Тазепам таблетки 10 мг

Бір таблетканың құрамында белсенді зат – оксазепам,10 мг, қосымша заттар: картопкрахмалы, желатин, полисорбат 80, натрий карбоксиметилкрахмалы (А типі), магний стеараты, тальк, лактоза моногидраты, қабығының құрамы: гипромеллоза, макрогол 6000. Сыртқы түрінің, иісінің, дәмінің сипаттамасы Дөңгелек пішінді, бір текті екі жақ беті дөңес және сызатсыз шеттері бүтін, ақ немесе ақ дерлік түсті үлбірлі қабықпен қапталған таблеткалар.

Шұғыл жағдайларда және қысқа мерзімге: - неврозбен және басқа да психосоматикалық бұзылулармен қатар үрей тудыратын бұзылыстарда - ұйқының функциональді бұзылуларында Жүйкенің ширығу жағдайлары және күнделікті өмірдегі мәселелермен байланысты үрейлену жағдайлары препаратты қолдануға көрсетілім болып табылмайды. Асқынуға жол бермеу үшін препаратты қатаң түрде дәрігердің тағайындауымен қабылдау қажет.

ATХ коды N05BA04 Әсер ету механизмі Препарат медициналық мақсатта пайдаланылатын және бақылауда болатын психотроптық заттардың тізіміне кіреді (III тізім). Оксазепам 1,4-бензодиазепин туындылары тобына жатады. Орталық жүйке жүйесінің көптеген құрылымдарына, әсіресе лимбиялық жүйеге және гипоталамусқа, яғни эмоциялық қызметті реттеуге байланысты құрылымға әсер етеді. Барлық бензодиазепиндер сияқты, ол бас ми қыртысының, гипокамптің, мишықтың, таламустың және гипоталамустың ГАМҚ-ергиялық нейрондарының тежегіш ықпалын күшейтеді. ГАМҚ-А рецепторы мен хлорлы өзекшеден тұратын кешенмен байланысы бар жасушалық жарғақшаның ақуыздық құрылымы болып табылатын бензодиазепиндерге тән байланысу аймақтарының бар екендігі анықталды. Оксазепамның әсері тежегіш эндогендік нейромедиатор болып табылатын гамма-аминмай қышқылындағы (ГАМҚ) рецепторға ұқсастығының артуына әкелетін ГАМҚ-ергиялық рецептор сезімталдығының модуляциясымен байланысты. Бензодиазепинді рецептор немесе ГАМҚ-А белсенділенуінің салдары нейрон ішіндегі хлор иондарының хлорлы өзекше арқылы тасымалдануының ұлғаюы болып табылады, бұл жасушалық жарғақшаның гиперполяризациясына, ал қорытындысында нейрон белсенділігінің тежелуіне әкеледі. Клиникалық тұрғыдан алғанда, бұл анксиолитикалық және әлсіз көрінетін ұйықтататын әсерімен білінеді. Оксазепам сондай-ақ қаңқа бұлшықеттерінің тонусына босаңсытқыш әсер және құрысуға қарсы әлсіз әсер береді.

