Тералиджен® ретард таблетки 20 мг

Бір таблетканың құрамында белсенді зат – алимемазин тартраты (тримепразин тартраты) – 20 мг қосымша заттар: микрокристалды целлюлоза (101 типі), гипромеллоза, коллоидты кремнийдің қостотығы, магний стеараты қабығы: ішінара гидролизденген поливинил спирті, титанның қостотығы Е 171, макрогол-3350, тальк, темірдің сары тотығы бояғышы Е 172, темірдің қызыл тотығы бояғышы Е 172. Сыртқы түрінің, иісінің, дәмінің сипаттамасы Дөңгелек, екі жақ беті дөңес пішінді, ақшыл-қоңыр түсті үлбірлі қабықпен қапталған таблеткалар. Көлденең қимасында ядросы ақ немесе ақ дерлік түсті.

• үрейлі бұзылыстар • атопиялық дерматит

Әсер ету механизмі Тыныштандыратын және анксиолитикалық әсеріне ми діңгегінің ретикулярлы формациясы адренорецепторларының блокадасымен байланысты. Құсуға қарсы және вегетотұрақтандырушы әсері құсу орталығының триггерлі аймағының дофаминдік D2-рецепторларының блокадасымен байланысты. Қышынуға қарсы әсері бірінші типті гистаминдік рецепторларға әсері етуімен байланысты. Фармакодинамикалық әсерлері Фенотиазин туындылары болып табылады. Алимемазин жеңіл тыныштандыратын және үрейленуге қарсы дәрі ретінде әсер етеді, сенестопатия, ығыр болу және қорқу кезінде жағымды әсер көрсетеді. Нейровегетативтік бұзылыстар, орталық жүйке жүйесі функциясының қантамырлық, жарақаттық және инфекциялық бұзылулары салдарынан болған психосоматикалық көріністерде қолданылады. Тыныштандыратын әсер осы санаттағы науқастарда ұйқының қалыпқа келуіне ықпал етеді. Антигистаминдік белсенділігіне байланысты алимемазинді, әсіресе тыныс алу жолдарының аллергиялық ауруларында және тері қышынуында қолданады. Алимемазин дипразинге қарағанда антигистаминдік және тыныштандыратын әсері бойынша белсенді. Құсуға қарсы және жөтелге қарсы белсенділікке ие. Клиникалық тиімділігі және қауіпсіздігі Клиникалық зерттеулерде алынған маңызды деректер жоқ. Балалар Қатысты емес (4.3 бөлімін қараңыз).

Дозалау режимі Препараттың әсері дозаға тәуелді сипатта болады, доза емдеу мақсатына сәйкес таңдап алынады. Вегетотұрақтандыратын әсерге қол жеткізу үшін тәулігіне 20-60 мг. Анксиолитикалық әсерге қол жеткізу үшін тәулігіне 20-80 мг. Тыныштандыратын әсерге бір реттік 20-60 мг қабылдаған кезде қол жеткізілуі мүмкін. Атопиялық дерматит кезінде: тәулігіне 20-40 мг. Ересектер үшін ең жоғары доза тәулігіне 500 мг, егде жастағы (60 жастан асқан) адамдар үшін – тәулігіне 200 мг құрайды. Енгізу әдісі мен жолы Ішке. Шайнамай қабылдау. Қабылдау уақыты көрсетілген қолдану жиілігі Препаратты 12 сағат аралықпен белгілі бір уақытта күніне бір рет немесе күніне екі рет қажетті дозада тағайындайды. Емдеу ұзақтығы Курстың емдеу ұзақтығы 2-ден 6-ға және одан көп айға дейінді құрауы мүмкін және ол дәрігермен анықталады. Дәрілік препараттың бір немесе бірнеше дозасын өткізіп алу кезіндегі қажетті шаралар Жекелеген дозларды өткізіп алғанда препараттың қосарлы дозасын қабылдау қажет емес. Тоқтату симптомдарының жағдайлары туралы осы уақытқа дейін хабарланған жоқ Дәрілік препратты қабылдамас бұрын дәрігерге кеңес алу үшін жүгініңіз.

• әсер етуші затқа немесе қосымша заттардың кез келгеніне аса жоғары сезімталдық • жабық бұрышты глаукома • қуықасты безінің гиперплазиясы • бауырдың және/немесе бүйректің ауыр жеткіліксіздігі • паркинсонизм • миастения • Рейе синдромы • моноаминоксидаза (МАО) тежегіштерін бір мезгілде қолдану • жүктілік және бала емізу кезеңі • 18 жасқа дейінгі балалар және жасөспірімдер (осы дәрілік түр үшін)

