Теклонин лиофилизат 400 мг

Бір құты препараттың құрамында белсенді зат - тейкопланин 200 мг және 400 мг, қосымша заттар: натрий хлориді, натрий гидроксиді (10% ерітінді түрінде), инъекцияға арналған су**, еріткіш - инъекцияға арналған су. ** - дайын өнімде жоқ Сыртқы түрінің, иісінің, дәмінің сипаттамасы Сарғыш реңді ақ түсті лиофилизат. Дайындалған ерітінді қоңыр-сары түсті.

Теклонин препараты ересектер мен жаңа туған нәрестелерде мынадай инфекцияларды парентеральді емдеу үшін қолдануға арналған: • тері мен жұмсақ тіндердің асқынған инфекцияларында • сүйек пен буындардың инфекцияларында • ауруханаішілік пневмонияда • ауруханадан тыс пневмонияда • несеп шығару жолдарының асқынбаған инфекцияларында • инфекциялық эндокардитте • тұрақты амбулаториялық перитонеальді диализбен байланысты перитонитте (ТАПД) • жоғарыда аталған инфекциялардың кез-келгенінде пайда болатын бактериемияда. Теклонин препараты сонымен қатар Clostridium difficile (диарея және колит) туындатқан инфекцияларға баламалы пероральді ем ретінде қолданылады. Қажет болса, препаратты бактерияға қарсы басқа дәрілермен біріктірілімде қолдану керек. Бактерияға қарсы дәрілерді тиісінше пайдалану жөніндегі ресми нұсқаулықтарда қамтылған ақпаратты назарға алу қажет.

Әсер ету механизмі Тейкопланин бактериялық жасуша жарғақшасының биосинтез процесін бұзу арқылы сезімтал микроорганизмдердің өсуін тежейді. Бета-лактамды антибиотиктердегі және тейкопланиндегі әсер ету нысаналары өзгешеленеді, соңғысы D-аланил-D-аланин қалдықтарымен спецификалық байланысу арқылы пептидогликан синтезін тежейді. Микроорганизмдерге резистенттілік механизмдері Микроорганизмдердің тейкопланинге резистенттілігі келесі механизмдерге байланысты болуы мүмкін: • нысана құрылымының өзгеруі (осы резистенттілік механизмі, атап айтқанда, Enterococcus faecium үшін тән)-муреин ізашарындағы амин қышқылдық тізбектің терминальді D-аланин-D-аланин фрагментін D-аланин-D-лактатқа алмастыру, процеске жаңадан синтезделген D-лактатдегидрогеназа немесе лигаза қатысады (нәтижесінде ванкомицинге жақындық төмендейді); • тейкопланин байланысатын муреин ізашарлары синтезінің ұлғаюы (осы резистенттілік механизмі стафилококктар сезімталдығының немесе резистенттілігінің төмендеуіне байланысты). Тейкопланинге және ванкомицинге (гликопептидті антибиотик) айқаспалы резистенттілік байқалуы мүмкін. Кейбір ванкомицинге резистентті энтерококктар тейкопланинге сезімтал (Van-B фенотипі) болып келеді. Фармакокинетика мен фармакодинамика арасындағы байланыс Тейкопланиннің микробқа қарсы белсенділігі тәуелді болатын негізгі фактор - бұл қандағы дәрілік заттың концентрациясы ең төмен тежейтін концентрациядан (ЕТТК) асатын уақыт болып табылады. Шекті концентрациялар Микробқа қарсы сезімталдықты анықтау жөніндегі Еуропалық комитеттің (EUCAST) деректері бойынша сезімтал және резистентті микроорганизмдер үшін келесі ЕТТК шекті мәндері анықталды (10.0 нұсқасы, 2020 