Танивир капсулы 75 мг

Бір капсуланың құрамында белсенді зат – 98.50 мг осельтамивир фосфаты (75.00 мг осельтамивирге баламалы), қосымша заттар: ішінара желатинделген жүгері крахмалы, тальк, повидон, натрий кроскармеллозасы, натрий стеарилфумараты, тазартылған су***, капсула құрамы: титанның қостотығы (Е 171), темірдің сары тотығы (Е 172), желатин. ***дайын өнімде жоқ Сыртқы түрінің, иісінің, дәмінің сипаттамасы №2 өлшемді, мөлдір емес, корпусы мен қақпақшасы ашық сары түсті, қатты желатинді капсулалар. Капсулалардың ішіндегісі - ақ немесе ақ дерлік түсті ұнтақ.

Тұмауды емдеу Танивир препараты ересектер мен балаларға, оның ішінде мерзімі жетіп туылған сәбилерге, популяциядағы тұмау вирусының айналымы кезеңінде тұмауға тән симптомдар болған кезде көрсетілген. Симптомдар пайда болғаннан кейін екі тәулік ішінде ем басталған жағдайда тиімділігі дәлелденген. Тұмау профилактикасы • Популяциядағы тұмау вирусының айналымы кезеңінде клиникалық диагностикаланған тұмаумен байланыста болғаннан кейін ересектер мен 1 жастан асқан балаларда жанасудан кейінгі профилактика. • Тұмау профилактикасы үшін препаратты тиісті пайдалану популяцияны қорғаудың мән-жайлары мен қажеттіліктеріне сәйкес әрбір нақты жағдайда анықталуы керек. Айрықша жағдайларда (мысалы, вирустың айналымдағы штаммы мен вакцина арасында үйлесімсіздік болған жағдайда, сондай-ақ пандемия кезеңінде) 1 жастағы және одан асқан адамдарда маусымдық профилактика мүмкіндігі қарастырылуы мүмкін. • Танивир препараты тұмау пандемиясы өршіген кезде 1 жастан кіші балаларда қарым-қатынастан кейінгі тұмау профилактикасы үшін көрсетілген. Танивир препараты тұмауға қарсы вакцинацияны алмастырмайды. Тұмауды емдеу мен профилактикасы үшін вирусқа қарсы препараттарды қолдану ресми ұсынымдар негізінде анықталуы тиіс. Емдеу және профилактика үшін осельтамивирді қолдануға қатысты шешімдер айналымдағы тұмау вирустары туралы деректерді, жылдың әр мезгілі үшін дәрілік сезімталдық модельдері туралы қолжетімді ақпаратты және әртүрлі географиялық өңірлер мен пациенттер популяцияларындағы аурудың әсерін ескере отырып, қабылдануы тиіс.

Осельтамивир фосфаты белсенді метаболит - осельтамивир карбоксилатының ізашар дәрісі болып табылады. Белсенді метаболит вирион беткейінде орналасқан гликопротеидтер болып табылатын тұмау вирусының нейраминидаза ферменттерінің селективті тежегіші болып табылады. Нейраминидаза вирустық ферментінің белсенділігі вируспен жұқтырылмаған жасушаларға енуі үшін де, вирус жұқтырған жасушалардан жаңадан пайда болған вирус бөлшектерін шығару үшін де, вирустың организмге одан әрі таралуы үшін де маңызды. Осельтамивир карбоксилаты in vitro А және В тұмау вирусының нейраминидазаларын тежейді. Осельтамивир фосфаты тұмау вирусын және оның репликациясын in vitro тежейді. Осельтамивирді пероральді қабылдау адам тәулігіне 2 рет 75 мг қабылдағанға ұқсас дозаларда жануарларға тұмау модельдерін сынауда A және B тұмау вирусының репликациясы мен патогенділігін in vivo тежейді. Осельтамивирдің А және В тұмауына қарсы вирусқа қарсы белсенділігі дені сау еріктілерде жүргізілген эксперименттік зерттеулермен расталды. А тұмауы вирустарының клиникалық изоляттарының нейраминидаза ферменті үшін осельтамивирдің жартылай ең жоғары тежелу концентрациясының (IC50) мәндері 0,1-1,3 нмоль, ал В тұмауы вирустары үшін 2,6 нмоль ауқымында ауытқиды. Жарияланған зерттеулердің деректерінде медианасы 8,5 нмоль болатын В тұмауы вирустары үшін IC50 жоғары мәндерін атап өтті. Клиникалық зерттеулер Тұмау вирусынан туындаған инфекцияны емдеу Бұл көрсетілім А тұмауы басым болған тұмаудың табиғи жағдайларын клиникалық зерттеулерге негізделген. Осельтамивир тек тұмау вирусынан туындаған ауруларға қарсы тиімді. Осыған байланысты статистикалық талдау тек тұмаумен ауыратын субъектілер үшін берілген. Тұмау бойынша оң, сондай-ақ теріс субъектілерді (ITT) қамтыған, емдеуді зерттеудің біріккен популяциясында бастапқы тиімділік тұмау бойынша теріс адамдар санына пропорционалды түрде төмендеді. Жалпы емдеу популяциясында тұмау инфекциясы қабылданған пациенттердің 67% -ында (46% - дан 74% - ға дейінгі ауқымда) расталды. Егде жастағы адамдардың 64% - ы тұмау бойынша оң, ал созылмалы жүрек және/немесе респираторлық ауруларына шалдыққан адамдардың 62% - ы тұмау бойынша оң болды. III кезеңді емдеудің барлық зерттеулерінде пациенттер тұмау жергілікті қоғамдастықта таралатын кезеңде ғана қабылданды. Ересектер мен 13 жастағы және одан асқан жасөспірімдер Ересектер мен 13 жастағы және одан асқан жасөспірімдер: пациенттер 36 сағат ішінде симптомдардың пайда болуы туралы хабарласа, кем дегенде бір респираторлық симптоммен (жөтел, назальді симптомдар немесе тамақтың ауыруы) және кем дегенде бір жүйелік симптоммен (миалгия, қалтырау/терлеу, дімкәстану, шаршау немесе бас ауыруы) қатар жүретін температурасы ≥ 37,8°C болса, онда олар зерттеуге қатыса алды. 5 күн ішінде тәулігіне екі рет 75 мг дозада осельтамивирмен тұмауды емдеу бойынша зерттеуге енгізілген тұмау вирусына (n = 2413) оң нәтижесі бар барлық ересектер мен жасөспірімдердің біріккен талдауында плацебо тобымен салыстырғанда тұмаудың орташа ұзақтығының 5,2 күннен (95% сенімді аралық (СА) 4,9–5,5 күн) 4,2 күнге дейін (95% СА 4,0-4,4 күн; p ≤ 0,0001) бір күнге төмендеуі байқалды. Антибиотиктермен емдеуді қажет ететін төменгі тыныс алу жолдарының тарапынан асқынулар (негізінен бронхит) тіркелген пациенттердің үлесі плацебо тобындағы 12,7%-дан (135/1063) осельтамивирмен (р = 0,0012) ем алған пациенттерде 8,6%-ға (116/1350) дейін азайған. Қаупі жоғары популяциялардағы тұмауды емдеу Егде жастағы адамдарда (≥ 65 жас) және 5 күн бойы тәулігіне екі рет 75 мг осельтамивир қабылдаған созылмалы жүрек және/немесе тыныс алу аурулары бар адамдарда тұмаумен аурудың орташа ұзақтығы айтарлықтай төмендеген жоқ. Осельтамивирмен емделген топтарда қызбаның жалпы ұзақтығы бір күнге қысқарды. Тұмауға оң нәтижесі бар антибиотиктермен ем алған егде жастағы адамдарда осельтамивир төменгі тыныс алу жолдарының белгілі бір асқынуларының (негізінен бронхит) жиілігін плацебо тобындағы 19%-дан (52/268) осельтамивирмен (p = 0,0156) емделген популяцияда 12% - ға (29/250) дейін айтарлықтай төмендетті. Созылмалы жүрек және/немесе тыныс алу жолдарының аурулары бар тұмау вирусына қатысты оң пациенттерде антибиотиктермен емдеуді қажет