Жағымсыз әсерлерді симптомдарды бақылау үшін қажетті ең қысқа уақыт кезеңі ішінде ең аз тиімді емдік дозаны қолдана отырып барынша азайтуға болады.
Тенолиоф пен басқа ҚҚСП, соның ішінде циклооксигеназа-2 селективті тежегіштерін бір мезгілде тағайындаудан аулақ болу керек.
Жүрек-қантамырлық және церебралдық-васкулярлық әсерлер
Гипертензиясы және/немесе жүрек функциясының орташа іркілген жеткіліксіздігі бар пациенттерге тиісті бақылау жүргізу қажет, өйткені ҚҚСП емдеген кезде сұйықтықтың кідіруі және ісінулер туралы хабарланған.
Клиникалық және эпидемиологиялық зерттеулердің нәтижелері кейбір ҚҚСП қолдану (әсіресе жоғары дозаларда және ұзақ емдеген кезде) артериялық тромбоздық құбылыстардың (мысалы, миокард инфарктісі немесе инсульт) қаупінің шамалы жоғарылауын тудыруы мүмкін екенін көрсетеді. Теноксикам үшін мұндай қауіпті жоққа шығару үшін деректер жеткіліксіз.
Бақыланбайтын артериялық гипертензиясы, жүректің іркілген жеткіліксіздігі, жүректің диагноз қойылған ишемиялық ауруы, шеткері артериялардың ауруы және/немесе цереброваскулярлық аурулары бар пациенттерге, препаратпен ұзақ мерзімді емдеуді бастамас бұрын, жүрек-қантамыр ауруларының (мысалы, артериялық гипертензия, гиперлипидемия, қант диабеті, шылым шегу) даму қаупі факторлары бар пациенттерге Тенолиоф препаратын жағдайды мұқият талдағаннан кейін тағайындау керек.
Жүрек-қантамыр, бүйрек және бауыр функцияларының жеткіліксіздігі
ҚҚСП қолдану простагландиндердің түзілуінің дозаға тәуелді төмендеуіне әкелуі және бүйрек функциясының жеткіліксіздігін тудыруы мүмкін. Бұл реакцияның пайда болу қаупі диуретиктерді қабылдайтын пациенттерде немесе егде жастағы пациенттерде артады. Бұл пациенттердің бүйрек функциясына мұқият бақылау жүргізу керек.
Сарысу трансаминазаларының немесе бауыр функциясының басқа көрсеткіштерінің жоғарылауының сирек жағдайлары туралы хабарланды. Көп жағдайда олар кішігірім болды және қысқа уақыт ішінде қалыпты диапазоннан жоғары болды. Егер бұзылу маңызды немесе тұрақты болса, теноксикам препаратын қолдануды тоқтату және қайтадан талдаулар жүргізу керек. Бауыр ауруы бар пациенттерге ерекше назар аудару керек.
Сирек жағдайларда ҚҚСП интерстициялық нефритті, гломерулонефритті, папиллалық некрозды және нефроз синдромын тудыруы мүмкін. Бұл агенттер бүйрек простагландинінің синтезін тежейді, бұл бүйрек қанағымы мен қан көлемі азайған пациенттерде бүйрек перфузиясын сақтауда көмекші рөл атқарады. Бұл пациенттерде ҚҚСП енгізу бүйрек функциясының айқын жеткіліксіздігін тудыруы мүмкін, ол дәрілік затты қабылдауды тоқтатқаннан кейін емдеу курсының алдындағы жағдайға оралады. Бұл реакцияның ең үлкен қаупі бұрыннан бауыр ауруы (соның ішінде бүйрек функциясы бұзылған диабетиктерде), нефроз синдромы, жасушадан тыс сұйықтық көлемінің тапшылығы, бауыр ауруы, жүрек функциясының жеткіліксіздігі бар пациенттерде және диуретиктермен немесе ықтимал нефроуытты препараттармен қатар ем алатын пациенттерде болады. Бұл пациенттерде бүйрек, бауыр және жүрек функциясын бақылау қажет. Бұл пациенттерге препараттың мүмкіндігінше аз дозасын тағайындау ұсынылады. ҚҚСП анамнезінде жүрек функциясының жеткіліксіздігі немесе гипертония бар пациенттерге сақтықпен қолдану керек, өйткені ибупрофенді қолданумен байланысты ісінулердің пайда болуы туралы хабарланды.
