ТЕКАФУМ капсулы 120 мг

Бір капсуланың құрамында белсенді зат - диметилфумарат 120 мг немесе 240 мг, қосымша заттар: микрокристалды целлюлоза (РН112), повидон-К30, кросповидон (А типі), сусыз коллоидты кремнийдің қостотығы, магний стеараты, SheffCoat Мөлдір ASA 5X00294: гипромеллоза (гидроксипропилметилцеллюлоза), триацетин, тальк SheffCoat Ақ ENT TEC 5X00273: метакрил қышқылы/этилакрилат 1: 1 сополимері, тальк, титанның қостотығы (Е171), триэтилцитрат капсула корпусы (120 мг доза үшін): желатин, титанның қостотығы (Е 171) капсула корпусы (240 мг доза үшін): желатин, титанның қостотығы (Е 171), темірдің сары тотығы (Е 172), бриллиантты көк FCF-FD&C Көк 1 (E133) қақпақша: желатин, титанның қостотығы (Е 171), темірдің сары тотығы (Е 172), бриллиантты көк FCF-FD&C Көк 1 (E133) TekPrint SW-9008 Қара сия: шеллак, пропиленгликоль, концентрацияланған аммиак ерітіндісі (E527), калий гидроксиді, темірдің қара тотығы (Е 172) Сыртқы түрінің, иісінің, дәмінің сипаттамасы Өлшемі №0, жасыл мөлдір емес қақпақшасы мен ақ мөлдір емес корпусы бар, корпусында қара сиямен «DMF 120» таңбалауы жазылған, ішінде ақтан немесе ақ дерлік түске дейінгі он мини-таблеткасы бар капсула (120 мг дозасы үшін). Өлшемі №00, жасыл мөлдір емес қақпақшасы мен корпусы бар, корпусында қара сиямен «DMF 240» таңбалауы жазылған, ішінде ақтан немесе ақ дерлік түске дейінгі жиырма мини-таблеткасы бар капсула (240 мг дозасы үшін).

ТЕКАФУМ дәрілік заты қайталанатын ремиссиялы шашыраңқы склерозы бар (ҚРШС) ересектерді емдеу үшін қолданылады.

Иммуносупрессанттар. Басқа иммуносупрессанттар. Диметилфумарат. АТХ коды: L04AX07 Әсер ету механизмі. Шашыраңқы склероз кезінде диметилфумараттың емдік әсер ету механизмі толығымен зерттелмеген. Клиникаға дейінгі зерттеулерде диметилфумараттың фармакодинамикалық әсері негізінен ядролық фактор транскрипциясының активациясына (2-эритроидты дериватқа (Nrf2)) байланысты екендігі көрсетілген. Диметилфумарат пациенттердің Nrf2-тәуелді антиоксидантты гендерін (мысалы, NAD(P)H-дегидрогеназа, хинон 1; [NQO1]) белсендіретіні анықталды. Фармакодинамикалық әсерлер. Иммундық жүйеге әсері. Клиникаға дейінгі және клиникалық зерттеулерде диметилфумарат қабынуға қарсы және иммуномодуляциялайтын әсерін көрсетті. Диметилфумарат пен оның негізгі метаболиті монометилфумарат иммундық жасушалардың белсендірілуін және қабыну тітіркендіргіштеріне жауап ретінде қабынуға қарсы цитокиндердің кейіннен босап шығуын айтарлықтай төмендететіні дәлелденді. Псориазбен ауыратын пациенттер арасындағы клиникалық зерттеулерде диметилфумарат қабынуға қарсы цитокиндердің (TH1, TH17) бейіндерін тежеу арқылы лимфоциттердің фенотипіне әсер етті және қабынуға қарсы өнімдерге (TH2) қарай ығысқан. Диметилфумарат қабыну және нейроқабыну зақымданудың бірнеше модельдерінде емдік белсенділікті көрсетті. Шашыраңқы склерозы бар пациенттерде III фаза зерттеулерінде (DEFINE, CONFIRM және ENDORSE) диметилфумаратпен емдеу кезінде бірінші жыл ішінде лимфоциттердің орташа санының орташа есеппен бастапқы мәнінен шамамен 30% - ға төмендеуі, кейіннен платоға жетуі байқалды. Бұл зерттеулерде диметилфумаратпен емді тоқтатқан, лимфоциттер саны 0,9х109/л қалыптың төменгі шегінен (ҚТШ) төмен пациенттерде лимфоциттер санының ҚТШ-ға дейін қалпына келуі байқалды. 1-суретте ұзаққа созылған ауыр лимфопениясыз Каплан-Мейер әдісі бойынша ҚТШ-ға жеткен пациенттердің үлесі көрсетілген. Негізгі қалпына келтіру деңгейі (НҚД) диметилфумаратты қабылдауды тоқтатар алдында емдеу кезінде лимфоциттердің соңғы абсолютті саны (ЛАС) ретінде анықталды. НҚД-да жеңіл, орташа немесе ауыр лимфопения болған 12-ші және 24-ші аптада ҚТШ-ға (ЛАС ≥ 0,9 x 109/л) дейін сауыққан пациенттердің бағалау үлесі 95% нүктелі сенімді аралықтармен 1-кестеде, 2-кестеде және 3-кестеде ұсынылған. Каплан-Мейердің өміршеңдік функциясын стандартты бағалау қатесі Гринвуд формуласы бойынша есептеледі. 1-сурет: Каплан-Мейер әдісі; Негізгі қалпына келтіру деңгейінен (НҚД) ≥ 910 жасуша/мм3 ҚТШ-ға дейін қалпына келтірілген пациенттердің үлесі Ескертпе: 500 жасуша/мм3, 800 жасуша/мм3, 910 жасуша/мм30,5×109/л, 0,8×109/л және сәйкесінше 0,9 × 109/л сәйкес келеді. 1-кесте: Каплан-Мейер әдісі; Ұзаққа созылған ауыр лимфопениясы бар пациенттерді қоспағанда, негізгі қалпына келтіру деңгейінде (НҚД) ҚТШ бағалауы бойынша жеңіл лимфопенияға жеткен пациенттердің үлесі Қауіпке бейім орташа лимфопениясыа бар пациенттер саны — Негізгі деңгей N=86 — 12-ші апта N=12 — 24-ші апта N=4 Пропорция ҚТШ-ға жетеді (95% СА) — 0,81 (0,71, 0,89) — 0,90 (0,81, 0,96) a Ұзаққа созылған ауыр лимфопениясы бар пациенттерді қоспағанда, НҚД кезінде ҚТШ< 0,9х109/л және ≥ 0.8 ×109/л болатын пациенттер. 