ететін төменгі тыныс алу жолдары инфекцияларының (негізінен бронхит) жиынтық жиілігі плацебо тобында 17%-ды (22/133) және осельтамивирмен емделген топта - 14%-ды (16/118) (р = 0,5976) құрады. Жүктілік кезеңіндегі әйелдердегі тұмауды емдеу Жүкті әйелдерде осельтамивирді қолдану бойынша бақыланатын клиникалық зерттеулер жүргізілген жоқ, алайда пациенттердің осы популяциясында аурушаңдықты /өлім-жітімді төмендетуге қатысты ағымдағы дозалау режимінің пайдасын көрсететін маркетингтен кейінгі және ретроспективті обсервациялық зерттеулердің деректері бар. Фармакокинетикалық талдаулардың нәтижелері белсенді метаболиттің анағұрлым төмен әсерін көрсетеді, бірақ тұмауды емдеу немесе профилактикасы кезінде жүкті әйелдерге дозаны түзету ұсынылмайды (5.2 бөлімін қараңыз). Балалардағы тұмауды емдеу Қызбасы (≥ 37,8°C) және жөтелі мен тұмауратуы болған, 1 жастан 12 жасқа дейінгі (орташа жасы 5,3 жас), қалған дені сау балалар (тұмауға тест нәтижесі оң болған 65%) қатысқан зерттеуде тұмауға тест нәтижесі оң болған пациенттердің 67%-ы А тұмауын, ал 33%-ы - В тұмауын жұқтырған. Симптомдар басталғаннан кейін 48 сағат ішінде басталған осельтамивирмен емдеу плацебомен салыстырғанда сауығу уақытын (бір мезгілде қалыпты денсаулық пен белсенділікке оралу және қызбаны, жөтелді және тұмауратуды жеңілдету ретінде анықталады) 1,5 күнге (95% СА 0,6-2,2 күн; p < 0,0001) айтарлықтай қысқартты. Осельтамивир жедел ортаңғы отит жиілігін плацебо тобындағы 26,5% - дан (53/200) осельтамивирмен (p = 0,013) емделген балаларда 16% - ға (29/183) дейін төмендетті. Тағы бір зерттеуге 6-12 жас аралығындағы бронх демікпесі бар 334 пациент қосылды, олардың 53,6%-ы тұмау вирусына қатысты оң болды. Осельтамивирмен емделген топта аурудың орташа ұзақтығы айтарлықтай төмендеген жоқ. Осы популяциядағы 6-шы күні (емдеудің соңғы күні) 1 секундта қарқынды дем алу көлемі плацебо тобындағы 4,7% - бен салыстырғанда осельтамивир қабылдаған пациенттер тобында 10,8% - ға өсті (р = 0,0148). Еуропалық дәрілік заттар жөніндегі агенттігі (European Medicines Agency, EMA) тұмауды жұқтырған педиатриялық популяцияның бір немесе одан да көп қосалқы топтарында препаратты қолдану бойынша зерттеулердің нәтижелерін ұсыну қажеттілігін кейінге қалдырды. Балаларда препаратты қолдану туралы ақпаратты 4.2 бөлімінен қараңыз. 1 жасқа дейінгі балаларда қолданылуы жасы үлкен балаларда препаратты қолдану тиімділігі бойынша деректерді экстраполяциялауға негізделген; ұсынылған дозалау режимі фармакокинетикалық модельдеу деректеріне негізделген (5.2 бөлімін қараңыз). В тұмауы туындатқан инфекцияны емдеу Жалпы алғанда, тұмауға оң нәтижесі бар популяцияның 15% - ы В тұмауын жұқтырған, жекелеген зерттеулерде үлесі 1% - дан 33% - ға дейін өзгерді. В тұмауын жұқтырған субъектілердегі аурудың орташа ұзақтығы жекелеген зерттеулерде емдеу топтары арасында айтарлықтай ерекшеленбеді. В тұмауын жұқтырған 504 субъект бойынша деректер талдау үшін барлық зерттеулерде біріктірілді. Осельтамивир плацебомен салыстырғанда барлық симптомдарды жеңілдету уақытын 0,7 күнге (95% СА 0,1-1,6 күн; p = 0,022) және қызба (≥ 37,8°C), жөтел мен тұмаурату ұзақтығын (95% СА 0,4-1,7 күн; p < 0,001) бір күнге қысқартты. Иммунитеті әлсіреген пациенттердегі тұмауды емдеу Иммунитеті әлсіреген, тұмау жұқтырған пациенттерде осельтамивирдің тұмау вирусында резистенттіліктің дамуына әсері мен қауіпсіздік сипаттамаларын рандомизацияланған салыстырмалы жасырын зерттеу (бастапқы талдау)151 ересек пациентті, 7 жасөспірімді және 9 баланы қамтыды, оларда осельтамивирмен жүргізілетін емнің тиімділігі де бағаланды (қайталама талдау, статистикалық қуаттылықты талдаусыз). Зерттеуге паренхиматозды ағзалардың трансплантациясынан кейінгі пациенттер, гемопоэздік дің жасушаларын трансплантациялағаннан кейінгі пациенттер, CD4+ жасушаларының саны 1 мм3-ке 500-ден аз АИТВ жұқтырған пациенттер, жүйелі иммуносупрессивті ем алатын пациенттер, сондай-ақ қан жүйесінің қатерлі жаңа түзілімдері бар пациенттер кірді. Пациенттер аурудың симптомдары дамығаннан кейін 96 сағат ішінде 10 күн бойы емдеу үшін рандомизацияланған. Ем келесі режимдерде жүргізілді: тәулігіне екі рет (73 ересек, 4 жасөспірім және 4 бала) осельтамивирдің стандартты дозасы (балалардағы дене салмағы бойынша 75 мг немесе түзетілген) немесе тәулігіне екі рет (78 ересек, 3 жасөспірім және 5 бала) осельтамивирдің қосарлы дозасы (балалардағы дене салмағына 150 мг немесе түзетілген). Ересектер мен жасөспірімдерде симптомдар жойылғанға дейінгі уақыт медианасы (time to resolution of symptoms, TTRS) препараттың стандартты дозасы (103,4 сағат (95% СА 75,4-122,7 сағат) мен препараттың қосарлы дозасын (107,2 сағат (95% СА 63,9-140,0 сағат)) қабылдаған топтар арасында салыстырымды болды. Балалардағы TTRS әртүрлі болды және оның интерпретациясы үлгінің шағын өлшеміне байланысты айтарлықтай шектеулерге ие. Препараттың стандартты және қосарлы дозасын қабылдаған топтардағы салдарлы инфекциялары бар пациенттердің саны салыстырымды (8,2% және тиісінше 5,1%) болды. Жасөспірімдер мен балалар тобында препараттың стандартты дозасын қабылдаған топтағы бір ғана пациентте (жасөспірім) салдарлы инфекция (бактериялық синусит) болды. Препараттың фармакокинетикасы мен фармакодинамикасын зерттеу вирустың бөліну кезеңінің ұзақтығына (емдеудің орташа ұзақтығы: 9 күн) байланысты ұзақтығы 5-тен 20 күнге дейінгі бейімделімді кезең ішінде препараттың стандартты дозасын (75 мг немесе дене салмағы бойынша тәулігіне 2 рет түзетілген) немесе препараттың үш еселенген дозасын (225 мг немесе дене салмағы бойынша тәулігіне 2 рет түзетілген) алған, ауыр иммунтапшылығы бар балаларда (12 жастағы және одан кіші, 30 пациент) жүргізілді. Препараттың стандартты дозасын қабылдаған топта салдарлы бактериялық инфекциялар тіркелген жоқ; препараттың үш есе дозасын алған топта екі пациентте салдарлы бактериялық инфекциялардың (бронхит және синусит) дамуы туралы хабарланды. Тұмау профилактикасы Табиғи жағдайда тұмаудың профилактикасы ретінде осельтамивирді қолданудың тиімділігі отбасылардағы постэкспозициялық профилактиканы зерттеуде және маусымдық профилактиканың екі зерттеуінде көрсетілген. Барлық зерттеулерде тиімділіктің негізгі көрсеткіші зертханалық расталған тұмаудың пайда болу жиілігі болды. Тұмау вирусының вируленттілігі болжанбайды және географиялық өңірде және маусымнан