жылғы 1 қаңтар): Патогенді микроорганизм — Сезімтал микроорганизмдер (S) — Резистентті микроорганизмдер (R) Staphylococcus aureus*# — ≤ 2 мг/л — > 2 мг/л Коагулазонегативті стафилококктар* — ≤ 4 мг/л — > 4 мг/л Enterococcus spp. — ≤ 2 мг/л — > 2 мг/л A, B, C, G топтарының стрептококктары# — ≤ 2 мг/л — > 2 мг/л Streptococcus pneumoniae# — ≤ 2 мг/л — > 2 мг/л Viridans тобының стрептококктары# — ≤ 2 мг/л — > 2 мг/л * Гликопептидтер үшін ЕТТК мәндері қолданылатын әдіске байланысты өзгеріп отырады, оларды сорпадағы микроөсіру әдісімен анықтау қажет (ISO 20776-1) (ванкомицин үшін ЕТТК мәні 2 мг/л-ге тең жабайы типтегі Staphylococcus aureus штаммдары үшін ЕТТК мәндерінің таралу шегінде орналасқан, бұл реттегі мәнде емге клиникалық жауаптың төмендеуі байқалуы мүмкін). # Резистентті изоляттар туралы хабарланған жоқ немесе тек сирек хабарламалар бар; кез келген осындай изоляттың микробқа қарсы дәрілерге сезімталдығын тиісті түрде сәйкестендіру және анықтау қажет, әрі қарай зерттеу үшін изолят референсті зертханаға жіберілуі керек. Микроорганизмдердің сезімталдығы Бактериялардың жекелеген түрлерінде резистенттіліктің таралуы географиялық өңірге байланысты және уақыт өте келе өзгеруі мүмкін. Осыған байланысты белгілі бір уақыт аралығында, әсіресе ауыр инфекцияларды тиісті түрде емдеу үшін белгілі бір географиялық өңірдегі микроорганизмдердің резистенттілігі туралы ақпарат болуы керек. Географиялық өңірдегі бактериялардың резистентті штаммдары туралы ақпаратты ескере отырып, инфекциялардың кем дегенде кейбір типтері кезінде препаратты қолдану тиімділігі күмән тудыратын жағдайларда тиісті маманның кеңесіне жүгіну керек. Микроорганизмдердің әдетте сезімтал штаммдары: • аэробты грамоң микроорганизмдер - Corynebacterium jeikeium*, Enterococcus faecalis, Staphylococcus aureus (метициллинге резистентті штаммдарды қоса), Streptococcus agalactiae, Streptococcus dysgalactiae subsp. equisimilis*, C және G топтарының cтрептококктары, Streptococcus pneumoniae, Streptococcus pyogenes, Viridans тобының cтрептококктары*#; • анаэробты грамоң микроорганизмдер - Clostridium difficile*, Peptostreptococcus spp*. Жүаре пайда болған резистенттілігі болуы мүмкін микроорганизмдердің штаммдары (емнің тиімділігі төмендеуі мүмкін): • аэробты грамоң микроорганизмдер - Enterococcus faecium, Staphylococcus epidermidis, Staphylococcus haemolyticus, Staphylococcus hominis. Табиғи резистенттілігі бар микроорганизмдердің штаммдары: • барлық грамтеріс микроорганизмдер; • басқа микроорганизмдер - Chlamydia spp., Chlamydophila spp., Legionella pneumophila, Mycoplasma spp. * Құжат жарияланған кезде өзекті деректер болған жоқ; әдеби бастапқы дереккөздерде, іргелі еңбектерде және ем нұсқаулықтарында микроорганизмнің болжамды сезімталдығы туралы мәліметтер болды. # Әр түрлі түрдегі гетерогенді стрептококктар тобына арналған жиынтық термин; резистенттілік стрептококк түріне байланысты өзгеруі мүмкін.