2-кесте: Каплан-Мейер әдісі; Ұзаққа созылған ауыр лимфопениясы бар пациенттерді қоспағанда, негізгі қалпына келтіру деңгейінде (НҚД) ҚТШ бағалауы бойынша орташа лимфопенияға жеткен пациенттердің үлесі Қауіпке бейім орташа лимфопениясыа бар пациенттер саны — Негізгі деңгей N=124 — 12-ші апта N=33 — 24-ші апта N=17 Пропорция ҚТШ-ға жетеді (95% СА) — 0,57 (0,46, 0,67) — 0,70 (0,60, 0,80) 3-кесте: Каплан-Мейер әдісі; Ұзаққа созылған ауыр лимфопениясы бар пациенттерді қоспағанда, негізгі қалпына келтіру деңгейінде (НҚД) ҚТШ бағалауы бойынша ауыр лимфопенияға жеткен пациенттердің үлесі Қауіпке ұшыраған ауыр лимфопениясыа бар пациенттер саны — Негізгі деңгей N=18 — 12-ші апта N=6 — 24-ші апта N=4 Пропорция ҚТШ-ға жетеді (95% СА) — 0,43 (0,20, 0,75) — 0,62 (0,35, 0,88) a Ұзаққа созылған ауыр лимфопениясы бар пациенттерді қоспағанда, НҚД кезінде ҚТШ< 0,5х109/л болатын пациенттер. Клиникалық тиімділік және қауіпсіздік Екі жылдық, рандомизацияланған салыстырмалы жасырын плацебо бақыланатын екі зерттеу жүргізілді. 1234 пациенттің қатысуымен жүргізілген 1-зерттеу (DEFINE) және қайталанатын ремиссиялы шашыраңқы склерозы (РРШС) бар 1417 пациенттің қатысуымен жүргізілген 2-зерттеу (CONFIRM). Аурудың үдемелі түрлеріне шалдыққан пациенттер бұл зерттеулерге қатысқан жоқ. Тиімділігі (4-кестені қараңыз) мен қауіпсіздігі рандомизацияға дейін бір жыл ішінде кем дегенде 1 қайталану тіркелген немесе рандомизацияға дейін 6 апта ішінде гадолинийді (Gd+) күшейтетін кем дегенде бір зақымдануды көрсететін мидың МРТ бар, мүгедектікті кеңейтілген бағалау шкаласы (EDSS) бойынша 0-ден қоса алғанда 5-ке дейінгі баллы бар пациенттерде көрсетілді. CONFIRM зерттеуінде глатирамер ацетаты компараторының жасырын емдеу әдісі (яғни, зерттелетін препаратқа реакцияны "жасырын" бағалаған зерттеуші дәрігер/зерттеуші) қолданылды. DEFINE зерттеуінде пациенттерде келесі орташаланған сипаттамалар болды: жасы - 39; ауру ұзақтығы - 7 жыл; мүгедектікті кеңейтілген бағалау шкаласы (EDSS) бойынша балл қосындысы - 2,0. Сонымен қатар, пациенттердің 16% -ында мүгедектікті бағалау шкаласы (EDSS) бойынша балл > 3,5 болды, пациенттердің 28% - ында алдыңғы жылы ≥2 қайталану тіркелді, ал пациенттердің 42% - ында шашыраңқы склероз үшін жалпы қабылданған басқа ем қабылданды. Зерттеуге қатысқан МРТ тобындағы пациенттердің 36 % -ында гадолиний Gd+ (Gd+ - 1.4 орташа зақымдану саны) жинақтайтын бір зақымдану байқалды. CONFIRM зерттеуінде пациенттерде келесі негізгі орташаланған сипаттамалар болды: жасы - 37 жас; ауру ұзақтығы - 6.0 жыл; мүгедектікті кеңейтілген бағалау шкаласы бойынша балл қосындысы - 2,5. Сонымен қатар, 17% -ында мүгедектікті бағалау шкаласы (КМБШ) бойынша балл > 3.5 болды, пациенттердің 32% - ында алдыңғы жылы ≥2 қайталану тіркелді, ал пациенттердің 30% - ында шашыраңқы склероз үшін жалпы қабылданған басқа ем қабылданды. Зерттеуге қатысқан МРТ тобындағы пациенттердің 45% -ында гадолиний Gd+ (Gd+ - 2,4 орташа зақымдану саны) жинақтайтын бір зақымдану байқалды. Плацебо тобымен салыстырғанда, диметилфумарат қабылдаған пациенттер: DEFINE зерттеудің бастапқы соңғы нүктесі, 2 жыл ішінде қайталануы бар пациенттердің арақатынасы және CONFIRM зерттеудің бастапқы соңғы нүктесі, 2 жыл ішінде қайталанудың орташа жылдық жиілігі (РОЖ) бойынша клиникалық және статистикалық маңызды төмендеуді көрсетті. 4-кесте: DEFINE және CONFIRM зерттеулерінің клиникалық және МРТ соңғы нүктелері DEFINE — CONFIRM Плацебо — Текафум күніне 2 рет 240 мг — Плацебо — Текафум күніне 2 рет 240 мг — Глатирамер ацетаты Клиникалық нәтижелер a Пациенттер саны — 408 — 410 — 363 — 359 — 350 Қайталанудың орташа жылдық жиілігі — 0,364 — 0,172*** — 0,401 — 0,224*** — 0,286* Қауіптер қатынасы (95% СА) — 0,47 (0,37, 0,61) — 0,56 (0,42, 0,74) — 0,71 (0,55, 0,93) Қайталануы бар пациенттердің арақатынасы — 0,461 — 0,270*** — 0,410 — 0,291** — 0,321** Қауіптер қатынасы (95% СА) — 0,51 (0,40, 0,66) — 0,66 (0,51, 0,86) — 0,71 (0,55, 0,92) Мүгедектіктің расталған 12 апталық үдеуімен арақатынасы — 0,271 — 0,164** — 0,169 — 0,128# — 0,156# Қауіптер қатынасы (95% СА) — 0,62 (0,44, 0,87) — 0,79 (0.52, 1,19) — 0,93 (0,63, 1,37) Мүгедектіктің расталған 24 апталық үдеуімен арақатынасы — 0.169 — 0,128# — 0,125 — 0,078# — 0,108# Қауіптер қатынасы (95% СА) — 0,77 (0,52, 1,14) — 0,.62 (0,37, 1,03) — 0,87 (0.55, 1,38) МРТ нәтижелері b Пациенттер саны — 165 — 152 — 144 — 147 — 161 2 жыл ішінде жаңа немесе қайта ұлғайған T2-ошақтарының орташа (медианалық) саны — 16,5 (7,0) — 3,2 (1,0) *** — 19,9 (11,0) — 5,7 (2,0) *** — 9,6 (3,0) *** Орташа зақымдану ошақтарының орташа арақатынасы (95% СА) — 0,15 (0,10, 0,23) — 0,29 (0.21, 0,41) — 0,46 (0,33, 0,63) 2 жыл ішінде контрастылы Gd+ ошақтарының орташа (медианалық) саны — 1,8 (0) — 0,1 (0)*** — 2,0 (0,0) — 0,5 (0,0)*** — 0,7 (0,0)** Теңсіздік коэффициенті (95% СА) — 0,10 (0,05, 0,22) — 0,26 (0,15, 0,46) — 0,39 (0,24, 0,65) 2 жыл ішінде жаңа T1 қарқындылығы төмен ошақтардың орташа (медианалық) саны — 5,7 (2,0) — 2,0 (1,0) *** — 8,1 (4.0) — 3,8 (1,0) *** — 4,5 (2,0) ** Ошақтардың орташа арақатынасы (95% СА) — 0,28 (0,20, 0,39) — 0,43 (0,30, 0,61) — 0,59 (0,42, 0,82) a Клиникалық нәтижелердің барлық талдаулары тағайындалған медициналық араласымға сәйкес болды; b МРТ талдау кезінде топтың МРТ қолданылды; *P-мәні < 0.05; **P-мәні < 0.01; ***P-мәні < 0.0001; # статистикалық маңызды емес мән Ашық бақыланбайтын 8 жылдық кеңейтілген зерттеуде (ENDORSE) тірек зерттеулерінен (DEFINE және CONFIRM) 1736 РРШС бар пациент қатысты. Зерттеудің негізгі мақсаты ҚРШС бар пациенттерде диметилфумараттың ұзақ мерзімді қауіпсіздігін бағалау болды. 