ТайсабриТМ концентрат 300 мг/15 мл

Бір құтының (15 мл) ішінде белсенді зат - 300 мг натализумаб қосымша заттар: натрий хлориді, динатрий гидрофосфат моногидраты, натрий дигидрофосфат гептагидраты, полисорбат 80, инъекцияға арналған су Сыртқы түрінің, иісінің, дәмінің сипаттамасы Көрінетін бөлшектерсіз түссіз, мөлдір немесе сәл бозаңданатын ерітінді.

ТайсабриТМ ересек пациенттердің келесі топтарында қайталамалы ремиссиялық шашыраңқы склероздың (ҚРШС) жоғары белсенді түрлерінің монотерапиясы үшін шашыраңқы склероз ағымын өзгертетін препарат ретінде көрсетілген: - шашыраңқы склероз ағымын өзгертетін, ең болмаса, бір препаратпен толық және талапқа сай емдеу курсымен ем жүргізілуіне қарамастан аурудың жоғары белсенді ағымында жүрген пациенттерде немесе - мидың магнитті-резонансты томографиясында (МРТ) бір жыл ішінде екі немесе одан көп мүгедектікке ұшырататын өршулері байқалған ҚРШС ауыр түрінің жылдам дамуы және құрамында гадолиний бар контрастылы дәрілер жинақталған бір немесе одан көп ошақтары немесе алдыңғы МРТ нәтижелерімен салыстырғанда, Т2 режимінде мидың жалпы ошақтық зақымдану көлемінің едәуір ұлғаюы болған пациенттерде.

Әсер ету механизмі Натализумаб – бұл адгезия молекулаларының селективті тежегіші, нейтрофилдерді қоспағанда, барлық лейкоциттердің беткейінде көп мөлшерде экспрессияланатын адам интегринінің α4-қосалқы бірлігімен байланысады. Натализумаб α4β1-интегринмен спецификалық байланысып, осы орайда сәйкес рецептормен, тамыр жасушаларының адгезиялық молекуласымен (VCAM-1) және баламалы сплайсинг нәтижесінде түзілген остеопонтин лигандымен, фибронектин доменімен, 1-дәнекер сегментпен (CS-1) өзара әрекеттесуін бөгейді. Натализумаб α4β7-интегриннің шырышты қабық адгезиясының молекуласы 1-адрессинмен (MadCAM-1) өзара әрекеттесуін бөгейді. Осы молекулалық өзара әрекеттесулерге ықпалы паренхиматозды ағзалардың қабыну ошақтарына эндотелий арқылы мононуклеарлы лейкоциттер көшуін бөгейді. Әріқарайғы натализумаб әсер ету механизмі α4-экспрессияланатын лейкоциттердің жасушадан тыс заттағы және паренхима жасушаларындағы өздерінің лигандтарымен өзара әрекеттесуін басу жолымен зақымданған тіндерде қабыну реакцияларын бәсеңдетумен жүзеге асуы мүмкін. Осылайша, натализумаб зақымданған тіндерде қабыну белсенділігін және одан әрі қабыну ошағына иммундық жасушалардың тартылуын бәсеңдете алады. Фармакодинамикалық әсерлері Шашыраңқы склерозда (ШC) ми тіндерінің зақымдануы белсенділенген Т-лимфоциттер гематоэнцефалдық бөгет (ГЭБ) арқылы өткен кезде болады. Лейкоциттердің ГЭБ арқылы көшуіне белсенділенген лейкоциттер беткейіндегі адгезия молекулалары мен қан тамырларының эндотелийі арасындағы өзара әрекеттесу қосылады. α4β1 және оның нысаналары арасындағы өзара әрекеттесу мида қабыну ошақтарының қалыптасу патогенезінің маңызды компоненті болып табылады, сондықтан осы өзара әрекеттесулердің бұзылуы қабыну белсенділігін төмендетеді. Қалыпты жағдайларда VCAM-1 ми паренхимасында экспрессияланбайды. Алайда, қабындыратын цитокиндердің қатысуымен эндотелий жасушаларында VCAM-1 өндірілуі қабыну ошағына жуық орналасқан глиальлі жасушаларда, болжамды түрде, оң кері байланыс механизмі бойынша реттеледі. ШС тұсында орталық жүйке жүйесінің (ОЖЖ) қабыну жағдайларында VCAM-1, CS-1 және ШС остеопонтинмен α4β1 өзара әрекеттесуі мидағы лейкоциттердің берік адгезиясы мен көшуі арқылы жүреді және ОЖЖ тіндерінде қабыну каскадын күшейтуі мүмкін. Өз нысаналарымен α4β1 молекулалық өзара әрекеттесуінің блокадасы ШС тұсында ми паренхимасындағы қабыну белсенділігін төмендетеді және одан әрі иммундық жасушалардың қабыну ошақтарына тартылуын бәсеңдетіп, сол арқылы ШС кезіндегі зақымдану көлемінің түзілуін төмендетеді немесе ұлғаюын баяулатады. Клиникалық тиімділігі және қауіпсіздігі AFFIRM клиникалық зерттеуі Куртцке кеңейтілген мүгедектікке ұшырау шкаласы (EDSS) бойынша, мүгедектікке ұшыраудың 0-ден 5 дәрежеге дейін және, кем дегенде, бір жыл ішінде 1 клиникалық қайталану оқиғасы болған ҚРШС бар пациенттерде 2 жылға созылған бір рандомизацияланған, салыстырмалы жасырын плацебо-бақыланатын айқаспалы зерттеуде (AFFIRM зерттеуі) монотерапия түріндегі тиімділігі бағаланды. Орта жас 37 жас болды, ал орташа ауру ұзақтығы 5 жылға созылады. Пациенттер әр 4 аптса сайын 30 инфузияға дейін Тайсабри 300 мг (n = 627) немесе плацебо (n = 315) қабылдау үшін 2:1 арақатынасында рандомизацияланды. Неврологиялық бағалаулар әр 12 апта сайын және қайталануына күмән туындаған жағдайда жүргізілді. T1-өлшенген гадолиний (Gd) зақымданулары мен T2-аса қарқынды зақымдануларының МРТ бағалауы жыл сайын жүргізілді. Зерттеу сипаттамалары мен нәтижелері 2 кестеде берілген. 