Тамекраз капли (3 мг + 1 мг)/мл

1 мл препараттың құрамында белсенді заттар: тобрамицин 3,0 мг, дексаметазон 1,0 мг; қосымша заттар: гидроксиэтилцеллюлоза, бензалконий хлориді, динатрий эдетаты, тилоксапол, натрий хлориді, сусыз натрий сульфаты, натрий гидроксиді немесе күкірт қышқылы (рН түзету үшін), инъекцияға арналған су. Сыртқы түрінің, иісінің, дәмінің сипаттамасы Ақ гомогенді суспензия.

Ересектер мен 8 жастан асқан балаларда кортикостероидпен емдеу көрсетілген стероидтарға сезімтал офтальмологиялық қабыну ауруларын емдеу үшін, сондай-ақ бактериялық көз инфекциясы немесе тобрамицинге сезімтал басқа антибиотиктердің көпшілігіне, әсіресе Pseudomonas aeruginosa төзімді микроорганизмдерге байланысты бактериялық көз инфекциясы қаупі бар болатын болса. Офтальмологиялық стероидтар пальпебральды және бульбарлы конъюнктиваның, нұрлы қабықтың және көздің алдыңғы бөлігінің қабыну ауруларында, стероидтарды қолдануға тән қауіп кейбір инфекциялық конъюнктивиттерде ісіну мен қабынуды азайту үшін қолайлы болған кезде қолданылады. Олар сондай-ақ созылмалы алдыңғы увеитте және нұрлы қабықтың химиялық заттармен, радиациямен, термиялық күйікпен немесе бөгде заттардың түсуі кезіндегі зақымдалуында (қарсы көрсетілімдерді ескере отырып) тағайындалады. Құрамында кортикостероидтар бар көзге тамызатын дәрі, тиісті офтальмологиялық тексеруден кейін ғана тағайындалуы керек.

