Стопресс Инданы мыналарға тағайындамау керек: • диализде жүрген пациенттерге • декомпенсация сатысындағы емделмеген жүрек жеткіліксіздігі бар пациенттерге Периндоприлмен байланысты: • әсер етуші затқа немесе АӨФ басқа тежегіштеріне аса жоғары сезімталдық • анамнезде АӨФ тежегішін қабылдаумен байланысты ангионевроздық ісіну (Квинке ісінуі) • тұқым қуалайтын/идиопатиялық ангионевроздық ісіну • жүктіліктің екінші және үшінші триместрі • қант диабеті бар немесе бүйрек функциясы бұзылған (ШСЖ < 60 мл/мин/1,73 м²) пациенттерде Стопресс Инданы алискиренге негізделген препараттармен бір мезгілде қолдану • сакубитрилмен/валсартанмен емдеуде бір мезгілде қолдану. Сакубитрил/валсартанның соңғы дозасын қабылдау мен Стопресс Инда препаратымен емдеуді бастау арасында кемінде 36 сағат аралықты сақтау қажет • қанның теріс зарядталған беткейлермен жанасуына әкелетін экстракорпоральді емшаралар • бүйрек артерияларының айқын екі жақты стенозы немесе қызмет атқарып тұрған жалғыз бүйрек артериясының стенозы Индапамидпен байланысты: • әсер етуші затқа немесе басқа сульфонамидтерге аса жоғары сезімталдық • бүйрек функциясының орташа және ауыр бұзылуы (креатинин клиренсі минутына 60 мл-ден төмен) • бауыр энцефалопатиясы • бауыр функциясының ауыр бұзылуы • гипокалиемия

Периндоприлге жағымсыз реакциялар Жиі • Бас айналуы • Бас ауыруы • Парестезия • Дәм сезудің бұзылуы • Көрудің бұзылулары • Вертиго • Құлақтың шыңылдауы • Гипотензия (және онымен байланысты құбылыстар) • Жөтел • Ентігу • Іштің ауыруы • Іш қату • Диарея • Диспепсия • Жүрек айну • Құсу • Қышыну • Бөртпе • Бұлшықет түйілуі • Астения Жиі емес • Эозинофилия* • Гипогликемия* • Гиперкалиемия, емдеуді тоқтатудан кейін қайтымды * • Гипонатриемия* • Көңіл-күйдің құбылуы • Депрессия • Ұйқының бұзылулары • Ұйқышылдық* • Естен тану* • Жүрек қағуын сезіну* • Тахикардия* • Васкулит* • Бронх түйілуі • Ауыздың құрғауы • Есекжем • Ангионевроздық ісіну • Гипергидроз • Фотосезімталдық реакциялары* • Пемфигоид* • Артралгия* • Миалгия* • Бүйрек жеткіліксіздігі • Эректильді дисфункция • Кеуденің ауыруы* • Жалпы әлсіздік* • Шеткері ісіну* • Гипертермия* • Қандағы мочевина деңгейінің жоғарылауы* • Қандағы креатинин деңгейінің жоғарылауы* • Құлау* Сирек • Антидиуретикалық гормон секрециясының талапқа сай болмау синдромы (SIADH) • Ысыну* • Псориаздың өршуі* • Анурия/олигурия* • Бүйректің жедел жеткіліксіздігі • Қандағы билирубин деңгейінің жоғарылауы • Бауыр ферменттері белсенділігінің жоғарылауы Өте сирек • Ринит • Агранулоцитоз • Панцитопения • Лейкопения • Нейтропения • Гемолиздік анемия • Тромбоцитопения • Сананың шатасуы • Жоғары қауіп тобының пациенттерінде АҚ шамадан тыс төмендеуімен байланысты болуы мүмкін инсульт • Стенокардия • Аритмиялар (оның ішінде брадикардия, вентрикулярлық тахикардия және жыпылықтағыш аритмия) • Қауіп тобының пациенттерінде АҚ шамадан тыс төмендеуімен байланысты болуы мүмкін миокард инфарктісі • Эозинофильді пневмония • Панкреатит • Гепатит • Мультиформалы эритема • Гемоглобин мен гематокрит деңгейінің төмендеуі Белгісіз (қолда бар деректердің негізінде баға беру мүмкін емес) • Рейно синдромы Индапамидке жағымсыз реакциялар Жиі • Жоғары сезімталдық реакциялары (аллергиялық және демікпелік реакцияларға бейім пациенттерде, негізінен дерматологиялық сипаттағы) • Гипокалиемия • Макулопапулезді бөртпе Жиі емес • Гипонатриемия • Құсу • Пурпура • Эректильді дисфункция Сирек • Гипохлоремия • Гипомагниемия • Бас ауыруы • Парестезия • Вертиго • Іш қату • Жүрек айну • Ауыздың құрғауы • Шаршағыштық Өте сирек • Агранулоцитоз • Аплазиялық анемия • Лейкопения • Гемолиздік анемия • Тромбоцитопения • Гиперкальциемия • Аритмиялар (оның ішінде брадикардия, вентрикулярлық тахикардия және жыпылықтағыш аритмия) • Гипотензия (және онымен байланысты құбылыстар)2 • Панкреатит • Бауыр функциясының бұзылуы • Есекжем • Ангионевроздық ісіну • Уытты эпидермалық некролиз • Стивенс-Джонсон синдромы • Бүйрек жеткіліксіздігі Белгісіз (қолда бар деректердің негізінде баға беру мүмкін емес) • Естен тану • Бауыр жеткіліксіздігі жағдайында бауырлық энцефалопатияның даму ықтималдығы • Көрудің бұзылулары • Миопия • Анық көрмеу • Жедел жабықбұрышты глаукома • Хориоидальді жалқық • «Пируэт» типті қарыншалық тахикардия (өліммен аяқталуы мүмкін) • Гепатит • Фотосезімталдық реакциялары • Бұлшықет түйілуі • Бұрыннан бар жедел жүйелі қызыл жегі ықтимал нашарлауы мүмкін • Миалгия • Бұлшықет әлсіздігі • Рабдомиолиз • Бауыр ферменттері белсенділігінің жоғарылауы • Қандағы глюкоза деңгейінің жоғарылауы • Қандағы несеп қышқылы деңгейінің жоғарылауы • Электрокардиограммада QT аралығының ұзаруы * Кездейсоқ мәлімдемелерде тіркелген жағымсыз құбылыстар үшін жиілігі клиникалық сынақтардың деректері бойынша есептелді. Жекелеген жағымсыз реакциялардың сипаттамасы: Индапамидті 1,5 мг және 2,5 мг дозаларда салыстыратын II және III фазадағы зерттеу кезінде, қан сарысуындағы калий талдауы индапамидтің дозаға тәуелді әсерін көрсетті: Индапамид 1,5 мг: 4–6 апта емдеуден кейін 10% пациентте сарысудағы < 3,4 ммоль/л калий деңгейі және 4% пациентте < 3,2 ммоль/л байқалды. 12 апта емдеуден кейін сарысудағы калий деңгейінің орташа төмендеуі 0,23 ммоль/л құрады. Индапамид 2,5 мг: 4–6 апта емдеуден кейін 25% пациентте сарысудағы < 3,4 ммоль/л калий деңгейі және 10% пациентте < 3,2 ммоль/л байқалды. 12 апта емдеуден кейін сарысудағы калий деңгейінің орташа төмендеуі 0,41 ммоль/л құрады. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары Артық дозаланған жағдайда анағұрлым ықтимал жағымсыз реакция гипотензия болып табылады, кейде жүрек айнуы, құсу, құрысулар, бас айналу, ұйқышылдық, сананың шатасуы, анурияға дейін олигуриямен қатар жүреді (гиповолемия салдарынан). Су-электролиттік теңгерімнің бұзылуы (натрийдің төмен деңгейі, калийдің төмен деңгейі) байқалуы мүмкін. Емі Алғашқы көмек шаралары қабылданған препаратты (-тарды) асқазанды шаю және/немесе белсендірілген көмірді қабылдау арқылы тез шығаруға, содан кейін мамандандырылған стационар жағдайында су-электролиттік теңгерімді қалпына келтіруге бағытталған. Қатты гипотензия жағдайында пациентті басын дененің деңгейінен төменірек етіп, шалқасынан жатқызу керек. Қажет болған жағдайда изотониялық физиологиялық ерітіндінің венаішілік инфузиясын жүргізуге немесе басқа әдіспен АҚК ұлғайтуға болады. Периндоприлат, периндоприлдің белсенді түрі, диализбен шығарылады. Дәрілік препараттың бір немесе бірнеше дозаларын өткізіп алғанда қажет болатын шаралар Өткізіп алған дозаның орнын толтыру үшін қосырлы дозаны қабылдамаңыз.

