Тантум Верде® спрей 0,255 мг/доза

100 мл препараттың құрамында белсенді зат - 0,15 г бензидамин гидрохлориді, бұл 0,134 г бензидаминге баламалы; қосымша заттар: этанол (96%), глицерол, метилпарагидроксибензоат, жалбыз хош иістендіргіші, сахарин, натрий гидрокарбонаты, полисорбат 20, тазартылған су. Сыртқы түрінің, иісінің, дәмінің сипаттамасы Жалбызға тән иісі бар түссіз мөлдір сұйықтық.

Тантум Верде® препараты ересектерге және 6 жастан асқан балаларға ауырсыну синдромымен қатар жүретін ауыз қуысы мен ЛОР-мүшелерінің қабыну ауруларын (мысалы, гингивит, стоматит және фарингит), соның ішінде консервативті стоматологиялық емшаралар немесе тіс экстракциясынан кейін симптоматикалық ем ретінде көрсетілімде.

Әсер ету механизмі Клиникалық зерттеулер бензидаминнің ауыз қуысы мен жұтқыншақ шырышты қабығының локализацияланған тітіркенуімен байланысты симптомдарды жеңілдетуде тиімді екенін көрсетеді. Сонымен қатар, бензидамин орташа жергілікті анестетикалық әсерге ие.

Дозалау режимі Ересектер және 12 жастан асқан жасөспірімдер: 4-8 бүркуден тәулігіне 2-6 рет. Балалар (6-12 жас): препаратты тек қана дәрігердің ұсынуымен және тағайындалған дозада қолдану керек (4 бүркуден тәулігіне 2-6 рет). Препараттың ұсынылған дозасын асырмау қажет. Енгізу әдісі мен жолы • Канюляны (ақ түсті түтік) «құтыға тігінен» қалпында бұраңыз 2. Канюляны аузыңызға салыңыз да, ауыз қуысы мен тамағыңыздағы қабынған жерлерге бағыттаңыз. • Дозаланған помпаны құтының жоғарғы жағындағы дозалар тағайындалғанға дейін бірнеше рет басыңыз. Бір басу бір дозаға сәйкес келеді. Бүрку кезінде деміңізді ұстаңыз Назар аударыңыз: бірінші рет қолданар алдында бүріккішті іске қосу үшін қалпақшаны бірнеше рет басу қажет Қабылдау уақыты көрсетілген қолдану жиілігі Тамақтанғаннан кейін күніне 2-6 рет қолданыңыз (әр бүркумен 0,17 мл ерітінді бөлінеді). Дәрілік препараттың бір немесе бірнеше дозасын өткізіп алған кезде қажетті шаралар Өткізіп алған дозаны өтеу үшін қос дозаны қабылдамаңыз. Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі кеңестер Препаратты қолдану туралы сұрақтар туындаған жағдайда емдеуші дәрігерге немесе дәріхана қызметкеріне хабарласыңыз.

- бензидаминге немесе «Дәрілік препараттың құрамы» бөлімінде көрсетілген қосымша заттардың кез келгеніне аса жоғары сезімталдық.

Барлық дәрілік препараттар сияқты Тантум Верде® препараты жағымсыз реакцияларды тудыруы мүмкін, бірақ олар барлығында бола бермейді. Келесі симптомдар пайда болған жағдайда препаратты қабылдауды тоқтатып, дереу медициналық көмекке жүгіну қажет. Жиі емес - жарыққа сезімталдық Сирек - аса жоғары сезімталдық реакциялары (аллергиялық реакциялар) - ауыз қуысының ашытып күйдіруі (себебі препарат құрамында этанол бар) - ауыздың құрғауы Өте сирек - ларингоспазм (тыныс алудың қиындауы) - ангионевроздық ісіну (жұтылу және/немесе тыныс алуды қиындататын ауыздың/тамақтың және шырышты қабықтардың кенеттен ісінуі) - қышыну - есекжем - бөртпе Белгісіз - анафилаксиялық реакциялар Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз: Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Интоксикация бензидаминнің көп мөлшері (> 300 мг) кездейсоқ жұтылған жағдайда ғана күтіледі. Ішке қабылданған бензидаминнің артық дозалануымен байланысты негізгі симптомдар асқазан-ішек бұзылыстары (жүрек айну, құсу, іштің ауыруы және өңештің тітіркенуі) және орталық жүйке жүйесінің бұзылыстары (бас айналу, елестеулер, қозу, мазасыздық және тітіркену) болып табылады. Жедел артық дозаланғанда симптоматикалық ем ғана көрсетіледі. Пациентті мұқият бақылау және демеуші ем тағайындау қажет. Пациенттің тиісті гидратациялануын қамтамасыз ету керек. Тантум Верде® препаратының жоғары дозасын абайсызда қабылдаған жағдайда бұл туралы дереу дәрігерге хабарлаңыз немесе жақын жердегі ауруханаға хабарласыңыз.

Тантум Верде® препаратын, әсіресе ұзақ қолданғанда аса жоғары сезімталдық реакциялары дамуы мүмкін. Бұл жағдайда емдеуді тоқтату және тиісті ем тағайындау үшін дәрігермен кеңесу ұсынылады. Пациенттердің шектеулі санында тамақ мен ауыз қуысында ойық жаралардың болуы едәуір ауыр патологияның болуын көрсетуі мүмкін. Егер симптомдар 3 күннен аса уақытта кетпесе, дәрігермен кеңесу керек. Тантум Верде® препаратын ацетилсалицил қышқылына немесе басқа қабынуға қарсы стероидты емес препараттарға жоғары сезімталдығы бар пациенттерде қолдану ұсынылмайды. Тантум Верде® препараты анамнезінде бронх демікпесі бар пациенттерде препаратты қабылдау кезінде оларда бронх түйілуінің дамуы мүмкін болса, сақтықпен қолданылуы тиіс. Арнайы ескертулер Препарат әсіресе ауыз қуысын шаюға қабілетсіз пациенттерге ұсынылады. Тантум Верде® препаратының құрамында метилпарагидроксибензоат бар, ол аллергиялық реакцияларды (оның ішінде кейінге қалдырылған) және ерекше жағдайларда бронх түйілуін туындатуы мүмкін. Балалар 6-дан 12 жасқа дейінгі балаларға препаратты тек қана дәрігердің ұсынуымен және тағайындалған дозада қолдану керек. Препараттың көлік құралдарын және қауіптілігі зор механизмдерді басқару қабілетіне әсер ету ерекшеліктері Тантум Верде® препараты ұсынылған дозаларда қолданған кезде көлік құралдарын басқару және механизмдермен жұмыс істеу қабілетіне әсер етпейді.

Бензидаминді жүкті әйелдерде қолдану туралы деректер жоқ. Жануарлардың тұқым өрбіту уыттылығына зерттеулер жеткіліксіз. Жүктілік кезінде Тантум Верде препаратын қолдану ұсынылмайды. Бензидаминнің адамның емшек сүтіне өтуі туралы деректер жеткіліксіз. Тантум Вердені емшекпен емізу кезеңінде қолдануға болмайды.

Қарастырылған жағдайларда әдетте қолданылатын басқа препараттармен ешқандай теріс өзара әрекеттесу байқалмады.

Сақтау мерзімі 4 жыл Жарамдылық мерзімі өткеннен кейін қолдануға болмайды! Сақтау шарттары 25 ºС-ден аспайтын температурада сақтау керек. Балалардың қолы жетпейтін жерде сақтау керек!