Твинста® таблетки 80 мг/5 мг

Нұсқаулықта көрсетілмеген.

Твинста® артериялық гипертензияны емдеу үшін қолданылады: • монотерапия ретінде амлодипин көмегімен артериялық гипертензияны жеткілікті бақылауға қол жеткізе алмайтын ересек пациенттерде • телмисартан мен амлодипинді жеке таблеткалар түрінде қабылдап жүрген және препараттардың бірдей дозасын, бірақ бір таблеткада қабылдауға ыңғайлы болу үшін қалайтын ересек пациенттерде

Нұсқаулықта көрсетілмеген.

Дозалау режимі Әрқашан осы препаратты емдеуші дәрігердің ұсынымдарына қатаң сәйкестікте қабылдаңыз. Егер Сізде қандай да бір күмән туындаса, дәрігеріңізбен немесе фармацевтпен кеңесіңіз. Твинста® препаратының таблеткасын тікелей қабылдау алдында блистерден алу ұсынылады. Бауыр функциясы бұзылған кезде әдеттегі доза тәулігіне 40 мг/5 мг дозасы бар бір таблеткадан немесе 40 мг/10 мг дозасы бар бір таблеткадан аспауы тиіс. Препаратты грейпфрут немесе грейпфрут шырынымен бір мезгілде қабылдау ұсынылмайды, себебі биожетімділікті жоғарылатуы мүмкін, бұл бірқатар пациенттерде қан қысымының қатты төмендеуіне әкеледі. Енгізу әдісі мен жолы Твинста® препаратын ас қабылдауға тәуелсіз қабылдауға болады. Таблеткаларды сумен немесе басқа да алкогольсіз сусынмен ішу керек. Қабылдау уақыты көрсетілген қолдану жиілігі Ұсынылатын доза — тәулігіне бір таблетка. Таблетканы күн сайын бір уақытта қабылдауға тырысыңыз. Дәрілік препараттың бір немесе бірнеше дозасын жіберіп алғанда қажетті шаралар Егер Сіз препараттың дозасын қабылдауды ұмытып қалсаңыз, оны бірден қабылдаңыз, содан кейін емдеуді тағайындағанға сәйкес жалғастырыңыз. Егер Сіз препаратты бір күнде өткізіп алсаңыз, келесі күні қалыпты дозаны қабылдаңыз. Жіберіп алған дозаны өтеу үшін қосарлы дозаны қабылдамаңыз. Тоқтату симптомдарының болу қаупіне нұсқау Твинста® препаратын емдеуші дәрігеріңіз тағайындауды тоқтатқанға дейін күн сайын қабылдау маңызды. Егер препараттың әсері тым күшті немесежеткіліксізболса,емдеушідәрігергенемесефармацевтке хабарлаңыз. Дәрілікпрепараттықолданутәсілінтүсіндіруүшінмедицина қызметкеріне кеңес беру үшін жүгіну бойынша ұсынымдар Егер Сізде осы дәрілік препараттың қолданылуына қатысты қосымша сұрақтар туындаса, емдеуші дәрігерге хабарласыңыз.

• әсер етуші заттарға, дигидропиридиннің туындыларына немесе қосымша заттардың кез келгеніне аса жоғары сезімталдық • жүктіліктің ІІ және ІІІ триместрі, лактация кезеңі, өт жолдарының обструкциялық аурулары және бауыр функциясының ауыр дәрежелі бұзылулары • шок (кардиогенді шокты қоса алғанда) • сол қарыншаның обструкциялық аорта стенозы (мысалы, аорта стеноздың жоғары дәрежесі) • жедел миокард инфарктісінен кейінгі гемодинамикалық тұрақсыз жүрек жеткіліксіздігі • қант диабеті бар немесе бүйрек функциясы бұзылған (ШСЖ<60 мл/мин/1,73 м2) пациенттерде Твинста® препаратын және құрамында алискирен бар препараттарды бірге қабылдау) • 18 жасқа дейінгі балалар мен жасөспірімдер.