2 кесте. AFFIRM зерттеуі: негізгі сипаттамалары мен нәтижелері Жоспар — Монотерапия; 120 апта бойы қатар топтарда жүргізілген рандомизацияланған салыстырмалы жасырын плацебо-бақыланатын клиникалық зерттеу Субъектілер — Қайталамалы-ремиссиялық шашыраңқы склероз (Макдоналд критерийлері) Емдеу — Плацебо / Натализумаб 300 мг вена ішіне әр 4 апта сайын Бір жылдық соңғы нүкте — Қайталанулар жиілігі Екі жылдық соңғы нүкте — EDSS қарқыны Екіншілік соңғы нүктелер — Қайталанулардың дифференциациялық ауыспалы жиілігі/Дифференциациялық ауыспалы МРТ Субъектілер — Плацебо — Натализумаб Рандомизацияланған — 315 — 627 1 жылдан соң аяқталу — 296 — 609 2 жылдан соң аяқталу — 285 — 589 Жас, жылдар, орташа (диапазон) — 37 (19-50) — 36 (18-50) ШС анамнезі, жылдар, орташа (диапазон) — 6.0 (0-33) — 5.0 (0-34) Диагноз қоюдан бастап уақыт, жылдар, орташа (диапазон) — 2.0 (0-23) — 2.0 (0-24) Соңғы 12 жыл ішіндегі қайталанулар, орташа (диапазон) — 1.0 (0-5) — 1.0 (0-12) EDSS-негізгі деректер, орташа (диапазон) — 2 (0-6.0) — 2 (0-6.0) НӘТИЖЕЛЕР Орташа жылдық қайталану жиілігі Бір жылдан соң (негізгі соңғы нүкте) — 0.805 — 0.261 Екі жылдан соң — 0.733 — 0.235 Бір жыл — Қауіптер қатынасы 0.33 CI95% 0.26 ; 0.41 Екі жыл — Қауіптер қатынасы 0.32 CI95% 0.26 ; 0.40 Қайталануларсыз Бір жылдан соң — 53% — 76% Екі жылдан соң — 41% — 67% Мүгедектікке ұшырау Қарқынды болатын үлесі 1 (12 аптадан соң растау; бастапқы нәтиже) — 29% — 17% Қауіптер қатынасы 0.58, CI95% 0.43; 0.73, p<0.001 Қарқынды болатын үлесі 1 (24 аптадан соң растау) — 23% — 11% Қауіптер қатынасы 0.46, CI95% 0.33; 0.64, p<0.001 МРТ (0-2 жыл) T2-аса қарқынды ошақтар көлеміндегі медианасының % өзгерісі — +8.8% — -9.4% (p<0.001) Жаңа немесе қайта ұлғайған T2-аса қарқынды ошақтардың орташа саны — 11.0 — 1.9 (p<0.001) T1-баяу қарқынды ошақтардың орташа саны — 4.6 — 1.1 (p<0.001) Гадолиниймен (Gd) контрастыланған ошақтардың орташа саны — 1.2 — 0.1 (p<0.001) 1 Мүгедектікке ұшырау қарқыны 12 немесе 24 апта бойы сақталатын EDSS >=1.0 бастапқы деңгейінен бастап мүгедектікке ұшырауды бағалау шкаласы (EDSS) бойынша, кем дегенде, 1.0 ұлғаюы немесе 12 немесе 24 апта бойы сақталатын EDSS =0 бастапқы деңгейінен бастап EDSS бойынша, кем дегенде, 1.5 ұлғаюы арқылы белгіленді. Қарқынмен дамыған ҚРШС ауруын емдеу көзделген пациенттердің қосалқы тобында (2 немесе одан көп қайталануы және гадолиниймен (Gd) контрастыланатын 1 немесе одан көп зақымдануы болған пациенттер) қайталанулардың орташа жылдық жиілігі натализумаб қабылдаған топта (n = 148) 0,282 және плацебо тобында (n = 61) 1,455 құрады (р <0,001). Мүгедектік үдеуінің қауіптер қатынасы – 0,36 (95% CI: 0,17, 0,76), р = 0,008. Осы нәтижелер post hoc талдауының нәтижесінде алынды және мұқият түсіндірілуі тиіс. Пациенттер зерттеуге қосылатын сәтке дейін қайталанулар ауырлығы туралы ақпарат жоқ. Тайсабри бақылау бағдарламасы (ТББ) Тайсабри көп орталықтық бақыланбайтын зерттеуі, 4 фаза (n = 5770) ағымда жалғасатын бақылау бағдарламасының (TOP) нәтижелерін аралық талдау (2015 жылғы мамырдағы жағдай бойынша) бета-интерфероннан (n = 3255) немесе глатирамер ацетатынан (n = 1384) Тайсабри еміне ауысқан пациенттердің орташа жылдық қайталанулар жиілігінің орнықты, елеулі төмендеуін көріністегенін көрсетті (p <0,0001). Орташа EDSS көрсеткіштері 5 жыл бойы тұрақты күйде қалды. Бета-интерферон немесе глатирамер ацетатынан Тайсабриге, финголимодтан (n = 147) аталған препаратқа ауысқан пациенттерде байқалатын тиімділік нәтижелеріне сәйкес, 2 жыл бойы тұрақты сақталған орташа жылдық қайталанулар (ARR) жиілігінің едәуір төмендеуі байқалды және EDSS шкаласы бойынша орташа көрсеткіштер базалық көрсеткіштермен және 2 жыл ішіндегі деректерге ұқсас болып қалды. Бұл деректерді түсіндіргенде пациенттердің осы қосалқы тобына тән натализумабтың іріктеу көлемінің шектеулі және әсер ету ұзақтығының қысқалау екенін есепке алу керек. Балалар Маркетингтен