Стрепфен® Интенсив таблетки 8.75 мг

Бір таблетканың құрамында белсенді зат - флурбипрофен - 8.75 мг, қосымша заттар: макрогол 300, калий гидроксиді, лимон хош иістендіргіші 502904А, левоментол, сұйық глюкоза, сұйық сахароза, бал. Сыртқы түрінің, иісінің, дәмінің сипаттамасы Дөңгелек пішінді, бозғылт сарыдан қоңыр түске дейінгі, екі жағында да «» брендінің символдық таңбасы бар, бал және лимон дәмді соруға арналған таблеткалар.

- ересекетер мен 12 жастан асқан балаларда тамақ ауыруының симптомдарын қысқа мерзімді жеңілдету үшін.

Әсер ету механизмі Флурбипрофен простагландиндер синтезін бәсеңдету есебінен өз әсерін тигізетін қабынуға қарсы стероидты емес препараттар (ҚҚСП) тобының пропион қышқылының туындысы болып табылады. Клиникаға дейінгі зерттеу деректері флурбипрофеннің R(-)-энантиомері және ұқсас ҚҚСП орталық жүйке жүйесіне әсер етуі мүмкін деп болжауға мүмкіндік береді; болжамды әсер ету механизмі индукцияланатын ЦОГ-2 жұлын ми деңгейінде тежелуімен негізделген. Фармакодинамикалық әсерлері Флурбипрофен күшті ауыруды басатын, ыстық түсіретін, қабынуға қарсы және ісінуге қарсы әсерге ие. Клиникалық тиімділік және қауіпсіздік Жасанды сілекейде ерітілген 8,75 мг доза адамның тыныс алу жолдарының культивацияланған жасушаларында простагландиндер синтезін тежейтіні расталды. Жаңа алынған қан талдауына жасалған зерттеу деректеріне сәйкес, флурбипрофен ЦОГ-1ге қатысты біршама селективтілігі бар ЦОГ-1 және ЦОГ-2 аралас тежегіші болып табылады. Соратын таблетка түрінде тамаққа түсетін флурбипрофеннің бір реттік 8.75 мг дозасы тамақ ауырғанын елеулі басу есебінен (ең төменгі квадраттар тәсілімен есептелген орташа мәндердің әр түрлілігі) тамақ ауруын, сонымен бірге тамақтың шырышты қабығының ісінуін және қабынуын 22-ші минуттан (-5,5 мм) бастап жеңілдетеді, максимумға 70 минуттан (-13,7 мм) соң жетіп және маңыздылығын 4 сағат (-3,5 мм) бойы сақтайды, оның ішінде стрептококкты және стрептококкты емес инфекциялары бар пациенттерде, жұту кезіндегі қиындықты 20-шы минуттан (-6,7 мм) бастап азайтады, 110 минуттан (-13,9 мм) соң максимумға жетіп және 4 сағат бойы сақталады (-3,5 мм), сондай-ақ 60 минуттан (-9,9 мм) соң тамақ ісіну сезімін бәсеңдетеді, максимумға 2 сағаттан (-11,4 мм) соң жетіп, 210 минут (-5,1 мм) бойы сақталады деп көрсетіледі. Осылайша, препараттың ауыруды басатын, қабынуға қарсы және ісінуге қарсы әсері 4 сағатқа дейін созылады. 