Барлық дәрілік препараттар, атап айтқанда, Твинста®, жағымсыз әсерлер тудыруы мүмкін, бірақ олар барлығында пайда болмауы мүмкін. Кейбір жағымсыз әсерлер елеулі болып, шұғыл медициналық араласуды талап етуі мүмкін. Келесі симптомдардың кез келгені пайда болған жағдайда Сіз дереу емдеуші дәрігеріңізге жүгінуіңіз керек: • сепсис кезінде (жиі «қанға инфекцияның түсуі» деп аталады, бұл барлық организмді зақымдайтын ауыр инфекция болып табылады, ол қызба мен жағдайдың айқын нашарлауымен қоса жүреді) және тері мен шырышты қабық ісінуінің тез дамуы (ангионевроздық ісіну); бұл жағымсыз әсерлері сирек кездеседі (1000 адамға 1 жағдайға дейін), бірақ олар өте күрделі және олар дамыған жағдайда пациенттер препаратты қабылдауды дереу тоқтатып, дәрігерге қаралуы керек. Емдеу болмаған жағдайда бұл бұзылулар өлімге әкеп соғуы мүмкін. Сепсистің даму жағдайларының артуы тек телмисартан қолданғанда ғана байқалды, бірақ Твинста® қабылдағанда бұл реакцияның ықтималдығын жоққа шығаруға болмайды. Жиі (10 адамға 1 жағдайға дейін): • бас айналу, тобық аймағында ісіну. Жиі емес (100 адамға 1 жағдайға дейін): • ұйқышылдық, бас сақинасы, бас ауыруы, саусақтардағы немесе табандағы шаншу немесе ұйып қалу сезімі, айналадағы заттардың айналуын сезіну (вертиго), жүрек ырғағының баяулауы, жүрек соғуының жиілеуі (өзінің жүрегінің соғуын сезіну), төмен артериялық қысым (гипотензия), тұрған кезде бас айналу (ортостаздық гипотензия), қан кернеуі, жөтел, іштің ауыруы (абдоминальді ауыру), диарея, жүрек айнуы (жүрек айнуымен байқалатын дімкәстік), қышу, буындардың ауыруы, бұлшықеттің түйілуі, бұлшықеттің ауыруы, эрекцияға қол жеткізе алмау, әлсіздік, кеуденің ауыруы, шаршау, ісіну (ісінулер), бауыр ферменттері деңгейінің жоғарылауы. Сирек (1000 адамға 1 жағдайға дейін): • қуық инфекциялары, жабырқаңқы көңіл (депрессия), мазасыздық, ұйқысыздық, естен тану, қол буынында немесе табандағы жүйкелердің зақымдануы, жанасуға төмен сезімталдық, дәмнің бұзылуы, тремор, құсу, қызыл иектің гипертрофиясы, абдоминальді аймақтағы жағымсыз сезім, ауыздың құрғауы, экзема (тері ауруы), терінің қызаруы, бөртпе, арқаның ауыруы, аяқтың ауыруы, түнде несеп шығаруға қажеттілікті сезіну, өзін нашар сезіну (жалпы дімкәстану), қандағы несеп қышқылы құрамының жоғары болуы, натрий деңгейінің төмен болуы. Өте сирек (10 000 адамға 1 жағдайға дейін): • өкпе тінінің үдемелі тыртықтануы (өкпенің интерстициялық ауруы [негізінен интерстициялық және эозинофильді пневмония]) Төменде көрсетілген жағымсыз әсерлері телмисартан немесе амлодипин бөлек қолдану аясында байқалды және олар Твинста® препаратын қабылдау кезінде де дамуы мүмкін. Телмисартан Телмисартанды монотерапия ретінде қабылдаған пациенттерде төменде көрсетілген жағымсыз әсерлер анықталды. Жиі емес (100 адамға 1 жағдайға дейін): • несеп шығару жолдарының инфекциялары, жоғарғы тыныс алу жолдарының инфекциялары (мысалы, тамақ ауыруы, мұрынның қосалқы қуыстарының қабынуы, суық тию), эритроциттердің жетіспеушілігі (анемия), қандағы калий деңгейінің жоғары болуы, ентігу, іштің кебуі, қатты терлеу, бүйрек кенеттен жұмыс істемей қалуын қоса алғанда, бүйректің зақымдануы және креатинин деңгейінің жоғарылауы. Сирек (1000 адамға 1 жағдайға дейін): • лейкоциттердің белгілі бір қосалқы түрінің артуы (эозинофилия), тромбоциттердің төмен болуы (тромбоцитопения), аллергиялық реакциялар (мысалы, бөртпе, қышу, тыныс алудың қиындауы, ысқырықты дем алу, беттің ісінуі немесе артериялық қысымның төмен болуы), қандағы қанттың төмен деңгейі (қант диабеті бар пациенттерде), көру қабілетінің бұзылуы, жүректің жиілеуі, асқазанның бұзылысы, бауыр функциясының бұзылуы, есекжем (уртикарлы бөртпе), дәрілік бөртпе, сіңірдің қабынуы, тұмауға ұқсас синдром (мысалы, бұлшықеттің ауыруы, жалпы өзін нашар сезінуі), гемоглобин деңгейінің төмендеуі (қан ақуызы), қандағы креатинфосфокиназаның жоғары деңгейі. Пост-маркетингтік кезеңде белгілі болған бауыр функциясының бұзылуы мен бауырдың зақымдануы жапондықтарда тіркелген. Жапондықтар осы жағымсыз әсердің дамуына анағұрлым бейім. Жиілігі белгісіз: • ішектің ангионевроздық ісінуі: ұқсас дәрілік препараттарды қолданғанда ішектің ісіну жағдайлары байқалды, ол іштің ауыруымен, жүрек айнумен, құсумен және диареямен қатар жүрді. Амлодипин Амлодипиндімонотерапияретіндеқабылдағанпациенттердетөменде көрсетілген жағымсыз әсерлер анықталды. Жиі (10 адамға 1 жағдайға дейін): • нәжістіңжиілігіменсипатыныңөзгеруі,диарея,ішқату,көру бұзылулары, көзге қос көріну, тобық аймағындағы ісінулер. Жиі емес (100 адамға 1 жағдайға дейін): • көңіл-күйдің өзгеруі, көру қабілетінің бұзылуы, құлақтағы шуыл, ентігу, түшкіру/суық тию, шаштың түсуі, әдеттен тыс қанталау мен қан кету (эритроциттердің зақымдануы), тері түсінің өзгеруі, шамадан тыс терлеу, несеп шығарудың қиындауы, әсіресе түнде несеп шығаруға қатты қысылу, ерлерде сүт бездерінің ұлғаюы, ауыру, дене салмағының артуы, дене салмағының азаюы. Сирек (1000 адамға 1 жағдайға дейін): • сананың шатасуы. Өте сирек (10 000 адамға 1 жағдайға дейін): • лейкоциттер санының азаюы (лейкопения), тромбоциттер санының азаюы (тромбоцитопения), аллергиялық реакциялар (мысалы, бөртпе, қышу, тыныс алудың қиындауы, ысқырықты дем алу, беттің ісінуі немесе артериялық қысымның төмен болуы), қандағы қант мөлшерінің артық болуы, бақыланбайтын бұлшықет жиырылуы немесе тартылуы, жүрек ұстамасы, аритмия, қан тамырларының қабынуы, ұйқы безінің қабынуы, асқазанның шырышты қабығының қабынуы (гастрит), бауырдың қабынуы, тері қабығының сарғаюы (сарғаю), сарғаюмен қоса жүретін бауыр ферменттері деңгейінің жоғарылауы, тері мен шырышты қабықтардың тез ісінуі (ангионевроздық ісіну), ауыр тері реакциялары, есекжем (уртикарлы бөртпелер), кейін жарылатын күлдіреуік пайда болуымен көрінетін ауыр аллергиялық реакциялар (эксфолиативті дерматит, Стивенс — Джонсон синдромы), терінің күнге жоғары сезімталдығы, бұлшықет кернеуінің жоғарылауы. Жиілігі белгісіз (қолда бар деректер бойынша бағалануы мүмкін емес): • кейіннен жарылып, тері мен шырышты қабықтарда күлдіреуіктің түзілуімен байқалатын, ауыр аллергиялық реакциялар (уытты эпидермалық некролиз). Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну Қазақстан Республикасы Денсаулық сақтау министрлігі Медициналық жәнефармацевтикалықбақылаукомитеті«Дәрілік заттармен медициналық бұйымдарды сараптау ұлттық орталығы» ШЖҚ РМК http://www.ndda.kz