Дозалау режимі Препаратты қолдану дозасы мен ұзақтығын инфекциялық аурудың типі мен ауырлық дәрежесі және пациенттің емдеуге клиникалық жауабын ескере отырып, сондай-ақ пациенттің жасы мен бүйректің функционалдық жағдайы сияқты факторларды ескере отырып, түзету керек. Қан сарысуындағы тейкопланин концентрациясын өлшеу Препаратты жүктеме дозасында қолдану кезеңі аяқталғаннан кейін қан сарысуындағы тейкопланиннің қалдық концентрациясына тепе-теңдік күйінде мониторинг жүргізу қан сарысуындағы дәрілік заттың қажетті ең аз концентрациясына (Сmin) қол жеткізілгенін растау үшін жүргізілуі тиіс: • грам-оң микроорганизмдер туындататын инфекциялардың көбінде Cmin тиімділігі жоғары сұйық хроматография (ТЖСХ) әдісімен өлшенген кезде кемінде 10 мг/л немесе флуоресцентті поляризациялық иммунталдау (ФПИТ) әдісімен өлшенген кезде кемінде 15 мг/л құрауы керек. • инфекциялық эндокардит және басқа ауыр инфекциялар кезінде Cmin ТЖСХ әдісімен өлшегенде 15-30 мг/л немесе ФПИТ әдісімен өлшегенде 30-40 мг/л болуы керек. Препаратты демеуші дозада қолдану кезеңінде дәрілік заттың қан сарысуындағы концентрациясының тұрақты екенін растау үшін Сmin-ді аптасына кемінде бір рет бақылау керек. Бүйрек функциясы қалыпты ересектер мен егде жастағы пациенттер Көрсетілімдер — Препаратты жүктеме дозасында қолдану кезеңі — Препаратты демеуші дозада қолдану кезеңі Дозалау режимі — Нысаналы Сmin 3-5 күні* — Дозалау режимі — Нысаналы Сmin* Тері мен жұмсақ тіндердің асқынған инфекциялары — 6 мг/кг дене салмағына әрбір 12 сағат сайын вена ішіне немесе бұлшықет ішіне (3 енгізу) — 15 мг/л-ден астам — 6 мг/кг дене салмағы тәулігіне бір рет вена ішіне немесе бұлшықет ішіне — 15 мг/л-ден астам (аптасына бір рет өлшеу) Пневмония Несеп шығару жолдарының асқынбаған инфекциялары Сүйек пен буын инфекциялары — 12 мг/кг дене салмағына әрбір 12 сағат сайын вена ішіне (3-5 енгізу) — 20 мг/л-ден астам — 12 мг/кг дене салмағына тәулігіне бір рет вена ішіне немесе бұлшықет ішіне — 20 мг/л-ден астам Инфекциялық эндокардит — 12 мг/кг дене салмағына әрбір 12 сағат сайын вена ішіне (3-5 енгізу) — 30-40 мг/л — 12 мг/кг дене салмағына тәулігіне бір рет вена ішіне немесе бұлшықет ішіне — 30 мг/л-ден астам * ФПИТ әдісімен өлшеу кезінде. Пациенттің салмағына қарамастан, тейкопланиннің дозасы кг дене салмағына есептелуі керек. Емдеу ұзақтығы Препаратты қолдану ұзақтығы пациенттің емдеуге клиникалық жауабын ескере отырып, белгіленуі тиіс. Инфекциялық эндокардит кезінде емдеудің қолайлы ұзақтығы, әдетте, кемінде 21 күнді құрайды. Тейкопланинмен емдеу курсының ұзақтығы 4 айдан аспауы тиіс. Біріктірілген ем Тейкопланин микробқа қарсы белсенділіктің тар ауқымына ие (грамоң бактерияларға қарсы белсенді). Теклонин препаратын инфекцияның қоздырғышы анықталған және оның тейкопланинге сезімталдығы расталған немесе тейкопланиннің инфекцияның неғұрлым ықтимал қоздырғышына қатысты белсенді болу ықтималдығы жоғары жағдайларды қоспағанда, инфекциялық аурулардың кейбір типтерін емдеу кезінде монотерапия ретінде пайдалану ұсынылмайды. Clostridium difficile туындатқан диарея мен колит Ұсынылған доза 7-14 күн ішінде тәулігіне 2 рет ішке 100-200 