24 сағат ішінде ауырсыну қарқындылығының (SPID) айырмасының қосындысы ретінде өлшенген көп реттік дозалардың тиімділігі тамақтың ауырсыну қарқындылығының (-473,7 мм*сағ -529,1 мм*сағ дейін), жұтылу кезіндегі қиындықтардың (-458,4 мм*сағ -575,0 мм*сағ дейін) және тамақтың ісінуінің (-482,4 мм*сағ -549,9 мм*сағ дейін) едәуір төмендеуі барлық үш көрсеткіш үшін 23 сағат ішінде әр сағат аралығындағы ауырсынудың статистикалық айқын жиынтық төмендеуімен және 6 сағаттық бағалау кезеңінде әр сағат сайын тамақ ауруын статистикалық тұрғыдан анағұрлым айқын жеңілдетумен көрсетті. Сондай-ақ, 24 сағаттан соң және 3 күн ішінде көп реттік дозалардың тиімділігі көрсетілді. Стрептококтық инфекцияны емдеу үшін антибиотик қабылдайтын пациенттерде антибиотиктерді қабылдағаннан кейін 7 сағат өткен соң және әрі қарай 8.75 мг дозада флурбипрофенмен емдеу кезінде тамақтағы ауыруды статистикалық тұрғыдан сенімді анағұрлым айқын жеңілдеу байқалды. 8.75 мг флурбипрофеннің ауыруды басатын әсері пациенттер стрептококтық баспаны емдеу үшін антибиотиктерді қолданған кезде төмендемеді. 8.75 мг флурбипрофеннің соруға арналған таблеткаларын бірінші қолданғаннан кейін 2 сағаттан соң ем басталғанға дейін байқалған тамақ ауруының қатар жүретін кейбір симптомдарының, оның ішінде жөтел (4%-бен салыстырғанда 50%), тәбеттің жоғалуы (57%-бен салыстырғанда 84%) және дене температурасының жоғарылауының (29%-бен салыстырғанда 68%) едәуір басылуы байқалды. Соруға арналған таблетка ауызда 5-12 минут ішінде ериді және қолданғаннан кейін 2 минуттан соң елеулі жеңілдететін және бүркемелейтін әсерді қамтамасыз етеді. Балалар Балаларда спецификалық зерттеулер жүргізілген жоқ. 8.75 мг флурбипрофеннің соруға арналған таблеткаларының тиімділігі мен қауіпсіздігі бойынша 12-17 жас аралығындағы балаларда зерттеулер жүргізілді, алайда қолданылған шағын іріктеу көлемі статистикалық маңызды қорытындыларды дайындау мүмкін еместігін растайды.

Дозалау режимі Ересектер, егде адамдар және 12 жастан асқан балалар үшін: Қажет болса, бір таблетканы 3-6 сағат сайын ауыз қуысында баяу сорыңыз. Тәулігіне 5 таблеткадан артық қабылдамаңыз. Препарат простагландиндер синтезінің бәсеңдеуі есебінен күшті ауыруды басатын, ыстық түсіретін, қабынуға қарсы және ісінуге қарсы әсерге ие. Соратын таблетка түрінде тамаққа түсетін флурбипрофеннің бір реттік 8.75 мг дозасы тамақ ауырғанын елеулі басу есебінен (ең төменгі квадраттар тәсілімен есептелген орташа мәндердің әр түрлілігі) тамақ ауруын, сонымен бірге тамақтың шырышты қабығының ісінуін және қабынуын 22-ші минуттан (-5,5 мм) бастап жеңілдетеді, максимумға 70 минуттан (-13,7 мм) соң жетіп және маңыздылығын 4 сағат (-3,5 мм) бойы сақтайды, оның ішінде стрептококкты және стрептококкты емес инфекциялары бар пациенттерде, жұту кезіндегі қиындықты 20-шы минуттан (-6,7 мм) бастап азайтады, 110 минуттан (-13,9 мм) соң максимумға жетіп және 4 сағат бойы сақталады (-3,5 мм), сондай-ақ 60 минуттан (-9,9 мм) соң тамақ ісіну сезімін бәсеңдетеді, максимумға 2 сағаттан (-11,4 мм) соң жетіп, 210 минут (-5,1 мм) бойы сақталады деп көрсетіледі. Осылайша, препараттың ауыруды басатын, қабынуға қарсы және ісінуге қарсы әсері 4 сағатқа дейін созылады. Енгізу жолы және тәсілі Жергілікті қолдану үшін. Тек қысқа мерзімді қолдану үшін. Соруға арналған басқа таблеткалар сияқты, шырышты қабықтың жергілікті тітіркенуін болдырмау үшін препаратты ауыз қуысы бойымен жылжыту керек. Флурбипрофен организмде жылдам сіңіріледі, жылдам таралады және плазма ақуыздарымен белсенді байланысады. Емдеу ұзақтығы Препаратты симптомдарды жеңілдету үшін қажетті ең аз тиімді дозада қысқа курспен қабылдау керек. 