Периндоприл мен индапамид үшін ортақ: Литий Литийді және периндоприл мен индапамид біріктірілімін бірге қолдану әдетте ұсынылмайды. Периндоприлмен байланысты: Ренин-ангиотензин-альдостерон жүйесінің (РААЖ) қосарлы блокадасы АӨФ тежегіштерін және ангиотензин II рецепторларының блокаторларын немесе алискиренді бір мезгілде қолдану гипотензияның, гиперкалиемияның және бүйрек функциясы төмендеуінің (бүйректің жедел жеткіліксіздігіне дейін) қаупін арттыратыны дәлелденген. Сондықтан АӨФ тежегіштерін, ангиотензин II рецепторларының блокаторларын немесе алискиренді біріктіріп қолдану жолымен РААЖ қосарлы блокадасы ұсынылмайды. Егер қосарлы блокада абсолютті түрде қажет болса, оны тек маманның қадағалауымен ғана және бүйрек функциясына, электролиттер деңгейіне және артериялық қысымға жиі мұқият мониторинг жағдайында ғана жүргізген жөн. Диабеттік нефропатиясы бар пациенттерге АӨФ тежегіштерін және ангиотензин II рецепторларының блокаторларын бір мезгілде тағайындауға болмайды. Калий жинақтаушы препараттар, калий қоспалары және құрамында калий тұздары бар алмастырғыштар Әдетте периндоприлді калий жинақтаушы диуретиктермен, калий қоспаларымен және құрамында калий тұздары бар алмастырғыштармен біріктіру ұсынылмайды. Нейтропения/ агранулоцитоз/ тромбоцитопения/ анемия АӨФ тежегіштерін қабылдау аясында нейтропения, агранулоцитоз, тромбоцитопения және анемия байқалды. Бүйрек функциясы қалыпты пациенттерде басқа асқыну факторлары болмаған кезде нейтропения сирек дамиды. Периндоприлді дәнекер тінінің аурулары бар пациенттерде, иммунодепрессанттарды, аллопуринолды немесе прокаинамидті қабылдаған кезде немесе осы ауырлатушы факторлар үйлескен кезде, әсіресе егер анамнезінде бүйрек функциясының бұзылуы болса, аса сақтықпен қолданған жөн. Бұл пациенттердің кейбіреулерінде ауыр инфекциялар дамыды, олар кейбір жағдайларда антибиотиктермен қарқынды емдеуден жазылмады. Егер мұндай пациенттер периндоприл қабылдаса, лейкоциттік формулаға мезгіл-мезгіл талдау жүргізу ұсынылады, ал пациенттерге инфекцияның кез келген белгілері (тамақтың ауыруы, қызба) туралы хабарлау қажеттігі жөнінде нұсқау беру керек. Вазоренальді гипертензия Бүйрек артериясының екі жақты стенозы немесе жұмыс істейтін жалғыз бүйрек артериясының стенозы бар пациенттерде АӨФ тежегіштерін қолдану кезінде гипотензия және бүйрек жеткіліксіздігі қаупі жоғарылайды. Диуретиктер бұл жағдайды ушықтыруы мүмкін. Бүйрек функциясының төмендеуі тіпті бүйрек артериясының біржақты стенозы бар пациенттерде де өзінде креатининнің сарысулық концентрациясының елеусіз өзгерістерімен ғана көрініс беруі мүмкін. Жоғары сезімталдық реакциялары / ангионевроздық ісіну Ангиотензин- өзгертуші фермент тежегіштерін, оның ішінде периндоприлді қабылдау аясында сирек жағдайларда беттің, аяқ-қолдың, еріннің, тілдің, дауыс саңылауының және/немесе көмейдің ангионевроздық ісінуі байқалды. Ол емдеу кезеңінде кез келген уақытта дамуы мүмкін. Мұндай жағдайларда периндоприл қабылдауды дереу тоқтату, пациентті ауруханаға жатқызу және барлық симптомдар пациентті шығару сәтінде шешілгеніне көз жеткізу үшін тиісті мониторингті бастау керек. Бет пен еріннің ісінуі әдетте емдемей-ақ өтеді, бірақ симптомдарды жеңілдету үшін антигистаминді дәрілер қолданылуы мүмкін. Көмейдің ісінуімен қатар жүретін ангионевроздық ісіну өлімге әкелуі мүмкін. Тілдің, көмейдің немесе дауыс саңылауының қамтылуы тыныс алу жолдарының өткізгіштігінің бұзылуына әкеліп соғуы мүмкін, бұл жағдайда дереу тиісті емді бастау керек, 1:1000 (0,3 мл - 0,5 мл) сұйылтумен адреналин ерітіндісін тері астына инъекциялау және/немесе тыныс алу жолдарының өткізгіштігін қамтамасыз ету үшін шаралар қабылдау керек. АӨФ тежегіштерін қабылдайтын қара нәсілді пациенттерде ангионевроздық ісіну басқа нәсілдердің өкілдеріне қарағанда жиі байқалды. Анамнезінде АӨФ тежегіштерін қолданумен байланысты емес ангионевроздық ісінуі бар пациенттерде АӨФ тежегіштерін қабылдау кезінде оның даму қаупі артады. Сирек жағдайларда АӨФ тежегіштерін қабылдаған пациенттерде ішектің ангионевроздық ісінуі байқалды. Пациенттер іштің ауыруына шағымданды (жүрек айнуымен немесе құсумен немесе оларсыз); кейбір жағдайларда беттің ангионевроздық ісінуі анамнезінде болмаған және C-1 эстераза деңгейі қалыпты болған. Ангионевроздық ісіну диагнозы КТ немесе іштің УДЗ негізінде немесе хирургиялық араласым кезінде қойылды, ал симптомдары АӨФ тежегішін қабылдауды тоқтатқаннан кейін жоғалды. Ішектің ангионевроздық ісінуін іштің ауыруына шағымданған АӨФ тежегіштерін қабылдайтын пациенттерде дифференциалды диагностика жүргізу кезінде ескеру керек. Ангионевроздық ісіну қаупінің жоғарылауына байланысты периндоприлді сакубитрилмен және валсартанмен біріктіруге болмайды. Периндоприлдің соңғы дозасын қабылдау мен сакубитрилмен және валсартанмен емдеуді бастау арасындағы аралық кемінде 36 сағатты құрауы тиіс. Сакубитрилмен және валсартанмен емдеу тоқтатылған кезде сакубитрил мен валсартанның соңғы дозасын қабылдау мен периндоприлмен емдеудің басталуы арасында кемінде 36 сағат аралықты сақтау қажет. АӨФ тежегіштері мен NEP бейтарап эндопептидаза тежегіштерін (мыс., рацекадотрил), mTOR тежегіштерін (мыс., сиролимус, эверолимус, темсиролимус) және глиптиндерді (мыс., линаглиптин, саксаглиптин, ситаглиптин, вилдаглиптин) бір мезгілде қолдану ангионевроздық ісіну (тыныс алу жолдарының немесе тілдің, тыныс алу бұзылыстарымен бірге немесе онсыз ісінуі) қаупін арттыруы мүмкін. Осыған байланысты рацекадотрилді, mTOR тежегіштерін (мыс., сиролимус, эверолимус, темсиролимус) және глиптиндерді (мыс., линаглиптин, саксаглиптин, ситаглиптин, вилдаглиптин) АӨФ тежегішін қабылдайтын пациенттерге тағайындар алдында пайда мен қауіп арақатынасын мұқият таразылау қажет. Десенситизация кезіндегі анафилактоидты