Егер сіз бір тәулік ішінде көп таблеткаларды кездейсоқ қабылдап қойсаңыз, дереу емдеуші дәрігеріңізбен, фармацевтпен немесе жақын маңдағы аурухананың жедел жәрдем бөлімшесімен хабарласыңыз. Артериялық қысымның төмендеуі және жүрек соғу ырғағының жиілеуі мүмкін. Сонымен қатар, жүрек соғуының бәсеңдеуі, бас айналуы, бүйрек функциясының төмендеуі, атап айтқанда бүйрек жеткіліксіздігі, сондай-ақ артериялық қысымның айқын және ұзақ төмендеуі, соның ішінде шокқа және өлімге әкеп соқтыратыны туралы хабарланды. Өкпеде артық сұйықтық жиналуы мүмкін (өкпе ісінуі), ол қабылдағаннан кейін 24-48 сағат ішінде дамитын ентігуді тудыруы мүмкін. Емі Пациенттің жағдайына мұқият бақылау жүргізу керек, емі симптоматикалық және демеуші болуы тиіс. Артық дозалауды емдеу әдісі препаратты қабылдаған сәттен бастап және симптомдардың ауырлық дәрежесіне байланысты. Құсу индукциясы және/немесе асқазанды шаю, белсендірілген көмір сияқты емдеу әдістері қолданылуы мүмкін. Қандағы электролиттер мен креатинин деңгейіне жиі мониторинг жүргізу керек. Пациенттің гипотониясы дамыған жағдайда оны көлденең қалпына ауыстыру, аяғын көтеру, сондай-ақ тұз бен сұйықтық көлемін толтыру қажет. Кальций өзекшелерінің бөгеуіне қарсы әсер ету мақсатында оң терапиялық әсерге кальций глюконатын вена ішіне енгізу арқылы қол жеткізіледі. Кейбір жағдайларда асқазанды тазарту пайдалы болуы мүмкін. Дені сау еріктілерде амлодипинді 10 мг дозада енгізгеннен кейін 2 сағат ішінде белсендірілген көмірді қолдану амлодипиннің сіңу жылдамдығын төмендетеді. Телмисартан мен амлодипин гемодиализ арқылы шығарылмайды.

