Терафлекс® Адванс капсулы

Бір капсуланың құрамында белсенді заттар: глюкозамин сульфаты 250 мг, хондроитин сульфаты (хондроитин натрий сульфаты түрінде) 200 мг, ибупрофен (ибупрофен қоспасы түрінде 66 %) 100 мг; қосымша заттар: силикатталған микрокристалды целлюлоза, желатинделген жүгері крахмалы, стеарин қышқылы, натрий крахмалы гликоляты, кросповидон, магний стеараты, поливинилпирролидон, кремнийдің қостотығы. капсула құрамы: желатин, титанның қостотығы (Е 171), көгілдір лак FD&C № 1 (Е133). Сыртқы түрінің, иісінің, дәмінің сипаттамасы Екі бөліктен: көк түсті қалпақшадан және ақ корпустан тұратын, қалпақшасында көк түсті «THERAFLEX» және корпусында «ADVANCE» жазуы бар, ақ немесе ақ дерлік ақ ұнтақпен толтырылған, әлсіз иісі бар, өлшемі № 00 мөлдір емес қатты желатинді капсулалар.

Ересектердегі остеоартритпен байланысты жеңіл немесе орташа ауырсыну симптомдарын жеңілдету.

Қабынуға қарсы/ ревматизмге қарсы препараттар. Қабынуға қарсы/ревматизмге қарсы препараттардың біріктілімі. АТХ коды: M01B Әсер ету механизмі және фармакодинамикалық әсерлер Ибупрофен циклооксигеназаның тежелуін, демек, ауырсынуды басатын, ыстық түсіретін және қабынуға қарсы әсері бар простагландиндер синтезінің тежелуін тудырады. Бұдан өзге, ибупрофен тромбоциттер агрегациясын қайтымды тежейді. Кейбір фармакодинамикалық зерттеулер ибупрофеннің бір реттік 400 мг дозаларын аспирин (81 мг) дереу босап шыққанға дейін 8 сағат ішінде немесе одан кейін 30 минут ішінде қабылдаған кезде тромбоксан аспиринінің тежелуінің немесе тромбоциттер антиагрегациясының төмендегені байқалғанын көрсетеді. Хондроитин мен глюкозамин эндогендік протеогликандардың да, эндогендік гиалурон қышқылының синтезін ынталандырады және хондроциттердің катаболизмдік әсерін төмендетеді, осылайша шеміршек регенерациясын арттырады. Сондай-ақ, олар коллагеназа, эластаза, протеогликаназа, фосфолипаза А2, N-ацетилгликозаминидаза сияқты шеміршекті зақымдайтын кейбір ферменттердің тежелуіне және супероксидті радикалдар сияқты басқа заттардың өндірілуін тежеуге немесе шеміршекке зиянды әсер көрсеткен лизосомалық ферменттердің әсерін азайтуға байланысты қабынуға қарсы әсерге ие. Клиникалық тиімділік және қауіпсіздік. Остеоартроздан зардап шегетін пациенттер қатысқан клиникалық зерттеулер хондроитинмен және глюкозаминмен емдеу ауырсыну және функционалдық бұзылулар сияқты остеоартрит симптомдарының бәсеңдеуіне немесе жеңілдеуіне әкелетінін көрсетті, осылайша зардап шеккен буындардың қозғалғыштығын жақсартады. Тиімділіктің негізгі дәлелі тізе буыны остеоартритінде көрсетілді және ішінара жамбас, білезік, қол ұшы және басқа буындардың остеоартрозында қайталанды. Тиімділігі мен қауіпсіздігі туралы дәлелдер тізе остеоартрозы бар пациенттерде ұзақ (үш жылдық) емдеуден кейін алынды.

