Таптиком® капли

1 мл препараттың құрамында: Белсенді заттар: тафлупрост – 15,0 мкг және тимолол малеаты – 6,84 мг (тимололға шаққанда – 5,0 мг). Қосымша заттар: глицерол, динатрий гидрофосфаты додекагидраты, динатрий эдетаты, полисорбат 80, натрий гидроксиді немесе хлорсутек қышқылы, инъекцияға арналған су. Сыртқы түрінің, иісінің, дәмінің сипаттамасы Көзге көрінетін бөлшектерсіз, мөлдір түссіз ерітінді.

Ашық бұрышты глаукомасы немесе көзішілік гипертензиясы бар, бета-адреноблокаторлармен немесе простагландиндер аналогтарымен жергілікті монотерапияға реакциясы жеткіліксіз, біріктіріп емдеу ұсынылған ересек пациенттерде, сондай-ақ, көзге тамызатын, консерванттарсыз дәрілерді қолдану ұсынылған пациенттерде көзішілік қысымды (КІҚ) төмендету үшін.

Әсер ету механизмі Таптиком – екі белсенді зат - тафлупрост пен тимололдың бекітілген біріктірілімі. Екі әсер етуші зат бір-бірінің әсерін өзара күшейте отырып, көзішілік қысымды (КІҚ) төмендетеді, соның нәтижесінде біріктірілген препаратты қолданған кезде КІҚ төмендеу әсері әсер етуші заттардың әрқайсысының жеке-жеке әсеріне қарағанда анағұрлым айқын болады. Тафлупрост - F2α простагландинінің фторланған аналогы. Тафлупрост қышқылы тафлупросттың биологиялық белсенді метаболиті бола отырып, адамның FP рецепторларына (F2α простагландин рецепторларына) қатысты жоғары белсенділікке және селективтілікке ие. Фармакодинамиканы зерттеу деректері (клиникаға дейінгі зерттеулер) тафлупросттың сулы ылғалдың увеосклеральді ағысын күшейте отырып, КІҚ төмендететінін көрсетеді. Маймылдардағы фармакодинамикалық зерттеулер тафлупрост көзішілік сұйықтықтың увеосклеральді ағысының ұлғаюы есебінен көзішілік қысымды төмендететінін көрсетеді. Тимолол малеаты – бета-адренорецепторлардың селективті емес блокаторы. Тимолол малеатын қолдану кезінде КІҚ төмендетудің нақты механизмі қазіргі уақытта толық анықталмаған, алайда флюоресценция және тонография әдістері негізгі әсер көзішілік сұйықтық түзілуінің төмендеуіне байланысты болуы мүмкін екенін көрсетеді. Сонымен бірге, кейбір зерттеулерде оның ағып кетуінің аздап күшеюі байқалды. Клиникалық тиімділігі 400 пациенттің қатысуымен 6 айлық зерттеуде ашық бұрышты глаукома немесе көз гипертензиясы және 24-26 мм с.б. аралығында орташа дәрежедегі емделмеген КІҚ бар пациенттерде Таптиком препаратымен (күніне бір рет таңертең) КІҚ төмендету әсері 0,0015% тафлупростты (күніне бір рет таңертең) және 0,5% тимололды (күніне екі рет) қатар енгізумен салыстырылды. Таптиком барлық уақытша нүктелер мен визиттер бойынша 0,0015% тафлупростты және 0,5% тимололды қатар енгізу әсері бойынша әдетте пайдаланылатын тиімділігі 1,5 мм с.б. кем емес шектерден кем түспеді. Бастапқы деңгеймен салыстырғанда КІҚ орташа тәуліктік төмендеуі 6 айлық бастапқы соңғы нүктеде екі топта да 8 мм с. б. құрады (төмендеу тексерілу үшін бару кезінде бір күн ішінде әртүрлі уақыт нүктелерінде екі топта 7-ден 9 мм с.б. дейін ауытқыды). 