Сульфацил-натрий капли 20 %

Бір құтының ішінде белсенді зат – натрий сульфацетамиді (натрий сульфацилі) – 1000,0 мг; қосымша заттар – натрий тиосульфаты, инъекцияға арналған су. Сыртқы түрінің, иісінің, дәмінің сипаттамасы Мөлдір сәл сарғыш түсті ерітінді.

Кешенді ем құрамында. Препаратқа сезімтал бактериялармен туындаған ересектер мен балалардағы көздің инфекциялық-қабыну аурулары: - конъюнктивит, - блефарит, - мөлдір қабықтың іріңді ойық жаралары, - көздің соз аурулары.

ATX коды: S01AB04 Сульфацил-натрий – кең спектрлі әсер ететін сульфаниламидті микробқа қарсы препарат. Бактериостатикалық әсерге ие. Әсер ету механизмі дигидрофолий қышқылының синтезінің бұзылуына және соңында пуриндер мен пиримидиндердің синтезі үшін қажетті тетрагидрофолий қышқылының белсенді метаболитіне алып келетін парааминобензой қышқылымен (ПАБҚ) бәсекелес антагонизммен және дигидроптероатсинтетазаның бәсеңдеуімен байланысты. Грамоң және грамтеріс кокктарға қатысты белсенді, Escherichia coli, Shigella spp., Vibrio cholerae, Clostridium perfringens, Bacillus anthracis, Corynebacterium diphteriae, Yersinia pestis, Chlamydia spp., Actinomyces israelii, Toxoplasma gondii. Сульфацетамидке резистенттілік дамуы мүмкін.

Дозалау режимі Балалар мен ересектердегі конъюнктивитті емдеу үшін конъюнктивалық қалтаға әр 2-3 сағат сайын ерітіндінің 1-2 тамшысы, келесі 3-4 күнде тәулігіне 5-6 рет тамызады. Балалар мен ересектердегі блефаритті емдеу үшін алғашқы күндері инстилляция жиілігі 6-8 ретті құрайды және жағдайы жақсарған сайын күніне 3-4 ретке дейін азаяды, емдеу ұзақтығы 3-5 күн. Кешенді терапияның бөлігі ретінде мөлдір қабықтың іріңді ойық жарасын емдеу үшін инстилляция түрінде 5-7 күн ішінде күніне 5-6 рет. Ересектердегі көздің соз және хламидиялық ауруларын емдеу кезінде кешенді ем құрамында 4-6 апта бойы күніне 5-6 рет 1-2 тамшыдан тамызады. Жүргізілген ем аясында оң динамика байқалған жағдайда әрбір келесі аптада тамшы инстилляцияларының саны азаяды. Балалар. 2 айға дейінгі балаларға қолданудың қауіпсіздігі мен тиімділігі анықталмаған. Тамшылатқыш қақпағы бар құтыларды пайдалану бойынша ұсыныстар: Қолданар алдында осы бөлімді мұқият оқып шығыңыз және төмендегі мәтіндегі және 1-6 суреттердегі әрекеттерді ретті түрде орындаңыз. • Құтыны қаптамадан алу керек (1-сурет). • Қайшыны қақпаққа 45 градус бұрышта орналастырып, оның төменгі жиегін көтеріп, жоғарыға бағытталған әрекетпен, алюминий қақпағын резеңке қақпақпен бірге алып тастау керек (2-сурет). • Тамшылатқышты қаптамадан алып, құтыға тығыздап кигізу керек (3-сурет). • Ауа көпіршігін кетіру үшін құтыны қатаң түрде тігінен төңкеріп қойып, бірнеше секунд күту керек. Үлкен көпіршік болған жағдайда құтыны бастапқы қалпына келтіріп, содан кейін құтының түбін ақырын қағып, әрекетті баяу қайталау керек (4-сурет). • Саусақпен және бас бармақпен пипетканы басып тамызу керек (5-сурет). • Құтыны төңкеріп, пипетканы арнайы тығынмен жабу керек (6-сурет). Енгізу әдісі мен жолы Тек жергілікті офтальмологиялық қолдану үшін. Дәрілік препараттың қолдану тәсілін түсіндіру үшін медициналық қызметкерге кеңес алуға жүгіну жөніндегі ұсынымдар Егер препаратты қолдану әдісіне қатысты күмән туындаса, емдеуші дәрігермен кеңесіңіз.

- әсер етуші затқа немесе қосымша заттардың кез келгеніне аса жоғары сезімталдық; - көздің вирустық немесе зеңдік инфекциясы; - 2 айға дейінгі балалар.

