ТАДАЛЕКС® таблетки 20 мг

Бір таблетканың құрамында белсенді зат- 20.000 мг тадалафил; қосымша заттар: лактоза моногидраты, төмен орын басқан гидроксипропилцеллюлоза L (LH 11), гидроксипропилцеллюлоза (Klucel-EF), натрий кроскармеллозасы, натрий лаурилсульфаты, микрокристалды целлюлоза РН 102, магний стеараты. Үлбірлі қабығы (үлбірлі қабыққа арналған материал №18 (Opadry II Tan 85G27001): ішінара гидролизденген поливинил спирті, тальк (Е553b), титанның қостотығы (Е171), макрогол/ПЭГ 3350, лецитин (сояның) (Е322), темірдің сары тотығы (Е172), темірдің қызыл тотығы (Е172), темірдің қара тотығы (Е172). Сыртқы түрінің, иісінің, дәмінің сипаттамасы Тамшы тәрізді пішінді, сарғыштау-қызыл сары түсті үлбірлі қабықпен қапталған, екі беті дөңес, бір жағында «20» таңбасы бар таблеткалар.

- ер жынысты ересек пациенттердегі эректильді дисфункцияны емдеу. Тадалафил эректильді дисфункцияны емдеуде әсер беруі үшін сексуалдық стимуляция қажет. ТАДАЛЕКС® әйелдердің қолдануына арналмаған.

Нұсқаулықта көрсетілмеген.

Дозалау режимі • Ересектер Әдетте, ұсынылатын дозасы болжамды сексуалдық белсенділіктің алдында, ас ішуге байланыссыз 10 мг құрайды. Егер 10 мг тадалафилді қабылдау қажетті реакцияны бермейтін болса, онда дозасын 20 мг тадалафилге дейін арттыруға болады. Препаратты болжамды сексуалдық белсенділікке дейін кемінде 30 минут бұрын қабылдау керек. Қабылдаудың ұсынылатын ең көп жиілігі - тәулігіне бір рет. 10 мг және 20 мг дозалардағы тадалафил болжамды сексуалдық белсенділікке дейін қабылдауға арналған және күн сайын қолдану ұсынылмайды. ТАДАЛЕКС® препаратын жиі (яғни, аптасына екі реттен сирек емес) қабылдауы күтілетін пациенттер үшін, пациенттің таңдауына және емдеуші дәрігердің пікіріне сәйкес, тәулігіне бір рет ең аз дозасында қабылданатын қолайлы сызбасын жасауға болады. Ондай пациенттер үшін тәулігіне бір рет, тәуліктің шамамен белгілі бір уақытында 5 мг дозасы ұсынылады. Препаратты ұзақ уақыт бойы күнделікті қабылдаудың орындылығын жүйелі түрде бағалап отыру керек. Пациенттердің ерекше топтары Егде жастағы пациенттер Егде жастағы пациенттер үшін дозаны түзету қажет емес. Бүйрек жеткіліксіздігі бар пациенттер Бүйректің жеңіл және орташа жеткіліксіздігі бар пациенттер үшін дозасын түзету қажет емес. Бүйректің ауыр жеткіліксіздігі бар пациенттер үшін ұсынылатын ең жоғары дозасы 10 мг препаратты құрайды. Бүйректің ауыр жеткіліксіздігі бар пациенттерде тадалафилдің бір реттік дозасы ұсынылмайды. Бауыр жеткіліксіздігі бар пациенттер ТАДАЛЕКС® препаратының ұсынылатын дозасы күтілетін сексуалдық белсенділіктің алдында, ас ішуге байланыссыз 10 мг құрайды. Бауыр функциясының ауыр бұзылулары (Чайлд-Пью шкаласы бойынша С класы) бар пациенттерде тадалафилді қолданудың қауіпсіздігі жөніндегі клиникалық деректер шектеулі. Бұл препарат тағайындалған жағдайда, емдеуші дәрігер пайдасы мен қаупінің арақатынасына жекелей мұқият бағалауды негізге алуы тиіс. Бауыр жеткіліксіздігі бар науқастарда тадалафилдің 10 мг асатын дозаларда қабылдануы жөніндегі деректер жоқ. Тадалафилді тәулігіне бір рет қабылдау режимі бауыр жеткіліксіздігі бар пациенттерде зерттелмеген, сондықтан осы препаратты тағайындаған жағдайда емдеуші дәрігер пайда мен қауіп арақатынасын мұқият жеке бағалаудан бастауы тиіс. Диабетке шалдыққан пациенттер Диабетке шалдыққан пациенттер үшін дозасын түзету қажет емес. Балалар Тадалафил балаларда эректильді дисфункцияны емдеу үшін қолданылмайды. Енгізу әдісі мен жолы Препаратты ас ішуге байланыссыз, ішке қабылдайды. Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі кеңестер Егер Сізде препаратты қабылдау бойынша қосымша сұрақтар туындаса, медицина қызметкеріне хабарласыңыз.