Дозалау режимі Ересектер тәулігіне 3 рет 2 капсуладан, капсулаларды жеткілікті мөлшерде сумен ішіп, тұтастай жұту керек. Қабылдау ұзақтығы 10 күн. Ең жоғары күнделікті доза - 6 капсула. Егер симптомдар сақталса, күшейсе дәрігерге қаралу қажет немесе препаратты қабылдау қажет болса, 10 күннен астам уақыт ұсынылады. Терафлекс Адванс препаратымен емдеу курсынан кейін пациенттер Терафлекс капсуласымен емдеуді жалғастыра алады. Терафлекс Адванс симптомдар жеңілдегенге дейін қысқа уақыт ішінде ең аз тиімді дозада қолданылуы тиіс. Егер сізде инфекция болса және Терафлекс Адванс қабылдау кезінде қызба, ауырсыну сияқты симптомдар сақталса немесе жоғарыласа, дереу дәрігермен кеңесу керек (Арнайы ескертулер бөлімін қараңыз). Енгізу жолы және тәсілі Пероральді. Қабылдау уақыты көрсетілген қолдану жиілігі Тәулігіне 3 рет 2 капсуладан. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар «Қолдану тәсілі бойынша мәселе туындаған жағдайда медицина қызметкеріне хабарласыңыз».

• әсер етуші заттарға немесе 6.1 бөлімде көрсетілген қосымша заттардың кез келгеніне аса жоғары сезімталдық • бұрын ацетилсалицил қышқылына немесе басқа да қабынуға қарсы стероидты емес препараттарға аса жоғары сезімталдық реакциялары (мысалы, бронх демікпесі, аллергиялық ринит, ангионевроздық ісіну немесе есекжем) байқалған пациенттер. • анамнезінде пептидтік ойық жараның өршуі немесе қайталанатын ағымы/қан кету (ойық жара немесе қан кетуді растайтын екі немесе одан да көп эпизодтар). • алдыңғы қабынуға қарсы стероидты емес препараттармен (ҚҚСП) емге байланысты анамнездегі асқазан-ішектен қан кету немесе АІЖ ойық жарасының тесілуі. • жүрек жеткіліксіздігінің, бүйрек және/немесе бауыр жеткіліксіздігінің айқын ауырлық дәрежелері. • жүктіліктің соңғы триместрі және бала емізу. • балалар мен 18 жасқа дейінгі жасөспірімдер.

Ибупрофенді қолданумен байланысты жағымсыз реакциялардың даму жиілігі: өте жиі (1/10); жиі (1/100-ден 1/10-ға дейін); жиі емес (1/1000-нан 1/100-ге дейін); сирек (1/10000-нан 1/1000-ға дейін); өте сирек (< 1/10000) және жиілігі белгісіз (қолда бар деректер бойынша жиілікті анықтау мүмкін емес). Терафлекс Адванс дозалары белгіленген біріктірілген препаратты қолданумен байланысты жағымсыз реакциялардың даму жиілігінің көрсеткіштерін есептеу мүмкін емес, өйткені бұл деректер тіркеуден кейінгі кезеңде берілетін хабарламаларға негізделеді. Осылайша, көрсетілген жағымсыз реакциялар «жиілігі белгісіз» көрсеткішімен қосылады. Жағымсыз реакциялардың кестелік тізбесі Ағзалар жүйесінің класы (MedDRA) — Жағымсыз реакциялардың даму жиілігі және түрі Қан және лимфа жүйесі тарапынан бұзылулар — Өте сирек: қан түзудің бұзылуы (анемия, лейкопения, тромбоцитопения, панцитопения, агранулоцитоз). Мұндай бұзылулардың алғашқы симптомдары қызба, тамақ ауруы, ауыз қуысының беткейлік ойық жаралары, тұмауға ұқсас симптомдар, айқын әлсіздік, қан кету және шығу тегі белгісіз тері астындағы қан кетулер. Иммундық жүйе тарапынан бұзылулар — Жиі емес: есекжем, қышу, бөртпе. Өте сирек: жоғары сезімталдықтың ауыр реакциялары, оның ішінде анафилаксия (анафилаксиялық/анафилактоидтық реакциялар және шок), ангионевроздық ісіну (бет, тіл немесе көмей тіндерінің ісінуі), ентігу, тахикардия, артериялық гипотензия. Көп формалы эритеманы, Стивенс-Джонсон синдромын (СДС) және уытты эпидермальді некролизді (УЭН) қоса, эксфолиативті және буллезді дерматиттер. Жиілігі белгісіз: бронх демікпесінің өршуі және бронх түйілуі. Жүйке жүйесі тарапынан бұзылулар / психикалық бұзылулар — Жиі емес: бас ауыруы. Өте сирек: асептикалық менингит, әсіресе бұрын аутоиммунды аурулары бар пациенттерде (жүйелі қызыл жегі немесе дәнекер тінінің аралас аурулары). Жиілігі белгісіз: бас айналуы, ұйқышылдық. Көру мүшесі тарапынан бұзылулар — Жиілігі белгісіз: көру қабілетінің бұзылуы. Есту және тепе-теңдік мүшелері тарапынан бұзылулар — Жиілігі белгісіз: құлақтың шуылдауы. Жүрек-қантамыр жүйесі тарапынан бұзылулар — Жиілігі белгісіз: ісіну, артериялық гипертензия және жүрек жеткіліксіздігінің симптомдары ҚҚСП қолдану аясында тіркелген. Асқазан-ішек жолы тарапынан бұзылулар — Жиі емес: іштің ауыруы, жүрек айнуы, диспепсия. Сирек: диарея, метеоризм, іш қату, құсу. Өте сирек: пептидтік жара, тесілуі немесе асқазан-ішектен қан кету, мелена, қан құсу (кейбір жағдайларда өліммен аяқталады), әсіресе егде жастағы пациенттерде ойық жаралы стоматит пен гастрит дамуы мүмкін. Жиілігі белгісіз: ішектің жарғақша стриктуралары (әсіресе ұзақ емдеуде), колиттің және Крон ауруының өршуі. Бауыр мен өт шығару жолдары тарапынан бұзылулар — Өте сирек: бауыр функциясының өтпелі бұзылуы. Тері және тері асты шелінің тарапынан бұзылулар — Жиі емес: есекжем, қышу, бөртпе. Өте сирек: көп формалы эритеманы, Стивенс-Джонсон синдромын (СДС) және уытты эпидермальді некролизді (УЭН) қоса, эксфолиативті және буллезді дерматиттер. Бүйрек және несеп шығару жолының тарапынан бұзылулар — Өте сирек: жедел бүйрек жеткіліксіздігі және папиллярлық некроз (әсіресе ұзақ уақыт қолданғанда) қан плазмасындағы мочевина концентрациясының жоғарылауымен және ісінудің дамуымен бірге. Жиілігі белгісіз: бүйрек функциясының бұзылуы, нефроздық синдром, интерстициальді нефрит. Зертханалық және құрал-аспаптық деректер — Жиілігі белгісіз: қандағы аланинаминотрансфераза деңгейінің жоғарылауы, қандағы креатинин деңгейінің жоғарылауы, қандағы аспартатаминотрансфераза деңгейінің жоғарылауы, қандағы мочевина деңгейінің жоғарылауы, қандағы билирубин деңгейінің жоғарылауы. Әдебиетте сипатталған басқа да жағымсыз реакциялар: экстрасистолдар мен алопеция 1200 мг хондроитин сульфатын қолданған кезде байқалды, бірақ бұл жағдайлар өте сирек кездеседі. Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары. Пациенттердің көпшілігінде жүрек айну, құсу, эпигастрий ауыруы, сирек жағдайларда диарея дамиды. Сондай-ақ, құлақтың шуылдауы немесе шыңылдауы, бас ауыруы, асқазан-ішек қан кетуінің дамуы мүмкін. Анағұрлым ауыр улану кезінде орталық жүйке жүйесінің уытты зақымдануы байқалады, ол ұйқышылдық, сылбырлық, апноэ (әсіресе жас балаларда), кейде қозу және бағдардан адасу немесе кома түрінде көрініс табады. Бронх демікпесінен зардап шегетін пациенттерде ауру симптомдары өршуі мүмкін. Кейде пациенттерде құрысулар дамытады. Ауыр улану кезінде метаболизмдік ацидоз (бүйрек өзекшелерінің ацидозын қоса) және гипокалиемия дамуы мүмкін, протромбиндік уақыттың/ХҚҚ ұлғаюы да байқалуы мүмкін, айналымдағы ұю факторларымен айқаспалы өзара әрекеттесу салдарынан болуы мүмкін. Артериялық гипотензия, жедел бүйрек жеткіліксіздігі, бауыр паренхимасының зақымдануы, рабдомиолиз және гипотермия сияқты жағдайлар дамуы мүмкін. Көрсетілген симптомдар пайда болғанда препаратты қабылдауды тоқтатып, медициналық көмекке жүгіну керек. Емі. Тыныс алу жолдарының өткізгіштігін қамтамасыз ету және жүрек қызметі мен жағдайды тұрақтандыруға дейінгі негізгі физиологиялық көрсеткіштерді бақылау кіретін симптоматикалық және демеуші ем. Егер пациент препараттың ықтимал уытты мөлшерін қабылдағаннан кейін 1 сағат ішінде жеткізілсе, белсендірілген көмірді қолдануды қарастыру ұсынылады. Жиі немесе ұзақ құрысу ұстамаларын диазепамды вена ішіне енгізумен басу керек. Бронх демікпесінің өршуі кезінде бронходилитикалық препараттарды қолдану керек.

