ТейкопланинТФ порошок 200 мг

Бір құтының ішінде белсенді зат – тейкопланин 200 мг немесе 400 мг. Қосымша заттар жоқ. Сыртқы түрінің, иісінің, дәмінің сипаттамасы Сарғыш түсті аморфты ұнтақ.

ТейкопланинТФ ересектер мен балаларда туғаннан бастап келесі көрсетілімдер бойынша қолдану үшін көрсетілген: • тері мен жұмсақ тіндердің асқынған инфекциялары; • сүйек пен буындардың инфекциялары; • ауруханаішілік пневмония; • ауруханадан тыс пневмония; • несеп шығару жолдарының асқынған инфекциялары; • инфекциялық эндокардит; • тұрақты амбулаториялық перитонеалдық диализге (ТАПД) байланысты перитонит; • жоғарыда аталған кез келген инфекцияға байланысты бактериемия. Қажет болған жағдайда Тейкопланин-ТФ басқа бактерияға қарсы препараттармен біріктіріп қолданылуы тиіс. Бактерияға қарсы препараттарды тиісінше қолдану жөніндегі ресми ұсынымдарды ескеру керек.

Әсер ету механизмі Тейкопланин гликопептидті антибиотик болып табылады, ол бета-лактамды бактерияға қарсы препараттардың әсері болатын орындардан басқа жерлерде бактериялардың жасуша қабырғасының биосинтезін тежеу арқылы өзіне сезімтал микроорганизмдердің өсуін бәсеңдетеді. Пептидогликандар синтезі ізашар жасуша қабырғасының қалдықтарымен D-аланил-D-аланинді жоғары аффинді байланыстыру арқылы бөгеледі. Резистенттілік механизмі Тейкопланинге төзімділік механизмдері нысананың құрылымдық модификациясы және муреин ізашарларының жоғары синтезі болуы мүмкін. Нысананың құрылымдық модификациясы Enterococcus faecium-ге көбірек тән және DаланилDаланин нысанасының тейкопланин нашар байланыстыратын DаланилDлактатқа дейінгі модификациясына негізделген. Жауапты ферменттер қайта синтезделген D-лактатдегидрогеназа немесе лигаза болып табылады. Стафилококктардың тейкопланинге сезімталдығының төмендеуі немесе резистенттілігі тейкопланинді байланыстыратын муреин ізашарларының жоғары синтезіне байланысты. Тейкопланин мен гликопептидті антибиотик ванкомицин арасында айқаспалы резистенттіліктің дамуы мүмкін. Ванкомицинге резистентті энтерококктардың бірқатары тейкопланинге сезімтал (Van-B фенотипі). Шектік концентрациялары Микробқа қарсы сезімталдықты тестілеу жөніндегі Еуропалық комитет (EUCAST*) сезімтал және резистентті патогендерді анықтау үшін тейкопланиннің шектік ең төмен тежейтін концентрацияларын (ЕТТК) белгіледі. Ең төмен тежегіш концентрациялардың (ЕТТК) шектік мәндері Микроорганизмдер — Сезімталдығы, мг/л — Резистенттілігі, мг/л Staphylococcus aureusa, b — ≤ 2 — > 2 Коагулаза-теріс стафилококктарa — ≤ 4 — > 4 Enterococcus spp. — ≤ 2 — > 2 Streptococcus A, B, C және G топтарыb — ≤ 2 — > 2 Streptococcus pneumoniaeb — ≤ 2 — > 2 Streptococcus Viridans тобыb — ≤ 2 — > 2 a Гликопептидтер үшін ЕТТК мәндері анықтау әдісіне байланысты және сорпадағы микро сұйылту әдісімен анықталуы керек (ISO 20776-1 сәйкес). S. aureus, ванкомициннің 2 мг/л ЕТТК кезінде жабайы түрдің таралу шекарасында орналасқан, сондықтан клиникалық жауаптың бұзылуы байқалуы мүмкін. b Сезімтал емес изоляттар сирек кездеседі немесе әлі тіркелмеген. Кез-келген осындай изолят үшін сәйкестендіру және микробқа қарсы сезімталдық тестінің нәтижелері расталуы керек және изолят бақылау