кейінгі мета-талдау натализумаб қабылдаған балалар жасындағы ШС бар 621 пациент деректерін пайдаланумен жасалды (орта жас - 17 жас, диапазон 7-18 жас, 91% ≥14 жаста). Емдеуге кірісуге дейін қолжетімді деректерімен пациенттердің шектеулі санында осы талдау шеңберінде (621 пациенттен 158) орташа жылдық қайталану жиілігінің (ARR) 1,466-дан (95% CI 1,373, 1,604) 0,110 (95% CI 0,094, 0,128) дейін төмендеуі көріністелді. Кеңейтілген дозалау аралығы Тайсабримен венаішілік ем кезіндегі анти-JCV антиденелерге оң реакциясы бар пациенттер арасында АҚШ-та жүргізілген алдын ала берілген ретроспективті талдауда (TOUCH тіркелімі) ҮМЛ даму қаупі әсер еткен соңғы 18 ай ішінде белгілі болғандай (ҚДА, орташа дозалау аралығы 6 аптаға жуық) бекітілген дозалау аралығы бойынша емдеуден өтетін пациенттер мен кеңейтілген дозалау аралығы бойынша емдеуден өтетін пациенттер арасында салыстырылды. ҚДА бойынша ем қабылдаған пациенттердің көпшілігі (85%) ҚДА еміне ауысуға дейін ≥ 1 жыл бойы бекітілген дозаны алды. Талдау ҚДА бойынша ем қабылдаған пациенттерде ҮМЛ даму қаупінің өте төмен екенін көрсетті (Қауіптер қатынасы = 0,06, 95% CI Қауіптер қатынасы= 0,01-0,22). Тиімділігі осы вена ішіне енгізілген препараттың мақұлданған дозасын ≥1 жыл қабылдаудан кейін ұзартылған дозалау аралығына ауысқан және жыл ішінде қайталанулары байқалмаған пациенттер үшін үлгіленді. Қазіргі замандық фармакокинетикалық/фармакодинамикалық статистикалық модельдеу мен симуляция ұзағырақ дозалау аралығына (ҚДА) ауысатын пациенттерде ШС ауруларының қайта белсенділену қаупінің дозалау аралығы ≥ 7 апта болатын пациенттерде жоғары болуы мүмкін екенін көрсетеді. Осы нәтижелерді растау үшін проспектілі клиникалық зерттеулер жүргізілмеген. Кеңейтілген дозалау аралығында қолданғанда натализумаб тиімділігі болмады; сондықтан кеңейтілген дозалау аралығының пайда/қауіп арақатынасы белгісіз («6-апталық дозалау аралығында вена ішіне енгізу» бөлімін қараңыз). 6-апталық дозалау аралығында вена ішіне енгізу Натализумаб әр алты апта сайын вена ішіне енгізілген, 2017 жылғы Макдональд критерийлеріне сәйкес, қайталамалы-ремиссияланатын ШС бар пациенттер қатысқан 3 фазаның проспективті, рандомизацияланған, интервенциялық, бақыланатын, ашық, жасырын, халықаралық зерттеуде (NOVA, 101MS329) тиімділігі мен қауіпсіздігі бағаланды. Зерттеу кеңейтілген 6-апталық (КДА) және стандартты 4-апталық (СДА) дозалау аралықтары арасындағы тиімділігінің айырмасын бағалау үшін әзірленді. Зерттеуде 1 жылдан кем емес уақыт әр 4 апта сайын натализумабпен вена ішіне ем алған скрининг тұсында EDSS шкаласы бойынша ≤ 5,5 болып бағаланған 18-60 жас аралығындағы 499 пациент рандомизацияланды және клиникалық тұрақты болды (соңғы 12 ай ішінде қайталанулар болмауы, скрининг кезінде гадолиниймен (Gd) Т1 зақымдану күшеюінің болмауы). Зерттеуде, стандартты дозалау аралығымен (СДА) венаішілік емделуді жалғастырған субъектілермен салыстырғанда, стандартты дозалау аралығымен (СДА) натализумабпен кем дегенде бір жыл венашілік емделуден кейін 6-апталық кеңейтілген дозалау аралығына ауысқан субъектілер зерттелді. Бастапқы демографиялық қосалқы топтар жасы, жынысы, натализумаб әсер ету ұзақтығы, елі, дене салмағы, анти-JCV-статус және бірінші дозаға дейін бір жыл ішіндегі қайталанулар саны, натализумаб қолдану кезіндегі қайталанулар саны, шашыраңқы склероз ағымын өзгертетін алдыңғы препараттар типі бойынша 6-апталық дозалау аралығымен және 4-апталық дозалау аралығымен емдеу топтарында бірдей болды. 3 кесте. NOVA зерттеуі: Негізгі ерекшеліктер және нәтижелер Дизайн — Монотерапия; 3b фаза, проспективті, рандомизацияланған, интервенциялық, бақыланатын, ашық, жасырын, халықаралық зерттеу Субъектілер — РРРС (Макдональд критерийі) Енгізу жолы (1 бөлім) — СДА (Q4W) Натализумаб 300 мг в/і — КДА (Q6W) Натализумаб 300 мг в/і Рандомизацияланған — 248 — 251 НӘТИЖЕЛЕР 72 аптадағы 1 бөлімі үшін mITTa қауымы — 242 — 247 Бастапқы деңгейден 72-ші аптаға дейін жаңа/таяуда жоғарылаған (N/NE) Т2 зақымданулары Зақымданулар саны = 0 субъектілер — 189 (78.1%) — 202 (81.8%) = 1 — 7 (3.6%) — 5 (2.0%) = 2 — 1 (0.5%) — 2 (0.8%) = 3 — 0 — 0 = 4 — 0 — 0 ≥ 5 — 0 — 2* (0.8%) missing — 45 (18.6%) — 36 (14.6%) T2 аса қарқынды зақымдануларының N/NE түзетілген орташа мәні (бастапқы соңғы нүкте)* 