Тазепам препаратын әрдайым дәрігердің нұсқауымен қолданған жөн. Күмәнданған жағдайда дәрігерге жүгіну қажет. Дозалау режимі Ересектер Үрей тудыратын бұзылыстарда: 10 мг-ден 30 мг-ге дейін, тәулігіне 3-4 рет. Қосымша зат ретінде және тек негізді жағдайларда ұйқының бұзылуын емдеуге: ұйқыдан бір сағат бұрын 10 мг-ден 30 мг-ге дейін. Ұйқының бұзылуына байланысты оксазепам қабылдап жүрген пациенттерді препаратты қабылдағаннан кейін үзіліссіз 7-8 сағат ұйықтауы үшін жағдай болуы тиіс екендігінен хабардар ету қажет. Егде жастағы пациенттер Егде жастағы пациенттер орталық жүйке жүйесіне әсер ететін препараттарға өте сезімтал. Тазепам препаратын бұл пациенттерге қолданғанда мүмкіндігінше тиімді аз дозаны тағайындау керек. Бауыр және (немесе) бүйрек функциясының жеткіліксіздігі бар пациенттер Бауыр және (немесе) бүйрек функциясының жеткіліксіздігі бар пациенттер дәрігерге осы аурулары жөнінде айтуы тиіс. Зақымданған ағза функциясының жеткіліксіздігі дәрежесіне қарай, дәрігер дозаны әрбір пациентке жекелей таңдайды. Егер емделу кезінде пациенттерге препараттың әсері тым күшті немесе әлсіз сияқты болса, ол мұны дәрігерге айтуы тиіс. Енгізу әдісі және жолы Таблеткаларды ішке қабылдау керек Емдеу ұзақтығы Оксазепаммен емдеу ұзақтығын дәрігер ең аз шамаға дейін шектеуі тиіс, ол әдетте бірнеше күннен 2 аптаға дейінді құрайды. Емдеу ұзақтығы, препаратты біртіндеп тоқтату кезеңін қоса, 4 аптадан аспауы тиіс. Препаратты өте ұзақ қолдану төзімділіктің және дәріге тәуелділіктің даму қаупіне байланысты ұсынылмайды. Жекелеген жағдайларда, пациенттің жағдайына баға бергеннен кейін, дәрігер емдеуді барынша ұзарту жөнінде шешім қабылдауы мүмкін. Дәрілік препараттың бір немесе бірнеше дозасын өткізіп алу кезіндегі қажетті шаралар Егер препарат тағайындалған дәл уақытында қабылданбай қалса, оны мүмкіндігінше тезірек (егер препараттың кезекті қабылдануына әлі де көп уақыт бар болса) қабылдау немесе препаратты жүйелі қабылдауды жалғастыру қажет. Өткізіп алған дозаның орнын толтыру үшін екі еселенген доза қабылдауға болмайды. Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі ұсыныстар Тазепам препаратын қолданар алдында препаратты қолдану тәсілін түсіндіру үшін медициналық қызметкерден кеңес алу ұсынылады.

- 1,4-бензодиазепин туындыларына немесе қосымша заттардың кез келгеніне аса жоғары сезімталдық - тыныс алу функциясының ауыр жеткіліксіздігі - түнгі апноэ ұстамалары - бауыр функциясының ауыр жеткіліксіздігі - бүйрек функциясының жедел жеткіліксіздігі - миастения - маза бермейтін ойлар, фобиялар, созылмалы психоз - жедел порфирия - алкогольмен, ұйықтатқыш препараттармен немесе орталық жүйке жүйесінің қызметін бәсеңдететін басқа да препараттармен улану - жүктілік және бала емізу кезеңі - 18 жасқа дейінгі балалар мен жасөспірімдер - тұқым қуалайтын галактоза жақпаушылығы, Lapp-лактаза ферментінің тапшылығы, глюкоза-галактоза мальабсорбциясы

