Терафлю суық тиюден және тұмаудан порошок

Нұсқаулықта көрсетілмеген.

• ересектерде тұмаудың және суық тиюдің қысқа мерзімді симптоматикалық емі (мұрын және мұрын қуыстарының бітелуі, тұмаурату, түшкіру, тамақтың ауыруы, бас ауыруы, бұлшықеттің ауыруы және мұрынның қосалқы қойнауларының ауырсынуы, жоғары температура)

Нұсқаулықта көрсетілмеген.

Дозалау режимі Ересектер (егде жастағы адамдарды қоса): әр 4 сағат сайын 1 пакеттен. Қабылдаулар арасындағы ең төмен аралық – 4 сағат. Ең жоғары тәуліктік доза: 24 сағаттың ішінде 3 пакет. 24 сағат ішінде 3 пакеттен артық қолдануға болмайды. Ұсынылған дозадан асыруға болмайды. Емнің ең қысқа кезеңінде нәтижеге қол жеткізу үшін қажетті препараттың ең аз дозасын қолдану керек. Енгізу әдісі мен жолы Ішке. Бір пакеттің ішіндегісін 1 стақанда (шамамен 250 мл) ыстық сумен еріту керек. Ыстық күйінде қолдану керек. Дозаны қайтадан 4 сағаттан ерте қабылдамау керек. Терафлю суық тиюден және тұмаудан тәуліктің кез келген уақытында қолдануға болады, бірақ ең жақсы әсер препаратты түнде ұйқыға дейін қабылдаған кезде беріледі. Пациенттердің ерекше топтары Бүйрек функциясының бұзылуы бар пациенттер: креатинин клиренсі 50 мл/мин және одан жоғары болғанда препаратты қабылдаудың арасындағы ең төмен аралық – 4 сағат, 10-50 мл/мин – 6 сағат, 10 мл/мин кем – 8 сағат. Емдеу ұзақтығы Дәрігердің кеңесінсіз қолданудың ең көп ұзақтығы – 3 күн. Артық дозалану жағдайында қабылдау қажет болатын шаралар Терафлю суық тиюден және тұмаудан артық дозалануы симптомдары, әдетте, парацетамолдың артық дозалануына байланысты болады.

• әсер етуші заттарға немесе ұқсас субстанцияларға (мысалы, пропацетамолға) немесе кез келген қосымша заттарға аса жоғары сезімталдық. • бауыр функциясының күрделі бұзылуы (бауыр циррозы, асцит), жедел гепатит, бауырдың декомпенсацияланған аурулары • туа біткен гипербилирубинемия (Жильбер синдромы) • моноаминооксидаза тежегіштерін (МАО) қабылдауды бір мезгілде немесе жақында тоқтату (2 апта ішінде) • эпилепсия • 18 жасқа дейінгі балалар мен жасөспірімдер.