Әсер ету механизмі Дексаметазон Көздің қабыну ауруларын емдеуге арналған кортикостероидтардың тиімділігі белгілі. Кортикостероидтар өздерінің қабынуға қарсы әсеріне қантамырлық эндотелий жасушаларындағы адгезияны, циклооксигеназа I немесе II және молекулалардың цитокиндерінің экспрессиясын басу арқылы қол жеткізеді. Бұл әсер қабынуға қарсы медиаторлардың экспрессиясының төмендеуімен және айналымдағы лейкоциттердің қантамырларының эндотелийіне адгезиясының тежелуімен аяқталады, осылайша олардың қабынған көз тініне көшуіне жол бермейді. Дексаметазон кейбір басқа стероидтармен салыстырғанда минералокортикоидты белсенділіктің төмендеуімен айқын қабынуға қарсы белсенділікке ие және ең күшті қабынуға қарсы дәрілердің бірі болып табылады. Тобрамицин Тобрамицин - бактерицидтік әсері жылдам, кең спектрлі әсер ететін аминогликозидтер тобына жататын күшті антибиотик. Ол рибосомалардағы полипептидтердің жиналуын және синтезін тежеу арқылы бактериялық жасушаларға негізгі әсер көрсетеді. Бұл біріктірілімдегі Тобрамицин сезімтал бактериялардан антибактериялық қорғанысты қамтамасыз етеді. Сезімтал организмдерді аралық сезімталдықтан және аралық сезімтал (С) резистентті (Р) микроорганизмдерден бөлетін ең төменгі тежейтін концентрацияның (ЕТТК) келесі бақылау нүктелері ұсынылады: С (<4 мкг/мл, Р (>8 мкг/мл). Төзімділіктің таралуы географиялық орналасуына байланысты өзгеруі мүмкін және жекелеген түрлер үшін төзімділік туралы жергілікті ақпаратқа ие болған жөн, әсіресе ауыр инфекцияларды емдеу кезінде. Қажет болса, төзімділіктің жергілікті таралуы препараттың инфекциялардың кем дегенде кейбір түрлерінде пайдалылығы күмәнді болған кезде, маманнан кеңес алу керек. Төменде бактериялардың әсер етуші заттардың осы біріктірілімі бар препараттағы тобрамицинге сезімтал болу ықтималдығы туралы шамамен түсінік беретін ақпарат берілген. Изоляттарды сезімтал немесе резистентті деп жіктейтін бақылау нүктелерінің анықтамалары жүйелі түрде қолданылатын антибиотиктердің клиникалық тиімділігін болжау үшін пайдалы. Алайда, антибиотикті өте жоғары концентрацияда жергілікті, тікелей инфекция орнына енгізгенде, бұл шектік мәндердің қолданылмауы мүмкін. Жүйелік қолдануға арналған бақылау нүктелері бойынша тұрақты деп жіктелетін изоляттардың көпшілігі іс жүзінде жергілікті түрде сәтті емделеді. In vitro зерттеулер тобрамициннің төмендегі кестеде көрсетілген жалпы көз патогендерінің және тері флорасының кең таралған бактерияларының көптеген штамдарына қарсы белсенді екенін көрсетті. Категориялар — Еуропада жүре пайда болған төзімділіктің жиілігі СЕЗІМТАЛ ТҮРЛЕРІ Аэробты грам оң микроорганизмдер Corynebacterium species Staphylococcus aureus Methicillin -Сa Staphylococcus epidermidis Methicillin -Сa Other Coagulase-negative Staphylococci — 0-3 % 0-3 % 0-28 % 0-40 % Аэробты теріс микроорганизмдер Acinetobacter species Citrobacter species — 0 % 0 % Escherichia coli Enterobacter species Haemophilus influenzae — 0 % 0 % 0 % Klebsiella species Moraxella species Proteus species Pseudomonas aeruginosa — 0 % 0 % 0 % 0 % ТАРИХИ ТӨЗІМДІ ТҮРЛЕРІ Аэробты грам оң микроорганизмдер Enterococcus species Staphylococcus aureus Methicillin – Рa Staphylococcus epidermidis Methicillin – Рa Streptococcus pneumoniae Streptococcus species — 50-70 % 30-40 % Аэробты теріс микроорганизмдер Burkholderia cepacia Stenotrophomonas maltophilia Басқалары Chlamydia species Mycoplasma species Rickettsia species a Метициллин-сезімтал (С), метициллин-резистентті (Р). Бета-лактамға төзімді фенотипі (яғни метициллинге; пенициллинге) аминогликозидтерге төзімділік фенотипімен байланысты емес және екеуі де вируленттілік фенотиптерімен байланысты емес. Метициллинге (Р) төзімді кейбір штамдар S. Aureus, тобрамицинге сезімтал (ЕТТК: С < 4); және керісінше, метициллинге (С) сезімтал кейбір S. aureus штамдары тобрамицинге төзімді (МИК: Р > 8) Метициллинге резистенттілік жиілігі (Р) Еуропаның кейбір елдеріндегі барлық стафилококктардың 50% жетуі мүмкін. Балалар Балалардағы көзге тамызатын дәрінің (дексаметазон + тобрамицин) қауіпсіздігі мен тиімділігі ауқымды клиникалық тәжірибемен расталған, бірақ тек шектеулі деректер бар. 1 жастан 17 жасқа дейінгі 29 балада бактериялық конъюнктивитті емдеу үшін суспензияны (дексаметазон + тобрамицин) қолданатын клиникалық зерттеуде олар 5 немесе 7 күн ішінде әр 4 немесе 6 сағат сайын 1 немесе 2 тамшы препарат алды. Бұл зерттеуде ересектер мен балаларда қауіпсіздік бейінінде ешқандай айырмашылықтар байқалмады. Қосымша ақпарат Аминогликозидтер (мысалы, гентамицин және тобрамицин) арасындағы айқаспалы резистенттілік аденилтрансфераза мен ацетилтрансфераза ферменттерінің модификациясының спецификалығына байланысты. Дегенмен, әртүрлі модификациялаушы ферменттердің әртүрлі спецификалығына байланысты аминогликозидті антибиотиктер арасындағы айқаспалы резистенттілік құбылады. Аминогликозидтерге төзімділіктің ең көп таралған механизмі антибиотиктерді плазмидтермен және транспозондармен кодталған модификациялаушы ферменттермен белсенділігін жою болып табылады.