Жағымсыз әсерлердің жиілігі және айқындылығы пациенттің жекелей сезімталдығына және препараттың қолданылатын дозасының шамасына байланысты. Тазепам препаратын, ауыр жағымсыз әсерлеріне байланысты тоқтату сирек кездеседі. Жиі - ұйқышылдық - реакцияның баяулауы - бас айналу - сананың шатасуы және бағдардан адасу - бұлшықет әлсіздігі, атаксия - көздің дұрыс көрмеуі, диплопия Бұл әсерлер көбіне емнің бас кезінде, егде жастағы пациенттерде байқалады және, әдеттегідей, емді әрі қарай жалғастыру барысында жоғалады. Осы реакциялар күшейген жағдайда дәрігерге қаралу қажет. Дозаның тиісінше төмендеуі осы симптомдардың айқындылығын және пайда болу жиілігін азайтады. Сондай-ақ бензодиазепиннің басқа да туындыларын, әсіресе үлкен дозаларда қабылдағаннан кейін сөйлеудің бұзылуы (міңгірлеп сөйлеу және дұрыс айта алмау орын алатын дизартрия), жадының бұзылуы (антеградты амнезия), либидоның бұзылуы дамуы мүмкін. Сирек - бас ауыру -қанның морфологиялық құрамының бұзылуы (лейкопения, агранулоцитоз) - жүректің айнуы, диспепсиялық құбылыстар, ауыздың құрғауы, сілекей бөлінуінің өзгерістері - ауыр аллергиялық реакциялар (анафилаксиялық реакциялар) - бұлшықет треморы, бұлшықет әлсіздігі, миалгия Белгісіз (қолда бар деректер негізінде бағалау мүмкін емес) - несептің іркілуі, несепті ұстай алмаушылық - тәбеттің болмауы - артериялық қысымның аздап төмендеуі - жалпы әлсіздік, естен тану - терінің аллергиялық реакциялары (бөртпе, қышыну, есекжем) - бауыр ферменттері белсенділігінің жоғарылауы, бауыр функциясының сарғаюмен қатар жүретін бұзылуы - етеккір оралымының бұзылуы • психикалық бұзылулар: парадоксальді реакциялар – психоқимыл мазасыздығы, қозу және озбырлық, сананың шатасуы, елестеулер, қорқынышты түстер көру, сандырақтау, психоздар, ашушаңдық, талапқа сай емес мінез таныту. Парадоксальді реакциялар көбіне алкогольді пайдаланғаннан кейін, егде жастағы пациенттерде және психикалық аурулары бар пациенттерде байқалады. Физикалық және психикалық тәуелділік оксазепамның емдік дозаларымен емдеген кезде дамуы мүмкін. Емдеуді күрт тоқтату «рикошет» типіндегі ұйқысыздықты және тоқтату синдромын туындатуы мүмкін. Алкогольді немесе дәрілік препараттарды шамадан тыс пайдаланатын пациенттер тәуелділіктің пайда болуына өте бейім келеді. Оксазепаммен емдеу кезінде суицидке бейімділігі бар диагностикаланбаған депрессия пайда болуы мүмкін. Кейбір пациенттерде Тазепам препаратын қолдану кезінде басқа да жағымсыз әсерлер пайда болуы мүмкін. Жоғарыда көрсетілген немесе осы нұсқаулықта көрсетілмеген басқа да жағымсыз әсерлердің кез келгені пайда болған жағдайда дәрігерге немесе фармацевтке ол жөнінде айту қажет. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Cимптомдары: ұйқышылдық, бағдардан адасушылық жағдайы, міңгірлеп сөйлеу, ал едәуір артық дозаланған жағдайда есінен тану, кома. Емі: мүмкіндігінше ертерек құстыру қажет (санасы сақталған жағдайда) және дәрігерге қаралу қажет. Оксазепаммен уланған жағдайда шаралар организмге әлі сіңіп үлгермеген препаратты тезірек шығаруға немесе оның ас қорыту жолынан сіңуін азайтуға бағытталады (асқазанды шаю, белсенділендірілген көмір қабылдау, құсу – тек есі бар пациенттерде), өмір үшін маңызды функцияларға (тыныс алу, тамырдың соғуы, артериялық қысым) бақылау жасау және, қажет болғанда, тиісті симптоматикалық ем жүргізу керек. Өзіне тән антидоты флумазенил болып табылады. Препаратты ұсынылған дозадан артық қабылдаған жағдайда дереу дәрігерге немесе фармацевтке жүгіну қажет.

