СУПРАФЕН таблетки 400 мг

Бір таблетканың құрамында белсенді зат-ибупрофен 400 мг қосымша заттар: жүгері крахмалы, желатинделген крахмал, стеарин қышқылы, сусыз коллоидты кремнийдің қостотығы (Аэросил 200) Шеффкоат Бриллиантты - қызғылт үлбірлі жабыны: гидроксипропилметилцеллюлоза, тальк, титанның қостотығы (Е171), глицерин триацетині/триацетаты, эритрозин алюминий лагы (Е127) Сыртқы түрінің, иісінің, дәмінің сипаттамасы Дөңгелек пішінді, екі беті дөңес, үлбірлі қабықпен қапталған, күңгірт қызғылт түсті таблеткалар.

Супрафен ревматизмдік немесе бұлшықет ауырулары, арқаның ауыруы, невралгия, бас сақинасы, бас ауыруы, тіс ауыруы, дисменорея, қызбалы жағдай, суық тию және тұмау кезінде ауырсынуларды жеңілдетуге арналған.

Әсер ету механизмі Ибупрофен- ауыруды басатын, қабынуға қарсы және қызуды түсіретін белсенділігі бар пропион қышқылының туындысы. Жануарлардағы ауырсыну мен қабыну үлгілерін зерттеу ибупрофеннің простагландиндердің синтезін тиімді тежейтінін көрсетті. Адамдарда ибупрофен қабынудан туындаған немесе онымен байланысты ауырсынуды, ісінуді және қызбаны азайтады. Ибупрофен циклооксигеназа белсенділігін тежеу арқылы простагландиндердің синтезіне тежегіш әсер етеді. Сонымен қатар, ибупрофен АДФ (аденозиндифосфат) немесе коллаген стимуляциялайтын тромбоциттер агрегациясына тежегіш әсер етеді. Фармакодинамикалық әсерлер Эксперименттік деректер ибупрофен ацетилсалицил қышқылының төмен дозаларының бір мезгілде қабылдау кезінде тромбоциттердің агрегациясына әсерін бәсекелі түрде тежейтінін көрсетеді. Кейбір фармакодинамикалық зерттеулерде 400 мг ибупрофеннің бірреттік дозасын жылдам босап шығатын ацетилсалицил қышқылы аспиринді (81 мг) қабылдағанға дейін 8 сағат бұрын немесе қабылдағаннан кейін 30 минут ішінде қабылдаған кезде аспириннің тромбоксанның түзілуіне немесе тромбоциттер агрегациясына әсері төмендегені атап өтілді. Осы деректердің клиникалық жағдайға экстраполяциясына қатысты белгісіздікке қарамастан, ибупрофенді тұрақты және ұзақ қолдану ацетилсалицил қышқылының төмен дозаларының кардиопротекторлық әсерін төмендетуі мүмкін екендігін жоққа шығаруға болмайды. Ибупрофенді эпизодтық қолдану кезінде клиникалық маңызды әсер күтілмейді деп саналады (4.5-бөлімді қараңыз). Ибупрофен жатырдағы простагландиндердің синтезін тежейді, осылайша жатырішілік тыныштық пен белсенді қысымды, жатырдың мерзімді жиырылуын және қанағымға бөлінетін простагландиндердің мөлшерін азайтады. Бұл өзгерістер етеккір кезіндегі ауырсынулардың жеңілдеуін түсіндіреді деп болжануда. Ибупрофен бүйрек простагландиндерінің синтезін тежейді, бұл қауіп тобындағы пациенттерде бүйрек функциясының жеткіліксіздігіне, сұйықтықтың іркілуіне және жүрек функциясының жеткіліксіздігіне әкелуі мүмкін (4.3-бөлімді қараңыз). Простагландиндер овуляциямен байланысты, сондықтан простагландиндердің синтезін тежейтін дәрілік заттарды қолдану әйелдердің фертильділігіне әсер етуі мүмкін (4.4, 4.6 және 5.3- бөлімдерді қараңыз).