маусымға қарай өзгереді, сондықтан тұмаудың пайда болуын болдырмау үшін препаратты қолдануды (number needed tо treat, NNT) қажет ететін субъектілер санының көрсеткіші де өзгереді. Постэкспозициялық профилактика Бір зерттеуде тұмау вирусын жұқтырған пациенттермен байланыста болған субъектілерде (12,6%-ы тұмауға қарсы вакцинацияланған) осельтамивирді тәулігіне бір рет 75 мг дозада, пациентте симптомдар дамығаннан кейін екі тәулік ішінде қолдана бастады және 7 күн бойы жалғастырды. Пациенттерде тұмау диагнозы 377 жағдайдың 163 -ында расталды. Осельтамивир тұмау диагнозы расталған пациенттермен қарым-қатынаста болған субъектілерде клиникалық айқын симптомдары бар тұмаудың пайда болу жиілігін плацебо тобындағы 24/200-ден (12%) осельтамивир қабылдаған топта 2/205-ке (1%) дейін (92% - ға төмендеу (95% СА 6-16, р ≤ 0,0001)) айтарлықтай төмендетті. Тұмау диагнозы расталған пациенттермен қарым-қатынаста болған субъектілерде NNT көрсеткіші 10 болды (95% СА 9-12); NNT көрсеткіші инфекция көзінің тұмау вирусын жұқтыру статусына қарамастан зерттеуге енгізілген субъектілердің жалпы популяциясында (95% СА 15-19) 16 болды. Табиғи жағдайда тұмаудың пайда болуын болдырмау үшін осельтамивирді қолданудың тиімділігі отбасыларда, соның ішінде ересектерде, жасөспірімдерде және 1 жастан 12 жасқа дейінгі балаларда экспозициядан кейінгі профилактиканы зерттеуде инфекция көзі ретінде де, қарым-қатынаста болған адамдар ретінде де көрсетілген. Зерттеудегі тиімділіктің негізгі көрсеткіші отбасыларда зертханалық және клиникалық расталған тұмаудың пайда болу жиілігі болды. Осельтамивирмен профилактика 10 күн бойы жүргізілді. Бүкіл популяцияда отбасыларда зертханалық және клиникалық расталған тұмаудың пайда болу жиілігі профилактика алмаған топта 20% - дан (27/136) профилактика алған топта (62,7%-ға төмендеу (95% СА 26,0-81,2; р = 0,0042)) 7% - ға (10/135) дейін төмендеді. Тұмауды жұқтыру көздері бар отбасыларда тұмаудың пайда болу жиілігі профилактика алмаған топтағы 26% - дан (23/89) профилактика алған топтағы 11% - ға (9/84) дейін (58,5%-ға төмендеу (95% СА 15,6-79,6; p = 0,0114)) төмендеді. Қосалқы топтардағы талдау нәтижелеріне сәйкес 1-12 жас аралығындағы балаларда зертханалық және клиникалық расталған тұмаудың пайда болу жиілігі профилактика алмаған топтағы 19% - дан (21/111) профилактика алған (64,4%-ға төмендеу (95% СА 15,8-85,0; p = 0,0188)) топтағы 7% - ға (7/104) дейін айтарлықтай төмендеді. Зерттеудің басында тұмау жұқтырмаған балалар арасында зертханалық және клиникалық расталған тұмаудың пайда болу жиілігі профилактика алмаған топтағы 21% - дан (15/70) профилактика алған топтағы (80,1% - ға төмендеу (95% СА 22,0-94,9; p = 0,0206)) 4% - ға (2/47) дейін төмендеді. Зерттеуге қосылған балалардың бүкіл популяциясында NNT көрсеткіші 9 болды (95% СА 7-24); NNT көрсеткіші тұмау вирусын жұқтырудың расталған көздері болып табылатын балалар популяциясында 8 (95% СА 6, жоғарғы шегі анықталмаған) болды. Пандемия кезінде 1 жасқа дейінгі сәбилердегі тұмаудың постэкспозициялық профилактикасы Препаратты пандемия кезінде тұмау профилактикасы ретінде қолдану 0 айдан 12 айға дейінгі балаларда бақыланатын клиникалық зерттеулер аясында зерттелмеген. Жүйелік әсерді модельдеу туралы ақпаратты 5.2 бөлімінен қараңыз. Халық арасында тұмау эпидемиясы кезіндегі профилактика Вакцинацияланбаған және басқа ауруларға қатысты дені сау ересектер қатысқан екі зерттеудің біріктірілген талдау нәтижелері осельтамивирді тәулігіне бір рет 6 апта бойы 75 мг дозада қабылдау плацебо тобындағы 25/519 (4,8%) - дан популяциядағы тұмау жиілігінің жоғарылауы кезінде осельтамивирмен емделген топтағы (76%-ға төмендеу (95% СА 1,6-5,7); р = 0,0006) 6/520 (1,2%) - ға дейін клиникалық симптомдары бар тұмаудың пайда болу жиілігін айтарлықтай төмендеткені туралы айғақтайды. Бұл зерттеудегі NNT көрсеткіші 28 (95% СА 24-50) болды. Қарттар үйінде тұратын егде жастағы субъектілердің қатысуымен жүргізілген зерттеуде (қатысушылардың 80% - ы тиісті маусымда вакцинацияланған) 6 апта бойы тәулігіне бір рет 75 мг дозада осельтамивирді қолдану плацебо тобында 12/272 (4,4%) бастап осельтамивир қабылдаған топта (92%-ға төмендеу (95% СА 1,5-6,6); р = 0,0015) 1/276 (0,4%) дейін клиникалық симптомдары бар тұмаудың пайда болу жиілігін айтарлықтай төмендетті. Зерттеудегі NNT көрсеткіші 25 (95% СА 23-62) болды. Иммунитеті әлсіреген пациенттердегі тұмау профилактикасы Маусымдық тұмау профилактикасы үшін салыстырмалы жасырын, плацебо бақыланатын, рандомизацияланған сынақта иммунтапшылығы бар 475 пациент (паренхиматозды ағзалардың трансплантациясынан кейінгі 388 пациент (195 - плацебо, 193 - осельтамивир), гемопоэздік дің жасушаларының трансплантациясынан кейінгі 87 пациент (43 - плацебо, 44-осельтамивир) қатысты, басқа себептерге байланысты иммунитеті әлсіреген пациенттер, оның ішінде 1-12 жастағы 18 бала зерттеуге қатыспады. Бағалаудың бастапқы критерийі зертханалық (өсіріндіде вирусты анықтау және/немесе гемагглютининді бейтараптандыратын антиденелер титрінің 4 есе ұлғаюы) және клиникалық расталған тұмаудың пайда болу жиілігі болды. Зертханалық және клиникалық расталған тұмаудың пайда болу жиілігі плацебо тобында 2,9% (7/238) және осельтамивир қабылдаған топта 2,1% (5/237) (95% СА 2,3% -4,1%; р = 0,772) құрады. Асқынулардың даму қаупінің төмендеуін бағалауға спецификалық зерттеулер жүргізілген жоқ. Осельтамивирге резистенттілік Клиникалық зерттеулер Осельтамивирге сезімталдығы төмендеген немесе айқын резистенттілігі бар тұмау вирустарының пайда болу қаупі Roche компаниясының демеушілігімен жүргізілген клиникалық зерттеулерде бағаланды. Емдеу кезінде осельтамивирге резистенттіліктің дамуы ересектерге қарағанда балаларда жиі байқалды, ал резистенттіліктің пайда болу жиілігі ересектерде 1% - дан 1 жасқа дейінгі сәбилерде 18% - ға дейін өзгерді. Осельтамивирге төзімді вирус- тасымалдаушы балалар, әдетте, препаратқа сезімтал вирустың тасымалдаушыларына қарағанда вирусты ұзақ уақыт бөлді. Алайда, емдеу кезінде дамыған осельтамивирге резистенттілік емдеудің тиімділігіне әсер етпеді және аурудың симптомдарының ұзақ мерзімді тұрақтылығымен байланысты емес. Осельтамивирді стандартты дозада немесе 10 күн ішінде екі еселенген дозада қабылдаған ересек пациенттер мен иммунитеті әлсіреген жасөспірімдерде осельтамивирге резистенттіліктің