95% CIb,c — 0.05 (0.01, 0.22) — 0.20 (0.07, 0.63) p = 0.0755 T2 зақымданулары дамыған N/NE субъектілер үлесі — 4.1% — 4.3% Т1 баяу қарқынды зақымданулар дамыған субъектілер үлесі — 0.8% — 1.2% Gd күшейтілген зақымданулар дамыған субъектілер үлесі — 0.4% — 0.4% Қайталанулардың түзетілген жылдық жиілігі — 0.00010 — 0.00013 Қайталанусыз субъектілер үлесі** — 97.6% — 96.9% EDSS шкаласы бойынша расталмаған 24-апталық нашарлау үлесі — 92% — 90% a Келесі клиникалық тиімділік бағалаулары бойынша зерттелетін препараттың, ең болмаса, 1 дозасын қабылдаған (натализумаб СДА немесе натализумаб КДА) және бастапқы деңгейден кейін, кем дегенде, 1 нәтиже алған барлық рандомизацияланған қатысушылар қамтылатын mITT қауымы: МРТ тиімділігін бағалау, қайталанулар, EDSS, 9-HPT, T25FW, SDMT, TSQM шкаласы, компьютерлік кескін ауқымы. b Жіктеу ретінде емдеумен теріс биномиальді регрессия және бастапқы дене салмағының (> 80 кг-мен салыстырғанда ≤ 80), ковариаталар ретінде бастапқы деңгейдегі натализумабтың әсер ету ұзақтығы (> 3 жылмен салыстырғанда ≤3) және аймақтың (Солтүстік Америка, Ұлыбритания, Еуропа және Израиль, әрі Австралия) пайдаланылуымен бағаланды. c Байқалатын зақымданулар интеркуррентті оқиғаларға байланыссыз талдауда қамтылады, ал тиімділігі мен қауіпсіздігіне орай болмайтын мәндері (6 субъект СДА-на ауысты және СДА және КДА бойынша үзілген емді қабылдаған 1 субъект) дәл сол емдеу тобында бір ғана сол қаралумен немесе көптүрлі орнатылым көмегімен өзгеше үлгіде ем қабылдаған субъектілердің ең нашар жағдайына тән болады. * Екі емдеу тобы арасындағы N/NE зақымдануларында байқалатын зақымданулардың сандық айырмасы КДА тобындағы екі субъектіде: емді тоқтатудан кейін үш айдан соң зақымданулар дамыған бір субъектіде және 72 аптада симптомсыз ҮМЛ диагностикаланған екінші субъектіде туындаған зақымданулар санының көптігі себебінен болды. ** Қайталанулар – клиникалық қайталанулар ең қысқа ұзақтығы 24 сағатқа созылатын қызбамен немесе инфекциямен байланыссыз жаңа немесе қайталамалы неврологиялық симптомдар бойынша бағаланды.

ТайсабриТМ, венаішілік инфузия түрін шашыраңқы склерозды емдеу тәжірибесі бар дәрігер тағайындайды. Емдеуші дәрігер, осының алдындағы емдеуден туындаған кінәраттар болмаған жағдайда, пациентті ШС еміне арналған басқа дәрілік препараттан ТайсабриТМ препаратына ауыстыра алады. • Дәрігер JC вирусына антиденелерге және болуы мүмкін басқа кінәраттарға қан талдауын тағайындайды. • Дәрігер емдеу кезінде қайта түсірілетін МРТ сканерлеу тағайындайды. ШС кейбір препараттарынан ауыстыру үшін емдеуші дәрігер организмнен алдыңғы дәрінің көп бөлігінің шығарылғанына көз жеткізу үшін белгілі бір уақыт күте тұруға кеңес бере алады. ТайсабриТМ қабылдауды тоқтату ТайсабриТМ препаратын жүйелі қабылдау, әсіресе, емдеудің алғашқы бірнеше айында маңызды. Пациент және дәрігер ол пациентке көмектеседі деп шешкен сәтке дейін препаратты қабылдауды жалғастыру маңызды. Бір немесе екі ТайсабриТМ дозасын емдеу кезіндегі үш ай және одан көп уақыт бойы үзіліспен қабылдаған пациенттерде емдеуді жаңғыртқанда аллергиялық реакция туындау ықтималдығы зор. Аллергиялық реакцияларға тексеру Бірнеше пациентте осы препаратқа аллергиялық реакция байқалды. Емдеуші дәрігер инфузия кезінде және одан кейін 1 сағат ішінде аллергиялық реакциялардың бар-жоғын тексере алады. Жағымсыз реакциялар сипаттамасын да қараңыз. Дозалау режимі Ересектерге ұсынылатын доза 4 аптада бір рет 300 мг құрайды. Енгізу әдісі және тәсілі - ТайсабриТМ қолданар алдында сұйылтылу қажет. Препарат, әдетте, қолда вена ішіне тамшылатып құю (венаға инфузия) арқылы енгізіледі. Инфузия 1 сағатқа жуық созылады. - ТайсабриТМ дайындау және енгізу туралы дәрігерлерге немесе денсаулық сақтау қызметкерлеріне арналған ақпарат осы ақпараттық парақша соңында келтірілген. Емдеу ұзақтығы Емдік әсер ету белгілері жоқ пациенттерде 6 айдан соң емдеуді жалғастыруды қайта қарау қажет. Натализумаб қауіпсіздігі мен тиімділігі туралы деректер 2 жылдық бақыланатын салыстырмалы жасырын зерттеулерден алынды. Ықтималды тиімділігі мен қаупіне қайта бағалау жүргізіліп, 2 жылдан кейін емді жалғастыруды қайта қарау керек. ТайсабриТМ қабылдау алдында пациенттерді емдеу ұзақтығы, иммуносупрессорлар қолдану және Джон Каннингем вирусына (JCV) антиденелер болуы