Сурванта суспензия 25 мг/мл

1 мл препараттың құрамында белсенді зат: берактант — бұқа өкпесінің липидтік фракциясы, құрамында жалпы фосфолипидтер, екі рет қанықтырылған фосфатидилхолин (DSPC), бос май қышқылдары (FFA), триглицеридтер (TG) бар: жалпы фосфолипидтер 25 мг, екі рет қанықтырылған фосфатидилхолин (DSPC) 11 – 15,5 мг бос май қышқылдары (FFA) 1,4 – 3,5 мг триглицеридтер (TG) 0,5 – 1,75 мг қосымша заттар: натрий хлориді, инъекцияға арналған су. Сыртқы түрінің, иісінің, дәмінің сипаттамасы Ақ дерліктен ақшыл-қоңыр түске дейінгі мөлдір емес сұйықтық.

Шала туған нәрестелердегі респираторлық дистресс-синдромның (РДС, гиалиндік жарғақшалардың ауруы) профилактикасы және емдеу үшін. Берактант РДС туындауын, РДС нәтижесіндегі өлімді және ауаның шығып кету синдромы жағдайларын айтарлықтай азайтады.

Әсер ету механизмі Берактант – бұқаның өкпесінен алынған, өкпенің табиғи сурфактанты. Өкпенің эндогендік сурфактанты дем алған кездегі альвеолярлық беткейлердің беткейлік тартылуын төмендетеді және альвеолдарды транспульмонарлық қысымның төмендеуі кезіндегі ортаюға қарсы тұрақтандырады. Өкпе сурфактантының тапшылығы шала туған балаларда респираторлық дистресс-синдромды (РДС) тудырады. Берактант сурфактант депосын толықтырады және ондай балаларда өкпенің беткейлік белсенділігін қалпына келтіреді. Фармакодинамикалық әсерлері In vitro эксперименттерден, альвеолдардың беткейлік тартылуын сурфактометрмен және Wilhelmy әдісімен өлшеген кезде, берактанттың альвеолдардың беткейлік ең аз тартылуын 8 дин/см азға дейін айқын төмендететіні дәлелденген. Клиникалық тиімділігі және қауіпсіздігі (балалар) Респираторлық дистресс-синдромы бар шала туған нәрестелердің қатысуымен жүргізілген клиникалық зерттеулерде берактанттың бір дозасын енгізгеннен кейін оксигенацияның айтарлықтай жақсаруы байқалды. Сондай-ақ, бұл балаларда оттегіге қажеттіліктң төмендеуі, сондай-ақ артериялық-альвеолярлық оксигенация коэффициентінің жоғарылауы байқалды (a/Ap0 2). Сонымен қатар, респираторлық демеу қажеттілігінің едәуір төмендеуі байқалды, бұл тыныс алу жолдарының орташа кедергісінің төмен мәндерімен расталды. Көп жағдайларда бұл құбылыстар берактанттың бір дозасын енгізгеннен кейін кемінде 72 сағат бойы сақталды. LISA әдісі LISA енгізу әдісі екі көпорталықты және жеті бірорталықты зерттеуде бағаланды, олар туралы ақпарат ғылыми-зерттеу басылымдарында қол жетімді. 745 сәби LISA енгізу әдісінің көмегімен Сурванта препаратымен ем алды, қосымша 583 сәби бақылау тобында интубациялық түтік арқылы енгізілген Сурванта препаратын қабылдады. Барлық сәбилер препаратты туған кезде 100 мг/кг дозада қабылдады. Гестацияның орташа кезеңі 25,3 аптадан 32 аптаға дейін ауытқыды, жеке зерттеулерде орташа дене салмағы 610 г-дан 1865 г-ға дейін өзгеріп отырды. CPAP және LISA-мен ем алған сәбилерде ӨЖЖ-ға қажеттіліктің төмендеуі, ӨЖЖ ұзақтығының төмендеуі, оттегіге қажеттіліктің төмендеуі байқалды. Кейбір зерттеулерде РДС-ға байланысты бронхопульмональдық дисплазияның даму қаупінің төмендеуі байқалды.

