Стрептоцид таблетки 300 мг

Бір таблетканың құрамында белсенді зат - 300.0 мг сульфаниламид қосымша заттар: картоп крахмалы, стеарин қышқылы, сусыз коллоидты, кремнийдің қостотығы (аэросил), кросповидон, полисорбат-80 Сыртқы түрінің, иісінің, дәмінің сипаттамасы Ойығы бар және жалпақ беткейлі, ақ немесе ақ дерлік түсті таблеткалар. Таблетканың бір жақ бетінде сызығы, басқа бетінде – крест түріндегі фирмалық логотипі болады

• тілме қабынуында • баспада • жарақат инфекциясында

Әсер ету механизмі Стрептоцид – әсер ету ауқымы кең бактерияға қарсы дәрі. Стрептоцидтің микробқа қарсы әсерінің механизмі химиялық жағынан ұқсастықтары бар ПАБҚ (парааминобензой қышқылы) антагонизмімен байланысты. Микроб жасушасы стрептоцидті қармап алады, сөйтіп ПАБҚ-ның дигидрофолий қышқылына қосылуына кедергі келтіреді, және бұдан басқа, бактериялық фермент дигидроптероатсинтетазасын (ПАБҚ-ның дигидрофолий қышқылына кірігуіне жауапты фермент) бәсекелес түрде бәсеңсітеді, нәтижесінде дигидрофолий қышқылының түзілуі бұзылады, одан пуриндер мен пиримидиндер түзілуіне қажетті метаболизмдік белсенді тетрагидрофолий қышқылының түзілуі азаяды, микроорганизмдердің өсуі мен дамуы тоқтайды (бактериостатикалық әсері). Грамоң және грамтеріс кокктарға қатысты (оның ішінде стрептококктар, пневмококктар, менингококктар, гонококктар), Escherichia coli, Shigella spp., Vibrio cholerae, Clostridium perfringens, Bacillus anthracis, Corynebacterium diphtheriae, Yersinia pestis, Chlamydia spp., Actinomyces israelii, Toxoplasma gondii белсенді. Стрептоцид – қысқа әсерлі сульфаниламидті препарат.

Дозалану режимі Пациентке препаратты тағайындар алдында оған сол пациентте ауру туғызған микрофлораның сезімталдығын анықтаған дұрыс. Ересектер мен жасы 12-ден асқан балаларға күніне 3 рет, 300-600 мг-ден ішке қабылдауға ұсынылады. Ересектерге ішке қабылдауға арналған жоғары дозалары: бір реттік – 1200 мг, тәулігіне – 2400 мг; Пациенттердің ерекше топтары 6-дан 12 жасқа дейінгі балаларға – тәулігіне 4 рет 300 мг-ден. Балаларға: бір реттік - 300 мг, тәулігіне - 1200 мг. Енгізу әдісі және жолы Ішке қабылдауға арналған Емдеу ұзақтығы Емдеу курсының ұзақтығын емдеуші дәрігер анықтайды, орташа алғанда 7 күн. Дәрілік препараттың бір немесе бірнеше дозасын өткізіп алу кезіндегі қажетті шаралар Ұмытып қабылданбай қалған дозаның орнын толтыру үшін қосарлы дозаны қабылдамаңыз Дәрілік препаратты қолдану тәсілін түсіндіру үшін медицина қызметкерінен кеңес алуға жүгіну бойынша ұсынымдар Дәрілік препаратты қолданар алдында кеңес алу үшін дәрігерге жүгініңіз.