зертханасына жіберілуі керек. Сезімталдық Жекелеген түрлердің жүре пайда болған резистенттілігінің таралуы әртүрлі географиялық аймақтарда және әртүрлі уақытта ауытқуы мүмкін, сондықтан резистенттілік бойынша, әсіресе ауыр инфекцияларды емдеу кезінде жергілікті ақпараттың болуы ұсынылады. Егер жергілікті резистенттіліктің құрылымы нақты дәрілік препаратты қолдану, ең болмағанда, инфекцияның кейбір түрлерінде күмән туғызатын болса, кеңес алу үшін сарапшыға жүгіну керек. ____________________ *EUCAST, нұсқасы 16.0- 01.01.2026 ж. Тейкопланин келесі микроорганизмдерге қатысты белсенді: Грамоң аэробтар: Corynebacterium jeikeiumс, Enterococcus faecalis, Staphylococcus aureus (метициллин-резистентті штаммдарды қоса), Streptococcus agalactiae, Streptococcus dysgalactiae қосалқы түрі equisimilisc (C және G Streptococcus топтары), Streptococcus pneumoniae, Streptococcus pyogenes, Streptococcus Viridans тобыc,. Грамоң анаэробтар: Clostridium difficilec, Peptostreptococcus spp.c Жүре пайда болған резистенттілігі бар түрлер Грамоң аэробтар: Enterococcus faecium, Staphylococcus epidermidis, Staphylococcus haemolyticus, Staphylococcus hominis. Табиғи резистенттілігі бар түрлер Барлық грамтеріс бактериялар, сондай-ақ Chlamydia spp., Chlamydophila spp., Legionella pneumophila, Mycoplasma spp. Клиникалық тиімділігі мен қауіпсіздігі Клиникалық тиімділігі және қауіпсіздігі туралы деректер жоқ. Балалар Балаларда жүргізілген фармакодинамикалық (клиникалық маңызды) зерттеулер мен тиімділік зерттеулерінің деректері жоқ.

Дозалау режимі Тейкопланин-ТФ препаратымен емнің дозасы мен ұзақтығын инфекцияның түрі мен ауырлығына, клиникалық жауабына, пациенттің жасына және бүйрек функциясының жай-күйіне байланысты белгілейді. Плазмалық концентрациялардың мониторингі Тейкопланиннің қалдық плазмалық концентрациясына жүктеме дозасының кезеңі аяқталғаннан кейін тепе-теңдік жағдайында мониторинг жүргізу қажет, бұл ең аз қалдық плазмалық концентрацияға жеткеніне көз жеткізу үшін қажет: • грамоң бактериялардан туындаған инфекциялардың көпшілігі үшін тейкопланиннің қалдық плазмалық концентрациясы жоғары тиімді сұйықтық хроматография (ЖТСХ) көмегімен өлшеу кезінде кемінде 10 мг/л немесе флуоресцентті поляризациялық иммундық талдау (ФПИТ) әдісімен өлшеу кезінде кемінде 15 мг/л болуы тиіс; • эндокардит және басқа да ауыр инфекциялар кезінде тейкопланиннің қалдық плазмалық концентрациясы ЖТСХ көмегімен өлшеу кезінде 15 -30 мг/л шегінде немесе ФПИТ әдісімен өлшеу кезінде 30-40 мг/л шегінде болуы тиіс. Демеуші ем кезінде осы концентрациялардың тұрақтылығына көз жеткізу үшін тейкопланиннің қалдық плазмалық концентрацияларын аптасына кемінде бір рет бақылау ұсынылады. Бүйрек функциясы қалыпты ересектер мен егде жастағы пациенттерге арналған дозалар Қолданылуы — Жүктеме доза — Демеуші доза Жүктеме дозаның режимі — Мақсатты қалдық концентра-циялар 3 күннен 5 күнге дейін — Демеуші доза — Демеуші ем кезіндегі мақсатты қалдық концентра-циялар тері мен жұмсақ тіндердің асқынған инфекциялары; пневмония; несеп шығару жолдарының асқынған инфекциялары — Әр 12 сағат сайын дене салмағына 6 мг/кг-ден вена ішіне (в/і) немесе