1736 пациенттің жартысына жуығы (909, 52%) 6 жыл немесе одан да көп уақыт бойы емделді. 501 пациенттен тұратын топ диметилфумаратты барлық 3 зерттеуде күніне екі рет 240 мг дозада үздіксіз қабылдады, ал бұрын DEFINE және CONFIRM зерттеулерінде плацебо қабылдаған 249 пациент ENDORSE зерттеуінде күніне екі рет 240 мг дозада ем қабылдады. Күніне екі рет үздіксіз ем қабылдаған пациенттер 12 жылға дейін емделді. ENDORSE зерттеуі кезінде күніне екі рет 240 мг дозада диметилфумарат қабылдаған барлық пациенттердің жартысынан астамында қайталану болған жоқ. Барлық 3 зерттеуде күніне екі рет үздіксіз ем қабылдаған пациенттер үшін түзетілген РОЖ ENDORSE зерттеуінде DEFINE және CONFIRM зерттеулерінде 0,187 (95% СА: 0,156, 0,224) және 0,141 (95% СА: 0,119, 0,167) құрады. Бұрын плацебо қабылдаған пациенттер үшін түзетілген РОЖ DEFINE және CONFIRM зерттеулерінде 0,330-дан (95% СА: 0,266, 0,408) ENDORSE зерттеуінде 0,149-ға дейін (95% СА: 0,116, 0,190) төмендеді. ENDORSE зерттеуінде пациенттердің көпшілігінде (>75%) мүгедектіктің расталған үдеуі болған жоқ (6 ай ішінде мүгедектіктің тұрақты үдеуі ретінде өлшенеді). Үш зерттеудің біріктірілген нәтижелері диметилфумаратпен ем қабылдаған пациенттерде ENDORSE шкаласы бойынша КМБШ шкаласы бойынша орташа баллдың шамалы ұлғаюымен мүгедектіктің расталған үдеудің тұрақты және төмен көрсеткіштері болды. МРТ бағалауы (6-шы жылға дейін, оның ішінде 752 пациент бұрын анықталған және анықталған МРТ зерттеу тобына енгізілген) пациенттердің көпшілігінде (шамамен 90%) GD күшейтетін ошақтар жоқ екенін көрсетті. 6 жыл ішінде жаңа немесе жақында ұлғайтылған Т2 және жаңа Т1 ошақтарының жыл сайынғы түзетілген орташа саны төмен болып қалды. Ауру белсенділігі жоғары пациенттердегі тиімділік. DEFINE және CONFIRM зерттеулерінде ауру белсенділігі жоғары пациенттердің қосалқы тобында мүгедектіктің үш айлық тұрақты үдеуі басталғанға дейінгі уақыт кезеңіне әсері нақты белгіленбегенде ауру қайталану санының төмендеуіне қатысты тұрақты емдік әсер тіркелген. Аурудың жоғары белсенділігі келесідей анықталды: - жылына 2 немесе одан да көп қайталануы бар және ми МРТ-да бір немесе одан да көп гадолиний-контрастылы ошағы (Gd) бар пациенттер (DEFINE-де n=42; CONFIRM-де n=51) немесе - өткен жылы ем қабылдау барысында кемінде 1 қайталану болған және ми МРТ-да кем дегенде 9 Т2-аса қарқынды зақымдану немесе кем дегенде 1 гадолиний-контрастылы ошақ бар бета-интерферонмен емнің толық және талапқа сай курсына жауап бермейтін пациенттер немесе алдыңғы екі жылмен салыстырғанда өткен жылы қайталанудың жиілігі өзгермеген немесе жоғарылаған пациенттер (DEFINE-де n=177; CONFIRM-де n= 141).

Дозалау режимі Препаратты қолдануды шашыраңқы склерозды емдеуде тәжірибесі бар дәрігердің бақылауымен бастаған жөн. Бастапқы доза тәулігіне 2 рет 120 мг құрайды. 7 күннен кейін дозаны тәулігіне 2 рет ұсынылатын 240 мг демеуші дозаға дейін арттыру керек. • Асқазан-ішек жолы тарапынан жағымсыз реакциялар немесе «қан кернеуі» көріністері пайда болған кезде препараттың дозасын тәулігіне 2 рет 120 мг-ға дейін қысқартуға болады. 1 ай ішінде препаратты тәулігіне 2 рет 240 мг дозада қабылдауды қайта бастау ұсынылады. Енгізу әдісі мен жолы Ішке қабылдауға арналған. Капсуланы тұтастай жұтқан жөн. Капсуланы немесе оның ішіндегісін ұсақтауға, бөлуге, ерітуге, соруға немесе шайнауға болмайды, себебі мини-таблетканың энтеросолюбильді жабыны асқазан-ішек жолының тітіркенуіне жол бермейді. Қабылдау уақыты көрсетілген қолдану жиілігі ТЕКАФУМ дәрілік затын тамақ ішу кезінде қабылдау керек. Асқазан-ішек жолының тарапынан жағымсыз реакциялар немесе қан кернеуін сезінуі мүмкін пациенттер үшін ТЕКАФУМ препаратын тамақпен бірге қабылдау көтерімділікті жақсартуы мүмкін. Емдеу ұзақтығы Емдеу курсын дәрігер анықтайды Дәрілік препараттың бір немесе бірнеше дозасын өткізіп алған кездегі қажетті шаралар • Егер пациент препаратты қабылдауды өткізіп алса, қосарлы дозаны қабылдауға тыйым салынады. Пациент өткізіп алған дозаны кем дегенде 4 сағаттан кейін қабылдай алады. Кері жағдайда, пациент келесі дозаны қабылдағанға дейін күтуі керек. Тоқтату симптомдары қаупінің бар болуын көрсету • Осы дәрілік затқа қатысы жоқ. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну жөніндегі ұсынымдар • Әрқашан препаратты қосымша параққа немесе емдеуші дәрігердің ұсынымдарына сәйкес қабылдаңыз.