мг тейкопланинді құрайды. Бүйрек функциясының бұзылулары бар ересектер мен егде жастағы пациенттер Емнің 4-ші күніне дейін дозаны түзету талап етілмейді, бұл ретте дозалау режимін ТЖСХ әдісімен өлшеу кезінде Cmin-ді кемінде 10 мг/л немесе ФПИТ әдісімен өлшеу кезінде кемінде 15 мг/л деңгейінде ұстап тұру үшін таңдау керек. Емнің 4-ші күнінен кейін: • жеңіл және орташа ауырлық дәрежесіндегі бүйрек жеткіліксіздігі (креатинин клиренсі 30-80 мл/мин) бар пациенттерде демеуші дозаны 1/2-ге төмендету қажет - демеуші дозаны не 2 күнде бір рет енгізеді не тәулігіне бір рет демеуші дозаның 1/2 бөлігін енгізеді; • бүйректің ауыр жеткіліксіздігі (креатинин клиренсі 30 мл/мин-нен кем) бар пациенттерде және гемодиализдегі пациенттерде демеуші дозаны 2/3-ге төмендету қажет - демеуші дозаны не 3 күнде бір рет енгізеді не тәулігіне бір рет демеуші дозаның 1/3 бөлігін енгізеді. Тейкопланин гемодиализ арқылы организмнен шығарылмайды. ТАПД - дағы пациенттер Емнің бірінші аптасында жүктеме дозасында (кг дене салмағына 6 мг) тейкопланинді вена ішіне бір рет енгізгеннен кейін дәрілік заттың дозасы бір пакеттегі 1 литр диализ сұйықтығына 20 мг, емнің екінші аптасында әрбір екінші пакеттегі 1 литр диализ сұйықтығына 20 мг және емнің үшінші аптасында түнге қарай пакеттегі 1 литр диализ сұйықтығына 20 мг құрауы тиіс. Егде жастағы пациенттер Бүйрек функциясының бұзылуы бар пациенттерді қоспағанда, егде жастағы пациенттерде дәрілік заттың дозасын түзету талап етілмейді (жоғарыдан қараңыз). Балалар 12 жастан асқан балаларда препаратты ересектердегідей дозада қолдану ұсынылады. Жаңа туған нәрестелер мен 2 айға дейінгі балалар Тейкопланиннің жүктеме дозасы: емнің бірінші күнінде бір реттік венаішілік инфузия түрінде кг дене салмағына 16 мг. Тейкопланиннің демеуші дозасы: тәулігіне бір рет бір реттік венаішілік инфузия түрінде кг дене салмағына 8 мг. 2 айдан 12 жасқа дейінгі балалар Тейкопланиннің жүктеме дозасы: әрбір 12 сағат сайын вена ішіне кг дене салмағына 10 мг (3 енгізу). Тейкопланиннің демеуші дозасы: тәулігіне бір рет вена ішіне кг дене салмағына 6-10 мг. Енгізу әдісі мен жолы Теклонин препараты вена ішіне немесе бұлшықет ішіне енгізуге арналған. Препаратты вена ішіне болюсті инъекция түрінде 3-5 минут ішінде немесе инфузия түрінде 30 минут ішінде енгізуге болады. Жаңа туылған нәрестелерде препаратты тек венаішілік инфузия түрінде енгізу керек. Clostridium difficile туындатқан диарея мен колитті емдеу үшін Теклонин препаратын ішке қабылдау керек. Препарат тек бір рет қолдануға арналған. Қолданар алдында құтының ішіндегі ұнтақты еріту керек. Ерітіндіні дайындау әдісі Ұнтақты еріту Құтының ішіндегісіне (200 мг немесе 400 мг лиофилизацияланған тейкопланин ұнтағы) 3 мл еріткішті (инъекцияға арналған су) баяу қосады; құтыны барлық ұнтақ ерігенше абайлап айналдыру керек (көбік түзілмес үшін). Көбік пайда болған кезде оның толық жоғалуын күту керек (шамамен 15 минут). Тек қоңыр-сары түсті мөлдір ерітіндіні қолдану керек. Алынған ерітіндіні парентеральді түрде енгізуге болады, бұл ретте ерітіндіні қосымша сұйылтуға болады (төменде қараңыз) немесе ішке қабылдауға болады. Тиісті түрде