Дерматологиялық әсерлер
ҚҚСП қолданумен байланысты терінің ауыр реакциялары туралы өте сирек хабарланды, олардың кейбіреулері өлімге әкеледі, соның ішінде эксфолиативті дерматит, Стивенс-Джонсон синдромы және уытты эпидермалық некролиз. Пациенттер емдеу басталғанда осы реакциялардың пайда болуының жоғары қаупіне ұшырайды: реакцияның басталуы көп жағдайда емдеудің бірінші айында болады. Тері бөртпесі, шырышты қабықтың зақымдануы немесе аса жоғары сезімталдықтың кез келген басқа белгілері пайда болған кезде препаратты қолдануды тоқтату керек.
Егде жастағы пациенттер
Егде жастағы пациенттерде ҚҚСП қабылдау аясында жағымсыз реакциялардың даму жиілігі жоғарылайды, әсіресе асқазан-ішектен қан кету және тесілу, бұл өлімге әкелуі мүмкін. ҚҚСП әсер етуі мүмкін бүйрек, бауыр және жүрек-қантамыр жүйесінің функциясын бағалау және қатарлас емдеумен ықтимал өзара әрекеттесулерді анықтау мақсатында егде жастағы пациенттерді үнемі бақылауға ерекше назар аудару керек.
Әйелдерде фертильділіктің бұзылуы
Теноксикам препаратын қолдану әйелдердің фертильділігінің бұзылуына әкелуі мүмкін және жүкті болғысы келетін әйелдерге ұсынылмайды. Бала көтеруде қиындықтар бар немесе фертильділік тексеруінен өтіп жүрген әйелдер препаратты тоқтату мүмкіндігін қарастыруы керек.
Асқазан-ішектен қан кету, ойықжараның пайда болуы және перфорация
ҚҚСП анамнезінде асқазан-ішек аурулары бар пациенттерге сақтықпен тағайындау керек. Өлімге әкелетін қаупі бар асқазан-ішектен қан кету, ойықжаралану немесе тесілу емдеудің кез келген кезеңінде, ескерту симптомдарымен немесе онсыз немесе анамнезінде бұрын асқазан-ішектің ауыр аурулары бар барлық ҚҚСП үшін тіркелген.
Асқазан-ішектен қан кету, ойықжараның пайда болуы немесе тесілу қаупі анамнезінде ойықжарасы бар пациенттерге, әсіресе ауыр қан кету немесе тесілу кезінде, сондай-ақ егде жастағы пациенттерде Тенолиофтың жоғары дозаларын қолданғанда жоғары болады. Бұл пациенттер емдеуді ең аз дозадан бастауы тиіс. Мұндай пациенттер мен ацетилсалицил қышқылының немесе басқа дәрілік заттардың қатарлас төмен дозасын қажет ететін пациенттер үшін асқорыту жолы үшін қаупін азайту мақсатында қорғаныс құралдарымен (мысалы, мисопрололмен немесе протон сорғысының тежегіштерімен) біріктірілген ем қолданылуы мүмкін.
Асқазан-ішек жолының уытты зақымдануы бар пациенттер, әсіресе егде жастағы адамдар, асқазан-ішек жола аймағында пайда болатын кез келген ерекше симптомдар туралы хабарлауы керек (әсіресе асқазан-ішектен қан кету туралы). Бұл әсіресе емдеудің бастапқы кезеңдерінде өте маңызды.
Пероральді кортикостероидтар, варфарин сияқты антикоагулянттар, серотонинді қайта сіңіретін селективті тежегіштер немесе ацетилсалицил қышқылы сияқты тромбоциттерге қарсы дәрілер сияқты ойықжараның пайда болу немесе қан кету қаупін арттыруы мүмкін препараттарды бір мезгілде қабылдайтын пациенттерге препаратты қабылдау кезінде сақ болу қажеттілігі туралы хабарлау қажет.
Тенолиофты қабылдайтын және асқазан-ішек жолы тарапынан бұзылу симптомдары байқалатын кез келген пациент мұқият бақылауда болуы керек. Пептидтік ойықжара немесе асқазан-ішектен қан кеткен жағдайда препаратты қолдануды дереу тоқтату керек.
Анамнезінде асқазан-ішек аурулары (ойықжаралы колит, Крон ауруы) бар пациенттерде ҚҚСП қолданғанда сақ болу керек, өйткені мұндай жағдайлардың өршуі мүмкін.
Гематологиялық әсерлер
Теноксикам тромбоциттердің агрегациясын төмендетеді және қан кету уақытын ұзартуы мүмкін. Мұны ауқымды операциялық араласудан өткен пациенттер жағдайында (мысалы, буындарды ауыстыру) және қан кету уақытын анықтау қажет болған кезде есте ұстаған жөн.