Жиі • жүректің айнуы және құсу • күйгелектік • мелшею, бас ауыруы, ұйқысыздық Жиі емес • эритема, есекжем, терінің қызаруы Сирек: • аллергиялық тромбоцитопения (кейде геморрагиялармен және қан кетумен), лейкопения, агранулоцитоз, панцитопения, нейтропения, гемолиздік анемия • аллергиялық дерматит, есекжем, Квинке ісінуі (ангионевроздық ісіну), ентігу, бронх түйілуі, тершеңдік, жүректің айнуы, артериялық қысымның төмендеуі, анафилаксиялық шок сияқты аса жоғары сезімталдық реакциялары. «Аспиринді» демікпесі бар немесе ацетилсалицил қышқылына жағымсыздықтың басқа да көріністері бар пациенттердің аздаған үлесі (5-10%) парацетамолға (анальгетикалық демікпе) ұқсас реакцияға ие болуы мүмкін. • ұйқышылдық ** • аса қозу жай-күйі (күйгелектік, мазасыздық, ұйқының бұзылуы) • тахикардия, жүректің соғу сезімі, артериялық гипертензия • ауыздың құрғауы, іш қату, асқазандағы ауырлық сезімі • бауыр ферменттері деңгейінің артуы • экзема, пурпура, эритема, тері бөртпесі, қышыну • жабықбұрыштыглаукоманыңөршуі(жабықбұрыштыглаукома анықталған пациенттерде едәуір ықтимал), мидриаз • несеп шығарудың іркілуі (әсіресе қуық асты безінің гипертрофиясы сияқты қуық обструкциясы бар адамдарда), дизурия Өте сирек • Стивенс-Джонсон синдромы және уытты эпидермальді некролиз (Лайелл синдромы) Жиілігі белгісіз • анафилаксиялық реакциялар • лейкопения, тромбоцитопения, гемолиздік анемия • антихолинергиялық симптомдар, қимыл-қозғалыс үйлесімінің бұзылуы, тремор, есте сақтаудың немесе зейін қоюдың жоғалуы*, тепе-теңдіктің бұзылуы*, сылбырлық*, седативті әсер** • елестеулер, сананың шатасуы • ортостаздық гипотензия • мидриаз, аккомодация бұзылуы • несеп шығарудың іркілуі *егде жастағы адамдарда болуы ықтимал **емдеудің басында едәуір айқын Жоғарыда көрсетілген жағымсыз реакциялар пайда болған жағдайда, сондай-ақ терінің қабыршықтануы, ауыз қуысында ойық жаралардың пайда болуы, тыныс алудың қиындауы, еріннің, тілдің, тамақтың және беттің ісінуі, гематома, қан кету немесе препаратқа кез келген басқа жағымсыз реакциялар болса препаратты қабылдауды дереу тоқтатып, дәрігермен кеңесу керек. Бұл симптомдар сирек немесе өте сирек кездеседі. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары Жүрек айнуы, құсу, іштің ауыруы, тәбеттің болмауы, жалпы өзін-өзі нашар сезіну, бозару, қатты тершеңдік, кейіннен қозумен, ұйқышылдық, әсіресе балаларда кешеуілденген қозу. Сондай-ақ көрудің бұзылуы, тері бөртпесі, жүректің айнуы, құсу, диарея, бас ауыруы, қан айналымының бұзылуы, кома, құрысулар (әсіресе балаларда), естен тану, артериялық қысымның жоғарылауы және брадикардия пайда болуы мүмкін. Емі Уыттануға күдік болған кезде емдеу тез арада басталуы тиіс және келесі шараларды қамтуы тиіс: • асқазанды шаю (артық дозаланудың алғашқы 1-2 сағат ішінде ғана орынды), содан кейін белсендірілген көмірді қабылдау керек. • N-ацетилцистеин немесе метионинді пероральді қабылдау. Антидотты оральді түрде қолдану мүмкін емес немесе жеткіліксіз шамада (алғашқы 8 сағаттың ішінде дұрыс) мүмкін болатын кезде (мысалы, қатты құсу, сананың бұлыңғырлануына байланысты) N-ацетилцистеинді вена ішіне енгізуге болады. N-ацетилцистеин 16 сағаттың ішінде белгілі бір әсер етуі мүмкін • артериялық қысым төмендеген кезде вазопрессорлық препараттарды қолдануғаболады.Артериялыққысымжоғарылағанжағдайдаα- адренорецепторлардың блокаторларын вена ішіне қолдануға болады. Қажет болған жағдайда дәрілік препаратты қолдану тәсілін түсіндіру үшін медицина қызметкерінен кеңес алу ұсынылады.