даму жиілігі орта есеппен (14,5% (10/69) және сәйкесінше 2,7%, (2/74)) дені сау ересектер мен жасөспірім пациенттерге қарағанда жоғары болды. Препаратқа резистенттілік тіркелген ересек пациенттердің көбі трансплантаттардың реципиенттері болды (стандартты дозаны қабылдаған топтағы пациенттің 8/10 және қосарлы дозаны қабылдаған топтағы пациенттің 2/2). Осельтамивирге резистентті вирус- тасымалдаушы пациенттердің көпшілігі А тұмауының вирусын жұқтырды, бұл ретте тасымалдаушылық ұзақ сипатта болды. Резистенттілікті зерделеуге қатысты екі зерттеуде осельтамивирмен ем қабылдайтын балаларда (12 жастағы және одан кіші) осельтамивирге резистенттіліктің даму жиілігі 20,7%-ды (6/29) құрады. Емдеу басталғаннан кейін пайда болған осельтамивирге резистенттілігі бар иммунитеті әлсіреген 6 баланың 3-і препараттың стандартты дозасын алды және 3 пациент жоғары (қосарлы немесе үш есе) доза алды. Пациенттердің көбінде жедел лимфоидты лейкоз диагнозы қойылды және жасы 5 жас немесе одан кіші болды. Клиникалық зерттеулердегі осельтамивирге резистенттіліктің даму жиілігі Пациенттердің популяциясы — Резистенттілікті анықтайтын мутациялары бар пациенттер (%) Фенотипті анықтау* — Гено- және фенотипті анықтау* Ересектер мен жасөспірімдер — 0,88% (21/2382) — 1,13% (27/2396) Балалар (1-12 жас) — 4,11% (71/1726) — 4,52% (78/1727) Сәбилер (< 1 жас) — 18,31% (13/71) — 18,31% (13/71) * Генотипті толық анықтау барлық зерттеулерде жүргізілмеген. Тұмау профилактикасы Қазіргі уақытта иммунитеті әлсіреген пациенттерде постэкспозициялық профилактика (7 күн), отбасылардағы постэкспозициялық профилактика (10 күн) мен тұмаудың маусымдық профилактиканың (42 күн) клиникалық зерттеулерінде препаратты қолдануға байланысты дәріге резистенттіліктің пайда болуына қатысты дәлелдер жоқ. Иммунитеті әлсіреген пациенттерде 12 аптаға созылатын тұмау профилактикасына қатысты зерттеуде резистенттіліктің дамуы байқалмады. Клиникалық деректер және бақылау деректері Осельтамивирге сезімталдықтың in vitro төмендеуімен байланысты табиғи мутациялар осельтамивирмен ем алмаған пациенттерден оқшауланған А және В типті тұмау вирустарында анықталды. Осельтамивирмен емдеу кезінде анықталған резистентті штаммдар иммунитеті әлсіреген пациенттерден, сондай-ақ иммундық жүйесінің функциясы қалыпты пациенттерден де бөліп алынған. Иммунитеті әлсіреген пациенттер мен кішкентай балаларда емдеу кезінде осельтамивирге резистентті вирустардың пайда болу қаупі жоғары. Осельтамивирмен емделген пациенттерден бөліп алынған осельтамивирге резистентті вирустар және осельтамивирге резистентті тұмау вирустарының зертханалық штаммдарында N1 және N2 нейраминидаза мутациялары болды. Резистенттілікті туындататын мутациялар вирустың қосалқы типтеріне тән болды. 2007 жылдан бастап H1N1 маусымдық штаммдарының H275Y мутациясымен байланысты табиғи резистенттілік кейде байқалды. Осельтамивирге сезімталдық және вирустардың ұқсас штаммдарының таралуы жыл мезгілі мен географиялық өңірге байланысты өзгереді. 2008 жылы H275Y мутациясы Еуропадағы H1N1 тұмауының > 99% - ында анықталды. 2009 жылы H1N1 тұмауы («шошқа тұмауы») барлық жерде дерлік осельтамивирге сезімтал болды, препараттың емдік және профилактикалық дозалау режимінде резистенттілік туралы өздігінен келіп түскен есептер ғана байқалды.

Дозалау режимі Ересектер мен 13 жастағы және одан асқан жасөспірімдер Емі: ішке қабылдауға ұсынылатын доза жасөспірімдер (13-17 жас) мен ересектер үшін 5 күн ішінде тәулігіне 2 рет 75 мг осельтамивирді құрайды. Дене массасы — 5 күн ішіндегі ұсынылатын доза — 10 күн ішіндегі ұсынылатын доза* Иммунитеті әлсіреген пациенттер ˃ 40 кг — 75 мг тәулігіне 2 рет — 75 мг тәулігіне 2 рет * Иммунитеті әлсіреген пациенттерді ұсынылған емдеу ұзақтығы 10 күнді құрайды. Анағұрлым толық ақпарат «Пациенттердің ерекше топтары» (Иммунитеті әлсіреген пациенттер) бөлімінде берілген. Емді тұмау симптомдары пайда болғаннан кейінгі алғашқы 2 күн ішінде мүмкіндігінше ертерек бастау керек. Қарым-қатынастан кейінгі профилактика: вирус жұқтырған адаммен тығыз қарым-қатынастан кейін тұмаудың профилактикасы үшін ұсынылған доза жасөспірімдер (13-17 жас) мен ересектер үшін 10 күн ішінде тәулігіне 1 рет 75 мг осельтамивирді құрайды. Дене массасы — 10 күн ішіндегі ұсынылатын доза — 10 күн ішіндегі ұсынылатын доза Иммунитеті әлсіреген пациенттер ˃ 40 кг — 75 мг тәулігіне 1 рет — 75 мг тәулігіне 1 рет Емді вирус жұқтырған адаммен қарым-қатынастан кейін 2 күн ішінде мүмкіндігінше ертерек бастау керек. Популяциядағы тұмау эпидемиясы кезіндегі профилактика: эпидемия кезінде тұмаудың профилактикасы үшін ұсынылатын доза 6 аптаға дейін тәулігіне 1 рет 75 мг осельтамивирді құрайды (немесе иммунитеті әлсіреген пациенттерде 12 аптаға дейін). Балалар 1 жастан 12 жасқа дейінгі балалар Емі: сәбилер мен 1 жастағы немесе одан асқан балаларды емдеу үшін ұсынылатын дене массасы бойынша түзетілген дозалау режимдері: Дене массасы — 5 күн ішіндегі ұсынылатын доза — 10 күн ішіндегі ұсынылатын доза* Иммунитеті әлсіреген пациенттер 10-15 кг — 30 мг тәулігіне 2 рет — 30 мг тәулігіне 2 рет ˃ 15-23 кг — 45 мг тәулігіне 2 рет — 45 мг тәулігіне 2 рет ˃ 23-40 кг — 60 мг тәулігіне 2 рет — 60 мг тәулігіне 2 рет ˃ 40 кг — 75 мг тәулігіне 2 рет — 75 мг тәулігіне 2 рет * Иммунитеті әлсіреген балаларды (1 жастағы немесе одан асқан) ұсынылған емдеу ұзақтығы 10 күнді құрайды. Анағұрлым толық ақпарат «Пациенттердің ерекше топтары» (Иммунитеті әлсіреген пациенттер) бөлімінде берілген. Емді тұмау симптомдары пайда болғаннан кейінгі алғашқы 2 күн ішінде мүмкіндігінше ертерек бастау керек. Қарым-қатынастан кейінгі профилактика: профилактика үшін ұсынылатын доза: Дене массасы — 10 күн ішіндегі ұсынылатын доза — 10 күн ішіндегі ұсынылатын доза Иммунитеті әлсіреген пациенттер 10-15 кг — 30 мг тәулігіне 1 рет — 30 мг тәулігіне 1 рет ˃ 15-23 кг — 45 мг тәулігіне 1 рет — 45 мг тәулігіне 1 рет ˃ 23-40 кг — 60 мг тәулігіне 1 рет — 60 мг тәулігіне 1 рет ˃ 40 кг — 75 мг тәулігіне 1 рет — 75 мг тәулігіне 1 рет Популяциядағы тұмау эпидемиясы кезіндегі профилактика: тұмау эпидемиясы кезіндегі профилактика 12 жасқа дейінгі балаларда зерттелмеген. Туғаннан бастап 12 айға дейінгі сәбилер Емі: Туғаннан бастап 12 айға дейінгі сәбилер үшін ұсынылатын емдік доза тәулігіне 2 рет 3 мг/кг құрайды. Бұл фармакокинетикалық деректерге және осы