Жағымсыз реакциялар жүйелік-ағзалық кластары мен пайда болу жиілігі бойынша тізімделеді. Жиілік келесідей анықталады: өте жиі (≥1/10), жиі (≥1/100, бірақ <1/10), жиі емес (≥1/1000, бірақ <1/100), сирек (≥1/10 000, бірақ <1/1000), өте сирек (<1/10 000), жиілігі белгісіз (қолда бар деректерге негізделген бағалау мүмкін емес). Жиілігі белгісіз (қолда бар деректер негізінде бағалау мүмкін емес) – аллергиялық реакциялар, суперинфекцияның дамуы, сульфаниламидтерге ауыр аллергиялық реакциялар (Стивенс-Джонсон синдромы, уытты эпидермолиз, бауырдың шұғыл дамитын некрозы, агранулоцитоз, аплазиялық анемия); – дәрі тамызғаннан кейінгі көру қабілетінің өтпелі бұлыңғырлануы, спецификалық емес конъюнктивит, ашыту, қызару, қабақтың ісінуі, көзден жас ағуы, ашытып ауырсыну, көздің қышынуы. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: препаратты жиі қолданған кезде қызару, қышыну, қабақтың ісінуі, көздің шырышты қабығының елеулі тітіркенуі мүмкін. Бұл жағдайда емдеу аз концентрациядағы сульфацил ерітіндісімен жалғасады, қажет болған жағдайда препарат тоқтатылады және симптоматикалық ем тағайындалады.

Тек жергілікті қолдануға арналған. Инъекциялық енгізуге болмайды. Стивенс-Джонсон синдромын, уытты эпидермалық некролизді, фульминанттық гепатонекрозды, агранулоцитозды, аплазиялық анемия мен қан жүйесіндегі басқа патологиялық өзгерістерді қоса алғанда, сульфаниламидтерге ауыр жағымсыз реакциялардың туындауы салдарынан өлім жағдайлары сирек анықталды. Сульфаниламидтерге сенсибилизация енгізу жолына қарамастан қайта қолданған кезде пайда болуы мүмкін. Анамнезінде сульфаниламидтерге аса жоғары сезімталдық болмаған адамдарда сульфаниламидтерге сенсибилизация байқалды. Аса жоғары сезімталдықтың алғашқы белгілері, терідегі бөртпелер немесе басқа да ауыр жағымсыз реакциялар пайда болған кезде дәрілік затты қолдануды тоқтату керек. Фуросемидке, тиазидті диуретиктерге (гидрохлортиазид), сульфонилмочевина туындыларына (глибенкламид) немесе карбоангидраза тежегіштеріне (диакарб) жоғары сезімталдығы бар пациенттерде сульфацилге жоғары сезімталдық болуы мүмкін. Сульфацетамидке сезімтал емес микроорганизмдер, сондай-ақ зең флорасы шамадан тыс өсуі мүмкін. Дәрілік препараттың бактерияға қарсы белсенділігі іріңді бөлінді мөлшері көп болған кезде парааминобензой қышқылының жоғары концентрациясының қатысуымен төмендейді. Аллергия симптомдары пайда болған кезде, сондай-ақ ауырсыну және инфекциялық-қабыну процесінің басқа белгілері күшейгенде, іріңді бөлінді мөлшері көбейген кезінде емді тоқтату керек. Арнайы ескертулер Жүктілік кезінде және лактация кезеңінде қолдану. Жүктілік кезінде натрий сульфацилін қолдану бойынша жеткілікті тәжірибе жоқ. Жүктілік кезінде натрий сульфацилін дәрігердің кеңесінсіз қолдану ұсынылмайды. Жүктілік кезеңінде дәрілік препаратты қолдану ана үшін күтілетін пайда бала үшін потенциалды қауіптен асып кеткен жағдайда мүмкін болады. Сульфаниламидтер плацента арқылы өтеді. Жүктілік кезінде таблетка түріндегі сульфаниламидтерді қабылдаған анадан туған нәрестелерде ядролық сарғаю дамуы мүмкін, сондықтан сульфаниламидті көзге тамызатын дәрі дәрілік түрінде қолданған кезде сарғаю қаупін жоққа шығаруға болмайды. Бала емізу кезінде препаратты қолдану бойынша жеткілікті тәжірибе жоқ. Сульфаниламидтер емшек сүтіне енеді. Лактация кезеңінде дәрілік препаратты қолдану ана үшін күтілетін пайда бала үшін потенциалды қауіптен асып кеткен жағдайда мүмкін болады. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Басқа көзге тамызатын дәріні қолданғандай, көлік құралдарын басқару және механизмдермен жұмыс істеу қабілетіне әсер етуі мүмкін көрудің уақытша бұлыңғырлануы ықтимал. Көру қабілетінің қысқа мерзімді бұзылуы жағдайында пациент көлік құралдарын басқарудан немесе механизмдермен жұмыс жасамас бұрын көру қабілеті қалпына келгенше күтуі керек.

Нұсқаулықта көрсетілмеген.

Новокаинмен, дикаинмен, анестезинмен бірге қолданған кезде дәрілік препараттың бактериостатикалық әсері азаяды. Дифенин, ПАСҚ, салицилаттар сульфацетамид уыттылығын күшейтеді. Сульфацетамидті тікелей әсер етпейтін антикоагулянттармен қолданғанда соңғыларының спецификалық белсенділігі артады. Сульфацетамид жергілікті қолданылған кезде күміс тұздармен үйлеспейді.

Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары Жарықтан қорғалған жерде 25°С-ден аспайтын температурада сақтау керек. Мұздатып қатыруға болмайды. Ашылған құтыны жарықтан қорғалған жерде 15 С-ден 25 С-ге дейінгі температурада 4 апта бойы сақтау керек. Балалардың қолы жетпейтін жерде сақтау керек!