реакциялар Жарғақ қанатты жәндіктердің (ара, сона) уымен десенсибилизациялайтын ем кезінде АӨФ тежегіштерін қабылдағанда тұрақты, өмірге қауіп төндіретін анафилактоидты реакциялардың дамуы туралы жеке хабарламалар бар. АӨФ тежегіштерін десенситизацияны жүргізу кезінде аллергияға бейім пациенттердің сақтықпен қабылдауы және умен иммунотерапиядан өтетіндердің толығымен бас тартуы керек. Дегенмен, бұл реакцияларды десенситизация жүргізілуі тиіс және АӨФ тежегіштері пайдаланылуы қажет пациенттерде емшараға дейін кемінде 24 сағат бұрын АӨФ тежегішін уақытша тоқтата отырып, болдырмауға болады. ТТЛП аферезі кезіндегі анафилактоидты реакциялар Сирек жағдайларда АӨФ тежегіштерін қабылдаған пациенттерде декстран сульфатын қолдана отырып тығыздығы төмен липопротеиндер (ТТЛП) аферезі кезінде өмірге қауіп төндіретін анафилактоидты реакциялар дамыды. Мұндай реакциялардың алдын алу үшін аферездің әрбір емшарасы алдында АӨФ тежегіштерін қабылдауды уақытша тоқтату керек. Гемодиализдегі пациенттер АӨФ тежегіштерін қабылдайтын пациенттерде жоғары ультрафильтрациялық белсенділігі бар (AN 69®) жарғақшаларды қолдана отырып гемодиализ жүргізген кезде анафилаксиялық реакциялар байқалды. Бұл пациенттерде диализ үшін жарғақшаның басқа түрін немесе гипертензияға қарсы дәрінің басқа класын пайдалану керек. Бастапқы гиперальдостеронизм Ренин-ангиотензин жүйесін бәсеңдететін гипертензияға қарсы препараттар, әдетте, бастапқы гиперальдостеронизмі бар пациенттерде тиімсіз. Осыған байланысты бұл препаратты қолдану ұсынылмайды. Жүктілік Жүктілік кезінде АӨФ тежегіштерін қабылдауды бастауға болмайды. Егер АӨФ тежегіштерімен емді жалғастыру аса қажет болмаса, жүктілікті жоспарлау кезінде пациент әйелді жүктілік кезінде пайдалануға арналған қауіпсіздік бейіні белгіленген баламалы гипотензивті дәрілерге ауыстыру керек. Жүктілік басталған кезде АӨФ тежегіштерімен емдеуді дереу тоқтату және қажет болған жағдайда баламалы емді таңдау керек. Индапамидпен байланысты: Бауыр энцефалопатиясы Бауыр функциясының бұзылуында тиазидтік және тиазид тәрізді диуретиктерді қабылдау, әсіресе электролиттердің теңгерімі бұзылған жағдайда, бауыр энцефалопатиясын тудыруы мүмкін, бұл үдей отырып бауыр комасына әкелуі мүмкін. Бұл жағдайда диуретикті қабылдауды дереу тоқтату керек. Фотосезімталдық Тиазидті және тиазид тәрізді диуретиктерді пайдалану кезінде фотосезімталдық жағдайлары байқалды. Егер емдеу кезінде фотосезімталдық реакциясы байқалса, емдеуді тоқтату ұсынылады. Қажет болған жағдайда диуретикпен емдеуді жалғастыру үшін, дененің ашық жерлерін күн сәулесі мен А типті жасанды ультракүлгін сәулеленуден қорғау ұсынылады. Периндоприл мен индапамид үшін ортақ: Бүйрек функциясының бұзылуы Бүйрек функциясы орташа және ауыр дәрежеде бұзылған кезде (креатинин клиренсі < 60 мл/мин) препаратты қолдануға болмайды. Бүйрек функциясының алдыңғы айқын бұзылуынсыз гипертензиясы бар кейбір пациенттерде емдеу аясында функциялыққ бүйрек жеткіліксіздігінің зертханалық белгілері пайда болуы мүмкін. Бұл жағдайда препаратпен емдеуді тоқтату керек. Бұдан әрі емдеуді аз дозада немесе препараттың бір компонентімен қайта бастауға болады. Бұл пациенттерге 15 күн емдеуден кейін, содан соң емдік тұрақтылық кезеңі ішінде екі айда бір рет калий және креатинин деңгейін жиі бақылау қажет. Бүйрек жеткіліксіздігі негізінен жүректің ауыр жеткіліксіздігі немесе бұрыннан бүйрек функциясының бұзылулары бар пациенттерде, оның ішінде бүйрек артериясының стенозы кезінде байқалды. Әдетте препарат бүйрек артерияларының екіжақты стенозы немесе жұмыс істейтін жалғыз бүйрек болған жағдайда ұсынылмайды. Гипотензия және су-электролиттік бұзылулар Бұрыннан бар натрий мөлшерінің төмендеуі аясында кенеттен болатын гипотензия қаупі бар (әсіресе бүйрек артериясының стенозы бар пациенттерде). Осыған байланысты диарея немесе құсу аясында болуы мүмкін сусызданудың және электролиттер мөлшерінің төмендеуінің клиникалық белгілерінің болуын жүйелі тексеру керек. Мұндай пациенттерде плазмадағы электролиттер деңгейін үнемі бақылау қажет. Елеулі гипотензия кезінде изотониялық физиологиялық ерітіндінің вена ішіне инфузиясы қажет болуы мүмкін. Өтпелі гипотензия емді жалғастыру үшін қарсы көрсетілімге жатпайды. Айналымдағы қанның қанағаттанарлық көлемін және артериялық қысымды қалпына келтіргеннен кейін емдеуді төменірек дозада немесе тек бір компонентпен қайта бастауға болады. Калий деңгейі Периндоприлдің индапамидпен біріктірілуі, әсіресе диабеті немесе бүйрек жеткіліксіздігі бар пациенттерде гипокалиемияның дамуына кедергі бола алмайды. Диуретик негізіндегі кез келген гипертензияға қарсы препаратты қолданған жағдайдағыдай, плазмадағы калий деңгейін үнемі бақылау керек. Периндоприлмен байланысты: Жөтел Ангиотензин-өзгертуші фермент тежегіштерін пайдалану кезінде құрғақ жөтел байқалды. Ол тұрақты сипатқа ие болды және емдеуді тоқтату кезінде басылды. Бұл симптомның этиологиясы емқателіктік болуы мүмкін. Егер ангиотензин- өзгертуші фермент тежегішін тағайындау қажет болса, емдеуді жалғастыруға болады. Балалар мен жасөспірімдер Балалар мен жасөспірімдерде монотерапияда немесе біріктірілімде периндоприлдің қауіпсіздігі мен тиімділігі анықталмаған. Артериялық гипотензия және/немесе бүйрек жеткіліксіздігі қаупі (жүрек жеткіліксіздігі, су-электролиттік бұзылулар және т. б. жағдайда) Су мен электролиттерді едәуір жоғалту кезінде (қатаң тұзсыз диета немесе диуретиктермен ұзақ уақыт емдеу), әсіресе бастапқы артериялық қысымы төмен пациенттерде, бүйрек артериясының стенозында, жүректің іркілістік жеткіліксіздігінде немесе ісінулермен және асцитпен қатар жүретін бауыр циррозы кезінде ренин-ангиотензин-альдостерон жүйесінің айқын стимуляциясы жүреді. Демек, ренин-ангиотензин-альдостерон жүйесінің бәсеңдеуі АӨФ тежегіштерін қабылдағанда, әсіресе бірінші тағайындағанда және емдеудің алғашқы екі аптасы ішінде артериялық қысымның кенеттен төмендеуіне және/немесе қан плазмасындағы креатинин мөлшерінің артуына әкелуі мүмкін, бұл функциялық бүйрек жеткіліксіздігін білдіреді. Жекелеген, бірақ өте сирек жағдайларда мұндай бұзылыстар жедел дамиды және үдерістің басталуын болжау қиын. Мұндай жағдайларда емдеуді неғұрлым төмен дозамен біртіндеп ұлғайта отырып, жаңарту керек. Егде жастағы пациенттер Ем басталғанға дейін бүйрек функциясы мен калий деңгейін зерттеу керек. Бастапқы дозаны кенеттен гипотензияның дамуын болдырмау үшін артериялық қысымның төмендеу дәрежесіне байланысты, әсіресе су-электролиттік бұзылулар болған кезде түзетеді. Атеросклероз Гипотензия қаупі барлық пациенттерде бар, бірақ препаратты жүректің ишемиялық ауруы немесе ми қанайналымының жеткіліксіздігі бар пациенттерде аса сақтықпен қолдану керек. Оларды емдеуді төмен дозадан бастаған жөн Вазоренальді гипертензия Вазоренальді гипертензияны емдеу реваскуляризациядан тұрады. Дегенмен, ангиотензин-өзгертуші фермент тежегіштері реконструктивтік операцияны күтетін вазоренальді гипертензиясы бар пациенттерде немесе мұндай операция мүмкін болмаған жағдайда тиімді болуы мүмкін. Стопресс Инда бүйрек артериясының анықталған стенозы бар немесе сондай диагнозға күдік тудырған пациенттерге жарамсыз, себебі емдеуді стационарда Стопресс Инданың бір таблеткасындағыдан төменірек дозадан бастау керек. Жүрек жеткіліксіздігі/ жүректің ауыр жеткіліксіздігі Жүректің ауыр жеткіліксіздігі бар (IV дәрежелі) пациенттерде Стопресс Инда препараты жарамайды, өйткені емдеуді медициналық бақылаумен төмен дозадан бастау керек. Гипертензиясы және коронарлық жеткіліксіздігі бар пациенттерде бета-блокаторлармен емдеуді тоқтатпау керек: АӨФ тежегіштерін бета-блокаторларға қосады. Қант диабеті бар науқастар Инсулинге тәуелді диабетімен (калий мөлшерінің өздігінен жоғарылау үрдісі) ауыратын пациенттерге Стопресс Инда препараты жарамайды, өйткені емдеуді медициналық бақылаумен төмен дозадан бастау керек. Бұрын пероральді диабетке қарсы препараттарды немесе инсулин қабылдаған диабетпен ауыратын науқастарда қандағы қант деңгейін, әсіресе АӨФ тежегішімен емдеудің бірінші айы ішінде мұқият бақылау керек. Этностық айырмашылықтар Басқа да ангиотензин-өзгертуші фермент тежегіштері сияқты, периндоприл басқа нәсіл өкілдеріне қарағанда қара нәсіл өкілдерінде артериялық қысымды төмендетуде тиімділігі аз, бұл артериялық қысымы жоғары қара нәсілді пациенттер популяциясында ренин белсенділігінің төмендігі жиі байқалатынының салдарынан болуы мүмкін. Хирургиялық араласым /жалпы анестезия Ангиотензин- өзгертуші фермент тежегіштері жалпы анестезияны жүргізу кезінде гипотензияға әкелуі мүмкін, әсіресе егер пайдаланылатын анестетик гипотензивті әлеуетке ие болса. Сондықтан периндоприл сияқты ұзақ әсер ететін АӨФ тежегіштерін қабылдауды мүмкіндігінше хирургиялық операциядан бір күн бұрын тоқтату ұсынылады. Қолқа немесе митраль қақпақшасының стенозы/гипертрофиялық кардиомиопатия Сол жақ қарыншаның шығу жолының обструкциясы бар пациенттерде АӨФ тежегіштерін қолданған кезде сақ болу керек. Бауыр функциясының бұзылуы Сирек жағдайларда АӨФ тежегіштерін қабылдау холестаздық сарғаюдан басталатын және бауырдың фульминантты некрозына дейін үдейтін және (кейде) өліммен аяқталатын синдроммен қатар жүреді. Бұл синдромның даму механизмі белгісіз. АӨФ тежегіштерін қабылдайтын пациенттерде сарғаю дамыған кезде немесе бауыр ферменттері белсенділігінің едәуір артуы кезінде АӨФ тежегіштерін қабылдауды тоқтату және тиісті медициналық тексеру жүргізу керек. Гиперкалиемия АӨФ тежегіштерін, оның ішінде периндоприл қабылдаған кейбір пациенттерде сарысудағы калий деңгейінің жоғарылауы байқалды. АӨФ тежегіштері гиперкалиемияны тудыруы мүмкін, өйткені олар альдостерон секрециясын тежейді. Бұл әсер әдетте бүйрек функциясы қалыпты пациенттерде елеусіз болады. Гиперкалиемияның қауіп факторларына бүйрек жеткіліксіздігі, бүйрек функциясының нашарлауы, жас (> 70 жас), қант диабеті, қатар жүретін құбылыстар, атап айтқанда сусыздану, жүрек қызметінің жедел декомпенсациясы, метаболизмдік ацидоз және калий жинақтайтын диуретиктерді (спиронолактон, эплеренон, триамтерен, амилорид т.б.), калий препараттарын немесе құрамында калий бар тұз алмастырғыштарды бір мезгілде қабылдау, сондай-ақ сарысудағы калий деңгейінің жоғарылауын туындататын басқа да дәрілік препараттарды (гепариндер, триметоприм/сульфаметоксазол ретінде де белгілі ко-тримоксазол, АӨФ басқа да тежегіштерін, ангиотензин II рецепторларының антагонистерін, ацетилсалицил қышқылын 3 г/тәу., ЦОГ-2 тежегіштерін және селективті емес ҚҚСП, циклоспорин немесе такролимус, триметоприм сияқты иммунодепрессиялық препараттарды), әсіресе альдостерон антагонистері немесе ангиотензин рецепторларының блокаторларын қабылдау жатады. Калий препараттарын, калий жинақтаушы диуретиктерді немесе құрамында калий тұздары бар алмастырғыштарды пайдалану, әсіресе бүйрек функциясы бұзылған пациенттерде сарысудағы калий деңгейінің едәуір артуына әкелуі мүмкін. Гиперкалиемия күрделі, кейде өлімге әкелуі мүмкін аритмиялар тудыруы мүмкін. Калий жинақтайтын диуретиктерді және ангиотензин рецепторларының блокаторларын АӨФ тежегіштерін қабылдайтын пациенттерде сақтықпен қолдану керек; бұл ретте қан сарысуындағы калий деңгейіне және бүйрек функциясына мониторинг жүргізу қажет. Препаратты жоғарыда аталған дәрілермен бір мезгілде қолдану қажет болған жағдайда оларды сарысудағы калий деңгейін жиі бақылай отырып сақтықпен қабылдау керек. Индапамидпен байланысты: Су-электролиттік теңгерім Натрий деңгейі Емдеу басталғанға дейін натрий мөлшеріне бағалау жүргізу қажет, одан әрі мұндай зерттеулер жүйелі түрде жүргізілуі