дайындалған ерітінді 24 сағат ішінде 2-8°C температурада химиялық және физикалық тұрақты. Микробиологиялық тазалықты сақтауды ескере отырып, дайындалған ерітіндіні дереу қолдану керек. Егер дайындалған ерітінді бірден қолданылмаса, онда сақтау ұзақтығы мен шарттары үшін пайдаланушы жауап береді. Егер қолданар алдында ерітіндіні дайындау тиісті түрде бақыланбайтын асептикалық жағдайда орын алса, онда оны 2-8°C температурада 24 сағаттан асырмай сақтау керек. Қолданар алдында ерітіндіні сұйылту Дайындалған ерітіндіні (инъекцияға арналған 3 мл суда 200 мг немесе 400 мг тейкопланинді) келесі еріткіштердің бірінде сұйылту керек: 0,9% натрий хлориді ерітіндісі, Рингер ерітіндісі, Рингер-лактат ерітіндісі, инъекцияға арналған 5% декстроза ерітіндісі, инъекцияға арналған 10% декстроза ерітіндісі, 0,18% натрий хлориді ерітіндісіндегі 4% глюкоза ерітіндісі, 0,45% натрий хлориді ерітіндісіндегі 5% глюкоза ерітіндісі, құрамында 1,36% немесе 3,86% глюкоза ерітіндісі бар перитонеальді диализ ерітіндісі. Тиісті түрде сұйылтылған ерітінді 24 сағат ішінде 2-8°C температурада химиялық және физикалық тұрақты. Микробиологиялық тазалықты сақтауды ескере отырып, сұйылтылған ерітіндіні дереу қолдану керек. Егер сұйылтылған ерітінді бірден қолданылмаса, онда сақтау ұзақтығы мен шарттары үшін пайдаланушы жауап береді. Егер қолданар алдында ерітіндіні сұйылту тиісті түрде бақыланбайтын асептикалық жағдайда орын алса, онда оны 2-8°C температурада 24 сағаттан асырмай сақтау керек. Дәрілік препараттың қолдану тәсілін түсіндіру үшін медициналық қызметкер кеңесіне жүгіну жөніндегі нұсқаулар Дәрілік препаратты қолдану туралы сұрақтар туындаған жағдайда дәрігермен немесе фармацевтпен кеңесу керек.

• әсер етуші затқа немесе қосымша заттардың кез келгеніне аса жоғары сезімталдық

Жүйелік-ағзалық класс — Жиі (≥1/100-ден < 1/10-ға дейін) — Жиі емес (≥ 1/1000-нан < 1/100-ге дейін) — Сирек (≥1/10000 -нан < 1/1000-ға дейін) — Өте сирек (<1/10000) — Белгісіз (қолда бар деректер негізінде бағалау мүмкін емес) Инфекциялық және паразиттік аурулар — абсцесс — суперинфекция (резистентті микроорганизмдердің шамадан тыс өсуі) Қан және лимфа жүйесі тарапынан — лейкопения, тромбоцитопения, эозинофилия — агранулоцитоз, нейтропения, панцитопения Иммундық жүйе тарапынан — анафилаксиялық реакциялар (анафилаксия) — эозинофилиямен және жүйелік симптомдармен дәрілік реакция (DRESS), анафилаксиялық шок Жүйке жүйесі тарапынан — бас айналу, бас ауыруы — құрысулар Есту мүшесі тарапынан және лабиринттік бұзылулар — кереңдік, есту қабілетінің төмендеуі, құлақтағы шуыл, вестибулярлық бұзылыстар Тамырлар тарапынан — флебит — тромбофлебит Тыныс алу жүйесі, кеуде қуысының ағзалары және көкірек ортасы тарапынан — бронх түйілуі Асқазан-ішек жолы тарапынан — диарея, жүрек айнуы, құсу Тері және теріасты тіндері тарапынан — бөртпе, эритема, қышыну — «қызыл адам синдромы» (мысалы, дененің жоғарғы бөлігіне қанның тебуі) — уытты эпидермалық некролиз (TEN), Стивенс-Джонсон синдромы (SJS), жедел жайылған экзантематозды пустулез (AGEP), мультиформды эритема, ангионевроздық ісіну, эксфолиативті дерматит, есекжем Бүйрек және несеп шығару жолдары тарапынан — қандағы креатинин концентрациясының жоғарылауы — бүйрек жеткіліксіздігі (соның ішінде бүйректің жедел жеткіліксіздігі) Жалпы бұзылыстар және енгізу орнындағы бұзылулар — ауырсыну, дене температурасының жоғарылауы — инъекция орнындағы абсцесс, қалтырау (дірілдеу) Зертханалық және аспаптық зерттеу нәтижелеріне әсері — қандағы трансаминазалар деңгейінің жоғарылауы (өтпелі), қандағы сілтілі фосфатаза деңгейінің жоғарылауы (өтпелі) Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) бойынша ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары Тейкопланинді бала жасындағы пациенттерге ұсынылған дозадан едәуір асатын дозада байқаусызда енгізу жағдайлары туралы хабарланды. 29 күндік бір балада 400 мг (кг дене салмағына 95 мг) дозада дәрілік затты вена ішіне енгізген кезде ажитация байқалды. Емі Артық дозаланғанда симптоматикалық емдеу тағайындалады Тейкопланин перитонеальді диализ арқылы организмнен баяу шығарылады; дәрілік зат организмнен гемодиализ арқылы шығарылмайды.

Тейкопланин қарыншаішілік енгізуге арналмаған. Тейкопланин мен аминогликозидтер тікелей араластыру кезінде үйлеспейді, сондықтан Теклонин препараты инъекция жүргізер алдында аминогликозидтері бар препараттармен араластырылмауы тиіс. Басқа антибиотиктермен бірге қолданғанда Теклонин препаратын бөлек енгізу қажет. Арнайы ескертулер Аса жоғары сезімталдық реакциялары Тейкопланинді қолданған кезде өмірге қауіп төндіретін, кейде өліммен аяқталатын, аса жоғары сезімталдық реакцияларының (мысалы, анафилаксиялық шок) дамуы туралы хабарланды. Аллергиялық реакция пайда болған жағдайда, Теклонин препаратын қолдануды дереу тоқтатып, тиісті емдеуді бастау керек. Тейкопланинді ванкомицинге аса жоғары сезімталдығы белгілі пациенттерде қолданған кезде сақтық таныту керек, себебі бұл ретте өліммен аяқталған анафилаксиялық шокты қоса, аса жоғары сезімталдықтың айқаспалы реакциялары туындауы мүмкін. Алайда, ванкомицинді қолданумен байланысты анамнезінде «қызыл адам синдромы» («қызыл тері синдромы», “red man syndrome” (төменнен қараңыз)) Теклонин препаратын пайдалану үшін қарсы көрсетілім болып табылмайды. Инфузияны жүргізумен байланысты реакциялар Сирек жағдайларда инфузия жүргізу кезінде (тіпті дәрілік затты алғаш қолданғанда да) «қызыл адам синдромы» дамуы мүмкін (қышыну, есекжем, эритема, ангионевроздық ісіну, тахикардия, артериялық гипотензия, ентігу кіретін симптомдар кешені). Инфузияны тоқтатқанда немесе жылдамдығын төмендеткенде жоғарыда көрсетілген реакциялар жоғалуы мүмкін. Осы реакциялардың туындау қаупі дәрілік затты болюсті инъекцияның орнына 30 минут ішінде венаішілік инфузия түрінде тәуліктік дозада енгізген кезде төмендеуі мүмкін. Тері тарапынан ауыр жағымсыз реакциялар Тейкопланинді қолдану кезінде Стивенс-Джонсон синдромы (SJS), уытты эпидермалық некролиз (TEN) және эозинофилиямен және жүйелік симптомдармен дәрілік реакцияны (DRESS) қоса алғанда, терінің тарапынан ауыр жағымсыз реакцияларының (SCAR) дамуы туралы хабарланды, олар пациенттің өміріне қауіп төндіруі немесе өліммен аяқталуы мүмкін. Сондай-ақ тейкопланинді қолдану кезінде жедел жайылған экзантематозды