Дозалау режимі Препарат тек қысқа мерзімді пероральді қолдануға арналған. Симптомдарды жеңілдету үшін ең қысқа уақыт ішінде ең аз тиімді дозаны қолдану керек. Ересектер және егде жастағы пациенттер Егер аурудың симптомдары сақталса немесе өршісе немесе препаратты 10 күннен артық қабылдау қажет болса, дәрігермен кеңесу керек. Ұсынылатын доза 1 таблеткадан сумен бірге тәулігіне үш ретке дейінді құрайды, қажет болған жағдайда. Қабылдау арасындағы аралық 4 сағаттан кем болмауы тиіс. 24 сағат ішінде 3 таблеткадан артық қабылдауға болмайды. Пациенттердің ерекше топтары Балалар СУПРАФЕН препараты құрамында балалар мен 18 жасқа дейінгі жасөспірімдерге қолдануға тыйым салынған эритрозин алюминий лагы бояғышы (Е 127) болуына байланысты балалар мен 18 жасқа дейінгі жасөспірімдерге қолдануға болмайды. Егде жастағы пациенттер Егде жастағы пациенттерде қабынуға қарсы стероидты емес препараттарды (ҚҚСП) аса сақтықпен қолдану керек, өйткені олар жағымсыз құбылыстардың дамуына бейімірек келеді. Қажетті клиникалық бақылауға үйлесетін ең аз дозаны қолдану керек. Емдеуді үнемі қайта қарап, егер әсері байқалмаса немесе жақпаушылық туындаса, тоқтату керек. Бүйрек функциясының жеткіліксіздігі бар пациенттер Бүйрек функциясының жеңіл немесе орташа жеткіліксіздігі бар пациенттерде дозаны төмендету қажет емес (бүйрек функциясының ауыр жеткіліксіздігі бар пациенттер үшін “Қолдануға болмайтын жағдайлар” бөлімін қараңыз). Бауыр функциясының жеткіліксіздігі бар пациенттер Бауыр функциясының жеңіл немесе орташа жеткіліксіздігі бар пациенттерде дозаны төмендету қажет емес (бауыр функциясының ауыр жеткіліксіздігі бар пациенттер үшін “Қолдануға болмайтын жағдайлар” бөлімін қараңыз). Енгізу әдісі мен жолы Ішке қабылдау үшін. Таблеткаларды көп мөлшерде сумен ішіп, жұту керек. Ауыз қуысындағы жайсыздық пен тамақтың тітіркенуін болдырмау үшін, дұрысы тамақтанғаннан кейін, таблеткаларды тұтас қалпында, шайнамай, сындырмай, жаншып немесе сормай жұту керек. Дәрілік препараттың бір немесе бірнеше дозасын өткізіп алған кезде қажетті шаралар Өткізіп алған қабылдауды өтеу үшін қос дозаны қабылдауға болмайды. Дәрілік препаратты қолдану тәсілін түсіндіру үшін медицина қызметкеріне консультацияға жүгіну бойынша ұсынымдар Осы дәрілік препаратты қолдану бойынша қосымша сұрақтар туындаған жағдайда дәрігерге немесе фармацевтке кеңес алу үшін жүгіну керек.

- әсер етуші затқа немесе қосымша заттардың кез келгеніне аса жоғары сезімталдық - анамнезінде ацетилсалицил қышқылын немесе қабынуға қарсы стероидты емес басқа препараттарды (ҚҚСП) қабылдаумен байланысты бронх демікпесі, ринит және есекжем сияқты аса жоғары сезімталдық реакцияларының болуы - анамнезінде алдыңғы ҚҚСП еміне байланысты асқазан-ішектен қан кетудің немесе тесілудің болуы. Бұл пациенттерде ҚҚСП ауыр және сирек жағдайларда өлімге әкелетін анафилактоидты реакциялар туғызуы мүмкін. Ибупрофенді белсенді ойықжаралы колит, Крон ауруы, қайталанатын пептидтік ойықжара немесе асқазан-ішектен қан кету (расталған ойықжараның немесе қан кетудің екі немесе одан да көп жекелеген эпизодтары) болған пациенттерде қолдануға болмайды - жүректің ауыр жеткіліксіздігі (NYHA бойынша IV класс) - бауырдың ауыр жеткіліксіздігі - бүйректің ауыр жеткіліксіздігі (креатинин клиренсі < 30 мл/мин) - елеулі сусыздану (құсу, диарея немесе сұйықтықты жеткіліксіз қабылдаудан туындаған) - цереброваскулярлық немесе басқа қарқынды қан кету - қан өндірудің этиологиясы белгісіз бұзылуы - жүктіліктің үшінші триместрі - балалар мен 18 жасқа дейінгі жасөспірімдер