тиіс. Натрий деңгейінің бастапқы төмендеуі симптомсыз өтуі мүмкін, сондықтан тұрақты бақылау қажет. Егде жастағы пациенттерде және бауыр циррозы бар пациенттерде бақылау жиі-жиі жүргізілуі тиіс. Барлық диуретиктер гипонатриемияға әкелуі мүмкін, кейде өте күрделі салдары болады. Гиповолемиямен гипонатриемия сусыздануға және ортостаздық гипотензияның дамуына әкелуі мүмкін. Хлор иондарының қатарлас жоғалуы салдарлы компенсаторлық метаболизмдік алкалоз тудыруы мүмкін: бұл әсердің пайда болу жиілігі мен айқындылығы елеусіз. Калий деңгейі Тиазидті және тиазид тәрізді диуретиктерді қабылдаудағы негізгі қауіп калий тапшылығына және тиісінше гипокалиемияға негізделген. Гипокалиемия бұлшықеттің бұзылыстарын туғызуы мүмкін. Рабдомиолиз жағдайлары туралы, негізінен ауыр гипокалиемия аясында хабарланды. Егде жастағы және/немесе жүдеген адамдар (политерапияға қарамастан), ісінулермен және асцитпен қатар жүретін циррозбен ауыратын пациенттер, жүректің ишемиялық ауруы және жүрек жеткіліксіздігі бар пациенттер сияқты жоғары қауіп тобындағы пациенттерде калий деңгейінің (<3,4 ммоль/л) төмендеуін болдырмау керек. Мұндай жағдайларда гипокалиемия жүрек гликозидтерінің уыттылығын күшейтеді және аритмияның даму қаупін арттырады. QT аралығының туа біткен немесе емқателіктік ұлғаюы бар пациенттер қауіп тобына жатады. Брадикардия сияқты гипокалиемия да жүрек ырғағының ауыр бұзылуларын, атап айтқанда «пируэт» түріндегі полиморфты қарыншалық тахикардияны дамыту үшін қауіп факторы болып табылады, ол өлімге әкелуі мүмкін. Барлық жағдайларда калий деңгейін анықтауды жиі жүргізу қажет. Плазмадағы калий деңгейін бірінші талдауды емдеу басталғаннан кейін бірінші апта ішінде жүргізу керек. Калийдің төмен көрсеткіштері анықталған жағдайда осы жағдайға түзету жүргізу қажет. Кальций деңгейі Тиазидті және тиазид тәрізді диуретиктер кальцийдің несеппен шығарылуын азайтуға қабілетті, бұл плазмадағы кальций концентрациясының уақытша және елеусіз артуына әкеледі. Кальций деңгейінің едәуір артуы диагностикаланбаған гиперпаратиреозбен байланысты болуы мүмкін. Мұндай жағдайларда емдеуді қалқанша без функциясын зерттегенге дейін тоқтату керек. Плазмадағы магний деңгейі Тиазидтер және тектес диуретиктер, индапамидті қоса, магнийдің несеппен экскрециясын ұлғайтатыны көрсетілді, бұл гипомагниемияға әкелуі мүмкін. Қандағы глюкоза мөлшері Диабеті бар пациенттерде, әсіресе калий деңгейі төмен болғанда, қандағы глюкоза деңгейін бақылау қажет. Несеп қышқылы Құрамында несеп қышқылы жоғары пациенттерде подагра ұстамаларының ықтималдығы жоғарылайды. Бүйрек функциясы және диуретиктер Тиазидті және тиазид тәрізді диуретиктер бүйрек функциясы қалыпты жағдайда немесе тек сәл төмендеген жағдайларда ғана толық мөлшерде тиімді (ересектердегі креатинин деңгейі шамамен 25 мг/л төмен, яғни 220 мкмоль/л). Егде адамдарда плазмадағы креатинин деңгейінің көрсеткіштерін Кокрофт формуласы бойынша жасына, салмағына және жынысына қарай түзетумен есептеу керек: clcr = (140 - жас) x дене салмағы / 0,814 x плазмадағы креатинин деңгейі, мұнда: жасы жылдармен көрсетіледі, дене салмағы – килограммен, плазмадағы креатинин деңгейі – литрге микромолдармен. Бұл формула егде жастағы пациент ер адамға есептелген және әйелге бейімдеу үшін нәтижені 0,85-ке көбейту керек. Диуретиктермен емдеудің басында су мен натрийдің жоғалуы салдарынан дамыған гиповолемия шумақшалық сүзілудің төмендеуіне әкеледі. Бұл қандағы несеп және креатинин деңгейінің жоғарылауын туғызуы мүмкін. Бұл өтпелі функциялық бүйрек жеткіліксіздігінің бүйрек функциясы қалыпты пациенттерде жағымсыз салдары жоқ, бірақ бұрыннан бүйрек жеткіліксіздігі бар пациенттің жағдайы нашарлауы мүмкін. Спортшылар Спортшылар бұл препараттың құрамында допинг-бақылау жүргізген кезде оң реакция беретін белсенді зат бар екенін білуі тиіс. Хориоидальды жалқық, жедел миопия және салдарлы жабықбұрышты глаукома Сульфонамидтер немесе олардың туындылары көру өрісінің ақауымен хориоидальді жалқыққа, уақытша миопияға және жедел жабықбұрышты глаукомаға әкелетін идиосинкразиялық реакциялардың дамуын тудыруы мүмкін. Симптомдары көру өткірлігінің күрт төмендеуін немесе көз ауыруын қамтиды және әдетте препаратты қабылдаған сәттен бастап бірнеше сағаттан бірнеше аптаға дейінгі кезең ішінде туындайды. Тиісті емдеу жүргізілмеген кезде жедел жабықбұрышты глаукома көру қабілетінің жоғалуына әкелуі мүмкін. Бірінші кезекте дәрілік препаратты қабылдауды мүмкіндігінше тезірек тоқтату керек. Көзішілік қысым жоғары күйінде қала берген жағдайда шұғыл емдік немесе хирургиялық емдеу қажет болуы мүмкін. Жедел жабық бұрышты глаукома дамуына әкелуі мүмкін қауіп факторларына анамнезде сульфонамидтерге немесе пенициллинге аллергияны жатқызуға болады. Арнайы сақтандырулар Қосымша заттар Лактоза моногидраты Препараттың құрамында лактоза моногидраты бар, осыған байланысты тұқым қуалайтын галактоза жақпаушылығы, Lapp (ЛАПП)-лактоза ферменттің тапшылығы, глюкоза-галактоза мальабсорбциясы бар пациенттерге қолдануға балмайды. Натрий гидрокарбонаты Стопресс Инда әр таблетканың құрамында 1 ммольден аз (23 мг) натрий бар, яғни, шын мәнінде натрий жоқ. Педиатрияда қолдану Стопресс Инданың балалар мен жасөспірімдердегі қауіпсіздігі мен тиімділігі анықталған жоқ. Стопресс Инда препаратын балалар мен жасөспірімдерге тағайындамаған жөн. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Екі белсенді заттың бірде бірі, жекелей де, Стопрес Инда құрамында біріктірілгенде де реакция жылдамдығына әсер етпейді, бірақ кейбір пациенттерде, әсіресе емдеудің басында немесе басқа гипотензивті препаратпен біріктірілгенде, артериялық қысымның төмендеуіне жауап ретінде жеке реакциялар байқалуы мүмкін. Нәтижесінде автокөлікті немесе басқа да механизмдерді басқару қабілеті бұзылуы мүмкін.