564 пациенттің қатысуымен тағы бір 6 айлық зерттеуде ашық бұрышты глаукомасы немесе офтальмогипертензиясы бар және емдеуге дейінгі КІҚ орташа мәні 26-27 мм с.б. құрайтын пациенттерде Таптиком препаратының және монотерапияның тиісті препараттарының белсенділігін салыстыру жүргізілді. 0,0015% тафлупросттың (КІҚ 20 мм с.б.) көмегімен пациенттер немесе одан жоғары), не 0,5% тимололдың (КІҚ 22 мм с.б. немесе одан жоғары емдеу кезінде) жеткіліксіз бақыланатын пациенттер Таптиком препаратымен немесе сол монотерапиямен емдеу үшін рандомизацияланған. Таптиком препаратын қолданған кезде КІҚ орташа тәуліктік төмендеуі статистикалық тұрғыдан таңертең күніне бір рет енгізілетін тафлупростқа немесе 6 аптадан, 3 айдан (тиімділіктің бастапқы соңғы нүктесі) және 6 айдан кейін барған кезде күніне екі рет енгізілетін тимололға қарағанда анағұрлым маңызды болды. 3 айдан кейін Таптиком препаратын қолданғанда бастапқы деңгеймен салыстырғанда КІҚ орташа тәуліктік төмендеуі монотерапияның екі түрінде де байқалған 7 мм рт. ст. салыстырғанда 9 мм с.б. құрады. Сапарлар кезінде бір күн ішінде әр түрлі уақыт нүктелерінде Таптиком препаратын қолдану кезінде КІҚ төмендеуі тафлупростпен монотерапия алған салыстыру тобында 8-ден 9 мм с.б. дейін және тимололмен монотерапия алған салыстыру тобында 7-ден 9 мм с.б. дейін ауытқыды. Осы екі негізгі зерттеуде (n = 168) бастапқы деңгейі жоғары 26 мм с.б. (орташа тәуліктік мән) немесе одан жоғары КІҚ бар Таптиком алған пациенттердің біріктірілген деректерін талдау КІҚ орташа тәуліктік төмендеуі бастапқы соңғы нүктеде (3 немесе 6 айдан кейін) 9-дан 12 мм с.б. дейінгі диапазонда бір күн ішінде әр түрлі уақыт нүктелерінде 10 мм с.б. құрайтынын көрсетті. Еуропадағы дәрілік заттар жөніндегі агенттік педиатриялық популяцияның барлық қосалқы кластарында (педиатриялық популяцияда қолдану туралы ақпарат алу үшін 4.2 бөлімді қараңыз) Таптиком препаратын зерттеу нәтижелерін ұсыну жөніндегі міндеттемені орындаудан бас тартты.

Дозалау режимі Препарат тек офтальмологиялық қолдануға арналған. Ұсынылатын доза – зақымданған көздің (көздер) конъюнктивалық қабына күніне бір рет бір тамшы. Таптиком® - бұл бір реттік тамшылатқыш түбекке өлшеп құйылған консервантсыз стерильді ерітінді. Бір тамшылатқыш түбектегі ерітінді тек бір рет қолдануға арналған және оның мөлшері екі көзге де жеткілікті. Кез келген пайдаланылмаған ерітіндіні қолданғаннан кейін бірден утилизациялау керек. Енгізу жолы және тәсілі Препарат тек жергілікті офтальмологиялық қолдануға арналған. Қабылдау уақыты көрсетілген қолдану жиілігі Доза тәулігіне зақымданған көзге (көздерге) бір тамшыдан аспауы тиіс, өйткені препаратты жиі қолдану көзішілік қысымды төмендетудің күтілетін әсерін азайтуы мүмкін. Дәрілік препараттың бір немесе бірнеше дозасын жіберіп алған кезде қажетті шаралар Бір дозаны өткізіп алған жағдайда емдеуді келесі жоспарланған дозадан жалғастырады. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар Препаратты қолдану туралы сұрақтар туындаған жағдайда емдеуші дәрігерге қаралыңыз.