• әсер етуші заты сульфаниламидке, сульфондарға немесе қосымша заттарының кез келгеніне аса жоғары сезімталдық • бүйрек аурулары (нефроздар, нефриттер), бүйректің ауыр жеткіліксіздігі • бауыр аурулары, бауыр жеткіліксіздігі, жедел гепатит • анамнезде сульфаниламидтерге айқын уытты-аллергиялық реакциялар болуы • гипертиреоз, базедов ауруы • туа біткен глюкоза-6-фосфатдегидрогиназа тапшылығы • порфирия • сүйек кемігінде қан түзілудің бәсеңдеуі • қан түзілу жүйесінің аурулары, анемия, лейкопения • декомпенсацияланған жүрек жеткіліксіздігі • азотемия • жүктілік және бала емізу кезеңі • 6 жасқа дейінгі балалар

Қан және лимфа жүйесі тарапынан: лейкопения, агранулоцитоз, апластикалық анемия, тромбоцитопения, гипопротромбинемия, эозинофилия, глюкоза-6-фосфатдегидрогеназа тапшылығы кезіндегі гемолиздік анемия Жүрек-қантамырлар тарапынан: тахикардия, миокардит. Жүйке жүйесі тарапынан : бас ауыру, неврологиялық реакциялар (асептикалық менингитті қоса), атаксия, елеусіз бассүйекішілік гипотензия, құрысулар, бас айналу, ұйқышылдық, ұйқысыздық, шаршау сезімі, депрессия, шеткері немесе оптикалық нейропатия, көрудің бұзылуы, психоз, жабырқаулы көңіл-күй, парестезия Тыныс алу жүйесі тарапынан: өкпе инфильтраттары, фиброздаушы альвеолит. Ас қорыту жолы тарапынан: шөлдеу, ауыздың құрғауы, диспепсиялық құбылыстар, жүрек айну, құсу, диарея, анорексия, панкреатит, жалған жарғақшалы колит Гепатобилиарлық жүйесі тарапынан: бауыр ферменттері (АЛТ, АСТ, сілтілік фосфатаза) белсенділігінің жоғарылауы, холестаздық гепатит, гепатонекроз, гепатомегалия, сарғаю, холестаз Несеп шығару жүйесі тарапынан: несеп түсінің өзгеруі (қаныққан сары-қоңыр түс), несептің қышқылды реакцияларындағы кристаллурия, нефроуытты реакциялар болуы мүмкін: интерстициальді нефрит, тубулярлы некроз, бүйрек жеткіліксіздігі, гематурия, ануриямен шок жағдайындағы бүйрек. Тері және тері асты шелмайы тарапынан: тері гиперемиясы, тері бөртпелері (оның ішінде эритематозды-сквамозды, папулезді), қышыну, есекжем, аллергиялық дерматит, фотосенсибилизация, эксфолиативті дерматит, түйінді эритема, цианоз Аллергиялық реакциялар аллергиялық реакциялар (оның ішінде уытты эпидермалық некролиз - Лайелл синдромы), Стивенс-Джонсон синдромы, жүйелі қызыл жегі, сарысу құю синдромы, анафилаксиялық реакциялар, Квинке ісінуі, тұмаурату Жалпы бұзылулар: дәрілік қызба, оң жақ қабырға астының және белдің ауыруы. Басқа жағымсыз әсерлері: тыныс алудың қиындауы, түйінді периартериит, гипотиреоз, гипогликемия Сирек жағдайларда гипотиреоидизмнің дамуы мүмкін Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек: Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары анорексия (тәбеттің болмауы), жүрек айну, құсу, шаншу тәрізді ауырулар, бас ауыру, ұйқышылдық, бас айналуы, естен тану. Ұзақ қолданған кезде болуы мүмкін: қызба, гематурия, кристаллурия, цианоз, тахикардия, парестезиялар, диарея, холестаз, ануриясы бар бүйрек жеткіліксіздігі, уытты гепатит, лейкопения, агранулоцитоз. Емі артық дозалану жағдайында дәрігерге қаралу ұсынылады. Емі симптоматикалық, 2% натрий гидрокарбонаты ерітіндісімен асқазанды шаю, белсендірілген көмір немесе басқа да энтеросорбенттер суспензиясын қабылдау. Көп мөлшерде сұйықтық қабылдау, қарқынды диурез, гемодиализ жасау көрсетілген.

