Тавегил таблетки 1 мг

Бір таблетка құрамында белсенді зат - 1 мг клемастинге баламалы 1.34 мг клемастин гидрофумараты қосымша заттар: лактоза моногидраты, жүгері крахмалы, тальк, повидон, магний стеараты. Сыртқы түрінің, иісінің, дәмінің сипаттамасы Беті тегіс, дөңгелек пішінді, бір жағында аралығы сызықпен бөлінген «О» және «Т» өрнектері бар, шеттері қиғашталған ақшылдау түсті таблеткалар. Диаметрі 7 мм-ге жуық.

- пішен қызбасы және басқа аллергиялық риниттер - дермографизмді қоса, шығу тегі әртүрлі есекжем - қышыну, қышынумен жүретін дерматоздар - жедел және созылмалы экзема, жанаспалы дерматит - дәрілерге аллергия - жәндіктердің шағуы

Әсер ету механизмі және фармакодинамикалық әсерлері H1-гистаминоблокатор – этаноламиннің туындысы. Аллергияға қарсы және қышынуға қарсы әсері бар, тамырлардың өткізгіштігін төмендетеді, тыныштандыратын және М-холиноблокаторлы әсер береді, ұйықтататын белсенділігі жоқ. Вазодилатация дамуы мен гистамин индукциялайтын тегіс бұлшықеттердің жиырылуын болдырмайды. Капиллярлардың өткізгіштігін азайтады, экссудация мен ісінудің түзілуін тежейді, қышынуды азайтады. Балалар Балаларға қолдануға қатысты осы қосымшаның 4.2-бөлімін қараңыз.

Дозалау режимі Ішке қабылдауға арналған. Таблеткаларды тамаққа дейін, судың аздаған мөлшерімен ішіп қабылдау керек. Ересектер мен 12 жастан асқан балаларға таңертең және кешке 1 таблеткадан (1 мг) тағайындайды. Жазылуы қиын жағдайларда, тәуліктік доза 6 таблеткаға (6 мг) дейінді құрауы мүмкін. Дәрігердің кеңесінсіз 24 сағат ішінде 6 таблеткадан артық қабылдауға болмайды. 6-12 жас шамасындағы балаларға таңғы ас алдында және түнге 1/2-1 таблеткадан тағайындайды. Ұсынылған дозаны арттыруға болмайды. Препаратты дәрігердің кеңесінсіз 14 күннен артық қабылдауға болмайды.

- клемастинге және химиялық құрылымы ұқсас басқа антигистаминдік препараттарға немесе қосымша заттарының кез келгеніне аса жоғары сезімталдық - порфирия - дәрілік препараттың құрамында лактоза болуына байланысты сирек тұқым қуалайтын галактоза жақпаушылығы, лактаза ферментінің тапшылығы, глюкоза-галактоза мальабсорбциясы синдромы - жүктілік және бала емізу кезеңі - 6 жасқа дейінгі балаларға

Өте сирек - тыныштандыратын әсер - шаршағыштық сезімі Жиі - ұйқышылдық Жиі емес - бас ауыруы - бас айналуы - ауыздың құрғауы - жүрек айну - іштің ауруы - іш қату Сирек - аса жоғары сезімталдық реакциялары (бөртпе, ентігу, анафилаксиялық шок) - тахикардия - тыныстың бұзылуы Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары. Антигистаминдік дәрілердің артық дозалануы орталық жүйке жүйесін сананың бәсеңдеуімен, ашушаңдықтың артуымен, елестеулерден немесе құрысулардан білінетін бәсеңдететін де және көтермелейтін әсеріне алып келуі мүмкін. Сондай-ақ антихолинергиялық әсерлерінің құбылыстары: ауыздың құрғауы, қарашықтардың тұрақты ұзақ ұлғаюы, дененің жоғарғы бөлігіне қан кернеулері, асқазан-ішек жолы тарапынан бұзылулар дамуы (жүрек айнуы, эпигастрий аймағының ауыруы, құсу) және тахикардия болуы мүмкін Емі. Асқазанды шаю және белсендірілген көмірді қабылдау қажет. Сондай-ақ симптоматикалық ем көрсетілген. Қажет болғанда дәрілік препаратты қолдану тәсілін түсіндіру үшін медициналық қызметкерге кеңес алуға жүгіну ұсынылады

Пациенттерге сақтықпен қабылдау керек: • асқазан мен он екі елі ішектің стеноздалған ойық жарасында • пилородуоденальді обструкцияда • қуық мойнының обструкциясында • несептің кідіруімен қатар жүретін қуықасты безінің гипертрофиясында • глаукомада Макролидті антибиотиктерді (мысалы, эритромицин, кларитромицин) немесе азолды зеңге қарсы препараттарды бір мезгілде қолданудан аулақ болу керек. Ауыр жүрек ауруы, туа біткен ұзақ QT синдромы және сұйықтық пен электролит теңгерімсіздігі бар пациенттерге ерекше сақтық және қажет болған жағдайда ЭКГ мониторингі қажет, өйткені аритмияның жоғары қаупін жоққа шығаруға болмайды. Антигистаминді эпилепсиямен ауыратын немесе анамнезінде құрысу бар пациенттерге сақтықпен тағайындау керек. Егде жастағы пациенттерде сақтық таныту ұсынылады, өйткені олар парадоксальды қозу сияқты жағымсыз реакцияларға көбірек бейім болуы мүмкін. Сананың шатасуы бар пациенттерде қолданудан аулақ болыңыз. Ұсынылған доза мен қолдану ұзақтығын дәрігер пайда-қауіп арақатынасын мұқият бағалаған соң ғана асыруға болады. Арнайы ескертулер Педиатрияда қолдану Тавегилді таблетка түрінде 6 жасқа дейінгі балаларға қолдануға болмайды Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препараттың орташа тыныштандыратын әсері бар болғандықтан, Тавегил қабылдайтын пациенттерге көлік құралдарын жүргізуден, механизмдермен жұмыс жасаудан және жоғары зейін қою пен психомоторлық реакциялардың жылдамдығын қажет ететін жұмыс түрлерінен бас тартуы ұсынылады.

Жүктілік және бала емізу кезінде қолдануға болмайды.

Тавегил ОЖЖ бәсеңдететін дәрілік заттардың (ұйықтататын, тыныштандыратын, есірткі заттары, анксиолитиктердің, апиынды анальгетиктердің), моноаминооксидаза (МАО) тежегіштерінің, сондай-ақ алкогольдің әсерін күшейтеді. Атропин және трициклді антидепресанттар сияқты, антихолинергетиктердің әсерлерін күшейтеді. Клемастин бауырда метаболизденуіне байланысты бауыр жеткіліксіздігі кезінде клемастинді қолданудың анағұрлым айқын әсерін, сондай-ақ неғұрлым ұзақ әсер етуін күту керек.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары 30 °С-ден аспайтын температурада сақтау керек . Балалардың қолы жетпейтін жерде сақтау керек!