Дозалау режимі Ересектер: конъюнктивалық қапшыққа әр 4-6 сағат сайын 1-2 тамшыдан тамызады. Аурудың ауыр ағымында, алғашқы 24-48 сағатта дозаны әр 2 сағат сайын 1-2 тамшыға дейін арттыруға болады. Клиникалық белгілер жақсарған кезде, егер бұл негізделген болса, қолдану жиілігін біртіндеп азайту керек. Мұқият болу керек және емдеуді мерзімінен бұрын тоқтатпау керек. Егде жастағы адамдар: дозаны өзгерту талап етілмейді. Балалар: көзге тамызатын дәрі, Тамекраз суспензиясын 8 жастан асқан балаларға ересектермен бірдей дозада қолдануға болады. 2 жасқа дейінгі балаларда қауіпсіздігі мен тиімділігі анықталмаған. Бауыр және бүйрек жеткіліксіздігі: пациенттердің осы топтарында препаратты қолдану зерттелмеген. Енгізу әдісі мен жолы Көзге жергілікті қолдануға арналған. Препаратты қолданар алдында құтыны жақсылап сілку керек. Егер қалпақшасын алып тастағаннан кейін рұқсатсыз ашудан қорғалған сырт ететін сақина босап тұрса, онда препаратты қолданар алдында оны алып тастау керек. Қолдану арасында құтыны мықтап жабық ұстау керек. Тамшылатқыш ұшы мен суспензияның ластануын болдырмау үшін мұқият болу керек және тамшылатқыштың ұшын қабаққа, терінің айналасындағы аумақтарға немесе басқа беткейге тигізбеу керек. Тамшылатқыштың ұшын көзге тигізбеу керек, себебі бұл көздің жарақатына әкелуі мүмкін. Препаратты тамызғаннан кейін қабақты (тарды) ақырын жауып, саусағыңызбен мұрын-жас өзегін 1 минут бойы басып тұру ұсынылады. Бұл көзге енгізілген дәрілік заттың сіңуін төмендетуге және жалпы жағымсыз әсерлерді азайтуға көмектеседі. Көзге жергілікті қолдануға арналған басқа дәрілік заттармен бір мезгілде емдеу жағдайында басқа дәрілік препаратты кейіннен қолдану арасында 5 минут аралықты сақтау керек. Көз жақпамайын ең соңынан қолдану керек. Қабылдау уақыты көрсетілген қолдану жиілігі Қатысты емес Емдеу ұзақтығы Емді уақытынан бұрын тоқтату ұсынылмайды. Дәрілік препараттың бір немесе бірнеше дозасын өткізіп алған кездегі қажетті шаралар Қатысты емес Тоқтату симптомдары қаупінің барын көрсету Қатысты емес Дәрілік препаратты қолдану тәсілін түсіндіру үшін медициналық қызметкерге кеңес алу үшін жүгіну бойынша ұсынымдар Қатысты емес

• әсер етуші затқа немесе қосымша заттардың кез келгеніне жоғары сезімталдық • қарапайым герпестік кератит • сиырдан жұғатын шешек, желшешек және нұрлы қабықтың немесе конъюнктиваның басқа вирустық инфекциясы • көздің микобактериялық инфекциясы • көз құрылымының зеңдік аурулары немесе емделмеген паразиттік көз инфекциялары • нұрлы қабықтың беткейлік эпителийімен шектелген инфекциялар немесе зақымданулар • 8 жастан кіші балалар.