• тафлупростқа, тимололға немесе препарат компоненттерінің кез келгеніне аса жоғары сезімталдық • анамнездегі бронх демікпесін немесе бронх демікпесін қоса, тыныс жолдарының реактивті аурулары, өкпенің созылмалы ауыр обструкциялық ауруы • синустық брадикардия, синоатриальді жүрек блокадасын, кардиостимулятормен бақыланбайтын екінші немесе үшінші дәрежедегі атриовентрикулярлық блокаданы қоса, синустық түйіннің әлсіздік синдромы. Декомпенсацияланған жүрек жеткіліксіздігі, кардиогенді шок • балалар мен 18 жасқа дейінгі жасөспірімдер (клиникалық қолдану деректері жоқ) • жүктілік және лактация кезеңі

Жергілікті қолданылатын басқа офтальмологиялық препараттар сияқты, тафлупрост пен тимолол жүйелі түрде сіңіріледі. Бұл жүйелі бета-адреноблокаторды қолдану кезіндегі сияқты жағымсыз әсерлерге әкелуі мүмкін. Жергілікті офтальмологиялық қолданудан кейінгі жүйелі жағымсыз реакциялардың жиілігі жүйелі қолданғанға қарағанда төмен. Аталған жағымсыз реакцияларға офтальмологиялық бета-адреноблокаторлар класында байқалатын реакциялар жатады. Таптиком (тафлупрост пен тимололдың біріктірілімі) Жүйке жүйесі тарапынан бұзылулар Жиі емес – бас ауыруы Көру мүшесі тарапынан бұзылулар Жиі • конъюнктива/көздің гиперемиясы, көздің қышуы, көздің ауыруы, кірпіктердің өзгеруі (кірпік ұзындығының, қалыңдығының, санының және түсінің ұлғаюы), көздің тітіркенуі, көзде бөгде денені сезіну, бұлдырлап көру, көз қарығуы Жиі емес: • көзде атипті сезімдер, көздің құрғауы, көздегі жайсыздық, конъюнктивит, қабақ эритемасы, көз аллергиясы, қабақтың ісінуі, беткейлік нүктелік кератит, жас ағу, көздің алдыңғы камерасының қабынуы, астенопия, блефарит Тафлупростпен немесе тимололмен емдеу кезеңінде байқалған және Таптиком препаратын қолдану кезінде потенциалды дамуы мүмкін жағымсыз реакциялар: Тафлупрост Көру мүшесі тарапынан бұзылулар • көру өткірлігінің төмендеуі, нұрлы қабық пигментациясының күшеюі, қабақ пигментациясы, конъюнктиваның ісінуі, көзден бөліну пайда болуы, көздің алдыңғы камерасындағы жасушалық бұлыңғырлану, аллергиялық конъюнктивит, конъюнктиваның пигментациясы, конъюнктиваның фолликулалары, қабақ қатпарының тереңдеуі, ирит/увеит, макулярлы ісіну/кистоздық макулярлы ісіну Тері және тері асты тіндері тарапынан бұзылулар • қабақ гипертрихозы. Тыныс алу ағзалары тарапынан бұзылулар Белгісіз • бронх демікпесінің өршуі, диспноэ Тимолол Иммундық жүйе тарапынан бұзылулар • ангионевроздық ісінуді, есекжем, жергілікті немесе жайылған тері бөртпесін, анафилаксияны, терінің қышуын қоса, аллергиялық реакциялардың белгілері мен симптомдары Зат алмасу