сияқты ҮМЛ дамуының қауіп факторлары туралы қайта хабарландыру қажет. Қайта қолдану Қайталап қолдану тиімділігі анықталмады. Дәрілік препараттың бір немесе бірнеше дозасын өткізіп алу кезіндегі қажетті шаралар Кезекті TайсабриТМ инфузиясын өткізіп алу кезінде, оны мүмкіндігінше тезірек алу жағын емдеуші дәрігермен келісу қажет. Әріқарай әр 4 апта сайын ТайсабриТМ қолдануды жалғастыра алуға болады. Дәрілік затты қолдану бойынша кеңес алу үшін дәрігерге хабарласу ұсыныладыАқпаратты осы нұсқаулық мәтінінен қараңыз. Дәрілік препаратты (ДП) стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар • Кез келген басқа дәрілік препараттар сияқты, осы дәрілік зат олар пациенттердің бәрінде бірдей байқалмаса да, жағымсыз құбылыстар тудыруы мүмкін. • Келесі симптомдар туындағанда дереу емдеуші дәрігерге немесе медбикеге хабарласу керек: Ми инфекцияларының симптомдары • Сананың шатасуы, сандырақтау немесе естен тану сияқты мінез-құлық пен әрекеттің өзгеруі • Құрысу ұстамалары (талмалар) • Бас ауыру • Жүрек айну/құсу • Желке бұлшықеттерінің сіресуі • Жарық сәулеге жоғары сезімталдық • Қызба • Бөртпе (дененің кез келген бөлігінде) Бұл симптомдарды мидың (энцефалит немесе ҮМЛ) немесе оның қорғаныш қабатының (менингит) инфекциясы тудыруы мүмкін. Басқа күрделі инфекциялардың белгілері • этиологиясы түсініксіз қызба • ауыр диарея • ентігу • ұзақ уақыт бас айналу • бас ауыру • салмақ жоғалту • апатия • көру бұзылуы • көздің ауыруы немесе қызаруы • Аллергиялық реакция белгілері - қышыма бөртпе (есекжем) - бет, ерін және тілдің ісінуі - тыныс тарылуы - кеуденің ауыруы немесе жайсыздануы - артериялық қысымның көтерілуі немесе төмендеуі (егер емдеуші дәрігер немесе медбике артериялық қысымды бақылап отырса, олар оны байқайды) Олар инфузия кезінде немесе одан кейін тез арада көбірек ықтималды. Болжамды бауыр кінәраттарының белгілері: - терінің немесе көз ағының сарғаюы - несептің патологиялық күңгірттенуі - бауырдың функционалдық жағдайының биохимиялық көрсеткіштерінің қалып шегінен ауытқуы Егер жоғарыда атап көрсетілген жағымсыз әсерлердің қандай да бірі пайда болса немесе егер инфекция барынан күмән туындаса, дереу дәрігерге немесе медбикеге хабарласу қажет. Пациенттің пациентке арналған жадынаманы және осы қосымша парақты қаралған неврологқа ғана емес, оны емдеуші кез келген дәрігерге немесе медбикеге көрсету керек. Басқа жағымсыз құбылыстар • Өте жиі (10 адамның 1-де көрініс беруі мүмкін): - несеп-жыныс жүйесінің инфекциялары - тамақтың ауыруы және тұмаурату немесе мұрын бітелуі - бас ауыру - бас айналу - жүрек айну - буындар ауыруы - шаршау - инфузия кезінде немесе одан кейін тез арадағы бас айналу, нашар хал-ахуал (құсу), қышыну және қалтырау Жиі (10 адамның 1-де көрініс беруі мүмкін): - анемия (эритроциттер санының төмендеуі, бұл теріні бозартып жіберуі мүмкін және ентігу немесе энергия жетіспеуін тудыруы мүмкін) - аллергия (аса жоғары сезімталдық) - тремор - қышыма бөртпе (есекжем) - нашар хал-ахуал (құсу) - қызба - тыныс тарылуы (ентігу) - бет немесе дененің қызаруы (қан кернеулер) - герпесті инфекциялар - инфузия енгізген жердегі жайсыздану. Көгеру, қызару, ауырсыну, қышыну немесе ісіну болуы мүмкін. Жиі емес (100 адамның 1-де болатын): - ауыр аллергия (анафилаксиялық реакция) - үдемелі мультифокальді лейкоэнцефалопатия (ҮМЛ) - қанда тромбоциттер деңгейінің төмендеуі - теріге майда дақ түсуімен капиллярлық қан құйылу (пурпура) - препаратты қабылдауды тоқтатудан кейінгі қабыну аурулары - бет ісінуі - лейкоциттер санының көбеюі (эозинофилия) • Сирек (1000 адамның 1-де көрініс беруі мүмкін): - көздің герпесті инфекциясы - ауыр анемия (эритроциттер санының азаюы, соның салдарынан тері бозарып кетуі мүмкін, ал пациент шаршау және энергия жетіспеуін сезінеді) - тері астының қатты ісініп кетуі - көздің немесе терінің сарғаюы, қызба және шаршау сияқты симптомдарды тудыруы мүмкін қандағы билирубиннің жоғары деңгейі (гипербилирубинемия) Белгісіз (қолда бар деректер бойынша жиілігін бағалау мүмкін емес) - сирек инфекциялар («оппортунистік инфекциялар» деп аталатын) - бауыр зақымдануы Егер пациент өзінде инфекция бар деп санаса, мүмкіндігінше тезірек өз емдеуші дәрігерімен сөйлесу керек. Сондай-ақ осы ақпаратты дәрігерден алған пациентке арналған жадынамадан таба аласыз.