Өте жиі (≥1/10) • асқазан-ішектік бұзылулар, мысалы, қыжыл, диспепсия, іштің ауыруы, жүрек айну, құсу, метеоризм, диарея, іш қату Жиі (≥1/100-ден < 1/10-ға дейін) - бас ауыруы, бас айналу, ұйқышылдық, шаршағыштық, қозу, ұйқысыздық, ашуланшақтық - асқазан-ішек жолының ойықжаралары, кейде қан кетумен және тесілумен, анемияға әкелуі мүмкін жасырын қан жоғалту, мелена, қан аралас құсу (гематомезис), ойықжаралы стоматит, колит, ішектің қабыну ауруларының өршуі, тоқішек дивертикулының асқынуы (тесілу, жыланкөз) Жиі емес (≥1/1000-нан < 1/100-ге дейін) - ринит, бронх түйілуі - көру қабілетінің бұзылуы - гастрит - есекжем, қышыну, пурпура, экзантема сияқты аса жоғары сезімталдық реакциялары, сондай-ақ бронх демікпесі ұстамалары (кейде артериялық гипотензиямен) - ісінулердің пайда болуы, әсіресе артериялық гипертензиямен немесе бүйрек функциясының жеткіліксіздігімен ауыратын пациенттерде, нефроздық синдром, бүйрек функциясының жеткіліксіздігімен байланысты болуы мүмкін интерстициялық нефрит Сирек (≥1/10000-нан <1/1000-ға дейін) - қызыл жегі синдромы - депрессия, сананың шатасуы, елестеулер - уытты амблиопия - ұзақ уақыт қолданғанда бүйрек бүртіктерінің некрозы - қандағы мочевина азотының, сарысулық трансаминазалардың және сілтілі фосфатазаның деңгейінің жоғарылауы, гемоглобин мен гематокрит көрсеткіштерінің төмендеуі, тромбоциттер агрегациясының тежелуі, қан кету уақытының ұлғаюы, қан сарысуындағы кальций деңгейінің төмендеуі, қан сарысуындағы несеп қышқылы деңгейінің жоғарылауы Өте сирек (<1/10000) - қан түзу тарапынан бұзылулар (анемия, лейкопения, тромбоцитопения, панцитопения, агранулоцитоз, нейтропения). Алғашқы симптомдар мыналарды қамтуы мүмкін: қызба, тамақтың ауыруы, ауыздағы беткейлік жаралар, тұмауға ұқсас симптомдар, қатты шаршағыштық, мұрыннан және теріден қан кету. - аса жоғары сезімталдықтың ауыр реакциялары. Симптомдар мыналарды қамтуы мүмкін: беттің ісінуі, тілдің ісінуі, тыныс алу жолдарының тарылуымен көмейдің ішкі бөлігінің ісінуі, ентігу, тахикардия, артериялық қысымның өмірге қауіп төндіретін шок жағдайына дейін төмендеуі. - асептикалық менингит – құлақ шулау - жүректің жиі соғуы, жүрек функциясының жеткіліксіздігі, миокард инфарктісі, өкпенің жедел ісінуі, ісінулер - гипертония - эзофагит, панкреатит, ішек стриктурасы - бауыр дисфункциясы, бауырдың зақымдануы, әсіресе ұзақ уақыт қолданғанда, бауыр функциясының жеткіліксіздігі, жедел гепатит, сарғаю - терінің ауыр жағымсыз реакциялары (мультиформалы эритема, эксфолиативтік дерматит, буллезді реакциялар, соның ішінде Стивенс-Джонсон синдромы және уытты эпидермалық некролиз, алопеция, некроздаушы фасцит) Белгісіз (қолда бар деректердің негізінде бағалау мүмкін емес) - үрейлену - көру жүйкесінің невриті, парестезия - есту қабілетінің бұзылуы - Коунис синдромы - эозинофилиямен және жүйелі симптомдармен дәрілік реакция (DRESS синдромы), жедел жалпыланған экзантематозды пустулез (AGEP), фотосезімталдық реакциялары - бүйрек өзекшелерінің ацидозы* - шаршағыштық - гипокалиемия* * Постмаркетингтік кезеңде бүйрек өзекшелерінің ацидозының және гипокалиемияның дамуы туралы хабарланды, олар әдетте ибупрофенді ұсынылғаннан жоғары дозада ұзақ уақыт қолданғаннан кейін пайда болды. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары ҚҚСП клиникалық маңызды мөлшерін қабылдаған пациенттердің көпшілігінде жүрек айнуы, құсу, эпигастрийдегі ауырсыну немесе сирек диарея ғана дамиды. Нистагм, көру қабілетінің бұзылуы, құлақ шулау, бас ауыруы және асқазан-ішектен қан кету де пайда болуы мүмкін. Неғұрлым ауыр улану кезінде уытты әсер орталық жүйке жүйесі тарапынан бас айналу, ұйқышылдық, кейде қозу және бағдарсыздық, есін жоғалту немесе кома түріндегі бұзылулармен көрінеді. Кейде пациенттерде құрысулар пайда болады. Балаларда миоклонустық ұстамалар да дамуы мүмкін. Ауыр улану кезінде метаболизмдік ацидоз дамуы мүмкін, гипотермия мен гиперкалиемия да пайда болуы мүмкін және қан ұюының айналымдағы факторларының әсерінің бұзылуына байланысты протромбин уақытының / ХҚҚ жоғарылауы мүмкін. Бүйрек функциясының жедел жеткіліксіздігі, бауырдың зақымдануы, артериялық гипотензия, тыныс алудың тежелуі және цианоз да орын алуы мүмкін. Астматиктерде бронх демікпесінің өршуі мүмкін. Ұсынылғаннан жоғары дозада ұзақ уақыт қолдану ауыр гипокалиемияға және бүйрек өзекшелерінің ацидозына әкелуі мүмкін. Симптомдар сана деңгейінің төмендеуін және жалпы әлсіздікті қамтуы мүмкін. Емі Емдеу симптоматикалық және демеуші болуы керек және тыныс алу жолдарының өткізгіштігін сақтау шараларын, сондай-ақ жағдайды тұрақтандырғанға дейін жүрек пен өмірлік маңызды көрсеткіштерге мониторинг жүргізуді қамтуы керек. Пациент 400 мг/кг-дан астам дозаны қабылдағаннан кейін бір сағаттан аспайтын уақыт өткен жағдайда асқазанды босату немесе белсендірілген көмірді пероральді қабылдау ұсынылады. Егер ибупрофен сіңіп үлгерген болса, қышқыл ибупрофеннің несеппен шығуына ықпал ететін сілтілі препараттарды енгізу керек. Жиі немесе ұзаққа созылған құрысулар кезінде диазепамды немесе лоразепамды вена ішіне енгізу керек. Бронх демікпесі кезінде бронхолитиктерді енгізу ұсынылады. Арнайы антидот жоқ.

Жағымсыз әсерлер симптомдарды бақылау үшін қажетті ең аз ұзақтық ішінде ең аз тиімді дозаны қолдану жолымен барынша азайтылуы мүмкін (сондай-ақ төменде асқазан-ішек және жүрек-қантамырлық қауіптерді қараңыз). ҚҚСП ұзақ уақыт қабылдаған пациенттер жағымсыз құбылыстарды анықтау үшін үнемі медициналық бақылауда болуы керек. Егде жастағы пациенттер Егде жастағы адамдарда ҚҚСП қолданған кезде жағымсыз реакциялардың жоғары жиілігі байқалады, әсіресе асқазан-ішектен қан кету және тесілу, бұл өлімге әкелуі мүмкін. Тыныс алу жүйесі Бронх демікпесі немесе аллергиялық аурулары бар немесе анамнезінде осы аурулары бар пациенттерде бронх түйілуі пайда болуы мүмкін. Басқа ҚҚСП Ибупрофенді ҚҚСП-пен, соның ішінде циклооксигеназа-2 селективті тежегіштерімен бір мезгілде қолданудан аулақ болу керек. ЖҚЖ және дәнекер