Препаратты ұзақ қолданғанда қан көрінісі жағдайын, бүйрек пен бауыр функциясын, қандағы глюкоза деңгейін жүйелі бақылап отыру қажет. Препаратты жеткіліксіз дозаларда тағайындау немесе препаратты қолдануды ерте тоқтату микроорганизмдердің сульфаниламидтерге төзімділігінің жоғарылауына ықпал етуі мүмкін. Сульфаниламидтерді А тобындағы бета-гемолиздік стрептококк туындатқан инфекцияны емдеу үшін қолданбаған жөн, өйткені олар оның эрадикациясына әкелмейді, және соның салдары ретінде, ревматизм және гломерулонефрит сияқты асқынулардың алдын ала алмайды. Препаратты жүректің созылмалы жеткіліксіздігі, бауыр аурулары бар пациенттерге және бүйрек функциясы бұзылуында сақтықпен тағайындау қажет.Стрептоцидті аллергиялық аурулардың ауыр түрі бар немесе бронх демікпесі, қан аурулары бар пациенттерге сақтықпен тағайындаған жөн. Жоғары сезімталдық реакциясының белгілері пайда болғанда препаратты тоқтату керек. Бүйрек жеткіліксіздігінде сульфаниламидтер мен оның метаболиттерінің организмде жинақталуы мүмкін, бұл уытты әсерінің дамуына әкелуі ықтимал. Сульфаниламидтерді, оның ішінде стрептоцидті қант диабеті бар пациенттерге сақтықпен қолданған жөн, өйткені сульфаниламидтер қандағы қант деңгейіне әсер етуі мүмкін. Сульфаниламидтердің жоғары дозалары гипогликемиялық әсер береді. Сульфаниламидтер бактерицидті емес, бактериостатикалық препараттар болып табылатындықтан, инфекцияның қайталануын және микроорганизмдердің төзімді түрлерінің дамуын болдырмау үшін толыққанды емдеу курсы қажет. Химиялық құрылымының ұқсастығын ескере отырып, сульфаниламидтерді фуросемидке, тиазидті диуретиктерге, карбоангидраза тежегіштері мен сульфонилмочевина туындыларына жоғары сезімталдығы бар адамдарға қолдануға болмайды. Кристаллурияның және уролитиаз дамуының алдын алу үшін пациенттерге сұйықтықты жеткілікті мөлшерде ішу қажет. Егде жастағы адамдарда тері тарапынан ауыр жағымсыз реакциялар дамуының жоғары қаупі, қан түзілудің бәсеңдеуі, тромбоцитопениялық пурпура (соңғысы - әсіресе тиазидті диуретиктермен үйлесімде) байқалады. Ауыр жағымсыз реакциялар туындауының жоғары қаупіне байланысты препаратты 65 жастан асқан пациенттерге тағайындаудан тартынған дұрыс. Сульфаниламидтерді қолданғанда фотосенсибилизация дамуы мүмкіндігін ескере отырып, тікелей күн сәулесі мен жасанды ультракүлгін сәулеленудің әсер етуін болдырмауға тырысу керек. Емдеу кезінде дозалау режимін сақтап, ұсынылған дозаны 24 сағат аралықпен қолдану қажет, препарат қабылдауды өткізіп алуға болмайды. Дозаны өткізіп алған жағдайда келесі дозаны екі еселемеу керек. Егер ауру белгілері жоғала бастамаса немесе керісінше денсаулық жағдайы нашарласа, немесе қолайсыз құбылыстар туындаса, препарат қолдануды тоқтата тұрып, препаратты одан әрі қолдануға қатысты кеңес алу үшін дәрігерге жүгіну керек. Арнайы сақтандырулар Балаларда қолдану 6 жасқа дейінгі балаларға қолданылмайды Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Дәрілік заттың бас айналу, құрысулар, атаксия, ұйқышылдық, депрессия және психоздар сияқты жүйке жүйесі тарапынан болатын жағымсыз әсерлердің ескере отырып, автокөлікті басқаруда және қауіптілігі зор механизмдермен жұмыс атқаруда сақ болу керек.