Жиі - бас ауыруы, ринорея2 - көздің тітіркенуі2, көз гиперемиясы2,3, қабақ эритемасы2, көздегі әдеттен тыс сезімдер, көздің ауыруы3. Жиі емес - көзішілік қысымның жоғарылауы1, көздің ауыруы 1, көздің қышуы1,3, көздегі жайсыздық1,3, көздің тітіркенуі1, қабақтың ісінуі3, конъюнктивит3, жалтылдаулар3, көз жасының көп ағуы3, кератит3 - көздің аллергиялық реакциясы3 (жергілікті) - бас ауыруы1, ринорея1, ларингоспазм1. Сирек - кератит1, көздің аллергиялық реакциясы1, бұлыңғыр көру1, көздің құрғауы1, көздің гиперемиясы1 - дисгевзия1. Белгісіз - аса жоғары сезімталдық1, анафилаксиялық реакция1 - бас айналу1 - жүрек айну1, іш аумағындағы жайсыздық1 - мультиформалық эритема1, бөртпе1, беттің ісінуі1, қышыну1 - Кушинг синдромы1, бүйрек үсті безі функциясының бәсеңдеуі1. 1 –Дексаметазон+ тобрамицин біріктірілімін қолданған кездегі жағымсыз реакциялар. 2 –Дексаметазон қолданған кездегі жағымсыз реакциялар. 3 –Тобрамицин қолданған кездегі жағымсыз реакциялар. Құрамында кортикостероидты гормондар бар көзге арналған жергілікті препараттарды ұзақ уақыт қолдану көру жүйкесінің зақымдануымен көзішілік қысымның жоғарылауына, көру жітілігінің төмендеуіне, көру өрісінің ақауларының пайда болуына, артқы субкапсулярлық катарактаның пайда болуына және жараның жазылуының кешеуілдеуіне әкелуі мүмкін. Препараттың кортикостероидты компонентіне байланысты, нұрлы қабықтың немесе ақ қабықтың жұқаруын тудыратын ауруларда, әсіресе ұзақ емдеуден кейін тесілу қаупі жоғары. Құрамында кортикостероидтар мен микробқа қарсы препараттар бар біріктірілімді қолданғаннан кейін салдарлық инфекцияның дамуы байқалды. Стероидты гормондарды ұзақ уақыт қолданғанда, нұрлы қабықтың зеңдік инфекцияларының дамуына ерекше бейімділік бар. Ішкі ағзалардың аурулары кезінде тобрамицинмен емделген пациенттерде жүйке жүйесіне, есту қабілетіне және бүйрекке уытты әсерін қоса алғанда, ауыр жағымсыз реакциялар байқалды. Кейбір пациенттерде жергілікті қолданылатын аминогликозидтерге аллергия дамуы мүмкін. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz.

Көзге Тамекраз препаратының көп мөлшерін жергілікті енгізген кезде көзді (дерді) жылы сумен жуу керек, құтының ішіндегісін кездейсоқ жұтып қойған жағдайда симптоматикалық және демеуші ем көрсетіледі.