Препаратты асқазан-ішек жолы ағзалары тарапынан ауыруы кезінде адамдарға қолдану ұсынылмайды. Терафлекс Адвансты басқа қабынуға қарсы стероидты емес препараттармен бір мезгілде қолданудан аулақ болу керек. Ұлуларға аллергиясы бар пациенттерге препаратты сақтықпен қабылдау ұсынылады. Қант диабеті бар пациенттерге, әсіресе емдеудің басында, қандағы глюкоза деңгейін жиі бақылау ұсынылады. Арнайы ескертулер Бүйрек функциясының бұзылуында функционалдық жағдайының одан әрі нашарлауы байқалуы мүмкін. Бауыр функциясының бұзылуы уытты әсер ету және бүйректің зақымдану қаупін, сондай-ақ бауырдың өлімге әкелуі мүмкін ауыр реакцияларын арттырады. Бұл препарат ацетилсалицил қышқылының тромбоциттер агрегациясына тежейтін әсерін төмендетуі мүмкін, сондықтан кардиопрофилактика мақсатында ацетилсалицил қышқылын қабылдайтын пациенттерге препаратты қолдануды бастар алдында дәрігермен кеңескен жөн. Осы препаратты басқа ҚҚСП-мен, оның ішінде ойық жараның немесе қан кетудің даму қаупінің жоғарылауына байланысты циклооксигеназа-2 селективті тежегіштерімен, сондай-ақ басқа да жағымсыз реакциялармен бір мезгілде қолданудан аулақ болу керек. Жағымсыз реакциялардың даму қаупін симптомдарды басу үшін қажетті емдеудің ең қысқа мерзімі ішінде ұсынылған дозаны қолдану арқылы азайтуға болады. Инфекция кезіндегі сақтық шаралары. Егер сізде инфекция болса, фармацевтпен немесе дәрігермен сөйлесіңіз: Ибупрофен қызба және ауырсыну сияқты инфекция белгілерін жасыруы мүмкін. Сондықтан инфекция аясында қолданылатын Терафлекс Адванс оның көріністерін жасырып, тиісті емнің басталуын кейінге қалдыруы мүмкін, бұл асқыну қаупінің жоғарылауына әкелуі мүмкін. Бұл бактериялардан туындаған пневмонияда және желшешекпен байланысты бактериялық тері инфекцияларында байқалды. Егер сіз бұл дәріні инфекция кезінде қабылдасаңыз және инфекция симптомдары сақталса немесе нашарласа, дереу дәрігерге қаралыңыз. Егде жастағы пациенттер үшін сақтық шаралары. Егде жастағы адамдарда ҚҚСП қабылдау, әсіресе асқазан-ішектен қан кету және өлімге әкелуі мүмкін тесілу аясында жағымсыз реакциялар дамуының жоғары жиілігі байқалады. Асқазан-ішектен қан кету, ойық жараның түзілуі және тесілуі. ҚҚСП қабылдау кезінде асқазан-ішек қан кетуі, ойық жара немесе ойық жараның тесілуі туралы хабарланды. Асқазан-ішектен қан кетудің, ойық жара түзілуінің немесе, әсіресе қан кетумен немесе тесілумен асқынған тесілуінің даму қаупі анамнезінде ойық жара ауруы бар науқастарда, сондай-ақ егде пациенттерде ҚҚСД дозасының ұлғаюымен артады. Егер пациенттерде ибупрофен қабылдау аясында асқазан-ішектен қан кету немесе ойық жара пайда болса, препаратты қабылдауды тоқтату қажет. ҚҚСП анамнезінде созылмалы асқазан-ішек аурулары (ойық жаралы колит, Крон ауруы) бар науқастарға сақтықпен тағайындау керек, өйткені осы аурулардың өршуі мүмкін. Анамнезінде асқазан-ішек уыттылығы бар пациенттерге, әсіресе егде жастағы пациенттерге, әсіресе емдеудің бастапқы