Әсер етуші затқа немесе қосымша заттардың кез келгеніне аса жоғары сезімталдық. Клиникалық зерттеулер көрсеткендей, тадалафил нитраттардың гипотензивті әсерін күшейтеді. Бұл нитраттар мен тадалафилдің азот оксиді мен цГМФ метаболизміне аралас әсерінен туындайды деп есептеледі. Сондықтан, ТАДАЛЕКС® препараты құрамында органикалық нитраттардың кез келген түрлері бар препараттарды қабылдайтын пациенттерге қарсы көрсетілімде. ТАДАЛЕКС® сексуалды белсенділік ұсынылмайтын, жүрек-қантамырлар ауруларына шалдыққан ер адамдар қабылдамауы керек. Дәрігерлер осындай аурулары бар пациенттерде сексуалды белсенділік кезінде жүрек-қантамырлар асқынуларының ықтимал қауіптерін ескеруі керек. Жүрек-қан тамырлары аурулары бар пациенттердің келесі топтары клиникалық зерттеулерге енгізілмеген және тадалафил бұл топтарға қарсы көрсетілімде болып табылады: - соңғы 90 күн ішінде миокард инфарктімен ауырған пациенттер, - тұрақсыз стенокардиясы бар болған немесе, жыныстық қатынас кезінде стенокардия ұстамасы пайда болған пациенттер, - соңғы 6 ай ішінде Нью-Йорк кардиологиялық ассоциациясының (NYHA) жіктеуі бойынша, жүрек функциясының ІІ және одан жоғары класқа жататын жеткіліксіздігі анықталған пациенттер, - жүрек ырғағының бақыланбайтын бұзылуы, гипотониясы (АҚ ˂90/50 мм с. б.) немесе бақыланбайтын артериялық гипертензиясы бар пациенттер, - соңғы 6 ай ішінде инсультті бастан кешкен пациенттер. ТАДАЛЕКС® бұдан бұрын ФДЭ-5 (фосфодиэстераза-5) тежегішінің әсерімен байланысты екендігіне-еместігіне тәуелсіз, артериитпен байланысты емес алдыңғы ишемиялық оптикалық нейропатия (NAION) салдарынан бір көзі көрмей қалған пациенттерге қолдануға болмайды. Тадалафилді қоса, ФДЭ-5 тежегіштерін риоцигуат сияқты гуанилатциклаза стимуляторларымен бірге қабылдауға болмайды, өйткені симптоматикалық гипотонияның дамуына потенциалды түрде әкеп соғуы мүмкін.

Жиі: - бас ауыру - гиперемия - мұрынның бітелуі - диспепсия - арқаның ауыруы, миалгия, аяқ-қолдың ауыруы Жиі емес: - аса жоғары сезімталдық реакциялары - бастың айналуы - бұлыңғыр көру, көздің ауыруы ретінде сипатталатын сезінулер - құлақтың шуылдауы - тахикардия, жүрек соғуы - гипотония, гипертония - ентігу, мұрыннан қан кету - іш ауыруы, құсу, жүрек айнуы, гастроэзофагельді рефлюкс - бөртпе - гематурия - эрекцияның ұзаққа созылуы - кеуденің ауыруы, шеткері ісіну, қажу Сирек: - ангионевроздық ісіну - инсульт (геморрагиялық құбылыстарды қоса), естен тану, өтпелі ишемия ұстамалары, бас сақинасы, құрысулар, өтпелі амнезия - көру аясының тарылуы, қабақтардың ісінуі, конъюнктива гиперемиясы, артериитпен байланыссыз алдыңғы ишемиялық оптикалық нейропатия, торқабық қантамырларының окклюзиясы - кенеттен естімей қалу - миокард инфарктісі, тұрақсыз стенокардия, қарыншалық аритмия - есекжем, Стивенс-Джонсон синдромы, эксфолиативті дерматит, гипергидроз (тершеңдік) - приапизм, жыныстық мүшеден қан кету, гематоспермия - беттің ісінуі, кенеттен жүрек ауруынан өлу Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Препаратпен артық дозаланған жағдайда, қажет болса, стандартты демеуші шаралар қолданылуы тиіс. Гемодиализ іс жүзінде тадалафилдің шығарылуын жеделдетпейді деуге болады.