Дозалау режимі Тек эндотрахеальді енгізуге арналған Сурванта препаратын кеңірдек интубациясын жүргізуде, өкпені жасанды желдетуге (ӨЖЖ) арналған неонатальді аппаратурамен жұмыс істеуде және шала туған балаларға тиісінше күтім жасауда тәжірибесі бар дәрігерлер қолдануы, немесе солардың қадағалауымен қолданылуы тиіс. Егер бір медицина қызметкері препараттың дозасын енгізіп, ал екіншісі баланы жатқызса және оның жай-күйін қадағалап отырса, енгізу емшарасы жеңілдейді. Препараттың бір реттік дозасы жаңа туған нәрестенің 1 кг дене салмағына 100 мг фосфолипидтерді (4 мл суспензия) құрайды. Профилактика мақсатында Сурванта препаратының дозасын барынша қысқа мерзімде, дұрысы туғаннан кейінгі 15 минут ішінде енгізу қажет. Рентгенография кезінде расталған және клиникалық белгілерімен РДС бар шала туған нәрестелерді емдеу үшін, Сурванта препаратының алғашқы дозасы барынша қысқа мерзім ішінде, дұрысы туғаннан кейінгі алғашқы 8 сағатта енгізілуі тиіс. 1-кестеде препараттың жаңа туған нәрестелер үшін дене салмағына байланысты жалпы дозасы берілген. 1-кесте. Сурванта препаратының дозасын есептеу Салмақ (грамм) — Жалпы дозасы (мл) — Салмақ (грамм) — Жалпы дозасы (мл) 600-650 — 2,6 — 1301-1350 — 5,4 651-700 — 2,8 — 1351-1400 — 5,6 701-750 — 3,0 — 1401-1450 — 5,8 751-800 — 3,2 — 1451-1500 — 6,0 801-850 — 3,4 — 1501-1550 — 6,2 851-900 — 3,6 — 1551-1600 — 6,4 901-950 — 3,8 — 1601-1650 — 6,6 951-1000 — 4,0 — 1651-1700 — 6,8 1001-1050 — 4,2 — 1701-1750 — 7,0 1051-1100 — 4,4 — 1751-1800 — 7,2 1101-1150 — 4,6 — 1801-1850 — 7,4 1151-1200 — 4,8 — 1851-1900 — 7,6 1201-1250 — 5,0 — 1901-1950 — 7,8 1251-1300 — 5,2 — 1951-2000 — 8,0 Өмірінің алғашқы 48 сағат ішінде, клиникалық ағымға байланысты берактанттың төрт дозасына дейін енгізуге болады. Дозаны әр алты сағат сайыннан жиірек енгізуге болады. Сурванта препаратының қосымша дозаларын енгізу қажеттілігі тыныс алу бұзылысының жалғасып жатқандығының белгілерімен анықталады. РДС радиографиялық жолмен растау профилактикалық дозасын қабылдаған пациенттерге қосымша дозаларын енгізгенге дейін жүргізілуі тиіс. Сурванта препаратын енгізуге дайындық Енгізер алдында суспензия түсінің бұзылған-бұзылмағандығын бағалау мақсатында, препаратты көзбен тексеріп қарап шығу керек. Берактанттың түсі ақ дерліктен ақшыл-қоңырға дейін. Егер сақтау кезінде тұнба түзілсе, суспензияны қалпына келтіру үшін құтыны абайлап дөңгелету керек (шайқауға болмайды). Берактантты фильтрациялауға болмайды. Қолдану кезінде беткейінде көпіршік пайда болғаны байқалуы мүмкін, бұл препараттың табиғатына тән. Сурванта препараты тоңазытқышта (2 – 8°C температурада) сақталады. Енгізер алдында Сурванта препараты жылытылуы үшін 20 минут бойы бөлме температурасында немесе 8 минут бойы қолда ұсталуы тиіс. Жылытудың жасанды әдістері пайдаланылмауы тиіс. Егер препаратты профилактика мақсатында қолдану жоспарланса, дәрілік затты енгізу үшін дайындау алдын ала, бала туғанға дейін басталуы тиіс. Сурванта препаратының бөлме температурасына дейін жылытылған, ашылмаған, пайдаланылмаған құтылары, жылытылғанғаннан кейінгі 24 сағат ішінде барынша тезірек тоңазытқышқа қайта салынуы және келесі пайдаланғанға дейін сақталуы