және тамақтану тарапынан бұзылулар • гипогликемия Психиканың бұзылуы • депрессия, ұйқысыздық, түнде қорқынышты түс көру, естен айрылу, қатты қозу, елестеудер Жүйке жүйесі тарапынан бұзылулар • бас айналуы, естен тану, парестезия, миастения гравистің белгілері мен симптомдарының күшеюі, ми қан айналымының жедел бұзылуы, церебральді ишемия Көру мүшесі тарапынан бұзылулар • кератит, мөлдір қабықтың сезімталдығының төмендеуі, рефракцияның өзгеруін (кейбір жағдайларда миотиктермен емді тоқтату нәтижесінде) қоса, көру өткірлігінің бұзылуы, птоз, диплопия, фильтрациялық хирургиядан кейін тамыр қабықшасының ажырауы («Айрықша нұсқаулар» бөлімін қараңыз), жас ағу, мөлдір қабықтың эрозиясы Есту ағзасы тарапынан бұзылулар және лабиринтті бұзылулар • құлақтың шыңылдауы Жүрек тарапынан бұзылулар • брадикардия, кеудедегі ауырсыну, жүрек қағуы, ісіну, аритмия, іркілісті жүрек жеткіліксіздігі, жүрек ұстамасы, жүрек блокадасы, атриовентрикулярлық блокада, жүрек жеткіліксіздігі Қантамыр жүйесі тарапынан бұзылулар • артериялық қысымның төмендеуі, мезгіл-мезгіл ақсақтық, Рейно феномені, қолдар мен аяқтардың салқындауы Тыныс алу жүйесі, көкірек қуысы ағзалары және көкірек ортасы тарапынан бұзылулар • диспноэ, бронх түйілуі (негізінен анамнезінде бронхспазмдық ауруы бар пациенттерде), тыныс алу жеткіліксіздігі, жөтел Асқазан-ішек жолы тарапынан бұзылулар • жүрек айнуы, диспепсия, диарея, ауыз қуысының құрғауы, дисгевзия, іш ауыруы, құсу Тері және тері асты тіндері тарапынан бұзылулар • алопеция, псориаз тәрізді бөртпе немесе псориаз ағымының өршуі, тері бөртпесі Қаңқа-бұлшықет және дәнекер тін тарапынан бұзылулар • жүйелі қызыл жегі, миалгия, артропатия Ұрпақ өрбіту жүйесі және сүт бездері тарапынан бұзылулар • Пейрони ауруы, либидоның төмендеуі, сексуальді дисфункция Жалпы бұзылыстар • астения/қажу, шөлдеу Құрамында фосфаттары бар көзге тамызатын дәріні қолданғанда, мөлдір қабақтың күрделі зақымдануы бар кейбір пациенттерде мөлдір қабақ кальцификациясы туралы хабарланды.

Симптомдары: Таптиком® препаратымен артық дозалану жағдайлары туралы хабарланбаған. Препаратты көзге тамызған кезде артық дозалану симптомдарының туындауы екіталай. Бас айналуы, бас ауыруы, ентігу, брадикардия, бронх түйілуі және жүрек тоқтауы сияқты бета-адреноблокаторларды жүйелі қолданған кездегідей жүйелі әсерлердің дамуына әкелетін тимололдың байқаусызда артық дозалануы туралы хабарланды (сондай-ақ «Жағымсыз әсер» бөлімін қараңыз). Емі: Таптикомпрепаратымен артық дозаланғанда емдеу симптоматикалық және демеуші болуы тиіс. Тимололдың диализге ұшырауы қиын.