дозаны туғаннан бастап 12 айға дейінгі сәбилерге қолданған кезде ізашар дәрінің және белсенді метаболиттің плазмалық концентрациясы қамтамасыз етіледі, бұл ересектер мен анағұрлым үлкен балалардағымен салыстырылатын клиникалық тиімділік пен қауіпсіздік бейінін қамтамасыз ететінін болжайтын, қауіпсіздік бойынша деректерге негізделген. Туғаннан бастап 12 айға дейінгі сәбилерді емдеу үшін келесі дозалау режимдері ұсынылады: Дене массасы* — 5 күн ішіндегі ұсынылатын доза — 10 күн ішіндегі ұсынылатын доза** Иммунитеті әлсіреген пациенттер 3 кг — 9 мг тәулігіне 2 рет — 9 мг тәулігіне 2 рет 4 кг — 12 мг тәулігіне 2 рет — 12 мг тәулігіне 2 рет 5 кг — 15 мг тәулігіне 2 рет — 15 мг тәулігіне 2 рет 6 кг — 18 мг тәулігіне 2 рет — 18 мг тәулігіне 2 рет 7 кг — 21 мг тәулігіне 2 рет — 21 мг тәулігіне 2 рет 8 кг — 24 мг тәулігіне 2 рет — 24 мг тәулігіне 2 рет 9 кг — 27 мг тәулігіне 2 рет — 27 мг тәулігіне 2 рет 10 кг — 30 мг тәулігіне 2 рет — 30 мг тәулігіне 2 рет * Бұл кестеде белгілі бір популяциядағы пациенттердің дене массасының барлық ықтимал нұсқалары қамтылмаған. 1 жастан кіші барлық пациенттер үшін пациенттің дене массасына қарамастан 3 мг/кг доза қолданылады. Емді тұмау симптомдары пайда болғаннан кейінгі алғашқы 2 күн ішінде мүмкіндігінше ертерек бастау керек. ** Иммунитеті әлсіреген пациенттерді ұсынылған емдеу ұзақтығы (туғаннан бастап -12 ай) - 10 күнді құрайды. Анағұрлым толық ақпарат «Пациенттердің ерекше топтары» (Иммунитеті әлсіреген пациенттер) бөлімінде берілген. Бұл дозалау жөніндегі ұсынымдар шала туылған нәрестелерге, яғни постконцептуальді жасы 36 аптадан аз балалар үшін жарамайды. Пациенттердің бұл тобы үшін жеткілікті деректер жоқ, оларға психофизиологиялық функциялардың жетілмегендігіне байланысты басқа дозаны қажет болуы мүмкін. Қарым-қатынастан кейінгі профилактика: тұмау пандемиясы өршіген кезде 1 жасқа толмаған сәбилерге ұсынылатын профилактикалық доза тәуліктік емдік дозаның жартысын құрайды. Бұл сәбилер мен 1 жастағы және одан асқан балалардан, сондай-ақ ересектерден алынған, емдік тәуліктік дозаның жартысына сәйкес келетін профилактикалық доза тұмаудың профилактикасы үшін клиникалық тиімді екенін көрсететін клиникалық дәлелдерге негізделген. Туғаннан бастап 12 айға дейінгі сәбилер үшін жасына сәйкес бейімделген келесі профилактикалық сызба ұсынылады: Жасы — 10 күн ішіндегі ұсынылатын доза — 10 күн ішіндегі ұсынылатын доза Иммунитеті әлсіреген пациенттер Туғаннан бастап -12 ай — 3 мг/кг тәулігіне 1 рет — 3 мг/кг тәулігіне 1 рет Бұл дозалау жөніндегі ұсынымдар шала туылған нәрестелерге, яғни постконцептуальді жасы 36 аптадан аз балалар үшін жарамайды. Пациенттердің бұл тобы үшін жеткілікті деректер жоқ, оларға психофизиологиялық функциялардың жетілмегендігіне байланысты басқа дозаны қажет болуы мүмкін. Популяциядағы тұмау эпидемиясы кезіндегі профилактика: тұмау эпидемиясы кезіндегі профилактика туғаннан бастап 12 жасқа дейінгі балаларда зерттелмеген. Пациенттердің ерекше топтары Бауыр жеткіліксіздігі бар пациенттер Бауыр функциясының бұзылулары бар пациенттерде ем немесе профилактика кезінде дозаны түзету қажет емес. Бауыр ауруларына шалдыққан балаларда зерттеулер жүргізілген жоқ. Бүйрек жеткіліксіздігі бар пациенттер Тұмауды емдеу: дозаны түзету бүйрек функциясының орташа және ауыр дәрежедегі бұзылулары бар ересектер мен жасөспірімдерге (13-17 жас) ұсынылады. Ұсынылатын дозалар төмендегі кестеде егжей-тегжейлі көрсетілген. Креатинин клиренсі — Емдеу үшін ұсынылатын доза ˃ 60 (мл/мин) — 75 мг тәулігіне 2 рет ˃ 30-60 (мл/мин) — 30 мг (суспензия) тәулігіне 2 рет ˃ 10-30 (мл/мин) — 30 мг (суспензия) тәулігіне 1 рет ≤ 10 (мл/мин) — Ұсынылмайды (деректер жоқ) Гемодиализдегі пациенттер — Гемодиализдің әрбір сеансынан кейін 30 мг Перитонеальді диализдегі пациенттер* — 30 мг (суспензия) бір реттік доза * Деректер тұрақты амбулаторлық перитонеальді диализдегі (ТАПД) пациенттер қатысқан зерттеулерден алынған; автоматтандырылған перитонеальді диализді (АПД) қолданғанда осельтамивир карбоксилатының клиренсі жоғары болады деп күтілуде. Егер нефролог қажет деп тапса, емдеу режимін АПД -ден ТАПД-ге өзгертуге болады. Тұмау профилактикасы: дозаны түзету бүйрек функциясының орташа және ауыр ауырлық дәрежесіндегі бұзылулары бар ересектер мен жасөспірімдерге (13-17 жас) ұсынылады. Ұсынылатын дозалар төмендегі кестеде егжей-тегжейлі көрсетілген. Креатинин клиренсі — Профилактика үшін ұсынылатын доза ˃ 60 (мл/мин) — 75 мг тәулігіне 1 рет ˃ 30-60 (мл/мин) — 30 мг (суспензия) тәулігіне 1 рет ˃ 10-30 (мл/мин) — Әр екінші күні 30 мг (суспензия) ≤ 10 (мл/мин) — Ұсынылмайды (деректер жоқ) Гемодиализдегі пациенттер — Гемодиализдің әрбір екінші сеансынан кейін 30 мг Перитонеальді диализдегі пациенттер* — 30 мг (суспензия) аптасына 1 рет * Деректер ТАПД-дағы пациенттер қатысқан зерттеулерден алынған; АПД қолданғанда осельтамивир карбоксилатының клиренсі жоғары болады деп күтілуде. Егер нефролог қажет деп тапса, емдеу режимін АПД -ден ТАПД-ге өзгертуге болады. Бүйрек функциясының бұзылулары бар сәбилер мен балаларда (12 жастағы және одан кіші) дозалау жөніндегі ұсынымдар үшін клиникалық деректер жеткіліксіз. Егде жастағы пациенттер Бүйрек функциясының орташа немесе ауыр дәрежедегі бұзылуларын қоспағанда, дозаны түзету талап етілмейді. Иммунитеті әлсіреген пациенттер Емі: иммунитеті әлсіреген пациенттердегі тұмауды емдеуге арналған емнің ұсынылған ұзақтығы 10 күнді құрайды. Дозаны түзету қажет емес. Емді тұмау симптомдары пайда болғаннан кейінгі алғашқы 2 күн ішінде мүмкіндігінше ертерек бастау керек. Маусымдық профилактика: Иммунитеті әлсіреген пациенттер үшін маусымдық профилактиканы 12 аптаға дейін ұзарту қарастырылуда. Енгізу әдісі және жолы Ішке қабылдауға арналған. Капсулаларды жұта алмайтын пациенттер препарат суспензиясының тиісті дозаларымен ем ала алады. Препаратты экстемпоральді дайындау Егер пероральді суспензияға арналған ұнтақ жоқ болса Ішке қабылдау үшін суспензия (6 мг/мл) дайындауға арналған өнеркәсіптік өндірістегі осельтамивир ұнтағы капсулаларды жұту кезінде қиындық сезінетін балалар мен ересек пациенттер үшін, сондай-ақ аз дозаны қажет ететін пациенттер үшін қолайлы шығарылу түрі болып табылады. Ішке қабылдау үшін суспензия дайындауға арналған өнеркәсіптік өндірістегі осельтамивир ұнтағы қолжетімсіз болған жағдайда, фармацевт