бұлшықет ішіне (б/і) 3 енгізу — >15 мг/л1 — 6 мг/кг дене салмағына в/і немесе б/і күніне бір рет — >15 мг/л1 аптасына 1 рет - сүйектер мен буындардың инфекция-лары — Әр 12 сағат сайын дене салмағына 12 мг/кг-ден 3- 5 в/і енгізу — >20 мг/л1 — 12 мг/кг дене салмағына в/і немесе б/і күніне бір рет — >20 мг/л1 - инфекциялық эндокардит — Әр 12 сағат сайын дене салмағына 12 мг/кг-ден 3- 5 в/і енгізу — 30-40 мг/л1 — 12 мг/кг дене салмағына в/і немесе б/і күніне бір рет — >30 мг/л1 1 ФПИТ өлшенген. Доза пациенттің дене салмағының негізінде белгіленуі тиіс. Балалар 12 жастан асқан балаларға ұсынылатын доза ересектер үшін ұсынылатын дозаға ұқсас. Жаңа туған нәрестелер мен 2 айға дейінгі балалар үшін бір реттік жүктеме дозасы бірінші күні в/і инфузия арқылы 16 мг/кг құрайды.Демеуші доза тәулігіне 1 рет в/і инфузия арқылы 8 мг/кг құрайды. 2 айдан 12 жасқа дейінгі балалар үшін жүктеме доза әрбір 12 сағат сайын 10 мг/кг в/і 3 рет, ал демеуші доза тәулігіне 1 рет в/і 6-10 мг/кг құрайды. Егде жастағы пациенттер Бүйрек функциясы қалыпты егде жастағы пациенттерде дозаны түзету қажет емес. Бүйрек жеткіліксіздігі бар пациенттер Бүйрек функциясы бұзылған ересектер мен егде жастағы пациенттер үшін дозаны түзету емнің төртінші күніне дейін талап етілмейді, ол кезде доза ЖТСХ арқылы өлшеу кезінде кемінде 10 мг/л немесе ФПИТ әдісімен өлшеу кезінде кемінде 15 мг/л сарысудағы ең аз концентрацияны ұстап тұру үшін реттелуі тиіс. Дозаны түзетуді емнің 4-ші күнінен кейін күніне 1 рет дозаның жартысын енгізу жолымен бастау керек немесе: • жеңіл және ауырлығы орташа дәрежедегі бүйрек жеткіліксіздігі (креатинин клиренсі 30-80 мл/мин) кезінде демеуші дозаны дозаның жартысын енгізу жолымен не екі күнде 1 рет толық дозаны енгізу жолымен екі есе азайтады. • бүйректің ауыр жеткіліксіздігі кезінде (креатинин клиренсі <30 мл/мин) немесе гемодиализде жүрген пациенттерге күн сайын дозаның 1/3 бөлігін не 3 күнде 1 рет толық дозасын енгізеді. Тейкопланин гемодиализ арқылы шығарылмайды. Тұрақты амбулаториялық перитонеалдық диализдегі пациенттерге жүктеме дозасын в/і бір рет енгізгеннен кейін дене салмағына 6 мг/кг есебінен бірінші аптада диализ үшін ерітіндісі бар пакетке 20 мг/л дозасын; екінші аптада әртүрлі пакеттерде 20 мг/л, содан кейін үшінші аптада түнгі пакетке 20 мг/л дозасын енгізеді. Енгізу әдісі және жолы Тейкопланин-ТФ в/і немесе б/і енгізу керек. В/і енгізу 3-5 мин ішінде болюстік инъекция түрінде немесе ұзақтығы 30 мин инфузия түрінде жүзеге асырылуы тиіс. Жаңа туған нәрестелерге ТейкопланинТФ инфузия арқылы ғана енгізіледі. Ерітінділерді дайындау ережелері Тейкопланин-ТФ сұйылту кезінде асептиканың стандартты ережелерін сақтау керек. 200 мг немесе 400 мг Тейкопланин-ТФ инъекцияға арналған 3 мл суда ерітіледі. Еріткішті құтыға ұнтақ толығымен ерігенше, көбіктенуін болдырмай, құтыны абайлап шайқай отырып, баяу енгізу керек. Көбік пайда болған жағдайда ерітіндісі бар құтыны оның мөлшерін азайту үшін кемінде 15 минутқа тік күйінде қалдыру қажет. Қалпына келтірілген ерітіндінің сыртқы түрі – сарғыштан қоңыр түске дейінгі мөлдір ерітінді. Алынған ерітіндіні инъекция арқылы енгізуге немесе келесі инфузиялық