Осы біріктірілген препараттың жеке компоненттерінің жүктілікке және бала емізуге әсерін ескере отырып, жүктіліктің бірінші триместрінде Стопресс Инда қабылдау ұсынылмайды.Жүктіліктің екінші және үшінші триместрінде Стопресс Инда қолдануға болмайды. Бала емізу кезінде Стопресс Инда қабылдау ұсынылмайды. Сондықтан осы емді ана үшін қолданудың маңыздылығына байланысты бала емізуді тоқтату немесе Стопресс Инда қабылдауды тоқтату туралы шешім қабылдау керек. Жүктілік Периндоприл: Жүктіліктің бірінші триместрінде АӨФ тежегіштері әсер еткен кездегі тератогенділік қаупіне қатысты эпидемиологиялық деректер нақты емес; әйтсе де, қауіптің аздап ұлғаюын жоққа шығаруға болмайды. Егер АӨФ тежегіштерімен емді жалғастыру абсолютті түрде қажет болмаса, жүктілікті жоспарлаған кезде пациент әйелдерді жүктілік кезінде қолдану үшін қауіпсіздік бейіні анықталған гипертензияға қарсы баламалы дәрілерге ауыстыру керек. Жүктілік басталған кезде АӨФ тежегіштерімен емдеуді дереу тоқтату және, қажет болса, баламалы ем таңдап алу керек. Екінші және үшінші триместрде АӨФ тежегіштерін қабылдау фетоуыттылықты (бүйрек функциясының төмендеуі, судың азаюы, бас сүйектерінің сүйектенуінің баяулауы) және неонатальдық уыттылықты (бүйрек жеткіліксіздігі, гипотензия, гиперкалиемия) туындататыны белгілі. Жүктіліктің екінші триместрінен бастап АӨФ тежегіштерін қабылдаған жағдайда шарананың бүйрек функциясына және бассүйегіне ультрадыбыстық зерттеу жүргізу ұсынылады. Аналары АӨФ тежегіштерін қабылдаған жаңа туған нәрестелердің қан қысымын бақылау керек. Индапамид: Жүкті әйелдерде индапамидті қолдану жөнінде деректер жоқ немесе шектеулі (жүктілік нәтижелері 300-ден аз). Жүктіліктің үшінші триместрінде тиазидтік диуретиктерді ұзақ қабылдау анада плазма көлемін, сондай-ақ жатырлық-плаценталық қан айналымын төмендетуі мүмкін, бұл фетоплаценталық ишемияға және дамудың кідіруіне әкелуі мүмкін. Жануарларға жүргізілген зерттеулерде репродуктивтік уыттылыққа қатысты тікелей немесе жанама зиянды әсер етуі анықталмаған. Сақтық шарасы ретінде жүктілік кезінде индапамидті қолданудан аулақ болған жөн. Бала емізу Стопресс Инда бала емізу кезінде қабылдау ұсынылмайды. Периндоприл: Бала емізу кезеңінде периндоприлді пайдалану туралы ақпараттың болмауына байланысты периндоприлді қолдану ұсынылмайды, және бала емізу кезінде, әсіресе жаңа туған немесе шала туған баланы емізу кезінде қауіпсіздік бейіндері белгіленген, баламалы препараттарға артықшылық беріледі. Индапамид: Индапамид пен оның метаболиттерінің адамда емшек сүтіне енуі туралы деректер жеткіліксіз. Сульфонамид туындыларына және гипокалиемияға жоғары сезімталдық туындауы мүмкін. Жаңа туған нәрестелер мен емшектегі балалар үшін қауіп-қатерді жоққа шығаруға болмайды. Индапамид тиазидті диуретиктермен жақын тектестікке ие, оларды бала емізу кезінде қолдану сүттің келуінің төмендеуіне немесе тіпті тоқтауына алып келді. Индапамидті бала емізу кезінде қабылдау ұсынылмайды.