8.75 мг флурбипрофеннің соруға арналған таблеткаларын бірінші қолданғаннан кейін 2 сағаттан соң ем басталғанға дейін байқалған тамақ ауруының қатар жүретін кейбір симптомдарының, оның ішінде жөтел (4%-бен салыстырғанда 50%), тәбеттің жоғалуы (57%-бен салыстырғанда 84%) және дене температурасының жоғарылауының (29%-бен салыстырғанда 68%) едәуір басылуы байқалды. Соруға арналған таблетка ауызда 5-12 минут ішінде ериді және қолданғаннан кейін 2 минуттан соң елеулі жеңілдететін және бүркемелейтін әсерді қамтамасыз етеді. Препаратты қатарынан үш күннен артық қолдану ұсынылмайды. Пациенттердің ерекше топтары Балалар Препарат 12 жасқа дейінгі балаларға қарсы көрсетілген. Егде жастағы пациенттер Жалпы дозаға қатысты нұсқаулар жоқ, өйткені қазіргі уақытта қол жетімді клиникалық деректердің көлемі шектеулі. Егде жастағы адамдарда жағымсыз реакциялардың күрделі салдарының жоғары даму қаупі байқалады. Бауыр жеткіліксіздігі бар пациенттер Бауырдың жеңіл немесе орташа ауыр жеткіліксіздігі бар пациенттерде дозаны төмендету талап етілмейді. Бауырдың ауыр жеткіліксіздігі бар пациенттерде флурбипрофенді қолдануға болмайды. Бүйрек жеткіліксіздігі бар пациенттер Бүйректің жеңіл немесе орташа ауыр жеткіліксіздігі бар пациенттерде дозаны төмендету талап етілмейді. Бүйректің ауыр жеткіліксіздігі бар пациенттерде флурбипрофенді қолдануға болмайды. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар Егер препаратты қолдану әдісіне қатысты күмән туындаса, емдеуші дәрігермен кеңесіңіз.

- әсер етуші затқа немесе қосымша заттардың кез келгеніне аса жоғары сезімталдық; - анамнезінде ацетилсалицил қышқылын немесе басқа да қабынуға қарсы стероидты емес дәрілік препараттарды (ҚҚСП) қолдануға жауап ретінде аса жоғары сезімталдық реакциялары (мысалы, бронх демікпесі, бронх түйілуі, ринит, Квинке ісінуі немесе есекжем) бар пациенттер; - асқазанның немесе он екі елі ішектің қайталанатын ойық жара ауруы / асқыну фазасындағы немесе анамнезіндегі ойық жарадан қан кету (ойық жара ауруының немесе ойық жарадан қан кетудің екі немесе одан да көп жеке расталған көріністері) және ішектің ойық жара ауруы; - қан кету немесе асқазан-ішек жолы ойық жарасының тесілуі, ауыр колит, геморрагиялық бұзылулар немесе анамнезінде ҚҚСП қолдану түрткі болған қан түзу функциясының бұзылуы; - жүректің, бүйректің немесе бауырдың ауыр жеткіліксіздігі; - жүктіліктің III триместрі; - 12 жасқа дейінгі балалар.