• әсер етуші затқа немесе препараттың қосымша заттардың кез келгеніне аса жоғары сезімталдық; • балалар мен 18 жасқа дейінгі жасөспірімдер; • жүктілік және бала емізу кезеңі; • күмән туындататын немесе расталған үдемелі мультифокальді лейкоэнцефалопатия (ҮМЛ).

Анағұрлым жиі кездесетін жағымсыз реакциялар - қан кернеулері (35%) және асқазан-ішек жолы тарапынан жағымсыз реакциялар (яғни диарея (14%), жүрек айнуы (12%), іштің ауыруы (10%), іштің жоғарғы бөлігіндегі ауырсыну (10%)). Қан кернеулері және асқазан-ішек жолы тарапынан жағымсыз реакциялар, әдетте, емдеу курсының басында басталады (негізінен бірінші айда) және қан кернеулері мен асқазан-ішек жолы тарапынан жағымсыз реакциялар байқалған пациенттерде, бұл әсерлер диметилфумаратпен емдеу кезінде мезгіл-мезгіл пайда болуы мүмкін. Емді тоқтатуға әкелетін, анағұрлым көп таралған жағымсыз реакциялар қан "кернеулері" (3 %) және асқазан-ішек жолы тарапынан жағымсыз реакциялар (4%) болды. Басқа жағымсыз реакциялар Өте жиі - қан кернеуі - диарея - жүрек айнуы - іштің жоғарғы бөлігіндегі ауырсыну - іштің ауыруы - кетонурия Жиі - гастроэнтерит - лимфопения - лейкопения - күйдіріп ашыту сезімі - гиперемия - құсу - диспепсия - гастрит - асқазан-ішек жолы тарапынан бұзылулар - аспартатаминотрансфераза деңгейінің жоғарылауы - аланинаминотрансфераза деңгейінің жоғарылауы - қышыну - бөртпе - эритема - алопеция - протеинурия - ысынуды сезіну - альбуминурия - қандағы лейкоциттер деңгейінің төмендеуі Жиі емес - тромбоцитопения - аса жоғары сезімталдық Сирек - бауырдың дәрілік зақымдануы Белгісіз - үдемелі мультифокальді лейкоэнцефалопатия (ҮМЛ) - белдемелі герпес - анафилаксия - ентігу - гипотензия - гипоксия - Квинке ісінуі - ринорея Жекелеген жағымсыз реакциялардың сипаттамасы Қан кернеуі Плацебо-бақыланатын зерттеулерде плацебо қабылдаған пациенттермен салыстырғанда диметилфумарат қабылдаған пациенттерде қан кернеуі жиілігінің жоғарылауы (4% - бен салыстырғанда 34%) және ысынуды сезіну (2% - бен салыстырғанда 7%) байқалды. Қан кернеуін сезіну әдетте қан ағымы немесе ысынуды сезіну ретінде сипатталады, бірақ өзіне басқа құбылыстарды қамтуы мүмкін (мысалы, температураның жоғарылауы, қызару, қышыну және күйдіріп ашу). Қан кернеуі әдетте диметилфумаратпен емдеудің басында басталады (негізінен бірінші айда), бұл құбылыстар ем кезінде мезгіл-мезгіл пайда болуы мүмкін. Пациенттердің көбінде қан кернеуі жағдайлары жеңіл немесе орташа дәрежеде болды. Жалпы алғанда, диметилфумаратты қолданған пациенттердің 3%-ы қан кернеуі салдарынан емдеуді тоқтатты. Жайылған эритемамен, бөртумен және/немесе қышынумен сипатталатын ауыр дәрежедегі қан кернеуі жағдайларының жиілігі диметилфумаратты қолданған пациенттердің 1% - дан азында байқалды. Асқазан-ішек жолы тарапынан бұзылулар Асқазан-ішек жолы тарапынан жағымсыз реакциялардың жиілігі (мысалы, диарея (10% - бен салыстырғанда 14%), жүрек айнуы (9% - бен салыстырғанда 12%), іштің жоғарғы бөлігіндегі ауырсыну (6%-бен салыстырғанда 10%), іштің ауыруы (4%-бен салыстырғанда 9%), құсу (5%-бен салыстырғанда 8%) және диспепсия (3%-бен салыстырғанда 5%) плацебомен салыстырғанда диметилфумаратты қолданған пациенттерде жоғары болды. Асқазан-ішек жолы тарапынан жағымсыз реакциялар әдетте диметилфумаратпен емдеу басында басталады (негізінен бірінші айда) және ем кезінде мезгіл-мезгіл пайда болуы мүмкін. Көп жағдайда асқазан-ішек жолы тарапынан симптомдардың қарқындылығын пациенттер жеңіл немесе орташа деп атап өтті. Диметилфумарат қабылдаған пациенттердің төрт пайызы (4 %) асқазан-ішек жолы тарапынан жағымсыз реакцияларға байланысты емдеуді тоқтатты. Диметилфумарат қабылдаған пациенттердің 1%-інде асқазан-ішек жолы тарапынан, соның ішінде гастроэнтерит пен гастриттің жағымсыз реакцияларының жиілігі байқалды. Бауыр функциясы Диметилфумаратты қолданғаннан кейін маркетингтен кейінгі тәжірибеде бауыр ферменттері деңгейінің жоғарылауы және бауырдың дәрілік зақымдану жағдайлары туралы хабарланды (жалпы билирубин деңгейінің ≥2×ҚЖШ қатарлас жоғарылауымен трансаминазалар деңгейінің ≥3×ҚЖШ жоғарылауы). Бұл құбылыстар емдеуді тоқтатқаннан кейін жоғалған. Лимфопения Диметилфумаратты қабылдағаннан кейін бірінші жылы кейіннен платоға жете отырып, лимфоциттердің орташа санының төмендеуі байқалды. Орташа алғанда, лимфоциттер саны бастапқы мәннен шамамен 30% - ға азайды. Лимфоциттердің орташа және орташа саны қалып шегінде қалды. Жеңіл дәрежедегі лимфопения (лимфоциттер саны ≥ 0,8×109/л <0,91×109/л) пациенттердің 28% - ында байқалды; кем дегенде 6 ай бойы сақталған қалыпты лимфопения (лимфоциттер саны ≥0,5×109/л-ден <0,8×109/л-ге дейін) пациенттердің 11%-ында байқалды; кем дегенде 6 ай бойы сақталған ауыр лимфопения (лимфоциттер саны <0,5×109/л) пациенттердің 2%-ында байқалды. Үдемелі мультифокальді лейкоэнцефалопатия Диметилфумаратты қолданған кезде үдемелі мультифокальді лейкоэнцефалопатияны (ҮМЛ) туындататын Джон Каннингем вирусын (JCV) жұқтыру жағдайлары туралы хабарланды. ҮМЛ өліммен аяқталған жағдайға немесе ауыр мүгедектікке әкеп соғуы мүмкін. Ұзаққа созылған орташа немесе ауыр лимфопения диметилфумаратты қолданған кезде ҮМЛ қаупінің жоғарылауымен байланысты, бірақ ҮМЛ жеңіл дәрежедегі лимфопениямен ауыратын пациенттерде де кездеседі. Сонымен қатар, маркетингтен кейінгі жағдайларда ҮМЛ жағдайының көбі 50 жастан асқан пациенттерде орын алған. Белдемелі герпес инфекциялары Диметилфумаратты қолданған кездегі белдемелі герпесті жұқтыру жағдайлары туралы хабарланды. Маркетингтен кейінгі жағдайларда белдемелі герпес инфекцияларының көбі ауыр болмағаны және емдеуден кейін басылғаны атап өтілді. Маркетингтен кейінгі кезеңде белдемелі герпес инфекциясы бар пациенттерде лимфоциттердің абсолютті саны (ЛАС) бойынша деректер шектеулі. Зертханалық көрсеткіштердің ауытқуы Емдеудің алғашқы 2 айында эозинофилдердің орташа саны белсенділігінің өтпелі жоғарылауы байқалды. Балалар Шашыраңқы склерозға шалдыққан 18 жастан кіші балаларда диметилфумаратты қолдану қауіпсіздігі анықталған жоқ. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық деректер базасына хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Диметилфумаратпен артық дозалану туралы хабарланды. Осы жағдайларда сипатталған симптомдар диметилфумараттың жағымсыз реакцияларының белгілі бейініне сәйкес келді. Диметилфумаратты шығару бойынша белгілі емдік шаралар жоқ, белгілі антидоттар жоқ. Артық дозаланғанда клиникалық көрсетілімдерге сәйкес симптоматикалық демеуші емді бастау ұсынылады.

ТЕКАФУМ дәрілік затын қолдануды шашыраңқы склерозды емдеуде тәжірибесі бар дәрігердің бақылауымен бастаған жөн. Емдеуді бастамас бұрын науқастарға препаратты қолданумен байланысты ықтимал жағымсыз реакциялар туралы хабарлау керек. Қан зерттеулері/ зертханалық талдаулар Бүйрек функциясы Диметилфумарат қабылдаған пациенттердегі клиникалық сынақтарда бүйрек функциясының жекелеген көрсеткіштерінің өзгеруі байқалды. Бұл өзгерістердің клиникалық көріністеулері белгісіз. Емдеуді бастамас бұрын, емдеуді бастағаннан кейін 3 және 6 айдан соң, содан кейін әр 612 ай сайын және клиникалық көрсетілімдерге сәйкес бүйрек функциясын (қандағы креатинин, азот, мочевина деңгейі және несепті жалпы талдау) бағалау ұсынылады. Бауыр функциясы Бауырдың дәрілік зақымдануы, соның ішінде бауыр ферменттерінің ұлғаюы (қалыптың жоғарғы шегі ≥ 3) және жалпы билирубин деңгейінің жоғарылауы (қалыптың жоғарғы шегі ≥ 2) диметилфумаратпен емдеуге байланысты туындауы мүмкін. Бауыр функциясының бұзылуы препаратты қолданғаннан кейін бірден, бірнеше апта өткен соң немесе одан кейінірек пайда болуы мүмкін. Диметилфумаратпен емдеуді тоқтатқаннан кейін байқалған жағымсыз реакциялар жоғалады. Емдеуді бастамас бұрын және емдеу кезінде клиникалық көрсетілімдерге сәйкес сарысулық аминотрансферазаларды (мысалы, аланинаминотрансфераза (АЛТ), аспартатаминотрансфераза (АСТ)) және жалпы билирубин деңгейін бағалау ұсынылады. Лимфоциттер Диметилфумарат қабылдаған пациенттерде лимфопения дамуы мүмкін. Диметилфумаратпен емдеуді бастамас бұрын лимфоциттер деңгейін қосқанда, толық қан талдауын тапсыру қажет. Егер лимфоциттер саны қалыпты мәндер ауқымынан аз болса, диметилфумаратпен жүргізілетін емдеуді бастамас бұрын ықтимал себептерді мұқият бағалау қажет. Диметилфумаратты қолдану лимфоциттер саны бұрыннан аз пациенттерде зерттелмеген, сондықтан мұндай пациенттерді емдеу кезінде сақ болу керек. Емдеуді ауыр лимфопениясы (лимфоциттер саны < 0,5 × 109/л) бар пациенттерде бастауға болмайды. Ем басталғаннан кейін әрбір 3 ай сайын лимфоциттердің деңгейін қоса, жалпы қан талдауы жүргізілуі керек. Үдемелі мультифокальді лейкоэнцефалопатияның (ҮМЛ) даму қаупінің жоғарылауына байланысты лимфопениямен ауыратын пациенттерге жоғары зейін қою ұсынылады: • 6 айдан астам уақытқа созылған ұзақ мерзімді ауыр лимфопениясы (лимфоциттер саны <0,5×109/л) бар пациенттерде емдеуді тоқтату керек; • лимфоциттер санының ≥0,5×109/л және <0,8×109/л тұрақты орташа төмендеуі 6 айдан астам уақыт бойы сақталған пациенттерде диметилфумаратпен емдеудің пайда/қауіп арақатынасын бағалау керек; • лимфоциттер саны жергілікті зертханалық стандарттарға сәйкес анықталған қалыптың төменгі шегінен (ҚТШ) төмен пациенттерде лимфоциттердің абсолютті санына үнемі бақылау жүргізу ұсынылады. ҮМЛ жеке қаупін арттыратын қосымша факторларды ескеру қажет. Лимфоциттердің санын көрсеткіштер қалпына келгенге дейін бақылау керек. Қалпына келгеннен кейін және емдеудің баламалы нұсқалары болмаған жағдайда, емдеуді тоқтатқаннан кейін диметилфумаратты қайта бастау туралы шешім клиникалық бағалауға негізделуі керек. Магнитті-резонанстық томография (МРТ) Диметилфумаратты қолдануды бастағанға дейін салыстыру үшін пайдаланылуы мүмкін МРТ (әдетте 3 ай ішінде) жасалуы тиіс. МРТ-ны одан әрі жүргізу қажеттілігі ұлттық және жергілікті ұсынымдарға сәйкес қарастырылуы керек. МРТ үдемелі мультифокальді лейкоэнцефалопатия қаупі жоғары пациенттерде күшейтілген бақылаудың бөлігі ретінде қарастырылуы мүмкін. ҮМЛ-ге клиникалық күмән туындаған жағдайда диагностикалық мақсатта дереу МРТ жасалуы тиіс. Үдемелі мультифокальді лейкоэнцефалопатия (ҮМЛ) Диметилфумарат қабылдаған пациенттердегі ҮМЛ туралы хабарланды. ҮМЛ - бұл Джон Каннингем вирусы (JCV) туындатқан оппортунистік инфекция, ол өліммен аяқталған жағдайға немесе мүгедектіктің ауыр түріне әкеп соғуы мүмкін. ҮМЛ жағдайлары лимфопения (лимфоциттер саны ҚТШ-дан төмен) аясында диметилфумаратты және құрамында фумараттар бар