Құрамында парацетамол бар. Құрамында парацетамол бар басқа препараттармен бір мезгілде қабылдауға болмайды. Басқа ісінуге қарсы немесе антигистаминді препараттарды бір мезгілде қолданудан аулақ болу керек. Препаратты қабылдар алдында сақ болу керек және дәрігермен кеңесу керек: • бауыр және/немесе бүйрек жеткіліксіздігі кезінде. Бауырдың негізгі ауруы парацетамолды қабылдаудан туындаған бауырдың зақымдану қаупін арттырады. • глутатион тапшылығы, өйткені парацетамолды қабылдау метаболизмдік ацидоз қаупін арттыруы мүмкін • бауырға потенциалды уытты әсер ететін немесе бауыр ферменттерін индукциялайтын препараттарды бір мезгілде қабылдау • жүрек-қантамыр жүйесі аурулары • артериялық гипертензия • қант диабеті (1 пакетте шамамен 20 г қант бар) • гипертиреоз • жабық бұрышты глаукома • феохромоцитома • қалдық несептің түзілуімен қуық асты безінің қатерсіз гиперплазиясы • артериялардың окклюзиялайтын аурулары (мысалы, Рейно синдромы) Бір мезгілде келесі дәрілік заттарды қабылдайтын пациенттерге сақ болу керек: • бета-блокаторлар немесе басқа гипертензияға қарсы дәрілер • трициклді антидепрессанттар • басқа симпатомиметиктер • дигоксин және жүрек гликозидтері • қастауыш алкалоидтары (мысалы, эрготамин және метисергид). Егде жастағы пациенттерге сақтықпен қолдану керек, өйткені олар жағымсыз әсерлердің дамуына едәуір бейім. Сананың шатасуынан зардап шегетін егде жастағы пациенттерге қолдануға болмайды. Ұсынылған дозалардан асып кету бауырдың өте ауыр зақымдану қаупін арттырады. Парацетамолмен артық дозалануы бауыр жеткіліксіздігін тудыруы мүмкін, ол бауырды ауыстырып салуды талап етуі немесе өлімге әкелуі мүмкін. Өте сирек жағдайларда парацетамолдың өліммен аяқталуы мүмкін терінің ауыр реакцияларын (мысалы, Стивенс-Джонсон синдромы, уытты эпидермальді некролиз) тудыруы мүмкін. Алғашқы тері реакциялары немесе жоғары сезімталдықтың басқа да белгілері (мысалы, демікпе, ентігу, қан айналыммен байланысты мәселелер, тері мен шырышты қабықтың ісінуі) пайда болған кезде дәрілік затты қолдануды тоқтату керек. Препаратты қолданған кезде алкогольді ішімдіктерді тұтынудан тартыну керек, себебі алкоголь парацетамолмен бірге бауырдың зақымдануын туындатуы мүмкін. Ауырсынуды басатын дәрілерді дәрігердің тағайындауынсыз ұзақ уақыт бойы қолдануға болмайды. Егер ауырсыну ұзақ уақыт бойы сақталса, дәрігерге жүгіну керек. Ауырсынуды басатын препараттарды ұзақ уақыт бойы қабылдау (әсіресе бірнеше препараттың әртүрлі белсенді заттармен үйлесуі) бүйрек жеткіліксіздігінің (анальгетикалық нефропатия) пайда болу қаупімен бүйректің қайтымсыз зақымдануына әкелуі мүмкін. Анальгетиктерді ұзақ уақыт бойы үнемі қолданған кезде бас ауыруының пайда болуы мүмкін (анальгетикалық бас ауыруы), бұл ауырсынуды басатын препараттарды қайта қабылдауға алып келеді. Глутатион деңгейі төмен пациенттерде (мысалы, аштық, анорексия, дене салмағының төмен индексі, алкогольді созылмалы тұтыну, сепсис кезінде) парацетамолды қолдану метаболизмдік ацидоздың қаупін арттыруы және бауыр жеткіліксіздігіне әкелуі мүмкін. Метаболизмдік ацидоздың белгілері: терең, жиірек және ауыр тыныс алу, жүрек айнуы, құсу, тәбеттің жоғалуын қамтиды. Егер осы симптомдардың бірігуі болса, дереу дәрігермен кеңесу керек. Мұндай жағдайларда дәрігердің кеңесі қажет: • тыныс алу проблемалары, мысалы, демікпе, эмфизема немесе созылмалы бронхит кезінде, • егер симптомдар 3 күн бойы сақталса немесе 3 күннен астам уақытқа созылатын қатты қызбамен, терідегі бөртпемен немесе тұрақты бас ауыруларымен қатар жүрсе. Арнайы сақтандырулар Қосымша заттар туралы ақпарат Сахароза Терафлю суық тиюден және тұмаудан бір пакетінің ішінде 20 г қант (сахароза) бар. Қант диабетінен зардап шегетін пациенттерге сақ болу керек. Фруктозаның сирек тұқым қуалайтын жағымсыздығы, глюкоза-галактоза мальабсорбциясы немесе сахараза-изомальтаза жеткіліксіздігі бар пациенттерге бұл дәрілік затты қолдануға болмайды. Натрий 1 пакетте 28,3 мг натрий бар, бұл ДДҰ ұсынған ересектерге арналған 2 г натрийдің ең жоғары тәуліктік дозасының 1,4% баламалы. Мұны төмен тұзды диетаны сақтайтын пациенттерге ескеру керек. Бояғыштар Құрамында аллергиялық реакцияларды тудыруы мүмкін «Күн батар түстес» сары (E110) бояғышы бар. Педиатрияда қолдану 18 жасқа дейінгі балалар мен жасөспірімдерге қолдануға болмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Фенирамин кейбір пациенттерде ұйқышылдықты, сылбырлық, көрудің бұлыңғырлануын, когнитивті функцияның және қимыл-қозғалыс үйлесімінің бұзылуын туындатуы мүмкін: алкогольдің немесе басқа да седативті дәрілердің әсерінен олар күшейтілуі мүмкін, автомобильді басқару немесе механизмдермен жұмыс істеу қабілетінің күрделі бұзылуы мүмкін.

Жүкті әйелге/анаға күтілетін пайдасы шарана/нәресте үшін потенциалды қауіптен жоғары болған жағдайларды қоспағанда, жүктілік және бала емізу кезінде қолдануға болмайды. Ең аз тиімді дозаны және ең қысқа қолдану кезеңін сақтай отырып, дәрігер жүргізген «пайда және қауіп» арақатынасын бағалаудан кейін ғана қолдану керек.