ҚҚСП-ға жоғары сезімталдық реакцияларының дамуы туралы хабарланды, олар былайша көрініс табуы мүмкін: - спецификалық емес аллергиялық және анафилаксиялық реакциялар; - тыныс алу жолдарының гиперреактивтілігі, оның ішінде демікпе, демікпенің өршуі, бронх түйілуі, ентігу; - әр түрлі тері реакцияларында, мысалы, қышыну, есекжем, ангионевроздық ісіну және сирек, эксфолиативті және буллезді дерматоз (эпидермальді некролизді және көп формалы эритеманы қоса). ҚҚСП қабылдаған пациенттерде ісінудің, артериялық гипертензияның және жүрек жеткіліксіздігінің туындау жағдайлары байқалды. Клиникалық және эпидемиологиялық зерттеулердің деректеріне сүйене отырып, кейбір ҚҚСП қолдану, әсіресе жоғары дозаларда және ұзақ уақыт кезеңі ішінде, артериялық тромбоздық құбылыстардың (мысалы, миокард инфарктісі немесе инсульт) даму қаупінің шамалы артуымен байланысты болуы мүмкін деп болжанады. Бал және лимон дәмі бар соруға арналған таблеткалар, 8.75 мг, Стрепфен® Интенсив препаратымен мұндай қауіпті болдырмау үшін қолда бар деректер жеткіліксіз. Флурбипрофенді қолдану кезінде хабарланған жағымсыз реакциялар пайда болу жиілігі бойынша келтірілген: өте жиі (1/10), жиі (1/100 және <1/10), жиі емес (1/1000 және <1/100), сирек (1/10000 және <1/1000), өте сирек (<1/10000), жиілігі белгісіз (қолда бар деректер негізінде бағалау мүмкін емес). Жиі - бас айналуы, бас ауыруы, парестезия - тамақтың тітіркену сезімі - диарея, ауыз қуысының ойық жаралануы, жүрек айнуы, ауыз қуысының ауыруы, ауыз қуысының парестезиясы, ауыз қуысы мен жұтқыншақтың ауыруы, ауыз қуысындағы жайсыздық (жылу сезімі, ауыздың шымылдату немесе шаншу сезімі) Жиі емес - ұйқысыздық, ұйқышылдық - демікпенің өршуі және бронх түйілуі, ентігу, ысқырып тыныс алу, ауыз қуысы мен жұтқыншақтағы күлдіреуіктер, фарингеальді гипестезия - іш кебуі, іш ауыруы, іш қату, ауыздың құрғауы, диспепсия, метеоризм, глоссалгия, дисгевзия, ауыз қуысының дизестезиясы, құсу - түрлі этиологиядағы тері бөртпесі, қышыну - қызба, ауырсыну Сирек - анафилаксиялық реакция Белгісіз - анемия, тромбоцитопения - ісіну, артериялық гипертензия және жүрек жеткіліксіздігі - гепатит - Стивенс-Джонсон синдромын және уытты эпидермальді некролизді қоса, буллездік реакциялар сияқты ауыр тері реакциялары. Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК. http://www.ndda.kz

Артық дозалану симптомдары жүрек айнуымен, құсумен, эпигастрий аймағындағы ауырсынумен және сирек диареямен шектеледі. Сондай-ақ, құлақтың шуылдауы, бас ауыруы және асқазан-ішектен қан кету мүмкін. ҚҚСП-мен анағұрлым ауыр улануы ұйқышылдық, мезгіл-мезгіл қозу, бұлыңғыр көру, сондай-ақ бағдардың жоғалуы немесе кома түріндегі орталық жүйке жүйесінің уытты зақымдануы байқалады. Кейде құрысулар туындайды. ҚҚСП-мен ауыр артық дозалану кезінде метаболизмдік ацидоз дамуы және протромбиндік уақыттың/халықаралық қалыптасқан қатынастың (ХҚҚ) айналымдағы қан ұю факторларымен интерференцияға байланысты ұлғаюы мүмкін. Жедел бүйрек жеткіліксіздігі және бауыр зақымдануы дамуы мүмкін. Бронх демікпесі өршуі де мүмкін. Емі Емдеу симптоматикалық және демеуші болуы керек және тыныс алу жолдарының өткізгіштігін қамтамасыз етуді және тұрақтанғанға дейін жүрек қызметі мен басқа да өмірлік функциялардың көрсеткіштерін бақылауды қамтуы керек. Белсендірілген көмірді пероральді қолдану немесе асқазанды шаю, қажет болғанда препараттың потенциалды уытты дозасы организм ішіне түскеннен кейін бір сағат ішінде қан сарысуындағы электролиттер деңгейін түзету ұсынылады. Егер құрысулар байқалса, әсіресе көп рет және ұзақ болса, пациентке диазепамды немесе лоразепамды вена ішіне енгізу керек. Бронх демікпесінің күшеюі кезінде бронходилататорларды қолдану ұсынылады. Флурбипрофенге спецификалық антидот жоқ