басқа дәрілік заттарды қабылдау кезінде байқалған. Ұзаққа созылған орташа және ауыр лимфопения диметилфумаратты қолданған кезде ҮМЛ қаупін арттыратыны анық, бірақ жеңіл дәрежедегі лимфопениямен ауыратын пациенттерде бұл қауіпті жоққа шығаруға болмайды. Лимфопения аясында ҮМЛ даму қаупінің жоғарылауына ықпал ететін қосымша факторлар: - диметилфумаратпен емдеу ұзақтығы. ҮМЛ жағдайлары шамамен 1-5 жылдық емдеуден кейін туындаған, дегенмен емдеу ұзақтығымен нақты байланысы белгісіз; - иммунологиялық қорғаныс үшін маңызды, Т-лимфоциттердің CD4+ және әсіресе CD8+ санының айтарлықтай төмендеуі және - алдын ала иммуносупрессиялық немесе иммуномодуляциялайтын ем (төменде қараңыз). Дәрігерлер симптомдардың неврологиялық дисфункцияға көрсететінін-көрсетпейтінін және егер бұл расталса, осы симптомдар шашыраңқы склероз үшін әдеттегі болып табылатынын-табылмайтынын немесе ҮМЛ туралы айғақтауы мүмкін екенін анықтау үшін өз пациенттерін қарап-тексеруі тиіс. ҮМЛ нұсқайтын алғашқы белгілер немесе симптомдар кезінде диметилфумаратты қабылдаудан бас тарту және сандық полимеразалы тізбекті реакция (ПТР) әдісімен жұлын сұйықтығындағы (ЖС) JCV ДНҚ анықтауды қоса алғанда, тиісті диагностикалық зерттеулерді жүргізу керек. ҮМЛ симптомдары шашыраңқы склероздың қайталануына ұқсас болуы мүмкін. ҮМЛ-мен байланысты әдеттегі симптомдар әртүрлі, бірнеше күн немесе апта ішінде дамиды және дененің бір жағынан үдейтін әлсіздікті немесе аяқ-қолдың қимыл шектелісін, көрудің бұзылуын, ойлаудағы өзгерісті, сананың шатасуы мен тұлғаның өзгеруіне әкелетін жад бұзылуы мен бағдардағы өзгерісті қамтиды. Дәрігерлер пациент байқамай қалуы мүмкін, ҮМЛ-ді көрсететін симптомдарға ерекше назар аударуы керек. Сондай-ақ, пациенттерге өз отбасына немесе күтімді жүзеге асыратын адамдарға өз емі туралы хабардар етуді ұсынған жөн, себебі олар пациент күдіктенбейтін симптомдарды байқап қалуы мүмкін. ҮМЛ тек Джон Каннингем вирусы (JCV) болған кезде ғана туындауы мүмкін. Лимфопенияның сарысудағы JCV-ге антиденелердің анықталу дәлдігіне әсері диметилфумарат қабылдаған пациенттерде зерттелмегенін ескеру қажет. Айта кету керек, JCV-ға қарсы антиденелерге тесттің теріс нәтижесі (лимфоциттердің саны қалыпты болған кезде) JCV инфекциясын жұқтыру мүмкіндігін жоққа шығармайды. Егер пациентте ҮМЛ дамыса, диметилфумаратты қабылдауды толығымен тоқтату керек. Иммуносупрессиялық немесе иммуномодуляциялайтын препараттармен алдын ала емдеу Пациенттердің ауруды модификациялайтын басқа препараттардан диметилфумаратқа ауысу кезіндегі тиімділігі мен қауіпсіздігін бағалау үшін зерттеулер жүргізілген жоқ. Алдын ала иммуносупрессиялық ем диметилфумарат қабылдап жүрген пациенттерде ҮМЛ дамуына ықпал етуі мүмкін. Бұрын натализумаб қабылдаған пациенттерде ҮМЛ жағдайлары туралы хабарланды, олар үшін ҮМЛ белгіленген қауіп болып табылады. Дәрігерлер натализумаб қабылдауды жақында тоқтатқаннан кейін туындаған ҮМЛ жағдайлары лимфопениямен қатар болмауы мүмкін екенін білуі керек. Сонымен қатар, диметилфумарат қабылдаған кездегі ҮМЛ расталған жағдайларының көбі алдын ала иммуномодуляциялайтын ем жүргізілген пациенттерде туындаған. Пациенттерді аурудың ағымын өзгертетін басқа препараттан диметилфумаратқа ауыстыру кезінде аддитивті иммундық әсерді болдырмау және бір мезгілде шашыраңқы склероздың реактивация қаупін азайту үшін жартылай шығарылу кезеңін және басқа препараттың әсер ету механизмін ескеру қажет. Диметилфумаратпен жүргізілетін емді бастамас бұрын және емдеу кезінде үнемі қан талдауын жүргізу ұсынылады. Бүйректің және бауырдың ауыр жеткіліксіздігі Диметилфумарат бүйректің немесе бауырдың ауыр жеткіліксіздігі бар пациенттерде зерттелмеген, сондықтан препаратты пациенттердің осы тобында абайлап қолдану керек. Белсенді кезеңдегі асқазан-ішек аурулары Диметилфумарат асқазан-ішек жолының белсенді кезеңдегі ауыр ауруларына шалдыққан пациенттерде зерттелмеген, сондықтан мұндай пациенттерде препаратты сақтықпен қолдану керек. Қан кернеуі Клиникалық зерттеулер кезінде диметилфумарат қабылдаған пациенттердің 34% - ында қан кернеуі байқалды. Көп жағдайда қан кернеуі қарқындылығы жеңіл немесе орташа-ауыр деп бағаланды. Дені сау еріктілерге жүргізілген зерттеулерден диметилфумаратпен байланысты қан кернеуі простагландиндердің әсерінен болуы мүмкін. 75 мг дозада ішекте энтеросолюбильді жабыны жоқ таблеткалар түріндегі ацетилсалицил қышқылымен қысқа емдеу курсы қан кернеуімен ауыратын пациенттер үшін тиімді болуы мүмкін. Дені сау еріктілерге жүргізілген екі зерттеуде емдеу кезеңінде қан кернеуі жиілігі мен ауырлығы төмендеді. Клиникалық зерттеулер кезінде диметилфумарат қабылдаған 2560 пациенттің 3-уінде аса жоғары сезімталдықтың немесе анафилактоидты реакцияның нәтижесі болуы мүмкін қан кернеуінің ауыр симптомдары байқалды. Бұл жағымсыз реакциялар өмірге қауіп төндірмейді, бірақ пациенттерді ауруханаға жатқызуға әкеп соққан. Дәрігерлер мен пациенттер қан кернеуі түріндегі күшті реакциялар жағдайында ықтимал себебін ескеруі керек. Анафилаксиялық реакциялар Маркетингтен кейінгі бақылауларда диметилфумаратты қолданғаннан кейін анафилаксия/анафилактоидты реакция жағдайлары туралы хабарланды. Симптомдарға ентігу, гипоксия, гипотония, ангионевроздық ісіну, бөртпе