тиіс. Сурванта препаратын жылытуға және тоңазытқышқа бір реттен артық қайта салуға болмайды. Бір дозалы әрбір құтыны тек бір рет пайдалануға болады. Пайдаланылған, ішінде дәрілік заттың қалдықтары бар құтыларды жойып жіберу керек. Сурвантаны пайдаланар алдында еріту немесе ультрадыбыспен өңдеу қажет емес. Жалпы дозалау емшаралары Препаратты енгізудің таңдалған тәсілінің негізінде, әрбір дозасын бір рет болюстік әдіспен енгізеді немесе дозасын тең екі бөлікке бөледі. Әр дозасын екі жарты дозасы немесе төрт ширек дозасы түрінде қолдануға болады. Әрбір фракциялық дозасы балаға әр түрлі қалыпта енгізіледі. Сурванта препаратын екі жарты дозасы түрінде енгізу үшін келесі қалыптар ұсынылған: • Бас пен дене шамамен 45° оңға бұрылған. • Бас пен дене шамамен 45° солға бұрылған. Сурванта препаратын төрт ширек дозасы түрінде енгізу үшін келесі қалыптар ұсынылған: • Бас пен дене 5-10° төмен еңкейтілген, бас оңға бұрылған. • Бас пен дене 5-10° төмен еңкейтілген, бас солға бұрылған. • Бас пен дене 5-10° жоғары қарай шалқайтылған, бас оңға бұрылған. • Бас пен дене 5-10° жоғары қарай шалқайтылған, бас солға бұрылған. Төрт ширек дозасына арналған қалыптар төмендегі суретте берілген: 1. Бас пен дене төмен еңкейтілген, бас оңға бұрылған. — 2. Бас пен дене төмен еңкейтілген, бас солға бұрылған. 3. Бас пен дене жоғары қарай шалқайтылған, бас оңға бұрылған. — 3. Бас пен дене жоғары қарай шалқайтылған, бас солға бұрылған. Енгізу әдісі мен жолы Сурванта препаратын енгізу әдістері ӨЖЖ жүргізілетін пациенттерде ұшында тесігі бар зонд (катетер) арқылы енгізу Құтының ішіндегісін үлкен өлшемді (мысалы, өлшемі кемінде 20-сыншы) иненің көмегімен пластмасса шприцке түгел баяу сорып алыңыз. Ұшында тесігі бар (алдын ала өлшеп алынған) «5 French» типті катетерді шприцке жалғаңыз. Препаратты катетерге енгізіңіз. Шприцте тек енгізуге арналған жалпы дозасы қалатындай қылып, препараттың артық мөлшерін катетер арқылы шығарып жіберіңіз. Сурванта препаратын қолданар алдында интубациялау түтігінің тиісінше орналасуы мен жай-күйін қамтамасыз етіңіз. Дәрігердің қалауынша, енгізу емшарасы алдында интубациялық түтіктің ішіндегісін сорып шығарып тастауға болады. Препаратты енгізуді жалғастырмас бұрын, баланың жай-күйін тұрақтандыру қажет. Баланы ұсынылған қалыптардың біреуінде жатқызыңыз. Ұшында тесігі бар «5 French» типті катетерді эндотрахеальді түтікке салыңыз. Зондтың ұзындығы, зонд ұшы жаңа туған нәрестенің кеңірдегі екіге айырылатын орынның үстінде эндотрахеальді түтіктен сәл жоғары, шығып тұратындай етіп қысқартылуы тиіс. Сурванта препараты негізгі бронхқа енгізілмеуі тиіс. Алғашқы фракциялық дозасын катетер арқылы, екі–үш секундтан артық уақыт ішінде баяу енгізіңіз. Алғашқы фракциялық дозасын енгізгеннен кейін катетерді интубациялау түтігінен алып тастаңыз және 30 секунд бойы немесе клиникалық көрініс тұрақтанғанға дейін, өкпені қолмен желдетуді жүргізіңіз. Цианоздың алдын алу үшін, өкпені қолмен желдету оттегінің жеткілікті мөлшерімен және талапқа сай газ алмасуы мен кеуденің қозғалуын қамтамасыз ету үшін жеткілікті оң қысыммен қатар жүруі тиіс. Жаңа туған баланың жай-күйі тұрақтанған кезде, келесі фракциялық дозасын енгізу үшін