Ауыз қуысында тек қысқа мерзімді жергілікті қолдану үшін. Препаратты симптомдарды жеңілдету үшін қажетті ең аз тиімді дозада қысқа курспен қабылдау керек. Арнайы ескертулер Егер препаратты симптомдарды жою үшін қажетті ең төменгі тиімді дозада қысқа курспен қабылдаса, жағымсыз реакциялардың туындау қаупін барынша азайтуға болады. Егде жастағы пациенттер ҚҚСП қабылдағаннан кейін жағымсыз реакциялардың жиілігі егде жастағы адамдарда, әсіресе қан кету немесе асқазан-ішек жолының ойық жарасының тесілуі сияқты өліммен аяқталуы мүмкін реакцияларда жоғарылаған. Респираторлық әсер Бронх демікпесі немесе анамнезінде аллергиялық аурулары бар пациенттерде бронх түйілуі туындауы мүмкін. Мұндай пациенттерге соруға арналған таблеткаларды флурбипрофенмен сақтықпен қолдану керек. Басқа ҚҚСП Соруға арналған таблеткаларды флурбипрофенмен және циклооксигеназа-2 селективті тежегіштерін қоса, ҚҚСП-мен бір мезгілде қолданудан аулақ болу керек. Жүйелі қызыл жегі және дәнекер тіннің аралас ауруы Жүйелі қызыл жегі және дәнекер тінінің аралас ауруы бар пациенттерде асептикалық менингиттің даму қаупі жоғары болуы мүмкін, алайда бұл әсер, әдетте, қысқа мерзімді қолдануға арналған препараттар, мысалы, флурбипрофенмен соратын таблеткалар үшін байқалмайды. Жүрек-қантамыр, бүйрек және бауыр жеткіліксіздігі ҚҚСП қабылдау интерстициальді нефрит, нефроздық синдром және бүйрек жеткіліксіздігін қоса, нефроуыттылықтың түрлі формаларына әкелетіні хабарланды. ҚҚСП қабылдау простагландиндер өндірілуінің дозаға тәуелді төмендеуіне және бүйрек жеткіліксіздігіне түрткі болуы мүмкін. Мұндай реакцияның максималды даму қаупі несеп айдайтын препараттарды қабылдайтын бүйрек, жүрек және бауыр жеткіліксіздігі бар пациенттерде немесе егде адамдарда байқалады, алайда мұндай әсер, әдетте, флурбипрофенмен соратын таблеткалар сияқты қысқа мерзімді қолдануға арналған препараттар үшін байқалмайды. Жүрек-тамыр және цереброваскулярлық әсерлер Анамнезінде гипертензиясы және/немесе жүрек жеткіліксіздігі бар пациенттерді емдеуді бастар алдында емдеуші дәрігермен немесе фармацевтпен кеңесу қажет, өйткені сұйықтықтың кідіруі, гипертензия және ісіну ҚҚСП терапиясы аясында тіркелген. Клиникалық және эпидемиологиялық зерттеу деректері ҚҚСП қолдану (негізінен жоғары дозаларда және ұзақ уақыт бойы) артериялық тромбоздық құбылыстар (мысалы, миокард инфарктісі немесе инсульт) қаупінің аздаған жоғарылауымен байланысты болуы мүмкін екенін растайды. 5 таблеткадан аспайтын тәуліктік дозада қолданғанда флурбипрофен үшін осындай қауіпті жоққа шығару үшін қолда бар деректер жеткіліксіз. Бауырға әсері Бауырдың жеңіл немесе орташа ауыр дисфункциясы. Жүйке жүйесі тарапынан Анальгетиктен туындаған бас ауыруы – анальгетиктерді ұзақ уақыт қабылдағанда немесе оларды флурбипрофенмен емдегеннен кейін қолданғанда бас ауыруы дамуы мүмкін, оны емдеу үшін дәрілік заттың анағұрлым жоғары дозаларын пайдалануға болмайды. Асқазан-ішек бұзылыстары Асқазан-ішек жолдарының аурулары (ойық жаралы колит, Крон ауруы) бар пациенттерге көрсетілген аурулардың ықтимал өршуіне байланысты ҚҚСП сақтықпен тағайындау керек. Емдеудің кез келген кезеңінде ҚҚСП қабылдау асқазан-ішектен қан кетуге, ойық жараға немесе тесілуге, кейде алдын алу симптомдарына немесе анамнезінде асқазан-ішек жолы тарапынан елеулі жағымсыз реакциялардың болуына қарамастан өлімге әкелуі мүмкін. Анамнезінде ойық жарасы, әсіресе