ТАДАЛЕКС® емін бастар алдында Дәрілік препараттармен емдеу туралы шешім қабылдамас бұрын, эректильді дисфункцияны диагностикалау және ықтимал негізгі себептерді анықтау үшін ауру тарихын зерттеп, пациентті физикалық тексеруден өткізу керек. Жүрек-қантамыр жүйесі тарапынан сексуалдық белсенділікпен байланысты асқынулардың пайда болу қаупі бар болғандықтан, эректильді дисфункцияның кез келген емін бастар алдында пациенттің жүрек-қантамыр жүйесінің жай-күйін бағалауды жүргізу қажет. Тадалафил тамырды кеңейтетін қасиеттерге ие, соның нәтижесінде артериялық қысымның жеңіл және өтпелі төмендеуін туындатады және сол арқылы, нитраттардың гипотензиялық әсерін күшейтеді. Эректильді дисфункцияны бағалау оның ықтимал себептерін анықтауды және тиісті медициналық тексеру жүргізу нәтижелерінің негізінде, тиісті емдеу әдістерін қамтуы тиіс. Жамбас ағзаларына жасалған операцияны немесе жүйке сақталмайтын радикальді простатэктомияны бастан өткерген пациенттерде тадалафилдің тиімділігі зерттелмеген. Жүрек-қантамыр аурулары Маркетингтен кейін қадағалау аясында және/немесе клиникалық сынақтар барысында миокард инфарктісін, жүректің кенеттен қайтымсыз тоқтап қалуын, тұрақсыз стенокардияны, қарынша аритмиясын, инсультті, ми қанайналымының өтпелі бұзылуларын, кеуденің ауыруын, жүрек соғуы мен тахикардияны қоса, жүрек- қантамырлық ауыр асқынулар тіркелді. Ондай асқынулар тіркелген пациенттердің көпшілігі жүрек-қантамыр ауруларының даму қаупі бар топқа жатқызылды. Дегенмен, аталған оқиғалардың жүрек-қантамыр ауруларымен қатарлас қауіптермен, тадалафилді қабылдаумен, сексуалдық белсенділікпен, не болмаса, осы немесе басқа да факторлардың біріктірілімімен тікелей байланысты болған-болмағандығын жоғары дәрежелі нақтылықпен анықтау мүмкін болмай отыр. Альфа-1-блокаторларды қабылдау аясында тадалафилді қабылдау кейбір пациенттерде симптоматикалық гипотензияға әкеп соқтыруы мүмкін. Тадалафил мен доксазозинді біріктіру ұсынылмайды. Көру Тадалафил және ФДЭ-5 басқа да тежегіштерін қабылдаумен байланысты көрудің бұзылулары және артериитпен байланысты емес алдыңғы ишемиялық оптикалық нейропатия (NAION) жағдайлары тіркелді. Тадалафилді қабылдайтын пациенттер, көзінің көруі кенеттен бұзылған жағдайда, ТАДАЛЕКС® препаратын қабылдауды тоқтатуы және дереу дәрігерге қаралуы керек екендігінен хабардар болуы тиіс. Есту қабілетінің төмендеуі немесе кенеттен есту қабілетінің жоғалуы Тадалафилді қолданғаннан кейін кенеттен естімей қалу жағдайлары тіркелген. Әйтсе де, кей жағдайларда басқа да қауіп факторлары (мысалы, жас шамасы, қант диабеті, гипертония және осының алдында естімей қалу жағдайларының болуы) болғанымен, пациенттерге