баланың қалпын өзгерту қажет. Келесі фракциялық дозаларын енгізуді жоғарыда сипатталған емшараға сәйкес жүргізу керек. Соңғы фракциялық дозасын енгізгеннен кейін, катетерді жуып-шаюсыз алып тастау керек. Тыныс жолдарының елеулі обструкциясы симптомдары пайда болған жағдайлардан басқасында препаратты енгізгеннен кейінгі 1 сағат ішінде аспирациялауды жүргізбеңіз. ӨЖЖ жүргізілетін пациенттерде екі қуысты интубациялау түтігінің екінші тесігі арқылы енгізу Баланың тиісінше өлшемдегі екі қуысты интубациялау түтігімен интубацияланғандығына көз жеткізіңіз. Құтыдағы жалпы дозасын пластмасса шприцке үлкен өлшемді ине (мысалы, өлшемі кемінде 20-сыншы) арқылы баяу сорып алыңыз. Сурванта препаратын қолданар алдында интубациялау түтігінің тиісінше орналасуы мен жай-күйін қамтамасыз етіңіз. Дәрігердің қалауынша, енгізу емшарасы алдында интубациялық түтіктің ішіндегісін сорып шығарып тастауға болады. Препаратты енгізуді жалғастырмас бұрын, баланың жай-күйін тұрақтандыру қажет. Препарат құйылған шприцті интубациялау түтігінің екінші тесігіне жалғаңыз. Баланы ұсынылған қалыптардың бірінде жатқызыңыз және алғашқы фракциялық дозасын түтіктің екінші тесігі арқылы баяу енгізіңіз, енгізу ұзақтығы жасанды желдетуді үзбестен 2-3 секундтан артықты құрайды. Өкпені қолмен желдетуді кемінде 30 секунд немесе жағдай тұрақтанғанға дейін жүргізу қажет. Цианоздың алдын алу үшін, өкпені желдетуді оттегінің жеткілікті деңгейімен жүзеге асырыңыз, және талапқа сай ауа алмасуы мен кеуде қабырғасының экскурсиясы орын алуы үшін жеткілікті оң қысымды қамтамасыз етіңіз. Баланың позициясын келесі фракциялық дозасы енгізілгенге дейін өзгертіңіз. Қалған фракциялық дозаларын бірдей емшараларды пайдаланып енгізіңіз. Соңғы фракциялық дозасын енгізгеннен кейін, екінші қуысынан шприцті алып тастап, түтіктің екінші тесігін үрлеу үшін 0,5 мл ауа кіргізіңіз және оны жабыңыз. Шала туған, өздігінен тыныс алып жатқан нәрестеге берактантты енгізу Интубация, сурфактант енгізу, экстубация – INSURE (INtubation – SUrfactant – Rapid – Extubation) әдісі Интубациядан және зондты енгізгеннен кейін (жоғарыдағы сипаттаманы қараңыз), баланы бейтарап қалыпта жатқызу және босану залында немесе кейінірек, бала жаңа туған нәрестелер бөлімшесіне түскеннен кейін 1–3 минут ішінде абайлап препаратты бір рет болюстік енгізуді жүзеге асыру қажет. Сурфактант инстилляциясынан кейін өкпені тыныс алу қалтасының көмегімен желдету техникасын пайдалану және экстубациялауға және клиникалық көрсетілімдері болған жағдайда, тыныс жолдарындағы тұрақты оң қысымды демеп отыруға (CPAP – continuous positive airway pressure) кірісу қажет. Сурфактанттың шағын инвазивтік енгізілуі – LISA (Less Invasive Surfactant Administration) әдісі Дозасын интубациясыз енгізу үшін диаметрі кішкентай катетерді пайдалануға болады. Мұндай жағдайда катетерді тікелей баланың кеңірдегіне, дауыс байламдарын ларингоскоптың көмегімен көріністей отырып енгізу және бір реттік болюстік енгізуді 1–3 минут ішінде абайлап жүргізу қажет. Сурфактант инстилляциясынан кейін дереу катетерді алып тастап, өздігінен үздіксіз тыныс алуын қамтамасыз ету және барлық емшара бойына CPAP арқылы экстубациялауға кірісу керек.