Офтальмологиялық әсерлер
Сондай-ақ, теноксикамды қоса, ҚҚСП қолдану кезінде көру ағзалары тарапынан жағымсыз әсерлер туралы хабарланды. Тенолиоф препаратымен емдеу кезінде көру қабілетінің бұзылуы дамыған пациенттер емдеуді тоқтатып, офтальмологиялық тексеруден өтуі керек.
Респираторлық бұзылулар
Бронх демікпесіне шалдыққан немесе анамнезінде бар пациенттерге Тенолиоф препаратын сақтықпен тағайындау керек, өйткені олар басқа пациенттерге қарағанда ҚҚСП-ға демікпенің өршуі сияқты аса жоғары сезімталдық симптомдарымен жауап береді.
Жүйелі қызыл жегі және дәнекер тіннің аралас аурулары
Жүйелі қызыл жегі және дәнекер тіннің аралас аурулары бар пациенттерде асептикалық менингиттің дамуының жоғары қаупі байқалуы мүмкін.
Қосымша заттар
Препарат құрамында натрий метабисульфиті бар, ол ауыр аса жоғары сезімталдық реакциялары мен бронх түйілуін тудыруы мүмкін.
Арнайы сақтандырулар
Егер Сізде белсенді затқа немесе препараттың кез келген қосымша затына аса жоғары сезімталдық болса, Тенолиоф препаратын қабылдамаңыз.
Жүктілік
Жүктілік және лактация кезінде теноксикамды қолданудың қауіпсіздігі анықталмаған, сондықтан препаратты осы жағдайларда тағайындауға болмайды.
Адамда ҚҚСП қолданудан туындаған туа біткен ауытқулардың пайда болуы туралы хабарланды, бірақ олардың жиілігі төмен және олардың пайда болуының белгілі бір заңдылығы анықталған жоқ.
Жүктіліктің 20-аптасынан бастап теноксикамды қолдану шараны бүйрегі функциясының бұзылуына әкелуі мүмкін, бұл суаздықты және кейбір жағдайларда жаңа туған нәрестеде бүйрек функциясының жеткіліксіздігін тудыруы мүмкін. Бұл емдеудің басында пайда болуы мүмкін және әдетте емдеуді тоқтатқаннан кейін қайтымды болады.
Сонымен қатар, ІІ триместрде ҚҚСП қолданғаннан кейін артериялық түтіктің тарылуы туралы хабарланды, ол көп жағдайда емдеуді тоқтатқаннан кейін басылды.
Теноксикам препаратын жүктіліктің I және II триместрінде, өте қажет жағдайларды қоспағанда, қолдануға болмайды. Егер теноксикамды жүкті болуға тырысып жүрген әйел қолданса немесе жүктіліктің I немесе II триместрінде қолданса, доза мүмкіндігінше төмен және емдеу ұзақтығы мүмкіндігінше қысқа болуы керек. Теноксикамның әсерінен кейін 20-гестациялық аптадан бастап бірнеше күн бойы суаздық пен артериялық түтіктің тарылуыа босанғанға дейін мониторинг жүргізуді қарастыру керек. Егер суаздық немесе артериялық түтіктің тарылуы анықталса, дәрілік препаратты қолдануды тоқтату керек.
Жүктіліктің ІІІ триместрінде простагландин синтезінің барлық тежегіштері қауіп тудыруы мүмкін:
Шарана үшін қауіптер:
- жүрек-өкпелік уыттылық (артериялық түтіктің мезгілінен ерте тарылуы/жабылуы және өкпе гипертензиясы)
- бүйрек функциясының бұзылуы (жоғарыдан қараңыз).
Жүктіліктің соңында ана мен жаңа туған нәресте үшін қауіптер:
- қан кету уақытының ықтимал ұзаруы, өте төмен дозаларды қолданғанда да пайда болуы мүмкін агрегацияға қарсы әсер
- жатырдың жиырылуының тежелуі, бұл босанудың кешеуілдеуіне немесе ұзаруына әкеледі.
Сонымен, теноксикам препаратын жүктіліктің ІІІ триместрінде қолдануға болмайды.
Лактация
ҚҚСП емшек сүтіне өте төмен концентрацияда енеді. Мүмкіндігінше бала емізу кезінде ҚҚСП қолданудан аулақ болу керек.
Теноксикамның адамның емшек сүтіне енуі туралы деректер жоқ; жануарларға жүргізілген зерттеулер айтарлықтай деңгейге жетуге болатындығын көрсетті.
Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Вертиго, бас айналу, ұйқышылдық, қажу немесе көру қабілетінің бұзылуы сияқты жағымсыз реакциялары байқалған пациенттер көлік құралдарын басқарудан немесе ықтимал қауіпті механизмдермен жұмыс істеуден бас тартуы керек.