Твинста® препаратын қолданар алдында емдеуші дәрігеріңізге бұрын болған немесе ағымдағы ахуал немесе мынадай аурулар туралы хабарлаңыз: • бүйрек аурулары немесе бүйректің трансплантациясы • бір немесе екі бүйректің қан тамырлары саңылауының тарылуы (бүйрек артериясының тарылуы) • бауыр аурулары • жүрек аурулары • альдостеронның жоғары концентрациясы, ол организмдегі сұйықтық пен тұздардың іркілуіне және қанның әртүрлі минералды компоненттері теңгерімінің бұзылуына әкеледі • дегидратация (организмдегі сұйықтықтың артық жоғалуы) немесе диуретиктерді (несеп айдайтын дәрілерді) қолдану салдарынан болатын тұз тапшылығы, тұз мөлшері төмен диета кезінде, сонымен қатар диарея немесе құсу кезінде туындайтын, төмен артериялық қысым (гипотензия) • қан сарысуындағы калийдің жоғары концентрациясы • қант диабеті • аорта саңылауының тарылуы (аорта стенозы) • тыныштық күйінде немесе аздаған физикалық жүктеме кезінде (тұрақсыз стенокардия кезінде) жүрек жеткіліксіздігі салдарынан туындаған кеуденің ауыруы • алдыңғы төрт апта кезеңіндегі миокард инфарктісі. Твинста® препаратын қолдану алдында дереу дәрігерге хабарлаңыз: • Егер сіз жоғары артериялық қысымды емдеуге арналған төмендегі дәрілік препараттардың кез келгенін қабылдап жатсаңыз: • ангиотензин өзгертетін ферменттің (AӨФ) тежегіштері (мысалы, эналаприл, лизиноприл, рамиприл), әсіресе егер сізде қант диабетімен байланысты бүйрек проблемалары болса • алискирен Дәрігеріңіз бүйрек функциясының күйін, артериялық қысымды және қандағы электролиттердің (мысалы, калийдің) мөлшерін тексере алады. Сондай-ақ, "Қолдануға болмайтын жағдайлар" бөлімін қараңыз. • Егер сіз егде жастағы адам болсаңыз (65 жастан асқан), бұл жағдайда емдеуші дәрігер Твинста® препаратының дозасын арттыруы мүмкін. Егер сізде Твинста® препаратын қабылдағаннан кейін іштің ауыруы, жүрек айнуы, құсу немесе диарея байқалса, міндетті түрде өз емдеуші дәрігеріңізге мәлімдеңіз. Дәрігер әрі қарайғы емдеу туралы шешім қабылдайды. Твинста® препаратын өз бетіңізше қабылдауды тоқтатпаңыз. Операция немесе анестезия жүргізген кезде дәрігерге Твинста® препаратын қабылдағаныңызды айту керек. Арнайы ескертулер Твинста® препаратының құрамында сорбитол бар Препараттың әрбір таблеткасында 337,28 мг сорбитол бар. Сорбитол- фруктоза көзі. Егер Сіздің емдеуші дәрігеріңіз Сізді кейбір қант түрлеріне жағымсыздықпен ауыратыныңыз туралы хабардар етсе немесе егер Сізде фруктозаның тұқым қуалайтын жағымсыздығы (ФТЖ) - адам организмі фруктозаны ыдырата алмайтын сирек генетикалық бұзылу диагнозы қойылса, осы дәрілік препаратты қабылдау немесе тағайындау алдында дәрігермен кеңесіңіз. Твинста® препаратының құрамында натрий бар Препараттың әрбір таблеткасының құрамында 1 ммоль-ден кем натрий (23 мг) бар, яғни құрамында натрий жоқ препарат болып саналады. Педиатрияда қолдану Препаратты 18 жасқа толмаған балалар мен жасөспірімдерге қолдануға болмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Артериялық гипертензияны емдеген кезде кейбір пациенттерде жағымсыз әсерлер, атап айтқанда естен тану, ұйқышылдық, бас айналу немесе айналадағы заттардың айналу сезімі (вертиго) пайда болуы мүмкін. Егер Сіз осы жағымсыз әсерлерді сезінсеңіз, рөлді басқаруға отырмаңыз және механизмдермен жұмыс істемеңіз.