Жүйелі әсерлері: Басқа офтальмологиялық препараттар сияқты, тафлупрост пен тимолол жүйелі түрде сіңіріледі. Препараттың құрамында тимололдың бета-адренергиялық компонентінің болуына байланысты жүйелі бета-адреноблокаторларды қолданғандағыдай жүрек-қантамыр жүйесі мен тыныс алу ағзалары тарапынан осындай жағымсыз реакциялар дамуы мүмкін. Көзге тамызатын дәрілерді жергілікті офтальмологиялық қолданғаннан кейінгі жүйелі жағымсыз реакциялардың даму жиілігі, жүйелі енгізгеннен кейінгіге қарағанда төмен. Жүйелі абсорбцияны төмендету жөніндегі шаралар туралы ақпарат «Қолдану тәсілі және дозалары» бөлімінде ұсынылған. Жүрек тарапынан бұзылулар: Жүрек-қантамыр аурулары (мысалы, жүректің ишемиялық ауруы, Принцметал стенокардиясы, жүрек жеткіліксіздігі) және артериялық гипотензиясы бар пациенттерде бета-блокаторлармен емдеу қажеттілігін мұқият бағалау және басқа фармакологиялық топтардағы препараттарды қолдану мүмкіндігін қарастыру қажет. Аурулардың нашарлау симптомдарын және жағымсыз реакцияларды уақтылы анықтау мақсатында жүрек-қантамыр аурулары бар пациенттердің жағдайына бақылау жүргізу қажет. Импульсті жүргізу жылдамдығына теріс әсер етуіне байланысты бета-блокаторларды бірінші дәрежедегі атриовентрикулярлық блокадасы бар пациенттерде сақтықпен пайдалану керек. Қан айналымының бұзылуы: Препаратты шеткері қан айналымы күрделі бұзылған (мысалы, Рейно ауруының ауыр түрлері немесе Рейно синдромы) пациенттерде сақтықпен пайдалану қажет. Тыныс алу ағзалары тарапынан бұзылулар: Кейбір офтальмологиялық бета-адреноблокаторларды енгізгеннен кейін демікпесі бар пациенттерде бронх түйілуінен болатын өлімді қоса, респираторлық реакциялар туралы хабарланды. Таптикомауырлығы жеңіл/орташа дәрежеде өкпенің созылмалы обструктивті ауруы (ӨСОА) бар пациенттерде және потенциалды пайдасы потенциалды қауіптен асып кеткен жағдайда ғана сақтықпен пайдалану керек. Гипогликемия/қант диабеті: Бета-адреноблокаторларды анда-санда гипогликемияға ұшыраған пациенттерде немесе лабильді қант диабеті бар пациенттерде сақтықпен қолдану керек, өйткені бета-адреноблокаторлар жедел гипогликемияның белгілері мен симптомдарын бүркемелеуі мүмкін. Бета-блокаторлар гипертиреоздың белгілерін де жасыра алады. Бета-адреноблокаторлармен емді кенеттен тоқтату ауру симптомдарын нашарлатуы мүмкін. Мөлдір қабық аурулары: Офтальмологиялық бета-адреноблокаторлар көздің құрғауын тудыруы мүмкін. Препаратты мөлдір қабық аурулары бар пациенттерде қолданғанда сақ болған жөн. Басқа бета-адреноблокаторлар: Жүйелі бета-адренорецепторлардың көзішілік қысымына әсері немесе жүйелі блокадасының белгілі әсерлері жүйелі бета-адреноблокаторды қабылдап жүрген пациенттерде тимололды (Таптиком® препаратының әсер етуші заттарының бірі) қолданған кезде күшеюі мүмкін. Мұндай науқастардың жағдайын мұқият бақылау керек. Бір уақытта екі жергілікті бета-адреноблокаторды қолдану ұсынылмайды. Жабық бұрышты глаукома: Жабық бұрышты глаукомасы бар пациенттерде емдеудің негізгі мақсаты көздің алдыңғы камерасының бұрышын ашу болып табылады. Бұл қарашықтың миотиктермен тарылуын қажет етеді. Тимолол іс жүзінде қарашыққа ешқандай әсер етпейді. Жабық бұрышты глаукома кезінде жоғары көзішілік қысымды төмендету үшін тимололды