Таблетканы ішке судың мол мөлшерімен ішіп қабылдаған жөн. Дәрігер емдеуді үрейлену немесе ұйқысыздық симптомдарын басу үшін тиімді өте төмен дозалардан бастауы, ал қажет болғанда оларды біртіндеп арттыруы тиіс. Препаратты біртіндеп тоқтату қажет. Бұл әсіресе бензодиазепин туындыларын ұзақ уақыт қабылдап жүрген пациенттерге қатысты. Оксазепамды күрт тоқтату ұйқының және көңіл-күйдің бұзылуын, зейінді жұмылдырудың нашарлауын туындатуы мүмкін. Препаратты біртіндеп тоқтатуды дәрігер әрбір пациент үшін жекелей белгілеуі тиіс. Арнайы сақтандырулар Емдеуді бастар алдында бұрыннан бар бұзылыстарға мұқият талдау жүргізу қажет. Ұйқысыздықты емдеген жағдайда басқа да ықтимал себептердің (соматогения, психогендік, зиянды әдеттер) бар-жоқтығын анықтау қажет. Егер 7-14 күн емдегеннен кейін пациент жақсаруды байқамаса немесе симптомдар қайталана бастаса, дәрігерге қаралуы қажет. Бензодиазепиндермен және ұйықтатқыш басқа да препараттармен емдегенде байқалатын әсерлерге қатысты жалпы ақпаратты Тазепам препаратын қолданған кезде ескерген жөн: Төзімділік Бензодиазепиндерді немесе әсері осыған ұқсас препараттарды, соның ішінде Тазепам препаратын бірнеше апта бойы жүйелі қолдану олардың әсер ету тиімділігінің азаюына әкеп соғуы мүмкін. Дәріге тәуелділік Тазепам препаратын, қолдану, басқа да бензодиазепиндер немесе әсері ұқсас препараттар сияқты, психикалық және физикалық тәуелділіктің пайда болуына әкеп соғуы мүмкін. Дәріге тәуелділіктің пайда болу қаупі дозамен және емдеу ұзақтығымен бірге артады, және де алкогольге тәуелді пациенттерде, сондай-ақ анамнезінде дәрілік препараттарға тәуелділігі бар пациенттерде арта түседі. Дәріге тәуелділік пайда болған жағдайда препаратты күрт тоқтатқанда, тоқтату синдромының пайда болуына әкелуі мүмкін. Тоқтату синдромына тән біліністер мыналар болып табылады: бас ауыру, құлақтың шыңылдауы, бұлшықеттің ауыруы, қозу және эмоциональді ширығу, қимыл мазасыздығы, еріксіз қимылдар, сананың шатасу және бағдардан адасу жағдайлары, ашушаңдық, ұйқысыздық. Ауыр жағдайларда дереализация, жеке тұлғалық бұзылыс, тактильді, акустикалық және жарық гиперестезиясы, «құмырсқаның жорғалауы» сезімі және аяқ-қолдың ұюы, елестеулер немесе құрысу ұстамалары, танымдық функциялардың бұзылулары, іштің ауыруы, құсу пайда болуы мүмкін. Антеградтық амнезия Тазепам препаратын, бензодиазепиндер және соған ұқсас препараттар сияқты, антеградтық амнезияны тудыруы мүмкін. Симптомдар көбіне препаратты қабылдағаннан кейін бірнеше сағаттан соң, әсіресе үлкен дозада пайда болады. Ұйқының бұзылуына байланысты, амнезияның пайда болу қаупін азайту үшін Тазепам препаратын қабылдап жүрген пациенттерде препаратты ұйқыдан бір сағат бұрын қолдану және үзіліссіз 7-8 сағаттық ұйқы үшін тиісті шарттарды қамтамасыз ету керек. Парадоксальді реакциялар Тазепам препаратын, басқа да бензодиазепиндер және ұқсас препараттар сияқты, қимыл мазасыздығы, қозу, ашушаңдық, озбырлық, өшпенділік, қорқынышты түстер көру, елестеулер, психоздар, сомнамбулизм, жеке тұлғалық бұзылыстар, айқын ұйқысыздық сияқты парадоксальді реакцияларды тудыруы мүмкін. Бұл реакциялар егде жастағы пациенттерде немесе алкогольге тәуелді пациенттерде жиі байқалады. Мұндай симптомдар пайда болған жағдайда дәрігерге қаралу қажет. Пациенттердің ерекше топтары Егде жастағы пациенттер Егде жастағы пациенттерде, осы жас тобында жағымсыз әсерлерінің күшеюімен, негізінен бағдардан адасу және қимыл үйлесімінің бұзылуымен (құлау, жарақат алуы) байланысты, Тазепам препаратының аз дозасын қолданған жөн. Бүйрек жеткіліксіздігі Препаратты бүйрек функциясының жеткіліксіздігі бар пациенттерге тағайындағанда сақтық таныту қажет Бауыр жеткіліксіздігі Олар энцефалопатияның дамуын жылдамдатуы мүмкін болғандықтан бензодиазепиндерді және осыған ұқсас препараттарды бауыр функциясының жеткіліксіздігі бар пациенттерге қолдану ұсынылмайды. Басқа жай-күйлер Бензодиазепиндер тыныс алу орталығын бәсеңдететіні анықталғандықтан, оксазепамды тыныс алудың созылмалы жеткіліксіздігі бар пациенттерге абайлап қолданған жөн. Бензодиазепиндерді және осыған ұқсас препараттарды психозы бар пациенттерге қолдану ұсынылмайды. Депрессияда қолданылуы Тазепам препаратын қолданар алдында, пациент дәрігерге барлық психикалық аурулары туралы айтуы тиіс. Эндогендік депрессия немесе депрессиямен байланысты үрейлену симптомдары бар пациенттерге дәрігер бірнеше препаратты бір мезгілде тағайындауы тиіс. Осы пациенттерде суицидке бейімділік пайда болуы мүмкін. Әдейі артық дозалануы мүмкін болғандықтан, мұндай пациенттерге оксазепамды мүмкіндігінше барынша аз дозаларда тағайындаған жөн. Бензодиазепиндер және осыған ұқсас препараттарды депрессияда немесе депрессиямен байланысты үрейленулерде монотерапия ретінде қолдануға болмайды. Депрессиясы бар пациенттерге тек Тазепам препаратын ғана қолдану депрессия симптомдарын, соның ішінде суицидтік ойын күшейтуі мүмкін. Алкогольге немесе дәріге (соның ішінде есірткілік) тәуелді пациенттер Тазепам препаратын қолданар алдында осындай зиянды әдеттерінің бар екендігі жөнінде дәрігерге мәлімдеуі тиіс. Пациенттердің осы тобында дағдылану және психикалық тәуелділіктің пайда болуы жоғары, сондықтан бұл пациенттер Тазепам дәрілік препаратын дәрігердің қатаң бақылауымен ғана қабылдауы тиіс. Порфириясы бар пациенттерде Тазепам препараты осы ауру симптомдарының күшеюіне әкелуі мүмкін. Порфириясы бар пациенттер Тазепам препаратымен емделер алдында бұл ауру жөнінде дәрігерді хабардар етуі тиіс. Глаукомасы, әсіресе жабық бұрышты түрі бар пациенттер Тазепам препаратымен емделер алдында окулист-дәрігерден кеңес алуы тиіс. Тазепам препаратының кейбір компоненттері жөнінде маңызды ақпарат Егер пациентте қандай да бір қант жағымсыздығы байқалса, онда препаратты қабылдау алдында ол жөнінде дәрігерді хабардар етуі тиіс. Тазепам препаратын тағамдық өнімдермен және сусындармен бірге қолдану Тазепам препаратымен емделу кезінде және оны аяқтағаннан кейін тағы 3 күн ішінде ешқандай спирт ішімдіктерін пайдалануға болмайды. Дәрігерден, тіпті жоғарыда айтылған сақтандырулар бұрын байқалған жағдайға қатысты болса да, кеңес алу қажет. Ұрпақ өрбіту жасындағы әйелдер емдеуді бастар алдында жүктілікті жоспарлап жүрген немесе жүктілігі анықталған жағдайда емдеуді тоқтату мақсатында дәрігерден кеңес алуы тиістігі жөнінде хабардар болуы тиіс. Педиатрияда қолдану Препаратты 18 жасқа дейінгі балаларда қолдануға болмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Тазепам препаратымен емделу кезінде және оны аяқтағаннан кейін тағы 3 күн бойы автокөлікті басқармаған және қозғалыстағы механикалық құралдармен қызмет көрсетпеген жөн. Автокөлікті басқару және механикалық құралдармен қызмет көрсету қабілеті ұйқышылдықтың пайда болуымен, зейінді жұмылдырудың нашарлауымен және зейін қоюды төмендететін басқа да жағымсыз әсерлерге байланысты шектелуі мүмкін («Жағымсыз реакцияларының сипаттамасын» қараңыз).