Егер Сіз жүкті болуды болжасаңыз немесе жүкті болуды жоспарласаңыз, дәрігерге хабарлаған жөн. Әдеттегі жағдайда Сіздің емдеуші дәрігеріңіз препаратты жүктілік басталғанға дейін тоқтатуды ұсынады немесе Сіз жүкті болғаныңызды білген бойда, басқа препаратты ұсынады. Твинста® препаратын жүктіліктің ерте кезеңінде қолдану ұсынылмайды және жүктіліктің 3 айдан астам мерзімінде қолданылмауы тиіс, себебі шаранаға елеулі зиян келтіруі мүмкін. Амлодипиннің аз мөлшерде емшек сүтіне түсетіні анықталды. Егер Сіз бала емізсеңіз немесе бала емізуді бастауды жоспарласаңыз, емдеуші дәрігерге хабарлаңыз. Твинста® препараты аналарға бала емізу кезінде ұсынылмайды; егер сіз бала емізуді жоспарласаңыз, әсіресе жаңа туған нәресте немесе мерзімінен бұрын босану жағдайы туралы айтылса, сіздің емдеуші дәрігеріңіз басқа емдеу әдісін ұсына алады. Кез-келген дәрілік препараттарды қабылдамас бұрын дәрігеріңізбен кеңесіңіз. Твинста® препаратын тамақ өнімдерімен бірге қолдану Спирт ішімдіктері гипотензияның нашарлауына ықпал етуі мүмкін. Сіз мұны жатқан қалпынан немесе отырған қалпынан тұрған кезде бас айналу түрінде сезінуіңіз мүмкін. Твинста® препаратын грейпфрутпен немесе грейпфрут шырынымен бірге қолдану ұсынылмайды, өйткені кейбір пациенттерде амлодипиннің биожетімділігі жоғарылауы нәтижесінде Твинста® препаратының гипертензияға қарсы әсері күшеюі мүмкін.