капсулалардан 6 мг/мл суспензия дайындай алады немесе пациент оны үйде дайындай алады. Дәріханада фармацевт дайындаған дәрі үй жағдайында дайындалған дәріге қарағанда басымдырақ. Үй жағдайында суспензия дайындау Егер қажетті дозадағы капсулалар қолжетімді болса, онда препараттың дозасы капсуланы ашып, оның ішіндегісін бір шай қасықтан аспайтын қолайлы тәтті тағамдық өніммен араластыру арқылы дайындау керек. Ащы дәмді жасыру үшін қажетті дозаны қант суы, шоколад шәрбаты, шие шәрбаты, десерттерге арналған тұздықтар (мысалы, карамель немесе кілегейлі помадка дәмі бар) секілді сай келетін тәтті тағамдық өніммен араластыруға болады. Қоспаны араластырып, пациентке беру керек. Қоспаны дайындағаннан кейін бірден қабылдау керек. Тек 75 мг капсулалар бар болса және 30 мг мен 45 мг дозаларды алу қажет болса, Танивир препаратының суспензиясын дайындау қосымша кезеңдерді қамтиды. Ересектер, 13 жастағы және одан асқан жасөспірімдер және дене массасы 40 кг және одан артық балалар 75 мг дозаны дайындау үшін: • Танивир препаратының бір 75 мг капсуласы • Өткір қайшы • Бір кішкене тостаған • Шай қасық (5 мл) • Су • Ұнтақтың ащы дәмін жоюға арналған тәтті тағамдық өнім. Мысалдар: шоколад немесе шие шәрбаты, десертке арналған тұздықтар (мысалы, карамель немесе кілегейлі помадка дәмі бар). Сондай-ақ, бір шай қасық суды төрттен үш (3/4) шай қасық қантпен араластыру арқылы қантты суды дайындауға болады. 1-кезең: Дұрыс дозаны анықтайды Пайдалану үшін дұрыс мөлшерді анықтау мақсатында кестенің сол жақ бағанынан пациенттің дене массасын табу керек. Кестенің оң жақ бағанында пациентке бір реттік доза үшін берілуі тиіс капсулалардың саны анықтайды. Тұмауды емдеу мен профилактика үшін капсулалардың саны бірдей. 75 мг доза үшін тек 75 мг капсулаларды қолдану керек. Масса — Препараттың дозасы — Капсулалар саны 40 кг және одан артық — 75 мг — 1 капсула Дене массасы 40 кг-нан аз балаларға арналмаған. Дене массасы 40 кг-нан аз балалар үшін 75 мг-нан аз дозаны дайындау керек. 2-кезең: Барлық ұнтақты тостағанға салады 75 мг капсуланың дөңгелектелген ұшын қайшымен абайлап кесіп алып, капсуланы тостағанның үстінде тік ұстайды. Барлық ұнтақты тостағанға салады. Мұқият болу керек, себебі ұнтақ терінің және көздің тітіркенуін туындатуы мүмкін. 3-кезең: Ұнтақты тәттілендіреді және дозаны береді Тостағандағы ұнтаққа тәтті тағамдық өнімнің аз мөлшерін (бір шай қасықтан артық емес) қосады. Бұл Танивир препараты ұнтағының ащы дәмін жасыруға көмектеседі. Қоспаны мұқият араластырады. Тостағанның барлық ішіндегісін пациентке дереу береді. Егер тостағанда қоспа қалып қойса, тостағанды судың аз мөлшерімен жуып, пациентке ішуге береді. Бұл процедураны дәрі беру қажет болған сайын қайталайды. 1 жасқа дейінгі сәбилер және дене массасы 40 кг-нан аз балалар Азырақ дозаны дайындау үшін: • Танивир препаратының бір 75 мг капсуласы • Өткір қайшы • Екі кішкене тостаған • 5 мл немесе 10 мл белгілері бар суды өлшеуге арналған бір үлкен шприц • Суспензия дозасын беру үшін 0,1 мл белгілері бар бір кішкене шприц • Шай қасық (5 мл) • Су • Ұнтақтың ащы дәмін жоюға арналған тәтті тағамдық өнім Мысалдар: шоколад немесе шие шәрбаты, десертке арналған тұздықтар (мысалы, карамель немесе кілегейлі помадка дәмі бар). Сондай-ақ, бір шай қасық суды төрттен үш (3/4) шай қасық қантпен араластыру арқылы қантты суды дайындауға болады. 1-кезең: Барлық ұнтақты тостағанға салады 75 мг капсуланың дөңгелектелген ұшын қайшымен абайлап кесіп алып, капсуланы тостағанның біреуінің үстінде тік ұстайды. Мұқият болу керек, себебі ұнтақ терінің және көздің тітіркенуін туындатуы мүмкін. Дайындалған дозаға қарамастан, барлық ұнтақты тостағанға салады. Тұмауды емдеу мен профилактика үшін мөлшері бірдей. 2-кезең: Препаратты сұйылту үшін су қосады 12,5 мл су алу үшін үлкен шприцті қолданады. Тостағандағы ұнтаққа су қосады. Қоспаны шай қасықпен шамамен 2 минут бойы араластырады. Егер бүкіл ұнтақ еріп кетпесе, алаңдамау керек. Ерімеген ұнтақ - бұл қосымша заттар. 3-кезең: Баланың дене массасына сәйкес келетін қоспаның мөлшерін анықтайды Кестенің сол жақ бағанынан баланың дене массасын табады. Кестенің оң жақ бағанында таңдалуы тиіс қоспаның мөлшері көрсетілген. 1 жасқа толмаған сәбилер (оның ішінде мерзіміне жетіп туылған нәрестелер) Баланың дене массасы (шамамен) — Алынуы тиіс қоспаның мөлшері 3 кг — 1,5 мл 3,5 кг — 1,8 мл 4 кг — 2,0 мл 4,5 кг — 2,3 мл 5 кг — 2,5 мл 5,5 кг — 2,8 мл 6 кг — 3,0 мл 6,5 кг — 3,3 мл 7 кг — 3,5 мл 7,5 кг — 3,8 мл 8 кг — 4,0 мл 8,5 кг — 4,3 мл 9 кг — 4,5 мл 9,5 кг — 4,8 мл 10 кг немесе одан көп — 5,0 мл Дене массасы 40 кг-ға дейінгі 1 жастағы және одан асқан балалар Баланың дене массасы (шамамен) — Алынуы тиіс қоспаның мөлшері 15 кг дейін — 5,0 мл 15-23 кг — 7,5 мл 23-40 кг — 10,0 мл 4-кезең: Қоспаны алады Дұрыс өлшемді шприц қолданылатынына көз жеткізу керек. Бірінші тостағаннан қоспаның тиісті мөлшерін алады. Ауа көпіршіктері пайда болмас үшін абайлап алады. Екінші тостағанға дұрыс дозаны абайлап құяды. 5-кезең: Тәттілендіреді және дозаны балаға береді Екінші тостағанға тәтті тағамдық өнімнің аз мөлшерін (бір толық шай қасықтан артық емес) қосады. Бұл Танивир препараты ұнтағының ащы дәмін жасыруға көмектеседі. Тәтті тағам өнімі мен препарат қоспасын мұқият араластырады. Екінші тостағанның барлық ішіндегісін (тәтті тағамдық өнім қосылған Танивир препаратының қоспасы) дереу балаға береді. Егер екінші тостағанда қоспа қалып қойса, тостағанды судың аз мөлшерімен жуып, балаға ішуге береді. Тостағаннан іше алмайтын балалар үшін қасықты немесе бөтелкені қолданады. Балаға ішетін бірдеңе береді. Бірінші тостағанда қалған пайдаланылмаған сұйықтықты төгеді. Бұл процедураны препаратты беру қажет болған сайын қайталайды. Тек медицина қызметкерлеріне арналған ақпарат Капсулаларды жұта алмайтын пациенттер Ішке қабылдау үшін суспензия (6 мг/мл) дайындауға арналған өнеркәсіптік өндірістегі осельтамивир ұнтағы капсулаларды жұту кезінде қиындық сезінетін балалар мен ересек пациенттер үшін, сондай-ақ аз дозаны қажет ететін пациенттер үшін қолайлы шығарылу түрі болып табылады. Егер ішке қабылдау үшін суспензия дайындауға арналған өнеркәсіптік өндірістегі осельтамивир ұнтағы қолжетімсіз болған жағдайда, фармацевт капсулалардан 6 мг/мл суспензия дайындай алады. Егер дәріханада дайындау мүмкін болмаса, пациенттер үй жағдайында капсуладан суспензия жасай алады. Дәріханада дайындалған суспензияны қабылдау үшін, сондай-ақ үйде дайындауға байланысты процедураларды орындау үшін тиісті көлемдегі дозаторлар (өлшеуіш шприцтер) мен градуирлеу көзделуі тиіс. Екі жағдайда да қажетті көлемді көрсету үшін дозаторларда белгілер болған жөн. Үй жағдайында дайындау үшін қажетті су көлемін алу мен препарат пен су қоспасының көлемін өлшеу үшін бөлек дозаторлар қарастырылуы керек. 