Периндоприл мен индапамид үшін ортақ: Бір мезгілде қолдану ұсынылмайды: Литий Литий мен АӨФ тежегіштерін бір мезгілде қабылдаған кезде сарысудағы литий концентрациясының қайтымды ұлғаюы және оның уыттылығы байқалды. Периндоприлді индапамидпен біріктіріп литиймен бір мезгілде қабылдау ұсынылмайды, бірақ егер бұл қажет болса, онда сарысудағы литий деңгейін мұқият бақылау керек. Бір мезгілде қолдану аса сақтықты талап етеді: Баклофен Гипертензияға қарсы әсердің күшеюі. Артериялық қысымды бақылау және қажет болған жағдайда гипертензияға қарсы дәрінің дозасын түзету керек. Қабынуға қарсы стероидты емес препараттар (ҚҚСП) (оның ішінде ацетилсалицил қышқылы ≥ 3г/тәу.) Қабынуға қарсы стероидты емес препараттармен (қабынуға қарсы дозадағы ацетилсалицил қышқылы, ЦОГ-2 тежегіштері және селективті емес ҚҚСП) бірге АӨФ тежегіштерін тағайындағанда олардың гипотензивті әсері төмендеуі мүмкін. АӨФ тежегіштерін және ҚҚСП бір мезгілде қолдану әсіресе бүйрек функциясының бұзылулары бұрыннан бар пациенттерде бүйрек функциясының бүйректің жедел жеткіліксіздігіне дейін нашарлауына және сарысудағы калий деңгейінің жоғарылауына әкелуі мүмкін. Осы препараттарды, әсіресе егде жастағы пациенттерге бір мезгілде тағайындағанда сақ болу керек. Пациенттерге сұйықтықтың жоғалуының орнын толтыру және біріктірілген емнің басында, сондай-ақ емдеу барысында да бүйрек функциясына тұрақты бақылау жүргізу қажет. Бір мезгілде қолдану қарастыруды керек етеді: Имипрамин тобының антидепрессанттары (трициклдық), нейролептиктер: Гипотензивті әсердің күшеюі және ортостаздық гипотензияның даму қаупінің артуы (аддитивті әсер). Периндоприлмен байланысты: Клиникалық зерттеу деректері АӨФ тежегіштерін, ангиотензин II рецепторларының блокаторларын немесе алискиренді біріктіріп қолдану арқылы ренин-ангиотензин-альдостерон жүйесінің (РААЖ) қосарлы блокадасы РААЖ-ға әсер ететін бір препаратты пайдаланумен салыстырғанда, гипотензия, гиперкалиемия және бүйрек функциясының төмендеуі (бүйректің жедел жеткіліксіздігіне дейін) сияқты жағымсыз құбылыстар жиілігінің жоғарылауымен қатар жүретінін көрсетті. Ангионевроздық ісіну қаупін арттыратын дәрілік препараттар АӨФ тежегіштерін сакубитрилмен/валсартанмен бір мезгілде қолдануға болмайды, өйткені бұл ангионевроздық ісіну қаупін арттырады. Периндоприлдің соңғы дозасын қабылдау мен сакубитрилмен/валсартанмен емдеуді бастау арасындағы аралық кемінде 36 сағатты құрауы тиіс. Сакубитрилдің/валсартанның соңғы дозасын қабылдау мен периндоприлмен емдеуді бастау арасында кемінде 36 сағат аралықты сақтау қажет. АӨФ тежегіштерін рацекадотрилмен, mTOR тежегіштерімен (мыс. сиролимус, эверолимус, темсиролимус) және глиптиндермен (мыс., линаглиптин, саксаглиптин, ситаглиптин, вилдаглиптин) бір мезгілде қолдану ангионевроздық ісінудің жоғары қаупіне әкелуі мүмкін. Гиперкалиемияны туғызатын препараттар Қан сарысуындағы калий мөлшері әдетте қалып шегінде қалса да, Стопресс Инда қабылдаған кейбір пациенттерде гиперкалиемия туындауы мүмкін. Кейбір препараттар немесе препараттардың фармакотерапиялық топтары гиперкалиемияның даму жиілігін арттыруы мүмкін: алискирен, калий тұздары, калий жинақтайтын диуретиктер (мысалы, спиронолактон, триамтерен немесе амилорид), АӨФ тежегіштері, ангиотензин II рецепторларының блокаторлары, ҚҚСП, гепариндер, циклоспорин, такролимус, триметоприм және котримоксазол (триметоприм/сульфаметоксазол) сияқты иммунодепрессанттар, өйткені триметоприм амилорид сияқты калий жинақтайтын диуретик ретінде әсер ететіні белгілі. Осы препараттарды біріктіріп қабылдау гиперкалиемияның даму қаупін арттырады. Осыған байланысты Стопресс Инда препаратын жоғарыда аталған препараттармен біріктіру ұсынылмайды. Егер бір мезгілде қолдану көрсетілсе, оларды сақтықпен және қан сарысуындағы калий деңгейіне жиі мониторинг жүргізу арқылы пайдалану керек. Бір мезгілде қолдануға болмайды: Алискирен Диабеті бар немесе бүйрек функциясы бұзылған пациенттерде гиперкалиемияның, бүйрек функциясы нашарлауының, жүрек-қантамыр аурулары дамуының және жүрек-қантамыр ауруларынан болатын өлімнің қаупі артады. Экстракорпоральді емшаралар Қан теріс зарядталған беткеймен жанасатын экстракорпоральді емшаралар: жоғары ультрафильтрациялық белсенділігі бар жарғақшаларды (мысалы, полиакрилонитринді жарғақшаларды) қолданумен диализ немесе гемофильтрация және декстран сульфатын қолданумен тығыздығы төмен липопротеиндер аферезі ауыр анафилактоидты реакциялардың қаупін арттырады. Мұндай ем қажет болған жағдайда диализ үшін жарғақшаның басқа түрін немесе гипертензияға қарсы дәрінің басқа класын пайдалану керек. Бір мезгілде қолдану ұсынылмайды: Алискирен Диабеті немесе бүйрек функциясының бұзылуы жоқ пациенттерде гиперкалиемия, бүйрек функциясының нашарлауы, жүрек-қантамыр ауруларының дамуы және жүрек-қантамыр ауруларынан болатын өлім қаупі артады. АӨФ тежегішін және ангиотензин рецепторлары блокаторын бір мезгілде қолдану Әдебиетте расталған атеросклерозы, жүрек жеткіліксіздігі немесе нысана ағзалары зақымданумен диабеті бар пациенттерде АӨФ тежегішімен және ангиотензин рецепторлары блокаторымен біріктірілген ем ренин-ангиотензин-альдостерон жүйесіне әсер ететін бір препаратты пайдаланумен салыстырғанда гипотензия, естен тану, гиперкалиемия және бүйрек функциясының нашарлауы (бүйректің жедел жеткіліксіздігіне дейін) жиілігін арттыратыны айтылған. Қосарлы блокада (АӨФ ангиотензин II рецепторларының блокаторымен үйлестіру) жекелеген жағдайлармен шектелуі және бүйрек функциясына, калий деңгейіне және артериялық қысымға мұқият мониторинг жүргізумен қатар жүруі тиіс. Эстрамустин Жағымсыз құбылыстардың, мысалы, ангионевроздық ісінудің (Квинке ісінуі) күшею қаупі. Калий жинақтаушы диуретиктер (триамтерен, амилорид), калий (тұздар) Гиперкалиемия (әлеуетті өлімге әкелетін), әсіресе бүйрек функциясының бұзылуында (аддитивті гиперкалиемиялық әсер). Осы дәрілік препараттармен бірге периндоприл қабылдау ұсынылмайды. Егер осы препараттарды қатар қолдану бәрібір қажет деп тапса, онда оларды қабылдаған кезде ерекше сақ болу және қан сарысуындағы калий мөлшеріне жиі мониторинг жүргізу керек. Пайдалану кезінде сақтық шараларын қажет ететін біріктірілімдер Диабетке қарсы препараттар (инсулин, пероральді гипогликемиялық препараттар) Эпидемиологиялық зерттеулер АӨФ тежегіштерін және диабетке қарсы препараттарды (инсулин, пероральді гипогликемиялық препараттар) бір мезгілде қолдану гипогликемияның даму қаупімен гипогликемиялық әсердің күшеюіне әкеліп соқтыратынын көрсетті. Бұл құбылыс біріктіріп емдеудің алғашқы аптасында және бүйрек функциясы