Аллергиялық реакциялар: кейбір пациенттерде жергілікті қолданылатын аминогликозидтерге жоғары сезімталдық дамуы мүмкін. Аллергиялық аса жоғары сезімталдық реакциясының ауырлығы жергілікті көріністерден бастап қызару, қышу, есекжем, тері бөртпесі, анафилаксия, анафилактоидты немесе буллезді реакциялар сияқты жайылған реакцияларға дейін құбылуы мүмкін. Егер препаратты қолдану кезінде аллергиялық реакция пайда болса, емдеуді тоқтату керек. Жергілікті қолдануға арналған және/немесе жалпы әсер ететін аминогликозидтер тобындағы басқа препараттарға да айқаспалы аллергиялық реакция пайда болуы мүмкін. Көру қабілетінің бұзылуы: кортикостероидтарды жүйелі және жергілікті қолдану кезінде де байқалуы мүмкін. Егер сізде бұлыңғыр көру немесе басқа көру қабілетінің бұзылуы сияқты симптомдар байқалса, катаракта, глаукома немесе орталық серозды хориоретинопатия сияқты сирек кездесетін ауруларды қамтуы мүмкін осы бұзылулардың ықтимал себептерін анықтау үшін офтальмологпен кеңесу керек. Жергілікті офтальмологиялық кортикостероидтарды ұзақ уақыт қолдану көздің гипертензиясына/глаукомаға әкелуі мүмкін, соңынан көру жүйкесінің зақымдануы, көру жітілігінің төмендеуі, көру өрісінің ақауларының пайда болуы немесе артқы субкапсулярлық катаракта пайда болуы мүмкін. Көзішілік қысымды жиі тексеру ұсынылады. Бұл әсіресе құрамында дексаметазон бар препараттарды қабылдайтын балаларда өте маңызды, өйткені 6 жасқа дейінгі балаларда гормондарды қолданумен байланысты көзішілік қысымның арту қаупі жоғары болуы мүмкін және ересек пациенттердегі стероидтарға реакцияға қарағанда ертерек дамуы мүмкін, әсіресе жиі қолданғанда және ұзақ емдегенде. Балаларда стероидтардан туындаған көзішілік қысымның ертерек және күштірек жоғарылау қаупін ескере отырып, емдеудің басынан бастап көзішілік қысымды бақылау қажет. Көзішілік қысымның жоғарылауы және/немесе кортикостероидтардан туындаған катаракта пайда болу қаупі бейім пациенттерде (мысалы, қант диабетімен ауыратындар) де жоғарылайды. Отбасылық немесе жеке анамнезінде глаукомасы бар пациенттерде кортикостероидтарды қолданудан туындаған көзішілік қысымның арту қаупі жоғары. Глаукомасы бар пациенттерде бақылауды апта сайын жүргізу керек. Бүйрек үсті безі функциясының бәсеңдеуі: көзге арналған препарат құрамына кіретін дексаметазонмен байланысты Кушинг синдромы және/немесе бүйрек үсті безі функциясының бәсеңдеуі, бейім пациенттерде, соның ішінде ритонавир және кобицистат сияқты препараттарды қабылдайтын балалар мен ересектерде қарқынды немесе ұзақ үздіксіз емдеуден кейін пайда болуы мүмкін. Бұл жағдайларда емдеуді біртіндеп тоқтату керек. Жағымсыз реакциялар: ішкі ағзалардың ауруларында аминогликозидтермен емделген пациенттерде жүйке жүйесіне, есту жітілігіне және бүйрекке уытты әсер етуді қоса алғанда, елеулі жағымсыз реакциялар байқалды, сондықтан жүйелік аминогликозидтермен Тамекраз көзге тамызатын дәрісін бір мезгілде қолданғанда сақтық қажет. Бұлшықет әлсіздігінің жоғарылау ықтималдығына байланысты, жүйке-бұлшықет ауруы болғанда немесе күдіктенгенде (мысалы, миастения немесе Паркинсон ауруы кезінде) сақ болу керек. Көздің салдарлы инфекциялары: препаратты ұзақ уақыт қолдану организмнің өзіндік реакциясын басу арқылы көздің салдарлық инфекциясына әкелуі мүмкін. Бактериялық, вирустық, зеңдік немесе паразиттік аурулар, кейде өзіне тән емес көріністермен дамуы мүмкін. Нұрлы қабықтың үнемі ойық жаралануы болатын пациенттерде зеңдік инфекцияға күдіктену керек. Зеңдік инфекция дамыған кезде препаратпен емдеуді тоқтату керек. Тобрамицин сияқты антибиотиктерді ұзақ уақыт қолдану сезімтал емес микроорганизмдердің, соның ішінде зеңдердің шамадан тыс өсуіне әкелуі мүмкін. Салдарлы инфекция дамыған кезде тиісті емдеу қажет болуы мүмкін. Жергілікті офтальмологиялық кортикостероидтар және стероидты емес қабынуға қарсы препараттар (СҚҚП) нұрлы қабықтың жараларының жазылуын баяулатуы мүмкін, әсіресе оларды бір мезгілде қолданғанда. Арнайы ескертулер Тек офтальмологиялық қолдануға арналған. Инъекция немесе ішке қабылдау үшін емес. Препараттың сіңуін азайту және көзге арналған дәріні қолданғаннан кейін жағымсыз әсерлердің дамуының алдын алу үшін: - қабақты 2 минутқа жабыңыз; - саусақпен мұрын-жас өзегін 2 минутқа басу керек. Тамекраз препаратында әр мл үшін 0,1 мг бензалконий хлориді бар, бұл 5 мл үшін 0,5 мг баламалы. Бензалконий хлориді жұмсақ жанаспалы линзалармен сіңіріліп, оның түсін өзгерте алады, сондықтан препараттың жұмсақ жанаспалы линзалармен жанасуынан аулақ болу керек. Көздің инфекциясын немесе қабынуын емдеу кезінде жанаспалы линзаларды кию ұсынылмайды. Жанаспалы линзаларды киюге рұқсат етілген пациенттер Тамекраз препаратын қолданар алдында оларды алып тастап, қайтадан киер алдында кем дегенде 15 минут күтуі керек. Бензалконий хлориді сонымен қатар көздің тітіркенуін тудыруы мүмкін, әсіресе құрғақ көз синдромында немесе көздің нұрлы қабығының бұзылуында, сонымен қатар көздің нұрлы қабығының ауруын тудыруы мүмкін (нүктелік кератопатия және/немесе уытты ойық жаралы кератопатия). Педиатрияда қолдану Балаларда, әсіресе құрамында дексаметазон бар препараттармен емделетін балаларда көзішілік қысымды жиі тексеру керек, өйткені кортикостероидтардан туындаған көзішілік қысымның жоғарылау қаупі балаларда жоғары болуы мүмкін және ересектерге қарағанда ертерек пайда болуы мүмкін. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Тамекраз препараты автокөлікті басқару және механизмдермен жұмыс істеу қабілетіне әсер етпейді немесе аз әсер етеді. Дегенмен, уақытша бұлыңғыр көру немесе басқа көру бұзылыстары болуы мүмкін, бұл көлік құралын басқару және механизмдермен жұмыс істеу қабілетіне әсер етуі мүмкін. Мұндай жағдайларда, көлік жүргізуді немесе механизмдермен жұмыс жасауды бастамас бұрын, көру қабілеті қалпына келгенше күту керек.