ТайсабриТМ емін бастар алдында пациентке осындай емдеу артықшылықтарын, сондай-ақ онымен байланысты қауіптерді дәрігермен талқылау қажет. Пациентке ТайсабриТМ қолданбауға да болады: • натализумаб немесе осы дәрілік заттың кез келген басқа компоненттеріне аллергия болса • егер ҮМЛ (үдемелі мультифокальді лейкоэнцефалопатия) диагностикаланса. ҮМЛ - бұл кездесуі жиі емес ми инфекциясы. • иммундық жүйеде күрделі кінәраттар болса (аурулар салдарынан (АИТВ сияқты) немесе қабылдап жүрген немесе бұрын қабылданған дәрілік заттар салдарынан болуы мүмкін). • ШС емдеу үшін пайдаланылатын белгілі бір басқа препараттарды қоса, иммундық жүйеге әсер ететін дәрілік заттарды қабылдағанда. Бұл препараттарды ТайсабриТМ препаратымен бір мезгілде пайдалануға болмайды. • онкологиялық ауру кезінде (негіздік-жасушалық эпителиома деген атауы бар тері обырынан басқа).

Нұсқаулықта көрсетілмеген.

300 мг-ден жоғары дозаларының қауіпсіздігі талапқа сай бағаланбады. Қауіпсіз енгізуге болатын натализумабтың ең көп мөлшері белгіленбеген. Натализумабпен артық дозалану кезінде антидот бар-жоғы белгісіз. Емдеу препаратты тоқтатудан және, қажеттілігіне қарай, демеуші емнен құралады.

ТайсабриТМ пациент үшін ең қолайлы ем болатын-болмайтынын өз емдеуші дәрігерімен талқылау қажет. Ол кеңесті, егер пациент екі жылдан астам уақыт бойы ТайсабриТМ қабылдап жүрсе, ТайсабриТМ емінің басталуына дейін алу керек. Болжамды ми инфекциялары (ҮМЛ) Осы препаратты қабылдап жүрген пациенттерде (1/100-ден аз), ҮМЛ (үдемелі мультифокальді лейкоэнцефалопатия) деп аталатын жиі емес ми инфекциясының жағдайлары байқалады. ҮМЛ мүгедектіктің ауыр түріне немесе өлімге әкелуі мүмкін. • Пациенттердің бәріне ем басталар алдында, дәрігер көрсетілімдері бойынша, вирустық JC инфекциясына қан талдауы тағайындалады. JC вирусы, әдетте, ауру тудырмайтын кең таралған вирус болып табылады. Алайда, ҮМЛ JC вирусы мөлшерінің мида көбеюімен байланысты. ТайсабриТМ қабылдаған кейбір пациенттерде осы көбею себебі түсініксіз. Емдеуге дейін және ем кезінде емдеуші дәрігер пациентте JC вирусына антиденелер бар-жоғын тексеру үшін қан талдауын өткізеді, ол пациенттің JC вирусы инфекциясын жұқтырғанның белгісі болуы мүмкін. • Емдеуші дәрігер ҮМЛ жоққа шығарылуы үшін емдеу кезінде қайталап өткізу қажет болатын магнитті-резонансты томография (МРТ) тағайындайды. • ҮМЛ симптомдары ШС қайталануына ұқсас болуы мүмкін (Жағымсыз реакциялар сипаттамасын қараңыз). ТайсабриТМ емін тоқтатудан кейін 6 ай ішінде ҮМЛ ауруына да шалдығу мүмкін. • Егер ШС нашарлауына күдік болса, егер ТайсабриТМ препаратымен емделу кезінде немесе емдеуді тоқтатудан кейін 6 ай ішінде қандай да бір жаңа симптомдары байқалса, мүмкіндігінше тезірек емдеуші дәрігерге мәлімдеу керек. • Пациенттің жұбайына немесе күтім жасайтын тұлғаларға не нәрсеге назар аудару керек екенін айту керек (Жағымсыз реакциялар сипаттамасын да қараңыз). Көңіл-күйдің немесе мінез-құлықтың өзгеруі, сананың шатасуы, сөйлеу және қарым-қатынас жасау қиындықтары сияқты пациентке байқалуы қиын симптомдар туындауы мүмкін. Егер осы симптомдардың кез келгені бар болса, қосымша тексеруден өту қажет. ТайсабриТМ емін тоқтатудан кейін 6 ай бойы симптомдарды қадағалауды жалғастыру қажет. • Емдеуші дәрігер берген пациентке арналған жадынаманы сақтап қойу керек. Онда осы ақпарат қамтылады. Оны жұбайына немесе күтім жасайтын тұлғаларға көрсетіңіз. ТайсабриТМ қабылдау аясында ҮМЛ даму қаупі үш фактор болғанда артады. Егер пациентте екі немесе одан көп қауіп факторы бар болса, ҮМЛ даму қаупінің артуы одан да зор: - Егер қаннан JC вирусына антиденелер табылса. Бұл организмде вирус бар екенін айғақтайды. ТайсабриТМ еміне дейін және ем кезінде тексеруден өту керек. - Егер пациент ұзаққа созылатын ТайсабриТМ емінде жүрсе, атап айтқанда, егер емдеу екі жылдан астам уақытқа созылса. - Егер пациент өз организмнің иммундық жүйесінің белсенділігін төмендететін иммуносупрессорлар деп аталатын дәрілерді бұрын қабылдаған болса. JC вирусының ТЖГ (JC вирусының түйіршікті жасушалар нейронопатиясы) деп аталатын, сонымен қатар JC вирусы тудыратын