кезеңдерінде іштің барлық симптомдары (әсіресе асқазан-ішектен қан кету) туралы хабарлау керек. Препаратты ойық жараның немесе қан кетудің даму қаупін арттыруы мүмкін дәрілік препараттарды бір мезгілде қабылдайтын пациенттерге сақтықпен тағайындау керек: пероральді глюкокортикостероидтар, антикоагулянттар (мысалы, варфарин), серотонинді қайта қармаудың селективті тежегіштері немесе ацетилсалицил қышқылы сияқты антитромбоциттік препараттар. Жүрек-қантамыр аурулары мен шеткері ісіну кезінде натрийдің кідіруі. Артериялық гипертензиясы және/немесе жүрек жеткіліксіздігі бар пациенттерге анамнезінде емдеуді бастар алдында дәрігермен кеңескен жөн, өйткені ҚҚСП қолданған кезде сұйықтықтың кідіруі, артериялық қысымның жоғарылауы және ісіну сияқты симптомдар байқалады. Жүрек-қантамыр жүйесіне және ми қан айналым жүйесіне әсері. Эпидемиологиялық зерттеулердің деректері ибупрофенді төмен дозада (мысалы, ≤ 1200 мг/тәулік) қолдану артериялық тромбоздың даму қаупінің артуымен қатар жүретінін растамайды. Тері реакциясы. ҚҚСП қолдану аясында ауыр тері реакцияларының өте сирек жағдайлары, кейде өліммен аяқталатын, соның ішінде эксфолиативтік дерматит, Стивенс-Джонсон синдромы және уытты эпидермальді некролиз байқалған. Тері бөртпесінің алғашқы көріністерінде, шырышты қабықтың зақымдануында немесе аса жоғары сезімталдықтың басқа симптомдарында препаратты қабылдауды тоқтатыңыз. Иммундық реакциялар. Бронх демікпесінен зардап шегетін пациенттерде глюкозаминмен емдеуді бастағаннан кейін симптомдардың өршуі байқалды. Осылайша, глюкозаминмен емдеуді бастайтын бронх демікпесінен зардап шегетін пациенттер симптомдардың ықтимал өсуі туралы хабардар болуы тиіс. Ибупрофен бронх түйілуін тудыруы мүмкін және бронх демікпесінің ұстамаларын немесе басқа аса жоғары сезімталдық реакцияларына түрткі болуы мүмкін. Қауіп факторларына бұрын диагноз қойылған бронх демікпесі, поллиноз, мұрын полиптері, ацетилсалицил қышқылына сезімталдық немесе тыныс алу жүйесінің созылмалы ауруы жатады. Бұл ибупрофенді немесе басқа ҚҚСП қолдану аясында аллергиялық реакциялар (мысалы, тері реакциялары, терінің қышуы, есекжем) байқалатын пациенттерге де қатысты. Басқа ақпарат. Жүйелі қызыл жегі (ЖҚЖ) және дәнекер тіннің аралас аурулары бар пациенттерде асептикалық менингиттің даму қаупі жоғары.

Ибупрофенді жүктіліктің бірінші және екінші триместрінде тағайындау қажет болған жағдайда ғана мүмкін болады. Жүктіліктің соңғы триместрін және емшек емізу кезеңінде қолдануға болмайды. Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері Көлік құралдарын басқару және қауіпті механизмдермен жұмыс істеу қабілетіне әсерін зерттеу жүргізілген жоқ. Ұсынылған дозаларды және емдеу ұзақтығын сақтай отырып, препаратты қолдану кезінде болжамды әсердің болмауына қарамастан, пациенттерді көлік құралын басқаруды немесе механизмдермен жұмыс істеуді бастар алдында реакцияның өзіндік жылдамдығын бағалау қажеттігі туралы ескерту керек.