еріткіштердің бірінде сұйылтуға болады: 0.9% натрий хлориді ерітіндісі, Рингер ерітіндісі, лактат-Рингер ерітіндісі, 5% глюкоза ерітіндісі, 10% глюкоза ерітіндісі, 4% глюкоза ерітіндісі бар 0.18% натрий хлориді ерітіндісі, 5% глюкоза ерітіндісі бар 0.45% натрий хлориді ерітіндісі, 1.36% немесе 3.86% глюкоза бар перитонеалдық диализ ерітіндісі. Дайындалған ерітіндінің сыртқы түрі - мөлдір түссіз ерітінді. Талап етілетіннен аз дозаны енгізуді болдырмау үшін дәрілік препарат толығымен ерітілуі тиіс. Дайындалған ерітінді құтыдан мұқият шығарылуы тиіс! Инфузия үшін қалпына келтірілген/сұйылтылған ерітінділер 2-8 °С температурада (тоңазытқыш) 24 сағат бойы өзінің физикалық және химиялық тұрақтылығын сақтайды. Микробиологиялық тұрғыдан алғанда, дәрілік препаратты дереу қолдану керек, әйтпесе қолдану үдерісінде сақтау уақыты мен шарттары үшін жауапкершілік тұтынушыға жүктеледі. Егер Тейкопланин-ТФ басқа антибиотиктермен біріктіріп енгізілсе, тейкопланин ерітіндісін бөлек енгізу керек. Бұл дәрілік препаратты осы бөлімде көрсетілгендерді қоспағанда, басқа дәрілік препараттармен араластыруға болмайды. Қалған барлық дәрілік препарат пен қалдықтарды белгіленген тәртіппен жою керек. Емдеу ұзақтығы Емнің ұзақтығы пациенттің клиникалық жауабына байланысты. Инфекциялық эндокардит үшін емнің ең аз ұзақтығы 21 күнді құрайды. Емдеу курсы 4 айдан аспауы керек. Дәрілік препаратты қолдану тәсілін түсіну үшін медицина қызметкерінен кеңес алуға бару жөнінде нұсқаулар Препаратты қолдану бойынша сұрақтар болған жағдайда емдеуші дәрігерге жүгініңіз.

• тейкопланинге аса жоғары сезімталдық • жүктілік • лактация кезеңі.

Жағымсыз реакциялар кездесу жиілігінің келесі санаттарына сәйкес берілген: өте жиі (≥ 1/10), жиі (≥ 1/100, < 1/10), жиі емес (≥ 1/1000, < 1/100), сирек (≥ 1/10000, < 1/1000), өте сирек (< 1/10000), белгісіз (қолда бар деректердің негізінде бағалау мүмкін емес). Жиі - бөртпе, эритема, қышыну - енгізу орнындағы ауырсыну, қызба Жиі емес - лейкопения, тромбоцитопения, эозинофилия - анафилаксиялық реакциялар (анафилаксия) - бас айналуы, бас ауыруы - кереңдік, естудің нашарлауы, тиннит (құлақтағы шуыл), вестибулярлық бұзылулар - флебит - бронх түйілуі - диарея, құсу, жүрек айнуы - қан сарысуындағы креатининнің жоғарылауы - сарысудағы трансаминазалар, сілтілі фосфатаза деңгейінің транзиторлы жоғарылауы Сирек - абсцесс - «қызыл адам» синдромы (дененің жоғарғы бөлігінің қызаруы) Белгісіз - суперинфекция (сезімтал емес микроорганизмдердің шамадан тыс өсуі) - агранулоцитоз, нейтропения, панцитопения - эозинофилиямен және жүйелі көріністермен дәрілік бөртпе (DRESS синдром), анафилаксиялық шок - пароксизмалық құрысулар - тромбофлебит - уытты эпидермалық некролиз, Стивенс-Джонсон синдромы, жедел жайылған экзантематоздық пустулез, мультиформалы эритема, ангионевроздық ісіну, эксфолиативті дерматит, есекжем - бүйрек жеткіліксіздігі (жедел түрін қоса) - енгізу орнындағы абсцесс, қалтырау. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Препараттың артық дозалануында симптоматикалық ем қолданылады. Тейкопланин гемодиализ көмегімен шығарылмайды, перитонеалдық диализ арқылы баяу шығарылады.