Сурванта препаратын қолдануға болмайтын спецификалық жағдайлар клиникалық зерттеулерде анықталмаған.

ӨЖЖ жүргізілетін пациенттер үшін Анағұрлым жиі білінетін жағымсыз құбылыстар препаратты енгізу процесінде байқалған. Транзиторлы брадикардия Сурванта препаратын енгізу кезінде 11,9% жағдайда байқалды. Оттегі сатурациясының төмендеуі Сурванта препаратын енгізу кезінде 9,8% жағдайда байқалды. Препаратты енгізу емшарасы барысындағы басқа құбылыстар 1 %-дан аз жағдайда Сурванта препаратын енгізгенде туындаған және: Сурванта препаратының эндотрахеальді түтікке рефлюксін, бозаруды, вазоконстрикцияны, артериялық қысымның төмендеуін, эндотрахеальді түтіктің бітелуін, артериялық қысымның жоғарылауын, гипокапнияны, гиперкапнияны және апноэні қамтыған. Препаратты енгізу емшарасы барысында өлім жағдайлары байқалмады, ал туындаған жағымсыз құбылыстардың барлығы симптоматикалық емнің көмегімен басылған. Шала туған нәрестелерде туындайтын тағы бірнеше асқынулар белгілі, бұл асқынулардың пайда болуы бақыланатын клиникалық зерттеулерде хабарланған. Аталған асқынулардың даму жиілігі негізгі және бақылау топтарында өзгешеленбеді, асқынулардың бірде-біреуі берактантпен емдеумен байланысты болмады. Қан және лимфа жүйесі тарапынан бұзылулар Коагулопатия, тромбоцитопения, диссеминацияланған тамырішілік ұю. Эндокриндік жүйе тарапынан бұзылулар Бүйрекүсті бездеріне қан құйылу, антидиуретикалық гормонның қалыпсыз секрециясы. Тамақтанудың және зат алмасудың бұзылуы Гиперфосфатемия, тамақ жақпаушылығы. Жүйке жүйесі тарапынан бұзылулар Құрысулар. Кардиологиялық бұзылулар Тахикардия, қарыншалық тахикардия, жүрек жеткіліксіздігі, жүрек пен тыныстың тоқтап қалуы, жүрек ұшы түрткісінің күшеюі, персистирленетін фетальді қанайналым, өкпе веналарының толық аномальді ортаюы. Қантамыр жүйесі тарапынан бұзылулар Артериялық қысымның төмендеуі, артериялық қысымның жоғарылауы, қолқа тромбозы, ауа эмболиясы. Респираторлық, торакальді және медиастиналды бұзылулар Өкпе консолидациясы, эндотрахеальді түтік арқылы қан кету, балаларда емшектен шығарғаннан кейін жай-күйінің нашарлауы, тыныс алу функциясының декомпенсациясы, байламасты стеноз, диафрагманың салдануы, тыныс алу жеткіліксіздігі. Ас қорыту жүйесі тарапынан бұзылулар Іштің кебуі, асқазан-ішектен қан кету, ішек перфорациясы, ішектің түйіліп қалуы, ішек инфарктісі, стрестен болатын ойықжара, шап жарығы. Гепатобилиарлық жүйе тарапынан бұзылулар Бауыр функциясының жеткіліксіздігі. Несеп шығару жүйесі тарапынан бұзылулар Бүйрек функциясының жеткіліксіздігі, гематурия. Жүйелі бұзылулар және енгізген орындағы асқынулар Қызба, жалпы жай-күйдің нашарлауы. Тіркеуден кейінгі қолдану тәжірибесі Қазіргі сәтте берактантпен емдеудің ұзақ уақыттан кейінгі асқынулары білінбеді. INSURE және LISA әдістері Қауіпсіздігіне қатысты INSURE және LISA әдістері қолданылған нәтижелер бақылау топтарындағы нәтижелермен салыстырымды, әйтсе де кей жағдайларда, LISA әдісін пайдаланғанда брадикардия мен гипоксемия жиірек білінген. Күтілетін дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Берактантпен артық дозалану туралы хабар жоқ. Артық дозалану тыныс жолдарының жедел обструкциясымен көрініс беруі мүмкін. Емі симптоматикалық және негізгі тіршілік функцияларын қалпына келтіруге/демеп отыруға бағытталған болуы тиіс. Препаратты енгізгеннен кейін бірден өкпеде құрғақ және ылғал сырылдар естілуі мүмкін, олар артық дозаланудың симптомдары емес. Тыныс жолдары обструкциясының симптомдары болмаған жағдайда, эндотрахеальді аспирация немесе басқа шараларды жүргізбеген дұрыс.