пайдаланған кезде оны монотерапия түрінде емес, миотикалық препараттармен біріктіріп қолданған жөн. Анафилаксиялық реакциялар: Бета-блокаторларды қолданған кезде аллергиясы бар немесе анамнезінде бірқатар аллергендерге ауыр анафилаксиялық реакциясы бар пациенттер осындай аллергендерді қайта енгізуге қатты реакция беруі және анафилаксиялық реакцияларды емдеу үшін пайдаланылатын адреналиннің әдеттегі дозаларына жауап бермеуі мүмкін. Тамырлы қабықтың қабатталуы: Фильтрациялық хирургиядан кейін сулы ылғалдың (мысалы, тимолол, ацетазоламид) түзілуін бәсеңдететін препараттарды қолдану кезінде тамыр қабатталу жағдайлары туралы хабарланды. Хирургиядағы анестезия: Офтальмологиялық бета-блокаторлар бета-адренорецепторлардың жүйелі агонистерінің, мысалы адреналиннің әсерін бөгей алады. Тимололды қабылдаған кезде бұл туралы анестезиологқа хабарлау керек. Басқа жағдайлар Терапия басталғанға дейін пациенттерді кірпіктің шамадан тыс өсуі, қабақ терісінің қараюы және тафлупрост терапиясымен байланысты көздің нұрлы қабық пигментациясының күшеюі туралы хабардар ету керек. Бұл өзгерістердің кейбіреулері тұрақты болуы мүмкін және егер бір көзге ғана ем жүргізілсе, көздің сыртқы көрінісінде айырмашылықтарға әкелуі мүмкін. Нұрлы қабық пигментациясының өзгеруі баяу жүреді және бірнеше ай бойы байқалмай қалуы мүмкін. Көз түсінің өзгеруі негізінен нұрлы қабық түсі аралас, мысалы, көк-қоңыр, сұр-қоңыр, сары-қоңыр және жасыл-қоңыр пациенттерде байқалды. Егер тек бір көзге ем жүргізілсе, өмір бойы гетерохромия қаупі ықтимал. Тафлупрост ерітіндісі терінің беткейімен көп рет жанасатын жерлерде шаш өсу ықтималдығы бар. Неоваскулярлық, жабық бұрышты, тар бұрышты немесе туа біткен глаукома кезінде тафлупростты қолдану тәжірибесі жоқ. Афакиясы бар, сондай-ақ пигментті немесе псевдоэксфолиативті глаукомасы бар пациенттерде тафлупростты қолдану тәжірибесі өте шектеулі. Құрамында тафлупрост бар көзге тамызатын дәріні афакиясы, псевдофакиясы, көз бұршағының артқы капсуласының жарылуы немесе көз бұршағының алдыңғы камерасына имплантациясы бар пациенттерде, сондай-ақ кистоидты макулярлы ісінудің немесе ириттің/увеиттің даму қаупінің факторлары анықталған пациенттерде сақтықпен қолдану керек. Арнайы ескертулер Егде жастағы пациенттер Егде жастағы пациенттерде препарат дозасын түзету талап етілмейді. Бүйрек/бауыр жеткіліксіздігі бар пациенттер Бүйрек және бауыр жеткіліксіздігі бар пациенттерде Таптикомкөзге тамызатын дәрісі зерттелмеген, сондықтан препаратты мұндай пациенттерде сақтықпен қолдану керек. Балалар мен жасөспірімдер Таптикомкөзге тамызатын дәрісінің балалар мен 18 жасқа дейінгі жасөспірімдерде қауіпсіздігі мен тиімділігі анықталмағандықтан (қолжетімді деректер жоқ), балалар мен 18 жасқа дейінгі жасөспірімдерде қолдану ұсынылмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Таптикомпрепаратының автомобильді басқару және қауіптілігі зор механизмдермен жұмыс істеу қабілетіне әсерін зерттеу жүргізілген жоқ. Қысқа мерзімді бұлдырлап көру сияқты жағымсыз реакциялар туындаған кезде пациент өзін жақсы сезінгенге және оның көру қабілеті толық қалпына келгенге дейін көлік құралдарын басқарудан және қауіптілігі зор механизмдермен жұмыс істеуден бас тартуы тиіс.