және ТайсабриТМ қабылдап жүрген кейбір пациенттерде туындайтын басқа жай-күй. JC вирусының ТЖГ симптомдары ҮМЛ ұқсас. ҮМЛ даму қаупі төмен пациенттерде емдеуші дәрігер мыналарды тексеру мақсатында жүйелі зерттеу жүргізе алады: • Қанда JC вирусына антиденелер әлі болмаса • Пациент дәрілік препаратты екі жылдан астам уақыт қабылдап жүрсе және оның қанында JC вирусына антиденелердің төмен деңгейі әлі байқалмаса. ҮМЛ ауруы жағдайында ҮМЛ емдеуге болады, ал ТайсабриТМ емі тоқтатылады. Алайда, ТайсабриТМ организмнен шығарылған соң кейбір пациенттерде реакция туындайды. Бұл реакция (ИҚҚС немесе иммунитетті қалпына келтіру кезіндегі қабыну синдромы ретінде белгілі), ми функциясының нашарлауын қоса, жай-күй нашарлауына әкелуі мүмкін. Басқа инфекцияларды бақылау ҮМЛ-ден басқа, кейбір инфекциялар күрделі де болуы мүмкін және оны вирустар, бактериялар және басқа себептер туындата алады. Егер пациент инфекция бар деп санаса, бұл жөнінде емдеуші дәрігерге немесе медбикеге дереу мәлімдеу керек (Жағымсыз реакциялар сипаттамасын да қараңыз). Арнайы сақтандырулар Тұрғылықты халықтың ерекше топтары Егде жастағы адамдар ТайсабриТМ пациенттердің осы қауымында деректердің болмауына орай, 65 жастан асқан пациенттерде қолдануға ұсынылмайды. Бүйрек және бауыр жеткіліксіздігі Бүйрек немесе бауыр жеткіліксіздігінің зардаптарына зерттеулер жүргізілмеген. Элиминация механизмінде және қауымдық фармакокинетика нәтижелерінде бүйрек немесе бауыр жеткіліксіздігі бар пациенттерге дозаны түзету қажет болмайтыны жорамалданады. Балалар ТайсабриТМ қауіпсіздігі мен тиімділігі балалар мен 18 жасқа дейінгі жасөспірімдерде анықталмаған. Дозалау бойынша ешқандай ұсынымдар жоқ. ТайсабриТМ шашыраңқы склерозды (ШС) емдеу үшін қолданылады. Оның құрамында моноклональді антидене деп аталатын белсенді зат (натализумаб) бар. ШС жүйке жасушаларын зақымдайтын ми қабынуын тудырады. Осындай қабыну бас және жұлын миына лейкоциттер өткен жағдайда болады. Аталған препарат қабынуды тудыратын жасушалардың миға енуін тоқтатады. Бұл ШС туындататын жүйкелер зақымдануын азайтады. Шашыраңқы склероз симптомдары Шашыраңқы склероз симптомдары пациенттен пациентке түрліше өзгеріп ауысады, және пациент олардың кейбірін сезінуіңіз немесе бір де бірін сезінбеуі мүмкін. Симптомдар өзінде мыналарды қамтуы мүмкін: жүріп-тұру қиындықтары, бет, қол немесе аяқтың ұйып қалуы, көру қабілетінің кінәраттары, шаршау, тепе-теңдіктің бұзылуы немесе сәл бас айналу, қуық пен ішек кінәраттары, ойлау және зейін қою қиындықтары, депрессия, жедел немесе созылмалы ауырсыну, сексуалдық кінәраттар, бұлшықеттердің қарысуы және түйілуі. Симптомдар өршуі рецидив деп аталады (өршу немесе ұстама ретінде де белгілі). Қайталану болғанда пациент кенеттен болатын симптомдарды, бірнеше сағат ішінде дамитын симптомдарды немесе олардың бірнеше күн ішінде баяу үдеуін байқауы мүмкін. Симптомдар, әдетте, біртіндеп басыла бастайды (бұл ремиссия деп аталады). ТайсабриТМ қалай көмектесе алады Зерттеулерде аталған препарат ШС тудырған мүгедектікке ұшырататын әсерлердің үдеуін шамамен екі есе азайтты және ШС ұстамаларының санын шамамен үштен екі есеге азайтты. Препаратпен ем кезінде пациент қандай да бір жақсаруларды байқамауы мүмкін, ал ол осы тұста ШС нашарлауын болдырмау үшін әлі де әрекет етуі мүмкін. Қанда тромбоциттер деңгейінің өзгеруі Натализумаб қан ұюына жауап беретін тромбоциттер санын төмендетуі мүмкін. Бұл тромбоцитопения деп аталатын жағдайға әкелуі мүмкін, онда пациенттің қаны қан кетуді тоқтату үшін жеткілікті тез ұйып кетпеуі мүмкін. Бұл гематомалардың түзілуіне (көгеру), сондай-ақ құйылып қан кетудің дамуы сияқты басқа өте күрделі кінәраттарға әкелуі мүмкін. Егер пациенттің терісінде түсініксіз гематомалар, қызыл немесе күрең қызыл дақтар (петехиялар болып аталатын), тері кесілгенде тоқтамайтын немесе тамшылап ағатын қан кету, қызыл иектен немесе мұрыннан ұзақ қан кету, несептегі немесе нәжістегі қан немесе көз ағының қанталап кетуі болса, оған дереу дәрігерге қаралу керек. • ТайсабриТМ үнемі жұмыс істей ме? ТайсабриТМ қабылдаған кейбір пациенттерде организмнің