Жүктілік және емшек емізу кезінде препаратты қолдануға болмайды. Препаратпен емдеу қажет болған жағдайда бала емізуді тоқтату керек.

Бір мезгілде қолданғанда: • қабынуға қарсы стероидты емес препараттармен, сульфонилмочевина туындыларымен, антикоагулянтты дәрілермен, К дәрумені антагонистерімен осы препараттардың әсері күшейеді • фолий қышқылымен, бактерицидті антибиотиктермен (оның ішінде пенициллиндер, цефалоспориндер) - сульфаниламидтер тиімділігі төмендейді • бактерицидті антибиотиктермен, оральді контрацептивтермен – бұл препараттардың әсері төмендейді • ПАСҚ және барбитураттармен - сульфаниламидтер белсенділігі күшейеді • эритромицинмен, линкомицинмен, тетрациклинмен - бактерияға қарсы белсенділігі өзара күшейеді, әсер ету ауқымы кеңейеді • рифампицинмен, стрептомицинмен, мономицинмен, канамицинмен, гентамицинмен, оксихинолин туындыларымен (нитроксолин) -препараттардың бактерияға қарсы әсері өзгермейді • налидикс қышқылымен (невиграмон) - кейде антагонизм байқалады • хлорамфеникололмен, нитрофурандармен - жиынтық әсері төмендейді • құрамында ПАБҚ эфирлері бар препараттармен (новокаин, анестезин, дикаин) - сульфаниламидтердің бактерияға қарсы белсенділігі жойылады Сульфаниламидтер гексаметилентетраминмен (уротропинмен), диабетке қарсы препараттармен (сульфонилмочевина туындыларымен), дефининмен, неодикумаринмен және басқа жанама антикоагулянттармен бір мезгілде тағайындалмайды. Стрептоцид метотрексаттың ақуыздармен байланысын ығыстыру салдарынан және/немесе оның метаболизмін бәсеңдетуінен оның әсерін күшейтуі мүмкін. Сүйек кемігін бәсеңдететін басқа да препараттармен бір мезгілде қолданғанда гемолиз, гепатоуытты әсері, уытты әсерлердің даму қаупі бар. Уротропинмен несептің қышқыл реакциясы кезінде кристаллурия дамуы қаупінің жоғарылауы салдарынан бір мезгілде қолдану ұсынылмайды. Фенилбутазон (бутадион), салицилаттар және индометацин сульфаниламидтерді қан плазмасы ақуыздарымен байланыстан ығыстыруы мүмкін, осылайша олардың қандағы концентрациясын ұлғайтады. Парааминосалицил қышқылымен және барбитураттармен қолданғанда сульфаниламидтер белсенділігі күшейеді; левомицетинмен – агранулоцитоздың даму қаупі ұлғаяды; құрамында парааминобензой қышқылының эфирлері бар препараттармен (новокаин, анестезин, дикаин) сульфаниламидтердің бактериялық белсенділігі жойылады. Препаратты қолдану кезінде дигитоксин, изопреналин, хлорсутек қышқылы, кофеин, фенилэфрин, фенобарбитал, адреналин гидрохлориді, неодикумарин, дифенин сияқты препараттарды қабылдамаған дұрыс; Диабетке қарсы препараттармен біріктіру ұсынылмайды.

Сақтау мерзімі 5 жыл Жарамдылық мерзімі өткеннен кейін қолдануға болмайды! Сақтау шарттары Құрғақ, жарықтан қорғалған жерде, 30 0С-ден аспайтын температурада сақтау керек. Балалардың қолы жетпейтін жерде сақтау керек!