12,5 мл суды өлшеп алу үшін сыйымдылығы 10 мл дозатор қолданылады. Қажетті 6 мг/мл суспензия көлемін алуға арналған дозаторлардың қолайлы өлшемдері төменде келтірілген. 1 жасқа толмаған сәбилер (оның ішінде мерзіміне жетіп туылған нәрестелер) Доза — Суспензия мөлшері — Өлшеуіш шприцтің көлемі (0,1 мл градуирлеу) 9 мг — 1,5 мл — 2,0 мл (немесе 3,0 мл) 10 мг — 1,7 мл — 2,0 мл (немесе 3,0 мл) 11,25 мг — 1,9 мл — 2,0 мл (немесе 3,0 мл) 12,5 мг — 2,1 мл — 3,0 мл 13,75 мг — 2,3 мл — 3,0 мл 15 мг — 2,5 мл — 3,0 мл 16,25 мг — 2,7 мл — 3,0 мл 18 мг — 3,0 мл — 3,0 мл (немесе 5,0 мл) 19,5 мг — 3,3 мл — 5,0 мл 21 мг — 3,5 мл — 5,0 мл 22,5 мг — 3,8 мл — 5,0 мл 24 мг — 4,0 мл — 5,0 мл 25,5 мг — 4,3 мл — 5,0 мл 27 мг — 4,5 мл — 5,0 мл 28,5 мг — 4,8 мл — 5,0 мл 30 мг — 5,0 мл — 5,0 мл Дене массасы 40 кг-нан аз, 1 жастағы немесе одан асқан балалар Доза — Суспензия мөлшері — Өлшеуіш шприцтің көлемі (0,1 мл градуирлеу) 30 мг — 5,0 мл — 5,0 мл (немесе 10,0 мл) 45 мг — 7,5 мл — 10,0 мл 60 мг — 10,0 мл — 10,0 мл Дәрілік препараттың қолдану тәсілін түсіндіру үшін медициналық қызметкер кеңесіне жүгіну жөніндегі нұсқаулар Дәрілік препаратты қолдану туралы сұрақтар туындаған жағдайда дәрігермен немесе фармацевтпен кеңесу керек.

• әсер етуші затқа (заттарға) немесе қосымша заттардың кез келгеніне аса жоғары сезімталдық

Ересектер мен жасөспірімдердегі тұмауды емдеу мен профилактикасы Инфекциялар және инвазиялар: жиі - бронхит, қарапайым герпес, назофарингит, жоғарғы тыныс алу жолдарының инфекциялары, синусит. Қан және лимфа жүйесі тарапынан: сирек - тромбоцитопения. Иммундық жүйе тарапынан: жиі емес - аса жоғары сезімталдық реакциялары; сирек - анафилаксиялық реакциялар, анафилактоидты реакциялар. Психиканың бұзылуы: сирек - қозу, аномальді мінез-құлық, мазасыздық, сананың шатасуы, сандырақтау, делирий, елестеулер, қорқынышты түс көру, өзіне зиян келтіру. Жүйке жүйесі тарапынан: өте жиі - бас ауыруы; жиі - ұйқысыздық; жиі емес - сананың шатасуы, құрысулар. Көру мүшесі тарапынан: сирек - көрудің бұзылуы. Жүрек тарапынан: жиі емес - жүрек аритмиясы. Тыныс алу жүйесі, кеуде қуысы ағзалары және көкірек ортасы тарапынан бұзылулар: жиі - жөтел, тамақтың ауыруы, ринорея. Асқазан-ішек жолы тарапынан: өте жиі - жүрек айнуы; жиі - құсу, іштің ауыруы (іштің жоғарғы бөлігіндегі ауырсынуды қоса), диспепсия; сирек - асқазан-ішектен қан кету, геморрагиялық колит. Бауыр және өт шығару жолдары тарапынан: жиі емес - бауыр ферменттері деңгейінің жоғарылауы; сирек - фульминантты гепатит, бауыр функциясының бұзылуы, гепатит. Тері және теріасты тіндері тарапынан: жиі емес - экзема, дерматит, бөртпе, есекжем; сирек - ангионевроздық ісіну, мультиформды эритема, Стивенс-Джонсон синдромы, уытты эпидермалық некролиз. Жалпы бұзылыстар мен енгізу орнындағы бұзылулар: жиі - ауырсыну, бас айналу (оның ішінде вертиго), әлсіздік, гипертермия, аяқ-қолдың ауыруы. Балалардағы тұмауды емдеу мен профилактикасы Инфекциялар және инвазиялар: жиі - ортаңғы отит. Жүйке жүйесі тарапынан: жиі - бас ауыруы. Көру мүшесі тарапынан: жиі - конъюнктивит (көздің қызаруы, көзден бөліністер және көздің ауыруы). Есту мүшесі және тепе – теңдік тарапынан: жиі - құлақтың ауыруы; жиі емес - құлақ қалқанының зақымдануы. Тыныс алу жүйесі, кеуде қуысы ағзалары және көкірек ортасы тарапынан бұзылулар: өте жиі - жөтел, мұрынның бітелуі, ринорея. Асқазан-ішек жолы тарапынан: өте жиі - құсу; жиі - іштің ауыруы (іштің жоғарғы бөлігіндегі ауырсынуды қоса), диспепсия; жүрек айнуы. Тері және теріасты тіндері тарапынан: жиі емес - дерматит (аллергиялық және атопиялық дерматитті қоса). Жеке жағымсыз реакциялардың сипаттамасы Психикалық бұзылулар және жүйке жүйесінің бұзылыстары Тұмау кейбір жағдайларда өлімге әкелетін елестеулер, делирий және аномальді мінез-құлық сияқты әртүрлі неврологиялық және мінез-құлық симптомдарымен байланысты болуы мүмкін. Бұл бұзылыстар энцефалит немесе энцефалопатия аясында, сондай-ақ айқын ауыр ауру болмаған кезде көріністелуі мүмкін. Осельтамивирмен қабылдаған тұмаумен ауыратын пациенттерде маркетингтен кейінгі кезеңде құрысулар мен делирий (соның ішінде естен тану, сананың шатасуы, аномальді мінез-құлық, сандырақтау, елестеулер, қозу, үрейлену, қорқынышты түс көру) туралы хабарланды, олар өте сирек жағдайларда өзіне зиян келтірді немесе өліммен аяқталған жағдайға әкелді. Бұл оқиғалар негізінен балалар мен жасөспірімдер арасында тіркелді; көбінесе олар кенеттен басталып, жылдам өткен. Бұл бұзылулардың пайда болуындағы осельтамивирдің рөлі белгісіз. Мұндай психоневрологиялық құбылыстар осельтамивир қабылдамаған тұмаумен ауыратын пациенттерде де хабарланды. Бауыр және өт шығару жолдары тарапынан бұзылыстар Тұмауға ұқсас ауруға шалдыққан пациенттердегі гепатобилиарлы жүйенің бұзылуы, оның ішінде гепатит және бауыр ферменттері белсенділігінің жоғарылауы. Фульминантты гепатит/өлімге әкелетін бауыр жеткіліксіздігі жағдайларын қамтиды. Басқа ерекше популяциялар Педиатриялық популяция (1 жасқа дейінгі сәбилер) 1 жасқа толмаған балаларда жүрек айнуы, диарея және жөргектің бөртпесі жиі кездесетін жағымсыз реакциялар болған. Иммунитеті әлсіреген пациенттер Иммунитеті әлсіреген балаларда құсу жиі тіркелді. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық дерекқорға тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттарды және медициналық бұйымдарды сараптау ұлттық орталығы» РМК ШЖҚ http://www.ndda.kz

Осельтамивирмен артық дозалану туралы хабарламалар клиникалық зерттеулер кезінде және маркетингтен кейінгі қолдану кезінде алынды. Артық дозалану жағдайларының көбінде жағымсыз реакциялар туралы хабарланған жоқ. Спецификалық антидоты белгісіз. Педиатриялық популяция Балалардағы артық дозалану жағдайлары жасөспірімдер мен ересектерге қарағанда жиі хабарланды. Препараттың суспензиясын ішке қабылдау үшін дайындағанда және препаратты балаларға тағайындағанда сақ болу керек.