тіннің аралас аурулары Жүйелі қызыл жегі (ЖҚЖ) және дәнекер тіннің аралас аурулары бар пациенттерде асептикалық менингиттің даму қаупі жоғары болуы мүмкін. Бүйрек функциясының бұзылуы Бүйрек функциясының жеткіліксіздігі, өйткені бүйрек функциясы бұзылуының күшеюі мүмкін. Дегидратациясы бар балалар мен жасөспірімдерде бүйрек функциясы жеткіліксіздігінің даму қаупі бар. Жедел артық дозаланғаннан кейін ибупрофенді ұзақ уақыт бойы жоғары дозада (әдетте 4 аптадан астам) қабылдайтын пациенттерде, оның ішінде ұсынылған тәуліктік дозадан асатын дозаларда, бүйректің түтікшелі ацидозы және гипокалиемия дамуы мүмкін. Бауыр тарапынан бұзылулар Бауыр функциясының бұзылуы мүмкін. Жүрек-қантамырлық және цереброваскулярлық әсерлер Анамнезінде гипертония және/немесе жүрек функциясының жеткіліксіздігі бар пациенттерде емдеуді бастамас бұрын сақ болу керек (дәрігермен немесе фармацевтпен кеңесу керек), өйткені ҚҚСП емдеумен байланысты сұйықтықтың кідіруі, гипертензия және ісінулер туралы хабарланған. Клиникалық зерттеулер ибупрофенді, әсіресе жоғары дозаларда (тәулігіне 2400 мг) қолдану артериялық тромбоздық асқынулардың (мысалы, миокард инфарктісі немесе инсульт) даму қаупінің шамалы жоғарылауымен байланысты болуы мүмкін екенін көрсетеді. Жалпы, эпидемиологиялық зерттеулер ибупрофеннің төмен дозалары (мысалы, ≤ 1200 мг/тәулік) артериялық тромбоздың дамуының жоғары қаупімен байланысты деп болжамайды. Бақыланбайтын артериялық гипертензиямен, жүректің іркілген жеткіліксіздігімен (NYHA II-III), жүректің анықталған ишемиялық ауруымен, шеткері артериялардың ауруларымен және / немесе цереброваскулалық аурулармен ауыратын пациенттерге ибупрофенді аса сақтықпен тағайындау керек және жоғары дозаларды қолданудан (тәулігіне 2400 мг) аулақ болу керек. Сондай-ақ, жүрек-қантамыр асқынулары (мысалы, артериялық гипертензия, гиперлипидемия, қантты диабет, шылым шегу) түріндегі қауіп факторлары бар пациенттерді ұзақ мерзімді емдеуді бастар алдында, әсіресе ибупрофеннің жоғары дозаларын (тәулігіне 2400 мг) қолдану қажет болса, клиникалық көріністі мұқият бағалау керек. Әйелдердің фертильділігінің бұзылуы Циклооксигеназа/простагландин синтезін тежейтін препараттар овуляцияға әсер ете отырып, әйелдердің фертильділігінің бұзылуына әкелуі мүмкін екендігі туралы шектеулі дәлелдер бар. Бұл құбылыс емдеуді тоқтатқаннан кейін қайтымды болады. Асқазан-ішек жолы Анамнезінде асқазан-ішек аурулары бар пациенттерге (ойықжаралы колит, Крон ауруы) осы жағдайлардың өршуіне байланысты ҚҚСП сақтықпен тағайындалу керек. Барлық ҚҚСП-ны емдеу кезінде кез келген уақытта қабылдаған кезде, ескерту симптомдарының болуына немесе анамнезінде асқазан-ішек жолының алдыңғы ауруларының болуына қарамастан, өлімге әкелуі мүмкін асқазан-ішектен қан кету, ойықжара немесе тесілу туралы хабарланды. Асқазан-ішектен қан кету, ойықжара немесе тесілу қаупі анамнезінде ойықжара ауруы бар, әсіресе қан кетумен немесе тесілу мен асқынған пациенттерде, сондай-ақ егде жастағы адамдарда ҚҚСП дозасын арттырған кезде жоғарылайды. Мұндай пациенттерді емдеуді қолжетімді ең төменгі дозадан бастау керек. Анамнезінде асқазан-ішек аурулары бар пациенттер, әсіресе