қан кетумен немесе тесілумен асқынған ойық жарасы бар пациенттерде, сондай-ақ егде жастағы пациенттерде ҚҚСП дозасын арттырған кезде асқазан-ішектен қан кету, ойық жара немесе тесілу қаупі артады, алайда бұл әсер, әдетте, қысқа мерзімді қолдануға арналған препараттар, мысалы, флурбипрофенмен соратын таблеткалар үшін байқалмайды. Анамнезінде асқазан-ішек жолы тарапынан бұзылулары бар пациенттерге, әсіресе егде жастағы пациенттерге, құрсақ қуысы ағзалары тарапынан кез келген ерекше симптом (әсіресе асқазан-ішектен қан кету) туындаған кезде дәрігерге жүгінген жөн. Ойық жаралану немесе қан кету қаупін арттыруы мүмкін дәрілік заттарды қабылдайтын пациенттерге препаратты сақтықпен қолданған жөн, мысалы, пероральді кортикостероидтар, антикоагулянттар (мысалы, варфарин), серотонинді кері қармаудың селективті тежегіштері немесе тромбоцитке қарсы препараттар (мысалы, ацетилсалицил қышқылы). Егер флурбипрофен қабылдайтын пациенттерде асқазан-ішектен қан кету немесе ойық жара байқалса, онда препаратты қабылдауды тоқтату керек. Дерматологиялық әсерлер Кейбір жағдайларда өліммен аяқталатын күрделі тері реакциялары, соның ішінде эксфолиативтік дерматит, Стивенс-Джонсон синдромы және уытты эпидермальді некролиз бойынша ҚҚСП қолдану аясында өте сирек жағдайларда ғана диагноз қойылған. Тері бөртпесінің алғашқы белгілерінде, шырышты қабықтың зақымдалуында немесе аса жоғары сезімталдықтың басқа белгілерінде флурбипрофенмен соруға арналған таблеткаларды қабылдауды тоқтату керек. Инфекциялар Инфекциялық қабынулардың нашарлауының жекелеген жағдайлары (мысалы, некроздық фасцииттің дамуы) мен жүйелі ҚҚСП дәрілік препараттар класы ретінде қолдану арасындағы хронологиялық өзара байланыс байқалғандықтан, пациентке флурбипрофен таблеткаларымен емдеу аясында бактериялық инфекция белгілерінің дамуы немесе нашарлауы кезінде дереу дәрігерге қаралу ұсынылады. Мұны инфекциялық ауру кезінде бактерияға қарсы терапияны тағайындағанда ескеру керек. Қосымша заттар бойынша қосымша деректер Препарат құрамында глютеннің өте аз мөлшері бар (бидай крахмалынан). Ол «глютенсіз» болып саналады және сізде целиакия ауруы болса, қиындықтар тудыруы екіталай. Бір пастилкада 21,38 микрограммнан артық емес глютен бар. Егер сізде бидайға аллергия болса (целиакия ауруынан басқа), Сізге препаратты қабылдауға болмайды. Препарат құрамында сахароза бар, осыған байланысты фруктоза жақпаушылығы, глюкоза-галактоза мальабсорбциясы немесе сахароза-изомальтаза жеткіліксіздігі сияқты сирек туа біткен синдромдары бар пациенттерге осы дәрілік препаратты қолданудан бас тарту керек. Препарат құрамында сульфиттер бар, олар сирек жағдайларда аса жоғары сезімталдық реакциялары мен бронх түйілуінің ауыр ауруларын тудыруы мүмкін. Препараттың құрамында глюкоза бар, ол ұзақ уақыт қолданғанда тістерге зиянды әсер етуі мүмкін. Ауыз қуысының шырышты қабығының тітіркенуі дамыған кезде емдеуді тоқтату керек. Препарат құрамында калий гидроксидінің болуына байланысты бүйрек функциясы төмендеген немесе калийдің тағаммен түсуі бақыланатын тұлғаларға сақтықпен тағайындау керек. Препарат құрамында бутилденген гидроксианизол (E320) (лимон хош иісімен) бар, ол жергілікті тері реакцияларын (мысалы, контактілі дерматит) немесе көз бен шырышты қабықтардың тітіркенуін тудыруы мүмкін. Педиатрияда қолдану 12 жасқа дейінгі балаларда флурбипрофеннің қауіпсіздігі мен тиімділігі анықталмаған. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препарат көлік құралдарын басқару және механизмдерді пайдалану қабілетіне әсер етпейді немесе өте аз әсер етеді.