Жүктілік Таптикомпрепаратын жүкті әйелдерде қолдану туралы адекватты деректер жоқ немесе жеткіліксіз. Ұрпақ өрбіту жасындағы әйелдер Таптикомпрепаратымен емдеу кезінде контрацепцияның тиімді әдістерін қолдануы тиіс. Егер айқын қажеттілік болмаса (емдеудің басқа нұсқалары болмаған жағдайда), жүктілік кезінде Таптикомдықолданбаған жөн. Тафлупрост: Жүкті әйелдерде тафлупростты қолдану туралы адекватты деректер жоқ. Тафлупрост жүктілік барысына және/немесе шарананың немесе жаңа туған баланың дамуына жағымсыз фармакологиялық әсер етуі мүмкін. Адамда оны қолданудың потенциалды қаупі белгісіз. Тимолол: Жүкті әйелдерде тимололды қолдану туралы жеткілікті деректер жоқ. Тимололды жүктілік кезінде айқын қажеттіліксіз қолдануға болмайды. Мальформативті әсерлер анықталған жоқ, бірақ бета-адреноблокаторларды пероральді қабылдаған кезде құрсақішілік өсудің кідіру қаупі анықталды. Сонымен қатар, егер бета-блокаторлар босанғанға дейін қолданылса, жаңа туылған нәрестелерде бета-блокада белгілері мен симптомдары (мысалы, брадикардия, гипотензия, респираторлық дистресс және гипогликемия) байқалды. Егер Таптикомбосанғанға дейін енгізілсе, онда жаңа туған нәресте өмірінің алғашқы күндерінде мұқият бақылауда болуы тиіс. Емшек емізу Бета-адреноблокатор емшек сүтіне шығарылады. Алайда, тимололды көзге тамызатын дәрі түрінде емдік дозада қолданған кезде тимололдың жеткілікті мөлшері бұл сәбиде бета-блокаданың клиникалық симптомдарын тудыруы үшін емшек сүтіне енуі мүмкін. Тафлупрост және/немесе метаболиттер емшек сүтіне шығарылатыны белгісіз. Алайда, ұсынылған емдік дозаларда көзге тамызатын дәрілердің құрамында тафлупростты қолданған кезде заттың жеткілікті мөлшері емшек сүтіне еніп, сәбиде клиникалық симптомдар тудыруы екіталай. Сақтық шарасы ретінде, егер Таптикомпрепаратымен емдеу қажет болса, емшек емізу ұсынылмайды. Фертильділік Таптикомпрепаратының адам фертильділігіне (бала туу қабілетіне) әсері туралы деректер жоқ.

Препараттың өзара әрекеттесуін зерттеу бойынша клиникалық зерттеулер жүргізілген жоқ. Офтальмологиялық бета-адреноблокаторларды кальций өзекшелерінің пероральді блокаторларымен, басқа бета-адреноблокаторлармен, аритмияға қарсы препараттармен (амиодаронды қоса), жүрек гликозидтерімен, парасимпатомиметиктермен және гуанетидинмен бір мезгілде қолданғанда гипотензияға және/немесе айқын брадикардияға әкелетін қосымша әсерлер ықтималдығы бар. Пероральді адреноблокаторлар клонидинді тоқтатқаннан кейін туындайтын рикошеттік артериялық гипертензияны шиеленістіруі мүмкін. CYP2D6 тежегіштерімен (мысалы, хинидин, флуоксетин, пароксетин) және тимололмен біріктірілген емдеу кезінде потенциалды жүйелі бета-блокада (мысалы, жүрек жиырылуы жиілігінің төмендеуі, депрессия) туралы хабарланды. Кейде офтальмологиялық бета-адреноблокаторлар мен адреналинді (эпинефрин) бір мезгілде қолдану нәтижесінде туындайтын мидриаз туралы хабарламалар болды.

Сақтау мерзімі 3 жыл. Пакетті алғаш ашқаннан кейін – 25С-ден аспайтын температурада 4 апта. Жарықтан қорғау үшін тамшылатқыш түбекті пакетте сақтаңыз. Жарамдылық мерзімі өткеннен кейін қолдануға болмайды. Сақтау шарттары 2С-ден 8 С-ге дейінгі температурада сақтау керек. Балалардың қолы жетпейтін жерде сақтау керек!