Препаратты жүктілік және бала емізу кезеңінде қолдануға болмайды.

Соңғы кезде қабылдап жүрген барлық дәрілік заттар, тіпті рецептісіз босатылатын да дәрілер жөнінде дәрігерді хабардар ету қажет. Оксазепамның орталық жүйке жүйесін (ОЖЖ) тежейтін әсерін апиындық анальгетиктер, жалпы анестезияға арналған препараттар (анестетиктер), психотроптық препараттар, антидепрессанттар, эпилепсияға қарсы препараттар, антигистаминдік препараттар, орталық әсері бар гипотензивтік препараттар күшейтеді. Апиындық анальгетиктерді және оксазепамды бір мезгілде қолданған жағдайда эйфория күшеюі мүмкін, бұл психикалық тәуелділіктің пайда болуына әкеледі. Оксазепаммен емделу кезінде алкогольді қолдану орталық жүйке жүйесін бәсеңдететін әсерді күшейтеді және психомоторлы қозу, агрессиялық мінез таныту сияқты парадоксальді реакциялардың дамуына әкеп соғуы мүмкін. Қаңқа бұлшықеттерін босаңсытатын препараттармен (кураре және оның туындылары, қаңқа бұлшықетінің тонусын төмендететін препараттар) бір мезгілде қолданылатын Тазепам препараты олардың әсерін ұзартады және күшейтеді. Теофиллин және кофеин бензодиазепиндердің (оксазепамды қоса) ұйықтатқыш әсерін бәсеңдетуі мүмкін. Паркинсонизмді емдеу үшін қолданылатын препараттармен (мысалы, леводопамен) бірге тағайындалатын Тазепам препараты олардың әсерін бәсеңдетуі мүмкін. Ұрықтануға қарсы құрамында эстроген бар оральді дәрілік заттар оксазепамның метаболизмін жылдамдатуы және жартылай шығарылу кезеңін қысқартуы мүмкін. Фенитоинмен бір мезгілде қолдану қан сарысуында оксазепам деңгейінің төмендеуіне әкелуі мүмкін.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары Түпнұсқалық қаптамасында, ылғалдан және жарықтан қорғалған жерде, 25°С-ден аспайтын температурада сақтау керек. Балалардың қолы жетпейтін жерде сақтау керек!