кенеттен нашар есту туындаған немесе естімей қалған жағдайда, препаратты қабылдауды тоқтатуға және дәрігерге жүгінуге кеңес беру керек. Бауыр жеткіліксіздігі Бауырдың ауыр жеткіліксіздігі (Чайлд-Пью шкаласы бойынша C класы) бар пациенттерде тадалафилді бір рет қабылдаудың қауіпсіздігі жөніндегі клиникалық деректер шектеулі. ТАДАЛЕКС® тағайындалған жағдайда, емдеуші дәрігер пайдасы мен қаупінің арақатынасын мұқият әр адамға жекелей бағалауды жүргізуі тиіс. Приапизм және жыныстық мүшенің анатомиялық деформациялары 4 сағат және одан да ұзақ уақытқа созылған эрекция туындаған жағдайда, пациенттерге дереу медициналық көмекке жүгіну қажеттілігі хабарлау керек. Приапизмді дер кезінде емдемеу, жыныстық мүше тіндерінің зақымдануына және потенцияның тұрақты түрде жоғалтылуына алып келуі мүмкін. Жыныстық мүшенің анатомиялық деформациясы (мысалы, бұрыштанып қисаюы, каверноздық фиброз немесе Пейрони ауруы) бар пациенттерде немесе приапизм дамуына бейімділігі (мысалы, орақ тәрізді жасушалы анемия, көптеген миелома, лейкемия) бар пациенттерде препаратты сақтықпен қолдану керек. CYP3A4 тежегіштерімен бірге қолдану CYP3A4 әсері күшті тежегіштерін (ритонавир, саквинавир, кетоконазол, итраконазол және эритромицин) қабылдап жүрген пациенттерге тадалафилді тағайындағанда сақтық таныту керек, өйткені, аталған дәрілік заттарды бір мезгілде қабылдағанда, тадалафилдің қан плазмасындағы концентрациясының жоғарылағаны білінген. ТАДАЛЕКС® препаратын қабылдау мен эректильді дисфункцияны емдеудің басқа әдістерін біріктіру Препаратты ФДЭ5 басқа тежегіштерімен немесе эректильді дисфункцияны емдеудің басқа әдістерімен біріктірудің қауіпсіздігі мен тиімділігі зерттелмеген. Пациенттер тадалафилді ондай біріктірілімдерде қабылдауға болмайтындығынан хабардар болуы тиіс. Лактоза ТАДАЛЕКС® таблеткасының құрамында лактоза (моногидрат ретінде) бар. Сирек, тұқым қуалайтын фрукктоза жақпаушылығы, Lapp (ЛАПП)-лактаза ферментінің тапшылығы немесе глюкоза-галактоза мальабсорбциясы бар пациенттер бұл дәрілік препаратты қабылдамауы тиіс. Натрий мөлшері Бұл дәрілік препараттың құрамында дозасына 1 ммоль (23 мг) аз натрий бар, яғни іс жүзінде «натрий жоқ» деп санауға болады. Арнайы сақтандырулар Педиатрияда қолдану Тадалафил балаларда эректильді дисфункцияны емдеу үшін қолданылмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препаратты қабылдау кезінде бас ауыру, бас айналу ықтималдығын ескере отырып, пациенттер автомобильді басқару немесе механизмдермен жұмыс жасауды бастар алдында өздерінің ТАДАЛЕКС® препаратына реакциясының ерекшеліктері туралы білуі тиіс.

ТАДАЛЕКС®әйелдердің пайдалануына арналмаған.