Жағымсыз әсерлері аса сирек және елеусіз білінеді. Белгісіз • ұйқышылдық, сылбырлық, тез қажығыштық (негізінен, қабылдаудың алғашқы күні туындайды және препаратты тоқтатуды сирек қажет етеді) әдеттен тыс реакция (мазасыздық, қозу, шым-шытырық қорқынышты түстер көру, ашушаңдық); сананың шатасуы, экстрапирамидалық бұзылыстар (гипокинезия, акатизия, тремор). • көздің анық көрмеуі (аккомодация парезі), құлақтағы шуыл немесе ызың. • бас айналу, артериялық қысымының төмендеуі (АҚ), тахикардия. • ауыз қуысы шырышты қабығының құрғауы, асқазан-ішек жолының атониясы, іш қату, тәбеттің нашарлауы. • мұрынның, жұтқыншақтың құрғауы, бронх секреті тұтқырлығының артуы. • қуық атониясы, несептің іркілуі. • аллергиялық реакциялар, сүйек кемігінде қан түзудің бәсеңдеуі, қатты терлеу, бұлшықеттің босаңсуы, фотосенсибилизация. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: аллергиялық реакцияларды қоспағанда, сипатталған жағымсыз әсерлер көріністерінің күшеюі. Емі: препаратты тоқтату, симптоматикалық ем.

Алимемазин бірге қолданылатын ДЗ отоуытты әсерін (құлақтағы шуыл, бас айналу) бүркемелеуі мүмкін. Алимемазин организмнің рибофлавинді қажетсінуін арттырады. Аллергендерге терілік скарификациялық сынамалар нәтижелерінің бүркемеленуіне жол бермеу үшін препарат қабылдауды аллергологиялық тестілеуден 72 сағат бұрын тоқтату керек. Емдеу кезеңінде жүктіліктің бар-жоқтығына жалған-оң нәтижелер болуы мүмкін. Емдеу кезеңінде алкогольді қабылдауға болмайды. Алимемазиннің жағымдылығын анықтау мақсатында тікелей босап шығатын дәрілік түрдегі Тералиджен препараттарын қабылдағаннан кейін әсері ұзаққа созылатын түрі қолданылуы мүмкін (таблеткалар, бұлшықет ішіне енгізуге арналған ерітінділер). Сақтықпен: Егер анамнезінде фенотиазинді қатардың препараттарын қолданған кезде; қуық мойнының обструкциясында; несептің кідіруіне бейімділікте; эпилепсияда; ашық бұрышты глаукомада; сарғаюда; сүйек кемігі функциясы бәсеңдегенде; артериялық гипотензияда асқынулар болса, алкоголизм кезінде препаратты сақтықпен қолдану керек. Арнайы ескертулер Жүктілік кезінде және лактация кезеңінде қолдану Жүктілік кезінде және бала емізу кезеңінде алимемазинді қолдануға болмайды. Егер жүктілік ем кезеңінде басталса, препарат қабылдауды тоқтату керек. Препаратты лактация кезеңінде қолдану қажет болған жағдайда бала емізуді тоқтату керек. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препаратпен емдеу аясында жоғары зейін қоюды және психомоторлық реакциялар жылдамдығын қажет ететін қызмет түрлерімен (автомобильді және басқа тасымал құралдарын басқару, қозғалыстағы механизмдермен жұмыс жасау, диспетчердің және оператордың жұмысы) айналысуға болмайды.

Нұсқаулықта көрсетілмеген.

Алимемазин есірткілік анальгетиктердің, ұйықтататын, анксиолитикалық (транквилизаторлар) және психозға қарсы (нейролептиктер) дәрілік заттардың (ДЗ), сондай-ақ жалпы анестезияға арналған ДЗ, м-холиноблокаторлардың және гипотензиялық ДЗ әсерлерін күшейтеді (дозаны түзетуді қажет етеді). Трициклді антидепрессанттар және антихолинергиялық ДЗ алимемазиннің м-холиноблокаторлық белсенділігін күшейтеді. Алимемазинді этанолмен бір мезгілде қолданғанда орталық жүйке жүйесінің басылуын күшейтуі мүмкін. Алимемазин фенамин туындыларының, м-холиномиметиктердің, эфедриннің, гуанетидиннің, леводопаның, допаминнің әсерін бәсеңдетеді. Алимемазинді эпилепсияға қарсы ДЗ және барбитураттармен біріктіріп қолданғанда құрысу белсенділігінің шегі төмендейді (дозаны түзетуді қажет етеді). Алимемазинді бета-адреноблокаторлармен бірге қолданғанда АҚ айқын төмендеуі, аритмия болуы мүмкін. Алимемазин бромокриптиннің әсерін бәсеңдетеді. Бала емізетін аналарға бір мезгілде қолданғанда қан сарысуындағы пролактиннің концентрациялары жоғарылауы мүмкін. Алимемазин және МАО тежегіштерін (бір мезгілде қолдану ұсынылмайды) және алимемазин мен фенотиазин туындыларын бір мезгілде қолданғанда артериялық гипотензияның және экстрапирамидалық бұзылыстардың туындау қаупі жоғарылайды. Алимемазинді сүйек кеміктік қан түзуді бәсеңдететін ДЗ-мен бір мезгілде қолданғанда миелосупрессия қаупі артады. Фенотиазин туындыларын (оларға алимемазин жатады) гепатоуытты ДЗ-мен бірге пайдалану соңғысының гепатоуыттылық біліністерін күшейтуі мүмкін.

Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары Түпнұсқалық қаптамасында (қорапшада), 25 °С-ден аспайтын температурада сақтау керек. Балалардың қолы жетпейтін жерде сақтау керек!