Жүктілік Жүкті әйелдерде тобрамицин мен дексаметазонды офтальмологиялық жергілікті қолдану туралы деректер жоқ немесе шектеулі. Жүкті әйелдерге тобрамицинді вена ішіне енгізгеннен кейін ол плацента арқылы шаранаға өтеді. Құрсақішілік әсер еткенде тобрамицин есту қабілетіне уытты әсер етпейді деп күтілуде. Жүктілік кезеңінде кортикостероидтарды ұзақ немесе қайталап қолдану ұрықтың құрсақішілік дамуын кешеуілдетуі мүмкін. Жүктілік кезеңінде кортикостероидтардың үлкен дозаларын қабылдаған аналардан туған сәбилерді гипоадренализм белгілерінің бар жоғына мұқият бақылау керек. Тобрамицин мен дексаметазонды жүйелі енгізгеннен кейін жануарларға жүргізілген зерттеулер репродуктивті уыттылықты көрсетті. Бұл әсерлер, адамның көзге тамызатын дәріні қолдану арқылы алуы мүмкін ең жоғары дозасынан едәуір асып түсетіндей әсер етуі кезінде байқалды. Жүктілік кезеңінде Тамекраз препаратын қолдану ұсынылмайды. Лактация Жүйелі қолданудан кейін тобрамицин емшек сүтімен шығарылады. Дексаметазонның емшек сүтіне енуі туралы деректер жоқ. Тобрамицин мен дексаметазонның көзге жергілікті қолданғаннан кейін емшек сүтіне бөлінетіні бөлінбейтіні белгісіз. Тобрамицин мен дексаметазонның емшек сүтінде қандай да бір мөлшері анықталуы немесе препаратты жергілікті қолданғаннан кейін нәрестеде клиникалық әсер етуі екіталай. Бала емізу кезінде нәресте үшін қауіпті жоққа шығаруға болмайды. Бала емізуді тоқтату немесе баланы емізудің пайдасы мен ана үшін терапияның пайдасын ескере отырып, әйелді емдеу қажеттілігі туралы шешімді емдеуші дәрігер қабылдайды.

Көзге жергілікті қолдану кезінде клиникалық маңызды өзара әрекеттесу сипатталмаған. Жергілікті гормондарды (стероидтарды) және ҚҚСП бір мезгілде қолдану нұрлы қабықтың жазылу проблемаларының ықтималдығын арттыруы мүмкін. Көзішілік қысымның жоғарылауын тудыруы мүмкін қарашықтарды кеңейту үшін көзге арналған дәрісін (атропин және басқа антихолинергиялық заттар) қолданғанда, Тамекраз дәрісімен бір мезгілде қолдану көзішілік қысымның қосымша жоғарылауына әкелуі мүмкін. Бір мезгілде қолданған кезде ритонавир және кобицистат препараттары дексаметазонның организмнен шығарылуын төмендетуі мүмкін, бұл оның әсерінің күшеюіне және бүйрек үсті безінің бәсеңдеуіне/Кушинг синдромына әкеледі. Бұл біріктірілімнен өте қажет жағдайларды қоспағанда, аулақ болу керек.

Сақтау мерзімі 2 жыл Жарамдылық мерзімі өткеннен кейін қолдануға болмайды! Құтыны ашқаннан кейінгі қолдану кезеңі 4 аптадан аспайды. Сақтау шарттары Түпнұсқалық қаптамасында, 25 С-ден аспайтын температурада сақтау керек. Балалардың қолы жетпейтін жерде сақтау керек!