• 10 мг және/немесе 20 мг тадалафилді қолдану арқылы өзара әрекеттесулерді зерттеулер төмендегідей жүргізілді. Тадалафилді тек 10 мг дозада қолданып жүргізілген өзара әрекеттесулерін зерттеу, жоғарылау дозаларын қолданған кезде клиникалық маңызды өзара әрекеттесулердің болуы мүмкіндігін толығымен жоққа шығара бермейді. Басқа заттардың тадалафилге әсері Р450 цитохромының тежегіштері Тадалафилдің метаболизмі, негізінен, CYP3А4 ферментінің әсерінен орын алады. CYP3A4 селективті тежегіші кетоконазолды (күніне 200 мг дозада) қабылдау тадалафил монотерапиясы кезіндегі дәл осындай көрсеткіштермен салыстырғанда, тадалафилдің (10 мг) плазмалық концентрациясын (AUC) 2 есе және C max 15%-ға арттырады. Кетоконазолды (күніне 400 мг дозада) қабылдау, тадалафилдің (20 мг) плазмалық концентрациясын 4 есе және C max 22%-ға арттырады. CYP3A4, CYP2C9, CYP2C19 және CYP2D6 тежегіші болып табылатын протеаза тежегіші ритонавир, (күніне екі рет 200 мг), тадалафилдің (20 мг) C max өзгертпей, плазмалық концентрациясын 2 есе арттырады. Спецификалық өзара әрекеттесулері зерттелмегенімен, саквинавир сияқты, протеазаның басқа тежегіштері, сондай-ақ, эритромицин, кларитромицин, итраконазол және грейпфрут шырыны сияқты, CYP3A4 басқа тежегіштері, тадалафилмен бірге абайлап қолданылуы тиіс, өйткені, тадалафил препаратының плазмадағы концентрацияларының жоғарылауын күтуге болады. Нәтижесінде жағымсыз реакциялардың пайда болу жағдайлары жиілеуі мүмкін. Тасымалдағыштар Тасымалдағыштардың (мысалы Р-гликопротеин) тадалафил фармакокинетикасындағы рөлі зерттелмеген. Сондықтан, тасымалдағыштардың тежелуі түрткі болған өзара дәрілік әрекеттесулердің ықтималдығы бар. Р450 цитохромының индукторлары CYP3A4 индукторы рифампицин тадалафилдің (10 мг) бөлек қабылданғандағы плазмалық концентрациясымен салыстырғанда, тадалафилдің плазмалық концентрациясын 88%-ға төмендетеді. Плазмалық концентрациясының төмендеуі тадалафил тиімділігінің азаюына алып келуі мүмкін, алайда, тиімділігінің ондай азаюының айқындық дәрежесі зерттелмеген. Фенобарбитал, фенитоин және карбамазепин сияқты CYP3A4 басқа индукторлары да тадалафилдің плазмалық концентрацияларын азайтуы мүмкін. • Тадалафилдің басқа дәрілік заттарға әсері • Нитраттар Тадалафил (5, 10 және 20 мг) нитраттардың гипотензиялық әсерін күшейтетіні анықталды. Сол себепті, органикалық нитраттардың кез келген түрін қабылдап жүрген пациенттерге тадалафилді қабылдауға болмайды. Егер тадалафилді кез келген дозасында (2,5 - 20 мг) қабылдап жүрген пациентте нитраттарды өмірге қауіп төндіретін жағдайда қолдану қажет болса, препараттың соңғы дозасын қабылдағаннан кейін нитраттарды қолдану туралы шешім қабылданғанға дейін кемінде 48 сағат өтуі тиіс. Ондай жағдайда нитраттарды тек талапқа сай гемодинамикалық мониторингілеумен, қатаң медициналық бақылаумен қолдану керек. Гипертензияға қарсы дәрілер (кальций өзекшелерінің блокаторларын қоса) Доксазозин (күніне 4 және 8 мг) мен тадалафилді (5 мг, жүйелі түрде тәулігіне бір рет, және бір реттік 20 мг дозада қабылданған) бірге енгізу аталған альфа-блокатордың гипотензиялық әсерін айтарлықтай күшейтеді. Бұл әсері кемінде он екі сағатқа созылады және естен тануларды қоса, түрлі симптомдармен көрініс беруі мүмкін. Осы себепті, аталған препараттарды біріктіру ұсынылмайды. Гипертензияға қарсы дәрілік заттарды қабылдап жүрген пациенттерге артериялық қан қысымның төмендеуі мүмкіндігін ескерту қажет. Риоцигуат Клиникаға дейінгі зерттеулер, ФДЭ-5 тежегіштері мен риоцигуатты бірге қолданғанда, жүйелі артериялық қысымды қосымша төмендететін әсерін көрсетті. Клиникалық зерттеулер барысында риоцигуат ФДЭ-5 тежегіштерінің гипотензиялық әсерінің күшейгенін көрсетті. Зерттеудегі пациенттер топтарында ондай препараттарды біріктіргенде жағымды клиникалық әсер беретіндігіне ешқандай дәлелдер алынбаған. Тадалафилді қоса, ФДЭ-5 тежегіштерімен риоцигуатты бірге қолдануға болмайды. 