немесе есекжем кіруі мүмкін. Диметилфумараттан туындаған анафилаксияның даму механизмі белгісіз. Бұл реакциялардың ауырлық дәрежесі ауыр болуы мүмкін және пациенттің өміріне қауіп төндіруі мүмкін. Диметилфумаратпен жүргізілетін емді дереу тоқтатып, медициналық көмекке жүгіну ұсынылады. Емді қайта бастамаған жөн. Инфекциялар Плацебо-бақыланатын зерттеулердің III фазасында инфекциялардың жиілігі (58%-бен салыстырғанда 60%) және ауыр инфекциялар жағдайлары (2%-бен салыстырғанда 2%) диметилфумарат пен сәйкесінше плацебо қолданған пациенттерде ұқсас екендігі анықталды. Алайда, диметилфумараттың иммуномодуляциялайтын қасиеттерін ескере отырып, пациентте ауыр инфекция дамыған кезде диметилфумаратпен емдеуді уақытша тоқтату және емді қайта тағайындамас бұрын пайдасы мен қаупін қайта бағалау қажет. Диметилфумарат қабылдаған пациенттер дәрігерге инфекция симптомдары туралы хабарлауы керек. Ауыр инфекциялармен ауыратын пациенттер инфекциялар жойылғанға дейін диметилфумаратпен емдеуді бастамауы тиіс. Лимфоциттер саны <0,8×109/л немесе <0,5×109/л құрайтын пациенттерде ауыр инфекциялар жиілігінің артуы байқалмады. Егер орташа немесе ауыр дәрежедегі ұзаққа созылған лимфопения болған кезде ем жалғастырса, оппортунистік инфекцияның, соның ішінде ҮМЛ даму қаупін жоққа шығаруға болмайды. Белдемелі герпес Диметилфумаратты қолданған кезде белдемелі герпес жағдайлары туралы хабарланды. Жағдайлардың көбі ауыр болған жоқ, бірақ елеулі жағдайлар туралы хабарланған, оның ішінде диссеминацияланған герпес зостер, көздің зақымдануымен герпес зостер, белдемелі герпес, неврологиялық герпес вирустық инфекциялар, белдемелі герпес менингоэнцефалиті, белдемелі герпес менингомиелиті. Бұл асқынулар емдеу кезеңінде кез келген уақытта пайда болуы мүмкін. Диметилфумарат қабылдаған пациенттерді белдемелі герпес белгілері мен симптомдары бойынша, әсіресе лимфоцитопения болған кезде бақылау қажет. Егер белдемелі герпес туындаса, тиісті ем тағайындау керек. Инфекциялар емделгенге дейін ауыр инфекциясы бар пациенттерді диметилфумаратпен емдеуді тоқтату туралы мәселені қарастыру қажет. Емдеуді бастау Қан кернеуі мен асқазан-ішек жолы тарапынан жағымсыз реакциялардың пайда болуын азайту үшін диметилфумаратпен емді біртіндеп бастау керек. Фанкони синдромы Диметилфумаратты фумар қышқылының басқа эфирлерімен бірге қабылдаған кезде Фанкони синдромының жағдайлары туралы хабарланды. Фанкони синдромын ерте диагностикалау және диметилфумаратпен емдеуді тоқтату бүйрек функциясының бұзылуын мен остеомаляцияның туындауын болдырмау үшін қажет, себебі синдромның сипаты әдетте қайтымды. Анағұрлым маңызды белгілер: протеинурия, глюкозурия (қандағы қант деңгейі қалыпты болған кезде), гипераминоацидурия және фосфатурия (гипофосфатемиямен бір мезгілде болуы мүмкін). Үдеу полиурия, полидипсия және проксимальді бұлшықеттердің әлсіздігі сияқты симптомдарды қамтуы мүмкін. Сирек жағдайларда сүйекте шоғырланбаған ауырсынумен, қан сарысуындағы сілтілі фосфатазаның жоғарылауымен және стресстік сынумен гипофосфатемиялық остеомаляция байқалуы мүмкін. Фанкони синдромы креатинин деңгейінің жоғарылауынсыз немесе төмен шумақтық сүзілу жылдамдығынсыз болуы мүмкін екенін ескеру маңызды. Айқын емес симптомдар болған жағдайда Фанкони синдромының болуын қарастырып, тиісті тексерулер жүргізу керек. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері ТЕКАФУМ дәрілік заты автомобильді басқару және механизмдермен жұмыс істеу қабілетіне әсер етпейді немесе шамалы әсер етеді.

Жүктілік тізіліміне және маркетингтен кейінгі өздігінен келіп түскен хабарламаларға негізделген жүкті әйелдер туралы қолжетімді орташа деректер көлемі (жүктіліктің 300-ден 1000-ға дейінгі нәтижелері). Жүктілік тізілімінде диметилфумаратты қолданған шашыраңқы склерозға шалдыққан пациенттерде 289 проспективті жиналған жүктілік нәтижелері тіркелді. Жүктілік тізілімінде жиналған деректерден диметилфумараттың орташа әсер ету ұзақтығы жүктіліктің алтыншы аптасынан кейін шектеулі әсерімен 4,6 гестациялық аптаны құрайтыны белгілі (44 жүкті әйелдегі салдары). Жүктіліктің осындай ерте кезеңдеріндегі диметилфумараттың әсері жалпы популяциямен салыстырғанда даму ақауларына немесе фето/неонатальді уыттылыққа нұсқамайды. Диметилфумараттың ұзаққа созылған әсер ету қаупі немесе жүктіліктің анағүрлым кеш кезеңдеріндегі әсер қаупі белгісіз. Жануарларға жүргізілген зерттеулерде репродуктивті уыттылық анықталды. Жүктілік кезінде диметилфумаратты қолданбаған дұрыс. Диметилфумаратты жүктілік кезінде ана үшін ықтимал пайдасы шарана үшін ықтимал қауіптен асып кеткен кезде ғана, тек аса қажет болған жағдайда беруге болады. Бала емізу Диметилфумараттың немесе оның метаболиттерінің емшек сүтіне енетіні-енбейтіні белгісіз, сондықтан жаңа туған нәрестелер/сәбилер үшін қауіпті жоққа шығаруға болмайды. Бала емізуді тоқтату немесе диметилфумаратпен емді тоқтату туралы шешім ана үшін пайдасы мен бала үшін қауіптің арақатынасын мұқият бағалағаннан кейін қабылдануы керек. Фертильділік Диметилфумараттың адамның фертильділігіне әсері туралы деректер жоқ. Клиникаға дейінгі зерттеулердің нәтижелері диметилфумараттың әсері фертильділіктің төмендеу қаупінің жоғарылауымен байланысты болуы мүмкін екенін көрсетпейді.