егде жастағы адамдар, іштің кез келген әдеттен тыс симптомдары (әсіресе асқазан-ішектен қан кету) туралы, әсіресе емдеудің бастапқы кезеңдерінде хабарлауы керек. Пероральді кортикостероидтар, варфарин сияқты антикоагулянттар, серотонинді кері қармайтын селективті тежегіштер немесе ацетилсалицил қышқылы сияқты антиагреганттар ойықжаралардың түзілу немесе қан кету қаупін арттыруға қабілетті қатарлас препараттарды қабылдайтын пациенттерде сақ болу керек. Егер СУПРАФЕН қабылдаған пациенттерде асқазан-ішектен қан кету немесе ойықжара пайда болса, емдеуді тоқтату керек. Терінің ауыр реакциялары ҚҚСП-ны қолданумен байланысты сирек жағдайларда терінің ауыр жағымсыз реакцияларының дамуы туралы хабарланды, соның ішінде эксфолиативті дерматит, Стивенс-Джонсон синдромы (SJS) және уытты эпидермалық некролиз (TEN), бұлар өмірге қауіп төндіруі немесе өлімге әкелуі мүмкін. Пациенттер емнің ерте сатыларында осы реакциялардың пайда болуының жоғары қаупіне ұшырайды, ал көп жағдайда реакциялар алғашқы айда пайда болады. Құрамында ибупрофен бар препараттарды қолдануға байланысты жедел жайылған экзантематозды пустулездің (AGEP) дамуы туралы хабарланды. Егер осы реакцияларды көрсететін белгілер мен симптомдар пайда болса, СУПРАФЕН препаратын дереу тоқтату және балама емдеуді қарастыру керек (қажет болған жағдайда). Коунис синдромы Ибупрофен қабылдаған пациенттерде Коунис синдромының даму жағдайлары туралы хабарланды. Коунис синдромы коронарлық артериялардың тарылуымен байланысты және миокард инфарктісіне әкелуі мүмкін аллергиялық немесе аса жоғары сезімтал реакциядан кейінгі жүрек-қантамыр симптомы ретінде анықталды. Негізгі инфекциялардың симптомдарын жасыру СУПРАФЕН препараты инфекция симптомдарын бүркемелеуі мүмкін, бұл тиісті емнің басталуын кешіктіруге және сол арқылы инфекцияның нәтижесін нашарлатуға әкелуі мүмкін. Бұл ауруханадан тыс пневмонияда және желшешектің бактериялық асқынуларында байқалды. СУПРАФЕН препаратын температура жоғарылаған кезде немесе инфекцияға байланысты ауырсынуды басу үшін тағайындаған кезде инфекцияның ағымын бақылау ұсынылады. Ауруханадан тыс жағдайларда, егер симптомдар сақталса немесе нашарласа, пациент дәрігерге қаралуы керек. Арнайы сақтандырулар Педиатрияда қолдану СУПРАФЕН препараты құрамында балалар мен 18 жасқа дейінгі жасөспірімдерге қолдануға тыйым салынған эритрозин алюминий лагы бояғышы (Е 127) болуына байланысты балалар мен 18 жасқа дейінгі жасөспірімдерге қолдануға болмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері СУПРАФЕН, әдетте, автокөлік жүргізу және механизмдерді пайдалану қабілетіне теріс әсер етпейді. Алайда, жоғары дозаны қабылдаған кезде шаршағыштық, ұйқышылдық, бас айналу (жиі кездесетіндер ретінде хабарланған) және көру қабілетінің бұзылуы (жиі емес ретінде хабарланған) сияқты жанама әсерлер байқалуы мүмкін болғандықтан, кейбір жағдайларда жол қозғалысына белсенді қатысу немесе механизмдерді басқару қабілеті бұзылуы мүмкін. Бұл әсер алкогольді бір мезгілде қолданғанда күшейеді.