Емдеуші дәрігерге қандай да бір басқа препараттар қабылдап жүргеніңізді, жақын арада бұрын қабылдағаныңызды немесе қабылдауды бастайтыныңызды хабарлаңыз. Сіздің емдеуші дәрігеріңіз осы препараттардың дозасын өзгертуі немесе басқа сақтық шараларын қабылдауы мүмкін. Кейбір жағдайларда дәрілік препараттардың бірін қабылдауды тоқтату қажеттілігі туындауы мүмкін. Атап айтқанда, шектеулер төмендегі мынадай дәрілік препараттарға жатады: • депрессияның кейбір түрлерін емдеуде қолданылатын құрамында литий бар препараттар • қан сарысуындағы калий концентрациясын арттыратын препараттар, атап айтқанда, құрамында калий бар тұз алмастырғыштар немесе калий жинақтайтын диуретиктер («несеп айдайтын») • ангиотензин II рецепторларының блокаторлары • ангиотензин-өзгертетін фермент (АӨФ) немесе алискирен тежегіштері (сондай-ақ «Қолдануға болмайтын жағдайлар» және «Қолдану кезіндегі қажетті сақтық шаралары» бөліміндегі ақпаратты қараңыз) • ҚҚСП (қабынуға қарсы стероидты емес препараттар, атап айтқанда, ацетилсалицил қышқылы немесе ибупрофен), гепарин, иммунодепрессанттар (атап айтқанда, циклоспорин немесе такролимус) және триметоприм (антибиотик) • рифампицин, эритромицин, кларитромицин (антибиотиктер) • шайқурай • дантролен (организмнің жылу алмасу бұзылуының ауыр түрлерінде инфузия түрінде енгізіледі) • иммундық жүйенің функциясына әсер ететін препараттар (атап айтқанда, сиролимус, темсиролимус және эверолимус) • АИТВ/ЖИТС кезінде (мысалы, ритонавир) немесе зеңді инфекцияларды емдеу үшін қолданылатын препараттар (атап айтқанда, кетоконазол) • дилтиазем (кардиологиялық препарат) • қан сарысуындағы холестериннің жоғары болуы кезінде қолданылатын симвастатин • дигоксин Басқа гипотензиялық дәрілік препараттармен жағдайындағыдай, Твинста® препаратының тиімділігі ҚҚСП-мен (қабынуға қарсы стероидты емес препараттармен, атап айтқанда ацетилсалицил қышқылымен немесе ибупрофенмен) не кортикостероидты гормондармен бірге қабылдағанда төмендеуі мүмкін. Твинста® препараты артериялық гипертензияда қолданылатын басқа препараттардың немесе артериялық қысымды төмендететін препараттардың (мысалы, баклофен, амифостин, нейролептиктер немесе антидепрессанттар) гипотензиялық әсерін күшейтуі мүмкін.

Сақтау мерзімі 3 жыл Қаптамасында көрсетілген жарамдылық мерзімі өткеннен кейін қолдануға болмайды Сақтау шарттары Жарықтан және ылғалдан қорғау үшін түпнұсқалық қаптамасында, 30 °С- ден аспайтын температурада сақтау керек. Балалардың қолы жетпейтін жерде сақтау керек!