бұзылған пациенттерде жиі байқалады. Калий жинақтаушы қасиеттері жоқ диуретиктер Әсіресе су-электролиттік бұзылулар шеңберінде диуретиктер қабылдайтын пациенттерде АӨФ тежегішімен ем басталғаннан кейін артериялық қысым шамадан тыс төмендеуі мүмкін. Гипотензия қаупін төмендету үшін диуретикті тоқтату және сұйықтық пен тұзды қабылдауды арттыру керек, содан кейін біртіндеп арттыра отырып төмен дозада периндоприлмен емдеуді бастау керек. Артериялық гипертензия кезінде, алдыңғы диуретиктермен емдеу су-электролиттік бұзылуларды тудыруы мүмкін болған кезде, диуретикті қабылдауды АӨФ тежегішімен емдеу басталғанға дейін тоқтату керек, кейіннен калий жинақтаушы қасиеттерінсіз диуретикті қабылдауды қайта жалғастыру немесе біртіндеп арттыра отырып төмен дозада АӨФ тежегішін қабылдауды бастау керек. Жүректің іркілістік жеткіліксіздігін диуретиктермен емдеген кезде АӨФ тежегішін қабылдауды өте төмен дозадан бастау керек, калий жинақтаушы қасиеттерінсіз диуретиктің дозасын азайтқаннан кейін болуы мүмкін. Барлық жағдайларда АӨФ тежегіштерімен емнің алғашқы аптасы ішінде бүйрек функциясын (креатинин деңгейі) бақылау керек. Калий жинақтаушы диуретиктер (эплеренон, спиронолактон): <40% лықсу фракциясымен ІІ-IV класты жүрек жеткіліксіздігін (NYHA жіктелуі бойынша) емдеу үшін АӨФ тежегіштерінің төмен дозаларымен және бұрын АӨФ тежегіштері мен ілмекті диуретиктерді пайдалана отырып тәулігіне 12,5 - 50 мг дозаларда эплеренонды немесе спиронолактонды бір мезгілде қабылдау, әсіресе препараттардың осы біріктірілімін тағайындау бойынша ұсынымдарды сақтамаған кезде, өлімге әкелуі ықтимал гиперкалиемияның даму қаупіне ұшыратуы мүмкін. Препараттардың осы біріктірілімін тағайындамас бұрын гиперкалиемияны және бүйрек жеткіліксіздігін жоққа шығару керек. Емнің бірінші айында аптасына бір рет, содан кейін айына бір рет калиемия мен креатинемияға мониторинг жүргізу ұсынылады. Бір мезгілде қолдану қарастыруды керек етеді Гипертензияға қарсы және тамыр кеңейтетін дәрілер Бұл препараттарды біріктіріп қабылдау периндоприлдің гипотензивті әсерінің күшеюіне әкелуі мүмкін. Нитроглицеринмен және басқа нитраттармен немесе басқа да қан тамырларын кеңейтетін дәрілермен бір мезгілде қолдану артериялық қысымның одан әрі төмендеуіне әкелуі мүмкін. Аллопуринол, цитостатиктер және иммунодепрессанттар, жүйелі кортикостероидтар және прокаинамид АӨФ тежегіштерімен бір мезгілде қолдану лейкопения қаупінің артуына әкелуі мүмкін. Жалпы анестезияға арналған дәрілер АӨФ тежегіштері жалпы анестезияға арналған кейбір дәрілердің гипотензивті әсерін арттыруы мүмкін. Симпатомиметиктер Симпатомиметиктер АӨФ тежегіштерінің гипотензивті әсерін төмендетуі мүмкін. Алтын препараттары: сирек жағдайларда алтын инъекциясын алатын пациенттерде (натрий ауротиомалаты), периндоприлді қоса, АӨФ тежегіштерін бір мезгілде қолданған кезде нитритоидты реакциялар (симптомдары беттің қызаруын, жүрек айнуын, құсуды және гипотензияны қамтиды) байқалды. Индапамидпен байланысты: Бір мезгілде қолдану аса сақтықты талап етеді «Пируэт» типті полиморфты қарыншалық тахикардияны туындатуға қабілетті препараттар Гипокалиемияның басталу қаупіне байланысты, индапамидті «пируэт» типті пароксизмалы қарыншалық тахикардияны тудыруы мүмкін препараттармен бірге қабылдаған кезде сақтық танытқан жөн, басқаларымен қатар мыналар бар: аритмияға қарсы Iа класының препараттары (мысалы, хинидин, гидрохинидин, дизопирамид), аритмияға қарсы IІІ класының препараттары (мысалы, амиодарон, дофетилид, ибутилид, бретилий, соталол), кейбір психозға қарсы препараттар (мысалы, хлорпромазин, циамемазин, левомепромазин, тиоридазин, трифлуоперазин), бензамидтер (мысалы, амисульприд, сульпирид, сультоприд, тиаприд), бутирофенон туындылары (мысалы, дроперидол, галоперидол), басқа психозға қарсы препараттар (мысалы, пимозид); басқа препараттар (мысалы, бепридил, сизаприд, дифеманил, эритромицин в/і, галофантрин, мизоластин, моксифлоксацин, пентамидин, спарфлоксацин, винкамин в/і, метадон, астемизол, терфенадин). Калий деңгейі төмендеуінің профилактикасы және қажет болған жағдайда түзету: QT аралығына мониторинг жүргізу керек Калий деңгейін төмендететін препараттар Амфотерицин B (в/і), глюкокортикоидтар және минералокортикоидтар (жүйелі), іш жүргізетіндерді стимуляциялайтын тетракозактид: калий деңгейін төмендету қаупін күшейту (аддитивті әсер). Қажет болған жағдайда калий мөлшерін мониторингтеу және түзету; жүрек гликозидтерін қолданғанда ерекше ұқыптылық қажет. Стимуляцияламайтын іш жүргізгізетін дәрілерді қолдану керек. Жүрек гликозидтері Калий және/немесе магний деңгейі төмен болған кезде жүрек гликозидтерінің уытты әсері күшейеді. Плазмадағы калий, магний деңгейі мен ЭКГ бақылау керек және қажет болған жағдайда емді түзету керек. Аллопуринол Индапамидпен бір мезгілде қолдану аллопуринолға жоғары сезімталдық реакциясының жиілігін арттырады. Бір мезгілде қолдану қарастыруды керек етеді Калий жинақтаушы диуретиктер (амилорид, спиронолактон, триамтерен) Бұл біріктірілім кейбір пациенттерде орынды болса да, гипокалиемия немесе гиперкалиемия (әсіресе бүйрек жеткіліксіздігі немесе қант диабеті бар пациенттерде) дамуы мүмкін. Қан плазмасында калий деңгейіне және ЭКГ мониторинг жүргізу және қажет болған жағдайда емді қайта қарау керек. Метформин Диуретиктермен, әсіресе ілмекті диуретиктермен емдеу аясында туындауы мүмкін функциялық бүйрек жеткіліксіздігі метформинді бір мезгілде қолданған кезде сүт қышқылды ацидоздың даму қаупін арттырады. Егер плазмадағы креатининнің концентрациясы ерлерде 15 мг/л (135 мкмоль/л) және әйелдерде 12 мг/л (110 мкмоль/л) асса, метформинді тағайындауға болмайды. Құрамында йод бар контрастылы заттар Диуретиктерді қабылдаған кезде сусыздану жағдайында, әсіресе жоғары дозада йод бар контрастылы заттарды пайдаланған кезде бүйректің жедел жеткіліксіздігінің жоғары қаупі бар. Құрамында йод бар контрастылы заттарды енгізер алдында жоғалған сұйықтықтың орнын толтыру керек. Кальций (тұздар) Оның несеппен экскрециясының төмендеуі нәтижесінде кальций мөлшері ұлғаюы мүмкін. Циклоспорин, такролимус Су-электролиттік бұзылулар болмаған кезде де циклоспориннің айналымдағы деңгейінің өзгеруінсіз креатинин деңгейінің жоғарылау қаупі. Кортикостероидтар, тетракозактид (жүйелі енгізу үшін) Гипертензияға қарсы әсердің төмендеуі (кортикостероидтардан туындаған су мен натрийдің іркілуі).

Сақтау мерзімі 2 жыл Жарамдылық мерзімі өткеннен кейін қолдануға болмайды! Сақтау шарттары Жарықтан қорғалған жерде 25 ºС-ден аспайтын температурада сақтау керек. Балалардың қолы жетпейтін жерде сақтау керек!