Жүктілік Простагландин синтезін тежеу жүктілікке және/немесе эмбрион/шарананың дамуына теріс әсер етуі мүмкін. Эпидемиологиялық зерттеулердің деректері жүктіліктің ерте кезеңінде простагландиндер синтезінің тежегіштерін қолданғаннан кейін түсік тастау және жүрек ақауы, гастрошизис қаупінің жоғарылағанын көрсетеді. Жүрек-қантамырлары ақауларының абсолютті қаупі 1% - дан шамамен 1,5% - ға дейін өсті. Қауіп дозаға және ем ұзақтығына пропорционалды түрде артады деп есептеледі. Жануарларда простагландиндер синтезінің тежегіштерін қолдану имплантацияға дейінгі және имплантациядан кейінгі шығындар мен эмбрионның/ұрықтың өліміне әкелді. Сонымен қатар, органогенез кезеңінде простагландиндер синтезінің тежегіштерін қабылдаған жануарларда әртүрлі даму ақауларының, соның ішінде жүрек-қантамыр ауруларының жиілігі жоғарылағаны туралы хабарланды. Жүктіліктің 20-аптасынан бастап ибупрофенді қолдану шарананың бүйрек функциясының бұзылуы нәтижесінде болатын су аздықты тудыруы мүмкін. Бұл емдеуді бастағаннан кейін көп ұзамай пайда болуы мүмкін және әдетте қайтымды болады және емдеуді тоқтатқаннан кейін жойылады. Сонымен қатар, екінші триместрде емдегеннен кейін артериялық түтіктің тарылуы туралы хабарламалар болды, олардың көпшілігі емдеуді тоқтатқаннан кейін өтті. Жүктіліктің бірінші және екінші триместрінде аса қажет жағдайларды қоспағанда, СУПРАФЕН препаратын қолдануға болмайды. Ибупрофенді жүкті болуға ұмтылатын әйелдерде немесе жүктіліктің бірінші және екінші триместрінде қолданған кезде доза ең аз және емдеу ұзақтығы барынша қысқа болуы тиіс. Ибупрофенді жүктіліктің 20-аптасынан бастап бірнеше күн бойы қолданғаннан кейін, су аздықты және артериялық түтіктің тарылуын босанғанға дейін бақылау мүмкіндігін қарастырған жөн. Егер су аздық немесе артериялық түтіктің тарылуы анықталса, ибупрофенді қабылдауды тоқтату керек. Үшінші триместрде простагландин синтезінің барлық тежегіштері шаранаға әсер етуі мүмкін: -- жүрек-өкпе уыттылығы (артериялық түтіктің мерзімінен бұрын жабылуымен және өкпе гипертензиясымен), -жүктіліктің соңында ана мен жаңа туған нәрестеде бүйрек функциясының бұзылуы (жоғарыдан қараңыз) -қан кету уақытының ықтимал ұзаруы, тіпті өте төмен дозаларды қабылдаған кезде де көрінуі мүмкін антиагрегантты әсер -жатырдың жиырылуының тежелуі, бұл босанудың кешеуілдеуіне немесе ұзаруына әкеледі. Демек, жүктіліктің соңғы триместрінде СУПРАФЕН препаратын қолдануға болмайды. Бала емізу Ибупрофен емшек сүтімен шығарылады, бірақ қысқа мерзімді емдеу кезінде емдік дозаларды қолданғанда нәрестеге әсер ету қаупі екіталай. Алайда, егер ұзағырақ емдеу тағайындалса, бала емізуді тоқтату мүмкіндігін қарастырған жөн. Фертильділік Ибупрофенді қолдану фертильділікті бұзуы мүмкін және жүкті болуға тырысатын әйелдерге препаратты қабылдау ұсынылмайды. Жүкті болуда қиындықтар туындаған немесе бедеулікке байланысты тексеруден өткен әйелдерде ибупрофенді тоқтату мүмкіндігін қарастыру керек. Қосымша заттар Супрафен құрамында эритрозин алюминий лагы бояғышы (Е 127) бар, оны балалар мен 18 жасқа дейінгі жасөспірімдерге қолдануға тыйым салынған. Препаратты балалар мен 18 жасқа дейінгі жасөспірімдерге қолдануға болмайды. Препаратты құрамында эритрозин алюминий лагы бояғышы (Е 127) болуына байланысты қалқанша безі аурулары бар пациенттерде қолдануға болмайды.