пустулездің (AGEP) дамуы туралы хабарланды. Дәрілік затты тағайындау кезінде пациенттер тері тарапынан ауыр реакциялардың белгілері мен симптомдары туралы хабардар болуы тиіс (мысалы, жиі күлдіреуік пайда болуымен үдемелі тері бөртпесі, шырышты қабықтың зақымдануы, пустулезді бөртпе немесе тері тарапынан аса жоғары сезімталдықтың кез-келген басқа белгілері), бұл ретте пациенттерге мұқият бақылауды қамтамасыз ету қажет. Егер тері тарапынан ауыр реакциялардың дамуы туралы айғақтайтын белгілер мен симптомдар пайда болса, тейкопланинмен жүргізілетін емді тоқтатып, баламалы емдеу мүмкіндігін қарастырған жөн. Микробқа қарсы белсенділік ауқымы Тейкопланин микробқа қарсы белсенділіктің тар ауқымына ие (грамоң бактерияларға қарсы белсенді). Теклонин препаратын инфекцияның қоздырғышы анықталған және оның тейкопланинге сезімталдығы расталған немесе тейкопланиннің инфекцияның неғұрлым ықтимал қоздырғышына қатысты белсенді болу ықтималдығы жоғары жағдайларды қоспағанда, инфекциялық аурулардың кейбір типтерін емдеу кезінде монотерапия ретінде пайдалану ұсынылмайды. Тейкопланинді ұтымды пайдалану микробқа қарсы белсенділік ауқымын, қауіпсіздік бейінін және нақты пациентті емдеу кезінде стандартты бактерияға қарсы емді қолдану орындылығын бағалауға негізделеді. Сондықтан, көп жағдайларда Теклонин препаратын стандартты бактерияға қарсы емді қолдану орынсыз деп саналатын пациенттердегі ауыр инфекцияларды емдеу үшін пайдалану керек деп болжанады. Тромбоцитопения Тейкопланинді қолдану кезінде тромбоцитопения пайда болу жағдайлары туралы хабарланды. Дәрілік затпен емдеу кезеңінде жалпы қан талдауын қоса алғанда, қан көрсеткіштерінің мерзімді мониторингін жүргізу ұсынылады. Нефроуыттылық Тейкопланинмен ем қабылдаған пациенттерде нефроуыттылық пен бүйрек жеткіліксіздігінің дамуы туралы хабарламалар бар. Бүйрек жеткіліксіздігі бар, жоғары жүктемелі дозада тейкопланин қабылдайтын, сондай-ақ нефроуытты әсері белгілі басқа дәрілік заттармен (мысалы, аминогликозидтер, колистин, амфотерицин В, циклоспорин және цисплатин) біріктірілімде немесе дәйекті түрде тейкопланин қабылдайтын пациенттерге мұқият мониторинг жүргізу қажет, сонымен қатар, мұндай пациенттерде аудиологиялық зерттеулер жүргізу қажет (төменде «Отоуыттылық» бөлімін қараңыз). Тейкопланин негізінен бүйрекпен шығарылатындықтан, бүйрек функциясының бұзылулары бар пациенттерде дәрілік заттың дозасын тиісті түрде түзету қажет. Отоуыттылық Басқа гликопептидтерді қолданғандағыдай, тейкопланинді пайдаланғанда пациенттерде отоуытты әсер байқалды, мысалы, кереңдік және құлақтағы шу. Тейкопланинмен емдеу аясында, әсіресе ұзақ емдеу кезінде және бүйрек жеткіліксіздігі бар пациенттерде естудің бұзылу белгілері мен симптомдары немесе ішкі құлақ тарапынан бұзылулары бар пациенттердің жай-күйіне мұқият бағалау және мониторинг жүргізу керек. Тейкопланинді белгілі нефроуытты және/немесе нейроуытты/отоуытты әсері бар басқа дәрілік заттармен (мысалы, аминогликозидтер, колистин, амфотерицин B, циклоспорин, цисплатин, фуросемид және этакрин қышқылы) біріктіріп немесе жүйелі түрде алатын пациенттерге мұқият мониторинг жүргізген жөн, естудің бұзылуы