Аса жоғары сезімталдық реакциялары Тейкопланин-ТФ қолданғанда аса жоғары сезімталдықтың ауыр, кейде өліммен аяқталатын реакциялары (анафилаксиялық шокты қоса) болуы мүмкін. Тейкопланин-ТФ препаратына аса жоғары сезімталдық реакциясы туындаған жағдайда дәрілік препаратты дереу тоқтатып, тиісті ем жүргізу қажет. Тейкопланин-ТФ ванкомицинге анықталған аса жоғары сезімталдығы бар пациенттерге сақтықпен тағайындау керек (анафилаксиялық шокты қоса алғанда, айқаспалы аллергия болуы мүмкін). Алайда, анамнездегі ванкомицинді қолданумен байланысты «қызыл адам» синдромының болуы тейкопланинді қолдануға қарсы көрсетілім болмайды. Инфузиямен байланысты реакциялар Сирек жағдайларда (тіпті бірінші дозаны қолданғанда да) «қызыл адам» синдромының көріністері (қышыну, есекжем, эритема, ангионевроздық ісіну, тахикардия, гипотензия, ентігу кіретін симптомдар кешені) байқалды. Инфузияны тоқтату немесе баяулату осы реакциялардың жойылуына әкелуі мүмкін. Инфузиялық реакциялар жиілігін төмендету үшін тәуліктік дозаны болюстік инъекция түрінде емес, 30 минуттық инфузия жолымен енгізу керек. Ауыр буллезді реакциялар Тейкопланин қабылдаған пациенттерде Стивенс-Джонсон синдромы (СДС) және уытты эпидермалық некролиз (УЭН) және эозинофилиямен және жүйелі симптомдармен дәрілік реакция сияқты ауыр (кейде өліммен аяқталатын) жағымсыз тері реакцияларының дамуы туралы хабарланды. Сондай-ақ тейкопланинмен емдеген кезде жедел жайылған экзантематоздық пустулез (ЖЖЭП) дамуы туралы хабарланды. СДС немесе УЭН симптомдары немесе белгілері пайда болса (мысалы, үдемелі тері бөртпесі, көбінесе күлдіреуікпен немесе шырышты қабықтың зақымдалуымен), Тейкопланин-ТФ препаратымен емдеуді дереу тоқтату керек! Бактерияға қарсы белсенділігі Тейкопланиннің бактерияға қарсы белсенділік спектрі грамоң микроорганизмдермен шектелген. Тейкопланин-ТФ тейкопланинге анықталған немесе ықтималдығы жоғары сезімталдығы бар қоздырғыштар туғызған аурулардан басқа, инфекциялардың кейбір түрлеріне монотерапия ретінде пайдалануға жарамсыз. Тейкопланин-ТФ тағайындау кезінде белсенділіктің бактериялық спектрін, қауіпсіздік бейінін және әрбір нақты пациентті емдеу үшін стандартты бактерияға қарсы емнің жарамдылығын ескеру қажет. Көптеген жағдайларда Тейкопланин-ТФ стандартты бактерияға қарсы белсенділік қолайсыз болатын пациенттерде ауыр инфекцияларды емдеуге жарамды деп болжанады. Тейкопланинді қарыншаішілік енгізу жолымен енгізбеген жөн. Тромбоцитопения Тейкопланинді қолданғанда тромбоцитопения жағдайлары туралы хабарланды. Емдеу кезінде қанның толық талдауын қоса, мезгіл-мезгіл гематологиялық зерттеулер жүргізіп отыру ұсынылады. Нефроуыттылық Тейкопланинді қабылдаған пациенттерде нефроуыттылық және бүйрек жеткіліксіздігі туралы хабарланды. Бүйрек жеткіліксіздігі бар, тейкопланинді қабылдау режимінің жоғары жүктемелік дозасын қабылдап жүрген және тейкопланинді нефроуыттылық ықтималдығы белгілі басқа дәрілік заттармен (мысалы, аминогликозидтер, колистин, амфотерицин В, циклоспорин және цисплатин) біріктіріп немесе бірінен кейін бірін қабылдап жүрген пациенттер мұқият бақылануы және