Ибупрофенді (басқа да ҚҚСП сияқты) келесі препараттармен бір мезгілде қолданбау керек: Ацетилсалицил қышқылы Ибупрофен мен ацетилсалицил қышқылын бір мезгілде қолдану жанама әсерлердің ықтимал жоғарылауына байланысты ұсынылмайды, тек дәрігер аспиринді төмен дозада (тәулігіне 75 мг-ден аспайтын) қабылдауды ұсынған жағдайларды қоспағанда. Эксперименттік деректер ибупрофеннің ацетилсалицил қышқылының төмен дозаларының тромбоциттер агрегациясына әсерін оларды бір мезгілде қолданған кезде бәсекеге қабілетті түрде басуы мүмкін екенін көрсетеді. Осы деректердің клиникалық жағдайға экстраполяциясына қатысты белгісіздіктің болуына қарамастан, ибупрофенді тұрақты және ұзақ қолдану ацетилсалицил қышқылының төмен дозаларының кардиопротекторлық әсерін төмендетуі мүмкін екендігін жоққа шығаруға болмайды. Ибупрофенді эпизодтық қолдану кезіндегі клиникалық маңызды әсері екіталай. Басқа ҚҚСП, соның ішінде циклооксигеназа - 2 селективті тежегіштері Синергиялық әсердің нәтижесінде бірнеше ҚҚСП бір мезгілде қолдану асқазан-ішек жолының ойықжаралары мен қан кету қаупін арттыруы мүмкін. Сондықтан ибупрофенді басқа ҚҚСП-мен бір мезгілде қолданудан аулақ болу керек. Ибупрофенді келесі препараттармен бірге қолданған кезде абай болу керек Кортикостероидтар Асқазан-ішек жолында ойықжаралардың түзілу немесе қан кету қаупі артады. Гипертензияға қарсы дәрілер (AӨФ тежегіштері және ангиотензин II антагонистері) және диуретиктер ҚҚСП диуретиктер мен гипотензивті дәрілердің, соның ішінде АӨФ тежегіштерінің және ангиотензин II антагонистерінің әсерін төмендетуі мүмкін. Бүйрек функциясы бұзылған кейбір пациенттерде (мысалы, сусыздануы бар пациенттерде немесе бүйрек функциясы төмендеген егде жастағы пациенттерде) циклооксигеназаны тежейтін дәрілік заттармен AӨФ тежегіштерін немесе ангиотензин II антагонистерін бір мезгілде қолдану бүйрек функциясының одан әрі бұзылуына және тіпті бүйрек функциясының жедел жеткіліксіздігіне әкелуі мүмкін. Әдетте бұл құбылыс қайтымды. Бұл өзара әрекеттесулерді коксибті АӨФ тежегіштерімен немесе ангиотензин II антагонистерімен бір мезгілде қабылдайтын пациенттерде ескеру қажет. Сондықтан бұл біріктірілімді, әсіресе егде жастағы пациенттерде тек сақтықпен қолдану керек. Пациенттерге сұйықтықты жеткілікті мөлшерде қабылдау қажеттілігі туралы нұсқау берілуі керек және біріктірілген ем басталғаннан кейін бүйрек функциясының көрсеткіштеріне мезгіл-мезгіл бақылау жүргізу мүмкіндігін қарастырған жөн. Диуретиктер ҚҚСП нефроуыттылық қаупін арттыруы мүмкін. Антикоагулянттар ҚҚСП варфарин сияқты антикоагулянттардың әсерін күшейтуі мүмкін. Бір мезгілде емдеу кезінде қанның ұю жүйесінің жағдайын бақылау ұсынылады. Антиагреганттар және серотонинді қайта қармаудың селективті тежегіштері (СҚҚСТ) Асқазан-ішектен қан кету қаупі артуы мүмкін. Жүрек гликозидтері ҚҚСП жүрек функциясы жеткіліксіздігінің өршуіне, ШСЖ төмендеуіне және қан плазмасындағы гликозидтер деңгейінің жоғарылауына әкелуі мүмкін. Литий Плазмадағы литий деңгейінің жоғарылауы туралы мәліметтер бар. Метотрексат Плазмадағы метотрексат деңгейінің ықтимал жоғарылауы туралы деректер бар. Циклоспорин Нефроуыттылық қаупінің жоғарылауы. Мифепристон ҚҚСП мифепристонды қабылдағаннан кейін 8-12 күн ішінде қолдануға болмайды, өйткені ҚҚСП мифепристонның әсерін төмендетуі мүмкін Такролимус ҚҚСП-ны такролимуспен қолданған кезде нефроуыттылық қаупінің артуы мүмкін. Зидовудин ҚҚСП-ны зидовудинмен қолданған кезде гематологиялық уыттылық қаупі жоғары. Зидовудинмен және ибупрофенмен бір мезгілде ем қабылдаған гемофилиясы бар АИТВ-оң пациенттерде гемартроздар мен гематомалар қаупінің жоғарылауы туралы деректер бар. Хинолонды антибиотиктер Жануарларға жүргізілген зерттеулердің деректері ҚҚСП хинолонды антибиотиктерді қабылдаумен байланысты құрысулардың пайда болу қаупін арттыруы мүмкін екенін көрсетеді. ҚҚСП және хинолондарды қабылдайтын пациенттерде құрысулардың даму қаупі жоғары болуы мүмкін.

Сақтау мерзімі 5 жыл. Жарамдылық мерзімі өткеннен кейін қолдануға болмайды Сақтау шарттары Түпнұсқалық қаптамада, 25 ºС-ден аспайтын температурада сақтау керек. Балалардың қолы жетпейтін жерде сақтау керек!