ТЕРФАЛИН® спрей 1%

Бір құтының ішінде белсенді зат - 0,3 г тербинафин гидрохлориді, қосымша заттар: этанол 96 %, макрогол (Eumulgin B2), пропиленгликоль (монопропиленгликоль), тазартылған су. Сыртқы түрінің, иісінің, дәмінің сипаттамасы Мөлдір түссіз сұйықтық.

- табан дерматомикоздарында (табан «зеңі», «атлет табаны» немесе Tinea pedis) - Trichophyton (оның ішінде T.rubrum, T.mentagrophytes, Т.verrucosum, T.violaceum) және Epidermophyton floccosum сияқты дерматофиттер туындатқан дененің тегіс терісі (tinea cruris) мен ірі қатпарларының (tinea cruris) зеңдік зақымдануында

Тербинафин аллиламиннің зеңге қарсы кең ауқымды әсері бар синтетикалық туындысы болып табылады. Тербинафин әсері зеңнің жасушалық жарғақшасындағы орналасқан скваленэпоксидаза ферментінің тежелуі есебінен зең жасушасында болатын стеролдар синтезінің ерте кезеңін басады, бұл эргостерол тапшылығына, скваленнің жасуша ішіне жинақталуы мен зең жасушаларының жойылуына әкеп соқтырады. Тербинафин аз мөлшердегі концентрацияларда Trychophyton (T.rubrum, T.mentagrophytes, T.verrucosum, T.violaceum, T.tonsurans), Microsporum canis және Epidermophyton floccosum, өңездік және ашытқы зеңдер (негізінен Candida albicans) сияқты дерматофиттерге және белгілі бір диморфты зеңдерге (Pityrosporum orbiculare немесе Malassezia furfur) қатысты фунгицидті әсер етеді. Ашытқы зеңдеріне қатысты белсенділігі түріне байланысты фунгицидті немесе фунгистатикалық болуы мүмкін. Тербинафин адамның Р450 цитохромы жүйесіне, тиісінше гормондар немесе басқа дәрілік препараттар метаболизміне әсер етпейді.

Дозалау режимі Ересектер және 16 жастан асқан балалар. Спрейді тәулігіне бір немесе екі рет қолданады. Қолданар алдында зақымданған бөліктерді мұқият тазалап, құрғату қажет. Препаратты зақымданған жерлерге 5-тен 10 см дейінгі аралықтан терінің өңделетін аймағы мен маңайындағы бөліктеріне жеткілікті мөлшерде бүрку керек. Емдеу бір апта бойына созылады. Клиникалық жақсаруы емдеудің алғашқы күндерінде басталады. Тұрақты емделмегенде немесе оны уақытынан бұрын тоқтатқанда инфекцияның қайталану қаупі бар. Егер бір аптадан кейін жақсару белгілері байқалмаса, ауру қоздырғышын және оның препаратқа сезімталдығын қайтадан анықтау керек. Егде жастағы пациенттер үшін дозалау режимін өзгертудің қажеті жоқ. Енгізу әдісі және жолы Сыртқа қолдануға арналған.

- әсер етуші затқа немесе қосымша заттардың кез келгеніне аса жоғары сезімталдық - жүктілік және бала емізу кезеңі - 16 жасқа дейінгі балаларға

Жиі (≥ 1/100-ден < 1/10 дейін) • препарат жаққан орындарда қышыну немесе терінің қабыршықтануы сияқты симптомдар байқалуы мүмкін. Мұндай елеусіз симптомдарды кең таралған қышыну, бөртпе, буллезді бөрту және есекжем сияқты ара-тұра болатын жағдайларда хабарланатын және препаратты тоқтатуды қажет ететін аллергиялық реакциялардан айыра білу керек. Жиі емес (≥ 1/1000-нан < 1/100 дейін) • терінің қызаруы және пигментация, ауыру және тітіркену, күйдіруді сезіну, эритема және эрозия Сирек (≥ 1/10 000-нан < 1/1000 дейін) • көздің тітіркенуі • терінің құрғауы, жанаспалы дерматит, экзема • зеңдік инфекция жағдайының нашарлауы Жиілігі белгісіз (< 1/10 000; туындау жиілігі белгісіз) • аса жоғары сезімталдық • бөртпе Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: бас ауыруы, бас айналуы, жүрек айнуы, құсу, іш тұсының ауыруы, бөртпе, жиі несеп шығару. Сондай-ақ, препарат құрамында этил спирті (28,7 % этил спирті) бар екендігін ескерген жөн. Емі: белсендірілген көмірді қабылдау және симптоматикалық, демеуші ем.

ТЕРФАЛИН® жергілікті қолдануға арналған 1 % спрей тек сыртқа қолдануға арналған, оны ішке, интраназальді қолдануға, офтальмологиялық практикада және қынап ішіне қолдануға болмайды. Деммен ішке тартудан аулақ болыңыз. Препаратты көздің шырышты қабығына тигізіп алмау керек. Препарат көзге түскен жағдайда оны тез арада ағын сумен шаю керек және қажет болса, дәрігермен кеңесу керек. Тітіркенген жағдайда, аллергиялық реакцияларда немес нашар сезінгенде препаратты қолдануды тоқтатып, тиісті ем тағайындау керек. Спирт және пропиленгликоль тітіркенуді туындататындықтан терінің зақымданған жерлеріне препаратты сақтықпен жағады. Егде жастағы адамдарға препарат дозасын өзгертуге немесе олардағы жағымсыз әсерлер жас пациенттердікінен ерекшеленеді деуге негіз жоқ. Препаратты осы жас тобындағыларға қолданғанда бауыр немесе бүйрек функциясының бұзылуы қатар жүруі мүмкін екендігін ескерген жөн. Инфекция жұқтырған дене бөліктері болғанда денеге жабысып тұратын тар киім киюге болмайды. Аяғында инфекциясы бар науқастар лайықты және ауа кіретін аяқ-киім киюлері керек. Аяқ-киім және қысқа шұлықты кем дегенде күніне бір рет ауыстыру керек. Жақсы клиникалық әсерге жету үшін емдеудің ұсынылған ұзақтығын орындау керек. Дененің инфекция жұқтырған жерлерінен басқа жерлеріне таралуын болдырмас үшін әрбір қолданғаннан кейін қолды жуу керек. Арнайы сақтандырулар Педиатрияда қолданылуы Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Анықталмаған.

Жүкті әйелдерге тиісті және жақсы бақыланатын сынақтар жүргізілген жоқ. Жүктілік кезінде сақтықпен және қатаң көрсетілім болғанда ғана қолданылуы керек. Тербинафин емшек сүтімен бөлінеді, сондықтан емдеу кезінде бала емізуді тоқтату керек. Қосымша заттар Құрамында этанол және пропиленгликоль (монопропиленгликоль) бар

Тербинафиннің жергілікті қолдануға қатысты дәрілермен өзара әрекеттестігі жайлы деректері жоқ. Алайда сақтану шаралары ретінде басқа дәрілік заттарды өңделген бөлімдерге қолданбау ұсынылады.

Құрғақ, жарықтан қорғалған жерде, 25ºС-ден аспайтын температурада сақтау керек. Балалардың қолы жетпейтін жерде сақтау керек!