Парацетамол • гепатоуытты заттар парацетамолдың жинақталу және артық дозалану қаупін арттыруы мүмкін. Фенобарбитал, фенитоин, карбамазепин, изоникотин қышқылының гидразиді (изониазид, ИНҚГ) және рифампицин сияқты бауыр ферменттерінің индукторлары парацетамолдың гепатоуыттылығын арттырады. • алкогольді жоғары дозаларда созылмалы тұтыну парацетамолдың гепатоуыттылығын арттыруы мүмкін. • асқазанның босатылуын баяулататын дәрілік заттар (мысалы, пропантелин) абсорбция жылдамдығын төмендетеді. • асқазанның босатылуын жеделдететін дәрілік заттар (мысалы, метоклопрамид) парацетамолдың абсорбция жылдамдығын арттырады және оның плазмадағы ең жоғары деңгейін арттырады. Сол сияқты парацетамол мен домперидонның абсорбция жылдамдығын арттыруы мүмкін. • хлорамфеникол (левомицетин): парацетамол хлорамфениколдың жартылай ыдырау уақытын 5 есе арттырады. • ламотриджин: бауыр метаболизмін индукциялай отырып, парацетамол ламотриджиннің биожетімділігін төмендетуі және оның әсер ету уақытын қысқартуы мүмкін. • салициламид парацетамолдың жартылай ыдырау уақытын және гепатоуытты метаболиттердің пайда болуын арттырады. • хлорцоксазон: парацетамол мен хлорцоксазонды бір мезгілде қабылдау екі заттың да гепатоуыттылығын арттырады • зидовудин: зидовудин мен парацетамолды бір мезгілде қабылдау нейтропения қаупін арттырады • пробенецид парацетамолдың глюкурон қышқылымен конъюгациясын баяулатады және парацетамолдың клиренсінің азаюына әкеледі. Оларды бір мезгілде қабылдаған кезде парацетамолдың дозасын азайту керек • колестирамин: колестираминді бір мезгілде қабылдағанда парацетамолдың абсорбциясы төмендеуі мүмкін. Сондықтан колестираминді бір сағатқа кейінірек қабылдау керек • парацетамолды ұзақ уақыт бойы тұрақты қабылдау қан кету қаупін арттыра отырып, варфариннің және басқа да кумариндердің антикоагуляциялық әсерін күшейтуі мүмкін. Тұрақсыз қабылдаған кезде мұндай әсер болмайды. Фенирамин Фенирамин орталық жүйке жүйесін бәсеңдететін препараттардың әсерін күшейтуі мүмкін (МАО тежегіштері, трициклды антидепрессанттар, алкоголь, Паркинсон ауруына қарсы препараттар, барбитураттар және нейролептиктер). Фенирамин антихолинергиялық әсер етеді және басқа препараттардың антихолинергиялық әсерін күшейтуі мүмкін. Седативті дәрілерді бір мезгілде қабылдағанда сақ болу керек. Фенирамин антикоагулянттардың (кумарин туындылары) тиімділігін төмендетуі мүмкін. Фенилэфрин Фенилэфринмоноаминоксидазатежегіштерініңәсерінкүшейтуіжәне гипертониялық кризді тудыруы мүмкін. Фенилэфринді басқа симпатомиметиктермен немесе трициклды антидепрессанттармен (мысалы, амитриптилинмен) бір мезгілде қолдану жүрек-қантамыр жүйесі тарапынан жағымсыз әсерлердің қаупін арттыруы мүмкін. Гипертония немесе жүрек-қантамыр жүйесі тарапынан басқа да жағымсыз әсерлердің қаупін арттыра отырып, фенилэфрин бета-блокаторлардың және басқа гипертензияға қарсы дәрілердің (мысалы, дебризохин, гуанетидин, резерпин, метилдопа) әсерін азайтуы мүмкін. Фенилэфринді дигоксинмен және басқа жүрек гликозидтерімен бір мезгілде қолдану аритмияның немесе жүрек ұстамасының пайда болу қаупін арттыруы мүмкін. Қастауыш алкалоидтарымен (эрготамин, метисергид) бір мезгілде қолдану эрготизм қаупін арттыруы мүмкін.

Сақтау мерзімі 2 жыл Жарамдылық мерзімі өткеннен кейін қолдануға болмайды. Сақтау шарттары 25 °С-ден аспайтын температурада сақтау керек. Балалардың қолы жетпейтін жерде сақтау керек!