Арнайы ескертулер Осельтамивир тек тұмау вирустары туындатқан аурулар кезінде тиімді. Тұмау вирусынан өзге агенттер туындатқан ауруларға қатысты осельтамивирдің тиімділігі туралы ешқандай дәлел жоқ. Танивир препараты тұмауға қарсы вакцинаны алмастырмайды. Танивир препаратын қолдану тұмауға қарсы жыл сайынғы вакцинация жасау үшін адамдарды анықтауға әсер етпеуі керек. Тұмаудан қорғану препаратты қабылдау кезінде ғана әрекет етеді. Танивир препаратын тұмауды емдеу мен профилактика үшін популяциядағы тұмау вирусының таралу фактісін растайтын сенімді эпидемиологиялық деректер болған кезде ғана қолдану керек. Тұмау вирусының айналымдағы штаммдарының осельтамивирге сезімталдығы өте өзгермелі. Сондықтан, препаратты тағайындайтын медицина қызметкерлері препаратты қолдану туралы шешім қабылдаған кезде қазіргі уақытта айналымдағы вирустардың осельтамивирге сезімталдығының сипаты туралы ең соңғы ақпаратты ескеруі керек. Қатарлас ауыр жағдайлар Ауруханаға жатқызу қаупі шарасыз болып саналатын кез келген жеткілікті дәрежедегі ауыр немесе тұрақсыз медициналық жағдайлары бар пациенттерде осельтамивирдің қауіпсіздігі мен тиімділігі туралы деректер жоқ. Иммунитеті әлсіреген пациенттер Иммунитеті әлсіреген пациенттерде тұмауды емдеу үшін де, профилактикасы үшін де осельтамивирдің тиімділігі нақты анықталған жоқ. Жүрек/респираторлық аурулары Созылмалы жүрек және/немесе респираторлық аурулармен ауыратын пациенттерді емдеу үшін осельтамивирдің тиімділігі анықталмаған. Осы популяциядағы емдеу топтары мен плацебо арасында асқыну жиілігінде ешқандай айырмашылық анықталған жоқ. Педиатриялық популяция Қазіргі уақытта шала туылған нәрестелерде (постконцептуальді мерзімнің 36 аптасынан аз) дозалау жөнінде ұсынымдар беруге мүмкіндік беретін деректер жоқ. Бүйрек функциясының ауыр дәрежедегі бұзылулары Бүйрек функциясының ауыр дәрежедегі бұзылулары бар ересектер мен жасөспірімдерде (13-17 жас) емдеу мен профилактика кезінде дозаны түзету ұсынылады. Дозалау жөнінде ұсынымдар беру үшін бүйрек функциясының бұзылулары бар сәбилер мен балаларға (1 жастан бастап және одан асқан) клиникалық деректер жеткіліксіз. Нейропсихиатриялық көріністеулер Осельтамивирді қабылдау кезіндегі нейропсихиатриялық көріністеулер тұмаумен ауыратын пациенттерде, әсіресе балалар мен жасөспірімдерде байқалды. Мұндай көріністеулер осельтамивир қабылдамаған тұмаумен ауыратын пациенттерде де байқалды. Пациенттер мінез-құлқындағы өзгерістер тұрғысынан жіті бақылауда болуы тиіс және емдеуді жалғастыру артықшылықтары мен қауіптері әр пациент үшін мұқият бағалануы керек. Қосымша заттар Танивир препаратының құрамында 1 капсулада 23 мг-нан аз натрий бар, яғни іс жүзінде «құрамында натрий жоқ». Препараттың көлік құралын және қауіптілігі зор механизмдерді басқару қабілетіне әсер ету ерекшеліктері Препарат көлік құралдарын және қауіптілігі зор механизмдерді басқару қабілетіне әсер етпейді.

Жүктілік Жүктілік кезінде Танивир препаратын, егер қажет болса, қауіпсіздік пен пайдасы бойынша қолда бар деректерді, сондай-ақ тұмау вирусының айналымдағы штаммының патогенділігін ескере отырып, қолдануды қарастыруға болады. Лактация Аналары осельтамивир қабылдаған емшектегі балалар және емшек сүтімен осельтамивирдің бөлінуі туралы ақпарат өте шектеулі. Шектеулі дәлелдер осельтамивир мен оның белсенді метаболиті емшек сүтінде анықталғанын көрсетеді, бірақ олардың деңгейі төмен болған, бұл сәбидің субтерапиялық дозаны алуына әкелуі мүмкін. Осы ақпаратты, тұмау вирусының айналымдағы штаммының патогенділігін және емізетін әйелдің негізгі ауруын назарға ала отырып, әйел үшін ықтимал пайдасы айқын болған жағдайларда осельтамивирді тағайындау туралы мәселені қарастыруға болады. Фертильділік Клиникаға дейінгі деректерге сүйене отырып, ерлердің немесе әйелдердің фертильділігіне осельтамивирдің әсер ететіні туралы ешқандай дәлел жоқ.

Осельтамивирдің фармакокинетикалық қасиеттері, мысалы, плазма ақуыздарымен төмен байланысуы және CYP450 мен глюкуронидаза жүйелеріне тәуелді емес метаболизм, осы механизмдер арқылы клиникалық маңызды өзара әрекеттесу ықтималдылығы аз екенін көрсетеді. Пробенецид Бүйрек функциясы қалыпты пациенттерде пробенецидпен бір мезгілде қолданғанда дозаны түзету талап етілмейді. Бүйректің тубулярлық секрециясының аниондық жолының күшті тежегіші - пробенецидті бір мезгілде қолдану осельтамивирдің белсенді метаболиті экспозициясының шамамен екі есе артуына әкеледі. Амоксициллин Осельтамивир амоксициллинмен кинетикалық өзара әрекеттесуді көрсетпейді, оның элиминациясы сол жолмен жүреді, бұл осы жолмен осельтамивирмен әлсіз әрекеттесу туралы айғақтайды. Бүйрекпен шығарылуы Бүйректің тубулярлық секрециясы үшін бәсекелестікті қамтитын басқа дәрілік заттармен клиникалық маңызды өзара әрекеттесуі осы заттардың көбінің белгілі қауіпсіздік шегіне, белсенді метаболиттердің шығарылу сипаттамаларына (шумақтық сүзілу және аниондық тубулярлық секреция) және осы жолдардың көмегімен шығарылу көлеміне байланысты ықтималдылығы аз. Дегенмен, экскреция жолы ұқсас және емдік ауқымы тар дәрілік заттарды (мысалы, хлорпропамид, метотрексат, фенилбутазон) қабылдайтын пациенттерге осельтамивирді тағайындау кезінде сақ болу керек. Қосымша ақпарат Ацетаминофен, ацетилсалицил қышқылы, циметидин және антацидтермен (магний мен алюминий гидроксиді, кальций карбонаты), римантадинмен немесе варфаринмен (варфариннің тұрақты дозаларын алатын және тұмаумен ауырмайтын пациенттерде) бір мезгілде тағайындау кезінде осельтамивир мен оның белсенді метаболиті арасындағы фармакокинетикалық өзара әрекеттесулер анықталмаған.

Сақтау мерзімі 4 жыл Жарамдылық мерзімі өткеннен кейін қолдануға болмайды! Сақтау шарттары 25°C-ден аспайтын температурада сақтау керек. Балалардың қолы жетпейтін жерде сақтау керек!