туындаған кезде тейкопланинмен емдеудің артықшылықтарына бағалау жүргізу қажет. Тейкопланинді отоуытты және/немесе нефроуытты әсері бар препараттармен бір мезгілде қолдану қажеттілігі туындайтын пациенттерде қан көрсеткіштеріне, бауыр мен бүйректің функционалдық көрсеткіштеріне тұрақты мониторинг жүргізу ұсынылады, мұндай жағдайларда ерекше сақтық шараларын сақтау керек. Суперинфекция Басқа антибиотиктерді қолданғандағыдай, тейкопланинді, әсіресе ұзақ қолданғанда, резистентті микроорганизмдердің шамадан тыс өсуі байқалуы мүмкін. Теклонин препаратымен емдеу аясында суперинфекция дамыған жағдайда тиісті ем жүргізу қажет. Қосымша заттар Бір құты препарат құрамында 1 ммольден кем натрий (23 мг) бар, яғни іс жүзінде «құрамында натрий жоқ». Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препарат көлік құралдарын басқару қабілетіне елеусіз әсер етеді. Тейкопланин бас айналуды және бас ауыруын тудыруы мүмкін, сондықтан осы жағымсыз реакцияларды сезінетін пациенттер автокөлікті басқарудан және психомоторлық реакциялардың жоғары жылдамдығын талап ететін механизмдермен жұмыс істеуден бас тарту қажет.

Жүктілік Жүктілік кезеңінде әйелдерде тейкопланинді қолдану туралы деректер шектеулі. Адам үшін ықтимал қаупі белгісіз. Теклонин препаратын жүктілік кезеңінде әйелдерге қолдануға болмайды, бұл аса қажет болып табылатын жағдайларды қоспағанда. Шаранада ішкі құлақ тарапынан бұзылулардың және бүйрек функциясы бұзылуының ықтимал туындау қаупін жоққа шығаруға болмайды. Лактация Адамда тейкопланиннің емшек сүтімен бөлінетіні-бөлінбейтіні белгісіз. Бала емізуді жалғастыру/уақытша тоқтату немесе Теклонин препаратымен емдеуді жалғастыру/уақытша тоқтату мәселесінде шешім қабылдау кезінде бала үшін емізудің пайдасын және анасы үшін препаратты қолдану артықшылығын ескеру қажет.

Өзара әрекеттесуге нақты зерттеулер жүргізілген жоқ. Тейкопланин және құрамында аминогликозидтер бар ерітінділер үйлесімсіз болып табылады және инъекция жүргізу үшін араластырылмауы тиіс; алайда оларды диализ сұйықтығында араластыруға болады және ТАПД-пен байланысты перитонитті емдеу үшін шектеусіз пайдалануға болады. Тейкопланинді, мысалы, аминогликозидтерді, колистинді, амфотерицин В, циклоспоринді, цисплатинді, фуросемидті және этакрин қышқылын қоса алғанда, нефроуытты және/немесе нейроуытты/отоуытты әсері белгілі басқа дәрілік заттармен біріктірілімде немесе жүйелі түрде қолданған жөн. Алайда, мұндай біріктірілімдердің синергиялық уытты әсерін көрсететін мәліметтер жоқ. Тейкопланинмен емдеу аясында клиникалық зерттеулерде пациенттердің көп бөлігі басқа антибиотиктерді, гипотензиялық дәрілерді, анестетиктерді, жүрек ауруларын емдеуге арналған дәрілерді және гипогликемиялық препараттарды қоса алғанда, әртүрлі препараттармен емделді, бұл ретте жағымсыз дәрілік өзара әрекеттесулер белгілері табылған жоқ. Балалар Өзара әрекеттесуді зерттеу тек ересектерде жүргізілді.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары 25°С-ден аспайтын температурада сақтау керек. Қалпына келтірілген ерітінді 2°С-ден 8°С-ге дейінгі температурада 24 сағат бойы тұрақты. Балалардың қолы жетпейтін жерде сақтау керек!