Ісікке қарсы, иммуносупрессиялық немесе кортикостероидты ем Диметилфумаратты ісікке қарсы немесе иммуносупрессиялық препараттармен біріктірілімде қолдануға қатысты зерттеулер жүргізілген жоқ, сондықтан оларды бір мезгілде қолданғанда сақтық таныту қажет. Диметилфумаратты клиникалық зерттеу процесінде шашыраңқы склероз қайталануының профилактикасы үшін глюкокортикостероидтарды қатарлас қысқа мерзімді вена ішіне енгізу инфекциялардың даму жиілігінің клиникалық маңызды ұлғаюымен қатар жүрмеді. Вакциналар Профилактикалық екпелердің ұлттық күнтізбесіне сәйкес тірі емес вакциналарды бірлесіп тағайындау диметилфумаратпен емдеу кезінде қарастырылуы мүмкін. Диметилфумаратты қолданатын пациенттерге тірі аттенуирленген вакциналарды енгізу қауіпсіздігі мен тиімділігі туралы клиникалық деректер жоқ. Тірі вакциналар инфекциялық аурулардың қаупін арттыруы мүмкін, сондықтан вакцинацияның ықтимал пайдасы оны жүргізу қаупінен асатын жағдайларды қоспағанда, диметилфумарат қабылдайтын пациенттерде қолдануға болмайды. Фумар қышқылының басқа туындылары Диметилфумаратпен жүргізілетін емдеу кезінде фумар қышқылының басқа туындыларын (жергілікті, сондай-ақ жүйелік қолдану үшін) бір мезгілде қолданудан аулақ болу керек. Жүйелік қан ағымына енер алдында диметилфумарат эстеразалардың қатысуымен адам организмінде метаболизденеді, метаболизм цитохром Р450 (CYP) жүйесі изоферменттерінің қатысуынсыз трикарбон қышқылдарының циклі арқылы жүреді. Басқа заттардың диметилфумаратқа әсері Шашыраңқы склерозды емдеу үшін қолданылатын бұлшықетішілік интерферон бета-1а және глатирамер ацетаты сияқты дәрілік заттар диметилфумаратпен өзара әрекеттеспегені және оның фармакокинетикалық бейінін өзгертпеді. Диметилфумаратты нефроуытты дәрілік заттармен (мысалы, аминогликозидтер, диуретиктер, қабынуға қарсы стероидты емес дәрілер немесе литий) бір мезгілде ем жүргізу бүйрек тарапынан жағымсыз реакциялардың (мысалы, протеинурия) әлеуетін арттыруы мүмкін. Алкогольдің қалыпты мөлшерін тұтыну диметилфумараттың экспозициясын өзгертпейді және жағымсыз дәрілік реакциялар жиілігінің жоғарылауымен қатар жүрмейді. Диметилфумаратты қабылдағаннан кейін бір сағат ішінде көп мөлшерде алкогольді ішімдіктерді (30-дан артық көл.%) тұтынудан аулақ болу керек, себебі алкоголь асқазан-ішек жолы тарапынан жағымсыз дәрілік реакциялардың жиілігін арттыруы мүмкін. Диметилфумараттың басқа заттарға әсері CYP in vitro индукциялық зерттеулері диметилфумарат пен пероральді контрацептивтердің өзара әрекеттесуін көрсетпеді. In vivo зерттеуінде диметилфумаратты біріктірілген пероральді контрацептивтермен (норгестимат және этинилэстрадиол) бір мезгілде қолдану пероральді контрацептивтердің экспозициясында ешқандай айтарлықтай өзгерістер туындатпады. Құрамында басқа прогестагендер бар пероральді контрацептивтермен өзара әрекеттесу бойынша зерттеулер жүргізілген жоқ; дегенмен, диметилфумараттың олардың экспозициясына әсері күтілмейді. Балалар Балалар мен 18 жасқа дейінгі жасөспірімдерге диметилфумаратты қолдану қауіпсіздігі мен тиімділігі белгіленбеген. Қолжетімді деректер жоқ. Қазіргі уақытта қол жетімді деректерге сүйене отырып, балалар мен жасөспірімдерге диметилфумаратты дозалауға қатысты ұсынымдар беруге болмайды. Егде жастағы пациенттер Диметилфумараттың клиникалық зерттеулеріне 55 жастағы және одан асқан пациенттердің шектеулі саны қатысты. Сондай-ақ, зерттеуге егде жастағы және жас пациенттердің препараттың көтерімділігіндегі айырмашылықтар туралы қорытынды жасау үшін 65 жастағы және одан асқан пациенттердің жеткілікті саны енгізілмеген. Белсенді заттың әсер ету механизмін ескере отырып, теориялық тұрғыдан алғанда, егде жастағы пациенттерді емдеу кезінде препараттың дозасын өзгертуге жеткілікті негіздер жоқ. Бауыр жеткіліксіздігі бар пациенттер/ Бүйрек жеткіліксіздігі бар пациенттер Диметилфумарат бүйрек немесе бауыр жеткіліксіздігі бар пациенттерде зерттелмеген. Клиникалық фармакологиялық зерттеулердің деректеріне сүйене отырып, пациенттердің осы санатында дозаны түзету қажет емес. Бүйрек және бауыр жеткіліксіздігі бар пациенттерді емдеу сақтықпен жүргізілуі керек. Қосымша заттар Бриллиантты көк ТЕКАФУМ дәрілік препаратының құрамында бриллиантты көк бар, ол балаларға арналған дәрілік препараттарда қолдануға тыйым салынған. Натрий Бұл дәрінің құрамында бір капсулаға 1 ммольден аз натрий (23 мг) бар, яғни іс жүзінде құрамында натрий жоқ.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары Жарықтан қорғау үшін түпнұсқалық қаптамасында 30 °C-ден аспайтын температурада сақтау керек. Балалардың қолы жетпейтін жерде сақтау керек!