табиғи қорғанысы уақыт өте келе препаратқа тиісті үлгіде жұмыс істеуге кедергі келтіруі мүмкін, өйткені организмде препаратқа антиденелер өндіріледі. Емдеуші дәрігер қан талдаулары бойынша осы препараттың пациентке талапқа сай әсер етуі тұрғысынан шешімге келеді, ал қажет болса, емдеуді тоқтатады. Егер пациентте ТайсабриТМ туралы қосымша сұрақтар туындаса, емдеуші дәрігерімен кеңесу керек. Бұл препараттылмдеушіе іншерадысізлгіленбьеген бағаланбадыіспен байында маңызды. үнемі осы қосымша парақта сипатталғандай дәлдікпен немесе емдеуші дәрігердің тағайындауы бойынша қолдану керек. Егер сенімсіздік туындаса, емдеуші дәрігермен кеңесу қажет. ТайсабриТМ емін тоқтату Егер натализумаб препаратымен емдеуді тоқтату шешімі қабылданса, емдеуші дәрігер препараттың қанда сақталатынын және соңғы дозаны енгізуден кейін шамамен 12 апта бойы фармакодинамикалық әсер етуін (мысалы, қандағы лимфоциттердің санын көбейтіп) жалғастыратынын есте ұстау керек. Осы кезеңде басқа дәрілік заттар тағайындалғанда натализумабпен қатарлас әсері болуы мүмкін. Клиникалық зерттеулер нәтижелері бойынша, осылай қатарлас әсер ету кезеңінде интерферон және глатирамер ацетаты сияқты препараттарды қолдану пациенттердің қауіпсіздігіне қатысты қауіптермен байланысты болмады. ШС бар пациенттерде ТайсабриТМ мен иммуносупрессорлардың қатарлас әсер ету қауіпсіздігі жөнінде деректер жоқ. Натализумабпен емді тоқтатудан кейін осы препараттарды қолдану қосымша иммуносупрессиялық әсерге әкелуі мүмкін. Оны әр нақты жағдайда ескеру және натализумабтың организмнен «шайылу» кезеңін қарастыру керек. Клиникалық зерттеулер деректері бойынша, ШС қайталануларын емдеуге арналған глюкокортикостероидтардың қысқа мерзімді курстары инфекциялардың даму қаупін арттырмайды. ТайсабриТМ құрамындағы натрий Аталған препараттың әр құтысы ішінде 2,3 ммоль (немесе 52 мг) натрий бар. Қолданар алдында сұйылтудан соң осы дәрілік заттың бір дозасында 17,7 ммоль (немесе 406 мг) натрий болады. Ол, егер пациент бақыланатын натрий диетасында жүрсе, ескерілу керек. Препараттың көлік құралын және қауіптілігі зор механизмдерді басқару қабілетіне әсер ету ерекшеліктері Бас айналу – өте жиі жағымсыз құбылыс. Егер пациент осы құбылысты сезінсе, оған көлік құралын басқару немесе құрылғыларды пайдалану керек емес.

Жүкті әйелдерге емдеуші дәрігерімен талқылап алғанша аталған препаратты қабылдауға болмайды. Егер пациент жүкті болып қалса, жүктімін деп ойласа немесе жүктілікті жоспарлап жүрсе, міндетті түрде өз емдеуші дәрігеріне мәлімдеу керек. ТайсабриТМ қабылдап жүргенде бала емізу ұсынылмайды. Емдеуші дәрігері пациентке бала емізуді тоқтату немесе препарат қабылдауды тоқтату шешімін қабылдауға көмектеседі. Егер пациент жүкті болса немесе бала емізіп жүрсе, жүктімін деп ойласа немесе бала көтеруді жоспарлап жүрсе, осы препаратты қабылдамас бұрын дәрігермен кеңесу керек. Дәрігер сәбиге төнетін қауіп пен анасы үшін пайдасын есепке алады.

Егер пациенткез келген басқа дәрілік заттарды қабылдап жүрсе немесе таяуда қабылдаса немесе қабылдау ниетінде болса, өз емдеуші дәрігеріне мәлімдеу керек. Осы препаратты, ШС емдеуге арналған кейбір препараттарды қоса, иммундық жүйеге әсер ететін дәрілік заттардың ағымдағы емімен бір мезгілде қабылдауға болмайды. Егер пациенттер бұрын өздерінің иммундық жүйелеріне әсер ететін препараттар қабылдаған болса, аталған препаратты қабылдай алмаулары мүмкін.

Сақтау мерзімі 4 жыл Жарамдылық мерзімі өткеннен кейін қолдануға болмайды! Сақтау шарттары Түпнұсқалық қаптамасында, жарықтан қорғалған жерде, 2 оС - 8 оС температурада сақтау керек. Мұздатып қатыруға болмайды! Дайындалған ерітіндіні 2 - 8 0C температурада 8 сағаттан асырмай сақтау керек. Балалардың қолы жетпейтін жерде сақтау керек! • Сұйылтылған ерітінді: Сұйылтудан соң шұғыл қолдану ұсынылады. Егер ерітінді бірден пайдаланылмаса, сұйылтылған ерітіндіні 2 оС - 8 оС температурада сақтау және сұйылтудан соң 8 сағат ішінде инфузия жасау қажет. Егер сіз сұйықтықтан қандай да бір бөлшектерді байқасаңыз және/немесе құтыдағы сұйықтық түсі өзгерсе, осы дәрілік затты пайдаланбаңыз.