5-альфа-редуктаза тежегіштері Қуықасты безі аденомасының симптоматикалық емі кезінде 5 мг тадалафил мен 5 мг финастеридті бір мезгілде қолдану плацебо және 5 мг финастеридті бір мезгілде қабылдаумен салыстырылған клиникалық сынақтардан, қандай-да бір жаңа жағымсыз реакциялардың басталғаны анықталмады. Дегенмен, тадалафил мен 5-альфа-редуктаза тежегіштерінің бірге қолданылуының салдрларына қатысты дәрілік заттардың өзара әрекеттесуін ресми түрде зерттеулер жүргізілмегендіктен, тадалафил мен 5-альфа- редуктаза тежегіштерін параллель тағайындағанда сақтық таныту керек. CYP1A2 субстраттары (мысалы, теофиллин) Дәрілік заттардың өзара әрекеттесуін клиникалық зерттеу барысында 10 мг тадалафилді теофиллинмен (фосфодиэстеразаның селективті емес тежегіші) бір мезгілде қолданғанда ешқандай фармакокинетикалық өзара әрекеттестік байқалмаған. Бірден-бір фармакодинамикалық әсері жүректің жиырылу жиілігінің болар-болмас (минутына 3,5 соғуға) артуы болды. Бұл әсері мардымсыз болып табылатын және клиникалық тұрғыдан маңызы жоқ болғанымен, оны аталған дәрілік заттарды бірге тағайындаған кезде ескеру керек. Этинилэстрадиол және тербуталин Тадалафил пероральді қабылданғанда этинилэстрадиолдың биожетімділігін арттыруға қабілеттілігін танытқан; осыған ұқсас жоғарылауын тербуталинді пероральді енгізгенде де күтуге болады, әйтсе де, ондай жоғарылауының клиникалық салдарлары анықталмаған. Алкоголь Тадалафилді (10 мг немесе 20 мг) бір мезгілде қабылдау алкоголь концентрациясын арттырмайды (қандағы орташа ең жоғарғы концентрациясы 0,08%). Бұдан өзге, алкогольмен бірге енгізгеннен кейін 3 сағаттан соң тадалафил концентрациясында ешқандай өзгерістер байқалмаған. Алкоголь оның сіңірілу жылдамдығын барынша арттыратындай жолмен енгізілген (түнгі ашығудан кейін және алкоголді қабылдаудан кейінгі 2 сағат ішінде ас ішпей тұрып). Тадалафил (20 мг) алкогольден (0,7 г/кг, бұл салмағы 80 кг ер адамның 180 мл 40% спирт [арақ] ішуіне сәйкес келеді) туындаған қан қысымының орташа төмендеуін арттырмайды, бірақ, пациенттердің бірқатарында постуральді бас айналуы мен ортостатикалық гипотензия байқалған. Тадалафил алкоголдің төменірек (0,6 г/кг) дозаларымен бірге енгізілген кезде, гипотония байқалмаған және бас айналуы тек қана алкогольдің өзін қабылдағандағыдай жиілікпен байқалған. Тадалафилді (10 мг) қабылдағанда алкогольдің когнитивтік функцияларға ықпалы өзгермеген. P450 цитохромы ферменттері арқылы метаболизденетін препараттар Тадалафил Р450 цитохромының изоформалары арқылы метаболизденетін дәрілік заттар клиренсінің клиникалық тұрғыдан елеулі тежелуін немесе индукциялануын туғызбайды. Зерттеулерден, тадалафилдің CYP3A4, CYP1A2, CYP2D6, CYP2E1, CYP2C9 және CYP2C19 қоса, Р450 цитохромының изоформаларын тежемейтіні және индукцияламайтыны расталды. CYP2C9 субстраттары (мысалы, R-варфарин) Тадалафилдің S-варфарин немесе R-варфарин (CYP2C9 субстраты) экспозициясына (AUC) клиникалық тұрғыдан елеулі әсері болмаған және варфарин индукциялаған протромбин уақытының өзгеруіне ықпал етпеген. Аспирин Тадалафил ацетилсалицил қышқылынан туындаған қан кету ұзақтығын арттырмайды. Диабетке қарсы дәрілік заттар Диабетке қарсы дәрілік заттармен өзара әрекеттесуіне арнайы зерттеулер жүргізілген жоқ.

Сақтау мерзімі 2 жыл. Жарамдылық мерзімі өткеннен кейін қолдануға болмайды! Сақтау шарттары Құрғақ, жарықтан қорғалған жерде, 25 °С-ден аспайтын температурада сақтау керек. Балалардың қолы жетпейтін жерде сақтау керек!