есту қабілеттеріне тест жүргізілуі тиіс (төменнен «Отоуыттылық» қараңыз). Тейкопланин негізінен бүйрекпен шығарылатындықтан, бүйрек жеткіліксіздігі бар пациенттерде Тейкопланин-ТФ дозасын түзету қажет. Отоуыттылық Басқа гликопептидтер жағдайындағыдай, тейкопланин қабылдаған пациенттерде отоуыттылық (кереңдік және құлақтағы шуыл) жағдайлары туралы хабарланды. Тейкопланин-ТФ препаратымен емдеу кезінде, әсіресе ұзақ емделу немесе бүйрек жеткіліксіздігі жағдайында есту қабілетінің бұзылу белгілері мен симптомдары не ішкі құлақтың зақымдануы байқалған пациенттерді мұқият тексеру қажет. Тейкопланинді нефроуыттылық және/немесе нейроуыттылық / отоуыттылық әлеуеті белгілі басқа дәрілік заттармен (мысалы, аминогликозидтер, колистин, амфотерицин В, циклоспорин, цисплатин, фуросемид және этакрин қышқылы) біріктіріп немесе бірінен кейін бірін қабылдап жүрген пациенттерде мұқият бақылау және есту нашарлаған кездегі тейкопланиннің пайдасын бағалау керек. Тейкопланин-ТФ отоуытты және/немесе нефроуытты дәрілік препараттармен қатар емдеу талап етілетін пациенттерде қолданған кезде ерекше алдын алу шаралары қабылдануы тиіс; мұндай пациенттерге тұрақты қан талдауын, бауыр мен бүйрек функциясын бақылауды жүргізу ұсынылады. Суперинфекция Басқа антибиотиктер жағдайындағы сияқты, тейкопланинді қолдану, әсіресе ұзақ уақыт, сезімтал микроорганизмдердің шамадан тыс көбеюіне әкелуі мүмкін. Ем кезінде суперинфекция пайда болған жағдайда тиісті шараларды қабылдау керек. Препараттың көлік құралын және қауіптілігі зор механизмдерді басқару қабілетіне әсер ету ерекшеліктері Тейкопланин бас айналуы мен бас ауыруын тудыруы мүмкін, бұл көлік құралдарын және қауіптілігі зор механизмдерді басқару қабілетіне әсер етуі мүмкін. Осындай жағымсыз әсерлері болған пациенттер автокөлікті басқарудан немесе механизмдермен жұмыс істеуден бас тартқаны жөн.

Тейкопланин-ТФ қолдану ана үшін емнің күтілетін пайдасы шарана үшін әлеуетті қауіптен асып кеткен жағдайда ғана өмірлік көрсеткіштері бойынша мүмкін болады. Шаранада ішкі құлақ пен бүйректің зақымдану қаупін жоққа шығаруға болмайды. Бала емізуді тоқтату/жалғастыру немесе Тейкопланин-ТФ қолдануды тоқтату/жалғастыру туралы шешім бала үшін емізудің пайдасы мен ана үшін тейкопланинмен емдеудің пайдасы ескеріле отырып қабылдануы тиіс.

Тейкопланин мен аминогликозидтердің ерітінділері үйлеспейді және инъекция үшін араластырылмауы тиіс. Алайда олар диализ сұйықтығында үйлесімді және ТАПД байланысты перитонитті емдеу үшін шектеусіз қолдануға болады. Тейкопланинді нефроуыттылық және/немесе нейроуыттылық / отоуыттылық әлеуеті белгілі басқа дәрілік заттармен біріктіріп немесе бірінен кейін бірін сақтықпен қолдану керек. Оларға, мысалы, аминогликозидтер, колистин, амфотерицин В, циклоспорин, цисплатин, фуросемид және этакрин қышқылы жатады («Қолдану кезіндегі қажетті сақтандыру шаралары» бөлімін қараңыз).

Сақтау мерзімі 2 жыл. Жарамдылық мерзімі өткеннен кейін қолдануға болмайды. Сақтау шарттары Жарықтан қорғалған жерде, 2 °С -ден 8 °С -ге дейінгі температурада сақтау керек. Балалардың қолы жетпейтін жерде сақтау керек!