Жүктілік Простагландиндер синтезін тежеу жүктілік барысына және/немесе эмбрионның/шарананың дамуына жағымсыз әсер етуі мүмкін. Эпидемиологиялық зерттеу деректері жүктіліктің ерте кезеңдерінде простагландиндер синтезінің тежегіштерін қолдану кезінде өздігінен түсік түсу, жүрек ақауы және гастрошизис қаупінің жоғарылағанын растайды. Жүрек-қантамыр жүйесі ауытқуларының пайда болуының абсолюттік қаупі 1%-дан шамамен 1,5%-ға дейін ұлғайды. Қауіп дозаның жоғарылауымен және емнің ұзақтығымен артады деп болжанады. Жүктіліктің бірінші және екінші триместрінде флурбипрофенді аса қажет жағдайда ғана тағайындау керек. Жүктілікті жоспарлаған әйел флурбипрофенді қолданғанда немесе жүктіліктің бірінші және екінші триместрі кезінде қолданғанда препараттың дозасы және ем ұзақтығы минималды болуы тиіс. Простагландин синтезінің тежегіштерін жүктіліктің үшінші триместрінде қолдану келесі жағымсыз салдарға әкелуі мүмкін: Шарана үшін: - кардиопульмональді уыттылық (артериялық түтіктің мерзімінен бұрын жабылуымен және өкпе гипертензиясының дамуымен); - бүйрек жеткіліксіздігіне дейін өршитін бүйрек дисфункциясы және олигогидрамнион; Жүктіліктің соңында ана мен нәрестеде простагландин синтезінің тежегіштерін қабылдау: - қан кету уақытының ықтимал ұлғаюы, тіпті өте төмен дозаларда да агрегацияға қарсы әсер; - жатырдың жиырылу қызметінің бәсеңдеуі, бұл босанудың басталуын кешіктіруге және босану ұзақтығының артуына әкелуі мүмкін. Осының салдарынан флурбипрофенді қабылдау жүктіліктің үшінші триместрінде қарсы көрсетіледі. Лактация Кейбір зерттеулерде флурбипрофен емшек сүтінде өте төмен концентрацияларда анықталды, оның теріс салдары емшек еметін бала үшін екіталай. Алайда, емшек сүтімен емізу кезінде балаға ҚҚСП мүмкін жағымсыз реакцияларына байланысты препаратты емізетін аналарға қолдану ұсынылмайды.