Сурванта препараты тек эндотрахеальді енгізуге арналған. Дәрілік зат оксигенацияға және өкпенің жай-күйіне жылдам әсер етуі мүмкін. Сондықтан, оны пайдалануды тек клиника жағдайларында, тиісінше дайындықтан өткен және интубация жүргізуде, ӨЖЖ аппаратын қолдану мен басқаруда және шала туған балаларға медициналық күтім жасауда тәжірибесі бар білікті дәрігерлер жүзеге асыруы тиіс. Сурванта препаратымен ем қабылдаған сәбилерде, қандағы оттегі мен көмірқышқыл газының деңгейі жиі бақылануы тиіс (артериялық және тері арқылы көрсеткішпен өлшеу). Препаратты енгізу кезінде брадикардия жағдайлары орын алғаны және қанның оттегімен қанығуының азайғаны туралы хабарламалар бар. Әдетте, мұндай асқынулар уақытша сипатта болған. Брадикардия және қанның оттегімен қанығуының азаюы белгілері туындаған жағдайда, препаратты енгізуді тоқтату және баланың жай-күйін тұрақтандыру үшін тиісінше шараларды жүргізу қажет. Препаратты енгізуді пациенттің жай-күйі тұрақтанғаннан кейін жалғастыруға болады. Арнайы сақтандырулар Жалпы ескертулер Берактантпен ем алған балаларда госпитальдық сепсистің даму ықтималдығы жоғары екендігі анықталды. Берактантпен емделген сәбилерде сепсистің даму қаупінің жоғарылығы аталған балалар арасында өлім көрсеткіштерінің артуымен астаспады. Ауру тудыратын микроорганизмдер емдеу және бақылау топтарында ұқсас болды. Топтар арасында сепсистен басқа инфекциялық асқынулар көрсеткіштері бойынша елеулі айырмашылықтар байқалмады. Берактанттың туылған кездегі салмағы 600 г аз немесе 1750 г көп сәбилерде пайдаланылуы тиісінше бағаланбады. Берактанттың РДС алуан түрлі эксперименттік емімен (мысалы, жоғары жиілікті желдету немесе экстракорпоральді жарғақшалық оксигенация) біріктіріп пайдаланылу тәжірибесі жоқ. Препараттың 100 мг/кг жоғары дозада, төрт дозадан артық қолданылуы және әр дозасының 6 сағаттан аз аралықпен қолданылу жиілігі немесе препараттың балаларда өмірінің 48 сағатынан кейін қолданылуы жөнінде деректер жоқ. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Қатысты емес.

Қатысты емес.

Өзара әрекеттесуге зерттеулер жүргізілген жоқ.

Сақтау мерзімі 18 ай. Жарамдылық мерзімі өткеннен кейін қолдануға болмайды. Сақтау шарттары Жарықтан қорғалған жерде, 2 C-ден 8C-ге дейінгі температурада (тоңазытқышта) сақтау керек. Мұздатып қатыруға болмайды! Балалардың қолы жетпейтін жерде сақтау керек! Егер препарат кездейсоқ мұздатылып қатып қалса, оны пайдаланудан бас тарту керек, ал пайдаланылмаған препаратты утилизациялау керек.