Жағымсыз реакциялар қаупінің ықтимал артуына байланысты ибупрофен мен ацетилсалицил қышқылын бір мезгілде қолдану ұсынылмайды. Ацетилсалицил қышқылымен біріктіріп қолдану кезінде ибупрофен ацетилсалицил қышқылының төмен дозаларының тромбоциттер агрегациясына әсерін бәсекелі түрде бәсеңдетуі мүмкін. Жүрек-қантамыр қаупі жоғары пациенттерде ибупрофенді ұзақ уақыт қолдану ацетилсалицил қышқылының кардиопротекторлық (антиагрегантты) әсерін төмен дозаларда төмендетуі мүмкін. Ибупрофенді эпизодтық қолдану кезінде маңызды клиникалық әсерлер байқалмайды. Екі немесе одан да көп ҚҚСП бір мезгілде қолдану жағымсыз құбылыстардың даму қаупін арттыруы мүмкін. Осы препарат антикоагулянттардың, мысалы варфариннің әсерін күшейте алады. ҚҚСП гипертензияға қарсы препараттар мен диуретиктердің әсерін әлсіретуі мүмкін. Бүйрек функциясы бұзылған кейбір пациенттерде (мысалы, сусызданған пациенттерде немесе бүйрек функциясы бәсеңдеген егде жастағы пациенттерде) АӨФ тежегіштерін немесе ангиотензин II рецепторларының блокаторларын циклооксигеназа тежегіштері класынан алынған препараттармен бір мезгілде қолдану, әдетте қайтымды сипатқа ие бүйректің жедел жеткіліксіздігінің ықтимал дамуын қоса, бүйрек функциясының одан әрі нашарлауына әкелуі мүмкін. Өзара әрекеттесудің көрсетілген түрлерін АӨФ тежегіштерімен немесе ангиотензин II рецепторларының блокаторларымен бір мезгілде коксибтер тобындағы препаратты қабылдайтын пациенттерде ескерген жөн. Мұндай біріктірілімді, әсіресе егде жастағы пациенттерге сақтықпен тағайындау керек. Пациенттер тиісті гидратацияны қамтамасыз етуі және біріктірілген емнің бастапқы кезеңінде, сондай-ақ кейіннен белгілі бір кезеңділікпен бүйрек функциясын бақылау туралы мәселені қарауы қажет. Диуретиктер ҚҚСП нефроуытты әсер ету қаупін арттыруы мүмкін. Калий жинақтаушы диуретиктер - гиперкалиемия дамуының жоғары қаупі. Глюкокортикостероидтар, тромбозға қарсы препараттар және серотонинді кері қармаудың селективті тежегіштері (СКҚСТ) - асқазан-ішектен қан кетудің немесе ойық жараның пайда болуының жоғары қаупі. Жүрек гликозидтері - ҚҚСП жүрек жеткіліксіздігінің симптомдарын өршітуі, шумақтық сүзіліс жылдамдығын төмендетуі және қан плазмасындағы гликозидтер концентрациясын арттыруы мүмкін. Литий - қан плазмасындағы литий концентрациясының ықтимал жоғарылауы. Метотрексат - қан плазмасындағы метотрексат деңгейінің жоғарылауы мүмкін. Циклоспорин - нефроуыттылықтың жоғары қаупі. ҚҚСП мифепристонды қолданғаннан кейін 8-12 күн бұрын қолданбаған жөн, өйткені олар оның тиімділігін төмендетуі мүмкін. ҚҚСП мен такролимусты біріктіріп қолданған кезде нефроуыттылық қаупінің жоғарылауы мүмкін. ҚҚСП мен зидовудинді біріктіріп қолданған кезде гематологиялық уыттылық қаупінің жоғарылауы. Гемофилиядан зардап шегетін және зидовудинмен және ибупрофенмен қатар ем алатын АИТВ жұқтырған пациенттерде гемартроз мен гематоманың даму қаупінің артуын растайтын деректер бар. ҚҚСП және хинолондарды қабылдайтын пациенттерде құрысулардың туындау қаупі жоғары болуы мүмкін. Ибупрофенді алкогольмен қабылдаған кезде асқазан-ішек жолының шырышты қабығының зақымдану және асқазан-ішектен қан кету қаупінің жоғарылауы.

Сақтау мерзімі 3 жыл. Жарамдылық мерзімі өткеннен кейін қолдануға болмайды. Сақтау шарттары 25С-ден аспайтын температурада сақтау керек. Балалардың қолы жетпейтін жерде сақтау керек!