Флурбипрофенді мыналармен біріктіріп қолданудан аулақ болу керек: Циклооксигеназа-2 селективті тежегіштерін қоса, өзге де ҚҚСП Жағымсыз реакциялардың (атап айтқанда, асқазан-ішек жолы тарапынан, мысалы, жара немесе қан кету) туындау қаупінің ықтимал ұлғаюына байланысты ҚҚСП тобынаың екі немесе одан да көп препаратты бір мезгілде қолданудан аулақ болу керек. Ацетилсалицил қышқылы (төмен доза) Дәрігер тағайындаған аспириннің төмен дозаларын (тәулігіне 75 мг артық емес) қоспағанда, бұл жағымсыз реакциялардың туындау қаупін арттыруы мүмкін. Флурбипрофенді мынадай дәрілік препараттармен біріктіргенде сақтықпен қолдану керек: Антикоагулянттар ҚҚСП антикоагулянттардың, мысалы, варфариннің әсерін күшейте алады. Антитромбоцитарлық дәрілер Асқазан мен он екі елі ішектің ойық жарасы немесе қан кету қаупінің жоғарылауы. Гипотензиялық дәрілер (диуретиктер, АӨФ тежегіштері, ангиотензин II антагонистері) ҚҚСП осы топтардың несеп айдайтын препараттарының тиімділігін төмендетуі мүмкін және әсіресе бүйрек функциясы бұзылған пациенттерде циклооксигеназаның тежелуі салдарынан нефроуыттылықты арттыруы мүмкін (мұндай пациенттерде сұйықтықтың адекватты өтелуін қамтамасыз ету қажет). Алкоголь Жағымсыз реакциялардың, әсіресе асқазан-ішек жолында қан кету қаупінің ұлғаюы ықтимал. Жүрек гликозидтері ҚҚСП және жүрек гликозидтерін қолдану жүрек жеткіліксіздігінің күшеюіне, шумақтық сүзіліс жылдамдығының төмендеуіне және қан плазмасындағы жүрек гликозидтерінің концентрациясының жоғарылауына әкелуі мүмкін. Сондықтан оларды мұқият бақылау және қажет болса дозаны түзету ұсынылады. Циклоспорин Нефроуыттылық қаупінің артуы. Кортикостероидтар Жағымсыз дәрілік реакциялар, әсіресе асқазан-ішек жолы тарапынан қаупі жоғары. Литий Қан плазмасындағы литий концентрациясы жоғарылауы мүмкін, сондықтан мұқият бақылау және қажет болса дозаны түзету ұсынылады. Метотрексат Қан плазмасындағы метотрексат концентрациясының ұлғаюы және ҚҚСП қолдану аясында оның уыттылығының күшеюі мүмкін. Метотрексатты қабылдағанға дейін 24 сағат бұрын немесе одан кейін ҚҚСП қабылдау қажет. Мифепристон ҚҚСП қолдануды мифепристонды қолдану аяқталғаннан кейін 8-12 күннен соң бастау керек, өйткені ҚҚСП мифепристонның тиімділігін төмендетуі мүмкін. Пероральді диабетке қарсы дәрілер Қандағы глюкоза деңгейінің өзгеруі мүмкін (қандағы глюкоза деңгейін бақылау жиілігін арттыру ұсынылады). Фенитоин Фенитоиннің сарысулық деңгейінің жоғарылауы мүмкін. Фенитоиннің сарысулық деңгейін бақылау және қажет болса дозаны түзету ұсынылады. Калий жинақтаушы диуретиктер Калий жинақтаушы диуретиктер мен флурбипрофенді бірге қолдану гиперкалемияға әкелуі мүмкін. Пробенецид және сулфинпиразон Құрамында пробенецид немесе сульфинпиразон бар дәрілік заттар флурбипрофеннің шығарылуын кідіртуі мүмкін. Хинолонды антибиотиктер ҚҚСП және хинолондық қатардағы антибиотиктермен бірге ем алатын пациенттерде құрысулардың туындау қаупі артуы мүмкін. Серотонинді кері қармаудың селективті тежегіштері (СКҚСТ): Асқазан мен он екі елі ішектің ойық жарасы немесе қан кету қаупінің жоғарылауы. Такролимус ҚҚСП мен такролимусты бір мезгілде қолдану кезінде нефроуыттылық қаупінің артуы мүмкін. Зидовудин ҚҚСП мен зидовудинді бір мезгілде қолдану гематоуыттылықтың жоғарылауына әкелуі мүмкін. Қазіргі уақытта зерттеулер флурбипрофен мен толбутамид немесе антацидтер арасындағы өзара әрекеттесуді анықтаған жоқ.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары 25 °С-ден аспайтын температурада сақтау керек. Балалардың қолы жетпейтін жерде сақтау керек!